استفسار ومساعدة جزاكم الله خير

[الـمـحـنـك]

حد يعرف شركة الزعفران للمقاولات انا على وشك ابني بيتي
وكلمني المقاول وعطاني سعر بخصوص بنيان عظم بلاستر
يليت تساعدوني لني مافهم في الأمور هاذي وخاف حد يغشني
حد عنده مقاول امين او شركه نثق فيها
ويليت حد يفهمني عظم بلاستر شنو
وسامحوني
وجزاكم الله خير

[Aaziz]

عظم يقصدون فيه بنيان البيت الاساسي ،، اعمده خرسانيه (الي هي من الارض ممتده بالطول لين فوق) و جسور الي هي عوارض خرسانيه بالعرض و الطابوق و الاسقف
وبلاستر الي هو الاسمنت الي يحطونه على الطابوق من داخل و خارج البيت

يعني لو تسوي فلتك عظم مع بلاستر ،، بيبقالك التشطيب و التوصيلات الكعربائيه و الماي .

انصحك اذا انك عليمي تخلي كل شي على المقاول ،، يعني تسليم مفتاح

وانتبه اذا انك ابيض ماعندك خبره كلش انك انت تتصدر كل القرارات ،، خل حد فاهم يساعدك في اختيار النوعيات المناسبه .

هذا الي اقدر افيدك فيه ... بالنسبه للشركه الي ارشحها لك .. هذي مسؤوليه و امانه
اتوقع الاخوان بيقترحون لك اسماء شركات ،، اذا ما استقريت بلغني بعطيك اسم شركه تبنيلي حاليا هو ممتازه

انصحك باستشاره ثلاث اعضاء ولا قصور في الباقين ،، الاخ معماري قطر و الاخ شموخ دائم و الاخ بن غيث و اتمنى مانسيت اسم حد من اساتذتنا المتميزين

[الـمـحـنـك]

عظم يقصدون فيه بنيان البيت الاساسي ،، اعمده خرسانيه (الي هي من الارض ممتده بالطول لين فوق) و جسور الي هي عوارض خرسانيه بالعرض و الطابوق و الاسقف
وبلاستر الي هو الاسمنت الي يحطونه على الطابوق من داخل و خارج البيت

يعني لو تسوي فلتك عظم مع بلاستر ،، بيبقالك التشطيب و التوصيلات الكعربائيه و الماي .

انصحك اذا انك عليمي تخلي كل شي على المقاول ،، يعني تسليم مفتاح

وانتبه اذا انك ابيض ماعندك خبره كلش انك انت تتصدر كل القرارات ،، خل حد فاهم يساعدك في اختيار النوعيات المناسبه .

هذا الي اقدر افيدك فيه ... بالنسبه للشركه الي ارشحها لك .. هذي مسؤوليه و امانه
اتوقع الاخوان بيقترحون لك اسماء شركات ،، اذا ما استقريت بلغني بعطيك اسم شركه تبنيلي حاليا هو ممتازه

انصحك باستشاره ثلاث اعضاء ولا قصور في الباقين ،، الاخ معماري قطر و الاخ شموخ دائم و الاخ بن غيث و اتمنى مانسيت اسم حد من اساتذتنا المتميزين

بيض الله وجهك وماقصرت على الرد
واخوي معماري قطر وشموخ وبن غيث مو مقصرين
اذ عن التشطيب امورك طيبه اقصد العظم بلاستر شلي فيه لن المقاول قال لي المطبخ والحمامات اعزكم الله مايركب لها بلاستر فحبيت استفيد وتفيدوني

[ولد الدفنه]

اخوي المحنك امسح الرسائل بارسل لك رساله والصندوق عندك مليان .

[Aaziz]

بيض الله وجهك وماقصرت على الرد
واخوي معماري قطر وشموخ وبن غيث مو مقصرين
اذ عن التشطيب امورك طيبه اقصد العظم بلاستر شلي فيه لن المقاول قال لي المطبخ والحمامات اعزكم الله مايركب لها بلاستر فحبيت استفيد وتفيدوني

الشيخ ابحث عن مشاركه للاخ معماري ،، هو عنده سلسله مواضيع يشرح فيها بالتفصيل كل الي تبيه ،، من بدايه اشتراطات العقد بينك و بين المقاول لين اخر التفاصيل ،،، على خبري هذي المواضيع حاطها في توقيعه
اقراها و راح تفهم السالفه من و الى
موفق

[Aaziz]

هذي مواضيعه خذ وقتك فيها
واذا عندك استفسار اسئله في موضوعه نفسه عشان الكل يستفيد
موفق خير

--------------

من مواضيعي المفضلة

http://www.qatarshares.com/vb/showthread.php?t=516132
http://www.qatarshares.com/vb/showthread.php?t=529820
http://www.qatarshares.com/vb/showthread.php?t=510591
http://www.qatarshares.com/vb/showthread.php?t=525614
العزل الحراري للمباني
http://www.qatarshares.com/vb/showthread.php?t=512291
العقود الهندسية
http://www.qatarshares.com/vb/showthread.php?t=536017
http://www.qatarshares.com/vb/showthread.php?t=511242

[الـمـحـنـك]

اخوي المحنك امسح الرسائل بارسل لك رساله والصندوق عندك مليان .
هلا وغلا
مسحت طال عمرك ارسل فديت خشمك

[الـمـحـنـك]

هذي مواضيعه خذ وقتك فيها
واذا عندك استفسار اسئله في موضوعه نفسه عشان الكل يستفيد
موفق خير

--------------

من مواضيعي المفضلة

http://www.qatarshares.com/vb/showthread.php?t=516132
http://www.qatarshares.com/vb/showthread.php?t=529820
http://www.qatarshares.com/vb/showthread.php?t=510591
http://www.qatarshares.com/vb/showthread.php?t=525614
العزل الحراري للمباني
http://www.qatarshares.com/vb/showthread.php?t=512291
العقود الهندسية
http://www.qatarshares.com/vb/showthread.php?t=536017
http://www.qatarshares.com/vb/showthread.php?t=511242

الله لايهينك يالغالي تعبت وانت ماقصرت وبيض الله وجهك

[Aaziz]

ماسوينا شي
واجب

[معماري قطري]

ما قصرت إِخوي عزيز وصراحة كنت متمني يتثبت موضوع العقود للكل يستفيد مع إِنه غلج شوي ومبهم

بالنسبة لصاحب الموضوع كثير من الشركات تطلع حتى تلفون ثابت ما عندها .. والقليل تبدأَ عملاقة وتاخذ مشاريع عملاقة ويكون لها مقر ومكاتب وادارة ومدراء مشاريع تتابع معاك .. وعقود ومحاسبة وما يقصرون بس يخلصونك ويعلمونك بأَي خلل أَو نقص في رسوماتك.

الفئة الأُولى تاخذ منهم كلام لكن فعلهم قليل وأَسهل شيء عندهم العظم وبعدين يجيك الكهربائي يحتد يكسر لو ما قدر يسلك ويتذمر ويرقع لك البلاستر ومعاه حق لأَن المقاول اللي خلص ورطه وراح .. البلاط يشتكي من عدم استواء البلاستر وكذلك الصباغ .. وهذا من أَولها قايل لك الحمامات والمطابخ بدون بلاستر ويمكن رايه صح لأَن السباك بيكسر ويمدد.

المفروض أَي كلام ينقال ينكتب في العقد أَو يكون مرسل بفاكس رسمي وفي محضر رسمي يحضره المالك والاستشاري والمقاول ويوقعون عليه كلهم ولكل واحد نسخة .. والمفروض المخططات تتماشى مع المواصفات ومع العقد وكل شيء يكون واضح وتنذكر الأَولوية لأَي وثيقة في حالة الاختلاف .. ويكون كل من الاستشاري والمقاول عنده نسخة من المواصفات القطرية وعارف أَي البنود الخاصة الضرورية في العقد.

رايي انا بعد ما تكون متفق مع استشاري زين تتفق عن طريقه على دعوة عدة مقاولين يكونون قادرين على اكمال الشغل بالكامل ويكونون متقاربين في الدرجة وتختار أَنسبهم بعد التفاوض .. وتاخذ البنيان تسليم مفتاح بس تخلي الحاجات اللي فيها اختيار عليك توريدها وبعض الحاجات مثل الصبغ والجبس والأَبواب والنوافذ تقدر تخليها عليك عن طريق مقاول ثاني لكن تشترط المقاول الأَساسي يتعاون معاه .. في حالة مثلاً قررت تركب بورسلان للصالات والمجلس والمطبخ والغرف سجاد تكون فيه مواصفات للشغل للأَرضيات وطريقة التركيب ومواد التركيب وتقول مثلاً إِن التوريد على المالك بكمية تزيد 5 أَو 10% وبحيث المقاول يستلم الكمية ويعاينها وينقلها للموقع ويحافظ عليها .. ولو زاد الهالك على الكمية المحددة 5 أَو 10% فالمقاول يتحمل يجيب الباقي بسبب عدم عنايته وسوء تركيبه .. نقاط الكهرباء والاضاءَة والمفاتيح تدقق على الرسومات وممكن تضاف كتابياً أَو تحدد في الموقع لكن باتفاق مسبق وبتسعير معين لكل وحدة من بداية العقد.

باقي المواصفات الفنية يتابعها الاستشاري والاستشاري دوم تكون عنده خبره وحنكه من ما مر عليه من مشاريع ويقدر ينصح بالمقاول الزين حسب معرفته به وتجاربه السابقة .. وإِدارة المفاوضات وتنسيقها عبر الاستشاري أَو في وجوده تكون أَفضل ومدروسة من كل جوانبها.

[Bozizoo]

اخوي المحنك انا مقاول ومهندس ما اقولك تعال عندي بابني لك
لكن حياك عندي بعطيك كل المعلومات الي تبيها والي يجب عليك ان تحصر انها تكون موجوده في العقد
وكيف تقدر تقيم مستوى اي شركه في الوقت الحالي
وبعطيك الزبده

[الـمـحـنـك]

اخوي المحنك انا مقاول ومهندس ما اقولك تعال عندي بابني لك
لكن حياك عندي بعطيك كل المعلومات الي تبيها والي يجب عليك ان تحصر انها تكون موجوده في العقد
وكيف تقدر تقيم مستوى اي شركه في الوقت الحالي
وبعطيك الزبده
بيض الله وجهك معماري قطر
وانت فيك البركه ومعلوماتك مهمه وابي استفيد منك اكثر اذ ممكن اذ ماعليك امر
BOzizoo طيب اخوي يليت وين نبي ناخذ لنا خبره قبل نبدى في شغل
ويليت اذ معماري قطر او اخواني حد يعطيني رقم مقاول شغله تمام ومنتظم في شغله يفيدني برقمه
وجزاكم الله خير واكثر من امثالكم

[معماري قطري]

بيض الله وجهك معماري قطر
وانت فيك البركه ومعلوماتك مهمه وابي استفيد منك اكثر اذ ممكن اذ ماعليك امر
BOzizoo طيب اخوي يليت وين نبي ناخذ لنا خبره قبل نبدى في شغل
ويليت اذ معماري قطر او اخواني حد يعطيني رقم مقاول شغله تمام ومنتظم في شغله يفيدني برقمه
وجزاكم الله خير واكثر من امثالكم

ووجهك أَبيض إِن شاء الله

بو زيزو ما قصر معاك ودوم اسمع من كم شخص وتحرك شوي سو زيارات للشركات وشوف مقر الشركة واستعدادها ولو عينة من شغلها .. وسو عقد متكامل مذكور فيه كل شيء .. أَما تخلي كل شيء في وقته بتتعب هشكل .. التصميم والعقد والمناقصة ككل عبارة عن خطة بناء تمشي عليها صح لتوصل لنتيجة جيدة ومريحة لك.

أَهل قطر ما يقصرون واللي موجودين في قطر من زمان بعد ما يقصرون ولا تتوقع مقاول عليه أَعباء مالية بيعطيك شيء برخيص وبيخسر نفسه .. دور مقاول يعطيك حقك وياخذ حقه ويكون واضح .. انا صدقني في بنيان بيتي تميت سنة لين استقريت على مقاول فيه الخير والغريبة كان مقاول كبير وسعر لي أَرخص من كثيرين من ربعي اللي شركاتهم بعضها سكرت .. ومعظمهم ما رضوا يسعرون حساب الكميات.

شركة تابعة لشركة كبيرة وعندهم مقرين فوق فوشون وثاني في الأَبراج .. ويكفي إِن نعرف الشركة الأُم مقاول رئيسي في الستي سنتر .. والشركة الأَصغر تاخذ عمارات صغيرة وبيوت .. إِشتغلت معاهم في بناء من حول 1999 وللحين الحمد لله ما فيه مشاكل هي شركة Glc غيرهم كونسيرف في العمارة اللي فوق بوكيه في السد .. وغير شركات كثيرة منهم شركة اشتغلوا لي شغل بسيط وسريع اسمها مافا ومديرها ومالكها قطري صديق لي.

فرغ نفسك كم يوم زور هالادارات بموعد وقابل المدراء وهم بيوضحون لك كل شيء .. بس مهم تحاول تخلي عقدك تسليم مفتاح وتحط استشاري جيد وببساطة الاستشاري الجيد لو طلبت منه يسوي لك اعادة تصميم للهيكل الخرساني بيوفر لك مبلغ كبير يمكن يوصل ل 200 أَلف وفوق حسب مساحة بيتك وحسب الكميات اللي حاطها استشاريك المصمم .. يعني ببساطة استشاري قليل خبره بيخسرك واستشاري خبير بياخذ منك مبلغ اشراف ممكن كبير لكن بيوفر لك مهندسين في كل التخصصات ومتابعة جيدة واستشاري رخيص بيلف ويدور مع المقاول وبيتفق معاه انه يوقع كل شيء بدون حتى زيارات بس بمقابل بسيط من المقاول.

[الـمـحـنـك]

الله يعطيكم العافية وماقصرتو وان شاءالله اتيسر الأمور
وجزاكم الله خير جميع

[معماري قطري]

الله يعطيكم العافية وماقصرتو وان شاءالله اتيسر الأمور
وجزاكم الله خير جميع

كل شيء سهل لا تهتم .. لو تبي نصايح أَكثر ومساعدة في اتخاذ القرار حط صيغة العقد ولو تقدر المواصفات والمخططات وبتحصل آراء وايد تاخذ اللي تحسه بيفيدك .. ولا تستعجل ركز شوي وخذ راحتك في النهاية البنيان توفيق من الله بس عليك أَن تسعى

[الـمـحـنـك]

معماري قطر
بارك الله فيك وماقصرت والله يسهل الأمور ويوفقنا ويوفقك طال عمرك
وشكرا للجميع

[إعلامي قطر]

..

يالمحنك نصيحه لوجه الله والله وبالله وتالله بتتذكرها
لاحقاً أبتعد مسافة مليون كيلو عن الجنسيات
العربيه وشوف لك مقاول باكستاني..

..

[مضارب دوسري]

..

يالمحنك نصيحه لوجه الله والله وبالله وتالله بتتذكرها
لاحقاً أبتعد مسافة مليون كيلو عن الجنسيات
العربيه وشوف لك مقاول باكستاني..

..

او هندي

[الـمـحـنـك]

ابشر طال عمرك والله يسهل الامور ولاهنت
عندك رقم مقاول ارسلها لي

[الـمـحـنـك]

الله يعطيكم العافيه اخوي اعلامي واخوي مضارب
عندكم ارقام مقاولين او شخص ثقه يليت تعطوني ارقامهم
وشكرا ماقصرتو والله لايهين الجميع

[إعلامي قطر]

..

فيه الله يسلمك باكستاني كان يبني لأخونا
أبو جمال أذكر كانوا يمدحونه جداً عليك به..

..

[إعلامي قطر]

..

تفضل الرابط:

http://www.qatarshares.com/vb/showthread.php?547572-%C8%E4%C7%C1-%E3%E4%D2%E1-%C7%E1%DA%E3%D1-%CE%D8%E6%E5-%C8%CE%D8%E6%E5-%C8%C7%E1%D5%E6%D1-(%E3%CA%CC%CF%CF)

بالتوفيق إن شاء الله..

..

[معماري قطري]

..

فيه الله يسلمك باكستاني كان يبني لأخونا
أبو جمال أذكر كانوا يمدحونه جداً عليك به..

..

الله يذكرك بالخير ذكرتني بإِخونا بو جمال .. بيني وبينه تحدي وشكله بيفوز قرب يوم 1 / 11 والظاهر خاش لنا مفاجأَة

[إعلامي قطر]

الله يذكرك بالخير ذكرتني بإِخونا بو جمال .. بيني وبينه تحدي وشكله بيفوز قرب يوم 1 / 11 والظاهر خاش لنا مفاجأَة

موضوعه انقفل للأسف والظاهر بوجمال إنشغل
ولا كنت متابع بقوه ومستمتع بنقاشاتكم !

عساك ع القوه أخوي معماري..

..

[معماري قطري]

موضوعه انقفل للأسف والظاهر بوجمال إنشغل
ولا كنت متابع بقوه ومستمتع بنقاشاتكم !

عساك ع القوه أخوي معماري..

..

الله يقويك ويبقيك .. انا متوقع إِنه قرب يخلص وإِحتمال خلص وبيعلمنا شصار معاه قريب

[الفني]

ابشر طال عمرك والله يسهل الامور طرشتلك
رقم المقاول باكستاني عندك على الخاص