غيرة الزوجة من الخادمة!

[حمد 2002]

السلام عليكم ورحمه الله وبركاته

غيرة الزوجة من الخادمة!!

عندما يهتم الرجل بحقوق الخادمة ويحث اهل بيته على الاهتمام بمطالبها
وعدم ارغامها على العمل طول اليوم وتركها لساعات تأخذ راحتها من العمل المستمر..

نجد ن بعض الزوجات يتضايقن من هذا الكلام ويعتبرن الزوج يهتم بالخادمة
بينما هو في الأساس يهتم بحقوقها كخادمة في المنزل.

نحن هنا لا نقول ان المرأة مقصرة في حق الخادمة، ولكن على الطرف الآخر
نجد كثيرا من الزوجات لا يقبلن عطف الزوج على الخادمة، ويعتبرن مثل هذا العطف
تعديا صارخا من الزوج في اختصاصات الزوجة واهتمام غير لائق بالزوج العمل به.

فهل صحيح ان الزوجات يغرن من الخادمات اذا ما اهتموا الأزواج بهن من باب العطف والشفقة؟

[يمامـة]

شوف يا حمد..................> الموضوع مب متعلق بالغيرة.. الموضوع ان الرجل لا يصير فيها حنيين زيادة عن اللزوم
مع الخادمات دام ان يحس ان مثل هالحنية امر ممكن تثير غيرة زوجته...........> بيتحسف صدقني.

فهو ممكن ينصح زوجته من غير تكرار وزيادة في طرح الموضوع او اهتمام مبالغ في الحنية..

نعم الخادمة لابد ان تكون لها حقوقها.. بس ما يصير يقعد على الغدى قبل ما يسأل عن عياله
يقول حق زوجته خليتوا غدى حق الخدامة؟ سويتوا لها حساب.. اخذوا من اكلي عطوها..
لا تاكلمون خلوها تاكل.. في الوقت اللي مثل هالأمور أصلا حاصلة والزوجة تدرك أهمية حقوق هالخادمة..

[راجي الْعفو]

وعليك ورحمة الله يالشهاب ..

أضْحَك الله سنك يا يمامة ..

اكتفي بهذا القدر ..

مع التحية ..

[طبيب قطري]

بيني وبينك ياحمد المفروض شؤون البيت ومن ضمنها الاشراف على الخدم واعطاءهم الاوامر ومراقبة شغلهم والاهتمام بمطالبهم شي من واجبات الزوجه.. الزوجه السنعه هي اللي تعرف تمشي امور بيتها وخدمها بحيث ماتدخل الزوج في مثل هالتفاصيل اللهم الا انه يدفع رواتبهم..
اما عاد الزوجه اللي ماتدري عن بيتها وش فيه فييضطر الزوج انه - فوق مشغولياته- انه يشوف الخدم ومشاكلهم!!

[الجـــوديّ]

طارق الحبيب له كلمة في هذا الموضوع بما معناه:


يقول ان الرجل الخليجي مصاب بازدواجية الشخصية

يعطف على الخادمة ويشفق عليها ولكنه لا يعطف على زوجته ويشفق عليها اذا قامت بنفس الأعباء !

[يمامـة]

طارق الحبيب له كلمة في هذا الموضوع بما معناه:


يقول ان الرجل الخليجي مصاب بازدواجية الشخصية

يعطف على الخادمة ويشفق عليها ولكنه لا يعطف على زوجته ويشفق عليها اذا قامت بنفس الأعباء !

ما عليج من طارق الحبيب ... مشكلجي يشحن الحريم ضد الريايل..

ليسوا كل رجال الخليج كذلك,, سواء بالشفقة على الخادمة او عدم الشفقة على الزوجة
في رجال يشفقون ويساعدون في اعمال البيت مع انهم مساكين رادين من دواماتهم..

ومبروك الانيو لوك يا الجودي..

[الجـــوديّ]

يبارك فيج الملكة :)

امممم بصراحة انا شفت النوعين
الفئة اللي تقولين عنها قليلة ... الله يبارك فيهم ويكثر من امثالهم

اعتقد الزوجة ما تغار بقدر انها تدير بيتها وتمنع فيه اي بادرة من بوادر الخراب
هو عينه على الخدم الرجال وهي عينها على الخدم الحريم
ولا يكثر وايد علشان ما يشتغل الوسواس فيها

[بصمة قطرية]

الخادمة المفروض الزوج ما يتدخل فيها خير شر
يترك أمرها للزوجة
الخدم و إدارة البيت من إختصاص الزوجة
بالتالي هي اللي تحدد القوانين و النظام اللي يمشي عليه البيت ..

ما عنده سالفة الرجال اللي بيتدخل
في سوالف الخدم ..

[اهل قطر]

الخادمة المفروض الزوج ما يتدخل فيها خير شر
يترك أمرها للزوجة
الخدم و إدارة البيت من إختصاص الزوجة
بالتالي هي اللي تحدد القوانين و النظام اللي يمشي عليه البيت ..

ما عنده سالفة الرجال اللي بيتدخل
في سوالف الخدم ..
صدقتي

[ضوى]

ليش سميتها غيرة ؟! ليش ماتكون حفاظ على رجولته وهيبته كرجل في البيت ، وانه يترفع عن هالامور وموكلها لام عياله ؟! هذا هو الصح الريال عليه يشرب وياكل وينام ويسولف مع هله والله يعطيه الف عافية اما سالفة شغالات لا طبعا ماله دخل الا بالراتب اللي يسلمه لام عياله عشان تعطيهم فقط لا غير

[ANONYMOUS]

كلكم راع ومسؤول عن رعيته


طبعا و لأنه جزء من حديث مابيعجب حد

[romoz]

الرجل ما له دخل في الخادمة

غريب من يتكلم في امور الخادمات من الرجال

[ريتويت]

اي صراحه انا اغار علي زوجي من الخدامه الاثيوبيه

[بومحمد المطاوعه]

ههههههههه

حمد والله انت داهيه


بكره ان شاءالله بناقش

[بومحمد المطاوعه]

كلكم راع ومسؤول عن رعيته


طبعا و لأنه جزء من حديث مابيعجب حد

احسنت والله
هالجواب الي بيخلي البعض اعمى

[R 7 A L]

المفروض الزوجة هي الي تتعامل مباشرة مع الخادمة
والزوج للامور الكبيرة حتى تعمل له الخادمة الف حساب

[مشاكل]

المفروض الزوجة هي الي تتعامل مباشرة مع الخادمة
والزوج للامور الكبيرة حتى تعمل له الخادمة الف حساب
واذا كانت الزوجة قاسية على الخادمة ولاترعوي لنصائح الزوج ،، هل يقف الزوج مكتوف الايدي ؟

[بصمة قطرية]

واذا كانت الزوجة قاسية على الخادمة ولاترعوي لنصائح الزوج ،، هل يقف الزوج مكتوف الايدي ؟

يسفر الخدامة

[الجـــوديّ]

واذا كانت الزوجة قاسية على الخادمة ولاترعوي لنصائح الزوج ،، هل يقف الزوج مكتوف الايدي ؟


^

يطلع منها .... تعمر

بحكم ان المعزبة معاها طول اليوم .. وراعي البيت ماشاف من الموقف الا دقايق
ممكن ينصح عقب ما ينتهي الموقف بس علشان ماتناحسه المعزبة

[R 7 A L]

واذا كانت الزوجة قاسية على الخادمة ولاترعوي لنصائح الزوج ،، هل يقف الزوج مكتوف الايدي ؟

خل العلاقه بينهم تخرب حتى لو تسفرها
بس لقنها درس اذا تبي غيرها خلها كم شهر تكرف لين تجي غيرها بعدها بتحرم تكون قاسية

[بصمة قطرية]

^

يطلع منها .... تعمر

بحكم ان المعزبة معاها طول اليوم .. وراعي البيت ماشاف من الموقف الا دقايق
ممكن ينصح عقب ما ينتهي الموقف بس علشان ماتناحسه المعزبة

مرات الخدامة تستقوي و تتطاول على ربة البيت
إذا كان رب البيت يتحامى لها و يدافع عنها
و ينقز و يتدخل في كل صغيرة و كبيرة
وقتها الخدامة تصير فرعون على راعية البيت
لأنها واثقة في حد بيوقف معاها حتى لو كلنت غلط ..!!
لهالسبب نقول الرجال ما له دخل في الخدامة
هاي إختصاص الزوجة
هو عليه الدريول ..

[ضوى]

فعلا فيه حريم اعوذ بالله كانهم استعبدوا الخدم ، كانهم رقيق ، هنا لازم يراقب عدل الزوج من غير تدخل لين يتأكد من ظلم مرته على الشغاله ويعاقب مرته ان قدر ويعطي الخدامة حق ناس تعاملهم بانسانيه اكثر منها ويخليها بدون شغاله اذا كانت القوامة له بالبيت

[بومحمد المطاوعه]

مايجوز تسفير الخادمه ان كانت الزوجه شيطانه فالبيت
من ناحيه الأسلوب

شذنبها الفقسره المسكينه

تركت ابنائها لكسب المال
تركت زوجها لكسب المال


يجب على الزوجه الشريه ان تتقي الله في نفسها مع هؤلاء الفقاره

اما ان كانت الخادمه شريه

بشوتها لبلادها واجيب غيرها

[بومحمد المطاوعه]

خل العلاقه بينهم تخرب حتى لو تسفرها
بس لقنها درس اذا تبي غيرها خلها كم شهر تكرف لين تجي غيرها بعدها بتحرم تكون قاسية

اي والله صدقت

الي ماتشكر ربها على وجود الخادمه
مساعدتها في البيت

خلها تحس بغسول الصحون وتنظيف الصاله

والله الي مب متعوده اتحداها تشتغل

[الجـــوديّ]

آلوووو اليمامة ... :telephone: انا شقلت لج ؟

[راجي الْعفو]

طيب يا أحبة ..

وش الحلول الايجابيه اللي بتخفف من هالغيره ؟

[الجـــوديّ]

مرات الخدامة تستقوي و تتطاول على ربة البيت
إذا كان رب البيت يتحامى لها و يدافع عنها
و ينقز و يتدخل في كل صغيرة و كبيرة
وقتها الخدامة تصير فرعون على راعية البيت
لأنها واثقة في حد بيوقف معاها حتى لو كلنت غلط ..!!
لهالسبب نقول الرجال ما له دخل في الخدامة
هاي إختصاص الزوجة
هو عليه الدريول ..

حريم وينيازون مع بعض
ان شاءالله يتذابحون .. بيردون يحبون بعض ويتفاهمون

يسوي خير.. ويتم بعيد أحسن :whistling:

[الجـــوديّ]

طيب يا أحبة ..

وش الحلول الايجابيه اللي بتخفف من هالغيره ؟



^

حضرته يتم بعيد علشان المعزبة ماتعمى وتحط الحرة في الفقيرة المسكينة

[راجي الْعفو]

^

حضرته يتم بعيد علشان المعزبة ماتعمى وتحط الحرة في الفقيرة المسكينة

هذا حل من الحلول المقترحة ..

: تم بعيد يا امعزب ..

احسنتي اخت الجودي و هدي الأعصاب ..

( ابتسامه )


وننتظر الحلول الاخرى ..

[الجـــوديّ]

كوووووول يا شيخنا :whistling: بس لحد يجيب طاري الغيرة

لان فارق الشبه بين الثنتين كبير :sneaky:

[همر]

اهتمام الرجل بالخادمه جزء من اهتمامه بحقوق المرأه

وقضاياها ومناقشتها يومياً ...

ولا اشرايك يا حمدتو ثاوزند اند تو ؟!! :whistling:

[دايموند]

اي صراحه انا اغار علي زوجي من الخدامه الاثيوبيه

اي حتى انا اغار ع ريلي من خدامتنا الكينيه :shy:


تهقين هم يغارون علينا من الدريوليه :secret:

[ودي أكون]

شدخل الغيره ف موضوع الخدم !

مره مرتين يسأل الزوج من باب ان الخدامه جديده بنقول معليه .. اما اذا هالشيء دايم .. هالشيء مايبيله غيره او او او ..؟
لان المسأله مو مسألة غيره .. مسأله تطور السؤال الى علاقات محرمه ..!
المسأله مسأله الخوف من احساس او ظن الخدامه بأن سؤال المعزب هو اهتمام واعجاب فيها !؟ الخ

ومانبي نغوص اكثر فالموضوع لان الكل عارف السوالف الباقيه واللي صارت وسمعنا فيها كلنا ..

انت ك ريال لك بالدريول .. حدودك تبتدي من الحوش ورايح .. اما داخل البيت هو من اختصاص المدام

اذا انت ك كفيل شفت ان المدام شادة مع الخدامه او الخدامه تعبانه او اشتكت اوماتاكل .. لك حق تدخل وتسال بس مودايم السؤال .. اما اذا الخدامه ما اشتكت ولا باين عليها شيء .. ف خلك كزوج ف حدودك احسن وهي ف حدودها احسن ..

ويفضل اذا بتسأل عن الخدامه تسأل من ورا الخدامه، تسأل ام العيال
واذا بتسأل الخدامة جدام ام العيال .. ف ماتقولها كليتي شربتي .. لا
اتقولها انتي زين داخل يبت والا يبي بيت ثاني .. اذا مافي زين او في مشكله قولي .. واذا قالت لا بابا كل شيء زين .. خلاص انتهى دورك اخونا الكريم

وفالاخير ..


خذتوا الموضوع,.. غيرة الزوجه على الخدامه! .. ماخذوتها من ناحية ان الزوجة اتغير على زوجها ! وماتحبه يسأل وايد الا عنها ..!

الله المستعان

[حمد 2002]

شوف يا حمد..................> الموضوع مب متعلق بالغيرة.. الموضوع ان الرجل لا يصير فيها حنيين زيادة عن اللزوم
مع الخادمات دام ان يحس ان مثل هالحنية امر ممكن تثير غيرة زوجته...........> بيتحسف صدقني.

فهو ممكن ينصح زوجته من غير تكرار وزيادة في طرح الموضوع او اهتمام مبالغ في الحنية..

نعم الخادمة لابد ان تكون لها حقوقها.. بس ما يصير يقعد على الغدى قبل ما يسأل عن عياله
يقول حق زوجته خليتوا غدى حق الخدامة؟ سويتوا لها حساب.. اخذوا من اكلي عطوها..
لا تاكلمون خلوها تاكل.. في الوقت اللي مثل هالأمور أصلا حاصلة والزوجة تدرك أهمية حقوق هالخادمة..

احسنتي ياحكيمه المنتدى ،، :)


بارك الله فييييييج والى الامام ،،، :victory:

[حمد 2002]

وعليك ورحمة الله يالشهاب ..

أضْحَك الله سنك يا يمامة ..

اكتفي بهذا القدر ..

مع التحية ..

نبي منك المزيد من الاسهاب بالكتابه يالذيب ،،


بارك الله فييييييك ،،

[Rider]

لو الامر للمرأة فقط كان كل شهر مسفره خدامة وجايبه خدامة ولو العصمة بيدها كان طلقت الرجل كل يوم الرجل لازم يكون له دور في بيته في النهائية الخادمة من ضمن مسؤليات الرجل لكن مب سوالف وضحك مع الخدامة حنا نتكلم عن الحقوق

[Alshoog84]

مرات الخدامة تستقوي و تتطاول على ربة البيت
إذا كان رب البيت يتحامى لها و يدافع عنها
و ينقز و يتدخل في كل صغيرة و كبيرة
وقتها الخدامة تصير فرعون على راعية البيت
لأنها واثقة في حد بيوقف معاها حتى لو كلنت غلط ..!!
لهالسبب نقول الرجال ما له دخل في الخدامة
هاي إختصاص الزوجة
هو عليه الدريول ..


اشكر حياتج

[OREO]

من حق الرجل يسأل عن خادمته و احوالها لانها انسانه مثلنا ,,

الفرق كبير مابين رجل البيت يسأل زوجته عن احوال الخادمة وحتى لو كان بشكل مستمر و مابين رجل البيت يسأل الخادمة عن احوالها بشكر مباشر بشكل مستمر ..

بعض الحريم للأسف لا يجيدون التصرف اللائق مع الخادمات فلذا لابد من رجل البيت التدخل في هذه الحالات ,,

[راجي الْعفو]

نبي منك المزيد من الاسهاب بالكتابه يالذيب ،،


بارك الله فييييييك ،،

ما انردك يالشهاب ..

من رايي القاصر ..

ان الاصل المتقرر عند الكل ان كل ما يتعلق بالخادمة من أمور يكال أمره للزوجه ..

ومن ضمن ذلك .. الحفاظ على حقوقها و مراعاة ظروفها .. فهي انسانة في نهاية المطاف ..

و قد تكون مسلمة أيضا فيكون الاهتمام بمثل هذه الامور آكد ..

وقد يضطر الرجل الى التدخل احيانا عند الحالات المستعصية لا اكثر ..

اما غيرة النساء من الخدم ..فهو امر قد يكون حاصلا .. وله أسباب ..

من خلال الحالات اللي مرت علي .. رأيت الغيرة عند ( بعضهن وهم قلة طبعا )

سببها حسن معاملة الخادمة وتدبيرها لامور الزوج من ترتيب الامور الاساسية التي يحتاجها في يومه في مقابل تقصير زوجته ..

( ولست هنا بصدد الككلام عن المرأة و إنما التعرض لبعض أسباب الموضوع )

ومن أسبابها ، وهو سبب منتشر في البيوت و لابد من التصدي له ، ألاوهو ( السحر ) أجارنا الله جميعا ..

فتجد الخادمة تصنع السحر للزوج او الزوجة ، مما يؤدي إلى تقلب المزاج و سوء الأفعال ..

أما مسألة الغيرة من غير أسباب مبررة .. فلا أتصور أن لها وجودا في الواقع ..

وبالتالي يابوشهب .. موضوعك بكبره غير وارد !

( امزح )

مع التحية ..

[أسد الجزيرة]

بعض الغيرة من الخدم توصل للقتل و صارت

[بومحمد المطاوعه]

من حق الرجل يسأل عن خادمته و احوالها لانها انسانه مثلنا ,,

الفرق كبير مابين رجل البيت يسأل زوجته عن احوال الخادمة وحتى لو كان بشكل مستمر و مابين رجل البيت يسأل الخادمة عن احوالها بشكر مباشر بشكل مستمر ..

بعض الحريم للأسف لا يجيدون التصرف اللائق مع الخادمات فلذا لابد من رجل البيت التدخل في هذه الحالات ,,

صادق بارك الله فيك
البعض الله يهديهم يسترخص فالخادمه الفقيره المسكينه

التي في حال سبيلها والتي تركت ابنائها واهلها لتخدمك بملغ 900 ريال


الله يهديهم هالنساء اللاتي لايحشمون الخدم المساكين
ولكن بعض الخدم يستاهلون ان يتسفرون ويتخذ فيهم اجراء قانوني

[حسن]

والله ان تعاملي مع الخدامات نادر جدا ويمكن تجي شهر ما كلم خدامه
مالي شغل فيهم
شغلي منظم ومرتب وكلن ماخذ دوره والخدمات بعد الساعه 7 مايدخولون الفله خير شر
الا نادر
دخولهم محدود الصباح ويمكن الى لالساعه 10 فقط وفتره الغدا وبس وبعهدا من 4 العصر
لترتبيب البيت

يعني انسان نظامي

بالنسبه لي عندي لكشمي الصراحه غير هذه تعتبر عندي عضو مؤسس
اما سوسي لا توه من سنه

بعض الملخطين من الازواج تشوف تعامله كل مع الخدامه في كل شي
هذه شفتها بس حالات نادره

ولا المدام وش دورها سومان ديقه يعني


حمد انت وش علاقتك مع الخدامه يعني الجنس الاخر !!


:victory:

[h9466]

خل العلاقه بينهم تخرب حتى لو تسفرها
بس لقنها درس اذا تبي غيرها خلها كم شهر تكرف لين تجي غيرها بعدها بتحرم تكون قاسية
فعلا علاج ناجح جدا وفعال ومجرب ،،،

[أسد الجزيرة]

البعض من الحريم يطلعون عقدهم في الشغالات

[حسن]

البعض من الحريم يطلعون عقدهم في الشغالات

فعلا والله يااسد الجزيره هذه حقيقه

واذا تبي تعرفهم من يسماههم

بتشوف كل شهر شهرين مغيرين خدامات والله اذكر وشخصيه مرموقه كان كل اسبوعين
خدامات ومسندر الموظف اللي معانا بحكم عندهم مكتب خدم
الصراحه كان نوع من استغلال الوظيفه
ذاله ذل مسكين

الله فكره وراح وظيفه ثانيه مرموقه

ازواج جبناء ماكان يقدر يقول حق المراءه ستوب
تعسا وسحقا لهيك ازواج

:)

[بوحارب]

من حق الرجل يسأل عن خادمته و احوالها لانها انسانه مثلنا ,,

الفرق كبير مابين رجل البيت يسأل زوجته عن احوال الخادمة وحتى لو كان بشكل مستمر و مابين رجل البيت يسأل الخادمة عن احوالها بشكر
مباشر بشكل مستمر ..

بعض الحريم للأسف لا يجيدون التصرف اللائق مع الخادمات فلذا لابد من رجل البيت التدخل في هذه الحالات ,,


نفس الرد بالملللللللي :)

[الحياة الخالدة]

يا جماعة ركزوا شوي
الموضوع مش عن الزواج بالخادمة
الرجاء العودة لصلب الموضوع

عاهد .. لا تشتط وايد

[عاهد بن علي]

يا جماعة ركزوا شوي
الموضوع مش عن الزواج بالخادمة
الرجاء العودة لصلب الموضوع

عاهد .. لا تشتط وايد

وعليج السلام ورحمة الله وبركاته يا اختي

[حسن]

يا جماعة ركزوا شوي
الموضوع مش عن الزواج بالخادمة
الرجاء العودة لصلب الموضوع

عاهد .. لا تشتط وايد

:funny:

هو المفروض عاهد مايفتي في هذا الموضوع بحكم انه لا يملك الخبره
في موضوع الخدم وبحكم انه ماعنده

فاخذته العزه بالاثم

:(


عاهد روح مناك يبا الاستراحه في موضوع منتاز لك

يدرونك هناك

:telephone:

[Locale]

الريال المفروض مايتدخل فالخادمه خير شر
الا في الشده لازم يعطيها العين الحمره عشان تستعدل
ابوي مشيخ خدامة امي وكانت ماتتحيجى
لين هزأتها جدام ابوي في شغلها وانصدمت الظاهر تحسب اني ماراح اكلمها جدام ابوي
وعقبها اصطلبت
الخدم بعضهم يستغلون تعاطف الرجل وياهم
ماينعطون ويه غير الشده ما ينفع وياهم

[عاهد بن علي]

[QUOTE=حسن;9793192]:funny:

هو المفروض عاهد مايفتي في هذا الموضوع بحكم انه لا يملك الخبره
في موضوع الخدم وبحكم انه ماعنده

فاخذته العزه بالاثم

:(


عاهد روح مناك يبا الاستراحه في موضوع منتاز لك

يدرونك هناك

وين ؟؟؟؟؟escape

[Dmy Enabi]

الغيرة بالنسبة لي هي من اي أنثى بس مب هذا الموضوع الموضوع الزوج نهائيا ماله خص بالخدامة

[bo-ibrahem]

صاحب الموضوع كلامك عين العقل والصواب اشكرك

[بشائر]

اي حتى انا اغار ع ريلي من خدامتنا الكينيه :shy:


تهقين هم يغارون علينا من الدريوليه :secret:


ههههههه تغارين عليه من كينية !

ذي لو ماطاع يوديج المكان اللي تبينه حطي صورتها بس في بوكه
مع ملاحظة بخط صغير ( بانتظارك قصة ماقبل النوم) :deal:




وفعلا كما تفضلت الأخوات يفترض أن الرجل لا دخل له أبدا بشؤون الخدم
لأن الخادمة لو لمست لين من جانبه لها ممكن تستغله ..

وفقك الله ..

[يمامـة]

الغيرة بالنسبة لي هي من اي أنثى بس مب هذا الموضوع الموضوع الزوج نهائيا ماله خص بالخدامة

صحيح كلامج.. له انه يحط القواعد الإنسانية للتعامل معها
اما يصير حامي حماة حقوق الخادمات وهو أساسا عياله ما يدري عنهم

تصرف مبالغ فيه..

الخادمة اذا حب الزوج انه يوصي له عليهم.. من حقه يوصيهم اما انه
يتدخل في اكلها وشربها وملابسها و .. و.... اشوف انه تعدي على دور الزوجة في البيت
لأن ما يصير الزوجية تتعدى على حدود الزوج في التعامل مع الدريول و السيارة اللي يسوقها..

انتهى