عندي حفلة عشا في البيت ممكن مساعدة بنات

[مــاي ورد]

السلام عليكم

عندي مناسبة وابي اسوي عشا في البيت الميلس ماراح يكفي العدد تقريبا 15 الى عشرين شخص

فكرت في الحوش بس الجو ماعتقد مناسب هالفترة


بغيت اسأل في قاعات سعرها مناسب لهاحفلات ؟ عشا وجذي او اذا فيه خيمة ممكن احطها بالحوش

والله مادري ياريت تفيدوني

[بومحمد المطاوعه]

انطري سبوعين

الجو بيعتدل وسوي فالحوش

[ضوى]

شوفي عزيزتي

بيتي بيت شعبي ولاني فتحت الصالات على بعض صار اوكي بس بعد مايشيل اطقم وايد واشخاص وايد ، بحفلة تخرج بنتي فديتها شسويت ، حطيت البوفيه في ممر غير مستغل عندي ، وقربت الاطقم جنب بعض بشكل حلو ومرتب ، وطلبت ثلاث طاولات بعشر كراسي وماشاء الله طلع شي رائع ، الكل قعد واستانس وتعشى ، مع العلم كان بوفيه وحلويات وعيش ولحم وشي مرتب فعلا ، جربي تسوين مثلي استغلي المساحات اللي عندج للمشروبات الحلويات البوفيه ، وقربي الاثاث من بعض بتصير عندج مساحات حلوة ،انا لانه ماحصلت الا الطاولات المدورة شوي طلع ضيق بس القلوب كانت وايد واسعه ولله الحمد ، جربي الطاولات المستطيلة وايد توفر مساحة ، والبوفيه اذا كلش كلش حطيه برع مع السيرفيس ياخذون عشاهم ويجون داخل سويتها بايام البرد وكان وايد مريح الشي

[مــاي ورد]

والله مادري ماعتقد اختي المساحة تكفي عندي عشان اغير مكان الاثاث

وماقدر انتظر اسبوعين لان ريلي بيسافر وبيرجع عقب فترة الله يحفظه

انزين ماتعرفون وحدة ممكن تجي وترتب لي المكان او ديكور وجذي

او تسويلي شي مناسب في الحوش

[ضوى]

ماي ورد صوري المساحة اللي عندج وحطيها وبيعطونج افكار وايد نفعوني جدا يوم جيبت ارتب قطع غرف النوم ماقصروا والله ، واذا حبيتي طرشي عالخاص واساعدج

[حمد 2002]

قاعه مجمع بن طوار قريب الآند مارك ..

قاعه الريفيرا بدحيل ..

ممممم قاعه فندق ازدان ..


ممممم قاعه فندق رتاج الريان بالدفنه ..


هذي القاعات رخيصه وحق حفلات بسيطه ..

ممممممم واذا تذكرت شيء بخبرج ..

[رحال]

الله يعينك ويسهل عليك يـــارب
سوي في البيت ومثل ماقالت الأخت ضـــوى حركي بعض الأثاث وحطيه في مكان
مؤقت وان شاء الله المعازيم بيقدرون .. وفي نظري اليمعه أهم من الأكل ..
وأنعم الله عليكـــم مقدما ..:nice: