ليه الشيء يحلى في عيونك يوم انه يروح منك ؟

[بو خليفه 123]

ما اذكر الصراحه متى آخر مره طرحت موضوع .. فـ قلت من باب التغيير افتح معكم باب للنقاش و بما ان اليوم الخميس والجو مال بو نفرين اطرح عليكم هذا السؤال ..






ليه الشيء يحلى في عيونك اذا راح منك ؟


مثال ؟


مثلاً شفت سياره في معرض و قعدت تروح و تجي عليها و كل يوم تستشير و متردد "مابين اشتريها او ما اشتريها" ؟
و فجأه تروح المعرض ماتلقاها .. تسأل وينها ؟ يقول لك مدير المبيعات انها انباعت اليوم صباحاً .. و يحترق قلبك انك ماشريتها .

***


واحد من الاصدقاء , جامعي , من أسره معروفه , وسيم و عازب .. يعمل في جهة حكوميه و بعد سنتين من تكوين نفسه و تجهيز منزله تزوج على البركه .. بعد الزواج اصبحت العيون تتلاقط عليه من زميلاته , و يوم كان عزوبي محد التفت عليه .


***

بنت جيرانا .. كانت أمي دوم ترشحها لي .. سنعه , جميله , متربيه , بنت فلان .. (فل اوبشن) .. و كنت اقول لا يا يمه بس خصلة شعرها لونها بني .. لا يمه صبع يدها الخنصر لونه حنطي (ادور الف عيب و عيب عشان ماخذها) و يوم شفتها بالجمعيه تسلم على أمي قالت هذي الي رشحتها لك الحين ماشاءالله عندها 4 عيال .. (كنت بضرب الكاشير من القهر والندم) :)


**

في فيلاجيو .. محل ملابس .. كنت ادري اني بسافر الى اوروبا في فصل الشتاء و ان الجو يحتاج الى جاكيت ثقيل .. كنت اتردد على هذا المحل و اشوف الجاكيت على المانيكان كل يوم و اقول زين و ماهوب زين, و يوم جربته باللبس و شفت نفسي بالمرايه و قال لي خويي كنك رشدي اباظه بس نسخة "بني قحطان" .. و انتفخ صدري من الغرور .. و لكن ماخذته .. و قبل السفر ب 3 ايام ,, جيت للمحل اشتري الجاكيت .. سألته وينه جاكيت رشدي اباظه .. قالوا آخر حبه انباعت .. و اضطريت اشتري جاكيت بديل .. قال لي خويي : كنك "دكتور حمود" بس على جسم رياضي .. و تحسفت اني ماشريته من اول نظره .. من اول لقاء و زادت حلاوته في عيني من عقب ما انباع :(





خُتمت الأمثله .




ملاحظة : بعض الشخصيات المذكوره اعلاه هي شخصيات وهميه اُستخدمت لتجسيد المعنى والصوره فقط و أنا افضل من رشدي اباظه بكثير .

[Charisma]

مرحبا اخوي بو خليفه ..

وموضوع " جو بو نفرين " متعوب عليه http://up.tgareed.org/upfiles/Kq600697.gif

سبحان الله .. لكل واحد فينا تكتيك معين في مثل هالامور .. والموضوع " نفسي " بحت.. البعض يوسوس لين مايخلي اللي حولة يوسوسون قبل لايقبل على الشيء او يمتلك الشيء .. والبعض بيوم وليلة مخلص ومرتب .. لكن اقدر اقولك ان النفس طماعه .. تبي كل شيء .. والعقل يفلتر الطلبات ويأخرها بعض الاحيان يعني النفس vs العقل = السيناريو اللي فوق !

[حليتان*]

صادق والله الواحد مايحس بقيمة الشي الا اذا راح من يده وسبحان الله الشي اذا كان عندك وبعدها راح لغيرك يحلى بعينك مش حسد كثر ماهو وحشه لهذا الشي
مثلا اذا بعت سياره ارض بيت اي شي لو شفته بعدها بتحن له وبتقول ليتني ماخليته لغيري


وبس والله وشرايك فيني وانا مثقف ههههه تهقى الجامعه جابت نتيجه معاي

[Charisma]

صادق والله الواحد مايحس بقيمة الشي الا اذا راح من يده وسبحان الله الشي اذا كان عندك وبعدها راح لغيرك يحلى بعينك مش حسد كثر ماهو وحشه لهذا الشي
مثلا اذا بعت سياره ارض بيت اي شي لو شفته بعدها بتحن له وبتقول ليتني ماخليته لغيري


وبس والله وشرايك فيني وانا مثقف ههههه تهقى الجامعه جابت نتيجه معاي

:eek5:

ياشيخ على هالمستوى لاترضى بأقل من عمود في الصفحه الثانيه بجريدة الشرق ! :nice:

[حليتان*]

:eek5:

ياشيخ على هالمستوى لاترضى بأقل من عمود في الصفحه الثانيه بجريدة الشرق ! :nice:

عيب عليك انا شارط عليهم من الحين يعطوني مساحة التاريخ الي فوق

[sweet qatar]

بعيدا عن النفرين .. الجو يساعد علي التفكير العميق

ان شالله أفكر في الموضوع في الجو الشاعري الي مخططين له هالويكند



لي عودة :o

[Dana’1]

هههههه أمثلتك تحفة خصوصا بنت الجيران ورشدي اباضة بني قحطان

ما اعرف لية
لكن الي اعجب من هالشي

يوم تشوف حاجة تموت إلا تاخذها..وإذا خذيتها صارت عادي!!

[العلياا]

ههههههههههه دكتور حمود وجسم رياضي قول غيرها !!!
اما سالفة بنت الجيران يا حرام هههههه

واااايد تصير لي لما انزل مع خواتي يتشرون وانا مالي بارض كل شي يعجبني
ولما ابي اشتري لي شي معين تطلع عيني ولا القاه :(

موضوع جميييل

[همر]

موضوع الشاب الوسيم اللي زميلاته يرمقونه بنظرات جوعانيه

حسافاتيه بعد ماتزوج لانه اثبت جديته في الزواج.. هذا يعتبر سلعه نادره

عند الحريم .. ماتشوف الجرايد كلها للجادين فقط !

اسألني انا عن النظرات الزميلاتيه omen



ماعلينا.. جربت تبيع رقم سيارتك وتشوفه على سياره ثانيه ؟!!

والله منظر يعور القلب :(

[راجي الْعفو]

كل مفقود مرغوب

وكل موجود مزهود

[مهرة]

..

على حسب النفس القنووعة والعين الشبعانة ,, لا طلع الشي من خاطرك يعني خلاص طلع من ذمتك ويمكن هالشغلة يكون مكانها الأصلي لغيرك ..

وممكن يكون اختبار أو بلاء نمتحن فيه وكلن يشوف طريقته ومعاملته للشي الي عنده ..!


نزيد من الأمثلة ليش نكتفي بالقليل ..!

* الناقة (نجيبة) كانت عند راعيها الجامح وأحب على قلبه من أي ولد بس مب ذلول دوم ورى ورى,, شراها النايف منه وبس من اول سباق وهي تنكس بالمركز الأول ,, والجامح كل ماراح مجلس قال تراها ناقتي وانا الي عطيته اياها وحسرات وتناهيد كل ليلة (حقد البعير) الله يكافينا


* الطويلة (طرفة) كبتها انفجر من الفساتين وفستانها الأحمر بتوقيع ايلي صعب مالبسته وماقتنعت فيه ,, جاتها بنت عمها (بنه) وقالت اخذيه عليج بالعافية وفي ذيك المناسبة ولعت بنة بالأحمر وطرفة ماهدت لا بعيونها ولا بلسانها مرت على كل الحريم تراه فستاني شريته بالشي الفلاني عطيتها ماعندها تكشخ وترا وترا .. (غل الحريم)


* (مفرَح) خذ بنت عمه طبعاً زواج تقليدي أزلي ,, (عفاف) اتحب الدراسة ومتفوقة بس خلصت ثانوية وزوجوها بعد 5 سنين زواج تطلقت خذاها ولد خالتها الي خواله أتراك ..!
كملت دراستها وصارت سفيرة للنوايا الحسنة في مجالها وتطلع بالأعلام ,, و(مفرًح) ماخلى ولا كلمة شينه في قواميس العرب إلا ماقالها عنها طبعاً بينه وبين نفسه المهفوفة

اممممم وللأمثلة الآتية بقية <<

[qatari93]

ايه ذكرتني بموقف لي بالعيد اللي قبل اللي راح ..
كنت ابي اشتري لي زرار حق الثوب وشفت زرار ف محل وقلت
بفتر شوي اجوف اذا ماعجبني شي رجعت له
وفعلا رجعت له وراح الزرار
ورحت كل فروع المحل لعل وعسى القاه هههه

ماكان مكتوب لي الظاهر ولين يومك خاطري فيه =))

---

موضوع جميل * ورده *

[بو خليفه 123]

مرحبا اخوي بو خليفه ..

وموضوع " جو بو نفرين " متعوب عليه http://up.tgareed.org/upfiles/Kq600697.gif

سبحان الله .. لكل واحد فينا تكتيك معين في مثل هالامور .. والموضوع " نفسي " بحت.. البعض يوسوس لين مايخلي اللي حولة يوسوسون قبل لايقبل على الشيء او يمتلك الشيء .. والبعض بيوم وليلة مخلص ومرتب .. لكن اقدر اقولك ان النفس طماعه .. تبي كل شيء .. والعقل يفلتر الطلبات ويأخرها بعض الاحيان يعني النفس vs العقل = السيناريو اللي فوق !



مرحبا طيارنا العزيز

فعلاً اتفق معك في نقطة التكتيك او Planning ahead دائماً تجعل الأمور اوضح من انها تكون عشوائيه و غير مخطط لها .
بعض الامور او الخطوات نتساهلها و لذلك لا نخطط لها و نجعل لها نصيب من "التكتيك" و تكون قيمتها الفعليه اكبر من القيمه السوقيه الي حددناها لها .

شكراً على اثرائك يا بايلوت دائماً تعبني آرائك

والجو بو نفرين هذي نفس فكرة الموضوع .. نفكر فيها دوم لكن لا يوجد من نطبق الفكره معه :(

[بو خليفه 123]

صادق والله الواحد مايحس بقيمة الشي الا اذا راح من يده وسبحان الله الشي اذا كان عندك وبعدها راح لغيرك يحلى بعينك مش حسد كثر ماهو وحشه لهذا الشي
مثلا اذا بعت سياره ارض بيت اي شي لو شفته بعدها بتحن له وبتقول ليتني ماخليته لغيري


وبس والله وشرايك فيني وانا مثقف ههههه تهقى الجامعه جابت نتيجه معاي


تغيب و ماتبين الا بموضوعي هذي بحد ذاتها كبيره في حقي :nice:

المثال الحي الي كتبته كلنا تقريباً مررنا بهذه التجربه بالذات اذا كان متعلق في عقارات او اسهم .. تقول ياليتني مابعته كان الحين انا عندي مبلغ ... و قدره .
لكن ماينفع الصوت اذا فات الفوت .. و الحمدالله على كل حال


لك وحشه يا اماف ارسلي خاص عطني علومك

[بو خليفه 123]

بعيدا عن النفرين .. الجو يساعد علي التفكير العميق

ان شالله أفكر في الموضوع في الجو الشاعري الي مخططين له هالويكند



لي عودة :o







خلص الويك اند و مازلنا في انتظارك .. ولا موضوعي اصبح في سلة النسيان :(

غياب يومين + خصم عدد 5 مشاركات :(

[sweet qatar]

خلص الويك اند و مازلنا في انتظارك .. ولا موضوعي اصبح في سلة النسيان :(

غياب يومين + خصم عدد 5 مشاركات :(

:oops:


شوف طال عمرك .. الآدمي بطبعه يزين الشي بعينه اذا بعد عنه أو صعب عليه

فما بالك لو الشي هذا كان تحت يده وفرط فيه

مابيتذكر عيوبه أو ليش عافه .. بس بيشوف الجانب المشرق الي خسره


معناها كلنا في هالدنيا ملوك دراما :o


نحب مشاعر الندم والأسي


القاعدة الذهبية تقول .. اذا كنت متردد في الاختيار فلا تختار

لو الشي عاجبك فعلاً ما بتتردد دقيقة

ماقصد الاستعجال في اتخاذ القرار والتهور


لكن فهمك لنفسك بيبين في اتخاذك لقراراتك ابتداء من اختيار العطر الي اختيار شريك الحياة

ولو كانت حياتك فوضوية واختياراتك عشوائية .. فتستاهل تندم علي كل شي فرطت فيه لأن الحياة فرص
لكن مردك للواقع ولنصيبك في الحياة


الإيمان يغمرنا بالطمأنينة مهما كانت اختياراتنا
لو آمنا إنها خيرة بنعيش في راحة بال

[sweet qatar]

اوف كتبت وايد !!

بليز شيل الخصم وعطني إجازة أسبوع :o

[غايه الطواش]

ماتحسفت على شي فاتني كثر ماتحسفت على شي شريته وطاح في جبدي لاهو من خساره فلوس ولا هو من خساره عدم ملبوس او استخدام

[الجـــوديّ]

موضوع جميييييييييييييل ومتعوب عليه


مادري ؟!

هل من طبيعة الانسان انه مايقدر الشي حق تقدير ...

يعني هالحالة العامة ...

والا فيه ناس يقدرون يغتنمون الفرص من أول السانحة ؟...



الجواب الأكيد .................... ما أدري :shy:


.

[شبح الصمت]

رد على جزء من موضوعك يالغالي بهالابيات




اسف على الاهمال واعذاري وكثر الانشغال
ومكانتك .. لا تستشك ابها ولا احد قدها

هذي طبيعه في بني آدم على حصر المثال
ما نعترف في قيمة الاشيا سوى في فقدها

[بو خليفه 123]

هههههه أمثلتك تحفة خصوصا بنت الجيران ورشدي اباضة بني قحطان

ما اعرف لية
لكن الي اعجب من هالشي

يوم تشوف حاجة تموت إلا تاخذها..وإذا خذيتها صارت عادي!!


شكراً يا ديور تخجليني بمجاملتك ..

اتفق مع المثال المطروح ..

طبيعة الانسان البرود تجاه الشيء بعد ارضاء الغرور . هل وفقت بالمثل ام لا ؟

[بو خليفه 123]

ههههههههههه دكتور حمود وجسم رياضي قول غيرها !!!
اما سالفة بنت الجيران يا حرام هههههه

واااايد تصير لي لما انزل مع خواتي يتشرون وانا مالي بارض كل شي يعجبني
ولما ابي اشتري لي شي معين تطلع عيني ولا القاه :(

موضوع جميييل


علمي علمك يالعلياا وش يقصد .. يمكن نفس الخدود .. الله اعلم .

سؤال .. يوم خواتك ينزلون و انتي مالك بارض .. تجلسين بالمواقف يعني ؟
انتوا الحريم عموماً صعبين بالسوق , و سبق اقترح احد الازواج افتتاح فندق مصغر للازواج للسكن او الاستراحه فيه خلال تسوق الزوجات .. وش رايك بالفكره ؟ Approved ? :shy:

[العلياا]

علمي علمك يالعلياا وش يقصد .. يمكن نفس الخدود .. الله اعلم .

سؤال .. يوم خواتك ينزلون و انتي مالك بارض .. تجلسين بالمواقف يعني ؟
انتوا الحريم عموماً صعبين بالسوق , و سبق اقترح احد الازواج افتتاح فندق مصغر للازواج للسكن او الاستراحه فيه خلال تسوق الزوجات .. وش رايك بالفكره ؟ Approved ? :shy:

انا اقعد فالمواقف ليش :eek5:
دامه للمتزوجين مرفوض :tease: