ربيان جامبو مشوي

[رهج السنابك]

90428

90429

90430

90431

90432



منو يحب الربيان :nice:

اخر مره كلت ربيان يمكن امممممم اربع سنين
ماحب اخذه من مطاعم الاسماك والربيان اذا مانطبخت في البيت وتاكدت من نظافتها ما اكلها

اليوم داش بخاطري اسوي ربيان مشوي من النوع الجامبو وقعدت اقرا الطرق في النت التتبيله وطريقه الشوي على الشواية الكهربائية
لكن شنو الانواع الطيبه؟؟ وهل الحين موسم ربيان
شنو تجاربكم وطرق طبخكم للربيان شوي او قلي او مجبوس

الربيان بالسوق قطري ولا مستورد وسمعت فيه ربيان مزارع هل يعني تغذيته سيئة ؟

هالموضوع لتجاربكم الربيانيه :shy::nice:

[الخيالة]

انا من شوي جهزتهم حق العشي شوي مشوي و شوي مقلي مع البقسماط

حطيت عليهم زيت زيتون زعفران انواع الفلفل بودرة الثوم سويا صوص ليمون أعشاب ايطاليه مكس شوي دبس الرمان ملح و حق البقسماط حطيت في الطحين اوريغانا وفلفل احمر وحطيت في البيض فلفل احمر واسود وأعشاب وفي البقسماط نفس الشي و حطيت في الثلاجة الحين حق العشي ان شاءالله والربيان جابوا لنا من ايران ماشاريه من اهني بس من فترة شفت في جمعية المول كانوا جامبو بس مادري بصراحة مال وين

[Charisma]

كولسترول :nono:

[بصمة قطرية]

ما آكل سي فود خير شر
بس أطبخه ..
أهم شي في الربيان التتبيلة اللي تطير الزفر ..

بالنسبة للتتبيلة
ليمون .. خل .. فلفل أسود .. ملح .. كمون ..
و ممكن تضيفين البهارات اللي تبينها ..

و طريقة الطبخ تعتمد على رغبتج
بالنسبة للجامبو المقلي بالبقسماط ألذ شي ..
و لا مشوي ..

مثل ما قلت لج التتبيلة أهم شي ..

و عوافي مقدماً ،،

[بن غيث]

احب الصالونة اكثر .. والمجبوس
وطبعا معضم الربيان في السوق .. سعودي بحريني ايراني
وربيان المزارع هندي .. وطعمه مب شئ

[أسد الجزيرة]

الجامبو هندي

خذو يا بحريني او ايراني

السعودي مال مزارع

[مـراحـب]

طيحتي بخاطري الربيان

اي مطعم يسوي ،،، ابغي اطلب

[R 7 A L]

كم نوع للربيان ؟

[الخيالة]

تسلم يديني خلصت وهاي طبق الربيان اللي قلت عنه
http://i1215.photobucket.com/albums/cc505/zzloveaa/Mobile%20Uploads/645D53EA-869A-4127-A3AA-E0B2403B39A7.jpg (http://s1215.photobucket.com/user/zzloveaa/media/Mobile%20Uploads/645D53EA-869A-4127-A3AA-E0B2403B39A7.jpg.html)

[رهج السنابك]

خياله ليش التعذيب بسسس

تسلم يدج يارب


باجر بقلدج

[الخيالة]

هههههههه عشان تطبخين بسرعه :)

[رهج السنابك]

حمستيني زياده والله
خوش ربيان وتنسيق الطبق حددده ترتوب

[حمد 2002]

أتحب الربيان ؟!

ممممم نسيت أحبه ول لا !!

مممم خلني أفكر شوي

ممممممم أي أي تذكرت


أحبه ومايحبني :(



حب من طرف واحد :weeping:

[مـراحـب]

أتحب الربيان ؟!

ممممم نسيت أحبه ول لا !!

مممم خلني أفكر شوي

ممممممم أي أي تذكرت


أحبه ومايحبني :(



حب من طرف واحد :weeping:

والله انت تخرب كل المواضيع

[حمد 2002]

90428

90429

90430

90431

90432



منو يحب الربيان :nice:

اخر مره كلت ربيان يمكن امممممم اربع سنين
ماحب اخذه من مطاعم الاسماك والربيان اذا مانطبخت في البيت وتاكدت من نظافتها ما اكلها

اليوم داش بخاطري اسوي ربيان مشوي من النوع الجامبو وقعدت اقرا الطرق في النت التتبيله وطريقه الشوي على الشواية الكهربائية
لكن شنو الانواع الطيبه؟؟ وهل الحين موسم ربيان
شنو تجاربكم وطرق طبخكم للربيان شوي او قلي او مجبوس

الربيان بالسوق قطري ولا مستورد وسمعت فيه ربيان مزارع هل يعني تغذيته سيئة ؟

هالموضوع لتجاربكم الربيانيه :shy::nice:

قطر مافيها ربيان طبعا ..


فيها بس ممنوع صيده ..

الربيان بالسوق ..

بحريني .. سعودي .. إيراني ..

أحسنهم البحريني وتالي السعودي ووو ووو ...


القطري جيد بس ممنوع صيده وانا مستغرب ليش ممنوع صيده إلى الآن ؟!


بالتوفيق ..

[حسن]

متعشي على البحر ربيان

:)

المديم البحريني الذ الجانبو ماله طعم للمشوي زين

:)

[حمد 2002]

بوعلي بحكم خبرتك بالبحر وعالم المحيطات ممم عندي لك سؤال


صج فيه ناس ايصيدون أم الربيان باماكن ممنوعه وايبيعونها بالسوق السوداء وايطلعون من وراها ذهب ؟! :telephone:

[حسن]

بوعلي بحكم خبرتك بالبحر وعالم المحيطات ممم عندي لك سؤال


صج فيه ناس ايصيدون أم الربيان باماكن ممنوعه وايبيعونها بالسوق السوداء وايطلعون من وراها ذهب ؟! :telephone:

اوه

ذكرتني يالذهب
اماكنها تنصاد تحت الشعله لحقول النفط البحريه وكانت في
ميدان محزم وبو الحنين والعد الغربي
وشعله غاز لفان

تخيل تطفح على شعله الضو واللي هي تبين من بعيدوكبيره وضخمه
وندور تحتها بالطراط
صج خبال
لو دعمنا ولا صار شي المحطه بكبره في خطر
فعلشان جذي ممنوع
ولكن الحين يروحون بعد صوب الغاز ومن زمان مارحت خلاص
وقفنا المغامرات وطرد الدوريات

هاهاها

[حمد 2002]

هه هه هه

بوعلي في واحد قالي انه ايطلع من بيع السمج 200 الف ريال بالشهر ممم اتهقى صاج ولا بحكم خبرتك بتجاره السمج ؟! :shy:

[حليتان*]

لعبتي صالونه الربيان وماداني اكل بحري من مطاعم الا اذا ام الربيان وكم مره رحت لوزار بس صالونة الجنعد وام الربيان عندهم تمام




اممممم وين صورة الانسة منشن كانت هيبه

[معماري قطري]

تسلم يديني خلصت وهاي طبق الربيان اللي قلت عنه
http://i1215.photobucket.com/albums/cc505/zzloveaa/Mobile%20Uploads/645D53EA-869A-4127-A3AA-E0B2403B39A7.jpg (http://s1215.photobucket.com/user/zzloveaa/media/Mobile%20Uploads/645D53EA-869A-4127-A3AA-E0B2403B39A7.jpg.html)

الخياله فنانه من قريت الطريقة والمقادير توقعت النتيجة

بس سؤال التوقيع اللي بالسوس وشو؟

[معماري قطري]

بوعلي بحكم خبرتك بالبحر وعالم المحيطات ممم عندي لك سؤال


صج فيه ناس ايصيدون أم الربيان باماكن ممنوعه وايبيعونها بالسوق السوداء وايطلعون من وراها ذهب ؟! :telephone:

انا وصلتني أَخبار إِن حتى الربيان ينصاد وينباع في سوق السمج

[بصمة قطرية]

الخيالة
ابدعتي
بس ملاحظة
المقلي و خصوصاً الجامبو لازم بالذيل ..

[النهار]

مره خذت من الجمعيه ربيان اش كبره جامبو من قلب
بهرته وحطيته في المقلى انكمش وصار حجمه حجم الفول السوداني مادري ليش :weeping:

[راجي الْعفو]

مره خذت من الجمعيه ربيان اش كبره جامبو من قلب
بهرته وحطيته في المقلى انكمش وصار حجمه حجم الفول السوداني مادري ليش :weeping:

يا نهار الذهب الله يهداك من قالك تدخل في الطبخ هههههه

معوض خير يا طيب

[الخيالة]

الخياله فنانه من قريت الطريقة والمقادير توقعت النتيجة

بس سؤال التوقيع اللي بالسوس وشو؟



التوقيع؟؟؟ اذا تقصد ليش حطيت السوس جذيه كنت ابي أحط بطريقة غير مانتبهت طلع وايد صلصة تارتار عقب اخترب شكله وخليته مثل ماهو

[الخيالة]

الخيالة
ابدعتي
بس ملاحظة
المقلي و خصوصاً الجامبو لازم بالذيل ..

ادري بس انا مااحب واليهال نفس الشي فمااحط ماحب اكل والذيل موجود :(

[qatara]

ياحبكم للتصوير

راح زمان الي يطبخون وجانا زمان
الي يطبخ غيرهم وهم يصورون


ههههه

[معماري قطري]

ياحبكم للتصوير

راح زمان الي يطبخون وجانا زمان
الي يطبخ غيرهم وهم يصورون


ههههه

:nice: :victory:

[معماري قطري]

التوقيع؟؟؟ اذا تقصد ليش حطيت السوس جذيه كنت ابي أحط بطريقة غير مانتبهت طلع وايد صلصة تارتار عقب اخترب شكله وخليته مثل ماهو

قصدي هذي حركة كبار الطباخين

[غزلان]

يمي حلاته كاري مع عيش بالزعفران

[الخيالة]

ياحبكم للتصوير

راح زمان الي يطبخون وجانا زمان
الي يطبخ غيرهم وهم يصورون


ههههه

عادي احب التصوير مافيها شي

[الخيالة]

قصدي هذي حركة كبار الطباخين

:):):):):):):):):) ما كنت اعرف خخخخخ

[معماري قطري]

هذي طبخة ربيان بالأَفوكادو كمقبلات أَو سناك خفيف .. أَتمنى تنال اعجابكم وبالهناء

http://im59.gulfup.com/11MPph.bmp (http://www.gulfup.com/?8qErjW)

[383 STROKER]

طريقتي انا كنت ماخذها من مطعم الخيمة من زمان بس اللحين اشوفهم مغيريين الطريقه.
عالعموم الطريقة سهله
تغشلين الربيان وتبهرينه
عقبها نشوييه بس ما اخليه يستوي احط عليه مايونيز وارد اشويه بس ما احرق المايونيز لان الربيان تقريبا كان شبهه مستوي وبس!
الطعم ما اوصفه عجيييب

[ولد العرب]

هذي طبخة ربيان بالأَفوكادو كمقبلات أَو سناك خفيف .. أَتمنى تنال اعجابكم وبالهناء

http://im59.gulfup.com/11MPph.bmp (http://www.gulfup.com/?8qErjW)




معماري اشووف شامبو وكلونيا في صورة لايكون احطهم معها :eek5:

[رهج السنابك]

لاحد ياخذ ربيان سعودي

عذااااااب في التنظيف خيطه اسود ومتين يقرف

[ولد العرب]

لاحد ياخذ ربيان سعودي

عذااااااب في التنظيف خيطه اسود ومتين يقرف
هلا اختي انا في محل التنظيف اخليه ينظفه اقوله كم حسابك يقول كيت واقول ان نظفته من الخيوط لك 10 ريال ويالله شوفي الحلا :nice:

وبعدين حسن ماينظف الربيان يقول حلاته كذا :rolleyes2: