رأيكم بالطيران السيرلانكي

[جلكساوي]

السلام عليكم

أنا ناوي اروح مع الأهل رحلة علاج لبانكوك

وحبيت استفسر عن الطيران السيرلانكي درجة البزنس هل فيه حد جربه من قبل؟

وشلون التزام الشركة بالمواعيد هل فيه حد عانى منهم من هالناحية؟

أنا قريت فالنت ان فيه مشكلة من ناحية الريحه فالطياره مادري هالريحه للحين موجوده

وبخصوص شاشة الترفيه هل فيه أفلام مترجمه للعربي

[abu ali1]

[size=5]مرحبا اخوي….
الطيران السيريلانكي لا يختلف عن القطرية حيث الاثنسن منظمين تحت سقف الون وورد وهو طيران ممتاز والخدمة عندهم ممتازة… والاختلاف انه الطيرانالقطرية دايريكت بانكوك..
[بالعكس مافي ريحة في درجة البزنس … والريحة اللي تقصدها من نوع الدهن اللي يستخدمه لمسافرون..
في افلام مترجمة والرحلة من الدوحة لين سيريلانكا ظ¤ ساعات ومن سريلانكا لين بانكوك ظ£ ساعات…
/الشركة مواعيدها ادق من القطرية لانهم يدفعون غرامة في الدوحة اذا تاخرت الطيارة عن الاقلاع ونفس الشي في بانكوك..
والمناسبة تقدر تاخذ نقاط من بطاقة القطرية وانت مسافر على السريلانكية …


موفق اخوي...size]

[Rashid554]

اهم شي اذا رحت فيها انتبه لفترة الترانزيت لان عندهم رحلات فترات الانتظار مبالغ فيها ، والريحه مثل ماقال ابوعلي اكيد من الركاب
للامانه ماجربتها لكن يمدحونها ولو سفرك بعيد انتظر تاريخ 15/12 في عرض للقطرية الى بانكوك بسعر 6000 ريال بزنس

[جلكساوي]

يعطيكم العافيه ياشباب على ردودكم وانا رحلتي باأذن الله بتكون نهاية شهر 11

عندي سؤال ثاني بخصوص الترانزيت من كولممبو على بانكوك

هل فيه ترانزيت ثاني في سنغافورة لأَنِّي قريت في منتديات ثانيه ان فيه ترانزيت في سنغافورة

بس هالترانزيت كان للرحلات اللي بتروح ماليزيا مادري اذا بانكوك نفس الشي

[المعنى88]

في السابق او قبل سنتين كانت فترة الترانزيت قصيرة ....... لكن الحين في العودة من بانكوك فترة توصل ترانزيت 18 ساعة .... في الذهاب من الدوحة ترانزيت ساعتين او أربع
والسعر للبزنس يوصل بعض الفترات 3500 ريال ... لكن لازم تراعي الوجبة كمسلم

[aljabini]

صباح الخير

بحكم اني طلعت على هذا الطيران المصنف 3 نجوم وعلى درجه رجال الاعمال الى تايلاند ملاحظاتي كالتالي:

*دوحه كولومبو: الطياره جديده والكراسي تصير سرير والخدمه جيده بس الاكل يجي بتوابل حاره حتى لو وصيتوا وجبه للمسلمين.
*مطار كولومبو متواضع جدا حتى قاعه رجال الاعمال عاديه والبوفيه غير متنوع وبتلاحظوا كثره الغربان في المطار.
*كولومبو بانكوك: الطياره اصغر بكثير من اللي قبلها ولايوجد فيها نظام ترفيه والكارثه الكبرى كانت بوجود حشرات تمشي وتتطلع من السجاد وتم تمشي على الحائط الامامي لاول صف للكراسي وكل مانادي المضيفه تبتسم وترش بف باف للاسف كانت رحله سيئه جدا وتفشلت مع الاهل.
*بانكوك كولومبو: نفس الخط اللي قبله بس الله لطف وماشفنا صراصير بس تمينا نراقب الطياره كلها هههههه.
*كولومبو دوحه: الطياره احدث بس كان نظام الترفيه متعطل في درجه رجال الاعمال وتمينا على السماعات والاغاني طول الرحله.

****بشكل عام سعرها رخيص حول 3000 الى 4000 ريال بس لاتوجد مقارنه بينها وبين القطريه او الاماراتيه او الاتحاد

بالتوفيق

[abu ali1]

[size=5]من كولومبو لين بانكوك: الطيارة ما تروح سنغافورة و هي دايريكت على بانكوك بس العودة من بانكوك على كولومبو الطيارة توقف ظ¤ظ* دقيقة تقريبا في مطار صغر في سريلانكا علشان تنزل ركاب وعقبها اطير على كولومبو…
[
قاعة البيزنز في كولومبا قاعة عادية ومافيها شي مميز بسس احسن من الانتظار في المطار…
في الردة من بانكوك على سريلانكا في فترة ترانزيت تقريبا ظ¨ ساعات وطبعا الطيران الماليزي يوفر لك سكن ظ¤-ظ¥ نجوم قريب من المطار مع غدا مجانا وانا عن نفسي اول ما وصلت المطار رحت على مكتب الطيران السيريلانكي وطلبت سكن والجماعة ماقصروا ودوني الفندق وعقب اتفقت معاهم على وقت معين ورجعوني المطار والصراحة نمت في الفندق وارتحت اشوي .. والطيارة اللي رجعتنا الدوحة ممتازة والكراسي مريحة… بالتوفيق.. /size]

[حياتي روايه]

جربتها ممتازة لا ريحه ولا حشرات والاكل ممتاز شي يفتح النفس مب مثل اكل الطيارات المعروف الله يكرم النعمه

[فيصل99]

تبي تسافر عليها عليك بشيئين والي بتستفيد انك بتوفر مبلغ وقدره .

1/ لا تتذمر من الوضع الي مايعجبك وبتشوفه .
2/ خذ معاك بفباف والعصا الي تكش فيها الذبان والزهيويه .

[OM_OMAR_QATAR]

ارجع اقرا الردود .. بس بأكتب رأيي

السريلانكية طاقم كامل تتلمذ على يد طيران الأماراتية سنين وانفصل عنهم واستقل من قريب جداً
الطيران ممتاز .. خدمات وهبوط واقلاع وتعامل مع الأزمات
كل شي وكل حال مجربة فيه


الطيران الوحيد الي لي هبط ما تحس فيه وصل الأرض والا لسة
مع انه طيارة جامبو ..

خلي هالملاحظة ببالك وتذكرني
كان واجد رخيص الحين زادت اسعاره كثير
روح عالبزنس وريح نفسك ...

ترة ماعمري شفت فيها اي شي وسخ والا قذر ..
الا ان عامة الركاب غالبية سيرلانكية وتايلاندية

بعدين لو حجزت بزنس وانت رايح بانكوك او اي وجهة غير سيرلانكية
فاللدوحة عندك ليلة تبات فيها على حساب السرلانكية تجلس منتجع 5 نجوم

وبس

[sanad81]

جربته ولا يعيبه شئ. و سريلانكا نفسها جميله جدا و عندي رقم السواق اللي تعاملت معه هناك. رجال محترم و تعامله رائع.

[ذكي جدااا]

القطرية مسوين عرض هاليومين اشتر تذكرة والأخرى مجانا على درجة البزنس

[كاشف الغطاء]

في ناس وايد يمدحونه وإذا على الريحة أهون من القطرية :tease: