ليش طيارتكم تصور بيتنا؟

[المحاميه]

السلام عليكم ورحمة الله وبركاته


اول شي احب اذكركم ياللي بتردون على موضوعي " يجب رد السلام ولا بتأثمون " هذا الكلام اقتبسته من العضو " راجي العفو "

الحين ندخل في موضوعي المهم


طبعاً الكل عارف ان البيوت لها حرمه والملك الخاص له خصوصيه لابد أن تحترم .. هذا أمر مفروغ منه


ومن ناحيه ثانيه احنا في دوله اسلاميه خليجيه متمسكه بعاداتها وتقاليدها .. ومحد يرضى على نفسه ولا على هل بيته


طيب باقولكم الحين السالفه شنهي .. الله يسلمكم اشوف في الفتره الاخيره انتشرت هالطيارات اللي يطيرونها اصحابها بجهاز وللاسف هالطياره فيها كيمرا وممكن تطير في الفريج لمسافات .. يعني فلان قاعد ف حوش بيته يطير طيارته فوق بيوت الجيران ويوديها يمين ويسار وممكن تقطع مسافه مش صغيره ويقعد يتفرج على بيوت خلق الله ويشوف اللي رايح وراد .. يعني كأنه يراقب وممكن يسجل بعد

انزين افرض ان بيت فلان قاعدين فالحوش حريمهم او فوق السطح الخ وبدون شيله (غطاء راس) وانت طيرت طيارتك وصورتهم!!!

اول شي حط ف بالك هالشي حرام
ثاني شي عيب وانت ماترضاها حق هلك ليش ترضاها على غيرك؟

بعدين حتى من الناحيه القانونيه اذا مثلا الشرطه اقتحموا بيت فلان بدون اذن من النيابه او بدون تصريح فيكون اجراءهم باطل حتى لو فلان هذا عنده بلاوي وشافوا بلاويه بعد يطلع برائه .. تدرون ليش؟ لان البيوت بذات لها حرمه وممنوع انتهاكها

حتى من ناحية الشرع هالشي مذكور
فإن الله تعالى قال : " ولا تجسسوا " ، وقال تعالى : " وأتوا البيوت من أبوابها " ، وقال تعالى : " لا تدخلوا بيوتا غير بيوتكم حتى تستأنسوا وتسلموا على أهلها "


وبعد أظن ان هالطياره ممنوعه بس مادري شلون يدخلونها


وجب التنبيه والنصح
اعتقد الكلام واضح ووافي
اترك لكم التعليق

[alsoq]

وعليكم السلام

والحين بيعتدل الجو والكل بيكون قعده في الحوش

خلي عندج نص شوزن واي طياره تمر اقصفيها:):)

[Super Cool]

و عليكم السلام و رحمة الله و بركاته

اختي الطيارات هذي اللي تشوفيها فالفرجان ما فيها لا كاميرا ولا تسجيل

النوع الي انتي تقصدينه حجمه كبير و ما تقدر تطيره بدون تصريح من النادي

العلمي وفي أماكن معينة فقط

[R 7 A L]

وعليكم السلام ورحمة الله وبركاته


نعم هالطيارة ممنوع دخولها
بس شلون تدخل عن طريق الجمارك ؟
الجواب عند رجال الجمارك !


نصيحتي اي واحد يشوف هالطيارة يصورها بجواله ويتتبعها لين يشوف وين بتنزل ويروح بعدها لاقرب مركز ويشتكي على طول
لا يروح لراعي اطيارة ويكلمة يشتكي على طول ولا يتنازل عن حقه

[alsoq]

و عليكم السلام و رحمة الله و بركاته

اختي الطيارات هذي اللي تشوفيها فالفرجان ما فيها لا كاميرا ولا تسجيل

النوع الي انتي تقصدينه حجمه كبير و ما تقدر تطيره بدون تصريح من النادي

العلمي وفي أماكن معينة فقط

غلطان اخوي فيه نوع صغير وفيه كيمرا انت يمكن قصدك النوع القيديم اما الجديد فيه كيمار

[المحاميه]

و عليكم السلام و رحمة الله و بركاته

اختي الطيارات هذي اللي تشوفيها فالفرجان ما فيها لا كاميرا ولا تسجيل

النوع الي انتي تقصدينه حجمه كبير و ما تقدر تطيره بدون تصريح من النادي

العلمي وفي أماكن معينة فقط


والله يااخوي فيه
وانا ماتكلمت الا اني شايفه بعيني

هالطيارات وفيها كيمرات وتسجل

وعقب تقدر تنزل الفيديو بعد على لاب توبك او غيره

[برشلوني قطر]

وعليكم السلام ورحمة الله وبركاته


نعم هالطيارة ممنوع دخولها
بس شلون تدخل عن طريق الجمارك ؟
الجواب عند رجال الجمارك !


نصيحتي اي واحد يشوف هالطيارة يصورها بجواله ويتتبعها لين يشوف وين بتنزل ويروح بعدها لاقرب مركز ويشتكي على طول
لا يروح لراعي اطيارة ويكلمة يشتكي على طول ولا يتنازل عن حقه


اعتقد والله اعلم انها تنباع ف احد المحلات فالدوحه

[برشلوني قطر]

اووه نسيت...

وعليكم السلام ورحمة الله وبركاته

مشكوره ع التنبيه

[المحاميه]

انا ايام العيد جفت مادري اي بيت مطيرها واوصلت لين بيتنا

بس شلون اطلع فالفريج ألحق الطياره واجوفها تهبط ف أي بيت صعبه بصراحه

وبعدين اكيد شباب مطيرينها


شنو الحل :( ؟

[نوفا91]

المحاميه انا مع السوق تصدي لاي طياره ،
عاد انتي قصف جبهات وقصف طيارات هههههههه

عاد توقعيج عور قللبي ، لاززززم ترجعين وباقرب وقت :(

[Super Cool]

آنا تأكدت من النادي العلمي نفسه لأني كنت افكر أشتري طيارة

الكبار قيمتهم فوق الـ 20000 مب أي واحد يقدر ياخذهم و لهم

تصريح خاص و دورات تعليم و هذي اللي فيها أجهزة تتبع و

كاميرات...العاب اليهال اللي فالفرجان ما فيها شي و بسرعة تخترب

[المحاميه]

اعتقد والله اعلم انها تنباع ف احد المحلات فالدوحه


او من النت
تطلبها واتييك

بس مادري شلون يدخلونها
:(

[نوفا91]

اي يالحب وعليكم السلام والرحمه


:)

[المحاميه]

المحاميه انا مع السوق تصدي لاي طياره ،
عاد انتي قصف جبهات وقصف طيارات هههههههه

عاد توقعيج عور قللبي ، لاززززم ترجعين وباقرب وقت :(


ههههه الله يغربل ابليسكم اش جايفيني


وا عليه علي انا

وينج ياجنون
اطلب الفزعه

:shy:

[R 7 A L]

آنا تأكدت من النادي العلمي نفسه لأني كنت افكر أشتري طيارة

الكبار قيمتهم فوق الـ 20000 مب أي واحد يقدر ياخذهم و لهم

تصريح خاص و دورات تعليم و هذي اللي فيها أجهزة تتبع و

كاميرات...العاب اليهال اللي فالفرجان ما فيها شي و بسرعة تخترب



لا يا خوي غلطان
الطيارات صغيرة وقيمتها بـ 400 دولار وتقدر تثبت فيها كيمرة وتطيرها وهي تصور بس وقت طيارانها مدة بسيطة

[المحاميه]

سوبر اقولك جايفه بعيني
والله العظيم تطير وتصور ويبين بعد

اذا ماعندك خلفيه عن الموضوع لاتفتي فيه

لان انا واكثر من عضو نقولك فيه ياباشا

الا تمشي الكلام اللي ف راسك يعني

بعدين شخباري النادي العلمي انت متى مكلمهم سنة الف وكم احطبه؟

وشكلك تقصد نوع معين ماتدري ان الناس الحين تطورت وصارت تدخل كل شي بالدس هههه

انزين حد منكم يحط لنا صورة الطياره لاني ماعرف اسمها ومافي امل اتعرف عليه هههه

[ولد العرب]

آنا تأكدت من النادي العلمي نفسه لأني كنت افكر أشتري طيارة

الكبار قيمتهم فوق الـ 20000 مب أي واحد يقدر ياخذهم و لهم

تصريح خاص و دورات تعليم و هذي اللي فيها أجهزة تتبع و

كاميرات...العاب اليهال اللي فالفرجان ما فيها شي و بسرعة تخترب
ياخوي ولد عمي ماخذ له طياره صغيره ورخيصه وركب لها كور خاص يشبك مع الايفون وتصوير ولا اررروع

استخدمها يصور الحداق بالبحر

[Super Cool]

لا يا خوي غلطان
الطيارات صغيرة وقيمتها بـ 400 دولار وتقدر تثبت فيها كيمرة وتطيرها وهي تصور بس وقت طيارانها مدة بسيطة

النادي العلمي أكدوا أن في قطر مافي شي يطير بدون ما جهاز أمن الدولة يتتبعونه

حماية للبنوك و الممتلكات و الأعراض و كل طيارة تسجل بإسم راعيها و يعرفون

بالضبط متى و وين مطيرها و عادي يسحبونه لو خالف القانون...مع هالإجرائات

شخصياً هونت عن الطيارة فماعتقد السالفة بهالسهولة 400 و انقز و سو الي تبي

[ولد العرب]

سوبر اقولك جايفه بعيني
والله العظيم تطير وتصور ويبين بعد

اذا ماعندك خلفيه عن الموضوع لاتفتي فيه

لان انا واكثر من عضو نقولك فيه ياباشا

الا تمشي الكلام اللي ف راسك يعني

بعدين شخباري النادي العلمي انت متى مكلمهم سنة الف وكم احطبه؟

وشكلك تقصد نوع معين ماتدري ان الناس الحين تطورت وصارت تدخل كل شي بالدس هههه

انزين حد منكم يحط لنا صورة الطياره لاني ماعرف اسمها ومافي امل اتعرف عليه هههه

ههههههههههههههههههههههههههه

[المحاميه]

ولد العرب
وين السلام يبه؟

شوف اللي قبلك كلهم سلموا



فيه ناس تستخدمه ف شي مفيد
وفيه ناس تستخدمه عشان اتجسس على بيوت الفريج

ماتخلون هالطبع عنكم
ذابحكم الفضول

اصلا الطياره حق التصوير مثلا فالبر او البحر او اذا واحد متسلق جبل او شي

يطيرها ويصور ويعرف العلوم الزينه

لكن ربعنا صادوا السالفه وقالوا خلونا نشوف شسالفة كل بيت هههه

الله المستعان

[R 7 A L]

النادي العلمي أكدوا أن في قطر مافي شي يطير بدون ما جهاز أمن الدولة يتتبعونه

حماية للبنوك و الممتلكات و الأعراض و كل طيارة تسجل بإسم راعيها و يعرفون

بالضبط متى و وين مطيرها و عادي يسحبونه لو خالف القانون...مع هالإجرائات

شخصياً هونت عن الطيارة فماعتقد السالفة بهالسهولة 400 و انقز و سو الي تبي




سلم على النادي العلمي
وقول لهم طارت الطيور بارزاقها وطارت الطيارات وهم في مبناهم نايمين

[المحاميه]

اللي يعرف الطياره يحط صورتها لو سمحتوا لاني ماعرف شسمها


هي صغير نوعا ما ولونها ابيض ولها جهاز تحكم

ماعرف بعد باقي التفاصيل

[Super Cool]

سوبر اقولك جايفه بعيني
والله العظيم تطير وتصور ويبين بعد

اذا ماعندك خلفيه عن الموضوع لاتفتي فيه

لان انا واكثر من عضو نقولك فيه ياباشا

الا تمشي الكلام اللي ف راسك يعني

بعدين شخباري النادي العلمي انت متى مكلمهم سنة الف وكم احطبه؟

وشكلك تقصد نوع معين ماتدري ان الناس الحين تطورت وصارت تدخل كل شي بالدس هههه

انزين حد منكم يحط لنا صورة الطياره لاني ماعرف اسمها ومافي امل اتعرف عليه هههه

نتكلم بدون تطاول و اسلوب ساخر ولا امسحوا ردودي و انسحب من الموضوع؟

اتكلم عن تجربتي الشخصية مب من غوغل!!!!!

[المحاميه]

اخوي سوبر انا اعتقد انها ممنوعه بس يعني تسربت والناس قامت تستخدمها

بس لو اشتكيت اكيد بيسحبونها من راعيها

[Super Cool]

اخوي سوبر انا اعتقد انها ممنوعه بس يعني تسربت والناس قامت تستخدمها

بس لو اشتكيت اكيد بيسحبونها من راعيها

خذي العلم...وصليها لجهاز أمن الدولة

[المحاميه]

نتكلم بدون تطاول و اسلوب ساخر ولا امسحوا ردودي و انسحب من الموضوع؟

اتكلم عن تجربتي الشخصية مب من غوغل!!!!!


انزين ادري
وانا بعد والله اتكلم عن تجربتي الشخصيه ومب من قوقل

وماتطاولت


يعني نقولك فيه بس انت ماتبي تصدقنا

لان يمكن النادي العلمي عندهم نوع عود او نوع معين

لكن الحين فيه نوع سهل الاستخدام

المشكله ماعندي صوره ولا جان رويتك اياها

واعتذر منك لاتزعل يبه

والله مب قصدي استهزء بس قاعدين نتناقش

وانا اقولك يمين انت ماتبي تسمع الا تمشي كلامك

مايصير!!!

[المحاميه]

شلون اوصلها لامن الدوله؟


ماعرف الطياره تبع اي بيت

صعبه

مب البيوت اللي احذانا

لا شكله الفريج اللي ورا الفريج اللي مجابل بيتنا

[النهار]

سلط عليهم وصلت فيهم لهمواصيل انا كله قاعد في الحوش بسرول وفانيله :eek5:

[Super Cool]

شلون اوصلها لامن الدوله؟


ماعرف الطياره تبع اي بيت

صعبه

مب البيوت اللي احذانا

لا شكله الفريج اللي ورا الفريج اللي مجابل بيتنا

خذي الرقم من البدالة و اتصلي قدمي شكوة...بيراقبون و بيسوون اللي

عليهم...توني مكلم نسيبي فالجهاز قال لي ممنوعة الطيارات فالفرجان

مهما كان النوع حتى لو عادية

[شبح الصمت]

http://www.fraise-d.com/up/uploads/1413699673171.jpg

[ولد العرب]

النادي العلمي أكدوا أن في قطر مافي شي يطير بدون ما جهاز أمن الدولة يتتبعونه

حماية للبنوك و الممتلكات و الأعراض و كل طيارة تسجل بإسم راعيها و يعرفون

بالضبط متى و وين مطيرها و عادي يسحبونه لو خالف القانون...مع هالإجرائات

شخصياً هونت عن الطيارة فماعتقد السالفة بهالسهولة 400 و انقز و سو الي تبي
يالطيب ياخوي انت ورايك ونحترمه

هذي الطايرات منتشره هنا بقطر وبكثره
http://www.mstaml.com/imagesData/%D9%84%D9%84%D8%A8%D9%8A%D8%B9_%D8%B7%D8%A7%D8%A6% D8%B1%D9%87_%D9%81%D8%A7%D9%86%D8%AA%D9%88%D9%85_% D9%85%D8%B9_%D9%83%D8%A7%D9%85%D9%8A%D8%B1%D8%A7_% D9%82%D9%88%D8%A8%D8%B1%D9%88_%D9%87%D9%8A%D8%B1%D 9%883_%D8%B7%D8%A7%D8%A6%D8%B1%D9%87_%D8%A7%D9%84% D9%81%D8%A7%D9%86%D8%AA%D9%88%D9%85-i137658050606510066.jpg

طائره فانتوم مع كاميرا قوبرو هيرو3


http://www.mstaml.com/imagesData/%D8%B7%D8%A7%D8%A6%D8%B1%D8%A9_%D9%84%D8%A7_%D8%B3 %D9%84%D9%83%D9%8A%D8%A9_Intruder_Cam_%2B_%D9%83%D 8%A7%D9%85%D9%8A%D8%B1%D8%A7_%D8%A7%D9%84%D8%B7%D8 %A7%D8%A6%D8%B1%D9%87_1-i139232702409260022.jpg


http://www.mstaml.com/imagesData/%D8%B7%D8%A7%D8%A6%D8%B1%D8%A9_%D9%81%D8%A7%D9%86% D8%AA%D9%88%D9%85_2_%D9%85%D8%B9_%D8%BA%D9%8A%D9%8 5%D8%A8%D8%A7%D9%84_%D9%84%D8%AD%D9%85%D9%84_%D9%8 3%D8%A7%D9%85%D9%8A%D8%B1%D8%A7_%D8%BA%D9%88%D8%A8 %D8%B1%D9%88_%D8%AC%D8%AF%D9%8A%D8%AF%D8%A9-i139966018392410087.jpg


هذي اللي يقصدونها ياخوي
انا عارف انت تقصد الكبيره

[Super Cool]

اللي انا كنت بشتريها طولها مترين الا شوي

[شيخ الديرة]

هذي مشكلة كبيرة في كل أنحاء العالم وليس عندنا فقط, بسبب أن هذه التكنولوجيا باغتت الجهات الأمنية والقانونية بسرعة أنتشارها ورخص سعرها, وقدراتها العالية على الطيران المستقر وتسجيل فيديو بنفس الوقت.

أولا من ناحية الخصوصية الفردية, ثانيا من ناحية التجسس الصناعي, وثالثا التجسس الأمني, ورابعا الترخيص وسلامة الطيران المدني

كنت أتابع برنامج لمدة ساعة على التلفزيون, والنتيجة أنهم حايرين بالموضوع.

مثلا بأمريكا, هناك شركات كبيرة تقدم خدمات التصوير من أجل تسويق العقارات او المناسبات او للدعايات المختلفة, وهذا ممنوع بدون ترخيص مركبة طائرة, ولكن الحيلة القانونية أن الأجور ليس على التصوير, وأنما على أنتاج الفلم

الطائرات الصغيرة هذي ممكن تحصلها من الأنترنت ب 70 دولار واصلة الدوحة, وقد تكون بكاميرا أو بدون, لذلك من الصعب منع الطائرة التي بدون كاميرا

شفت في أحد المحلات بالدوحة مسوي تحوير للطائرة, بدل الكاميرا مسوي صندوق يحمل طعم يقوم بأسقاطة لتدريب ألصقور

ليس هناك حل

[ولد العرب]

اللي انا كنت بشتريها طولها مترين الا شوي

ايوه فاهم عليك اللي تقصده مصيييبه :eek5:

[Super Cool]

هذي اللي اقصدها

http://www.rcmarks.org/img/ModGal/Cessna182_Bill.jpg

[حمد 2002]

اول مره اسمع بأن احد ايطير طياره بالفريج ،،

اختي انتي اتبالغين الصراحه لانه ولا عمرنا جفنا طياره ايطيرونها بين الاحياء السكنيه وبالفرجان !!

الطيارات الاسلكيه لها مطارات مختصه ممم بالخور تقريبا ولها شروط ولازم رخصه طبعا !!


اختي اسمحيلي كلامج من وحي الخيال وقصه الف ليله وليله !!


بالتوفيق ،،

[شبح الصمت]

اول مره اسمع بأن احط ايطير طياره بالفريج ،،

اختي انتي اتبالغين الصراحه لانه ولا عمرنا جفنا طياره ايطيرونها بين الاحياء السكنيه وبالفرجان !!

الطيارات الاسلكيه لها مطارات ختصه ممم بالخور تقريبا ولها شروط ولازم رخصه طبعا !!


اختي اسمحيلي كلامج من وحي الخيال وقصه الف ليله وليله !!


بالتوفيق ،،


حمد متااكد انك عايش معانا

اهي تتكلم عن الطيارة الريموت الي هابين فيها تصور ما تروح العديد

ما تروح البحر

ياخي قمت اشك فيك !!!


شالسالفه انت ..

[حمد 2002]

ولو فرضنا ان احد ايطير طياره بفريجكم ممممم هل تتبعتي من اي بيت تنزل ؟

وماهو موقفج اختي المحاميه هل بلغتي الجهات الامنيه ولا بس جلستي ولعبتي دور المتفرج ؟


بالتوفيق ،،

[حمد 2002]

حمد متااكد انك عايش معانا

اهي تتكلم عن الطيارة الريموت الي هابين فيها تصور ما تروح العديد

ما تروح البحر

ياخي قمت اشك فيك !!!


شالسالفه انت ..

هي قالت اتصور بيتكم مممممم يعني بالفريج ماقالت بالبحر !!

[همر]

الناس وصلوا لساعه تطير وتصور وانتوا لي الحين تتكلمون

عن طيارات !!


http://youtu.be/CwrlHDsve0E

[حسن]

سلط عليهم وصلت فيهم لهمواصيل انا كله قاعد في الحوش بسرول وفانيله :eek5:

يارجال خذ وخل من يقعد في الحوش الحين الله يهداك

وعليكم السلام

نسينا بغينا مانسلم

[حمد 2002]

تبي الصج انا اقول انه الطيارة لهم حق احد معاهم فالبيت

لانه قويه واحد يطير فالفريج هالطيارة ويصور بيوت خلق الله ..


مع احترامي لها بس يا وجه استح مستعد لو اشوفه يصور والله ما اخليه

واصلا الي بيصور يكون قريب وهذه فيها طوف اشلون بيطالع الا اذا انه جالس فوق سطح بيتهم ..

قوووووووووويه

:nice::nice:

[باراكودا]

اللي يعرف الطياره يحط صورتها لو سمحتوا لاني ماعرف شسمها


هي صغير نوعا ما ولونها ابيض ولها جهاز تحكم

ماعرف بعد باقي التفاصيل

http://www.blessthisstuff.com/imagens/stuff/dji-phantom-2-vision.jpg

[حمد 2002]

يارجال خذ وخل من يقعد في الحوش الحين الله يهداك

وعليكم السلام

نسينا بغينا مانسلم

السؤال هنا بحكم خبرتك وحسك الامني اخوي بو سالم

مممم هل صحيح ان تلك الطائرات من الممكن ان تستخدم لاغراض التجسس واغراض غير امنيه ؟ وليششش وشلوون

[النهار]

هههههههههههههه
بوعلي توه من مده قصيره كانوا يبعون ويشترون في هالطياره هني عندنا في المنتدى

الرابط
http://www.qatarshares.com/vb/showthread.php?582694-مطلوب-طائرة-فانتوم-2&highlight=%D8%C7%C6%D1%E5+%DD%C7%E4%CA%E6%E3+%E3%D A+%DF%C7%E3%ED%D1%C7

[حمد 2002]

هههههههههههههه
بوعلي توه من مده قصيره كانوا يبعون ويشترون في هالطياره هني عندنا في المنتدى

الرابط
http://www.qatarshares.com/vb/showthread.php?582694-مطلوب-طائرة-فانتوم-2&highlight=%D8%C7%C6%D1%E5+%DD%C7%E4%CA%E6%E3+%E3%D A+%DF%C7%E3%ED%D1%C7


ممنوع :secret:

[النهار]

ممنوع :secret:

شنهو الي ممنوع العالم شرت وباعت وانت تقول ممنوع خاطري في f16 بخليها ليل ونها فوق بيتكم :shy:

[المحاميه]

سلط عليهم وصلت فيهم لهمواصيل انا كله قاعد في الحوش بسرول وفانيله :eek5:

خايف على نفسك؟
شيبون فيك اصلا

:)



خذي الرقم من البدالة و اتصلي قدمي شكوة...بيراقبون و بيسوون اللي

عليهم...توني مكلم نسيبي فالجهاز قال لي ممنوعة الطيارات فالفرجان

مهما كان النوع حتى لو عادية


ايوه كنت اعرف انها ممنوعه لان التصرف اصلا مرفووووووض

سمعتوا يااصحاب الطيارات ياللي تطيرونها في الفرجان

ترا بابلغ

ها اخر فرصه لكم




http://www.fraise-d.com/up/uploads/1413699673171.jpg

شكرا على الدعم



يالطيب ياخوي انت ورايك ونحترمه

هذي الطايرات منتشره هنا بقطر وبكثره
http://www.mstaml.com/imagesData/%D9%84%D9%84%D8%A8%D9%8A%D8%B9_%D8%B7%D8%A7%D8%A6% D8%B1%D9%87_%D9%81%D8%A7%D9%86%D8%AA%D9%88%D9%85_% D9%85%D8%B9_%D9%83%D8%A7%D9%85%D9%8A%D8%B1%D8%A7_% D9%82%D9%88%D8%A8%D8%B1%D9%88_%D9%87%D9%8A%D8%B1%D 9%883_%D8%B7%D8%A7%D8%A6%D8%B1%D9%87_%D8%A7%D9%84% D9%81%D8%A7%D9%86%D8%AA%D9%88%D9%85-i137658050606510066.jpg

طائره فانتوم مع كاميرا قوبرو هيرو3


http://www.mstaml.com/imagesData/%D8%B7%D8%A7%D8%A6%D8%B1%D8%A9_%D9%84%D8%A7_%D8%B3 %D9%84%D9%83%D9%8A%D8%A9_Intruder_Cam_%2B_%D9%83%D 8%A7%D9%85%D9%8A%D8%B1%D8%A7_%D8%A7%D9%84%D8%B7%D8 %A7%D8%A6%D8%B1%D9%87_1-i139232702409260022.jpg


http://www.mstaml.com/imagesData/%D8%B7%D8%A7%D8%A6%D8%B1%D8%A9_%D9%81%D8%A7%D9%86% D8%AA%D9%88%D9%85_2_%D9%85%D8%B9_%D8%BA%D9%8A%D9%8 5%D8%A8%D8%A7%D9%84_%D9%84%D8%AD%D9%85%D9%84_%D9%8 3%D8%A7%D9%85%D9%8A%D8%B1%D8%A7_%D8%BA%D9%88%D8%A8 %D8%B1%D9%88_%D8%AC%D8%AF%D9%8A%D8%AF%D8%A9-i139966018392410087.jpg


هذي اللي يقصدونها ياخوي
انا عارف انت تقصد الكبيره


ايوه هذي هي

[R 7 A L]

يالطيب ياخوي انت ورايك ونحترمه

هذي الطايرات منتشره هنا بقطر وبكثره
http://www.mstaml.com/imagesData/%D9%84%D9%84%D8%A8%D9%8A%D8%B9_%D8%B7%D8%A7%D8%A6% D8%B1%D9%87_%D9%81%D8%A7%D9%86%D8%AA%D9%88%D9%85_% D9%85%D8%B9_%D9%83%D8%A7%D9%85%D9%8A%D8%B1%D8%A7_% D9%82%D9%88%D8%A8%D8%B1%D9%88_%D9%87%D9%8A%D8%B1%D 9%883_%D8%B7%D8%A7%D8%A6%D8%B1%D9%87_%D8%A7%D9%84% D9%81%D8%A7%D9%86%D8%AA%D9%88%D9%85-i137658050606510066.jpg

طائره فانتوم مع كاميرا قوبرو هيرو3


http://www.mstaml.com/imagesData/%D8%B7%D8%A7%D8%A6%D8%B1%D8%A9_%D9%84%D8%A7_%D8%B3 %D9%84%D9%83%D9%8A%D8%A9_Intruder_Cam_%2B_%D9%83%D 8%A7%D9%85%D9%8A%D8%B1%D8%A7_%D8%A7%D9%84%D8%B7%D8 %A7%D8%A6%D8%B1%D9%87_1-i139232702409260022.jpg


http://www.mstaml.com/imagesData/%D8%B7%D8%A7%D8%A6%D8%B1%D8%A9_%D9%81%D8%A7%D9%86% D8%AA%D9%88%D9%85_2_%D9%85%D8%B9_%D8%BA%D9%8A%D9%8 5%D8%A8%D8%A7%D9%84_%D9%84%D8%AD%D9%85%D9%84_%D9%8 3%D8%A7%D9%85%D9%8A%D8%B1%D8%A7_%D8%BA%D9%88%D8%A8 %D8%B1%D9%88_%D8%AC%D8%AF%D9%8A%D8%AF%D8%A9-i139966018392410087.jpg


هذي اللي يقصدونها ياخوي
انا عارف انت تقصد الكبيره




هذي يستخدمونها الحين في تعليم الطيور

[المحاميه]

هذي مشكلة كبيرة في كل أنحاء العالم وليس عندنا فقط, بسبب أن هذه التكنولوجيا باغتت الجهات الأمنية والقانونية بسرعة أنتشارها ورخص سعرها, وقدراتها العالية على الطيران المستقر وتسجيل فيديو بنفس الوقت.

أولا من ناحية الخصوصية الفردية, ثانيا من ناحية التجسس الصناعي, وثالثا التجسس الأمني, ورابعا الترخيص وسلامة الطيران المدني

كنت أتابع برنامج لمدة ساعة على التلفزيون, والنتيجة أنهم حايرين بالموضوع.

مثلا بأمريكا, هناك شركات كبيرة تقدم خدمات التصوير من أجل تسويق العقارات او المناسبات او للدعايات المختلفة, وهذا ممنوع بدون ترخيص مركبة طائرة, ولكن الحيلة القانونية أن الأجور ليس على التصوير, وأنما على أنتاج الفلم

الطائرات الصغيرة هذي ممكن تحصلها من الأنترنت ب 70 دولار واصلة الدوحة, وقد تكون بكاميرا أو بدون, لذلك من الصعب منع الطائرة التي بدون كاميرا

شفت في أحد المحلات بالدوحة مسوي تحوير للطائرة, بدل الكاميرا مسوي صندوق يحمل طعم يقوم بأسقاطة لتدريب ألصقور

ليس هناك حل


لا ياخوي اكيد فيه حل

مافي مشكله في الدنيا الا ولها حل


والمفروض كل واحد يحكم ضميره خصوصا احنا كمسلمين

خلوا تصرفات الغرب عنكم

ولو ان الغرب ماراح يتجسسون فيها على بعض مب نفس اخوانا اهني :sneaky:

[ولد العرب]

هذي يستخدمونها الحين في تعليم الطيور


عندي وحده :secret:

[همر]

وهذي طياره بحجم الكف لو تطير فوق بيتكم

مادريت عنها تصور بوضوح عالي على كرت مموري

http://www.hobbyequipment.se/shop/10953/art53/h8332/18668332-origpic-94ed9a.jpg

لقيتها في لندن ب30 باوند ...

يعني 180 ريال فقط لاغير ...

[المحاميه]

ولو فرضنا ان احد ايطير طياره بفريجكم ممممم هل تتبعتي من اي بيت تنزل ؟

وماهو موقفج اختي المحاميه هل بلغتي الجهات الامنيه ولا بس جلستي ولعبتي دور المتفرج ؟


بالتوفيق ،،

اول شي لاتنرفزني

ثاني شي سوالف وحي الخيال مب صوبي لاني اعتمد على الواقع وعاللي شفته

مب اروح اسمع او اخذ تعليمات من فلان وعلان واطرح مواضيع يااستاذ :victory:

ومشكلتك اذا ماتعرف هالطياره

رزينالك صور بعد شتبي

وبخصوص اسألتك ..


لا طبعا ماتتبعت لاني كنت فالبيت وين اطلع فالفريج احوس بين البيوت وانا بنيه؟ ايش وضعك يبه!!


اما بخصوص موقفي .. استنكرت هالفعل .. وفكرت ان هالشي مارضى لي ولا لغيري .. وماقدر ابلغ وانا ماعرف اي بيت .. لكن توني دريت ان عادي ابلغ واقولهم الفريج الفلاني وهم يراقبون


وانت شنو دورك ياللي ماتدري عن الدنيا :)

[المحاميه]

الناس وصلوا لساعه تطير وتصور وانتوا لي الحين تتكلمون

عن طيارات !!


http://youtu.be/CwrlHDsve0E




ايه اتكلم عن طياره شفتها ف الفريج تصور

وين الغلط!!

انت شفت الساعه ذي ف بيتكم؟

لي شفتها تعال اطرح موضوع وقولنا شسويت


:)

[شيخ الديرة]

وهذي طياره بحجم الكف لو تطير فوق بيتكم

مادريت عنها تصور بوضوح عالي على كرت مموري

http://www.hobbyequipment.se/shop/10953/art53/h8332/18668332-origpic-94ed9a.jpg

لقيتها في لندن ب30 باوند ...

يعني 180 ريال فقط لاغير ...




شريت 2 منها, بدون كاميرا

[ولد العرب]

ايه اتكلم عن طياره شفتها ف الفريج تصور

وين الغلط!!

انت شفت الساعه ذي ف بيتكم؟

لي شفتها تعال اطرح موضوع وقولنا شسويت


:)

الا همر الله يخليك لاتغلطين عليه

هو علمك يعني في ساعات تطير بما بالكم بطياره
واحتمال على قووله النهار نعال وقحفيه بتطير قريبا :rolleyes2:
ولذلك اتركي همر وشانه حبيب قلووووووب

[المحاميه]

يارجال خذ وخل من يقعد في الحوش الحين الله يهداك

وعليكم السلام

نسينا بغينا مانسلم

ايه للحين نقعد فالحوش او فوق السطح وين المشكله؟ عشان انت تروح بحر او عزبة فلان الخ كل الناس لازم تكون نفسك؟

استغفر الله




http://www.blessthisstuff.com/imagens/stuff/dji-phantom-2-vision.jpg


مشكور على الدعم




السؤال هنا بحكم خبرتك وحسك الامني اخوي بو سالم

مممم هل صحيح ان تلك الطائرات من الممكن ان تستخدم لاغراض التجسس واغراض غير امنيه ؟ وليششش وشلوون

ليش وشلون!!!
شتبي يبه
اشرايك نعطيك وحده من هالطيارات
عالاقل اتعلملك شي وتستغل وقت فراغك
شقلت؟









هذي يستخدمونها الحين في تعليم الطيور


هي انوجدت لاغراض تعليميه بس بعض الناس عليهم عرات :)

[همر]

ايه اتكلم عن طياره شفتها ف الفريج تصور

وين الغلط!!

انت شفت الساعه ذي ف بيتكم؟

لي شفتها تعال اطرح موضوع وقولنا شسويت


:)



وهذي حالتج ... كله داشه في الطوفه ..

اهيعي شوي ..

انا اقصد التكنلوجيا ماراح توقف على طياره

ولا صحن مجبوس طائر ... اللي يبي يسوي

شي غلط السوق مليان اجهزه ومعدات

والتكنلوجيا كل يوم تطلع شي جديد ...

يعني اذا في حد يبي يتجسس عليج

يا سعادة الكونتيسه المحاميه عادي تلاقين

قمله في راس خدامتكم تسجل صوت وصوره :(

[شيخ الديرة]

هي انوجدت لاغراض تعليميه بس بعض الناس عليهم عرات :)

تطبيقاتها لحد الأن لم تعرف الحدود. هذي بيها نظام الملاحة الجي بي أس, وممكن تبرمج خط الطيران مقدما, واذا صارت أي مشكلة ترجع لحالها لنقطة الصفر, مثلا مراقبة الحدود, كشف المشاكل في الحقول والمزارع الكبيرة, تتبع الحيوانات .... الخ الخ

[المحاميه]

وهذي حالتج ... كله داشه في الطوفه ..

اهيعي شوي ..

انا اقصد التكنلوجيا ماراح توقف على طياره

ولا صحن مجبوس طائر ... اللي يبي يسوي

شي غلط السوق مليان اجهزه ومعدات

والتكنلوجيا كل يوم تطلع شي جديد ...

يعني اذا في حد يبي يتجسس عليج

يا سعادة الكونتيسه المحاميه عادي تلاقين

قمله في راس خدامتكم تسجل صوت وصوره :(



انزين يالذكي

اذا كل واحد بيفكر جذي

عيل مافي فايده كل واحد يقعد ف بيته ولا يطلع بدون مايتستر وخلاص دامه مكشوف مكشوف

ليش يايبه مانعالج الامور ونطرحها حبه حبه

شفيها يعني شفت شي وقلت عنه

مب لازم تطرح التطورات التكنولوجيا على مر العصور يه

[المحاميه]

تطبيقاتها لحد الأن لم تعرف الحدود. هذي بيها نظام الملاحة الجي بي أس, وممكن تبرمج خط الطيران مقدما, واذا صارت أي مشكلة ترجع لحالها لنقطة الصفر, مثلا مراقبة الحدود, كشف المشاكل في الحقول والمزارع الكبيرة, تتبع الحيوانات .... الخ الخ


قلتلك اخترعوها للفايده
لكن بني ادم لازم يجرب الطريق الثاني :sneaky:

[عطر فرنسي]

وعليكم السلام ورحمه الله وبركاته

انا صراحه عن نفسي ماشفت شي من الي قلتيه ابدا يمكن فيه والله العالم واذا قلنا فيه ترا مال اول يحط كميرا ويشوف بيوت العالم

الله يكثر من هاي المجمعات والفنادق وغيرها يامكثرهم بهاي الاشياء يقدر الواحد يسوي الي يبيه والله يستر على الجميع

كل الشكر على التنبيه

[المحاميه]

اخوي عطر

فيه كمن عضو حطوا صورة الطياره

شوف شكلها يمكن مرت عليك

:nice:

[عطر فرنسي]

اخوي عطر

فيه كمن عضو حطوا صورة الطياره

شوف شكلها يمكن مرت عليك

:nice:

ماعتقد تمر علي لاني عمري ماشفتها لاني راعي بحر ولا راعي بر وصوب فريجنا ماشفت شي قدامي الصراحه

[monatee]

انا مع الكومنت الاولي

اقصفي اي شي يطير فوق بيتكم :nice:

[ولد العرب]

هدي اعصابك

يقدرون يارقبون بيتك من موقع ايرث القمر صناعي

يعني محد درى عنك ولا عنه

http://media.almasryalyoum.com/News/Large/2014/04/15/202910_0.jpg
هولندي يكتشف جريمة قتل بجوار منزله أثناء متابعة موقع جوجل إيرث
برنامج «جوجل إيرث» التقط صوراً عبر الأقمار الصناعية لإحدى البحيرات الهولندية، ظهر خلالها أحد المرافئ المطلة على البحيرة، وبها آثار دماء بطول المرفأ وتجمع دموي كبير في نهايته؛ ما يشير إلى حدوث عملية قتل في تلك المنطقة

[شبح الصمت]

عالعموم اختي المحامية

كان عندج حلول كثيرة

اول حل لاجل تعرفين وين موقع الطيارة
تخلين احد من رجاجيل البيت يطلع ويشوفها
ثاني شيء اذا ما قدرتي الدريول اذا متواجد يلاحقها لين تنزل


وعقب الله يسلمج تتخذون معاه اجراءات احد اخوانك يروح له ويتفاهم معاه او انه يتم تقديم شكوى ضده لاجل ياخذون تعهد عليه وما يطيرها فالفريج ..


واحتمال كبير انه يكون ياهل الي قاعد يلعب فيها لانه يهال عندهم مثل هالطيارة لانه رجل عاقل وكبير صعبة انه يسوي مثل هالحركة


والله يستر على الجميع

[Super Cool]

ياخي سؤال يقرقع في مخي

اخترعوا البلوتوث قلبناه مغازل

اخترعوا البي بي ام قلبناه مغازل

اخترعوا طيارة برموت قلبناها مغازل

شالآفة الي عندنا أبي افهم؟؟؟؟؟

[بومحمد المطاوعه]

ياخي سؤال يقرقع في مخي

اخترعوا البلوتوث قلبناه مغازل

اخترعوا البي بي ام قلبناه مغازل

اخترعوا طيارة برموت قلبناها مغازل

شالآفة الي عندنا أبي افهم؟؟؟؟؟

قلبناه ..؟

ليش حطيت نفسك معاهم اخوي

[نوفا91]

ياخي سؤال يقرقع في مخي

اخترعوا البلوتوث قلبناه مغازل

اخترعوا البي بي ام قلبناه مغازل

اخترعوا طيارة برموت قلبناها مغازل

شالآفة الي عندنا أبي افهم؟؟؟؟؟

شعب قلبه خضر
:(

[شبح الصمت]

ياخي سؤال يقرقع في مخي

اخترعوا البلوتوث قلبناه مغازل

اخترعوا البي بي ام قلبناه مغازل

اخترعوا طيارة برموت قلبناها مغازل

شالآفة الي عندنا أبي افهم؟؟؟؟؟



حتى الاسود
والفهود
والقرود
والثعابين

كلها اداة مغازل حق الاشكال الرخيصة الي مهب شايفه خير من بعض البنات

:)

[نوفا91]

حتى الاسود
والفهود
والقرود
والثعابين

كلها اداة مغازل حق الاشكال الرخيصة الي مهب شايفه خير من بعض البنات

:)


شبح فهود واسود فهمنا بس عاد ثعابين وقرود شلون بعد !!

[شبح الصمت]

شبح فهود واسود فهمنا بس عاد ثعابين وقرود شلون بعد !!



ليش ما شفتي واحد يدور في ثعبان والا في قرد

والبنات من يشوفونه يلاحقونه يبون يتصرون معاه

وعقب تشبيك تايم

[Aaziz]

كلش كلش مايجوز هالتصرف ،، ترى مش كل الطيارات فيها كيمره
المشكله ان هالتقنيات صارت بايدي اطفال صغار

الحل الله يسلمج مصجمه :victory:

[نوفا91]

ليش ما شفتي واحد يدور في ثعبان والا في قرد

والبنات من يشوفونه يلاحقونه يبون يتصرون معاه

وعقب تشبيك تايم


صج لا فاتتني الحركه
غبيه عاد ثعباااان وتصور معاه شالحلو فيه ،

[بومحمد المطاوعه]

شبح فهود واسود فهمنا بس عاد ثعابين وقرود شلون بعد !!

ههههههه اخوي الصغير

جايب قرد البيت

والله بلغت جناح الاثر والحمدلله

ماقصرو وشلوه

[Super Cool]

قلبناه ..؟

ليش حطيت نفسك معاهم اخوي

حشر مع الناس عيد ههههههههه

لا اقصد اهل قطر و اهل الخليج بشكل عام

[المحاميه]

اخ شبح

صعبه كانت اروح ابلغ حد من البيت ويدوره

الطياره دقيقتين واختفت

واللي ف البيت محد

وماحب اتعامل مع الدريول على فيه ومافيه

جذي ولا جذي باطلع نفسي من السالفه

بس يمكن افضل حل هو اني كنت ابلغ الفزعه او القسم المختص ويراقب ويعرف اي بيت ويتخذ الاجراء اللازم

يمكن الناس مطيرينها بحسن نيه

بس مثل ماقلت الفريج والبيوت اللي فيه لهم حرمه ومحد بيتقبل الموضوع

ف ياريت الاخوان اللي عندهم هالطياره ينتبهون


اخوي سوبر كول

لاتخاف آفة المغازل منتشره في كل البلدان حتى الاوروبيه والامريكيه لاتفتكر بس هالشي عندنا

هذي غريزه في بعض البشر



الله المستعان

:)

[المحاميه]

اتمنى عدم الخروج عن صلب الموضوع والتطرق لمواضيع اخرى


الكلام موجه لـ بو محمد بالذات


وحده بـ وحده :tease:

[الصغيره]

وعليكم السلام ورحمة الله وبركاته


الا يصور بعد الا نرفع عليه قضيه


الله يرحم ايام اول كنا نفرح لما نشوف الطياره فوق بيتنا ونحس اننا مميزين ههههههه

[بومحمد المطاوعه]

حشر مع الناس عيد ههههههههه

لا اقصد اهل قطر و اهل الخليج بشكل عام

البعض منهم الله يستر عليهم يارب

[المحاميه]

وعليكم السلام ورحمة الله وبركاته


الا يصور بعد الا نرفع عليه قضيه


الله يرحم ايام اول كنا نفرح لما نشوف الطياره فوق بيتنا ونحس اننا مميزين ههههههه


الاول تحول يابوج

[خليفـة]

عليكم السلام

هذا يعتبر تصرف شخصي بعيد عن الأدب واحترام خصوصية الآخرين
المفروض يتم سن قانون يمنع طيران تلك الطائرات في المناطق السكنية
وخصوصا ان كل تلك الطائرات مزودة بكاميرة فيديوا تصور كل ما يدور حولها

خليفــة

[راجي الْعفو]

وعليك و رحمة الله ..

بيض الله ويهج يالمحامية عالتذكير الطيب وفي ميزان حسناتج يارب ..

بخصوص الموضوع يمكن تكون حلوله كالاتي - وذكر بعض الاعضاء شي منها بس انحاول نجمعها - :

- تقوية الوازع الديني لدى المستخدمين إن كانوا مسلمين ، و ان كانوا غير مسلمين ، يبين لهم قوانين البلد

- تشديد الرقابه في إدخال مثل هالأجهزة و جعل تصاريح خاصة لها

- منع استخدامها في التجمعات السكنية و التجارية و تخصيص أماكن خاصة لها

- الاتصال بالشرطه في حال رؤية مثل هالاجهزه في وضع غير قانوني

هذا اللي عندي ، و اترك المجال للي عقبي=بعدي _ ع طريقة بوشهب _


مع التحية ...

[المحاميه]

منع استخدامها في التجمعات السكنية و التجارية و تخصيص أماكن خاصة لها


اشلون؟

هالحل غير منطقي

يعني يدشون بيت كل واحد يفتشون اغراضه ويصادرون طيارته ولا ايش؟

[حسن]

عليكم السلام

هذا يعتبر تصرف شخصي بعيد عن الأدب واحترام خصوصية الآخرين
المفروض يتم سن قانون يمنع طيران تلك الطائرات في المناطق السكنية
وخصوصا ان كل تلك الطائرات مزودة بكاميرة فيديوا تصور كل ما يدور حولها

خليفــة

قانون يالظالم قانون عاد

زين خلني انا اسنه سن لكم

الناس وين وصلو واحنا نتكلم عن طياره لبع يهال تصور
تعالو جيبوهم صوبي

قانون ها


:telephone:

[ameeer3]

وعليكم السلام ورحمة الله وبركاته

داش اسلم بس

[نوفا91]

حسن كل المواضيع عنده لوين اوصلوا الناس واحنا بهالموضوع ، قول شتبي نناقثس ؟

تقولك كام ويصورن وانا احتسي قهوتي الساخنه اخ حسن
مايصير يالطيب :)

[sweet qatar]

وعليكم السلام ورحمة الله وبركاته


جزاج الله خير يالمحامية علي التنبيه

أعتقد هذي تصرفات مراهقين .. فأتمني كل واحد يشيك وينبه المراهقين حوله

بعضهم عن جهل وبعضهم فضول

اذا شفتيها مرة ثانية .. احذفي عليها حصي :o

عسي الله يستر علي عباده ويكفينا شر التكنولوجيا

[حسن]

حسن كل المواضيع عنده لوين اوصلوا الناس واحنا بهالموضوع ، قول شتبي نناقثس ؟

تقولك كام ويصورن وانا احتسي قهوتي الساخنه اخ حسن
مايصير يالطيب :)

يااخت نوفا و ش اقول وش احجي طياره تافهه ولعبه وكان اللي يقول الحين حرمينا
ولا بناتنا طالبانبات من لبسهم
يبا خلاص فاتكم القطار

يصور اي يصور والناس عارضه صورها في جميع وسائل الاتصال بوضعيات مختلفه

مايسير انا اناقش طياره فوق بيتنا مادري تمر
انا دخلت على في الميلس وخت لنا صور سلفي وراحت ولاقلنا لها شي

الناس تغيرت وتبدلت

هي جات على طياره طياره طياره

:)

[نوفا91]

يااخت نوفا و ش اقول وش احجي طياره تافهه ولعبه وكان اللي يقول الحين حرمينا
ولا بناتنا طالبانبات من لبسهم
يبا خلاص فاتكم القطار

يصور اي يصور والناس عارضه صورها في جميع وسائل الاتصال بوضعيات مختلفه

مايسير انا اناقش طياره فوق بيتنا مادري تمر
انا دخلت على في الميلس وخت لنا صور سلفي وراحت ولاقلنا لها شي

الناس تغيرت وتبدلت

هي جات على طياره طياره طياره

:)


من صجك حسن !
شنو عادي وكل الصور بمواقع التواصل الاجتماعي !!
يبه اهي تكلم كانت فالحوش وبنت واكيد مابتقعد فالحوش بعباتها ، بس انتوا عادي سلفي صورني كأني مادري فالاخير انت شنب
:)

[شيخ الديرة]

يااخت نوفا و ش اقول وش احجي طياره تافهه ولعبه وكان اللي يقول الحين حرمينا
ولا بناتنا طالبانبات من لبسهم
يبا خلاص فاتكم القطار

يصور اي يصور والناس عارضه صورها في جميع وسائل الاتصال بوضعيات مختلفه

مايسير انا اناقش طياره فوق بيتنا مادري تمر
انا دخلت على في الميلس وخت لنا صور سلفي وراحت ولاقلنا لها شي

الناس تغيرت وتبدلت

هي جات على طياره طياره طياره

:)

صح لسانك, أي واحد يقول ممنوع وقانون وما شابه سوف يتعجب من الحقيقة في هذه التكنولوجيا.

شركة كبيرة وقعت مع حكومة الأمارات لتطوير أستخدام هذه التقنية لقيام بتوصيل مختلف الأمور لمؤسسات الدولة, وأمازون وغيرها عندهم مشاريع كبيرة, أحنا فين ولا فين ....

http://www.bloomberg.com/image/iHjjIUdYqkC0.jpg

[حسن]

صح لسانك, أي واحد يقول ممنوع وقانون وما شابه سوف يتعجب من الحقيقة في هذه التكنولوجيا.

شركة كبيرة وقعت مع حكومة الأمارات لتطوير أستخدام هذه التقنية لقيام بتوصيل مختلف الأمور لمؤسسات الدولة, وأمازون وغيرها عندهم مشاريع كبيرة, أحنا فين ولا فين ....

http://www.bloomberg.com/image/iHjjIUdYqkC0.jpg

اي والله شفت شلون يقولون تصورنا قاعدين في الحوش
في ذمتكم الحين من يقعد في الحوش شغل عياره ماابي
وبعدين الصوره في كل مكان يارجال خذ وخل وقز الفيش ماعليك منهم

شناب شات وكيك واستغرام واتساب وتلفونات مليانه صوره على القوقل وغيرها
والقوقل من فوق يصورك

وزمان اول ماهوب الحين

[المحاميه]

اوكي حسن شتبي توصله يعني؟

عادي يعني صح


ان شاء الله كل يوم تدرعم بيتكم طياره وتصور هلك

بعدها تعال قول عادي والموضوع سلس وتقبلوه بصدر رحب


انت متناقض ف صوب تغرد وتقول نبي حمله يتغطون البنات ومايظهرون شعورهم وذاك الصوب تقول عادي يسوقون واهني تقول عادي ينكشفون

شسالفه؟!؟

ويقول الخطر قادم والزمن تغير


انت بكبرك خطر عالبشريه

ش هالعقل اللي عليك يودي واييب

ارسيلك على بر

[المحاميه]

ورجاء لاتقلب الموضوع سوالف وقهوه وما قهوه


عشان ماضطر اراسل الاداره
انت بالذات عاد ادور الزله عليك

[شيخ الديرة]

اي والله شفت شلون يقولون تصورنا قاعدين في الحوش
في ذمتكم الحين من يقعد في الحوش شغل عياره ماابي
وبعدين الصوره في كل مكان يارجال خذ وخل وقز الفيش ماعليك منهم

شناب شات وكيك واستغرام واتساب وتلفونات مليانه صوره على القوقل وغيرها
والقوقل من فوق يصورك

وزمان اول ماهوب الحين

قريباً: طائرات بدون طيار لتوصيل الوثائق الحكومية الإماراتية (http://arabic.cnn.com/scitech/2014/02/10/uae-drone-delvery-government-documents)

http://i.cdn.turner.com/dr/cnnarabic/cnnarabic/release/sites/default/files/styles/landscape_780x440/public/image/drones.dubai_.jpg?itok=8X-ArGCt

[راجي الْعفو]

منع استخدامها في التجمعات السكنية و التجارية و تخصيص أماكن خاصة لها


اشلون؟

هالحل غير منطقي

يعني يدشون بيت كل واحد يفتشون اغراضه ويصادرون طيارته ولا ايش؟

اقصد نفس اللي مسوينه في الخور ..

ومثل هالاغراض لازم مادش الدوله الا بنظام معين فيه امان للجميع ..

[عاهد بن علي]

يجب اخذ الحيطه والحذر يالشيخه
وعليكم السلام ورحمة الله وبركاته

[Charisma]

وعليكم السلام ورحمه الله وبركاته ..

مرحبا اختي المحاميه ..

الطائرات اللاسلكيه والمجهزه بكاميرا .. اعتقد ولا اجزم .. انها ممنوعه .. فالحل الامثل تتبع مصدر الطائره والتبليغ عنهم .. وايضا في المحلات اذا شفتوا مثل هالطيارات بلغوا عنها . لان انتهاك واضح للخصوصيه ..

[غايه الطواش]

عندنا وحده فالبيت ودخلنا لا تصريح ولا شي وتصور بعد

[بومحمد المطاوعه]

عندنا وحده فالبيت ودخلنا لا تصريح ولا شي وتصور بعد

عندي 4

وحده فانتوم
وحده هليكوبتر
وثنتين مالت الحركات

الفانتوم عليها كيمرا
واستخدمها ف سيلين او تصوير التجمعات
اما بستخدمها فالفريج محد راح يرضى

ومابي اسبب ازعاج للجيران

[المحاميه]

شكرا عالصراحه وياريت الكل عنده ضمير واحساس حي

[شيخ الديرة]

وعليكم السلام ورحمه الله وبركاته ..

مرحبا اختي المحاميه ..

الطائرات اللاسلكيه والمجهزه بكاميرا .. اعتقد ولا اجزم .. انها ممنوعه .. فالحل الامثل تتبع مصدر الطائره والتبليغ عنهم .. وايضا في المحلات اذا شفتوا مثل هالطيارات بلغوا عنها . لان انتهاك واضح للخصوصيه ..

من الصعب البت بأنها تصور أو لا. في بداية الأمر ونهايته, هي لعبة ورياضة ولها هواتها ومتحميسها

http://imgmgr.banggood.com/images/upload/2014/11/SKU13844511.jpg

[مهرة]

..

وعليكم السلام والرحمة .. ليش هالعنف بالعكس العيال كل ماشافوا طيارة فوق البيت يصارخون ونتجمع ونسوي تحية الموجة كلنا وخداماتنا بعد :victory:

عادي ونركض معاهم في الحوش ذهاباً وإياباً ..!

[Charisma]

من الصعب البت بأنها تصور أو لا. في بداية الأمر ونهايته, هي لعبة ورياضة ولها هواتها ومتحميسها

http://imgmgr.banggood.com/images/upload/2014/11/SKU13844511.jpg

مرحبا اخوي شيخ الديره ..

مافي شي صعب وانا اخوك .. بأمكان رجال الجمارك التاكد من كل شحنه للطائرات اللاسلكيه اذا كانت مجهزه بكاميرا او لا.. او عمل احصائيه بالشركات المنتجه لمثل هالطائرات ومنعها من الدخول . مانختلف ان ممكن تكون لها استخدامات ايجابيه في التصوير.. ولكن الضرر اكثر .. خصوصا اذا طاحت بيد ضعاف النفوس او بعض المراهقين واستخدامها في الفرجان من بيت لبيت .. تعدي واضح على الخصوصيه .

[شيخ الديرة]

مرحبا اخوي شيخ الديره ..

مافي شي صعب وانا اخوك .. بأمكان رجال الجمارك التاكد من كل شحنه للطائرات اللاسلكيه اذا كانت مجهزه بكاميرا او لا.. او عمل احصائيه بالشركات المنتجه لمثل هالطائرات ومنعها من الدخول . مانختلف ان ممكن تكون لها استخدامات ايجابيه في التصوير.. ولكن الضرر اكثر .. خصوصا اذا طاحت بيد ضعاف النفوس او بعض المراهقين واستخدامها في الفرجان من بيت لبيت .. تعدي واضح على الخصوصيه .

ما كنت أقصده, هل من حقك الأحتجاج على طيارة من هذا النوع ولكن ليس بها كاميرا؟ طيب اذا واحد من أطفال جيرانك قرر أن يعلب بالطيارة وأنت شفتها, كيف تعرف أنها مزودة بكاميرا, أم تريد تمنع الكل ؟؟

[العلياا]

وعليكم السلام
انا من فترة شفت فيديو عن تقنية جديدة اظن اسمها نكستي ع وزن سيلفي
عبارة عن طيارة فيها كاميرا وتصور

اللي يقصدها سوبر هذيك ممنوعة وتحتاج ليسن وغيره ممنوع اطير فالفرجان
الحل الله يسلمج
افلعي عليها اي شي احذاج وانتهى الموضوع

[Charisma]

ما كنت أقصده, هل من حقك الأحتجاج على طيارة من هذا النوع ولكن ليس بها كاميرا؟ طيب اذا واحد من أطفال جيرانك قرر أن يعلب بالطيارة وأنت شفتها, كيف تعرف أنها مزودة بكاميرا, أم تريد تمنع الكل ؟؟


والله لو بيدي منعت الكل ياخوي شيخ ولا تباع الا بترخيص .. ونعم يحق لي الاحتجاج حتى ولو كانت غير مجهزه بكاميرا .. لان احتجاجك كالتالي ( انا رب أسره وفي طياره لاسلكيه تحوم فوق بيتي ومسببه قلق وازعاج .. وهذا غير ان يمكن تكون مجهزه بكاميرا ) .. فبكل الحالتين انت متضرر حتى ولو نفسيا .

ردي السابق كان لمنع انتشار مثل هالطيارات المجهزه بكاميرا لخطورتها وضررها وامكانيه استغلالها فقط.

[بومحمد المطاوعه]

مرحبا اخوي شيخ الديره ..

مافي شي صعب وانا اخوك .. بأمكان رجال الجمارك التاكد من كل شحنه للطائرات اللاسلكيه اذا كانت مجهزه بكاميرا او لا.. او عمل احصائيه بالشركات المنتجه لمثل هالطائرات ومنعها من الدخول . مانختلف ان ممكن تكون لها استخدامات ايجابيه في التصوير.. ولكن الضرر اكثر .. خصوصا اذا طاحت بيد ضعاف النفوس او بعض المراهقين واستخدامها في الفرجان من بيت لبيت .. تعدي واضح على الخصوصيه .


بارك الله فيك

اذا فيها كيمرا
تحجز وتتصادر من قبل الجمارك

واصلن هذي الفانتوم تجيك بدون كيمرا

وتركب عليها كيمرا go proo

انا عندي وحده واستخدمها ف سيلين وفي تجمع السيارات

والكيمرا تنشال اي وقت ف سهل دخولها للدوحه

[بومحمد المطاوعه]

والله لو بيدي منعت الكل ياخوي شيخ ولا تباع الا بترخيص .. ونعم يحق لي الاحتجاج حتى ولو كانت غير مجهزه بكاميرا .. لان احتجاجك كالتالي ( انا رب أسره وفي طياره لاسلكيه تحوم فوق بيتي ومسببه قلق وازعاج .. وهذا غير ان يمكن تكون مجهزه بكاميرا ) .. فبكل الحالتين انت متضرر حتى ولو نفسيا .

ردي السابق كان لمنع انتشار مثل هالطيارات المجهزه بكاميرا لخطورتها وضررها وامكانيه استغلالها فقط.

تحوم فوق بيتك
لك الحق ان تبلغ وتتبع الاجراء السليم

انا لو في طياره تحوم فوق بيتي مثل هالنوع
اول شي بكلم صاحبها
اذا كررها

يمكن ابلغ او يمكن اثور عليها
على حسب المزااج والحاله
لان بعض الناس مايستحون على ويهم
لازم تكسر خشمه علشان يتوب

[حسن]

وايد مكبرين الموضوع يااخوه الى طياره ام بطاريه وماتوسى شي
ولو ركب كيمره بعني وش بتجسس يمكن تطلعه فضايح الخدم ولا البيوت
الحين كله مسكره بيبانها

[بومحمد المطاوعه]

وايد مكبرين الموضوع يااخوه الى طياره ام بطاريه وماتوسى شي
ولو ركب كيمره بعني وش بتجسس يمكن تطلعه فضايح الخدم ولا البيوت
الحين كله مسكره بيبانها

خخخخ ليش الطياره بتدخل من الباب

مالك حل بوعلي

ياخوي تخيل قاعد مع هلك فالحوش ولا تشوف طياره واقفه فوقك وفيها كيمرا

محد يرضى
واصلن ليش اتطيرها واتجيبها صوب بيتي ولافوق حوش بيتي

والله عندي 4 طيارات يابوعلي

ولا عمري شغلتهم فالحوش

يافالصاله بس علشان ماتجيم او اوديهم البر معاي

ليش اجيب الكلام لنفسي واسبب حساسيه مع الجيران

[puree]

السلام عليكم

استغرب من البعض اللي يقول مكبرين الموضوع واللي يقول محد يسويها

انا جربتها بنفسي بمجرد اني اطيرها اشوف كل شي ظاهر وكل شي يبين وبعدين اذا في حد يسجل يقدر يحمل الفيديو على الكمبيوتر ويشوف كل شي واضح ويسوي زوم واللي يبغيه

وكذا مره شفتها يطيرونها فالفريج , هم انواع ولكن اكثر نوع منتشر اللي هي الفانتوم البيضه وبعضهم يصبغونها


يعطيج العافيه اختي ع التنبيه فميزان حسناتج

[qatara]

و عليكم السلام و رحمة الله و بركاته

اختي الطيارات هذي اللي تشوفيها فالفرجان ما فيها لا كاميرا ولا تسجيل

النوع الي انتي تقصدينه حجمه كبير و ما تقدر تطيره بدون تصريح من النادي

العلمي وفي أماكن معينة فقط

لا لا يمررونها يفصلون منها الكيمرا

مره يجيبونها وعقب يجيبون الكيمره

ويمررونها ويركبونها ويطيرونها


هذا ما سمعته

[POINT]

و عليكم السلام

أنا أشوف أنكم مكبرين الموضوع، يعني الطيارة هذي بتتجسس على وشو؟
دريول رايح المجلس يودي دلال شاي و قهوة، خدامة تحوس فالحوش..

الي خايف من حاقه، يقعد فالصالة تحت المكيف و يعين من الله خير هههههههه

[Aaziz]

و عليكم السلام

أنا أشوف أنكم مكبرين الموضوع، يعني الطيارة هذي بتتجسس على وشو؟
دريول رايح المجلس يودي دلال شاي و قهوة، خدامة تحوس فالحوش..

الي خايف من حاقه، يقعد فالصالة تحت المكيف و يعين من الله خير هههههههه

و البيت ماله حرمه ؟
اذا الشرطه ماتدخل بيتك الا باذن محكمه حفاظا على حرمه البيوت و من فيها

[POINT]

و البيت ماله حرمه ؟
اذا الشرطه ماتدخل بيتك الا باذن محكمه حفاظا على حرمه البيوت و من فيها

اييييه يا عزيز، خلها بالقلب تجرح ولا تطلع للناس وتفضح.
البيوت الحين مسكرة ويالله نسلم على عمرنا، يا سيارة مبيوقة، يا مصيبة.

[Aaziz]

اييييه يا عزيز، خلها بالقلب تجرح ولا تطلع للناس وتفضح.
البيوت الحين مسكرة ويالله نسلم على عمرنا، يا سيارة مبيوقة، يا مصيبة.

معليش خلها تطلع بس بدون جرح

التبست على المشاركتين لختلاف معناهم

[حسن]

زين يالمحاميه

خلينا ننظر لها بشكل ايجابي وخصوصا الحين انتهت عاده قعده الليوان والحوش
ماعاد حد يقعد ولا يعني الحين الجو كلش عندنا مايحتاج

الموضوع الايجابي لهذه الطيارات يمكن تصور لنا اشياء تفيد المجتمع تمنع جريمه مثلا
صور لحادثه ما وتكون دليل في الوصول الى هذه الشخصيه ولا الحقيقه
دام ماعاد به قعده بالحوش خلها على الاقل تكون مراقبه

مثل الكيمرا اللي الصبي يكفخ الشيبه لولا الكيمرا محدا داربه

[وليف الشوق]

وعليكم السلام ورحمة الله وبركاته

اشكرك اختي وموضوعك الحساس ،، والقانون مااعتقد راح يرضى بهالمهزله هذي لان اكثر عوايلنا تقعد في الحوش او اي مكان مكشوف واعتقد من حق العائله انهم ياخذون راحتهم وحريتهم في البيت دون وجود اي مضايقات وانا بدوري اقول لج مافيها شي لو تكلمتي مع مركز الشرطه التابع لمنطقتك ولو من باب الاستفسار عن وجود قانون معين يردع مثل هذي التصرفات اللااخلاقيه والتبليغ عنها بشكل رسمي لانك راح تمنعين مثل هذي الحالات ولج الاجر العظيم بأذن الله ومصادرة جميع الادوات او الاجهزه المستخدمه وتحويل المعنيين للجهات المختصه ان ثبت صحة البلاغ او القصد من الطيران فوق منازل العائلاتاو المناطق المأهوله بالسكان .

[حسن]

الخبر في الامارات اليوم

وزير العمل يدشن طائرة ذكية تستخدم أجهزة البث المباشر وتحلق على مساحة طيران 2 كيلو متر مربع لدعم الحملات التفتيشية .

اتمنى تطبيقها في قطر

[حياة]

عليكم السلام ورحمه الله
انا اقول ان شفتيها مره ثانيه صوري فيديو بالجوال
واشتكي ع طول
خلي عندك اثبات
وعيب صراحه .. الجار ماعاد له حرمه ولاحقوق ابد؟؟

[بومحمد المطاوعه]

و البيت ماله حرمه ؟
اذا الشرطه ماتدخل بيتك الا باذن محكمه حفاظا على حرمه البيوت و من فيها

صحيح يالغالي

هذا اذا كنت رافض

اما اذا مب رافض عادي يدخلون ماعندهم اي مشكله

بس وين تعاند الحكومه
والله يدخلون البيت ويكسرون البلاط فوق راس اي شخص معارض

:secret:

[المحاميه]

عليكم السلام ورحمه الله
انا اقول ان شفتيها مره ثانيه صوري فيديو بالجوال
واشتكي ع طول
خلي عندك اثبات
وعيب صراحه .. الجار ماعاد له حرمه ولاحقوق ابد؟؟

اشكرج عالفكره

شفتي وين وصلنا؟

ناس اتسلى على حساب ناس






صحيح يالغالي

هذا اذا كنت رافض

اما اذا مب رافض عادي يدخلون ماعندهم اي مشكله

بس وين تعاند الحكومه
والله يدخلون البيت ويكسرون البلاط فوق راس اي شخص معارض

:secret:


اخوي لازم يكون فيه تصريح للشرطه بالتفتيش ولا يبطل التفتيش

:tease: كم مره اقولك لاتطرق لامور ثانيه

[qatara]

و البيت ماله حرمه ؟
اذا الشرطه ماتدخل بيتك الا باذن محكمه حفاظا على حرمه البيوت و من فيها

عمر ابن الخطاب وهو ثاني الخلفاء الراشدين وامير المومنين ومن كبار
الصحابه وحاكم دوله تمتد من المشرق للمغرب لم يقول انا من بيدي كل
السلطات لم اخطي

با اعتذر لدخوله بيت الرجل وتاسف منه واعترف بخطاه
بزمننا خيطي بيطي ياخرابيطي لم يعد لاي مسلم
حرمات انتهكت حرمات المسلمين بكل شي
بدمائهم باعراضهم ببيوتهم ووووو لان لم يعد هناك
شريعة بل قانون غاب كل يحط شرع على كيفه ويبره

الله المستعان

[بومحمد المطاوعه]

اخوي لازم يكون فيه تصريح للشرطه بالتفتيش ولا يبطل التفتيش

:tease: كم مره اقولك لاتطرق لامور ثانيه

اشدخل التصريح
هذي اذا حد مشتكي عليج
مايقدرون يدخلون

ولاكن اذا انا متصل وطالب الشرطه لاني شفت حرامي مثلآ ف بيتي يدخلون بيتي وعادي الأمر
لاني اكون راضي

ولو امر من المحكمه مثلآ

ترى كلها ساعات يطلع التصريح للعلم :tease:


كم مره قلت اسف
خلاص اسف

ويعل تصيدين الطياره :secret:

[sweet qatar]

بعض الأعضاء عجزت استوعب منطقهم

معقولة عادي عندهم كاميرات تطير بين الفرجان !!

و سالفة محد يقعد في الحوش والكل مسكر بابه .. وين صارت !!

ترضون عامل التوصيل يوصل للباب الداخلي ولا بتكسرون راسه ان عدا عتبة البيت ؟



حسن

الله يرضي عليك لازم تفرق بين ناس تنشر صورها بإرادتها .. وبين ناس تجسس علي جيرانها

حركات مراهقين ويبيلها ضبط .. ليش البعض مكبر السالفة ومدخلها في التطور التكنولوجي .. فعلا عجزت استوعب منطقهم !!

[حسن]

ياسويت بالنسبه لي عادي صراحه احنا الان الزمن اللي نعيشه اصبح كلشي عادي
ليش احنا اناقض انفسنا
واي تصوير الله يرحم والديك الحين يبا كلشي مكشوف وش ابي اشوف اساسا
قولي لو ذكرتي هذا في الثماننينات باقولك لاوالله مب عادي ولكن الحين !!!
لا بلاه اصبح الوضع عادي والصور في كل مكان وبناطلين وبدون دفاف وشعور طالعه ونسوان ستمشون في المجمعات
ولقنزاات
يبا الله يرحم والديكم انا انسان صريح

بس تصور ومن اساسا في االحوش الحين واي حوش تتكلمونى لا يكون شايفين ساكن في عفجان

:)

[sweet qatar]

اختلف معاك يا حسن

تبقي البيوت لها حرمة

ولو نص بنات الدوحة قطوا حجابهم .. تري النص الثاني لا زال متمسك فيه

[حسن]

اختلف معاك يا حسن

تبقي البيوت لها حرمة

ولو نص بنات الدوحة قطوا حجابهم .. تري النص الثاني لا زال متمسك فيه

والله كل وله وجهه نظر
وانا نظرتي وكتاباتي تشهد باختلاف المجتمع وتغيره
طياره لعب تافهه بتسون منها موضوع

شوفو الرد اللي فوق وزير العمل الامراتي ستغلونها في وين واحنا لا والله بيصورونا واحنا قاعدين في الحوش
اي حوش اللي تتكلمون عنه

يبي الناس مفتله في اوربا وش عليها من سوالفي ولا سوالفك ولا سوالف المحاميه
خرابيط في خرابيط

يابنت الحلال والله الموضوع يضحك عندي

تعالي هل اهلكبتر الصجيه كل يوم تصور وتمر فوق البيوت وشرايك فيها
وهي يوميا تدور مهب هلكبتر لعبه يهال

[النظامي]

لا حول ولا قوة الا بالله
الرسول وصى على الجار !!! و بعض الجيران تتجسس وتتصيد على الجار
لكن القانون يحمي ويحفظ الحقوق اذا الجار ما خاف من الله

وشكرا

[النظامي]

أسف نسيت رد السلام
وعليكم السلام ورحمة الله وبركاته

[الزعفراني]

اللي أعرفه ان اللي يمتلك نفس هالطيارات لازم يأخذ تصريح من هيئة الاتصالات ومن وزارة الداخلية ..

[شيخ الديرة]

اللي أعرفه ان اللي يمتلك نفس هالطيارات لازم يأخذ تصريح من هيئة الاتصالات ومن وزارة الداخلية ..

قانون رقم (15) لسنة 2002 بشأن الطيران المدني
المادة 17 -
تاريخ بدء العمل: 04/09/2002

لا يجوز الطيران فوق إقليم الدولة بطائرات مجهزة بآلات التصوير الجوي، كما لا يجوز استعمال هذه الآلات إلا بتصريح مسبق من السلطات المختصة، ووفقاً للشروط التي تضعها سلطات الطيران المدني في هذا الشأن.

[المحاميه]

من متى الناس يحترمون القانون؟

[المحاميه]

اشدخل التصريح
هذي اذا حد مشتكي عليج
مايقدرون يدخلون

ولاكن اذا انا متصل وطالب الشرطه لاني شفت حرامي مثلآ ف بيتي يدخلون بيتي وعادي الأمر
لاني اكون راضي

ولو امر من المحكمه مثلآ

ترى كلها ساعات يطلع التصريح للعلم :tease:


كم مره قلت اسف
خلاص اسف

ويعل تصيدين الطياره :secret:

بومحمد شفيك قمت تخبط

انت تكلم الشرطه تستنجد فيهم وماتبيهم يدخلون هههه صعبه

انا اقول اذا مثلا شرطي يدري ان هالبيت فيه مخدارات او غيره الخ وماعنده تصريح من النيابه مايقدر يدخل ولو دخل اجراءه باطل

اما بخصوص لو طق بابك شرطي وقال بافتش بيتك قوله وين اذن التفتيش

غير جذي مب من حقه يدش

[ضوى]

تنتهي المتعة والترفيه اللي هي حق مكفول للجميع بما يرضى الله ، عندما يتم انتهاك خصوصيتي والتلصص على مابين اسوار المنزل ، ان شاء الله بيتي مهجور ـو خرابة او مرتع فيران وحشرات محد له حق يطير طيارة فيها كاميرا فوق بيتي ، هذا انتهاك صارخ للحرية ، ولو انا مكانج احذفها بحصى واذا عرفت صاحبها اشتكي عليه ، يبي يستمتع يروح الله يحفظه في اماكن وايد الفضا واسع لكن تضيق عوينه والا فوق بيوت العايلات هذا تعدي ، وحقي ماتجيبه الا الشرطة

[المحاميه]

اشلون احذفها بحصى

ترا الطياره تطير فوق بعيده نوعا ما

مب فوق راسي

لو فوق راسي جان خذتها ومشيت

:nice:

[بومحمد المطاوعه]

بومحمد شفيك قمت تخبط

انت تكلم الشرطه تستنجد فيهم وماتبيهم يدخلون هههه صعبه

انا اقول اذا مثلا شرطي يدري ان هالبيت فيه مخدارات او غيره الخ وماعنده تصريح من النيابه مايقدر يدخل ولو دخل اجراءه باطل

اما بخصوص لو طق بابك شرطي وقال بافتش بيتك قوله وين اذن التفتيش

غير جذي مب من حقه يدش
اي عليج نور

انا اقول بعد جذي

لازم تصريح والتصريح بساعات يطلع ويمكن بدقايق

لو يطق باب بيتي بقهويه عند الباب لين يوصل له التصريح خخخخخ

تحياتي لج

وبخصوص موضوع الطياره
ترى بيتكم مافيه شي فالحوش

الاشجره مشموم ضاربتها الشمس هههههه
وبلاط مكسر

خليها تحوم الطياره واضربيها بنعال الله يعزج :secret:

[Super Cool]

بومحمد شفيك قمت تخبط

انت تكلم الشرطه تستنجد فيهم وماتبيهم يدخلون هههه صعبه

انا اقول اذا مثلا شرطي يدري ان هالبيت فيه مخدارات او غيره الخ وماعنده تصريح من النيابه مايقدر يدخل ولو دخل اجراءه باطل

اما بخصوص لو طق بابك شرطي وقال بافتش بيتك قوله وين اذن التفتيش

غير جذي مب من حقه يدش

مب لازم يدش و يفتش بس يقدر بكل بساطة يطلع أمر ستدعاء من النيابة و يتلتلك و يهزئك

[بومحمد المطاوعه]

مب لازم يدش و يفتش بس يقدر بكل بساطة يطلع أمر ستدعاء من النيابة و يتلتلك و يهزئك

لا مايتلتلك ولا يهزئك الا لو كنت معاند وتسوي حركات
اما متجاوب معاهم تحصل احسن معامله


برب لانخرب الموضوع

[المحاميه]

مب لازم يدش و يفتش بس يقدر بكل بساطة يطلع أمر ستدعاء من النيابة و يتلتلك و يهزئك

اهم شي يطلع من النيابه ومايتعدى هالاجراء

[المحاميه]

اي عليج نور

انا اقول بعد جذي

لازم تصريح والتصريح بساعات يطلع ويمكن بدقايق

لو يطق باب بيتي بقهويه عند الباب لين يوصل له التصريح خخخخخ

تحياتي لج

وبخصوص موضوع الطياره
ترى بيتكم مافيه شي فالحوش

الاشجره مشموم ضاربتها الشمس هههههه
وبلاط مكسر

خليها تحوم الطياره واضربيها بنعال الله يعزج :secret:


فيها انا
:)

[sweet qatar]

والله كل وله وجهه نظر
وانا نظرتي وكتاباتي تشهد باختلاف المجتمع وتغيره
طياره لعب تافهه بتسون منها موضوع

شوفو الرد اللي فوق وزير العمل الامراتي ستغلونها في وين واحنا لا والله بيصورونا واحنا قاعدين في الحوش
اي حوش اللي تتكلمون عنه

يبي الناس مفتله في اوربا وش عليها من سوالفي ولا سوالفك ولا سوالف المحاميه
خرابيط في خرابيط

يابنت الحلال والله الموضوع يضحك عندي

تعالي هل اهلكبتر الصجيه كل يوم تصور وتمر فوق البيوت وشرايك فيها
وهي يوميا تدور مهب هلكبتر لعبه يهال

الي في اوروبا سلم عليهم


نتكلم عن الي في الدوحة

الي تقصدها اتوقع تبع الحكومة .. و لا اخبرها مرت علي بيتنا

[معماري قطري]

هالطيارة حلوة للمشاريع ولمراقبتها أَثناء التنفيذ كنت ابي اشتريها بس منعوها فجأَة في أَمريكا أَو خلصت .. على ما اعتقد اللي لها 4 مراوح وخفيفة

[باراكودا]

هالطيارة حلوة للمشاريع ولمراقبتها أَثناء التنفيذ كنت ابي اشتريها بس منعوها فجأَة في أَمريكا أَو خلصت .. على ما اعتقد اللي لها 4 مراوح وخفيفة

تنفع لخدمة مطراش 2 توصل لك الاستمارة والبطاقة الشخصية للبيت .

[شيخ الديرة]

هالطيارة حلوة للمشاريع ولمراقبتها أَثناء التنفيذ كنت ابي اشتريها بس منعوها فجأَة في أَمريكا أَو خلصت .. على ما اعتقد اللي لها 4 مراوح وخفيفة

موجودة بالأمازون, الرابط بالصورة
http://ecx.images-amazon.com/images/I/51tdthVqRvL._SL1500_.jpg (http://www.amazon.com/DJI-Phantom-Vision-Quadcopter-Camera/dp/B00J8JLOA4/ref=pd_cp_p_0)