سيدة أجنبية تدخل كلبها في مكان كلة اغذية في قطر

[ثابت]

في الغرب عندهم في قانون ممنوع دخول الحيوانات مثل الكلاب والقطط وغيرها الي المطاعم و اكثر الاماكن العامة ولا فية حد كفو يخالف القانون لنة بيتعرض لغرامات كبيرة اتمنى يكون عندنا قانو مثل هذا القانون

هذا ما حدث في محطة وقود الي في اللؤلؤة يوم الخميس ولو بيرجعون شركة وقود للكاميرات المراقبة بيشوفون الي صار بالليل الوقت بالتحديد ما اذكرة
للاسف يوم الخميس الي راح شفت في محطة وقود الي في اللؤلؤة سيدة اجنبية دخلت للسوبرماركت الي فية مطعم ومواد غذائية كلب وهي تتبضع والكلب يتبضع ولا همها احد
والشيئ الموسف انة حتى الموظفين راحوا يستلطفون الكلب لنة لسيدة شقراء وكلنا نعلم انة معظم الجنسيات الاسيوية تعظم اهل البشراء الشقراء ولا احد من الموظفين تجراء وقال لها اخرجي الكلب من المكان بصراحة منظر كان مقزز تجول الكلب بين المواد الغذائية وبصراحة منظر الكلب يتمشى بين المواد الغذائية جدا كان مقزز وصاحبة الكلب تبتسم لة ولا همها احد وكلنا نعرف نجاسة هالحيوانات والامراض الي ممكن تسببها يليت يكون هناك ردع وقوانين واضحة بهذا الامر.

[Aaziz]

اذا فيه لزقه موجوده على باب المحل ،، عليها صوره اجلكم الله كلب و عليه علامك x
من حقك انت تطردها و تطلب لها الشرطه لو ما امتثلت

الاجانب الي يربون الكلاب يعرفون الي يجوز و الي مايجوز ... في امريكا الكلب لو ينبح عليك تقدر تطلب الشرطه لراعيه .



لا احترام للقانون ،، و بدايه الاستهانه كانت في الشارع بالاستهانه بقانون المرور و التجاوزات في القياده قس عليها باقي الالتزامات بالقوانين الاخرى

[شبح الصمت]

في بويه مره دشت مجمع المول ومعها قطوتها وشايلتها طبعاً مرت من قدام السكورتيه محد كلمها

وكانت وجهتها الاوبرا اول ما اوصلت تبي تدخل جاتها الموظفه على طول قالت لها مدام بليز


المهم بالانقليزي لا تدخلين القطوه وطلعي معاها برى لو سمحتي ..

عصبت البويه الحمد لله والشكر لكن الفلبينيه اصرت واطردتها ..

تمت برى تنطر رفيجاتها يخلصون

وخذو الغرض واطلعووو


يعني شوفوني اني عندي كتوووه والا شالسالفه يعني تبين تعلقين فيها بنات في القطووه

استغفر الله العظيم اش هالعقول ..


مفروض الي يدخل حيوان اجلكم الله معاه مجمع او مكان عام يتحاسب ويتخالف وينعطى تعهد ..

[Super Cool]

حسب علمي الكلاب مسموحة في محطات البترول برى

بالتالي هم مشوا على نفس المبدأ محطات البترول ما

تعتبر مكان اغذية لأن كل شي معبأ

[شبح الصمت]

حسب علمي الكلاب مسموحة في محطات البترول برى

بالتالي هم مشوا على نفس المبدأ محطات البترول ما

تعتبر مكان اغذية لأن كل شي معبأ


لا اخويمن قال لك كل شيء معبى !!


في اكل كرسون وسندويشات همبرقر وغيرها ..

[Super Cool]

لا اخويمن قال لك كل شيء معبى !!


في اكل كرسون وسندويشات همبرقر وغيرها ..




ورى حاجز جزاز مب مكشوفة تعال و المس

اعرف المحطة...و دخلتها كذا مرة...بس فعلاً

لو مطعم القانون بيكون في صفك بس السوبرماركت

وضعه مختلف حتى لو يبيع سندويشات الا لو

حطوا ستيكر ممنوع دخول الحيوانات

[نوفا91]

في بويه مره دشت مجمع المول ومعها قطوتها وشايلتها طبعاً مرت من قدام السكورتيه محد كلمها

وكانت وجهتها الاوبرا اول ما اوصلت تبي تدخل جاتها الموظفه على طول قالت لها مدام بليز


المهم بالانقليزي لا تدخلين القطوه وطلعي معاها برى لو سمحتي ..

عصبت البويه الحمد لله والشكر لكن الفلبينيه اصرت واطردتها ..

تمت برى تنطر رفيجاتها يخلصون

وخذو الغرض واطلعووو


يعني شوفوني اني عندي كتوووه والا شالسالفه يعني تبين تعلقين فيها بنات في القطووه

استغفر الله العظيم اش هالعقول ..


مفروض الي يدخل حيوان اجلكم الله معاه مجمع او مكان عام يتحاسب ويتخالف وينعطى تعهد ..




كتوووووه ههههههههههههههههههههه

والله كتوه ولا واحد طول وعرض اخرتها كلب صغيرون:shy:

[فاهم وساكت]

اذا عندها اعاقه تقدر تدخل الكلب اي مكان لانه يكون متدرب وبتحتاجه .

[شبح الصمت]

كتوووووه ههههههههههههههههههههه

والله كتوه ولا واحد طول وعرض اخرتها كلب صغيرون:shy:




ما طاح الا انبطح

[شبح الصمت]

ورى حاجز جزاز مب مكشوفة تعال و المس

اعرف المحطة...و دخلتها كذا مرة...بس فعلاً

لو مطعم القانون بيكون في صفك بس السوبرماركت

وضعه مختلف حتى لو يبيع سندويشات الا لو

حطوا ستيكر ممنوع دخول الحيوانات



مفروض يتم تنبيها

بس لا تنسى عند الكفار الكلب تكرمون فرد من العائلة

[المحاميه]

محطة وقود اللي في اللؤلؤة اي وحده قصدكم؟


الحين احنا لي سافرنا برا نبتلش ب هالحيوانات كرمكم الله اللي رازينهم لنا في كل مكان

بعد اهني ندخل سوبرماركت ولا مجمع نحصلهم يتمشون معانا هاللي ناقص

مب بس ابلغ عليها اذبح الجلب مالها يدامها اشوفها شتسوي عقب ههههه امزح امزح

بس عالاقل باكلم اللي يشتغلون في المحل

او باعتزل المحل للابد


عشنا وشفنا

:weeping:

[Super Cool]

مفروض يتم تنبيها

بس لا تنسى عند الكفار الكلب تكرمون فرد من العائلة



قابلت ناس تربي خنازير و فيران و ينامون معاهم فالسرير بعد

[خليفـة]

اذا كان المحل حاط صورة خارج المحل تمنع دخول الحيوانات الاليفة
لازم الكل يلتزم
شقراء ولا حمراء

اما اذا كان المحل مب حاط صورة .. فهذا يعني انه لا يوجد مانع من دخول
تلك الحيوانات


خليفـة

[monatee]

القانون في صفها

[عضو المنتدى]

اصلا ممنوع في اوربا دخول الكلاب في محلات الاغذيه

مثل السوبر ماركت الكلب يخلونه برع المحل .

وهم يعرفون هذا القانون ،

والغلط من عدم ووجود ملصقات في محلاتنا

بمنع دخول الكلاب ، خاصة الاغذية لنجاسة الكلاب

[حسن]

مفروض يتم تنبيها

بس لا تنسى عند الكفار الكلب تكرمون فرد من العائلة



والله كلاب الكفار فيها فايده مهب كلابنا كله مسدحه تحت الادراما تدور البراد ويقزون قز اذا مرت عليهم كلبه

:)

ياجماعه الخير الرفق بالحيوان


انا شفت كلب يقود ريال شكبره ويوصله كل مكان في المانيا
كلابهم تسوى الما الجاعروه اللي عندنامالهم الا خرطوشه الشرطه في راسه

هاهاها

[خليفـة]

والله كلاب الكفار فيها فايده مهب كلابنا كله مسدحه تحت الادراما تدور البراد ويقزون قز اذا مرت عليهم كلبه

:)

ياجماعه الخير الرفق بالحيوان


انا شفت كلب يقود ريال شكبره ويوصله كل مكان في المانيا
كلابهم تسوى الما الجاعروه اللي عندنامالهم الا خرطوشه الشرطه في راسه

هاهاها

تطالب بالرفق بالحيوان من جهة
وتطالب باستخدام خرطوش الشرطة في راس الكلب من جهة اخرى !


هذي الاعراض ما تطمن يابوعلي .. شوف لك ميكانيكي يفحصك بأقرب فرصة

[المحاميه]

تطالب بالرفق بالحيوان من جهة
وتطالب باستخدام خرطوش الشرطة في راس الكلب من جهة اخرى !


هذي الاعراض ما تطمن يابوعلي .. شوف لك ميكانيكي يفحصك بأقرب فرصة


نفس ملاحظتي عليه ف كذا موضوع


اظاهر السن يلعب دور

[حسن]

تطالب بالرفق بالحيوان من جهة
وتطالب باستخدام خرطوش الشرطة في راس الكلب من جهة اخرى !


هذي الاعراض ما تطمن يابوعلي .. شوف لك ميكانيكي يفحصك بأقرب فرصة

يا خليفه

انت سافرت برع وشفت كلابهم مؤدبين وشزينهم وغير مزعجين واذا كلموه طاع وسكت

وشوف كلابنا شلون تلقها وصخ ولونه قذر من التسدح وبليد مايشتغل
واذا مره عليه كلبه يقز فيها شنو هه السفاله

الصراحه ادب واحترام مثل الكلب الاوربي مافي

اما احنا يادافع البلا حتى الخرطوشه اغلى منه

غبي من الدرجه الاولى ولا يتطور نهائيا

[حسن]

نفس ملاحظتي عليه ف كذا موضوع


اظاهر السن يلعب دور

السن والله توني دافع 3400 ريال عند الملكه

شاسوي
ولا عوار والم وانا ضايع

بس المحاميه شرايك في الكلب الانقليزي مهب احلي من الكلب القطري
من الشكل والنظافه والرومانسيه

[راجي الْعفو]

نتمنى أن تفرض قوانين صارمة تجاه هؤلاء ..

فنحن في النهاية بلاد مسلمة و عربية ، لها خصوصيتها ..

لك التحية .. و اشكرك على غيرتك الطيبه ..

[شبح الصمت]

والله ياخوي النوخذه حسن

تكرم ويكرم الحاضرين

الكلب كلب متسبح وصخ اسمه كلب نجاسه


في المانيا والا في شرق اسيا والا في الخليج

اهو ع حاله مش مستحب

انا كنت من عشاق الكلاب السلوقية ولين الحين اعشق ممارسة المقناص والتنور فيها لانه منها فائده وتحطها فالعزبه وتخليها اما كلب وتفتر معاه وترقده جمبك ويلحس ويهك وينام ويدخل الحمام تكرم الي تدخله

صدق ذي نجاسه بعينه وعلمه

والانقليز معروفين فيها

وش تنطر من شعب حماماتهم فيها كلنكس بس

استغفر الله العظيم

[حسن]

والله ياخوي النوخذه حسن

تكرم ويكرم الحاضرين

الكلب كلب متسبح وصخ اسمه كلب نجاسه


في المانيا والا في شرق اسيا والا في الخليج

اهو ع حاله مش مستحب

انا كنت من عشاق الكلاب السلوقية ولين الحين اعشق ممارسة المقناص والتنور فيها لانه منها فائده وتحطها فالعزبه وتخليها اما كلب وتفتر معاه وترقده جمبك ويلحس ويهك وينام ويدخل الحمام تكرم الي تدخله

صدق ذي نجاسه بعينه وعلمه

والانقليز معروفين فيها

وش تنطر من شعب حماماتهم فيها كلنكس بس

استغفر الله العظيم

تصدق عاد انا عمري مالمست كلب ولاقط

من صغري

بس الحين طايحين فيهم ذا السلقان زويسون لهم برامج ومسابقات

تراك طلعت يوم صغير مشاغب

هاهاها

[Charisma]

مرحبا اخوي ثابت ..


اللي صار .. مالوم فيه الأجنبيه .. الوم محطه وقود وعمّالها .. اللي يسروا وبسطوا الموضوع بسماحهم لها بالتجوال داخل المحل مع الكلب .. ( اجلكم الله ) .. الأجنبيه ماعندها علم بالقوانين .. خصوصا اذا كانت غائبه عن الاعلان في المحلات وغيرها ..

سبق وابديت اقتراح في احد المواضيع .. باستبدال العماله الاسيويه الغير مسلمه .. بالعماله المسلمه يوجد فلبينيين مسلمين .. وهنود مسلمين .. ونيباليين مسلمين .. الخ .. او على الأقل ان تكون الأولويه لهم في توظيفهم كعماله .. مثل هالاقتراح في وجهه نظري بيحل مشاكل وامور كثيره احنا غافلين عنها ..

[شبح الصمت]

:secret:

الحياة تجارررب

كنت احب القطاووه وكرهتم لسبب

كنت وانا اصغير تجينا وحده وكنت احبها حب هالانسانة حب طفولة وهي اكبر مني بوايد

المهم مره شافتني ماسك قطووه قالت وع عليك اشلون تمسك القطووه جايه

مدري اهي شافتني حاضنها والا قاعد ابوس فيها قطوه وماسكها !!!

شالسالفة شالطماط يعني
:weeping:

المهم من ذك اليوم كرهت القطاووه

من صجي بوعلي


بس السلقان استمتع فيهم ويوم تنزل ذاك الذيخ بارود وتهده


ويطرد وراء الجحل والا الخزز وويردده عن شبك

والموتر يطير ويوقع ويتفدع

هههههههههههاي

اايام حلووه ياخي

[الدوحه1]

ممكن حد يأكد او ينفي صحة ان هناك بعض الجهات الحكوميه تصرف "بدل كلاب" للاجانب الاوروبيين؟؟؟

[romoz]

لو كل شخص حط نفسه ( شرطي للوطن ) ماكان تجرأو ذولي الشقر من تعدي القانون

الواحد اذا شاف خطأ قدامه يصححه بالحسنى و النصح

احنا هناك اذا سوينا شي في بلادهم قامو يقولون (( not allowed )) و من هالقبيل
خلنا الحين احنا اللي نقولهم

و في احد الاعضاء ذكر انه في المحطات في بلادهم عادي ينزلون كلابهم ، خطأ الا ممنوع لان محطاتهم فيها المطاعم و الكوفيات و السوبرماركت

[بصمة قطرية]

في بويه مره دشت مجمع المول ومعها قطوتها وشايلتها طبعاً مرت من قدام السكورتيه محد كلمها

وكانت وجهتها الاوبرا اول ما اوصلت تبي تدخل جاتها الموظفه على طول قالت لها مدام بليز


المهم بالانقليزي لا تدخلين القطوه وطلعي معاها برى لو سمحتي ..

عصبت البويه الحمد لله والشكر لكن الفلبينيه اصرت واطردتها ..

تمت برى تنطر رفيجاتها يخلصون

وخذو الغرض واطلعووو


يعني شوفوني اني عندي كتوووه والا شالسالفه يعني تبين تعلقين فيها بنات في القطووه

استغفر الله العظيم اش هالعقول ..


مفروض الي يدخل حيوان اجلكم الله معاه مجمع او مكان عام يتحاسب ويتخالف وينعطى تعهد ..



بوية و كتوة ..!!!!
كلش مب راكب
في خلل في الموضوع ..!!

[بومحمد المطاوعه]

العتب على الي مايقدر يمنعها


رساله للجميع
انت يالقطري ف بلادك وتشوف جذي
ماتتكلم ليش ؟؟؟

لو ف بلادهم وتسوي نفس الشي
قسم بالله يطردونك من المحل

ع الاقل اي شخص مايقدر يتكلم
يتصل 999 وقولهم الموضوع

وين الخلل ووين الخوف منهم ؟!

الله يهدي الجميع والله لو جدامي ماراح اسكت

[qtr qtr]

قانون الرقابه الصحيه يمنع تواجد الحيوانات داخل السوبرماركت والجمعيات والمطاعم.. اللي يقول اذا مافي ستكر يوضح ان ممونوع دخول الكلاب او الحيوانات غادي مب ممنوع.. عيل اذا شفنا فاار داخل يتمشى عادي ومفتش الصحه ماراح يخالفهم .

لو انا منك اكلمها واقول لها لوسمحتي طلعي الكلب لانه ممنوع دخولها . خل حد فيكم يجرب يدخل سلق مثل الاجنبيه صدقوني بسوون سالفه طويله وعريضه

[غزلان]

اما اللؤلؤه الكلاب حدث بلا حرج يوم الأثنين شفت وحده تتمشى معاها 3 كلاب عند السوبر ماركت

[POINT]

لو كل شخص حط نفسه ( شرطي للوطن ) ماكان تجرأو ذولي الشقر من تعدي القانون


ان حطيت نفسك شرطي للوطن بتتعب وايد، الشقر مدعومين ياخوي، فا بتجيب لك مشاكل وما راح تسلم على عيشتك
الوطن له الله وله قيادتة الحكيمة تحميه.

لا تنسى بان في ناس كثار غير امينين عالبلد، منا وفينا قطريين، وللأسف قاعدين يستخدمون سلطتهم وسلطة الكرسي بشكل يخلي المواطن سلبي و غير بناء و عديم فائدة. شيل هذيلا وشوف الخير بعدها...

[المحاميه]

السن والله توني دافع 3400 ريال عند الملكه

شاسوي
ولا عوار والم وانا ضايع

بس المحاميه شرايك في الكلب الانقليزي مهب احلي من الكلب القطري
من الشكل والنظافه والرومانسيه

اعتقد شبح كفى ووفى ف رده عليك

ولو اني احس ردك فيه نقزه ومقصد ثاني لكن لاتعليق وباحسن الظن

شكلك خرفت ياحسن

[Yaas]

معاك 100٪

[POINT]

يا خليفه

انت سافرت برع وشفت كلابهم مؤدبين وشزينهم وغير مزعجين واذا كلموه طاع وسكت

وشوف كلابنا شلون تلقها وصخ ولونه قذر من التسدح وبليد مايشتغل
واذا مره عليه كلبه يقز فيها شنو هه السفاله

الصراحه ادب واحترام مثل الكلب الاوربي مافي

اما احنا يادافع البلا حتى الخرطوشه اغلى منه

غبي من الدرجه الاولى ولا يتطور نهائيا

شر البلية مايضحك.

[Super Cool]

قانون الرقابه الصحيه يمنع تواجد الحيوانات داخل السوبرماركت والجمعيات والمطاعم.. اللي يقول اذا مافي ستكر يوضح ان ممونوع دخول الكلاب او الحيوانات غادي مب ممنوع.. عيل اذا شفنا فاار داخل يتمشى عادي ومفتش الصحه ماراح يخالفهم .

لو انا منك اكلمها واقول لها لوسمحتي طلعي الكلب لانه ممنوع دخولها . خل حد فيكم يجرب يدخل سلق مثل الاجنبيه صدقوني بسوون سالفه طويله وعريضه

وايد دخلت المحطة بسلق و محد كلمني....و انا مب اشقر ولا عيوني زرق

[ثابت]

ياجماعة الخير انا مش من حقي اكلم صاحبة الكلب طلع كلبها اقل شي بتقول لي من حضرتك والشي الثاني كيف اكلم موظفين المطعم والسوبر ماركت الي بوقود اذا هم جالسين يتوددون للكلب ويضحكون مع صاحبتة مستانسين بدخولة

المفروض ادارة وقود هم بنفسهم يرجعون لكاميرات المراقبة ويشوفون هذا الامر ويتخذون قرارهم او اجرئهم في هذا الامر.

اما بخصوص الي يقول عادي سوبر ماركت اكل مغلف سلامتك نص الاكل في المكان مكشوف روح بنفسك وشوف وحتى لو مغلف يكفي انة الكلب نجس ودخل مكان كل الناس تتبضع منة.

[طبيب قطري]

الله المستعان..

[مشـــــاعر]

.


الديرة صآإرت حق الشقرر بس مب حقنا :weeping:

[بحر شرق]

لو كل شخص حط نفسه ( شرطي للوطن ) ماكان تجرأو ذولي الشقر من تعدي القانون

الواحد اذا شاف خطأ قدامه يصححه بالحسنى و النصح

احنا هناك اذا سوينا شي في بلادهم قامو يقولون (( not allowed )) و من هالقبيل
خلنا الحين احنا اللي نقولهم



و في احد الاعضاء ذكر انه في المحطات في بلادهم عادي ينزلون كلابهم ، خطأ الا ممنوع لان محطاتهم فيها المطاعم و الكوفيات و السوبرماركت


هههه شكلك مش من البلد اذا فيك خير تكلم عنهم واعترض اذا عطوك حقك قولي انك غلطان وما تفهم

[بحر شرق]

تمرعند المسجد وقت الصلاه تمشي كلابها بنت الكلب وليتها لابسه محتشم في عز الصيف تتوقعون لابسه ايش

[حسن]

اليوم الصراحه لفت نظري صوره العمدان لي ليتات الفريج ملزقين عليها صوره كلبه ضايعه
حق الانجليز اللي في منطقتنا

الصراحه منظر مقزز عمدان جديده حرام والله

هل بشوف هذه المناظر وبكثره

الله اعلم

[حسن]

اليوم الصراحه لفت نظري صوره العمدان لي ليتات الفريج ملزقين عليها صوره كلبه ضايعه
حق الانجليز اللي في منطقتنا

الصراحه منظر مقزز عمدان جديده حرام والله

هل بشوف هذه المناظر وبكثره

الله اعلم

[POINT]

ابسط شي يا حسن تقدر تسوية انك تصور الاعلان وتنزله فالموضوع.
بتستاجر يعني، يمكن حد شاف الكلبة؟؟ اعزك الله.

[حسن]

ابسط شي يا حسن تقدر تسوية انك تصور الاعلان وتنزله فالموضوع.
بتستاجر يعني، يمكن حد شاف الكلبة؟؟ اعزك الله.

ههههههه

ياخي مايسير عواميد جديده حلام تلزق عليها صور
يااخي هذولا في بلادهم عادي ولكن عندنا مايسير
تحط في الجريده عاد على عواميد الليتات وجديده

مادري باصورها وباطرشها على توتير البلديه نشوف وش رايهم

ابتلشنا

[qtr qtr]

ههههههه

ياخي مايسير عواميد جديده حلام تلزق عليها صور
يااخي هذولا في بلادهم عادي ولكن عندنا مايسير
تحط في الجريده عاد على عواميد الليتات وجديده

مادري باصورها وباطرشها على توتير البلديه نشوف وش رايهم

ابتلشنا


اخوي حسن ترى ممنوع ينحط اي اعلان مهما كان نوعه ينحط فالعمدان او فالشارع . وتدري كم عليها مخالفه ... 10 الاف ريال .

بلغ البلديه اللي تتبع منطقتكم وهم بقومون بالواجب .

[qtr qtr]

وايد دخلت المحطة بسلق و محد كلمني....و انا مب اشقر ولا عيوني زرق

اخوي انا اتكلم عن السوبر ماركت اللي داخل المحطه مب المحطه نفسها

[رجل مثالي]

يجب احترام القانون في اي مكان
وفي اي موقع وفي اي بلد
والذي يخالف القانون يعاقب
على الفور هم عندهم اي مخالفة
عليها عقاب على طول وغرامة
على الكل من كبير
او صغير لا يهم عندهم لأنهم
تعلموا احترام القانون

[Super Cool]

اخوي انا اتكلم عن السوبر ماركت اللي داخل المحطه مب المحطه نفسها

وانا اقصد نفس الشي...محل سدرة اللي في محطة وقود على خط الشمال...و محد قال لي شي

[qtr qtr]

وانا اقصد نفس الشي...محل سدرة اللي في محطة وقود على خط الشمال...و محد قال لي شي

يمكن السلق اللي عندك يخوف .

والله يا اخوي انا اعاتبك اللي تسويه المفروض ماتدخله هالاماكن لانه معروف الكلاب الله يعزكم نجسه والمكان هذا فيه مواد غذائيه ..

فأرجو منك ماتكررها وتخليه فالسياره .