ممنوع وضع البورتكابن بالتخيم !!!

[حمد 2002]

السلام عليكم ورحمه الله وبركاته

البورتكابن أو البيوت الجاهزة يكون بعضها مصنوع من مواد بتروليه رديئة لاتتوافق مع إشتراطات الدفاع المدني وتكون قابلة للاشتعال بأي لحظة بسرعة كبيره .. مما قد يسبب كارثه لاقدر الله .. لذلك أطالب من الجهات المختصة بمنع البورتكابن بالتخيم والاكتفاء بالخيم فقط !!


مع التحيه ..

[R 7 A L]

ومن قال لك انها غير مطابقة لشروط الامن والسلامة
ولا سوالف مجلس

[jassim_9]

على أساس الخيم غير قابله للاشتعال

[حسن]

روح نام احسن لك ياحمد وراك دوام بدري

واترك عنك هل السوالف ودع الخلق للخالق

[نوفا91]

على أساس الخيم غير قابله للاشتعال

ههههههههههههههههههههههههههههههههههه


شفيك حمد عادي نفس الخيم ، ماعليك توكل على ربك ومب صاير لك شي ان شاء الله

[راجي الْعفو]

وعليك و رحمة الله ..

ننتظر آراء بقية الاعضاء ..

[رجل مثالي]

نبي راي من الدفاع المدني
في هذا الموضوع للتأكد

[MAZEN37]

لا تعليق

[حمد 2002]

ومن قال لك انها غير مطابقة لشروط الامن والسلامة
ولا سوالف مجلس

هلا بالذيب رحال ،،

جوف طال عمرك ،،

لازم الاسلاكك الكهربائيه المستخدمه بالتوصيلات الكهربائيه داخل البورت كابن المتيريال والمواد مالتها ممتازه لحمايتها من حدوث التماس كهربائي ينشب عن حريق لاقدر الله ،، وكذلك المولدات الكهربائيه يجب ان تكون جيده وليست شغل صيني ، وكذلك يجب ان تكون البورت كابن نفسه مصنوع من مواد غير قابله للاشتعال ، لانه حريق بسيط لاقدر الله قد يتحول لكارثه ،،

وهلم جره ،،


بالتوفيق مع تمنياتي لك بتخيم ممتااااااااااز ،،

[حمد 2002]

على أساس الخيم غير قابله للاشتعال

هلا اخوي جاسم ،،

جوف طال عمرك ،، كل شيء بهالدنيا معرض للحرق ،، بيت ،، سياره ،، انسان ،، جماد ،، حيوان ،،

ولكن شيء معرض للحريق اسرع من الثاني ،،


واشكرررررك وبعنف ،،

[حمد 2002]

روح نام احسن لك ياحمد وراك دوام بدري

واترك عنك هل السوالف ودع الخلق للخالق

http://www.raya.com/Mob/GetPage/f6451603-4dff-4ca1-9c10-122741d17432/97df71f7-26ca-4b90-97af-e917209acd0f

جوف هالمقال اخوي حسن عن اخطار الحرايق وخصوصا البورت كابن والغرف الخشبيه ،،


وتذكر الحريق المحزن الي صار بعزبه الفنان القطري الله يرحمه هلال محمد وادى لوفاته ،،


اشكرررررك ويجب ان نلتفت للمشاكل قبل حدوثها في وقت مايفيد فيه الندم وسوالف ياليت وسوالف الشعراء الي ماتودي ولا تجيب ،،

[حمد 2002]

ههههههههههههههههههههههههههههههههههه


شفيك حمد عادي نفس الخيم ، ماعليك توكل على ربك ومب صاير لك شي ان شاء الله

الله ماقال همل وقط روحك بالتهلكه ،،


لكل شيء سبب اختي نوفا ،،


يعني انا الحين ماعرف اسبح اروح اقط روحي بغبه وببحر ماله مريال !!!


ولا ماعرف اسوق طياره اروح واسوقها عمدا !!


لازم الواحد ياخذ بالاسباب يالذيبه ،،

[حمد 2002]

وعليك و رحمة الله ..

ننتظر آراء بقية الاعضاء ..

منتظرها وبعنفففففففففف :omen2:

[حمد 2002]

نبي راي من الدفاع المدني
في هذا الموضوع للتأكد

وانا منتظر اي حد له خبره بتلك المواظيع ، وخصوصا اخوانا الي لهم خبره بالمقايس والمواصفات والبناء ،،

[حمد 2002]

لا تعليق

لاتعليق = نوكمنت ،، :nice:

[بومحمد المطاوعه]

حمد لاتضحكني ياخي

عليك طلب ماله داعي

اشدخل البورت كبن ان يشتعل بسرعه .؟

ترى اذا شي احترق خلاص سلم لي عليه

بعد كل شي معرض للأحتراق
الواحد يوفر شروط السلامه ويتوكل على الله تعالى في كل وقت وحين

اما بتقولي هذي يشتعل بسرعه
عيل لاتلبس ثوب بعد الثوب يولع ويحترق بسرعه


تحياتي

[Super Cool]

أختلف معاك بالمواد لكن قد أتفق بالنسبة للتصميم...مثلاً حجرة بدون درايش
أو أسلاك مكشوفة أو الدرايش عليها درامزين أو شي فالتصنيع نفسه وفي
هالحالة نقول الخلل فالتصنيع مب في فكرة البورتاكابن نفسها

[alsoq]

زين حمد قل لي ليش البيوت والفلال والابراج والمصانع تحترق
واقلبها طابوق وسمنت:) رد وبقول لك

هل كل ما ذكرت غير مطابق المواصفات

[حسن]

حمد لاتضحكني ياخي

عليك طلب ماله داعي

اشدخل البورت كبن ان يشتعل بسرعه .؟

ترى اذا شي احترق خلاص سلم لي عليه

بعد كل شي معرض للأحتراق
الواحد يوفر شروط السلامه ويتوكل على الله تعالى في كل وقت وحين

اما بتقولي هذي يشتعل بسرعه
عيل لاتلبس ثوب بعد الثوب يولع ويحترق بسرعه


تحياتي

اي والله يابومحمد

حتى انا استغربت من المووضع رغن انه انسان بيتوتي ولا يطلع من البيت ولا عنده ربع ولا يروح رحلات خير شر وعنده اي خلفيه
يقول حرايج الخيام العن في في عمليه النار
هو كلش الفتره الاخيره مواضيعه ماش ولا تهم المجتمع

ولا يبي يشغل الدفاع المدني بهذه المواضع حرام عليك ياحمد

بس تصدق يابوشهب انا عندي طفايتين كبار حريق في المخيم احتياط
لا قدر الله وذكرتني حتى في البيت كنت ناوي والله اعتقد موجوده ييبيلها تعليق

[حليتان*]

على فكره حتى لو هلكلام صحيحةبس مب حولهم يغيرون قوانينهم الحين عقب ما جهز كل شي

[موظف بالبورصه]

السلام عليكم ورحمه الله وبركاته

البورتكابن أو البيوت الجاهزة يكون بعضها مصنوع من مواد بتروليه رديئة لاتتوافق مع إشتراطات الدفاع المدني وتكون قابلة للاشتعال بأي لحظة بسرعة كبيره .. مما قد يسبب كارثه لاقدر الله .. لذلك أطالب من الجهات المختصة بمنع البورتكابن بالتخيم والاكتفاء بالخيم فقط !!


مع التحيه ..

هههههه ياليتك ماتعبت نفسك وكتبت الموضوع الله يهديك بس

[نجم سهيل]

السلام عليكم

ما اقصد استهزئ لكن موضوعك ماله داعي وماله معنى وماله هدف من الأساس الا انك تبي تسووي لك موضوع!
قال لك احد الاخوان .. على اساس ان الخيمة ماتشب مثلا؟
احرجت نفسك بصراحة بمثل هذي الامور الله يصلحك

[بومحمد المطاوعه]

اي والله يابومحمد

حتى انا استغربت من المووضع رغن انه انسان بيتوتي ولا يطلع من البيت ولا عنده ربع ولا يروح رحلات خير شر وعنده اي خلفيه
يقول حرايج الخيام العن في في عمليه النار
هو كلش الفتره الاخيره مواضيعه ماش ولا تهم المجتمع

ولا يبي يشغل الدفاع المدني بهذه المواضع حرام عليك ياحمد

بس تصدق يابوشهب انا عندي طفايتين كبار حريق في المخيم احتياط
لا قدر الله وذكرتني حتى في البيت كنت ناوي والله اعتقد موجوده ييبيلها تعليق


اشدراني عنه ههههه

والله يبيله عض فراسه علشان يتووب

[قطر love]

اخوي حمد اول شي عندك شهاده من الدفاع المدني يثبت صحه كلامك ؟


ثاني شي الدوله ماتقدر تمنع لانها ما حطت مواصفات ومقاييس للجوده في صناعه او اعداد البورت كابن او للمواد الي لازم يستخدمها المصنع او الشخص للمصنع للبورت كابن

ثالث شي خل العالم تستانس وربي يحفظ الكل بنتكدون على الشعب من كل صوب الا خيام الا بورت كابن ممنوع الى مادري شنو

حمد انت تخيم ؟؟

[قطر love]

وعليكم السلام نسيت اسلم

[Ahmed.]

اعتقد الاخ حمد يقصد انه اذا صار حريق في الكبينة و خصوصا انها سريعة الاشتعال ممكن الواحد ينحشر فيها و مايكون هناك منفذ للهروب عكس الخيمة اللي ممكن ترفع الطربال و تهرب في حالة الحريق.