شفيـــــــــك متغير ؟؟ ..

[الحياة الخالدة]

شخص يكون معاك على زين الزين .. سنين و سنين
سواء أخ .. صديق .. قريب .. حبيب أو مرتبط معاك بأي علاقـــــــة طويلة الأمـــــــد

و فجــــــــأة .. و بدون سابق إنذار ( ظاهرياً على الأقل بالنسبة لك )
تلاحظ أنه تغير عليك .. قام يتصدد عنك .. قل اهتمامـــــه فيك .. صارمعاك و مب معاك
تسأل نفسك في البداية : أنا شسويت ؟؟ شاللي بدر مني ؟؟ .. تراجعهــــــا .. تقلب السالفة في راسك يمين يسار .. تتعب و ما تلقى تفسير لتصرفاته الغريبـــــــة

ترجع تسأله .. بطريقة مباشرة أو غير مباشرة .. تحاول معاه .. و ممكن تسأل حتى اللي حواليك : شصاير .. شالسبب
و للأسف .. ما تلقى لتساؤلاتك أي جواب

شلون تتصرف انت في هالحالة ؟؟
هل تستمر في البحث عن السبب .. أو تتركـــــه للزمن يوديه أو يرده ؟؟
هل تعذره .. أو تاخذ منــــــه موقف قوي ؟؟

و في النهاية نقول :

يا فـــــــلان .. عسى ماشر .. شفيك متغيــــــــر ؟؟!!

[المهاجر]

اللي يتغير علي بدون سبب اكيد لقى غيري ودام لقى غيري وباع

لا اتعب نفسي ولا افكر فيه واعيش حياتي

ومثل ما قلت بموضوعي

ابتسم ولاتحزن

فما راح هو الا علشان يفسح مجال لغيره والأفضل منه انه يدخل مكانه

تأكدي اختي الحياة الخالده

ما في حد يروح بدون سبب ،، ودام انج ما غلطتي ولا قصرتي بشي

فلا تزعلين عليه ولا تحملين نفسج فوق طاقتها

وفكري باللي بيجي ويدخل مكانه وانتظريه وتاكدي انه بيكون خير لج

وفي النهايه هو اللي بيكون خسران

اما بيطيح في شخص مثله وبيبيعه وبينجرح منه وينصدم فيه

وساعتها بيتذكر انه باع اللي شراه عشان خص بيكون نفسه وبيسوي فيه اكثر مما سواه

والمثل يقول الدنيا دواره وكما تدين تدان

[نوفا91]

صارت لي وحاولت اكثر من مره افهم شسالفتها وفجأه مره وحده بس يحليها كل هاي لان تملكت واعتقد كانت تفكر انها سوت انجاز بشري عظيم ، المهم خليتها قلت مردها تعرف قيمتي وعقبها بفتره الحب الجديد ماطلع نفس اللي فبالها وسحب عليها وارجعت لي هنيه انا طنشتها ووووتمت تحاول لين اتصلت حق امي وهالسالفه تمت سنتين واخرتها شفت البنت اعترفت بغلطها وحاسه فيه ، وماهانت علي العشره ورجعنا حق بعض

وبس والله
:)

[حسن]

الانسان يمر بمراحل عمريه متغيره

وكل مرحه عمريه لها اصدقاء وربع وقليل من يستمر معك الى النهايه
التغير هذه طبيعه في البشر

بالنسبه لي في شي يسوى اعذره واذا مافيه عادي اهلا اذا جاء ومايشوف شر اذا راح
الحياه مدرسه واللي مايستفيد منها هو الخسران

ومثل ماذكرت المتغيرات كثيره والظروف تتغير من حياه الى حياه

[Charisma]

مرحبا اختي الحياه ..



موضوع جميل كالعاده .. ويلامس كل شخص .. التغيير في العلاقات اسبابه كثيره .. وقد تكون :





غياب المصلحه .. / وكل شيء يندرج تحت مسمى المصلحه .. وليست فقط المصلحه الماديه.


سوء الفهم .. / سبب قوي .. في اغلب الاحيان تتغير العلاقات بسبب سوء الفهم والكبرياء في عدم المناقشه .


تدخل طرف ثالث .. / واقصد تشوية صورة شخص معين لافعالك او تصرفاتك او كلامك .. والكذب في نقل صورة سيئه عنك .. والغرض قد يكون انتقام او غيره او حقد ..ألخ .


التوهم بانك المظلوم .. / وهالنقطه كثير مانغفل عنها .. قد نكون احنا السبب في تغيير علاقات من حولنا فينا .. اما بسبب تصرف معين او كلمه معينه وما القينا لها بال .. فمراجعه النفس دائما مطلوبة.


الظروف .. / بعض الأحيان التغيير في العلاقات سببها ظروف خاصه اثرت على طبيعه الشخص واسلوبة وحياته وعلاقاته ممكن تكون مؤقته وممكن دائمه .


التغيير في القناعات .. / هالنقطه بسترسل فيها شوي .. واقصد فيها الشخص وعلى سبيل المثال اذا كان من رفقاء السوء .. وكل من حوله هم على شاكلته .. وقرر في يوم من الايام ان يلتزم وان يبتعد عن رفقه السوء .. وان يصاحب من يعينه على دينه .. والعكس صحيح للاسف في بعض الاحيان .




ذكرت بعض الاسباب من وجهه نظري .. اما بالنسبه للاسأله ..


شلون تتصرف انت في هالحالة ؟؟

لكل سبب تصرف معين .. فالشخص اللي بيتغير علي بسبب ( اشاعه او كلام مقيول ) .. فبالمصارحه والمكاشفه قد يكون الحل . ولكن من بدت عليه اثار القطيعه والتهرب .. فالافضل الترفع والابتعاد وعدم اشغال البال بالتفكير .. لحفظ المكانه والكرامه .



هل تستمر في البحث عن السبب .. أو تتركـــــه للزمن يوديه أو يرده ؟؟

في البدايه نعم .. وان لم يتضح لي الأمر تركته للايام .



هل تعذره .. أو تاخذ منــــــه موقف قوي ؟؟

في بعض الحالات نعم .. يعُذر الشخص على موقفه .. وفي بعض الحالات .. يترك بلا عذر ولا موقف..

وتستمر الحياه .. ومن اقبل ياهلا به .. ومن اقفى سهل الله دروبه .

[راجي الْعفو]

الكلام يطول في هذا الموضوع .....

أوافق بو علي في رده و لكن أضيف :

إن كانت الصداقة لوجه الله .. ستستمر للأبد ..

وإن كانت لدنيا .. فجميع الاحتمالات وارده ..

مع التحية ..

[الجـــوديّ]

بالاضافة للي قالوه الاخوان

احتمال فيه شي يخصه هو .. من جذيه متغير ..

الطرف الثاني كلش مايخصه

وفي هالحالة لازم نكبر عقولنا ونوسع صدورنا ومانشره عليه

اذا تكرر السؤال وما جاوب .... نخليها للايام ..

واذا كان قريب وحبيب نخليه على راحته وعينا عليه... أكيد بيحتاج حد يستوعبه ويحتويه.

[khalid525]

موضوعك ذكرني بقصيدة طلال السعيد :
يالي زعلت ازعل ولاني بمراضيـــــــك
اشرب كدر ماي البحر كــــانه ارضـاك
لاتحسبنـــي عقــب صـــدك بداريــــــك
بعــز نفــــسي عنك مـــدراك مدراك
اربع سنين وانا متــــحمل تغليـــــــــك
راضــي بتعذيبك لاجل قلــــب اغلاك
وخليتنـــي والــيوم والله لاخـــــــــليك
ودوس قلــــــبي لينه يقـول خـــلاك

بس ما راح اكمل القصيده

[القبطان سلفر]

شخص يكون معاك على زين الزين .. سنين و سنين
سواء أخ .. صديق .. قريب .. حبيب أو مرتبط معاك بأي علاقـــــــة طويلة الأمـــــــد

و فجــــــــأة .. و بدون سابق إنذار ( ظاهرياً على الأقل بالنسبة لك )
تلاحظ أنه تغير عليك .. قام يتصدد عنك .. قل اهتمامـــــه فيك .. صارمعاك و مب معاك
تسأل نفسك في البداية : أنا شسويت ؟؟ شاللي بدر مني ؟؟ .. تراجعهــــــا .. تقلب السالفة في راسك يمين يسار .. تتعب و ما تلقى تفسير لتصرفاته الغريبـــــــة

ترجع تسأله .. بطريقة مباشرة أو غير مباشرة .. تحاول معاه .. و ممكن تسأل حتى اللي حواليك : شصاير .. شالسبب
و للأسف .. ما تلقى لتساؤلاتك أي جواب




الحياة التي نعيشها في تغير مستمر ومعها تتغير قناعاتنا ورؤيتنا للامور ويزداد الوعي والنضج الفكري .

كل هذه التجارب والتراكمات المعرفية تجعلنا نعيد حساباتنا حتى في اقرب الناس لنا وهذا امر طبيعي ولا بد ان يحدث . لذلك كلما كثرت تجاربنا في المقابل تصغر اهتماماتنا وتضيق الدائرة المحيطه بنا ونشرع في انتقاء الأصدقاء والمعارف بناء على تلك المعايير الجديده التي جعلناها المرجع الذي نقيس به شتى أمور حياتنا .

العلاقات الإنسانية عرضه للتغير وهذا شيء طبيعي وحتمي ولكن الأهم الاستعداد لهذا الوقت . بمعنى لا تضع بيضك كله في سلة واحدة .







شلون تتصرف انت في هالحالة ؟؟
هل تستمر في البحث عن السبب .. أو تتركـــــه للزمن يوديه أو يرده ؟؟
هل تعذره .. أو تاخذ منــــــه موقف قوي ؟؟

و في النهاية نقول :

يا فـــــــلان .. عسى ماشر .. شفيك متغيــــــــر ؟؟!!


التصرف الأمثل والانجع هو فهم الامور بعيدا عن العواطف الى حد ما . فلو نظرنا الى تساقط الثمار من الشجر نرى كيف البعض منها يسقط ويجف ثم يتلاشى والبعض الاخر منها يسقط ويثمر ويستكمل امر جميل ومفيد في الحياة ....... كذلك البشر .


لن اترك في قلبي مساحة لزعل او غضب او حتى ندم على شخص ادار بوجه عني دون سبب مقنع فلحياة لحظة لن اتقاسمها مع من لا يستحقون ثقتي

او أي شيء اخر ابذله لهم .

[حمد 2002]

في مثل معروف يقال بهذا الأمر وينطبق على موضوعج اختي الحياه

لا تحزن على من يتغير عليك فجاه قد يكون اعتزل التمثيل

[رهج السنابك]

غالبا الي يتغير فجأه يكون سامع كلام حد ماشي بالنميمة او الغيبه ومفرق بين الشخصين

[ودي أكون]

غالبا الي يتغير فجأه يكون سامع كلام حد ماشي بالنميمة او الغيبه ومفرق بين الشخصين

صحيح اتفق معاج .. وخاصه ان النمام يبهر الكلام من ابهاراته الخاصه

[همر]

شفت محبوب غيرك .. كثر الله خيرك ..

[بومحمد المطاوعه]

تحياتي لج اختي الحياة الخالدة

بارك الله فيج على هذا الموضوع الطيب




شلون تتصرف انت في هالحالة ؟؟


انا عن نفسي عادس جدآ ولا بحاتي ولا بفتكر
بكون انسان عادي امامه

بسلم عليه لو شفته في مكان ولكن مب ماعطه اي اهتمام مثل قبل
مدام الشخص يبيع شخص لأجل المصلحه او لغرض اخر الله يحفظه ويسمح دربه



هل تستمر في البحث عن السبب .. أو تتركـــــه للزمن يوديه أو يرده ؟؟


اذا كان الشخص عزيز وغالي علي ويستاهل ان اجهد من نفسي او من ضيق قلبي
ببحث عن السبب

ام اذا كان انسان عادي
صديق خفيف
بتركه للزمن وان شاءالله يعود



هل تعذره .. أو تاخذ منــــــه موقف قوي ؟؟


على حسب الشخص وسبب رحيله او قطاعته

اعذره اذا كان انسان ماشفت منه الا كل خيرربما غفل او ربما سلك في طريق لم يثمن الناس الطيبه




تحياتي لج اختي
وجزاكي الله خير

[العلياا]

إن كانت الصداقة لوجه الله .. ستستمر للأبد ..

..

شكراً ،،

[Dmy Enabi]

الباب ياسع له جمل حتى لو كان الشخص عزيز علي تعبنا واحنا نداري الخواطر شفيك وشفيج شبعنا طاقات سلبية
قاعدة تعلمتها في حياتي الذاهبون بلا سبب لاتتبعهم سيأتون إليك بحجة اشتياقهم وهم في الحقيقة لم يجدوا أفضل منك والي عاوزني يقيني يقيني أنا مابروحش لحد

[ولد العرب]

اخليه على جوووه ولا اكدر عليه متى ماطاح الزعل والتغير من راسه بيحصلني انا انا ماتغيرت


شرط اللي لي معه ذكريات حلوه

[الحياة الخالدة]

صبحكم الله بالخير جميعاً

على راسي مشاركاتكم كلكم

لي عودة بإذن الله للرد عليكم نفر نفر

[ولد العرب]

صبحكم الله بالخير جميعاً

على راسي مشاركاتكم كلكم

لي عودة بإذن الله للرد عليكم نفر نفر

اختي مهب شرط نفر نفر
الا الشخص رده مفيد هنا تجاوبي معه والباقي على الراس

[sweet qatar]

بينشغل بالي عليه وبساله بيني وبينه

دايماً نقدم حسن الظن

اما اذا بدا يتهرب مني ويستثقل كلامي

اخليه براحته مايشوف شر

[راجي الْعفو]

شكراً ،،

عفواً ،،

[Dana’1]

على حسب ليش تغير
اذا شي وقتي لظروف عصيبة تمر فيها أثرت على نفسيتها معذورة وبإذن الله بتلقاني وقت ما تحتاج

أما إذا كذا بستفسر عن السبب اذا مافية سبب او خطأ بدر مني من غير قصد... الله معها

[خالد البلوشي]

ربما يكون بعضهم قد تودّد لغاية متى ما انقضت يبدأ معها بالبُغض ، أو أن سوء فهمٍ و ظن قد وقع و أزال معهما مفهوم المحبة و المودة القائمة على أسس هشة ، و لا ننسى أن البعض يقوم بمعانقة من لا يستطيع تجنبه.. فإن استطاع نجده يُولي الأدبار ..


و من الصعب جدا أن تزول المودة بحسن العشرة إلا إن كانت قائمة على مثل هذه النقاط في رأيي..

أختي الحياة الخالدة .. مرحبا بك في الحوار العام ..

[الحياة الخالدة]

اللي يتغير علي بدون سبب اكيد لقى غيري ودام لقى غيري وباع

لا اتعب نفسي ولا افكر فيه واعيش حياتي

ومثل ما قلت بموضوعي

ابتسم ولاتحزن

فما راح هو الا علشان يفسح مجال لغيره والأفضل منه انه يدخل مكانه

تأكدي اختي الحياة الخالده

ما في حد يروح بدون سبب ،، ودام انج ما غلطتي ولا قصرتي بشي

فلا تزعلين عليه ولا تحملين نفسج فوق طاقتها

وفكري باللي بيجي ويدخل مكانه وانتظريه وتاكدي انه بيكون خير لج

وفي النهايه هو اللي بيكون خسران

اما بيطيح في شخص مثله وبيبيعه وبينجرح منه وينصدم فيه

وساعتها بيتذكر انه باع اللي شراه عشان خص بيكون نفسه وبيسوي فيه اكثر مما سواه

والمثل يقول الدنيا دواره وكما تدين تدان

الجملة الأخيـــــــرة أخوي بوعبدالله هي بالفعل ما يهون على النفس و يسليهـــــا
و مرد اللي تعبنا و غدر فينا .. بيشرب من نفس الكاس .. و بيتذكر اللي سواه فينا

حياك الله أخوي المهاجــــــر

[الحياة الخالدة]

صارت لي وحاولت اكثر من مره افهم شسالفتها وفجأه مره وحده بس يحليها كل هاي لان تملكت واعتقد كانت تفكر انها سوت انجاز بشري عظيم ، المهم خليتها قلت مردها تعرف قيمتي وعقبها بفتره الحب الجديد ماطلع نفس اللي فبالها وسحب عليها وارجعت لي هنيه انا طنشتها ووووتمت تحاول لين اتصلت حق امي وهالسالفه تمت سنتين واخرتها شفت البنت اعترفت بغلطها وحاسه فيه ، وماهانت علي العشره ورجعنا حق بعض

وبس والله
:)

هذا اللي يضايق أختي نوفا .. التغير الفجائي غير المبرر .. يخلي الواحد يشك بنفسه إنه سوا شي من غير ما يحس أو ينتبـــــــه
يزاج الله خير على موقفج معاها .. و العفـــــو من صفة الكرام

حياج الله أختي

[الحياة الخالدة]

الانسان يمر بمراحل عمريه متغيره

وكل مرحه عمريه لها اصدقاء وربع وقليل من يستمر معك الى النهايه
التغير هذه طبيعه في البشر

بالنسبه لي في شي يسوى اعذره واذا مافيه عادي اهلا اذا جاء ومايشوف شر اذا راح
الحياه مدرسه واللي مايستفيد منها هو الخسران

ومثل ماذكرت المتغيرات كثيره والظروف تتغير من حياه الى حياه

كلامك صحيح أخوي حســــــن
يتغير الإنسان تحت تأثير ظروف مختلفـــــــة .. قد ندركها و نقدرها فنعذر .. و قد لا ندركها فنظل في حيرة و تساؤل

حياك الله يا بوعلي

[طبيب قطري]

اغلب اللي تغيروا على فجأه اكتشفت انهم حاقدين.. بسبب نجاح او تميز او عمل سويته وماقدروا يسوونه..

[نفسي عزيزه]

والله في شخصيات وايد تغيرت سبحان الله كانو بالماضي شي جميل ومتواضعين وبمرور الزمن والمناصب اصبحنا شي من ماضيهم وتكبروا علينا واصبحو جافين
كلن ومعدنه والاصيل اصيل ماتغيره لا مناصب ولا مراكز ولا فلوس

[نوفا91]

اغلب اللي تغيروا على فجأه اكتشفت انهم حاقدين.. بسبب نجاح او تميز او عمل سويته وماقدروا يسوونه..

دايما مبدع ، صدقت بكل كلمه اخوي طبيب ، وهذا اللي اكتشفناه للاسف !

[بشائر]

شخص يكون معاك على زين الزين .. سنين و سنين
سواء أخ .. صديق .. قريب .. حبيب أو مرتبط معاك بأي علاقـــــــة طويلة الأمـــــــد

و فجــــــــأة .. و بدون سابق إنذار ( ظاهرياً على الأقل بالنسبة لك )
تلاحظ أنه تغير عليك .. قام يتصدد عنك .. قل اهتمامـــــه فيك .. صارمعاك و مب معاك
يا فـــــــلان .. عسى ماشر .. شفيك متغيــــــــر ؟؟!!

اختي الحياة الخالدة موضوع جميل جدا بجمال حضورك .. كل الشكر لك ياغالية ..
ومن منا لم يتعرض لمثل هذا الموقف ..

بالنسبة لي .. أبد ماخليهم ولا أرضى أوأسكت على تغيرهم بيننا عشرة عمر صعب تهون
من فترة قريبة تغيرت علي وهي تدري بمكانتها في نفسي.. أحب سوالفها غشمرتها بساطتها
بس مشكلتها حسااااسة كثير وفوق ذا عصبية .. تناقشنا في موضوع يخص اختها وهي نقيضة لها
تماما وأبديت رأيي بصراحة على موقف ماكان حلو منها.. كانت سوالف عادية جدا مجرد ملاحظة
وكأخت صديقة وحبيبة بتقولين رأيج .. بعدها هي مسكينة تمت شايلة علي في خاطرها .. متغيرة فعلا ..
طيب والحل؟ كيف يعني ؟ اسكت وهي تسكت ولا ادري وش بخاطرها؟
عادة إن واجهتني مثل هالمواقف وخاصة مع صديقات مقربات أو من الأهل .. أتم احوووس وراها
اتصال مسجات وممكن حتى أزورها بدون لا اسأل عن شيء واتعمد اقعد جنبها في أي مكان لين احظى على الأقل ( بابتسامة منها) وهي
بمثابة تصريح مبدئي لفتح باب الحوار حول سبب التغير ...
وهني عاد تعالي .. بعد ما اعرف سبب المشكلة وأوضح مقصدي وحسن نيتي إن كان هناك سوء فهم
أو ظن في غير محله واطمئن إن الصورة وضحت بالكااامل لها ..
أبدأ الهجوم :(
كنوع من عتب الأحباب .. كيف لإنسانة تحبينها وتعرفينها سنين طويلة تسيئين الظن فيها
وتحملين كلامها على غير محمله ..
ووقتها أكون بردت خاطري عدل وخلاص ترجع المياه لمجاريها..
وسلامتك ..

وفقك الله عزيزتي لما فيه خير لك .

[عثرة جواد]

كانت وياي صديقه صدوقه اكثر من 10 سنوات وفجه تغيرت بدون سبب

حاولت افهم مافي اي اجابه وبعدها عرفت انها كانت صداقه مصلحه

هاي الزمن سبحان الله بين معادن الناس

موضوعج ذو اشجان

[طبيب قطري]

دايما مبدع ، صدقت بكل كلمه اخوي طبيب ، وهذا اللي اكتشفناه للاسف !

اشكرك اختى، والله يبعدكم عن هالنوعيات اللي خسارتهم مكسب ..

[الحياة الخالدة]

مرحبا اختي الحياه ..



موضوع جميل كالعاده .. ويلامس كل شخص .. التغيير في العلاقات اسبابه كثيره .. وقد تكون :





غياب المصلحه .. / وكل شيء يندرج تحت مسمى المصلحه .. وليست فقط المصلحه الماديه.


سوء الفهم .. / سبب قوي .. في اغلب الاحيان تتغير العلاقات بسبب سوء الفهم والكبرياء في عدم المناقشه .


تدخل طرف ثالث .. / واقصد تشوية صورة شخص معين لافعالك او تصرفاتك او كلامك .. والكذب في نقل صورة سيئه عنك .. والغرض قد يكون انتقام او غيره او حقد ..ألخ .


التوهم بانك المظلوم .. / وهالنقطه كثير مانغفل عنها .. قد نكون احنا السبب في تغيير علاقات من حولنا فينا .. اما بسبب تصرف معين او كلمه معينه وما القينا لها بال .. فمراجعه النفس دائما مطلوبة.


الظروف .. / بعض الأحيان التغيير في العلاقات سببها ظروف خاصه اثرت على طبيعه الشخص واسلوبة وحياته وعلاقاته ممكن تكون مؤقته وممكن دائمه .


التغيير في القناعات .. / هالنقطه بسترسل فيها شوي .. واقصد فيها الشخص وعلى سبيل المثال اذا كان من رفقاء السوء .. وكل من حوله هم على شاكلته .. وقرر في يوم من الايام ان يلتزم وان يبتعد عن رفقه السوء .. وان يصاحب من يعينه على دينه .. والعكس صحيح للاسف في بعض الاحيان .




ذكرت بعض الاسباب من وجهه نظري .. اما بالنسبه للاسأله ..



لكل سبب تصرف معين .. فالشخص اللي بيتغير علي بسبب ( اشاعه او كلام مقيول ) .. فبالمصارحه والمكاشفه قد يكون الحل . ولكن من بدت عليه اثار القطيعه والتهرب .. فالافضل الترفع والابتعاد وعدم اشغال البال بالتفكير .. لحفظ المكانه والكرامه .




في البدايه نعم .. وان لم يتضح لي الأمر تركته للايام .




في بعض الحالات نعم .. يعُذر الشخص على موقفه .. وفي بعض الحالات .. يترك بلا عذر ولا موقف..

وتستمر الحياه .. ومن اقبل ياهلا به .. ومن اقفى سهل الله دروبه .

هلا فيك أخوي بايلوت
تحليل طيب و سرد جميل لمجمل الأسباب التي قد تؤدي لتغير البعض

و بالفعـــــل مثل ما قلت .. في النهاية تستمر الحياة .. بهم .. أو بدونهـــــــم

تحياتي لك أخوي على المشاركة المميــــــزة

[الحياة الخالدة]

الكلام يطول في هذا الموضوع .....

أوافق بو علي في رده و لكن أضيف :

إن كانت الصداقة لوجه الله .. ستستمر للأبد ..

وإن كانت لدنيا .. فجميع الاحتمالات وارده ..

مع التحية ..

صحيح أخوي راجي
جبتها بالملي
لما تكون العلاقة بين شخصين لوجـــــه الله .. عمرها ما راح تتغير
غير جذي .. كل علاقة عرضة للتغير و التبدل في أي لحظـــــــة

تحياتي لك

[الحياة الخالدة]

بالاضافة للي قالوه الاخوان

احتمال فيه شي يخصه هو .. من جذيه متغير ..

الطرف الثاني كلش مايخصه

وفي هالحالة لازم نكبر عقولنا ونوسع صدورنا ومانشره عليه

اذا تكرر السؤال وما جاوب .... نخليها للايام ..

واذا كان قريب وحبيب نخليه على راحته وعينا عليه... أكيد بيحتاج حد يستوعبه ويحتويه.



كلامج في محله أختي الجودي

يمكن في شي احنا ما نعرفه .. و الشخص الثاني ما يصرح فيه
بس هالشي فيه ظلم كبير لنا لأنه يعيشنا في حيرة و قلق و لوم للنفس خوفاً من إنا نكون سوينا شي أو ظلمناه بطريقة أو بأخرى من غير قصد

نخليها للأيام نعم .. و هي كفيلة بإظهار الحقيقة
أنا اشهد إنج صادقــــــة

شرفتي الموضوع أختي العزيزة

[الجـــوديّ]

^

وبزيد على كلامج أختي الحياة الخالدة ..

ومن تجربة شخصية ... المريض ليس عليه حرج ..

لاحد يتشره عليه من بداية مرضه لين عقب مايشفى

ولايوسوس من صوبه .... كفايه الهم اللي هو فيه ...

واللي صج يحبه وتهمه مصلحته يباشره بالكلمة الطيبة بس ...

ويتغاضى عنه مهما سوى ويسلم راسه اذا قدر يسوي له هالشي ..

جميل ومعروف مابينساه له طول حياته

[مهرة]

..


(ســلامي على الي حاضر معانــا .. ســـلامي على الي خالـــي مكانه .. ســلامي ان شاءالله يوصل ســـلامي )

الجواب العقلاني يقول .. يارب ان ضاقت قلووب الناس عن مافيًــا من خير فعفوك لا يضيــق )) ..

الجواب النفسي يقول .. يردون قلت لازم يردون هذا طبع الي يحبون يردون )) ..

الجواب الواقعي يقول .. من أراد الخروج من حياتك دون ذكر الأسباب رافقه إلى الباب وودعه بإبتسامة عريضة كما أكرمته بإبتسامة اللقاء ,, بعدها تأكــد من أنك أغلقــت الباب وراءه بإحكـــآم ..!

وجوابي لج يالغالية يقول .. أنا الأبيض إذا غيري تلًــون وأنا الصــآبر إذا ربعــي عصونـي ,,
أنا العــآقـل إذا وقتــي تجـنـن وأنا المجنـــون وعــآجبنــي جنونـــي ,,

:app2: :app2:

[Abu Mahmoud]

الزمن الحالي اصبح زمن المصالح

زمن لي عندك مصلحة او طلب

اكون معك متواصل وزين

خلصت الامور انسحب شوي شوي

راحت ايام الصداقة والاصحاب

في زمن السرعة فيه بكل شي

راح زمن صلة الرحم

وراح زمن التواصل مع الجار

وراج زمن السؤال على الاصدقاء والمعارف

وراح زمن زيارة المريض

وراح زمن الود ..

أصبح كل شي تيكاواي

[بصمة قطرية]

المصلحة هي اللي تغير البشر ..
تنتهي المصلحة فتنتهي الصداقة ..
الصداقة الحقيقية ما تتأثر بأي شي ..

[Abu Mahmoud]

..


(ســلامي على الي حاضر معانــا .. ســـلامي على الي خالـــي مكانه .. ســلامي ان شاءالله يوصل ســـلامي )

الجواب العقلاني يقول .. يارب ان ضاقت قلووب الناس عن مافيًــا من خير فعفوك لا يضيــق )) ..

الجواب النفسي يقول .. يردون قلت لازم يردون هذا طبع الي يحبون يردون )) ..

الجواب الواقعي يقول .. من أراد الخروج من حياتك دون ذكر الأسباب رافقه إلى الباب وودعه بإبتسامة عريضة كما أكرمته بإبتسامة اللقاء ,, بعدها تأكــد من أنك أغلقــت الباب وراءه بإحكـــآم ..!

وجوابي لج يالغالية يقول .. أنا الأبيض إذا غيري تلًــون وأنا الصــآبر إذا ربعــي عصونـي ,,
أنا العــآقـل إذا وقتــي تجـنـن وأنا المجنـــون وعــآجبنــي جنونـــي ,,

:app2: :app2:

كلام رائع ... ولا بعده كلام

كلام يعلق في برواز ..

[طير حوران]

بيع وودع عند اول تقاطع

ولو راجع الانسان منا نفسه سيجد انه مصدر الخطأ على نفسه ( كيف ؟ )

لأنه هو من هانت عليه نفسه في البدايه فأهانوه الناس (كيف ؟)

لو عاد بالذاكره مع نفسه سيجد انه يوما قد تنازل عن بعض مبادئه من اجل ارضاؤهم

ولكي يحتفظ بماتبقى من كرامته عليه البيع والابتعاد فورا

فالتغيير عندما يحدث يكون بداية لما هو اسوأ اذا لم تضع حد للعلاقه

[يمامـة]

بيع وودع عند اول تقاطع

ولو راجع الانسان منا نفسه سيجد انه مصدر الخطأ على نفسه ( كيف ؟ )

لأنه هو من هانت عليه نفسه في البدايه فأهانوه الناس (كيف ؟)

لو عاد بالذاكره مع نفسه سيجد انه يوما قد تنازل عن بعض مبادئه من اجل ارضاؤهم

ولكي يحتفظ بماتبقى من كرامته عليه البيع والابتعاد فورا

فالتغيير عندما يحدث يكون بداية لما هو اسوأ اذا لم تضع حد للعلاقه

اعجبتني هذه المشاركة كثيرا..

فشكرا لك اخوي طير حوران..

[فيصل99]

طبعا لو تغيير بدون سبب اطبق المثل الي يقول طنش تعش تنتعش ان ماعاملته بالمثل
وبالاخير اذكر نفسي لو خسرت حد ماخسرت الجنه
وبجي الاحسن منه

[الحياة الخالدة]

موضوعك ذكرني بقصيدة طلال السعيد :
يالي زعلت ازعل ولاني بمراضيـــــــك
اشرب كدر ماي البحر كــــانه ارضـاك
لاتحسبنـــي عقــب صـــدك بداريــــــك
بعــز نفــــسي عنك مـــدراك مدراك
اربع سنين وانا متــــحمل تغليـــــــــك
راضــي بتعذيبك لاجل قلــــب اغلاك
وخليتنـــي والــيوم والله لاخـــــــــليك
ودوس قلــــــبي لينه يقـول خـــلاك

بس ما راح اكمل القصيده

قصيدة رائعـــــــة و معبرة
ألزم ما على الإنسان كرامتـــــــه

حياك الله أخوي خالد

[لبتونه]

اعذره وافهم منه وش سالفه كان في سبب تم صلح

ماحصلت سبب اتركه بهدوء وقلبي مسامحه والله يوفقه

ما راح اخذ شي من دنيا

ومحد يدوم حق احد

الله يحسن خواتيم اعمالنا

[ثابت]

بصراحة مروا علي نفس هالنوعيات تخاوية فترة من حياتك ومرة وحدة يقطع من غير سبب اعتقد انة طبع الاادمي يحب يغير مافي حد يتم على حالة بس الي بيقطع من غير سبب لازم اعذرة يمكن الرجال عندة مشاكل او امور لاهي فيها

مرة واحد قال لي في مجلس مع انة معروف عني اني كاش اعطي ما احب اجامل هو قطع فترة وحاولت اتصل لة كذا مرة وما رد خليتة ما عاد كلمتة وجهتة في مجلس قال لي شدعوة بوفلان قطعتنا رديت علية قلت لة انا ما قطعت انت الي مادري شكلك زعلان من شي لا ترد علي وقلت لة شوف يابوفلان كانك رضي الدرب دلة وكانك زعلان اشرب من ماي البحر وسلام عليكم

[ضوى]

من راح من كيفه وكيفه يوديه .. خله على كيفه وكيفه يجيبه

اللي يصد وهاقي اني بناديه .. اقطع لساني لو لساني يحكيبه

كانه مريض ويحسب اني بداويه .. الموت ارحمله فلاني طبيبه

ماعاد يهمني منهو تغير ومنهو راح ومنهو فارق خلاص ماعاد القلب يتحمل تشره وعتب ، اللي راح الله وياه ولا انا باترجاه واللي بيتم منزله عيني وقلبي ، وش عاد في هالدنيا يسوى ، دام راحوا الغاليين منها منهو من البشر بيهمني اذا قفى ؟

[عاهد بن علي]

قالت الشاعره نوره :
الي يبينا عيت النفس تبغيه
والي نبيه عيا البخت لا يجيبه