قطع غيار بي أم دبليو

[أم محمد 90]

السلام عليكم ,

عندي استفسار ,

قطع الغيار للبي ام دبليو مانحصلها الا بالوكالة ؟

مافي مكان ثاني يبيعها ؟

اذا في حد يعرف حد بالامارات ممكن يجيب شاشة بي أم دبليو يطرش لي الرقم ,

او اذا امكانية احصلها مكان ثاني غير الوكالة .


شكراً

[ya3coub]

أذا مستعمل من الأمارات

اذا جديد ارشح من الأنترنت المانيا او امريكا

[أم محمد 90]

طيب اخوي تعرف حد ف الامارات ممكن انه يجيب لي الشاشه ؟
الموتر جديد موديل 2014

[ya3coub]

طيب اخوي تعرف حد ف الامارات ممكن انه يجيب لي الشاشه ؟
الموتر جديد موديل 2014

لا والله الشيخه شنهي السيارة و اذا 2014 عالظمان او من المانيا جديد يكون ارخص من هنا و الأمارات

بس الأمارات احسن من ناحية المستعمل "غير مضمون"

[رآعي موآجيب]

شبلاها الشاشه ؟ اكتبي تفاصيل اكثر
اذا الموتر بدون شاشه اساسا وتبين شاشه هذي حاله
اذا الموتر بشاشه بس خربانه او مكسوره هذي حاله
اذا الموتر بشاشه بس الموديل القديم وتبين الجديد هذي حاله
اكتبي التفاصيل ونوع الموتر وموديله

[LiL iNVe$ToR]

اختي ..عطيني اخر 7 ارقام من رقم الشاصي ( يتكون من حرفين وارقام) وبجيب لج سعر الشاشه من امريكا.

[بومحمد المطاوعه]

الشاشه غاليه

واذا الموتر 2014

ليش مب على الضمان .؟

[أم محمد 90]

الشاشه كسرها ياهل صغير بالغلط وصار فيها شرخ (مثل شاشة الجوال) - الله يهدي الياهل مابي اصطره واصطر امه - هههههه

والوكالة قالوا لي ان الشاشة مكسورة (مو من ضمن الضمان)

اتصلت ف الوكالة ف الامارات وعطوني سعر الشاشه فرق كبير عن قطر !

المهم ان الوكالة عندنا ف قطر قالوا لي اذا جبتي الشاشه بفاتورة الوكالة نركبها لج ونعطيج ضمان عليها

اما اذا من برا مانركب لج اياها وضمانج (احتمال) يطيح ,

وبس هذي السالفة ,


المطلوب الحين حد يجيب لي الشاشة من الامارات والله المستعان :(

[أم محمد 90]

شبلاها الشاشه ؟ اكتبي تفاصيل اكثر
اذا الموتر بدون شاشه اساسا وتبين شاشه هذي حاله
اذا الموتر بشاشه بس خربانه او مكسوره هذي حاله
اذا الموتر بشاشه بس الموديل القديم وتبين الجديد هذي حاله
اكتبي التفاصيل ونوع الموتر وموديله
امانة في بي ام بدون شاشة :secret:

الموتر جديد وشاشته انكسرت

:)

[أم محمد 90]

اختي ..عطيني اخر 7 ارقام من رقم الشاصي ( يتكون من حرفين وارقام) وبجيب لج سعر الشاشه من امريكا.

اذا بتجيب لي سعر معاه فاتورة وكالة اوكي , لان مابي ضمان سيارتي يطيح .

[HYH]

الراديو الامريكي تردداته مختلفه ماراح يشتغل هني

الاوروبي احسن او من دول الخليج

[بومحمد المطاوعه]

بكم قالو لج هني
والامارات كم

[بومحمد المطاوعه]

بس بقولج

لاتطلبين من امريكا ولا ألمانيا

لأن الشاشه بتطلع مواصفات خارج الخليج

وتخبرين هالمواتر كلها مربوطه بالشاشه

والراديو بيختلف عندج وحتى النفقيشن

انا اقول الاحسن تشترينها من وكاله الامارات وتركبينها هني فالوكاله

بش شوفي الشاشه يمكن تكون فقط شاشه مب شرط شاشه كامله بالكمبيوتر

يعني فقط قزاز

[ya3coub]

أختي اتصلي بوكالة الكويت بعد

و مرة وحدة جيكي مع السعودية

الأمارات و خصوصا الكويت ارخص بأسعار قطع الغيار للبي ام

لا تنسين تعطينهم رقم الشاصي لأنه يطلع كلشي

و اذا ضايفه شي بالدوحة نفس النفيقيشن بعد بلغيهم

و اذا الموضوع بس الشاشة ممكن بألمانيا و امريكا لأنهم يبيهون كلشي بالتفصيل الممل

عندنا للأسف يقولونلج بدلي كلشي

[رآعي موآجيب]

امانة في بي ام بدون شاشة :secret:

الموتر جديد وشاشته انكسرت

:)

ما ادري يا ام محمد ، اكيد انتي ادرى اختي ، احنا شعرفنا بسوالف المواتر !! قاعدين انتعلم منكم :)

[محمد حمص]

عندي صديق بالإمارات يطرشلي قطع مارسيدس ماعليكي أمر طرشيلي رقم الشاصي وان شاء الله
عشرة أيام بتكون عندك

[أم محمد 90]

انا قررت اخذها من الوكالة هني ، لما سألتهم اني بجيبها من برا ومعاها فاتورة الوكالة الأصلية
قالو تودينها بنفسج الصناعية ويركبونها لج بفلوس ، واحتمال نعطيج ضمان واحتمال لا ومانوفر لج سيارة بديله ،
وانتي تتحملين اي شي او اي عطل فالشاشه

والاحتمال الاكبر تجيبين الفاتورة ومانقبلها ومانركب لج الشاشه نهائي وان ركبتيها مكان ثاني يطيح ضمانج .


ف انا سيارتي يديدة ومابي ضمانها يطيح ، وابي اخذ الجانب الآمن :safe side ف عطوني خصم ونزلو من سعرها حو الثلاث الاف ريال وشكلي بتوكل على الله وبخليهم يركبونها .

[أم محمد 90]

ما ادري يا ام محمد ، اكيد انتي ادرى اختي ، احنا شعرفنا بسوالف المواتر !! قاعدين انتعلم منكم :)

شكلك من اللي يشترون موتر بدون شاشه ويركبون شاشه من الغرافة خخخخخ

امزح امزح ههههههههههههههههههه

[أم محمد 90]

أختي اتصلي بوكالة الكويت بعد

و مرة وحدة جيكي مع السعودية

الأمارات و خصوصا الكويت ارخص بأسعار قطع الغيار للبي ام

لا تنسين تعطينهم رقم الشاصي لأنه يطلع كلشي

و اذا ضايفه شي بالدوحة نفس النفيقيشن بعد بلغيهم

و اذا الموضوع بس الشاشة ممكن بألمانيا و امريكا لأنهم يبيهون كلشي بالتفصيل الممل

عندنا للأسف يقولونلج بدلي كلشي

اتصلت فالامارات مايردون

فالكويت والسعودية ماعندي حد ف الامارات عندي ناس

[أم محمد 90]

بكم قالو لج هني
والامارات كم

الاسعار موضوع خاص جداً يا بومحمد خلنا ساكتين لا يجي حد ويبقق عينه @.@

[حليتان*]

بدليها فالوكاله وتوكلي على الله

المصيبه ان يودون الواحد من اليد الي تعوره وهو الضمان والمصيبه ان البي ام لازم يبطلون الطبلون الكامل فحرام تاخذينها من برا ومايركبونها ونصيحه اطلبي الشاشه من الوكاله فالدوحه من الحين لان اتوقع بيطلبونها وبتتاخر والمصيبه انهم بيطلبونها من الامارات

واحد من الربع يدرس فامريكا خذ له مرسدس انشمخت الشاشه شمخ بسيط بس قالو له بنبدل لك الشاشه من نفسهم هو مارضى يقول انا شامخها وحرام يبطلون الطبلون بسبت شمخ

[أم محمد 90]

بدليها فالوكاله وتوكلي على الله

المصيبه ان يودون الواحد من اليد الي تعوره وهو الضمان والمصيبه ان البي ام لازم يبطلون الطبلون الكامل فحرام تاخذينها من برا ومايركبونها ونصيحه اطلبي الشاشه من الوكاله فالدوحه من الحين لان اتوقع بيطلبونها وبتتاخر والمصيبه انهم بيطلبونها من الامارات

واحد من الربع يدرس فامريكا خذ له مرسدس انشمخت الشاشه شمخ بسيط بس قالو له بنبدل لك الشاشه من نفسهم هو مارضى يقول انا شامخها وحرام يبطلون الطبلون بسبت شمخ

امس رحت يا اخوي ودفعت نص المبلغ وعطوني ورقة ، وقالو 10 الى اسبوعين وتوصل ، ويركبونها لي عندهم وتاخذ يوم للتركيب ومايحتاج اوديها الصناعيه ،،
الغريبة ان لما جادلتهم بسعر الامارات عطوني اياها بسعر الامارات !!