المساعد الشخصي الرقمي

مشاهدة النسخة كاملة : + شوارع الدوحة إلى أين !!!!!!!!! +


شبح الصمت
20-10-2014, 12:23 PM
السلام عليكم ورحمة الله وبركاته ،،،


بنتكلم عن شوارع الاحياء السكنيه مش العامة


صراحة الوضع من أسو إلى أسو في بعض المناطق السكنيه الي تصير فيها تعديلات وحفريات ومن ثم يتم رصف الشارع ورصفه عشوائي لا مستوي ومرقع لهدرجة الاهمال وعدم المبلاه والمتابعة والا بس رقع وبعدين راح نعدل وهل هالاموال الي قاعده تصرف عادي صرفها ..


بالتحديد اليوم وراء مدرسة الراية للسواقه من غرب الشارع المؤدي إلى مدرسة خليفة الابتدائية للبنين شارع كان فيه تعديلات وعقب ارصف الشارع جزء منه مرصوف وجزء منه غير مرصوف قديم على حطت يدهم اساسه قديم ومبين انه راح يكون شارع اساسي لانه تم عمل مطبات ..:eek5:


يعني مطبات وشارع عوووووووووووووووووووووي !! :omen2:
على من يالمهندسين هالهندسة الجميلة شارع يروح فيك يمين ويرد فيك يسار ..

وبعد ثقافة انك تسكر الشارع على الجانبين بدرامات او بحدايد او بطوابيق !!!

هل اهي فكرة مهندسي الشارع ام فكرة اصاحب الفريج !! :secret:

ما نقول ما في ناس ما تحب تركب المطبه وتجي على السنه بس كمنظر والله مب شيء كلش ..


اتمنى رسالتي توصل للمسؤولين عن اهمال حق عام ومنظر حضاري ..


وهذا مثال لشارع من شوارع اخرى ..
Super Cool
20-10-2014, 12:35 PM
يا رجال اذا الخط السريع و انت جاي من صوب مسجد عمر توصل جسر الجوازات الشارع مب شابك مع الجسر!!!

فيه كسرة غريبة....تخيل خط سريع....و جدامه جسر...والجسر موجود....تسوي خط سريع و ما تعرف تشبكه

بالجسر هههههههه
شبح الصمت
20-10-2014, 12:40 PM
يا رجال اذا الخط السريع و انت جاي من صوب مسجد عمر توصل جسر الجوازات الشارع مب شابك مع الجسر!!!

فيه كسرة غريبة....تخيل خط سريع....و جدامه جسر...والجسر موجود....تسوي خط سريع و ما تعرف تشبكه

بالجسر هههههههه



ياخي ابي اعرف المخططات على اي اساس ومعايير قاعده تؤخذ ..

شارع تسويه اليوم بكره يخترب الخطأ من من .

هل البنيه التحتيه غير صالحة
هل المواد المستخدمه غير عن المطلوب
هل جوء الدوحة غير عن الاجواء الاخرى وبالتالي المواد الي تستعمل لا تصلح لجونا ..
هل المهندس يوم هندس الشارع هندسه على اساس مشيء حالك حالك يمشي او لمدى بعيد لاجل البنيه التحيه راح يصير فيها شيء فقال خلني اسويه شغل شكويتي ..


ياخي استفسارات ودنا احد يفيدنا فيها


الوو

غير البشر وينه
Super Cool
20-10-2014, 12:43 PM
ياخي ابي اعرف المخططات على اي اساس ومعايير قاعده تؤخذ ..

شارع تسويه اليوم بكره يخترب الخطأ من من .

هل البنيه التحتيه غير صالحة
هل المواد المستخدمه غير عن المطلوب
هل جوء الدوحة غير عن الاجواء الاخرى وبالتالي المواد الي تستعمل لا تصلح لجونا ..
هل المهندس يوم هندس الشارع هندسه على اساس مشيء حالك حالك يمشي او لمدى بعيد لاجل البنيه التحيه راح يصير فيها شيء فقال خلني اسويه شغل شكويتي ..


ياخي استفسارات ودنا احد يفيدنا فيها


الوو

غير البشر وينه

من تجربة شخصية...غالباً التصميم يكون ممتاز جداً لكن الخلل يكون في شيئين

أولاً قلة المتابعة من الإستشاري المسؤول عن تنفيذ المشروع و ثانياً ضعف التقييم

و دخول الواسطات في وقت الترسية و ياخذ المناقصة مقاول غير مؤهل للتنفيذ
بومحمد المطاوعه
20-10-2014, 12:44 PM
اي والله يالغالي

جزاك الله خير

الجمس تكسر على هالشارع قبل

لين ما افتكيت منه

ياخي اهمال في الطرق الداخليه

تحياتي لك ياذيباااااااااااااان
شبح الصمت
20-10-2014, 12:44 PM
من تجربة شخصية...غالباً التصميم يكون ممتاز جداً لكن الخلل يكون في شيئين

أولاً قلة المتابعة من الإستشاري المسؤول عن تنفيذ المشروع و ثانياً ضعف التقييم

و دخول الواسطات في وقت الترسية و ياخذ المناقصة مقاول غير مؤهل للتنفيذ


هذا البلى بعينه وعلمه يا عقاب !!


تعطي الشيء لغير المختصين دام الاثنين الاولين اوكي والثالث لا فالثالث هو الاساسي ترى لو الاثنين كانوو لك عليهم والثالث اووكي راح يطلع الشغل مضبوط
شبح الصمت
20-10-2014, 12:46 PM
اي والله يالغالي

جزاك الله خير

الجمس تكسر على هالشارع قبل

لين ما افتكيت منه

ياخي اهمال في الطرق الداخليه

تحياتي لك ياذيباااااااااااااان



عيل ما يتكسر عجل لو ادخل الكورفيت اش بيصير فيك


رفيجنا ما يبي ابوه ياخذ بيت داخل الفرجان القديمه لاجل مواتره السبورت تشلخت من الشوارع ..

ترى صج عندك موتر قيمته قريب المليون والفريج شوارعه مكسره من يعوضك ..
Super Cool
20-10-2014, 12:53 PM
هذا البلى بعينه وعلمه يا عقاب !!


تعطي الشيء لغير المختصين دام الاثنين الاولين اوكي والثالث لا فالثالث هو الاساسي ترى لو الاثنين كانوو لك عليهم والثالث اووكي راح يطلع الشغل مضبوط

المشكلة ان الموضوع يصير قانوني....يعني ترسى المناقصة على طرف و الطرف يسوي عقد بالباطن مع طرف ثاني!!! و الثاني مع طرف ثالث!!!!

و ولا واحد فيهم يقدر يظمن عقد الثاني...بس يبي فلوس...شركة حديد تقدم على مناقصة اسمنت و بعدين تسوي عقد بالباطن و توفر اسمنت ههههه

قبل فترة في عندنا مناقصة طارحينها والا واحد من المتقدمين يقول لي ترى عندي القيمة التقديرية للمشروع!!! أفا اشلون؟؟؟ قال لي فلان جابها!!!

طيب و فلان أصلاً مب حول المشاريع اشلون عرف يجيبها؟ كلم التيبوي جاب له نسخة!!!! تعال يا فلان اشلون تعطيهم قيمة المشروع؟؟؟ يرد لا خلهم

هاذي شركة فلان يستاهل و شغلهم نظيف سوولي مجلسي العام الماضي!!!!

,
,
,
لابوكم لا بو الـ****** يبيلكم تفنيش من أولكم لين آخركم!!!!
Rider
20-10-2014, 12:58 PM
اخوي شقال فايز التوش ( استفيد ) لو فيه محاسبه والله ماتشوف شوارعنا في هذا الوضع
Qatar-Qa
20-10-2014, 12:58 PM
انه زرت الخليج كله ودرت في شوارعهم بالسياره وشفت مشاريعهم ( تصميم وتنفيذ )

للاسف اسوأ المشاريع تصميما وتنفيذا عندنا والله
عيب والله دوله ميزانيتها للبنيه التحتيه مليارات واضعاف دول الجوار وشارع 100 متر مب قادرين يصلبونه عدل !!
ياحفر يا مطبات عشوائيه يا بواليع ( الله يعزكم ) تطلع في نص الشارع بعد اسابيع قليله من رصف الشارع !!

هذا كله ياخوي مانستنتج منه غير شي واحد وهو :

((خيانه الأمانه من قبل المسؤولين المعنيين بهالمواضيع ))

كل هالشغل امانه في رقبتهم ومسؤوليتهم واذا هم مب كفوو يتحملون المسؤوليه خل يستقيلون ويحطون ناس غيرهم بدل المصخره اللي قاعدين نشوفها

كل شوارعنا ومشاريعنا تقريبا بس شكل وصور

الناس تشوف الصور تقول ياحيهم والله مدينتهم وبنيتهم التحتيه متطوره وكل شي مرتب ونظيف
لكن على ارض الواقع للأسف أسوء شوارع (تصميم وتنفيذ) عندنا
آلملآزم
20-10-2014, 01:14 PM
تعال شوف شارع العزيزيه التجاري اللي صوب الدفاع المدني وانت رايح اشارة استاد خليفه سييييييده شوي يمين شوي يسار فوق تحت
وتقعد تتسلق جبال البواليع اللي طالعه في نص الشارع الله يعزكم ياجماعه مايصير شهالكلام
هل المسؤولين في اشغال يستخدمون غير الشوارع اللي نستخدمها ولا شالسالفه !؟
Charisma
20-10-2014, 01:37 PM
وعليكم السلام ورحمه الله وبركاته

مرحبا اخوي شبح ..

لاتقلب المواجع مع الشوارع .. اذا صح التعبير بوصفها شوارع ..

حفريات .. شارع مرقع ... مطبات اشكال والوان احجام وانواع ... كل من بنا له بيت حط قدامه مطب ... بعض الشوارع تُغلق لاعمال البنيه التحتيه وتظل مغلقه بالسنين ... الحفريات اوصلت لداخل البيوت !! ... مغلق من جميع الاتجاهات .. الشارع الواحد يعدلون فيه ستين الف مره .. مايمديهم يفتتحونه الا عقب شهر مغلق وخذلك حفر .

الوضع باختصار .. عشوائي ..غير مدروس .. وفيها كيكه .
وحيد-الشوق
20-10-2014, 05:06 PM
انا ماشفت شارع فيه بواليع طالعة جنه تحتها فقع غير في قطر

للأسف الشارع مايكمل كم سنة الا وتطلع عيوبه وتعال كسر واحفر واوقات التكسير وانجاز المشاريع كلها غلط :(
شبح الصمت
20-10-2014, 06:05 PM
المشكلة ان الموضوع يصير قانوني....يعني ترسى المناقصة على طرف و الطرف يسوي عقد بالباطن مع طرف ثاني!!! و الثاني مع طرف ثالث!!!!

و ولا واحد فيهم يقدر يظمن عقد الثاني...بس يبي فلوس...شركة حديد تقدم على مناقصة اسمنت و بعدين تسوي عقد بالباطن و توفر اسمنت ههههه

قبل فترة في عندنا مناقصة طارحينها والا واحد من المتقدمين يقول لي ترى عندي القيمة التقديرية للمشروع!!! أفا اشلون؟؟؟ قال لي فلان جابها!!!

طيب و فلان أصلاً مب حول المشاريع اشلون عرف يجيبها؟ كلم التيبوي جاب له نسخة!!!! تعال يا فلان اشلون تعطيهم قيمة المشروع؟؟؟ يرد لا خلهم

هاذي شركة فلان يستاهل و شغلهم نظيف سوولي مجلسي العام الماضي!!!!

,
,
,
لابوكم لا بو الـ****** يبيلكم تفنيش من أولكم لين آخركم!!!!


هههههههههههاي
ياخي شر البلية ما يضحك
يعني مقاول بنيان وش عرفه في رصف الشوارع .

اتمنى محاسبة كل شخص يتلاعب في اموال الدولة ..
ياخي عطه اذا يستاهل تعرف شغله تخصصه مب لاجل انه رفيجي ورفيج رفيجي اعطيه
عسى ما شر واحنا نطيح في هالحفر

شارع سيده مره وحده الا حفره طاااااااااااخ

ياخي قهر معاك آهلج

امك
اختك
مرتك
وحده من اهلك حامل واطب في حفره والا في شارع متكسر تخلخها ززين ما تسقط مسكينه ..




اخوي شقال فايز التوش ( استفيد ) لو فيه محاسبه والله ماتشوف شوارعنا في هذا الوضع

انشهد

صدق في كلمته
مفروض كل واحد لجنة توافق على شارع وهالشارع يطلع غير صالح او فيه مشاكل

كل الموافقين على المناقصة ينخصم من رواتبهم مبلغ جزئي ويكون قوووي لاجل يحسون ويحاسبون ..




انه زرت الخليج كله ودرت في شوارعهم بالسياره وشفت مشاريعهم ( تصميم وتنفيذ )

للاسف اسوأ المشاريع تصميما وتنفيذا عندنا والله
عيب والله دوله ميزانيتها للبنيه التحتيه مليارات واضعاف دول الجوار وشارع 100 متر مب قادرين يصلبونه عدل !!
ياحفر يا مطبات عشوائيه يا بواليع ( الله يعزكم ) تطلع في نص الشارع بعد اسابيع قليله من رصف الشارع !!

هذا كله ياخوي مانستنتج منه غير شي واحد وهو :

((خيانه الأمانه من قبل المسؤولين المعنيين بهالمواضيع ))

كل هالشغل امانه في رقبتهم ومسؤوليتهم واذا هم مب كفوو يتحملون المسؤوليه خل يستقيلون ويحطون ناس غيرهم بدل المصخره اللي قاعدين نشوفها

كل شوارعنا ومشاريعنا تقريبا بس شكل وصور

الناس تشوف الصور تقول ياحيهم والله مدينتهم وبنيتهم التحتيه متطوره وكل شي مرتب ونظيف
لكن على ارض الواقع للأسف أسوء شوارع (تصميم وتنفيذ) عندنا



صدق يا حينا بقطر واميرها وشعبها

بس في اخطاء ولازم متابعتها قطر متوجه نحو الافضل الامير الله يجزاه خير ما قصر عطى شعبه وعطى العالم وضخ فلوس للبنيه التحتيه الله يطول بعمر سمو الامير الوالد من قبل ومن بعد وفي عمر سمو الامير الشيخ تميم وهذا الشبل من ذاك الاسد والله يوفقه ويسدد خطاه ويجعل له في كل خطوه حسنه ويبارك له في آداء واجبه تجاه العالم كله ..




تعال شوف شارع العزيزيه التجاري اللي صوب الدفاع المدني وانت رايح اشارة استاد خليفه سييييييده شوي يمين شوي يسار فوق تحت
وتقعد تتسلق جبال البواليع اللي طالعه في نص الشارع الله يعزكم ياجماعه مايصير شهالكلام
هل المسؤولين في اشغال يستخدمون غير الشوارع اللي نستخدمها ولا شالسالفه !؟

تعلمني فيه هالشارع زحلاقيه يالحبيب



وعليكم السلام ورحمه الله وبركاته

مرحبا اخوي شبح ..

لاتقلب المواجع مع الشوارع .. اذا صح التعبير بوصفها شوارع ..

حفريات .. شارع مرقع ... مطبات اشكال والوان احجام وانواع ... كل من بنا له بيت حط قدامه مطب ... بعض الشوارع تُغلق لاعمال البنيه التحتيه وتظل مغلقه بالسنين ... الحفريات اوصلت لداخل البيوت !! ... مغلق من جميع الاتجاهات .. الشارع الواحد يعدلون فيه ستين الف مره .. مايمديهم يفتتحونه الا عقب شهر مغلق وخذلك حفر .

الوضع باختصار .. عشوائي ..غير مدروس .. وفيها كيكه .

[/color]


مرحبتين يالغالي يلي نكبتني ورحت
ههههههههههههاي

تدري انا بقولك ليش الشارع ما يعدلونه بالمستوى المطلوب لانه البعض واتوقع ومن تحليلي انه يقول الشارع القبلي القديم بروحه اصلا تعبان لو سويت شارع عدل راح يقولون لي ليش ما كملته فيعطووونك ديزاين الشارع القديم متومج وفيه طلعه ونزله لاجل ما يزعل الشارع القديم منه ويتضايق

هههههههههههههههههههههههههاي


[color="blue"]انا ماشفت شارع فيه بواليع طالعة جنه تحتها فقع غير في قطر

للأسف الشارع مايكمل كم سنة الا وتطلع عيوبه وتعال كسر واحفر واوقات التكسير وانجاز المشاريع كلها غلط :(


مب حرام ما ذكرت لك قبل انه ليش يتم عمله عشوائي لانهم عارفين انه هالمكان راح يخترب مره ثانية فشكلهم يقولون ليش نكلف ونضبطه نعطيهم اي شيء لانه راجعين له مره ثانية ..

انزين عدلوا البنيه التحيه في هالمنطقة الفلانيه وفكوو العالم منها وعدلوا الشوارع ..

قلب مكسور صديقي
Dana’1
20-10-2014, 06:36 PM
وضع الشوارع مزري يا ان المسؤليين يحاسبونهم على أقل تقصير يبدر منهم أو ان الوضع عاجبهم في هالحالةمالنا إلا اننا نتأقلم والشكوى لله
بس ودك يسوون تأمين للناس اي واحد سيارتة تخترب بسبب الشوارع وغرقها الخ هم من ينكفل بإصلاحها
او شرائها لموظفينهم ومهندسينهم !
معماري قطري
20-10-2014, 06:38 PM
كثرت المواضيع عن الطرق وبتكثر تغييرات إِدارة أَشغال لكن سياسة الشغل وحده .. محاباة وتشغيل شركات يقال عنها قطرية أَو 51% مملوكة لقطريين .. والواقع شيء ثاني لا الشركات زينه أَو قد الحدث ومالكها قطري مشترك مع مدير أَجنبي والمدير الأَجنبي يصدر من ورا الشركة ملايين وللمالك القطري مبالغ بسيطة .. الدول اللي حولنا تسن قوانين قوية آخرها السعودية كل شخص غير مواطن يحول مبلغ ما يتناسب مع دخله يُساءَل.

إِخوي شبح الصمت تمنيت تصور صور للشارع وتحطها في هذا الموضوع .. وشوف المشاركات اللي فيه .. والدعوة موصولة للكل

http://www.qatarshares.com/vb/showthread.php?511242-نقاش-حول-مساويء-تخطيط-وتنفيذ-طرق-قطر
Charisma
20-10-2014, 11:08 PM
مرحبتين يالغالي يلي نكبتني ورحت
ههههههههههههاي

تدري انا بقولك ليش الشارع ما يعدلونه بالمستوى المطلوب لانه البعض واتوقع ومن تحليلي انه يقول الشارع القبلي القديم بروحه اصلا تعبان لو سويت شارع عدل راح يقولون لي ليش ما كملته فيعطووونك ديزاين الشارع القديم متومج وفيه طلعه ونزله لاجل ما يزعل الشارع القديم منه ويتضايق

هههههههههههههههههههههههههاي


ههههههه يارجل ..

تصدق للحين يحسب اني شسمه .. الله المستعان بس :rolleyes2:
SOUD.QA
20-10-2014, 11:36 PM
الفساد هي كلمة السر

لو عندنا ناس بذمه وضمير ما صار هذا كله فينا المناقصات ما عاد اسمها مناقصه لانها ترسى على فلان وعلان بالواسطه وللاسف نسبه كبيره لهم علم مسبق بالسعر

ياليت في حد يحاسب وينبش وراهم بيكون حالنا احسن بواجد ولو في حد يقعد للي يأجرون بالباطن قعده بغض النظر من وكيف واصلين بالبلاد كان علومنا غير بس حسافه باطن ورى باطن والكل يبغي يستفيد على حساب المال العام وحساب اعصابنا وصحتنا
طلعة الروح
20-10-2014, 11:46 PM
يا رجال اذا الخط السريع و انت جاي من صوب مسجد عمر توصل جسر الجوازات الشارع مب شابك مع الجسر!!!

فيه كسرة غريبة....تخيل خط سريع....و جدامه جسر...والجسر موجود....تسوي خط سريع و ما تعرف تشبكه

بالجسر هههههههه

والله هذي مصيبة كبيرة والسائق يتفاجئ فيها يعني وايد خطره
طلعة الروح
20-10-2014, 11:48 PM
والله هذي مصيبة كبيرة والسائق يتفاجئ فيها يعني وايد خطره

غير لما تتفاجئ ان الشارعين تحولوا شارع واحد بدون سابق انذار
طلعة الروح
20-10-2014, 11:52 PM
تعال شوف شارع العزيزيه التجاري اللي صوب الدفاع المدني وانت رايح اشارة استاد خليفه سييييييده شوي يمين شوي يسار فوق تحت
وتقعد تتسلق جبال البواليع اللي طالعه في نص الشارع الله يعزكم ياجماعه مايصير شهالكلام
هل المسؤولين في اشغال يستخدمون غير الشوارع اللي نستخدمها ولا شالسالفه !؟


كذلك شارع سلوى يعاني من نفس الازمه وفجأة تلقى انقطع الطريق اليمين ولازم تحول يسار
يعني الشارع كان مخظظ له ان ينبني بهالطريقه بدون سبب واضح
POINT
21-10-2014, 12:03 AM
((خيانه الأمانه من قبل المسؤولين المعنيين بهالمواضيع ))

كل هالشغل امانه في رقبتهم ومسؤوليتهم واذا هم مب كفوو يتحملون المسؤوليه خل يستقيلون ويحطون ناس غيرهم بدل المصخره اللي قاعدين نشوفها

من أمن العقوبة أساء الأدب.
لو تصير حالات تفنيش و ورقة عالمكتب، كان شفت الرقلة عدل والضمير الي بيحيا غصبن عنهم
شبح الصمت
21-10-2014, 08:59 AM
وضع الشوارع مزري يا ان المسؤليين يحاسبونهم على أقل تقصير يبدر منهم أو ان الوضع عاجبهم في هالحالةمالنا إلا اننا نتأقلم والشكوى لله
بس ودك يسوون تأمين للناس اي واحد سيارتة تخترب بسبب الشوارع وغرقها الخ هم من ينكفل بإصلاحها
او شرائها لموظفينهم ومهندسينهم !


شي يعور القلب اموال قاعده تستنزف على شغل تعبان وفي دول غير ومش في مستوى دولتنا الحبيبة وشوارعهم ماشاء الله تمشين تحسين الشارع سيده لا يلف يمين ويسار ولا يعطيك حركة المساج والا التوقف المفاجا والا تلفين لفة لاجل موترك ما يطيح في الحفره ويتكسر ..

الله المستعان ويجب الرقابة ومتابعة ومحاسبة من قاموا بعمل مثل هالشوارع الي اتوقع ما تنطبق عليها المواصفات والمعايير والشروط


كثرت المواضيع عن الطرق وبتكثر تغييرات إِدارة أَشغال لكن سياسة الشغل وحده .. محاباة وتشغيل شركات يقال عنها قطرية أَو 51% مملوكة لقطريين .. والواقع شيء ثاني لا الشركات زينه أَو قد الحدث ومالكها قطري مشترك مع مدير أَجنبي والمدير الأَجنبي يصدر من ورا الشركة ملايين وللمالك القطري مبالغ بسيطة .. الدول اللي حولنا تسن قوانين قوية آخرها السعودية كل شخص غير مواطن يحول مبلغ ما يتناسب مع دخله يُساءَل.

إِخوي شبح الصمت تمنيت تصور صور للشارع وتحطها في هذا الموضوع .. وشوف المشاركات اللي فيه .. والدعوة موصولة للكل

http://www.qatarshares.com/vb/showthread.php?511242-نقاش-حول-مساويء-تخطيط-وتنفيذ-طرق-قطر





ودي اصور بكاميرا احترافية الشوارع وانزل بس ما اعرف انزل من جوالي ..
انتتم االخير والبركه يالغالي ..







ههههههه يارجل ..

تصدق للحين يحسب اني شسمه .. الله المستعان بس :rolleyes2:


الله يعين ياخوي

قلب مكسور

وما عليك بومحمد طيب وحبوووب





الفساد هي كلمة السر

لو عندنا ناس بذمه وضمير ما صار هذا كله فينا المناقصات ما عاد اسمها مناقصه لانها ترسى على فلان وعلان بالواسطه وللاسف نسبه كبيره لهم علم مسبق بالسعر

ياليت في حد يحاسب وينبش وراهم بيكون حالنا احسن بواجد ولو في حد يقعد للي يأجرون بالباطن قعده بغض النظر من وكيف واصلين بالبلاد كان علومنا غير بس حسافه باطن ورى باطن والكل يبغي يستفيد على حساب المال العام وحساب اعصابنا وصحتنا


ياخي خل العالم تستفيد مب مشكلة بس عط الشغل لواحد يتنق شغله متخصص مب شغله في صوب وتعبيد الطرق في صوب آخر
مزعله النساء
21-10-2014, 09:19 AM
عندنا الرصيف لازم يكون أعرض واكبر من الشارع
صار شي من معالم الدوحة
شبح الصمت
21-10-2014, 09:22 AM
عندنا الرصيف لازم يكون أعرض واكبر من الشارع
صار شي من معالم الدوحة



شوفي اختي الارصفة قامت تختفي اشوي اشوي

بس في مناطق صحيح فيها الرصيف العالي

بس حالياً قاموا يشلون النخل الي فالشوارع الداخلية ويوسعون الشوارع ..

بس نبي الشوارع تكون عدله مب شارع اليوم اوكي وبكره يخق والا انحناء فيه ونزله والا حفره .. !!


:(
سارا البدر
21-10-2014, 09:24 AM
والله لاعت جبدنا من هالشوارع والحفريات
نطلع من الساعه 6 عشان مانتاخر والسبه هالشوارع التعبانه
ومايحلى بعينهم التصليحات الا حزة المدارس
شبح الصمت
21-10-2014, 09:29 AM
والله لاعت جبدنا من هالشوارع والحفريات
نطلع من الساعه 6 عشان مانتاخر والسبه هالشوارع التعبانه
ومايحلى بعينهم التصليحات الا حزة المدارس




الله يعين صراحة
بس اش رايج في الشوارع الداخلية خلينا من الخارجية الي في الفرجان !!!
معماري قطري
21-10-2014, 07:21 PM
أَسهل شيء التصوير ونقل الصور للكمبيوتر .. أَغلب الجوالات معاها سي دي للبرمجة ومن تشبك تلفونك تقدر تنزل وتحمل الصور على مواقع التحميل وتحط الرابط .. تصدق تعلمت العملية بنفسي
طبيب قطري
21-10-2014, 09:41 PM
شوارع الدوحه مالها حل لاتحاولو!!
شبح الصمت
22-10-2014, 08:20 AM
معماري ان شاء الله بحاول

طبيب اي والله صادق

شوف الشارع وانت نازل من الدوار المايل وراح صوب الجامعات اول ما تنزل اشلون الشارع

وعقب الدور الي وانت راد ياخي شارع متمووج .. !!!


يلعب فيك !!
طلعة الروح
25-10-2014, 03:26 AM
فاهمه قصدك على ان المنطقه تعتبر جديدة بس الشارع مش مضبوط
بس يعتبر احسن من غيره إذا بتذكر الشوارع المحفره والاماكن ذات المطبات الغبيه
طلعة الروح
25-10-2014, 03:32 AM
عموما أنا اشوف ان الحفر قلت بوايد عن السنوات السابقه
ماعدا بعض الشوارع والفرجان التي لم تنلها موجة التطوير والتعديل
التي شهدتها معظم مناطق البلاد، بالاضافة الن هناك مناطق معينه تميل
لتكوين حفر حتى لو تم رصفها اكثر من مره والخلل هنا فني على ما اعتقد.