مساعدة في تخطيط بناء بيت من دورين

[Mohammed2]

السلام عليكم ورحمة الله وبركاته

أتمنى من اخواني المهندسين تخطيط بيت يتكون من طابقين

مساحة الأرض 1001 متر مربع

بحيث يكون في بنت هاوس فيها غرفتين وحمام

وملاحق غرفه السائق مع حمامها ومطبخ خارجي مع مخزن

ومطبخ داخل البيت في الطابق الأرضي

اذا في مخططات جاهزه بالمواصفات المذكورة أعلاه أتمنى ارساله لي على الايميل aLraheab294@gmail.com

وشكرا

[اللوز]

يجب ذكر للمصميمن اي نوع من الديزاينات ومساحة البناء قبل البدء في التصميم

[Aaziz]

ضيف على ماتفضلت فيه

هل ارضك على شارع واحد او شارعين
كم غرفه تبي و كم صاله تبي
وهل الغرف كلها تبيها ماستر ولا عادي غرفتين بحمام
كم ميزانيتك او بمعنى اخر كم مساحه البناء ،، يعني مثلا ان لاتتجاوز مساحه البناء الاجماليه 800 متر كمثال

[معماري قطري]

صحيح التصميم خصوصاً من الصفر عملية متعبة وتاخذ وقت طويل أَما التعديل على شيء موجود فهو أَسهل بكثير

[سميسمة كافيه]

اخوي ممكن ادلك على مهندسة تساعدك بالامور هذي

[captin]

مرحبا أخوي

الحل الأمثل انك تاخذ مخطط الأرض لمكتب استشارات
هندسية معروف ومصنف وتعطيهم كل طلباتك وميزانيتك للبناء
وهم بيعطونك أفضل الحلول من واقع خبراتهم في المشاريع اللي سووها

بالتوفيق اخوي

[Bozizoo]

اخوي اول شي لازم انت تحدد احتياجاتك في الفيلا
وشنو تحب في يكون في بيتك
وبعدين تبداء تشوف مخطاطات ولا بتتعب لأن التصاميم كثيره
وحلو ومبارك كل شي حلو ينفعني وعشان تسهل على المهندس شنو
طلبك.
ولا تنسى قدراتك الماديه

[alme3mary]

السلام عليكم
انا بساعدك بالتخطيط وبعملك اسكتش ... بس احتاج منك صورة مخطط الأرض المرفق مع سند الملكية ... بالاضافة لبعض التفصيل لمتطلباتك كالتالي :
1- ميزانيتك للبناء ( تحدد على أساسها مساحة البناء ) .
2- عدد غرف النوم ، و عدد الحمامات.
3- الصالات والمجالس ، وهل هناك مجلس خارجي.
وان شاء الله برتبلك الاسكتش سريعا على الطلبات.

[Bozizoo]

وهل يبي غرفه ملابس او لا
وهل يريد كل غرف النوم بحمامات اولا
وهل يريد غرفه النوم الرئيسيه كبيره او لا
وهل يريد مكتب في الغرفه الرئيسيه او جلسه او لا
وهل محتاج غرف كبار او لا
وهل عياله كبار ولا صغار
وهل
وهل وهل وااايد المفروض يحددها
وهل عنده خطه يتوسع في البيت بعد فتره او لا ...
وانصحك اخوي تسوي الملحق مشبكوك في الفيلا توفر مساحه
واذا تبي تشوف كيف عندي مخطاطات اثنين واحد فيهم لفيلتي