مادر بيني وبين شخص في الاستغرام

[alsoq]

السلام عليكم

اليوم دار نقاش حاد بيني وبين شخص في الاستغرام حسابه ديني وانا استغربت انه حسابه ديني ويقول هذا الكلام
حاط صوره لطفله من سوريا
وكاتب بما معناه ان حكام العرب ارخص من الحذاء

وهو من دوله خليجيه وهذا ما اغضبني

فسالت الست عايش بأمن انت واهلك في ضل حاكمك اليسو هم ولاه امرنا
فقلت له انت منافق وكذاب

فمن انكر خيرأ ياتيه (ماذا نقول عنه )


سؤالي هل اخطأت بما وصفته به ام لا

[رهج السنابك]

قصدك انه خليجي ولا عربي مقيم بدوله خليجيه



في كل الاحوال الدنيا هذي محد عاجبه شي ولا احنا عاجبين بعض وكل واحد يقول الي يبيه لا نعور راسنا ولا يعور حد راسنا

[alsoq]

لا اختي خليجي

[aziz4z]

يعتمد و الله في ناس في دول الخليج مظلومين جدا
أو ممكن هو قصده الحملة الصليبية بمشاركة بعض الدول اللي تضرب في سوريا و العراق , ليش مايضربون بشار , و يحررون سوريا
الدنيا كلها مصالح
اللهم ابرم لهذه الامة أمر رشد يعز فيه أولياؤك ويذل فيه أعداؤك

[romoz]

يعتمد و الله في ناس في دول الخليج مظلومين جدا
أو ممكن هو قصده الحملة الصليبية بمشاركة بعض الدول اللي تضرب في سوريا و العراق , ليش مايضربون بشار , و يحررون سوريا
الدنيا كلها مصالح
اللهم ابرم لهذه الامة أمر رشد يعز فيه أولياؤك ويذل فيه أعداؤك


الحمدالله محد مظلوم بالخليج ، و اللي يحط راسه براس ولي الامر يستاهل ما جاه

صح ان فيه اشياء مب عاجبتنا تصير بس مو بالتأجيج و التصعيد و الثورات ، بل بالنصح و الدعاء بالصلاح و الهداية

[وحيد-الشوق]

في ناس ماتوا وتشردوا الي فقد عياله والي خسر امه وابوه وعايشين حياة صعبة جدا في سوريا لذلك ماتقدر تلومه صحيح كلامه غلط لكن اتركه في حاله ولاتنسى ان ان كثير من العرب وقف ساكنا ولم يتحرك وبشار يوميا يذبح في شعبة والله يعين ويصبر كل مسلم على بلواه ربما اذا مكانه الله اعلم ماذا سنقول :(

اللهم لك الحمد حمدا كثيرا

[بريق الحق]

في ناس ماتوا وتشردوا الي فقد عياله والي خسر امه وابوه وعايشين حياة صعبة جدا في سوريا لذلك ماتقدر تلومه صحيح كلامه غلط لكن اتركه في حاله ولاتنسى ان ان كثير من العرب وقف ساكنا ولم يتحرك وبشار يوميا يذبح في شعبة والله يعين ويصبر كل مسلم على بلواه ربما اذا مكانه الله اعلم ماذا سنقول :(

اللهم لك الحمد حمدا كثيرا
+10 (:

[alsoq]

سوريا مانقول عنها شي والحمدلله الدول تساعد بالذات الخليج

انا ما اغضبني انه شمل الحكام كان حدد الدول التي تدعم بشار ولم يشمل الكل
الحمدلله احنا في الخليج حقنا واصلنا من ولاه امرنا وعايشين في امان اللهم لك الحمد وهذي نعمه نشكر الله سبحانه ولاه الامر

وهذا نوع من اثاره الفتن على ولاه الامر

[خليفـة]

كان كتبت له :
اذا تشوف نفسك اغلي من حذائها لماذا لا تذهب للجهاد هناك !

للاسف البعض حاطين ببالهم انهم من المبشرين بالجنه
وكأنهم ماخذين صك ضمان بذلك
ولما تشوف افعاله واقواله تقول الحمدالله علي نعمة العقل

خليفة

[طبيب قطري]

مافهمت شسالفه بالضبط ؟

[مشـــــاعر]

.



حمدلله ع النعمة إللي إحنا فيها يآإرب :)





الحمدلله احنا في الخليج حقنا واصلنا من ولاه امرنا وعايشين في امان اللهم لك الحمد وهذي نعمه نشكر الله سبحانه ولاه الامر



إسمحلي أخوي السوق ع المداخلة . .
مب الكل حقهم وآإصلهم في آإلخليج . .
بعض دول الخليج (حقهم مدفون) وماله حق يطالب فيه للأسف !!

كآإن الله في عونهم إن شآإلله . .
وعسى ربي يعزّ حكآإمنا آإللهم آإمين . .

[قطر love]

اخوي السوق اعتقد اني عرفت من تتكلم عنه وشفت القصيده الي كان كاتبها*

واذا كان هو فهو شيخ دين اول شي

ثاني شي هذا الرجل خليجي قبيلي وشارك في سوريا عده مرات بس في العلاج والمستشفيات والحين هو مطرود من شغله وممنوع من السفر بسبب اتهامه بالارهاب

انت فكر وانا اقولك لا تعليق فالنهايه كل واحد يتكلم عن حاله وكل واحد عارف من يقصد بكلامه من الحكام والمعنى في بطن الشاعر

[ahmed1111]

ياخي يعني تبين الناس تقول كلامك صح اهي قالت في ناس مظلومين وصج في ناس مظلومين في كثير من الدول الخليجيه مب كلهم ... واذا تبي يكون كلامك اهو صح مايحتاي تحطه في المنتدى
البنت ردت علا سؤالك اذا اصابت من عند الله واذا اخطئت فهي دردشه مايحتاي ترد وارد وترد وارد مب حرب

[بشائر]

في ناس يتحمسون زيادة يظنون إن بعباراتهم ذي تبين حجم القهر
اللي فيهم على الصورة ..
أقرب مثال من فترة واحد أظنه مدرب في نادي للنشئ موزع رقمه على أولياء الأمور لتسجيل عيالهم
حاط بالواتس آب صورة شبيهة باللي ذكرتها وكاتب بما معناه .. هدم الكعبة عندي أهون من قتل أطفال أبرياء
أو شي مثل كذا ..( يعني شوفوني منقهر)
وواضح إنه مايقصد اللي كتبه ولا هوب حوله ..
الله يهديهم ..

أخوي تقدر تعبر عن رأيك وتنصحه بكل أريحية لكن لو كان بدون سب مباشر أفضل .
وفقك الله .

[مخطط قطري]

مع الاسف بعض رجال الدين يشوهه الدين ماله داعي يتلفظ بهالكلام والي دايمن كلامه بذي ولايحشم تاكد البيئه الي هو فيها غير صالحه لانتاج مثل هؤلاء الرجال لاشك كلنا متعاطفين مع اطفال سوريا والي يحصل فيهم بس حكام الخليج من بينهم سمو الامير تميم حفظه الله وهالشي مايرضيني كمواطن قطري خليجي انه ينقال عنه وعن اخوانه حكام الخليج هالوصف الفاشل الفارغ من اي ابجديات التربيه السلميه والاخلاق ودامه انحدر الى مستوى هابط ووصل الى الاحذيه فكان الاجدر بك الترفع عنه لانه مريض نفسي
وهالشي الي يخلي الناس تترك القضيه الاساسيه وتتجه للفروع
ملاحظة اخيره : اذا هو وايد مشتط ومتضايق من الي صار يبتدي بنفسه ويروح يجاهد بماله او نفسه هناك بدال الانستغرام والهياط ولنفاق الي على الفاضي
انا كمواطن قطري اتحفظ على كلامه واطالب بمحاسبته وتسليمه حذاء ماركه تميمه من قطر تقديرا لكلامه

[أين الحل ؟]

هناك في بعض الأحذية اعزكم الله تباع بعشرة ريالات .
ودية الانسان تقدر تقريبا بمئة وخمسين الف ريال
اذا نظريته خاطئة وعليه أن يعرض نفسه لدكتور نفساني او يعمل حجامه في مخه
ويكثر من شرب اعشاب العشرج لينظف عقله وبطنه من التفهات والهياط الزائد .

[المحاميه]

هو مايقصد عيشته
يقصد اللي قاعد يصير هناك واحنا اهني ساكتين

عرفت؟

[مخطط قطري]

المحاميه فاهمين قصده ولعلمج حرب البسوس وداحس والغبراء كانت تقوم بسبه اهانه من هالنوع مثل الي قال حق الزير سالم وقف الحرب الي صاررلها سنين وخذ ولدي بدال جساس قاله ولدك مايسوى شسع او بمعنى حذاء كليب وقام للزير وبجبروت الزير وقوته وعنفوانه وكسر ظهره وهو الوحيد الي قدر ع الزير بس لانه اهانه
عند العرب الاشاوس يحتقرون من يهنهم ويما زله لسان قتلت صاحبها ،،،، وبعدين مصيبه المصائب هي النفاق والمتاجره في الامور الانسانيه