العسل الطبيعي

[حمد 2002]

السلام عليهم

عندي واحد من الأهل فيه سكري واصابع رجله مجروحة !! .. وجرحه ماطاب للحين .

هل العسل الطبيعي ويه عشبه المره مفيده ول لا ؟!


وشكرا ..

[Aaziz]

عليكم السلام
المره مش عشبه. شي مثل الحجر
بالنسبه للعسل هو يساعد في سرعه شفاء الجروح.
لكن مش هذا المهم.
الاهم ان مريض السكر اذا انجرحت عنده الاطراف خصوصا القدم يعتبر شي مهم و يحتاج شده حزام
ماراح يطيب الا ان ينزل السكر لمعدل طبيعي او شبه طبيعي لفتره من الزمن و ان رد ارتفع السكر فالجرح عرضه انه ينفتح مره ثانيه بعيد الشر.
المر او المره طريقه استخدامه انه ينقع في ماي من الليل و ينشرب ثاني يوم. وهو بمثابه مضاد حيوي.
تظبيط السكر هو الحل و متابعه الجرح من التلوث

[حمد 2002]

ان شاء الله بنداويه بالعسل والمرة .. مع المحافظه على الجرح من التلوث ..


مشكوور يالذيب ماقصرت والله ..

[Al Basha]

أهم شي أهم شي تابع الطبيب ،ولا تهملونه لأنه هو بيعطيكم بالأخير تقدير عن وضع الجرح ، بعيد الشر عنكم وعن غواليكم واحد من المعارف قبل كم أسبوع انقطعت رجله بسبب عدم متابعة الجرح .. بالرغم من إنخفاض نسبة السكر بالدم الله يستر علينا وعليكم ،

[النهار]

عليكم السلام
المره مش عشبه. شي مثل الحجر
بالنسبه للعسل هو يساعد في سرعه شفاء الجروح.
لكن مش هذا المهم.
الاهم ان مريض السكر اذا انجرحت عنده الاطراف خصوصا القدم يعتبر شي مهم و يحتاج شده حزام
ماراح يطيب الا ان ينزل السكر لمعدل طبيعي او شبه طبيعي لفتره من الزمن و ان رد ارتفع السكر فالجرح عرضه انه ينفتح مره ثانيه بعيد الشر.
المر او المره طريقه استخدامه انه ينقع في ماي من الليل و ينشرب ثاني يوم. وهو بمثابه مضاد حيوي.
تظبيط السكر هو الحل و متابعه الجرح من التلوث

عزيز اعطيك معلومه اخرى عن المر تخلطه بالماي لين يصير مثل العحين اللين تقدر تقول سايح لاهو خفيف ولاثقيل
لوعندك الم في الاركب او ألم عضلات تحط على مكان الام شرط اسبوع تشوف الفرق يزول الالم بأذن الله

[Aaziz]

عزيز اعطيك معلومه اخرى عن المر تخلطه بالماي لين يصير مثل العحين اللين تقدر تقول سايح لاهو خفيف ولاثقيل
لوعندك الم في الاركب او ألم عضلات تحط على مكان الام شرط اسبوع تشوف الفرق يزول الالم بأذن الله

ماقلت لي هالمعلومه يوم ظهري طاق علي .. اصلي على كرسي
الحمد لله على العافيه والله شكيت اني ارد طبيعي ،، الف الحمد لله على الصحة

[النهار]

ماقلت لي هالمعلومه يوم ظهري طاق علي .. اصلي على كرسي
الحمد لله على العافيه والله شكيت اني ارد طبيعي ،، الف الحمد لله على الصحة

عزيز كنت عند وحده من عجايزنا من شهرين تقريبا وعندي الم في الركبه
العيوز شافت طريقة تحريكي للرجل ساعات اوديهايها يمين ساعات يسار ساعات ارفع ريلي
قالت لي ركبك تعورك قلت لها اي والله ملعوزتني ماخليت مرهم ولاضاغت ولازيت ماستخدمته
راحت الفقير جابت لي غرشه صغيره فيها مثل الماي الغليظ واسود قالت حطه على ركبتك ان شاءالله يومين او ثلاثه بتطيب
يشهد الله عزيز رابع يوم راح الالم سألتها هذي ايش قالت هذع مره مخلوطه في ماي
للفائده : تحطها في كفشه ( ملعقه ) وتحطها على النار تخليها دافيه وبعد تدهن فيها المكان الي يعورك
10 دقايق تحسها صارت يابسه كأك حاط صمخ ونشف

[Aaziz]

رجع لك الام بعدين ولا ان شاءالله راح ؟

بخصوص المر .. يعني كميه كبيره من امر في كميه قليله من الماي ،، يصير غليظ ؟
هشكل يصير غليظ ؟
ماعليك شر ،، الركبه من الاشياء السهل تشخيصها مع اجهزه التصوير الحديثه ،، و كثير من الام الركبه تنحل بعلاج طبيع ،،، تقويه عضلات معينه

[النهار]

يحليها العيوز قالت يما دواء دختر حمد مايفيد هههههههههههههههههه
الحمدلله عزيز الامو طيبه لين الحين بس انا زياده كل اسبوع احط في الليل قبل مانام بس سبحان الله مع انه ناشف والاف عليه فوطه لف خفيف
والغرفه بارده احصل مكان الربط بصب عرق صب وقت النوم
عزيز بالضبط ثقنه نفس عصير المنجاء او اكثر يشي قليل

[Aaziz]

ماتشوف شر يالنهار ،،، الطب العربي في مثل هذي الشغلات زين ،،، بس ارجع اقول لك لازم تشخص وضع الركبه طبيا ،، تصوير على الاقل
اجر و عافيه

[النهار]

شخصتها وخذواكثر من اشعه واخرتها عطوني مرهم بو عشر يالات نفس الي ينباع في سوبرماركت ههههههه
اي بعد عطوني حبوب يمكن مفعولها نفس مفعول البندول
بس انا الي ذابحني ركبتي تعورني ليش كل ماروح تأخذون مني دم هههههه
على فكره هي قالت لي صبر مهب مر يوم سألت قالوا المر والصبر نفس الشي

[Aaziz]

الدم عشان يتاكدون اذا فيه التهاب بعيد الشر ...

لا لا الصبر غير و المر غير

بحث سريع عن الصبر ،، لفت نظري الحديث الشريف
http://forum.sedty.com/t385575.html

[النهار]

الدم عشان يتاكدون اذا فيه التهاب بعيد الشر ...

لا لا الصبر غير و المر غير

بحث سريع عن الصبر ،، لفت نظري الحديث الشريف
http://forum.sedty.com/t385575.html

عزيز انا ماشريت من السوق سألت ناس قالو لي الصبر هو نفسه المر مادري كلامهم صحيح ولا لا
يمكن كانت عندي رطوبه في الرجل وراحت بسببه لاني قلت لك العرق الي كان يصب من الركبه خلى الفوطه تتبلل

[اللوز]

فيه نوع من العسل
عسل روسي ابيض
ينباع في محل في محطة بترول طيبة - الخريطيات
يعطي نتائج فعالة

[راجي الْعفو]

النهار حاول تبعد عن المكيف

ترى ياثر عليك ..