نصيحه وتحذير !!

[حمد 2002]

السلام عليكم ورحمه الله وبركاته


انصح الي عندهم اطفال صغار ولا كبار بالسن ، والي عندهم مشاكل بالصدر وربو الى آخره ، ياخذون احتياطاتهم وياخذون الحيطه والحذر لانه هاليومين هناك غبار بالجو وتغير بالفصول وتغير بالمناخ ، لذلك عليهم يتجنبون الخروج بالاماكن المفتوحه قدر المستطاع ، وعليهم ارتداء الملابس المناسبه لهذا الامر ،،


رافقتكم السلامه بالحل والترحال ،،


اخوكم ،،

حمد 2002

[عثرة جواد]

اي والله اشكرك اخوي

الاسبوع الي طاف رحنا سيلين والدي فيه ربو موسمي مسكين تعبان وايد

[ولد العرب]

الحمد الله تم اخذ الاحتياط منك بيض الله وجههك

[النهار]

ماقصرت على النصيحه
الكويت عندهم عواصف شديده وعج المواني تم اغلاقها امام الملاحه البحريه
اشوف عندنا سهده والهواء طايح هذي الي يسمونه الهدؤ ماقبل العاصفه الله يستر

[حسن]

الحمدلله تم اخذ الاجرات الازمه والاحتياطات

ويعمم على جميع الموطنين

بس سؤال وش دراك ياحمد لا يكون شغال في الارصاد واحنا ماندري
وبعدين شدراك بيجينا يمكن يضرب الكويت والحفر ومعرج الصيبان
ومايجينا احنا

:telephone:

[النهار]

الحمدلله تم اخذ الاجرات الازمه والاحتياطات

ويعمم على جميع الموطنين

بس سؤال وش دراك ياحمد لا يكون شغال في الارصاد واحنا ماندري
وبعدين شدراك بيجينا يمكن يضرب الكويت والحفر ومعرج الصيبان
ومايجينا احنا

:telephone:

ضاربهم من 3 ايام بوعلي صح النوم

[KRB60]

السلام عليكم ورحمه الله وبركاته


انصح الي عندهم اطفال صغار ولا كبار بالسن ، والي عندهم مشاكل بالصدر وربو الى آخره ، ياخذون احتياطاتهم وياخذون الحيطه والحذر لانه هاليومين هناك غبار بالجو وتغير بالفصول وتغير بالمناخ ، لذلك عليهم يتجنبون الخروج بالاماكن المفتوحه قدر المستطاع ، وعليهم ارتداء الملابس المناسبه لهذا الامر ،،


رافقتكم السلامه بالحل والترحال ،،


اخوكم ،،

حمد 2002

جزاك الله خير

[حسن]

ضاربهم من 3 ايام بوعلي صح النوم

صحيح

انت ماتشوف الهوا عندنا جنوبي وشرقي وبالخص اجنوبي عندهم تثير التربه
وماتوصلنا ان شالله الى اذا تحولت شماليه ومستمره علينا وعليهم

الجواء تختلف نمن مكان الى مكان يمكن يقوم هوا وغبار عندنا ومايوصلنا

اسئلني انا الوحيد الل اتابع الطبيعه بحكم ارتباطي بقعدتي خارج المدينه وبشكل مستمر

[راجي الْعفو]

وعليك و رحمة الله بو شهب ..

جزاك الله خير لحرصك على أبناء شعبك ..

دمت بعافية ..

لك التحية المزركشة ..

[بوحارب]

ليش ماكتبت عن الحريم هالمره هههههه

[شبح الصمت]

الله يجزاك خير

[شبح الصمت]

بوشهاب الحين الربو وعرفناه الملابس المناسبه حق شنو

تبي نطلع ثيابنا الصوف ونشتي لاجل يحكووووونا حك

هههههههههاي

والا بالفيت تكشخ بجوتي وغتره شال .. !!

[خالد البلوشي]

شكرا لحرصك أخي العزيز حمد

و بالإضافة إلى ما تكرمت به .. أنصح كل من يعاني من التهابات الجيوب الأنفية تجنب الخروج أوقات الغبار و عدم استخدام العطور المركزة و البخور .. و هناك رذاذ يباع في الصيدليات عبارة عن بخاخ يحتوي على رذاذ ماء البحر المنعش .. أنصح بإستنشاقه لما له من تأثير على تنظيف الجيوب و تخفيفه لآلام الصداع و آثار الخمول و التي تكثر عند تغير الأجواء ..

و شكرا مرة أخرى أخي حمد 2002

[Dana’1]

أعاني من الجيوب الأنفية مشكلتي مغرمة بالعطور ودهن العود والبخور لكن هي ما تزيد علي إلاوقت الغبار كتمة والله المستعان

لكن عن تجربة ملعقة كبيرة ملح البخر بكأس ماء سواد غرغرة للحق أو الإستنشاق بة إستنشاف عدل يرييج بشكل ملاحظ
وطبعا مع حبوب الحساسية إن لزم الأمر

والله يحفظ الجميييع

جزاك الله خير

[حسن]

تحذير


بإذن الله من المتوقع أن تتأثر البلاد برياح قوية وأمواج عالية ليلا مع إنخفاض في الرؤية الأفقية خصوصا في المناطق الخارجية