وشو أفضل أنواع الحجر؟سعودي!سوري أو أردني؟ و صناعي ام طبيعي؟

[ليل وتعاليل]

السلام عليكم ورحمة الله وبركاته..

مثل ماهو موجود فالعنوان...

احنا ساكنين فالبيت اولريدي ,, وحابين نغير الواجهه والسور .. للحجر ..

ياليت ترشحون لي افضل انواع الحجر ؟ عيوب ومميزات ؟؟

وهل تنصحوني بالطبيعي ام الصناعي؟

وايش افضل الالوان اصفر ابيض كريمي ؟ لأني لاحظت ان اللون يدخل في فرق السعر ؟؟ هل هذا يدل علي شي او مجرد ذوق شخصي؟

وهل فيه شركة معينه تنصحون فيها؟؟

وجزاككككم الله خير الجزاء ..

[][ Q6r ][]

بالتووووفيق

[V.I.P_QATAR]

الافضل الاردني امعان بس قليل جدا الي يستخدمه لانه غالي

بعده بيجي حجر ارويشد اردني بعد وانا افضل الابيض انا ركبت على البيت كامل سعره من 210 الين 190 ريال للمتر

وبعده بيجي السوري سعره من 180 الين 165 وفيه انواع واجد والوان بعد
وانا ضده
وبعده السعودي وسعره من 160 الين 145 ريال للمتر وبعد يجي منه الوان

الاهم من هذا كله طريقه التركيب والايدي العامله الي بتركب انت بتدفع فلوس على الحجر بس يبيلك شركة زينه في التركيب

عندك ميكانيك
ونص ميكانيك
والعادي
وكل شي وله سعره بيفرق السعر معك

[حسن الاحمد]

باعتبارك ساكن في البيت هذا يعني انه مصبوغ .. واذا ركبت صناعي او طبيعي لازم تشيل الصبغ كامل وتكسر البلاستر اذا كان ضعيف حتى تقدر تركب حجر بالطريقة العادية وهي اسمنت ورمل .
ازالة البلاستر والصبغ فيها تكلفة والأفضل انك تركب حجر طبيعي ميكانيكي لان الصناعي مايركب ميكانيكي .. ولان التركيب الميكانيكي مايحتاج تشيل الصبغ او البلاستر ..
افضل انواع الحجر هو المعان الاردني (( نخب اول )) والرويشد وكثير انواع والوان وفيه الفلسطيني ممتاز والرحيباني السوري وكل ماسبق يعتبر غالي .. اكثر الناس تركب سوري حلبي او خان السبل لانه حليو وسعره في متناول اليد .. ويختلف السعر حسب مقاس الحجر والسماكة ونظافة وجودة الحجر والتركيب .. بالنسبة للسعودي الأصفر الكركمي الحين صار غالي مقارنة مع سعره قبل إغلاق مقلع السبيعي في السعودية .. والكريم ارتفع سعره ولا تركبه لانه طري جدا ويتشمخ لأسهل سبب .. الابيض يملّح ويبقع الا لو تركب ميكانيكي مايتأثر ... الابيض السعودي يختلف السعر حسب الجودة في الرياض فيه مثلا حجر اي كلام حقه بالرياض 45 ريال وفيه حجر السروة الابيض حقه هناك 62 ريال وعليك الحساب ....
اذا احتجت اي شرح إضافي كلمني انا حاضر

[معماري قطري]

شكل ما يقولون إِذا حضر الماء بطل التيمم والأَخ حسن الأَحمد هو "ماء" الحجر

لي مداخلة بسيطة بالنسبة للتركيب الميكانيكي للحجر الصناعي .. قريت موضوع مره وشفت صور لحجر صناعي قليل السماكة ومركب بطريقة تختلف عن الطريقة المتبعة للحجر العادي وبحيث يتركب لعمارات كم دور .. وللأَسف الصور قديمة حطيتها في أَحد المواضيع ولا أَذكره.

[Azizuk]

باعتبارك ساكن في البيت هذا يعني انه مصبوغ .. واذا ركبت صناعي او طبيعي لازم تشيل الصبغ كامل وتكسر البلاستر اذا كان ضعيف حتى تقدر تركب حجر بالطريقة العادية وهي اسمنت ورمل .
ازالة البلاستر والصبغ فيها تكلفة والأفضل انك تركب حجر طبيعي ميكانيكي لان الصناعي مايركب ميكانيكي .. ولان التركيب الميكانيكي مايحتاج تشيل الصبغ او البلاستر ..
افضل انواع الحجر هو المعان الاردني (( نخب اول )) والرويشد وكثير انواع والوان وفيه الفلسطيني ممتاز والرحيباني السوري وكل ماسبق يعتبر غالي .. اكثر الناس تركب سوري حلبي او خان السبل لانه حليو وسعره في متناول اليد .. ويختلف السعر حسب مقاس الحجر والسماكة ونظافة وجودة الحجر والتركيب .. بالنسبة للسعودي الأصفر الكركمي الحين صار غالي مقارنة مع سعره قبل إغلاق مقلع السبيعي في السعودية .. والكريم ارتفع سعره ولا تركبه لانه طري جدا ويتشمخ لأسهل سبب .. الابيض يملّح ويبقع الا لو تركب ميكانيكي مايتأثر ... الابيض السعودي يختلف السعر حسب الجودة في الرياض فيه مثلا حجر اي كلام حقه بالرياض 45 ريال وفيه حجر السروة الابيض حقه هناك 62 ريال وعليك الحساب ....
اذا احتجت اي شرح إضافي كلمني انا حاضر


الأخ حسن الاحمد ممكن تحط لنا جميع أسعار انواع الحجر اللي عندك

انا احتاج 1585 متر مقاس 40 * 80 تركيب مكانيكي مسامير غلفنايز ( galvanising steel ) البيت مضروب بلاستر بدون صبغ

اذا سعودي ابيه خليط بين كركمي شوي مع ابيض نخب اول

او سوري خان السبل او حلبي أيهم اقل تعريق

مع ديكور خفيف على الشبابيك وضفاير تحت الوارش

[Bozizoo]

Azizukاخوي
اذا هذي الكمية الكبيره محتاجها أنصحك تروح الاردن وتأخذها بنفسك
جوده أعلى نخب اول و سماكة أكبر و ارخص .
انا اليوم جاي من هناك وشاري لفيلا 1350 متر مربع
مع ديكورأت الدرايش ونقشات تقريبا فيها توفير مب أقل من 80 الف ريال

[Bozizoo]

على فكره نوع الحجر الي خذيته الرويشد نخب اول

[][ Q6r ][]

Azizukاخوي
اذا هذي الكمية الكبيره محتاجها أنصحك تروح الاردن وتأخذها بنفسك
جوده أعلى نخب اول و سماكة أكبر و ارخص .
انا اليوم جاي من هناك وشاري لفيلا 1350 متر مربع
مع ديكورأت الدرايش ونقشات تقريبا فيها توفير مب أقل من 80 الف ريال

بعد اذن صاحب الموضوع

ممكن التفاصيل وكم تكلفه الشحن
ورقم الشخص اللي شريت منه بالاردن

[Azizuk]

Azizukاخوي
اذا هذي الكمية الكبيره محتاجها أنصحك تروح الاردن وتأخذها بنفسك
جوده أعلى نخب اول و سماكة أكبر و ارخص .
انا اليوم جاي من هناك وشاري لفيلا 1350 متر مربع
مع ديكورأت الدرايش ونقشات تقريبا فيها توفير مب أقل من 80 الف ريال

مشكور بوعزوز على النصيحة

بس من بيسوي لي التصميم والديكور وإذا وصل الدوحة من بيركبة لي

اذا تعطيني شلون رحلتك الى الاردن واسم الشخص

لو تعطينا معلومات اكثر عشان نستفيد

[ابوعلي]

اخوي في نوع جديد اسمه درايفت

http://imagizer.imageshack.com/img540/8699/7V1LiC.jpg

طبعا المادة تتكون من فلين وشبك ومادتين اضافيتين
والضمان مدى الحياة والسعر ارخص من الحجر
والشخص ركب في الوجبة وايضا لوزير العدل

[Azizuk]

اخوي في نوع جديد اسمه درايفت

http://imagizer.imageshack.com/img540/8699/7V1LiC.jpg

طبعا المادة تتكون من فلين وشبك ومادتين اضافيتين
والضمان مدى الحياة والسعر ارخص من الحجر
والشخص ركب في الوجبة وايضا لوزير العدل


أبوعلي ممكن معلومات اكثر عن المنتج وأي شركة تقوم بعملرالدرايف والأسعار للمقارنة بين الحجر وسعر الدرايفت

[معماري قطري]

ال Dry-fit ماركة لتغطية الواجهات وتستعمل لتركيبها براغي ومشابك خاصة وهي مثلها مثل باقي المواد الصناعية وحسب مصنعيتها ومواصفاتها .. ميزة هذي المواد صديقة للبيئة وتعطي عمر طويل للمبنى بدون شلوخ حرارية .. بس الله يعين القطري العادي على التخطيط .. إِذا ذكرنا وزير ما يقدرون عليه ويركب اللي يبي .. لي صديق صبغ بتومين وجهز حق يحط أَلمنيوم كتلبيس خارجي ومنعوه التخطيط بحجة هذي المادة محجوزة بس للأَبراج.

فيه عندنا حلين لتغطية الواجهات .. الحل التقليدي بعمل حائط من خليط مواد كالطابوق العادي ثم العازل أَلواح الفوم ثم طابوق طيني أَو حجر أَو غيره .. أَو الحل المعتمد على المواد المجهزة مصنعياً والتي تركب حتى على حوائط الخشب أَو الحديد وغيره .. وكل نظام طبعاً له تكلفة وتحسب تكلفته بكل جزء وكل معالجة خاصة قرب الفتحات والزوايا.

[nono80]

يعطيكم العافيه علي هالموضوع شنو تنصحوني احسن نوع حجر وشرايكم في السعودي وها هو انواع وشنو احسن نوع

[معماري قطري]

سؤال الموضوع عائم لآخر درجة .. أَتوقع الحجر كله حجر ويتشابه في خواصه .. يعني ممكن من الجبل الواحد نستخرج حجر سيء وحجر ممتاز .. وهذي شغلة لها مختصين.

أَذكر من فترة شفت عينات من حجر مستخرج من قطر ومقصوص بالواتر جت وصراحة ما صدقت جودة النوعية والقص .. طبعاً ممنوع عندنا في قطر استخراج الحجر وكانت كميات بسيطة مستخرجينها عمال يمنيين في مزرعة ولإِستعمال خاص .. وشفنا الحجر المستعمل في سوق واقف شلون وهو من قطر بعد واللي في القلاع القديمة .. والمادة الطبيعية الموجودة في المكان بنفسه هي الأَنسب لهذا المكان.

من وجهة نظري الأَهم من منشأَ الحجر أَو الرخام هو التجانس والمصنعية في القص والاختيار والتركيب.