رجال طافهم قطار الزواج يتحسرون بل ان بعضهم يتباكون

[مضارب دوسري]

السلام عليكم ورحمة الله وبركاته

رجال وصلت اعمارهم فوق ال 45 وال 50 يتحسرون احيانا بل ان الوضع يصل ببعضهم الى حد البكاء على ما فاتهم
الاول
رجل خمسيني
ملتززززم جدا جدا وشخصيا احبه في الله وصل به العمر الى 52
قضى حياته كدبلوماسي في السفارات خارج قطر وهذا ما جعله يبتعد عن الزواج
ما ان يتكلم احد امامه عن الزواج والابناء حتى يبدا في التحسر واحيانا اخرى يبكي بمراره ولما يقال له الحق عمرك وتزوج يقول وين اجيب لي طفل وانا في هذا العمر
اذا مت من بيقوم فيه
الثاني
قضى عمره في السفر والصياعه والضياع كان امام مسجد في شبابه ومالبث الا ان انقلب حاله هدانا الله واياه ف اصبح شبه مستقر في بلاد المغرب ومبتعد كل البعد عن الدين
ما ان يتحدث احد امامه عن الزواج وقد بلغ من العمر اكثر 50 الا ويرد خلااص راحت علينا يا حسافة تربية ابوي ياليته ما توفى وانا مراهق خلاص خربانه خربانه جهنم تنتظرني على كلامه
لا حول ولا قوة الا بالله

هذا مثالين من امثله كثيره نراها امامنا

ف نصيحه با اخوان لا تتاخروا ف يطوفكم القطار مثلهم

كلام كان حاز ف خاطري ف كتبته لعل احدا يتلاحق عمره قبل ان يصل به الحال مثلهم

[طلعة الروح]

القضية شائكة فعلا لكنا ارجع واقول ان الزواج للرجل اسهل بكثير من المرأة
لأنه من يقوم بطرق الباب لكن المرأة هي وحظها ، يعني الريال ماراح يتعطل بالمسألة
الا لغاية في نفسه وهو ادرى فيها.

[Charisma]

وعليكم السلام ورحمه الله وبركاته

مرحبا باخوي الدوسري ..

والله ان الأمثله اللي ضربتها فعلا مؤثره ... وانا اعرف شخص وصل قريب الخمسين ولاتزوج .. ويضيق صدره ان حد طرا له فكرة الزواج ..

.. الزواج الزواج .. المفروض يكون الهم الأول بعد الوظيفه او عند القدره .. اساس التخطيط للمستقبل هو بناء الأسره ..


والله يصلح احوالنا واحوال المسلمين ..

[راجي الْعفو]

وعليك و رحمة الله ..

صدقت اخوي مضارب لا بد من المبادرة في الزواج ففيه تحقيق لمصالح كثيره ..

والإنسان المسلم لا يقنط من رحمة الله ، بل رحمته وسعت كل شئ ، ولكن عليه أن يأتي بالأسباب .. والله كريم ..

مع التحية ..

[مختلفة عقليا]

السلام عليكم .،

اللي يعطي الدنيا اكبر من حجمها .، تلهيه

والله ييسر لهم اللي فيه الخير .،

ويسلموو

[khalid525]

مهما كانت الامثلة فالرجال افضل حالا ، اللي يقطعون القلب هم العوانس اللي اصبح عددهم يروع*
مب محصل اي كلمة ممكن تواسيهم الا الله يعوضهم خير ويرزقهم سعادة تباشر قلوبهن

[Dana’1]

بالبداية الي بكتبة مش موجة لك شخصيا مضارب دوسري
ولكن بالعموم
أنا ما اعرف ليش احنا المجتمع الوحيد الي ندفن الناس وهي حية.. لما بنت تكبر نحطمها بالكلام انها كبيرة وما تنفع للزواج وحتى الرجال
حتى المرأة الصيغرة بالعمر مطلقة او ارملة تعال شوف المجتمع كيف يضغط عليها خصوصا بوجود الأبناء

ارجع للقصص الي ذكرتها هم صح إنهم كباروالأفضل للشاب والبنت الزواج بسن مبكر
لكن هذا مايعني إن هالناس ما يقدرون يتزوجون ويجيبون عيال فية كثير بنات وصلوا الأربعين بلازواج
يبغون يتزوجون عشان العيال بس..وبعضهم يبغى الزواج لأجل يرد علية الصوت شريك حياة
اظن الي ذكرتهم يقدرون يتزوجون
ويجيبون اطفال والأعمار ترى بيد الله ممكن يعمر الشايب ويموت الشباب وكثيير نساء خسروا ازواج شباب الله يرحمهم و لا يفجعنا
وكونهم رجال هذا يسهل عليهم الأمر
لا يجلسون و يضيعون ما بقى من عمرهم بالصياح خل يسعون للإرتباط وانجاب اطفال اوحتى كفالة ايتام
وبدال مايفكرون انهم بيموتون ويتركون عيالهم وراهم خل يفكرون انهم انجبوا اطفال ليحسن تربيتة وويدعي له في حياتة ومماته
وجزاك الله خير

[رجل مثالي]

من استطاع الزواج فعليه بالزواج
لتكملة نصف دينه واستر له
من العزوبية ومشاكلها ولا
يحس بتكوين أسرة واولاد
يساعدونه في كبرة ان شاءالله

[همر]

في ناس تنخش ورى اعذار واهيه ..

اتوقع انه مستانس على حالته ومايبي يغيرها بس قدام

الناس يتعذر بستين عذر ..

اذا على الحريم في حريم لعبتهم الشياب

لي جات تتزوج تقولك مابيه صغير مقلوع

ابيه شيبه راكد ...


الكلام لك يا حسن ...

[كلام ساخر]

لو بيتزوج يقدر اليوم قبل بكرة
لكنه عذر يقدمه للاخرين
اعتقد المانع الوحيد لاثنينهم
ان تجاربهم السابقة تعكر صفو الاقدام على تجربة جديدة
والا شلون رجال في الستين والسبعين ويتزوجون
قلهم يتزوجون والله بيسهل امورهم
اما سالفة يبكون مالها سنع ابد
انا من عشر سنين ما بكيت والحمدلله :)

[طبيب قطري]

وليش مايتزوجوا ؟ الحين في شياب وفي السبعينيات ويتزوجوا عادي

[رجل الجزيرة]

يا أخوي مضارب:

عندي واحد من الأحباب وأعتبره واحد من إخواني عمره يقارب الستين وهو في خير وطبيب وملتزم في الدين ومن عائلة معروفة فكلمته يوم كان عمره في الخمسين وكل مرة وأكلمه ياليته يرد علي فإلي يقهرني يتبسم ويسكت ويغير الموضوع وقلت له: الله سبحاونه وتعالى بعوضك بدال واحد فالله قادر يعطيك توم أو أربعه أو خمسة وبتعيش في عالم آخر وحياة سعيدة وتتجدد حياتك وبالنسبه للعمر فمرة قريت في جريدة إن هندية عمرها السبعين وزوجها عمره السبعين فالله سبحانه وتعالى رزقهم بالتوم، وكأنه تحمس بس شوي وفتر.

[رهج السنابك]

ماحب التدخل بخصوصيات الاخرين
واحد كبير ماتزوج يذبحونه بالااسئله والشكوك هذا ماتزوج اكيد فيه بلا اكيد راعي بنات اكيد فيه وفيه

وحده ماتزوجت ويه معيوفه محد يبيها الخ


دعوا الخلق للخالق

الي ماتزوج له اسبابه ويمكن مبسوط ويمكن نصيبه
عفوا السنتكم وصدوركم عن التفكير والتشكيك بالناس عيشوا حياتكم مع حريمكم وعيالكم
كلن يختار طريقه لا اذى غيره ولاحد يإذيه

[w.qatar]

الاول الله يرزقه زوجه صالحه وانا الاحظ الشياب هم اللي يتزوجون اكثر من الشباب هذا مب عذر يعني
و الثاني الله يهديه والله لايكثر من امثاله

[كلام ساخر]

ماحب التدخل بخصوصيات الاخرين
واحد كبير ماتزوج يذبحونه بالااسئله والشكوك هذا ماتزوج اكيد فيه بلا اكيد راعي بنات اكيد فيه وفيه

وحده ماتزوجت ويه معيوفه محد يبيها الخ


دعوا الخلق للخالق

الي ماتزوج له اسبابه ويمكن مبسوط ويمكن نصيبه
عفوا السنتكم وصدوركم عن التفكير والتشكيك بالناس عيشوا حياتكم مع حريمكم وعيالكم
كلن يختار طريقه لا اذى غيره ولاحد يإذيه



ليش احنا نعرف الي جاب اخوي مضارب امثلتهم؟
احنا نتكلم بشكل عام
قضية متداولة عند الجميع
يعني مب اول قصة في مجتمعاتنا
في قضايا مجتمعية الكل يتكلم فيها

[متواصل]

في ناس تنخش ورى اعذار واهيه ..

اتوقع انه مستانس على حالته ومايبي يغيرها بس قدام

الناس يتعذر بستين عذر ..

اذا على الحريم في حريم لعبتهم الشياب

لي جات تتزوج تقولك مابيه صغير مقلوع

ابيه شيبه راكد ...








شايفين شي؟؟
الركاده موجوده

[BoFahed]

ماحب التدخل بخصوصيات الاخرين
واحد كبير ماتزوج يذبحونه بالااسئله والشكوك هذا ماتزوج اكيد فيه بلا اكيد راعي بنات اكيد فيه وفيه

وحده ماتزوجت ويه معيوفه محد يبيها الخ


دعوا الخلق للخالق

الي ماتزوج له اسبابه ويمكن مبسوط ويمكن نصيبه
عفوا السنتكم وصدوركم عن التفكير والتشكيك بالناس عيشوا حياتكم مع حريمكم وعيالكم
كلن يختار طريقه لا اذى غيره ولاحد يإذيه

صادقة اختي بعضهم يكون عنده عيب خلقي او مانع طبي يمنعه عن الزواج وفالكلام عن هذا الموضوع بالذات يجرحه وايد خصوصا في مجتمعنا الشرقي

او عنده عقده نفسيه من موقف صار له وعايشه وغالبا يكون في اسرته

يعني بالاخير كل واحد يختار طريقة حياته ونصيبه

[رجل الجزيرة]

صادقة اختي بعضهم يكون عنده عيب خلقي او مانع طبي يمنعه عن الزواج وفالكلام عن هذا الموضوع بالذات يجرحه وايد خصوصا في مجتمعنا الشرقي

او عنده عقده نفسيه من موقف صار له وعايشه وغالبا يكون في اسرته

يعني بالاخير كل واحد يختار طريقة حياته ونصيبه

يمكنه طيب وبخير وما فيه إلا الخير وهو في خير بس متردد.

[هيلو كيتي]

فيه ناس تعودت على حياتها , ومن النوع الي ماايحب يطلع من دائرة الارتياح ؟؟؟ واغلبهم اتشوفهم ايقولون الله لاايغير علينا ,,, وطبعا هاي مشكله وهم مو حاسين فيها .. لان التغيير سنة الكون , فلابد من التغيير والا خلاص مالهم لزمه في هالحياه ..

والشاطر الي كل مادخل في دايرة ارتياااح يكسرها ,, وهذا اضمن حل للبقاااء .

وبعدين ماشاءالله عليهم فيه من يتزوج وهو فالعشرين وايدش الثلاثين ياخذ الثانيه وعالخمسين ياخذ الثالثه؟؟؟ السن ماله علاااقه أبد ,, لان الاسااااس هي الروح.

ممكن انشوف شاايب لكن روحه جميله وكله امل وتفاؤل حتى لو لاحظت شكله تتحراه ولد الثلاثين ,وبالمقابل اتشوف ولد العشرين اتحسه اكبير ايكون 28 وتتحراه فال 45 ..

أنصحكم بقراءة كتاب اسمه ( جسد لايشيخ وعقل لايحده زمن )

ايبين ان معتقداتنا هي الي اتخلينا انحس بالهرم وبالمقابل فعلا نكبر وانشيخ قبل الأواان..

لذلك اتمنى من هالناس فعلا اتجدد حياتها بالكامل وعلى قولة اخوانا المصريين اتخوش دونيا , لان كل شئ بيتغير فيهم ونفسيتهم بتتغير وبيردون شباب مره ثانيه :nice:

[النظامي]

وعليكم السلام ورحمة الله وبركاته

الاعمار بيد الله ... دوم الرجل عنده النيه والقدرة يتزوج

حجة العيال من بربيهم ليس عذر .. لأن الموت ما يعرف شباب أو شايب

والله يوفق الجميع

وتسلم على الموضوع الجميل وننتظر منك الاجمل

[المحاميه]

جزاك الله خير على التنبيه والتذكير

فعلاً الشباب هاليومين طايرين بالدنيا وحسبالهم ان القطار يطوف البنات وان هم مهما تقدموا ف العمر ماراح يلقون عقبات وبيحصلون البنيه اللي يبونها


بس بعد مايفوت الفوت ماينفع الصوت


سمعتوا ياللي قاعدين بدون زواج مادري شتنطرون

يالله كلكم على اقرب ملاج :victory:

[المحاميه]

رداً على بعض الردود


احنا ف مجتمعنا معروف ان الريال يعرس ف العشرين او الثلاثين لكن اذا طاف هالعمر وماعرس ف يعتبر متأخر واكيد الناس بتستغرب وبتسأل ليش ومحد يرضى يقط بنته بدون لا يعرف الاسباب

اذا اسباب معقوله مافي مشكله


يعني البنيه اذا تقدمت ف العمر مب مشكله لان الحل مب بيدها لكن الريال شوره بيده شلون عمره يروح ومايعرس؟
الفطره واللي اعتدنا عليه ان يعرس

[الوليد1]

ارى اننا بحاجة الى جهود فردية وكذلك جهة متخصصة في هذا الموضوع:
الجهود الفردية تتمثل في اقناع صاحب العلاقة بأهمية الزواج وان العمر لايشكل عائق. وكذلك البحث عن شريك/شريكة الحياة.
فيما يتعلق بالجهة المتخصصة ، فيكون الدور هو التوفيق بين الباحثين عن الزواج بين قوسين (كبار السن)

[مشـــــاعر]

ماحب التدخل بخصوصيات الاخرين
واحد كبير ماتزوج يذبحونه بالااسئله والشكوك هذا ماتزوج اكيد فيه بلا اكيد راعي بنات اكيد فيه وفيه

وحده ماتزوجت ويه معيوفه محد يبيها الخ


دعوا الخلق للخالق

الي ماتزوج له اسبابه ويمكن مبسوط ويمكن نصيبه
عفوا السنتكم وصدوركم عن التفكير والتشكيك بالناس عيشوا حياتكم مع حريمكم وعيالكم
كلن يختار طريقه لا اذى غيره ولاحد يإذيه

للأسف هذي (أفكآإر) مستحيل تندثر . .
يحبون اللقافة والسوالف وليش وليش ؟؟
الرجآإل سهل يعرس لو عمرهـ 80 لكن البنت غيرررر للأسف . .

إخت رفيجتي عمرها 39 سنة ورافضة الزواج لأسباب ........
لآإعت جبدها من هالمجتمع المتطفل !!
إلا ليش ماعرست أكيد فيها شي أكيد تحب حد أكيد مآإدري شنو ..... إلخ !!
في كل مكان تنسئل ليش ماعرستي لين آإلحين ؟؟
اللي بعمرج عندها عيآإل و و و . . . إلخ من هالكلآإم إلسمّ :anger1: . .

وهذي هي هدّت شغلها وهدّت حيآإتها وقاعدة في البيت عشآإن لحد يجرحها بآإلكلام . .
مافي بنيّة مآإتبي تعرس ويكون عندها أسرة . .
لكن في (ظروووووف خآإصة وقووووية) تمنع هالشي عنهآإ :( . .

حسّوا في غيركم مب الكل عآإيش بكيفه أو راضي عن إللي هو فيه . .
ظروف مآإيعلم فيهآإ غير آإلله تمنع عن الإنسآإن شي يتمنآإهـ . .

عسى ربي يكون في عون الجميع ويهدي الفضوليين المتطفلين الملاقيف . .

[ziad1971]

رأيي وانشاء الله يعجبك رأيي

الانسان لازم يكون عندها امل
اعمل لدنياك كانك تعيش ابدا واعمل لآخرتك كانك تموت غدا

وكلمة ما في وقت (عاد انت احنا ايش درانا في الوقت اللي باقي)
سيدنا ابراهيم وسيدنا زكريا رزقهم الله بالخلف وشوف كم عمرهم وهم انبياء....


ولازم تكون على ثقتك بالله قوية، قل لاصدقائك خلهم يتجوزون .... ما تدري اذا اتجوز... ورزقه الله بالولد، ومات راح يلاقي حد يدعيله ويزور قبره، وبجوز يموت وعمره ظ،ظ*ظ*، هذا الامل والثقة بالله
والزواج سترة،،، حتى لو ما خلف اقل ما فيها انه ستر وحدة كان نفسها بالزواج ،،،

مثل بسيط

خال والدتي ... ماتت زوجته وعمره ظ¦ظ* وقعد عشر سنين يسافر ويترحل... واخر شيء قرر انه يتجوز ... يعني صار بالسبعين ... اتجوز ورزق بولد ... ووصل عمره ظ©ظ* والولد صار عشرين... ولسه عندها امل في الحياة...

[captin]

It's a personal matter

Just leave the people ,live the way they want to live

[Hamada-Sama]

رداً على بعض الردود


احنا ف مجتمعنا معروف ان الريال يعرس ف العشرين او الثلاثين لكن اذا طاف هالعمر وماعرس ف يعتبر متأخر واكيد الناس بتستغرب وبتسأل ليش ومحد يرضى يقط بنته بدون لا يعرف الاسباب

اذا اسباب معقوله مافي مشكله


يعني البنيه اذا تقدمت ف العمر مب مشكله لان الحل مب بيدها لكن الريال شوره بيده شلون عمره يروح ومايعرس؟
الفطره واللي اعتدنا عليه ان يعرس



ممكن الرجل يدور على مره بمواصفات معينة بس إلى الآن ربج ماكتب ... يعني هل المفروض يتزوج أي وحده ترضى فيه علشان مايكون غير عن العالم ( مع الخيل ياشقره ) ... لانا الموضوع إهني زواج وبناء أسرة وتربية أبناء (مسؤوووولية !!!) وأعتقد أختي المسأله صايره أصعب الحين مع الإنفتاح اللي طرء على المجتمع وكثير من البنات ( ماقاعد أعمم ) صارو مستقليين بفكرهم و وفكرة إنا ليش أطيع زوج راح يقلل من طموحاتي إني أصير عالمة ذره ويغثني في طلعتي وجيتي ويسألني ليش تشترين هالغالي وغيرها من هالأمور اللي من وجهة نظر البنات كابوس يهدد حياتها وحريتها الشخصية.

أدري أختي بتقولين العاقلات واجد واللي يبون الستر وغيرها من هالأمور بس خلونا إنكون واقعيين أكثر المواضيع الدارجة هالأيام خصوصا في مجتمعنا اللي هي تغير فكر الشباب والشابات بشكل كبير في شتى الأمور واللي سبب بعضها عزوف كبير في فكرة الزواج نفسها.

[Qtr37]

من قال ان زواج البنت اصعب من زواج الولد
هذا رزق مثل اي رزق اخر

[وحيد-الشوق]

ماحب التدخل بخصوصيات الاخرين
واحد كبير ماتزوج يذبحونه بالااسئله والشكوك هذا ماتزوج اكيد فيه بلا اكيد راعي بنات اكيد فيه وفيه

وحده ماتزوجت ويه معيوفه محد يبيها الخ


دعوا الخلق للخالق

الي ماتزوج له اسبابه ويمكن مبسوط ويمكن نصيبه
عفوا السنتكم وصدوركم عن التفكير والتشكيك بالناس عيشوا حياتكم مع حريمكم وعيالكم
كلن يختار طريقه لا اذى غيره ولاحد يإذيه

اتفق معاج 100%

بعدين البعض يمكن فيهم عقم او مرض مايجيبون عيال ليش نحرجهم بهذي الاسأله الخاصة !!

[حنظلة]

أخي العزوبي لا تخلي اي شي يأخرك عن الزواج, لاحق على الدراسة ولاحق على البزنس ولاحق على بناء مستقبلك , تزوج الآن قبل فوات الأوان

[حسن]

مهما كانت الامثلة فالرجال افضل حالا ، اللي يقطعون القلب هم العوانس اللي اصبح عددهم يروع*
مب محصل اي كلمة ممكن تواسيهم الا الله يعوضهم خير ويرزقهم سعادة تباشر قلوبهن

فعلا صدقت

استوقفتني هذه المشاركه وفعلا العدد مهب بسيط ينبى بوضع خطير
وذكرت مره باحدي الرودد يجب ان تبحث المراه عن الزوج ولو تكفل الامر الصرف عليه ولا مساعتده

الحياه الزوجيه شراكه بين الاثنين

[حسن]

في ناس تنخش ورى اعذار واهيه ..

اتوقع انه مستانس على حالته ومايبي يغيرها بس قدام

الناس يتعذر بستين عذر ..

اذا على الحريم في حريم لعبتهم الشياب

لي جات تتزوج تقولك مابيه صغير مقلوع

ابيه شيبه راكد ...


الكلام لك يا حسن ...





الله يقطع بليسك ياهمر والله الحين داخل الموضوع وتوني اقراه ووصلت لردك

يخرب بيت ابليسك

هههههههههه

[حسن]

وليش مايتزوجوا ؟ الحين في شياب وفي السبعينيات ويتزوجوا عادي


الاول الله يرزقه زوجه صالحه وانا الاحظ الشياب هم اللي يتزوجون اكثر من الشباب هذا مب عذر يعني
و الثاني الله يهديه والله لايكثر من امثاله



فعلا لانهم خاضو تجارب الحياه ومعتركها وصبحو مخضرمين
في فرحها وحزنها

فا الانسان لما يتعدي الاربعين يكون عنده نضج اكثر واتزان اكبر
والخوف يبتدي عنده بالاتنهاء
فايسير عادي اذا بغى الزواج تزواج ومايفتكر في حد
بحكم الزوجه الجديده لهها بريق اخر غير الزوجه القديمه

هذا راي ومادري حد له وجهه نظر

نسمع راي اخوني بو12 عاهد في ذالك

[مضارب دوسري]

شكرا على مروركم
وادلاء ارائكم

الواحد منهم يوصل لهذي الاعمار ولا يجد من يجهز له طعامه او يرتب له ثيابه او ولد او بنت يقومون فيه

[نوفا91]

فعلا صدقت

استوقفتني هذه المشاركه وفعلا العدد مهب بسيط ينبى بوضع خطير
وذكرت مره باحدي الرودد يجب ان تبحث المراه عن الزوج ولو تكفل الامر الصرف عليه ولا مساعتده

الحياه الزوجيه شراكه بين الاثنين

لا ياحسن تدور وتصرف عليه لا تدفع المهر احسن بعد

معاك ان في عندنا عوانس وبنسبه كبيره ، بس مب عاد بهالطريقه ماتدري الخيره باللي اختارها ربك لها ، ويمكن مانكتب لها زواج بهالدنيا ، سبحان الله اقدار وله حكمته في ذلك

:)

[حسن]

لا ياحسن تدور وتصرف عليه لا تدفع المهر احسن بعد

معاك ان في عندنا عوانس وبنسبه كبيره ، بس مب عاد بهالطريقه ماتدري الخيره باللي اختارها ربك لها ، ويمكن مانكتب لها زواج بهالدنيا ، سبحان الله اقدار وله حكمته في ذلك

:)


القليل من التفكير والتضحيات بتنحل امور كثيره

الصراحه انا بعد هل الشباب عندنا يبطون الجبد عندنا هذا هم فلوس ملايين وبيوت جديده
وكل واحد عزابي المشكه كلها اسباب تاثير شي ماء
ولا رجال شطول وعرض وفلوس وبيت وش ناقصك

[خالد البلوشي]

للأسف هذي (أفكآإر) مستحيل تندثر . .
يحبون اللقافة والسوالف وليش وليش ؟؟
الرجآإل سهل يعرس لو عمرهـ 80 لكن البنت غيرررر للأسف . .

إخت رفيجتي عمرها 39 سنة ورافضة الزواج لأسباب ........
لآإعت جبدها من هالمجتمع المتطفل !!
إلا ليش ماعرست أكيد فيها شي أكيد تحب حد أكيد مآإدري شنو ..... إلخ !!
في كل مكان تنسئل ليش ماعرستي لين آإلحين ؟؟
اللي بعمرج عندها عيآإل و و و . . . إلخ من هالكلآإم إلسمّ :anger1: . .

وهذي هي هدّت شغلها وهدّت حيآإتها وقاعدة في البيت عشآإن لحد يجرحها بآإلكلام . .
مافي بنيّة مآإتبي تعرس ويكون عندها أسرة . .
لكن في (ظروووووف خآإصة وقووووية) تمنع هالشي عنهآإ :( . .

حسّوا في غيركم مب الكل عآإيش بكيفه أو راضي عن إللي هو فيه . .
ظروف مآإيعلم فيهآإ غير آإلله تمنع عن الإنسآإن شي يتمنآإهـ . .

عسى ربي يكون في عون الجميع ويهدي الفضوليين المتطفلين الملاقيف . .



تعقيبك أختي مشاعر يلامس الكثير من الحقائق الموجعه .. لك التحية

و شكرا اخي مضارب على فتح المجال للتطرق حول هذه الحالات المؤلمة ..


أطيب تحية

[بصمة قطرية]

لو بيتزوج يقدر اليوم قبل بكرة
لكنه عذر يقدمه للاخرين
اعتقد المانع الوحيد لاثنينهم
ان تجاربهم السابقة تعكر صفو الاقدام على تجربة جديدة
والا شلون رجال في الستين والسبعين ويتزوجون
قلهم يتزوجون والله بيسهل امورهم
اما سالفة يبكون مالها سنع ابد
انا من عشر سنين ما بكيت والحمدلله :)


أتفق مع هالراي ..
كونه رجل و مقتدر مافي اي شي يمنعه من إنه يتزوج ..
و 50 مش وايد كبير ..!
الحين شياب في الستين يتزوجون بنات صغار ..
يتني بو الخمسين ما بيحصل وحدة ترضى به
البنات ماليين البيوت
في العشرين و الثلاثين و الاربعين ..
كلها حجج اعتبرها ..
اللي يبي يتزوج ما في شي بيمنعه*..

الله يرزق كل بنت بزوج صالح يااااااارب ..

اللنت اللي وضعها صعب شوي
لانها تنتظر اللي يجي و يطق بابهم و يخطبها ..
الشاب امره سهل ..

[بصمة قطرية]

شكرا على مروركم
وادلاء ارائكم

الواحد منهم يوصل لهذي الاعمار ولا يجد من يجهز له طعامه او يرتب له ثيابه او ولد او بنت يقومون فيه

و ليش ما يتزوجون الحين و يحصلون اللي يقوم فيهم ..!!؟؟
عمر الخمسين عمره ما كان عائق للرجل ..
دامك تعرفهم شخصياً تقدر تنصحهم يتزوجون
و يتلاحقون على اعمارهم قبل لا تمر السنين
و كل واحد يلقى عمره وحيد لا زوجة و لا ولد ..!!

[alsoq]

الحمدلله انني تزوجت في عمر 18 اللهم لك الحمد
كبروا اعيالي وتزوجوا وانا اللهم لك الحمد بعمر 50

نصيحه من يقدر يتزوج فلا ينتظر بل يتوكل على الله

[qatara]

لو يبي الزواج كان الله يسر له
لاكن بعضهم او اغلبهم \ ن
يستمرون في اللعب الي ان يفوت قطار العمر

ولكي لانظلم بعضهم مما يرا من ماهو
الحاصل للرجال في حال اي خلاف

[alsoq]

زين قلنا عمره 50 يتزوج يجي عليه اولاد يوصل 70 الى عياله كبار والاغلب في عمر 70 ما زال فيهم نشاط
البعض يضع عراقيل ومسببات علشان الناس وهو في الاصل لا يريد الزواج

[مضارب دوسري]

و ليش ما يتزوجون الحين و يحصلون اللي يقوم فيهم ..!!؟؟
عمر الخمسين عمره ما كان عائق للرجل ..
دامك تعرفهم شخصياً تقدر تنصحهم يتزوجون
و يتلاحقون على اعمارهم قبل لا تمر السنين
و كل واحد يلقى عمره وحيد لا زوجة و لا ولد ..!!

الاول اعرفه اما الثاني ماعرفه سلام ورد السلام
الاول ياما تكلمنا معاه ولا فيه فايده
حياته متلخبطه الله يهديه
بس بصراحه ماشاء الله تبارك الرحمن رجله ماتفارق صلاة الجماعه
وقبل الاذان بنص ساعه يكون فالمسجد
الله يهديه ويصلحه سنتين واحنا نحاول فيه واللي يعرفونه من قبل يقولون صار لنا اكثر من 7 سنوات مارضى تبي يرضى الحين
حتى ان صرنا نحس انه عنده مشكله مايبي يتكلم عنها
ف ابتعدنا عن ان نتكلم معاه فهالموضوع
بصفتي صغير في العمر امامه وعمره من عمر ابوي

[مضارب دوسري]

الحمدلله انني تزوجت في عمر 18 اللهم لك الحمد
كبروا اعيالي وتزوجوا وانا اللهم لك الحمد بعمر 50

نصيحه من يقدر يتزوج فلا ينتظر بل يتوكل على الله

الله يخليهم لك ويبارك لك فيهم ويبارك لك ما تبقى من عمرك

[alsoq]

الله يخليهم لك ويبارك لك فيهم ويبارك لك ما تبقى من عمرك

وجزاك الله خير

وحاول في صديقك حاول تجلس معه يمكن الشخص يعاني من شي ومستحي يقول لك كثر الدق يفك اللحام حاول مره مرتين شوف الاسباب

[مضارب دوسري]

اذكروا الله يا اخوان

[qatara]

لا اله الا الله محمد رسول الله

الله المستعان

[مضارب دوسري]

والله يااخوان انا فتحت الموضوع للعضه
العمر يمشي وبعض الناس اما لاهي عن اكمال نصف دينه بسبب عمله خارج البلاد
والبعض الاخر لاهي باللعب والصياعه
والبعض الاخر يخاف يقول فلان وفلان وفلان تزوجوا ما توفقوا
وعندما يبلغ من العمر مراحل متقدمه
يبدا الندم عندما لا يرى احد بجانبه
لا ولد ولا تلد
وحداني ترضخ به الدنيا يمين وشمال
وينتظر متى ياتي اجله بسبب الوحده

[الجـــوديّ]

يقول رسول الله صلى الله عليه وسلم:
" إن قامت الساعة وبيد أحدكم فسيلة فاستطاع ألا تقوم حتى يغرسها فليغرسها فله بذلك أجر"

هذا والقيامة قايمة ... يزرع فسيلة علشان يلحق الاجر في آخر لحظة
فما بال لما يكون الزواج نص الدين ... ومازال في العمر بقية !
صحيح ولد الشايب يتيم .... لكن أنا ما أقصر في عمري قبل ما يجي أجلي...
فلعل الله يطيل في عمره ويفرح بزوجته وعياله واستقراره في حياته علشان الله يجمعهم به في الآخرة..!

الله يهديهم ويصلح حالهم

[مضارب دوسري]

يقول رسول الله صلى الله عليه وسلم:
" إن قامت الساعة وبيد أحدكم فسيلة فاستطاع ألا تقوم حتى يغرسها فليغرسها فله بذلك أجر"

هذا والقيامة قايمة ... يزرع فسيلة علشان يلحق الاجر في آخر لحظة
فما بال لما يكون الزواج نص الدين ... ومازال في العمر بقية !
صحيح ولد الشايب يتيم .... لكن أنا ما أقصر في عمري قبل ما يجي أجلي...
فلعل الله يطيل في عمره ويفرح بزوجته وعياله واستقراره في حياته علشان الله يجمعهم به في الآخرة..!

الله يهديهم ويصلح حالهم



جزاج الله كل خير

[كيلو حديد]

لي رأي طويل عريض بموضوع الزواج بس المزاج ما يسمح

المهم
في من تزوج بالستين وجاب عيال وزوجهم وشاف احفاده ومات بالتسعين
لحد ييأس

[حسن]

لي رأي طويل عريض بموضوع الزواج بس المزاج ما يسمح

المهم
في من تزوج بالستين وجاب عيال وزوجهم وشاف احفاده ومات بالتسعين
لحد ييأس

انت كيلو ذهب

العمر مايمنع الزواج للرجل دام الصحه بدون كحه

:victory:

[جاسم الدوحة]

يقول أحدهم :

جيل الزمن الجميل (اللي عمره 50 مثلاً)
ما يقدر يتعامل اليــوم (نضجاً وتفكيراً)
مع جيل الآيـباد والإنستاغرام .

يفكر في البنات الكبار (المُـتاحات) وفيهم الملتزمات
والطيبات .. ما يبي .
أما الصغيرات .. فالفرق تقريباً 25 سنة (وايد)
وبنات اليوم متطلباتهم كثيرة
والتكاليف خرافية .

فيبقى الأمر على حاله
وعلى المتضرر .. اللجوء للصيام :omg:

[كلام ساخر]

الحمدلله انني تزوجت في عمر 18 اللهم لك الحمد
كبروا اعيالي وتزوجوا وانا اللهم لك الحمد بعمر 50

نصيحه من يقدر يتزوج فلا ينتظر بل يتوكل على الله



عمرك 50 ؟
سبحان الله ما يبين عليك
> شلون عرفت؟

[عابر سبيل]

السلام عليكم ورحمة الله وبركاته

رجال وصلت اعمارهم فوق ال 45 وال 50 يتحسرون احيانا بل ان الوضع يصل ببعضهم الى حد البكاء على ما فاتهم
الاول
رجل خمسيني
ملتززززم جدا جدا وشخصيا احبه في الله وصل به العمر الى 52
قضى حياته كدبلوماسي في السفارات خارج قطر وهذا ما جعله يبتعد عن الزواج
ما ان يتكلم احد امامه عن الزواج والابناء حتى يبدا في التحسر واحيانا اخرى يبكي بمراره ولما يقال له الحق عمرك وتزوج يقول وين اجيب لي طفل وانا في هذا العمر
اذا مت من بيقوم فيه
الثاني
قضى عمره في السفر والصياعه والضياع كان امام مسجد في شبابه ومالبث الا ان انقلب حاله هدانا الله واياه ف اصبح شبه مستقر في بلاد المغرب ومبتعد كل البعد عن الدين
ما ان يتحدث احد امامه عن الزواج وقد بلغ من العمر اكثر 50 الا ويرد خلااص راحت علينا يا حسافة تربية ابوي ياليته ما توفى وانا مراهق خلاص خربانه خربانه جهنم تنتظرني على كلامه
لا حول ولا قوة الا بالله

هذا مثالين من امثله كثيره نراها امامنا

ف نصيحه با اخوان لا تتاخروا ف يطوفكم القطار مثلهم

كلام كان حاز ف خاطري ف كتبته لعل احدا يتلاحق عمره قبل ان يصل به الحال مثلهم






يا أخوي مضارب:

عندي واحد من الأحباب وأعتبره واحد من إخواني عمره يقارب الستين وهو في خير وطبيب وملتزم في الدين ومن عائلة معروفة فكلمته يوم كان عمره في الخمسين وكل مرة وأكلمه ياليته يرد علي فإلي يقهرني يتبسم ويسكت ويغير الموضوع وقلت له: الله سبحاونه وتعالى بعوضك بدال واحد فالله قادر يعطيك توم أو أربعه أو خمسة وبتعيش في عالم آخر وحياة سعيدة وتتجدد حياتك وبالنسبه للعمر فمرة قريت في جريدة إن هندية عمرها السبعين وزوجها عمره السبعين فالله سبحانه وتعالى رزقهم بالتوم، وكأنه تحمس بس شوي وفتر.



الفاضلين مضارب و رجل الجزيرة..

الديرة تراها جدا جا "صغيرة"..

اتمنى ان تكون التلميحات...
ما تقرب للقارئ كُنه و شخصية
احد المذكورين في المشاركات..:secret:
*
*
،،
موضوع قيم يا مضارب..

و انا ارى ان من يصل من الرجال
لهذا الحال يكون عن سبق اصرار و ترصد..
اي بقرار داخلي منه..

فعليه..قد يكون من "شديد" التطفل
توجيه سؤال مباشر للفرد الذي هذا حاله..

لكن النقاش حول الظاهرة..بالعموم و دون تخصيص كلام لأحد بعينه..
نقاش طيب و مطلوب..لعل فيه ما ينفع من لم يصل بعد لهذه الحال..
و هو سائر لها..دون ان يشعر بمرور الأيام!

[كيلو حديد]

من الأعلام الذين لم يتزوجوا شيخ الإسلام ابن تيمية والإمام النووي .
جبر لخاطر من لم يتزوجوا

[أين الحل ؟]

الزواج وتكوين الاسرة شيء اساسي في الحياة للرجل والمرأة والمال والبنون زينة الحياة الدنيا
الأولاد عند الصغر هم انوار المنزل والأم والاب هم اعمدة المنزل وعندما يكبر الوالدين في السن
يصبح العكس الوالدين هم انوار المنزل والاولاد هم اعمدة المنزل اذا تكون العلاقة عكسية اذا
بنية هذه الاسرة على المحبة والايمان واتباع ديننا الاسلامي .
عند الصغر الوادين من يقومو برعاية الابناء من ملبس ومأكل ومشرب وبقية الخدمات
وعند كبر الوادين يجب على الابناء ان يقومو برعاية الوالدين والاهتمام بهم ونلاحظ كذلك
بان العلاقة ما زالت عكسية .

العلاقة العكسية : تؤكد لنا قول الله تعالى : (( واخفض لهم جناح الذل من الرحمة وقل ربي ارحمهما كما ربياني صغيرا )) صدق الله العظيم

[نفسي عزيزه]

الله كريم

[يمامـة]

بالبداية الي بكتبة مش موجة لك شخصيا مضارب دوسري
ولكن بالعموم
أنا ما اعرف ليش احنا المجتمع الوحيد الي ندفن الناس وهي حية.. لما بنت تكبر نحطمها بالكلام انها كبيرة وما تنفع للزواج وحتى الرجال
حتى المرأة الصيغرة بالعمر مطلقة او ارملة تعال شوف المجتمع كيف يضغط عليها خصوصا بوجود الأبناء

ارجع للقصص الي ذكرتها هم صح إنهم كباروالأفضل للشاب والبنت الزواج بسن مبكر
لكن هذا مايعني إن هالناس ما يقدرون يتزوجون ويجيبون عيال فية كثير بنات وصلوا الأربعين بلازواج
يبغون يتزوجون عشان العيال بس..وبعضهم يبغى الزواج لأجل يرد علية الصوت شريك حياة
اظن الي ذكرتهم يقدرون يتزوجون
ويجيبون اطفال والأعمار ترى بيد الله ممكن يعمر الشايب ويموت الشباب وكثيير نساء خسروا ازواج شباب الله يرحمهم و لا يفجعنا
وكونهم رجال هذا يسهل عليهم الأمر
لا يجلسون و يضيعون ما بقى من عمرهم بالصياح خل يسعون للإرتباط وانجاب اطفال اوحتى كفالة ايتام
وبدال مايفكرون انهم بيموتون ويتركون عيالهم وراهم خل يفكرون انهم انجبوا اطفال ليحسن تربيتة وويدعي له في حياتة ومماته
وجزاك الله خير

:victory: