++ هل راض او راضيه عن تعاملك مع خدمكم ++

[شبح الصمت]

بسم الله والصلاة والسلام على أفضل المرسلين سيدنا محمد صلى الله عليه وسلم ..


موضوعي تابع لردي على موضوع الخدامه الي قتلت البنت الكويتيه ( الله يرحمها هالطفلة وطير من طيور الجنه )

وسؤااااالي


هل نحن راضون عن انفسنا عن تعاملنا مع خدمنا ..

اما نرى انفسنا مقصرين في التعامل حتى لا يحصل لاطفالنا ما حصل لهذه الفتاه التي لا حول ولا قوة لها ..

وهل يجب فحص الحالة النفسية للخدم بطريقة لا يمكن لهم ان يعلموا فيها ..

حيث يتم سؤالهم عن طريقة تعاملهم مع الاطفال وحبهم لهم ..

[المحاميه]

الحمدلله راضيه

وماحب اظلم وحده لو كانت نيتها طيبه وصج جايه تشتغل

لكن اللي تسوي حركات واللي تشتغل من ورا خشمها وتستغفلني هذي شغلها عندي


اطوف كل شي الا انها تستغفلني وحسبالها اني مافهم او مالاحظ

غير جذي الحمدلله اعاملها كإنسانه ماحب اهاوش ولا اسب ولا اطق ولا اقص من معاشها وبالعكس ازيدها واعطيها اذا كانت زينه وتخدمني

يعني مبدئي احترمي نفسج تحصلين

[شبح الصمت]

الحمدلله راضيه

وماحب اظلم وحده لو كانت نيتها طيبه وصج جايه تشتغل

لكن اللي تسوي حركات واللي تشتغل من ورا خشمها وتستغفلني هذي شغلها عندي


اطوف كل شي الا انها تستغفلني وحسبالها اني مافهم او مالاحظ

غير جذي الحمدلله اعاملها كإنسانه ماحب اهاوش ولا اسب ولا اطق ولا اقص من معاشها وبالعكس ازيدها واعطيها اذا كانت زينه وتخدمني

يعني مبدئي احترمي نفسج تحصلين



شي طيب يالمحامية

بس من وجهة نظرك هل تراين انها اهي راضية عنج يعني من ردها من تعاملها من طلبك لها لشيء معين طريقة ردها سرعتها بطائها

هل تلبي هالاشياء وتحسينها مستانسه ومرتاحه لج

وهل تحسين فيها اذا متضايقه وفيها شيء وتسالينها وتحاولين تعرفين شلي فيها وتحلينه ام تغاضين وتقولين مالي خص

بما انكم اقرب للعاملات اكثر منا ..

وشاكر لج ردك

[ودي أكون]

بالنسبه لتعاملي انا راضيه ولله الحمد .. صحيح عوار راس ولكن ولله الحمد من ناحيتي احاول قد ما اقدر ما اظلم حد فيهم ..

وبالنسبه للقتل والاطفال او كبار السن الخ .. مو شرط اخوي بسبب تعامل الكفيل او المدام .. لان مرات هم الخدم نفسهم يجونك بأفكار غريبه وعقليات ونفسيات الخ .. والله اعلم هي من الاساس شنو كانت في بلادها !
ف مو شرط بسبب التعامل تصير الجرايم ..

والله اعلى واعلم

وفي فرق بين اللي يخاف على الخدم خوفاً من رب العالمين .. وفي فرق بين اللي يخاف من الخدم بسبب تعامله او خوفه منهم !

[شبح الصمت]

بالنسبه لتعاملي انا راضيه ولله الحمد .. صحيح عوار راس ولكن ولله الحمد من ناحيتي احاول قد ما اقدر ما اظلم حد فيهم ..

وبالنسبه للقتل والاطفال او كبار السن الخ .. مو شرط اخوي بسبب تعامل الكفيل او المدام .. لان مرات هم الخدم نفسهم يجونك بأفكار غريبه وعقليات ونفسيات الخ .. والله اعلم هي من الاساس شنو كانت في بلادها !
ف مو شرط بسبب التعامل تصير الجرايم ..

والله اعلى واعلم

وفي فرق بين اللي يخاف على الخدم خوفاً من رب العالمين .. وفي فرق بين اللي يخاف من الخدم بسبب تعامله او خوفه منهم !



الحمد لله شيء طيب ..
والله يكتب لج اجر معاملتج الطيبه لهم ..

ونفس ما تفضلتي البعض من الخدم يجي بمعتقدات وافكار غريبه بس ليش يجيبونها معاهم هل من المفروض انه ينعطى لهم كتاب قانون الدولة واحكامها ونخليهم يقرونه غصب لاجل يعرفون الي لهم والي عليهم ..


اتمنى ينوضع كتاب للكل احكام وقوانين وبالذات اليد العاملة لانهم ما يقرون نفس الي يجيك فاهم ومتفتح ..

اش رايج يا ودي مب الافضل

او اي خدم يجون ينعمل لهم اول اسبوع دورات يروحون فيها فنار تنعطى لهم دروس او مكان متخصص يشرح لهم وضع العائلات وشلي لهم وشلي عليهم


لانه صراحة الواحد قام يخاف منهم والخوف من رب العالمين في معاملتهم موجود والحمد لله وهل قطر مهب مقصرين معاهم ورازينهم والبعض والقليل القليل منهم مهب مقصر فيهم كلام وسب الله يهداهم

[ودي أكون]

الحمد لله شيء طيب ..
والله يكتب لج اجر معاملتج الطيبه لهم ..

ونفس ما تفضلتي البعض من الخدم يجي بمعتقدات وافكار غريبه بس ليش يجيبونها معاهم هل من المفروض انه ينعطى لهم كتاب قانون الدولة واحكامها ونخليهم يقرونه غصب لاجل يعرفون الي لهم والي عليهم ..


اتمنى ينوضع كتاب للكل احكام وقوانين وبالذات اليد العاملة لانهم ما يقرون نفس الي يجيك فاهم ومتفتح ..

اش رايج يا ودي مب الافضل

او اي خدم يجون ينعمل لهم اول اسبوع دورات يروحون فيها فنار تنعطى لهم دروس او مكان متخصص يشرح لهم وضع العائلات وشلي لهم وشلي عليهم


لانه صراحة الواحد قام يخاف منهم والخوف من رب العالمين في معاملتهم موجود والحمد لله وهل قطر مهب مقصرين معاهم ورازينهم والبعض والقليل القليل منهم مهب مقصر فيهم كلام وسب الله يهداهم

انا مع رايك أخوي شبح وازيد عليها .. المفروض يطلب منهم شهادة حسن سيرة وسلوك رسميه من دولتهم .. مثل ما احنا قبل ما نشتغل يطلب منا مثل هالشهادة ..
وهالشهادة تعتبر ابراء ذمه منهم ..

[شبح الصمت]

انا مع رايك أخوي شبح وازيد عليها .. المفروض يطلب منهم شهادة حسن سيرة وسلوك رسميه من دولتهم .. مثل ما احنا قبل ما نشتغل يطلب منا مثل هالشهادة ..
وهالشهادة تعتبر ابراء ذمه منهم ..




هالشيء تكلمنا فيه قبل شهادة حسن سيرة وسلوك

احنا اش عرفنا انه في دول ما قاعده تصدر لنا مجرمين لاجل تفتك منهم !!

لانه بنفس هالوحشية والاسلوب عند بعض الخدم ما اتوقع تجي من فراغ ..

الي يقدم على هالشيء اعرفي انه له سوابق وامور تخوف ..

بس هل تتوقعين دولتهم راح تعطيهم هالشهادة او انه راح يكون في تلاعب بما انها دول فقيرة

وخلينا نكون واضحين رشاوووي لاجل تخلص المعاملات .. !!

[عثرة جواد]

السلام عليكم

البارحة كنت اسولف ويا بنتي الصغيرة وخنا اشوف مسلسل وكان فيه بعض الشركيات

كنت قاعده ابين لها بعض الاغلاط والا بنتي فاجئتني وهي تقول >>يمه الخدامة قالتلي اشلون اتصلي <<قلت لها اشلون ورتني طريقه

التثليث والله انصدمت مع اني وايد اقعد مع بنتي وقريبه منها بس تفاجئت من سرعه عمل الحركه طبعا انا ماحبيت ابين لها اني منصدمه

وقلت لها الخدامه مسكينه ماتعرف ان الاسلام هو الي بيوديها الجنه وقلت لها قصه عن الرسول وكانت متفاعله وياي وقلت لها حبيبتي

لين اتكلمج الخدامه عن دينها كلميها عن الاسلام وقلت لها لوهي اسلمت الله يعطيج جنة كبر الكرة الارضيه

بعدها كلمت الاخدامه وبينت لها ان دينها يعنيها هي بس وان عايلتي سعيده انها تنتمى لهذا الدين الي اتمنى انج تدخلين فيه

حسيت اني غلطت غلطه كبيره يوم جبت خدامه غير مسلمه :weeping:اصبحت تهدد راحتي

[شبح الصمت]

السلام عليكم

البارحة كنت اسولف ويا بنتي الصغيرة وخنا اشوف مسلسل وكان فيه بعض الشركيات

كنت قاعده ابين لها بعض الاغلاط والا بنتي فاجئتني وهي تقول >>يمه الخدامة قالتلي اشلون اتصلي <<قلت لها اشلون ورتني طريقه

التثليث والله انصدمت مع اني وايد اقعد مع بنتي وقريبه منها بس تفاجئت من سرعه عمل الحركه طبعا انا ماحبيت ابين لها اني منصدمه

وقلت لها الخدامه مسكينه ماتعرف ان الاسلام هو الي بيوديها الجنه وقلت لها قصه عن الرسول وكانت متفاعله وياي وقلت لها حبيبتي

لين اتكلمج الخدامه عن دينها كلميها عن الاسلام وقلت لها لوهي اسلمت الله يعطيج جنة كبر الكرة الارضيه

بعدها كلمت الاخدامه وبينت لها ان دينها يعنيها هي بس وان عايلتي سعيده انها تنتمى لهذا الدين الي اتمنى انج تدخلين فيه

حسيت اني غلطت غلطه كبيره يوم جبت خدامه غير مسلمه :weeping:اصبحت تهدد راحتي





قولي يارب





انها تسلم على يدك وعلى يد بنتك وتكون سبب في دخولها الاسلام ..

كوني قريبه من بنتك ومن الخدامه ولا تتحسرين لعلى وعسى استقدامك لها يكون خير ..

لكن علمي بنتج انها المعاملة الطيبه اساس جذب قلوب مثل هالخدم الي متغربين من آخر الدنيا للقمة العيش

الخدم نعمة لدى البعض ولدى البعض نقمة
فكل واحد باسلوبه يقدر يحببهم ويكرهم ..


الله يوفقكم

[ودي أكون]

هالشيء تكلمنا فيه قبل شهادة حسن سيرة وسلوك

احنا اش عرفنا انه في دول ما قاعده تصدر لنا مجرمين لاجل تفتك منهم !!

لانه بنفس هالوحشية والاسلوب عند بعض الخدم ما اتوقع تجي من فراغ ..

الي يقدم على هالشيء اعرفي انه له سوابق وامور تخوف ..

بس هل تتوقعين دولتهم راح تعطيهم هالشهادة او انه راح يكون في تلاعب بما انها دول فقيرة

وخلينا نكون واضحين رشاوووي لاجل تخلص المعاملات .. !!

هاذي هي النقطه اللي اتخلينا انرد لنفس السؤال .. والحل.؟!
اتفق معاك أخوي شبح التلاعب موجود ف كل مكان والغش والنصب والتحايل وايد وخاصه فالدول الفيره بسبب الحاجه او او او ..

اتقدم بنقطة حل ثانيه .. وهي ان احنا نتعامل مع الخدم مثل ما علومنا ابائنا .. وانعلم اعيالنا هالتعامل ..

بمعنى .. علومنا ما نعيب عالخدم وانماشيهم وانحبهم ونكلمهم بالطيب وانحسسهم ان هم منا وفينا .. نضحك معهم ما نعاملهم بعنف ..

هالشيء اللي المفروض اعيالنا يتعاملون فيه مع الخدم .. لان للاسف بعض الحريم يعرفون ان بناتهم لصغار او اعيالهم .. شياطين ويحنون وصياحين ويعاندون ولا فوق هذا يمدون يدهم بعد !.. ومع ذلك تخلي الخدامه تمسكه وتشله وهو رافض الخدامه !
ف طبيعي هالشيء يولد غضب داخلي وكثرة الكبت يسبب الانفجار .. هاذي نقطه

والنقطة الثانيه : تربية العيال وتلبيسهم والعنايه فيهم من اختصاص الام .. والخدم حاجتنا لهم المفروض ما تزيد عن الغسيل والكوي والتنظيف والطبخ .. وان احتاج الامر جلوس الابناء مع الخادمة يكون برفقة احد من العيله ..

اما النقطة الثالثه .. من رايي اي امرأه عامله ما عندها احد من اهله يمسك لها صغيرها .. تاخذه للحضانه .. هناك أأمن وأسلم ويهتمون بالصغير مثل اهتماممج ..

[بريق الحق]

يازين البيوت بدون خدم الواحد لا يحاتي من المشاكل ولا شي

[شبح الصمت]

الله يجزاج خير ودي ..

اش رايج اني قطعت علاقتي بواحد من اصدقائي والسبه تعامله مع الخدم وغيرهم من الطبقة الفقيرة بنفس خايسه ويزاعق عليهم ويعتبرهم بنظرة انهم مش بشر ..

وللعلم في بيتهم بعد يعاملون الخدم بجفاف ومعاملة قاسيه وكل ما جاب خادمه اتم 3 شهور وتفرك له ..


في بعض الحريم مع احترامي يوم تشل معها الخادمه وتروح المطعم من عقب ما تمشيها المجمعات وذهاباً واياباً تستحي تجلسها فالطاوله وتخليها تجلس على جمب في كرسي او تنتظره البعض البعض والا والله اخر مره شفت بنات مجلسين الخدامه معاهم في المطعم ونفس الطاوله واطلبوا لها معاهم ..

شنو يولد في داخل هالخادمه من شعور عندما ترى هالمنظرين

منظر عزلها
ومنظر تقربهم لها ..

[شبح الصمت]

يازين البيوت بدون خدم الواحد لا يحاتي من المشاكل ولا شي



ياخوي استوت حاجتهم ملحه صدقني

نحن في حاجتهم ولكن تعاملنا معاهم اهو الاساس في تقبلهم لنا والا لا

اولاً اهم مقبلين على عادات وتقاليد غريبه
ثاني شيء لغات مختلفه
ثالث شي جايين من آخر الدنيا نستخسر الابتسامة فيهم

[ودي أكون]

الله يجزاج خير ودي ..

اش رايج اني قطعت علاقتي بواحد من اصدقائي والسبه تعامله مع الخدم وغيرهم من الطبقة الفقيرة بنفس خايسه ويزاعق عليهم ويعتبرهم بنظرة انهم مش بشر ..

وللعلم في بيتهم بعد يعاملون الخدم بجفاف ومعاملة قاسيه وكل ما جاب خادمه اتم 3 شهور وتفرك له ..


في بعض الحريم مع احترامي يوم تشل معها الخادمه وتروح المطعم من عقب ما تمشيها المجمعات وذهاباً واياباً تستحي تجلسها فالطاوله وتخليها تجلس على جمب في كرسي او تنتظره البعض البعض والا والله اخر مره شفت بنات مجلسين الخدامه معاهم في المطعم ونفس الطاوله واطلبوا لها معاهم ..

شنو يولد في داخل هالخادمه من شعور عندما ترى هالمنظرين

منظر عزلها
ومنظر تقربهم لها ..



والله اخوي شبح القهر .. القهر عقب ما تلفها لف فوق الاربع او الخمس ساعات وطريق الشوارع .. اتجيك المدام اتقول تعب وزحمه احس خلاص مافيني حيل اسوي شيء ..
اما الخدامه تروح تخلص وتكمل شغلها يا اتراكض ورا العيال او تكوي او تطبخ او او او !

والله المستعان

[بريق الحق]

ياخوي استوت حاجتهم ملحه صدقني

نحن في حاجتهم ولكن تعاملنا معاهم اهو الاساس في تقبلهم لنا والا لا

اولاً اهم مقبلين على عادات وتقاليد غريبه
ثاني شيء لغات مختلفه
ثالث شي جايين من آخر الدنيا نستخسر الابتسامة فيهم


اعذرني اخالفك الراي اخوي مش حاجه مهمه هذا راي
انا مابي ادخل في عمل المراة والخ واخرب الموضوع

[ودي أكون]

اعذرني اخالفك الراي اخوي مش حاجه مهمه هذا راي
انا مابي ادخل في عمل المراة والخ واخرب الموضوع

سؤال ..

من يغسل ملابسك .. وينظف غرفتك وينظف البيت و و و ..

اذا متزوج فهذا من عمل الزوجه ما اختلفنا

بس اذا عازب .. هل بتخلي الوالدة .؟!.. بعد هالعمر كله بعد بخليها تخدمني والمفروض هالوقت صار من واجبنا أحنا .؟!

الله المستعان

[شبح الصمت]

اعذرني اخالفك الراي اخوي مش حاجه مهمه هذا راي
انا مابي ادخل في عمل المراة والخ واخرب الموضوع



من حقك اخوي رايك ونحترمه
ولكن الوضع حالياً يحتاج مساعدة

زوجة وابناء صغار من يساعده اخوي احنا الرجاجيل !!


يعني البيوت مهب نفس قبل صغار وكل شيء خفيف

[بريق الحق]

سؤال ..

من يغسل ملابسك .. وينظف غرفتك وينظف البيت و و و ..

اذا متزوج فهذا من عمل الزوجه ما اختلفنا

بس اذا عازب .. هل بتخلي الوالدة .؟!.. بعد هالعمر كله بعد بخليها تخدمني والمفروض هالوقت صار من واجبنا أحنا .؟!

الله المستعان

البيوت اسرار
واحتفظ الاجابه على السوال لي نفسي (:

[ودي أكون]

البيوت اسرار
واحتفظ الاجابه على السوال لي نفسي (:

اذا جي .. فأنا احترم رأيك أيضاً ..

[عطر فرنسي]

اسعد الله اوقاتك

الحمدلله رب العالمين لايوجد عندنا لا خدامه ولا سائق

لك تحيه

[مرتبش]

سؤال جميل وفعلا لازم الواحد يشوف علاقته بالخدم ويقومها ان احتاج لذلك..
لكن
لايوجد مبرر لجريمة قتل طفلة..او تشويه وتعذيب الخ من اللي نسمعه
هذي فئة مجرمة يجب ان يتعامل معاها القانون (الغير مطبق او المتساهل).

[النظامي]

الله يكفينا الشر
وصدقني لو الواحد احتوا الخادمة و لا السواق بالطيبه والتسامح واعطائهم حقوقهم ما راح تسمع هالمشاكل

اقتراح بسيط ليه ما نسوي يوم كامل اجازة للخدامة ونخلي راعية البيت تشتغل في بيتها عشان تحس بالضغط وكم الشغل الكثير اللي تقوم به الخدامه
وايضا للرجل يشتغل محل الدريول __ صدقني راح نقدرهم ونعطيهم حقهم

شكرا على الموضوع الجميل .... وننتظر منك الاجمل

[راجي الْعفو]

الله يحيك اشبيح ..

موضوع مهم جدا بارك الله فيك ..

بالنسبة لنا .. ما بقى الا ينسدحون معنا عالسرير !

يمكن صاروا مدللين و يحتاجون ياخذون فره على موضوع عابر !

[romoz]

انا سألت خدامتي هذا السؤال ، و الحمدالله تقول انتم تعاملوني كفرد من العائلة ، و هذا الحاصل

بين فترة و فترة لين رحنا الدوحة طلعتها معانا ، من مطاعم و كوفيات او تمشيات

و انا من الناس اللي معارضين للبس اليونيفورم ، لان اليونيفورم فقط في اوقات العمل ، اما برا البيت لا


و بخصوص طلب سيرة ذاتية للخدامة ، اهو اصلا موجود ، بس صعب تقييم السلوك ، فقط نعتمد على حدسنا من خلال الصورة ، و الطبيعة الاجتماعية للخادمة ( متزوجة / عزباء / ام .....إلخ)

احيان نصيب و احيان نخطيء


اسعد الله اوقاتك

الحمدلله رب العالمين لايوجد عندنا لا خدامه ولا سائق

لك تحيه

منزك كبير و لا صغير ؟ و عدد افراد عائلتك شوي ؟

في هذا الزمن البيوت معدها ببيوت ، الحمدالله صرنا نسكن في قصور من كبر بيوتنا

لازم وجود اكثر من خادمة و لا بنهلك ، مراح نلحق لا على شغل بيت و لا على مدارة جهال و لا على مطبخ

الحمدالله ، هذا من زود النعم ، و ترا وجود الخدامة مو معناته ان المرة رفله و وجود السايق مو معناته ان الرجال ردي عند اهله

متطلبات الحياة زادت ، جعل ربي يزيدنا من فضله و لا يغير علينا

[نوفا91]

والله ياشبح الخدم ان تعاملت معاهم بالطيب يستكلبون ، خداماتنا ويكند لازم يطلعون ، وتعاملنا معاهم احسن مايكون والله حزات اشوفها تعبانه والا عندها ملابس وايد اكوي بنفسي ، وحتى اذا بعطيها شغل اقولها ابيه بعد بكره مثلا وفوق هاي لما اطلب منها شي ترد بخياس ومن طرف خشمها ، والخدامه الثانيه والله كنت اعطيها عطور ورصيد كل اسبوع تطلب وماخذ منها ، وبعد تخيس الحين لو يموتون ماساعدهم خلهم ، عطيتهم ويه استلعنوا

بس بعد ولهم حقهم والحمد رااااضيه فوق الرضا ع معاملتي لهم
:)

[حسن]

هلا شبح الصمت

الصراحه انا تعاملي محدود جدا بالنسبه للخدامه ويمكن تمر شهرين ولا ثلاثه ولا لي اي كلمه
بحكم ان مااتعامل معهم مسؤوليتي عند زوجتي واي شي ابي عن طريقها
وعندنا نظام مرتب اعتماد على الخدم قليل جدا بالنسبه للعيال نهائي لا
ولا هم متواجدين في الفله طول النهار لهم ساعات محدده وقت الصبح الى الساعه يمكن 10
وبعدها وقد الغدا يجيبون الغدا الظهر على الطاوله وبس
ومن بعدها يدخلون الفله العصر حول الساعه 4 يرتبون واقصى حد الساعه 7 مساء وان كثر 8
وبعدها برع سواء فالمطبخ ولا في غرفتهم
هذا هو طريقتي وتعاملنا معاهم
والحمدلله مرتاحين ولا عندي اي مشكله معاهم ولا مره على صوت ولا حديث اكثر من كلمتين

ولا امنع عنهم تلفزيون او جوال او اي شي يبونه

الصراحه هم نعمه علينا فيجيب المحافظه عليها تخيل لو العيشه بدونهم اعتقد
بتشوف زومبي في الشوارع

[العلياا]

تعاملي معاهم طيب ( اذا شفتهم اصلا )
مدلعينهم اخر دلع وفوق هذا مهب عاجبهم :)

[الزعفراني]

الحمدلله ماعندي خدم .. في بيتي ماعرفت الخدم ولا ادخلوه .. والله لايحدنا عليهم :)


وكان الله في عون من ابتلاه الله بوجودهم ..

[alsoq]

هلا اخوي
احنا من عرفنا الخدم في البيت لم نتعامل الى معا الهند
اول خدم تموا 10 سنوات وراحو برضاهم
الثانين تمو 13 سنه وراحو برضاهم
واللي الحين 9 سنوات ومازالوا الحمدلله

السر اني احسن معاملتهم عندها حد من عياله مريض اعطيها زياده لحد ما تشفى الحاله عندها ضائقه ماليه اساعدها بالمقسوم
هذا معا كل الخدم اللي عندنا

السايق يقول لي تراهم يبيعون كل شي عندهم ويرهنون بيوتهم حتى يجون واذا تاخر في السداد كم شهر يسحبون البيت منه ويصبحون في الشارع

فا ياخواني واخواتي لا تحملون الخدم فوق طاقتهم وعطوهم يوم اجازه تكون بالبيت واحسنو معاملتهم من اراد ان يطول عنده الخدم ويحسنون معاملتك بكل صدق

[يمامـة]

الله يرضا عننا في تعاملنا وياهم يا شبح..

[حسن]

بالنسبه للخدم ياشبح انا استقبلهم بالمطار بعض الاحيان واستقبلهم بالاحضان

لو لا هم كان الوضع زومبي

:)