استفسار بخصوص فلتي كانت مأجرة بغيت بعض النصائح من أهل الخبرة

[Nasser2006]

السلام عليكم ورحمة الله وبركاته .......

فلتي كانت مأجرة لي عوائل بغيت بعض النصائح من أهل الخبرة وعن تجربة :

1-الحمامات أعزكم الله :
-وين أحسن المحلات لي بلاط الحمامات والاكسسوارات للحمام؟؟؟

2-المطبخ :
-وين أحسن المحلات للبلاط وكبتات المطبخ واكسسوارات المطبخ؟؟؟

3-الجبسن بورد للاسقف :
-وين أحسن المحلات للجبسن بورد و الديكورات الداخلية للحوائط؟؟؟

4-الابواب الخشبية والالمنيوم والدرابزين:
-وين أحسن المحلات للابواب؟؟؟

5-المغاسل:
-وين أحسن المحلات لي مغاسل الرخام ومغاسل المودرن ؟؟؟\

6-شركة مقاولات :
-وين أحسن شركة مقاولات لي الصيانة ؟؟؟


وجزاكم الله خير

[Nasser2006]

يالربع ممكن مساعده الله يجزاكم كل خير؟؟؟؟؟

[معماري قطري]

شبيب وعلي العطية عندهم ناس يسون صيانة وتحت اسم المحل وممكن يعطونك تسعير واضح وأَغلب المواد عندهم من سيراميك إِلى مغاسل وغيره.

عندك الدرابزين ممكن تتفق عليه منفصل .. وتصميم المطبخ وتنفيذه والأَسقف بعد عند رافكو.

يبقى المهم تنسيق الأَعمال وعمل عقود مفصلة .. ونصيحة لو البيت قديم وبتستبدل البلاط استبدل التمديدات الصحية وبايبات الماي لو لاحظت فيها خلل ولا تخلي العازل استبدله .. وحاول لو تقدر تتفق مع مقاول رئيسي عنده المقدرة على كل الأَعمال الأَساسية واللي تنقسم لقسمين .. التبليط والحمامات والتمديدات والعازل ومعاها المطابخ أَقل شيء الصرف الصحي وامداد المياه .. والكبتات تكون بواسطة مختصين .. وتبقى عندك الأَسقف ولو تبي جبس مغربي بعد فكرة حلوة ولو حق مجلس أَو صالة ككسر لرتابة التصميم الواحد.

حاول لو الوضع معقد شوي تحط استشاري متابع من البداية من حيث تنظيم العقد والاشراف .. ونصيحة ما دام انك بتسوي صيانة عظمى بيكون تدخيل تصميم داخلي ومنه إِزالة بعض الجدران وفتح مساحات واغلاق أُخرى وتغيير البيت تغيير جذري عمل مجدي ومناسب .. حتى توسيع بعض النوافذ وتغييرها لنوعية أَحسن.

بالتوفيق لك إِن شاء الله ونطمع في تصوير متواصل لمراحل المشروع وتصميمه حتى نقدر نتفاعل أَكثر معاك.