القنابل الموقوته الى اين !!!

[حسن]

السلام عليكم ورحمه الله وبركاته

موضوعي اليوم القنابل الموقوته امام المدارس والى اين !!

يوميا وانا ذاهب الى المدرسه الاحظ هذا الشي وللاسف من السواقين
سيارات شغاله تطحن بحرارتها وبمكيفاتها والكثير منه تكون خاليه بدون سواق وهم يسولوفون برع
وانتظار الى اكثر من النصف ساعه

هل يعرفون هؤلاء الكفلاء عن سياراتهم وكيفيه استخدامها من قبل السواقين
والله بدايه المدرسه والحراره كانت جدا عاليه وسيارات يطلع منها حمم من الحراره
احيانا اشم ريحه الكربون او مثل الغاز يطلع منها
والله اقول الله يستر ما تنفجر علينا هل السيارت من شده الحراره وهي شغاله اكثر نصف ساعه

ياريت من اولياء الامور ينبهون على سواقينهم انهم يبندون السيارات وخصوصا اذا الوقوف اكثر من نصف ساعه

لخطوره الوضع والله
سنوات نجيب عيالنا والله ماجلسنا في السيارات اكثر من 5دقايق ونوقف سياراتنا برع
ونجيب عيالنا وننتظر خارج المدرسه وفي الحر ونطفى سياراتنا

بعض اولياء الامور يطرشون السواق من بدري ويوصل حول الساعه ينتظرومايعرفون ان السياره
شغاله وهي والله كانها نار مشتعله وفي اي لحظه يمكن تشب علينا

نصيحه للجميع حبيت انقلها لكم وواقع حقيقي اشاهده يوميا وسيارات بدون سواقين وهي تشتغل


تحياتي للجميع
واتمنى السلامه للجميع


:)

[شيخ الديرة]

أتفق هناك سوء أستخدام, ولكن

السيارة ما تنفجر يا بو علي لأنها مشتغلة وواقفة. لما تصعد درجة الحرارة أكثر من اللازم فسوف تتوقف المكينة لسبب او لأخر.

لو عندك أحصائيات تسند موقفك يكون أحسن.

[بريق الحق]

يابوعلي الحراره عندنا تخبط الي مايخبط الله يرحمنا برحمته

[بومحمد المطاوعه]

هههههههههههه بوعلي

موضوعك حلو يالقاااااااالي
بس السياره تنفجر


ودي اصدق لاكن قويه قويه :app2:

https://www.fay3.com/assets/uploads/thumbs/J7s84fpw.jpg?1398172531

الحين كل شي ألكتروني
بعض المواتر لو ارتفعت حرارتها تسكر بنفسها

وانا معاك في نقطه ان السياره اتم شغاله ع الهامش
وخبرك بعض الادريوليه
لايهتمون ولا شي
ومالها معنى من اشتغالها

يمكن بعض السيارات تكون ام البنت داخل

الله اعلم

تحياتي لك

[حسن]

انا شاكر لكم يااخوان ولكن قد تحدث احيانا حرايق
وكاني سمعت من فتره حريق سياره امام مدرسه بدايه السنه
خبرك الحوداث عندنا ممنوع ذكرها الا ماندر تعتبر سري للغايه ومكتوم
:secret:

ياخي ليش ماناخذ الحذر ننتظر بالحادثه وعقب نقعد نلوم الاهمال
قزرنا احنا القطريين والله نوقف ونبند ونقعد تحت السور وننطر عيالنا
خير ياطير الماي بلاش نروح البيت ونسبح
وبعدين الخطر الثاني ان السيارات شغاله وفيها اطفال والسواق برع يبربر مع السواقين
انا انقل لكم من قلب الحدث

تبون فيدديو باحط لكم انا كلش جاهز وبالصور بعد
علشان ماتكون هناك حجه

تحياتي لكم

:victory:

[حمد 2002]

بوعلي الحين كل هالمقدمه الطويله والعريضه أن الدريويله ايشغلون السيارات أمام المدرس لساعات ؟!!

انت بالغت والله !! ..

عيل تبيهم ايموتون بالحر ؟!

الشيخ انت عايش باوربا ولا الخليج ؟!

هالدريويله مساكين راتبهم 1000 ولا 1200 وتبيهم ايموتون بالحر بعد ؟!

وين الرحمه والانسانيه وحقوق الإنسان ؟!

الحين الشباب بشكل عام حتى لما يشربون شاي كرك ايصفون بال ساعات قدام المحلات بهالمكيف البارد الثلج ..


وانت تبي سواقين مساكين ايوصلون عيال خلق الله يسكرون المكيف علشان انت تستانس ؟! اتقي الله يارجال :) ..


وأهم شيء قنبله موقوته تراها كلمه متعوب عليها وايد ..


بوعلي فكر بطرح أذكى من هذا الطرح لأن هذا يسمى إفلاس بالكتابه مع احترامي لك ..

[ودي أكون]

السبب زيادة الرواتب

[بومحمد المطاوعه]

بوعلي موضوعك طيب والله

وصادق فيه

عارف ان قصدك

اهمال الادريوليه

يمكن يسبب حادث بسبب بعض الاطفال يتلاعبون في قير السياره
يمكن ترتفع حراره السياره واهو مايدري
قاعد يبربر برع وتارك السياره تطحن ع الهامش

تحياتي لك يالنوخذه

[راجي الْعفو]

وعليك ورحمة الله ..

هلا بوعلي ..


اشكرك لحرصك على حياة بني البشر ..

مساك خير ..

[حمد 2002]

السبب زيادة الرواتب




بيقولج بسبب زياده رواتب الحريم وو .. ولازم يركبون باصات ..

حفضنا الاسطوانه الي يرددها هذا الأخ ..

[حسن]

بوعلي الحين كل هالمقدمه الطويله والعريضه أن الدريويله ايشغلون السيارات أمام المدرس لساعات ؟!!

انت بالغت والله !! ..

عيل تبيهم ايموتون بالحر ؟!

الشيخ انت عايش باوربا ولا الخليج ؟!

هالدريويله مساكين راتبهم 1000 ولا 1200 وتبيهم ايموتون بالحر بعد ؟!

وين الرحمه والانسانيه وحقوق الإنسان ؟!

الحين الشباب بشكل عام حتى لما يشربون شاي كرك ايصفون بال ساعات قدام المحلات بهالمكيف البارد الثلج ..


وانت تبي سواقين مساكين ايوصلون عيال خلق الله يسكرون المكيف علشان انت تستانس ؟! اتقي الله يارجال :) ..


وأهم شيء قنبله موقوته تراها كلمه متعوب عليها وايد ..


بوعلي فكر بطرح أذكى من هذا الطرح لأن هذا يسمى إفلاس بالكتابه مع احترامي لك ..

والله محد مفلس من المواضيع الا انت وخصوصا من بعد ماسحبت البساط منك
وماعاد اغذيك بالمواضيع الدسمه
ولا الكل عارف وشايف مواضيعك ماتعدت الانثى بحكم انك
:secret:

هاهاها

شوف ماعلينا يابوشهب

ومن يقول لك ان هذا حرام وش فيه لو بند السياره ووقف برع ولا جلس فيها وليش اساسا يجي ينتظر
بالساعه برع علشان يقعد يسولف مع ربعه
وشفيه جو الخليج الله يازينه عاشو اهلنا وماتو فيها وبنموت فيها
وبعدين اللي يقول هل السواقين مول عايشين في بلادهم على السنترال
اذا حصله بانكه زين بعد

زين انا عندي حل شرايك في اجبار الباصات بنفتك يكثر من المشاكل صح ولا لا


عندي لك موضوع اسكت يمكن تحصل عليه عضو مؤسس تدفع كم

:telephone:

[حسن]

السبب زيادة الرواتب

اقدر اسير مثلك ولكن

:nono:

طول عمر الكبير يبقى كبير


:victory:



كيف حكمتي بهذا السبب ممكن توضيح لوسمحتى !

:)

[بومحمد المطاوعه]

هالدريويله مساكين راتبهم 1000 ولا 1200 وتبيهم ايموتون بالحر بعد ؟!

..

1000 ولا 1200

وين ابي دريول جيب لي
او خدامه بهذا الراتب

اذا جبت لي دريول راتبه 1200 وعنده ليسن قطري
بمشي لك معاش 300 ريال خخخخخ

يالله طلع ابي
الحين الموسم قرب ومحتاجه للعنه :)

طباخ ومقهوي ودريول

[حسن]

بوعلي موضوعك طيب والله

وصادق فيه

عارف ان قصدك

اهمال الادريوليه

يمكن يسبب حادث بسبب بعض الاطفال يتلاعبون في قير السياره
يمكن ترتفع حراره السياره واهو مايدري
قاعد يبربر برع وتارك السياره تطحن ع الهامش

تحياتي لك يالنوخذه

اشكرك يبومحمد هذا كم طيبك يامدير

اسعدني تواجدك في الموضوع المهم ويهم شريحه ضخمه لا يستهان بها

الله المستعان على الثقافه

:)

[حمد 2002]

1000 ولا 1200

وين ابي دريول جيب لي
او خدامه بهذا الراتب

اذا جبت لي دريول راتبه 1200 وعنده ليسن قطري
بمشي لك معاش 300 ريال خخخخخ

يالله طلع ابي
الحين الموسم قرب ومحتاجه للعنه :)

طباخ ومقهوي ودريول

طباخ ودريول ومقهوي وتبي راتبه 1200 ؟!

هاي لو 2000 بيرفض :)

[حسن]

وعليك ورحمة الله ..

هلا بوعلي ..


اشكرك لحرصك على حياة بني البشر ..

مساك خير ..

هلا هلا

حيالله اخونا راجي
والله نصيحه قدمها ببلاش لاولياء الامور الغافلين والعارفين
عمايحصل ونعانيه نحن الاباء المتواجدون امام المدارس
يوميا ونوقف برع وننتظر تحت السور وفي الشمس وفي المطر وفي العج
انها الامانه ياراجي انها الامانه

اشكرك واشكر تواجدلك
فانت النجم القادم وبقوه

:victory:

[همر]

اما تغذية المواضيع فهذه فضيحه مدويه يابوعلي

للعضو حمد ويجب عليه الرد وتفنيد ادعاءاتك !!


بخصوص ترك السياره شغاله مثلك عارف

يابوعلي عقوبة ترك السياره شغاله لو دقيقه

في اوروبا وانت داخل السياره شيسوون فيك!!

يقولك يضر البيئه .. يخافون على الهوا اللي

يتنفسونه البشر .. وعندنا لو يحترقون البشر

يمكن يطبقون قانون منع التجمهر ... يعني بعد

مايجيبون ساس المشكله !

[حسن]

طباخ ودريول ومقهوي وتبي راتبه 1200 ؟!

هاي لو 2000 بيرفض :)

اسرحو غنو ارقصو

يقول القذافي لشعبه العزيز

:(

اهم شي وناستكم خذو راحتكم احنا مانطرد ضيوفنا في المواضيع
نوصل المعلومه بطريقه سهله وسلسه ومقبوله
كانا قاعدين في دكان بوسيول

يامرحبا يامرحبا

:)

[شيخ الديرة]

... وليش اساسا يجي ينتظر
بالساعه برع ....

1. يحصل موقف قريب
2. ما عنده شغل بالبيت
3. يشبك على وايرلس المدرسة
4. الخدامة تريد تروح مبكر لنفس الأسباب
5. يبيع يشتري ساعات موبايل لابتوب (شفتها بنفسي)

[ya3coub]

الي يستهين بموضوع الإنفجار

المكيف لما يشتغل بالسيارة و اهي واقفه اكثر من نص ساعه يأثر على كلج الكمبريسور السيارات الجديدة تستحمل بس يأثر بالعمر و يقرب موعد الخراب

و بعد فتره يخترب بدون سابق انذار و طبعا معروف بالدوحة بداية الصيف اشلون الكراجات و الوكالات عليهم زحمة بخصوص خرابات المكيف
أعوذ بالله من كلمة انا احترق علي كلج المكيف و كانت بتشب فيني السيارة و انا فالكرنيش مرة وحدة دخنه و ريحه

و حسب كلام الوكالة اني اشغل المكيف و السيارة واقفه
و صحيح برمضان كنت اسافر السعودية كل اسبوع و بالزحمة المكيف يكون شغال صيام و نهار.


اشكرك أخوي على تنبيهك و حرصك من خوفك على عيالك
غيرك قد يستهين بالوضع بس الذكرى مافيها شي يمكن بعد موضوع في شخص واحد عالأقل استفاد و بينصح الدريول ما يخلي السيارة شغاله لأن بالنهاية الكفيل اهو الي بيصلح السيارة وقت ما تطلع الأعطال

[حسن]

1. يحصل موقف قريب
2. ما عنده شغل بالبيت
3. يشبك على وايرلس المدرسة
4. الخدامة تريد تروح مبكر لنفس الأسباب
5. يبيع يشتري ساعات موبايل لابتوب (شفتها بنفسي)


ههههههههههه

ضحكني ردك ياشيخ الديره فعلا والله وانا اقرا ردك تذكرت قرقرت الخدامات مع بعض لو تشوف
جمعتهم برع
يالله

شي مريب شي مخيف شي خطير

يسولوفون ويسير اكبر تبادل معلومات على جهه الارض وحش في معزباتهم ومعزبينهم
وفعلا ترا يسير بيع تلفونات لا وبازيدك من الشعر بيت

بيع فيز سواقين

:secret:

الصراحه ساحه النتظار هذه تسير فيها الكثير من الصفقات وبعظها غراميه بعد

يالطيف يالطيف

الطف عليا بردها

:)


همر راجعلك انت مصيبه كبيره

:)

[بومحمد المطاوعه]

طباخ ودريول ومقهوي وتبي راتبه 1200 ؟!

هاي لو 2000 بيرفض :)


على كيفه يرفض
عندي دريول 1500

عاد انا مب كارفه كرف اليهد نفس بعض الناس الله يهديهم

بكرمه وبعزه وبحترمه

[بومحمد المطاوعه]

اشكرك يبومحمد هذا كم طيبك يامدير

اسعدني تواجدك في الموضوع المهم ويهم شريحه ضخمه لا يستهان بها

الله المستعان على الثقافه

:)

الشكر لله يالنوخذه

وصدقت والله البعض الله يهديهم مايفتكر
ولا يبالي

على باله ان خلاص بصب بترول والسياره بتمشي
مافي اي اهتمام

[النهار]

بوعلي الحين كل هالمقدمه الطويله والعريضه أن الدريويله ايشغلون السيارات أمام المدرس لساعات ؟!!

انت بالغت والله !! ..

عيل تبيهم ايموتون بالحر ؟!

الشيخ انت عايش باوربا ولا الخليج ؟!

هالدريويله مساكين راتبهم 1000 ولا 1200 وتبيهم ايموتون بالحر بعد ؟!

وين الرحمه والانسانيه وحقوق الإنسان ؟!

الحين الشباب بشكل عام حتى لما يشربون شاي كرك ايصفون بال ساعات قدام المحلات بهالمكيف البارد الثلج ..


وانت تبي سواقين مساكين ايوصلون عيال خلق الله يسكرون المكيف علشان انت تستانس ؟! اتقي الله يارجال :) ..


وأهم شيء قنبله موقوته تراها كلمه متعوب عليها وايد ..


بوعلي فكر بطرح أذكى من هذا الطرح لأن هذا يسمى إفلاس بالكتابه مع احترامي لك ..

المهم انت صلحت مكيف موترك ولا لين الحين ههههههههههههههه

[خالد البلوشي]

مساء الطيب يا بو علي

موضوع خطير و في غاية الأهمية و أتصور أن الضوابط على السائقين لن تقف على إرشادات أولياء الأمور لهم بل يجب أن تكون هناك عوامل تساعدهم على استمرارية أخذ الحيطة و الحذر


في فترة مضت .. كان الدفاع المدني في رأس الخيمة يخصص دوريات تتفقد البيوت و الشقق لتحري السلامة و درجات الأمان بها و إرشاد الأهالي إلى تعديل و تأمين أي نقطة و أداة قد تتسبب في أي كوارث و حرائق .. و هذا ما يجب أن تقوم به جهات الاختصاص حول توعية الجمهور بما فيهم السائقين ... و مرورهم حول المواقف المدرسية باستمرار بما يعني أن يتقيد السائقون بأداوت السلامة و اليقظة و الانتباه .

تقبل أطيب تحية يا بو علي

[حسن]

اما تغذية المواضيع فهذه فضيحه مدويه يابوعلي

للعضو حمد ويجب عليه الرد وتفنيد ادعاءاتك !!


بخصوص ترك السياره شغاله مثلك عارف

يابوعلي عقوبة ترك السياره شغاله لو دقيقه

في اوروبا وانت داخل السياره شيسوون فيك!!

يقولك يضر البيئه .. يخافون على الهوا اللي

يتنفسونه البشر .. وعندنا لو يحترقون البشر

يمكن يطبقون قانون منع التجمهر ... يعني بعد

مايجيبون ساس المشكله !



من طق الباب يقلون جاه الجواب

:secret:

وخل الطبق مستور ياهمر ولا تسوي قرقرواجد

اساسا في الدوله الاوربيه متتشوف هذه الظواهر خير شر
ممنوعه منعا باتا وتعاقب عليها حتى الامهات
:secret:

اليوم الصبح شفت لي موتر واقف مكان يالشرطه يالمعاقين
مامام بنك الدوحه شارع حمد
وتارك الموتر شغال والولد صغير في السياره
لو مش مستعجل كان صورته بولرايد وصورته فيدو
وطرششته لتويتر الداخليه

وكان اجنبي وافد

اهما ل اهمال كبير

الصراحه مادري ليش وكل مالها هل الفوضى الخلاقه تزيد عندنا

واما بخصوص الورائح اللي اشمها من مروري بالسيارات والله ياهمر
ريحه غاز غريبه ومادري هذه مال المكيف
خبرك ريحه البترول نعرفها ياما شربنا منها
ولكن ذي غاز غريب خطر

على وعسي من يستمع للنصاح المبدعه والمزركشه مالتي


اشكرك وبعنف عجبتك الكلمه ذيك صح

:victory:

[حسن]

المهم انت صلحت مكيف موترك ولا لين الحين ههههههههههههههه

ماعليك منه ماعنده سياره يالنهار

هذا يوديه السواق شفيك انا اعرف اكثر منك اقيس المسافات والوقت

هذه خبره تحقيق يبا

البركه فيك انت وده دوعيس بن محمود اخبر هناك يصلحون مكيفات صلحله


:)

[حسن]

السموحه يااخوان انا الحين رايح اجيب عيالي الموضع موضوعكم اخذو راحتكم
ادعولي بان اعود

الله يستر الحين بامشي بين هل الالغام والله يستر

وادعا

وصيه يالنهار هالله هالله بخويك حمد ترا انت الوكيل الحصري له من بعدي

تحياتي


:)

[بومحمد المطاوعه]

السموحه يااخوان انا الحين رايح اجيب عيالي الموضع موضوعكم اخذو راحتكم
ادعولي بان اعود

الله يستر الحين بامشي بين هل الالغام والله يستر

وادعا

وصيه يالنهار هالله هالله بخويك حمد ترا انت الوكيل الحصري له من بعدي

تحياتي


:)


خخخخخخخخخ حسستني ألغام


تلثم قبل لاتشم كربون هع

[عاهد بن علي]

مساك الله بالخير يابوعلي
انا دائمآ اشوف سايق ينام في السياره والسياره شغاله في مواقف البريد العام الساعه اثنعش وخمسين دقيقه والكفيل ما يدري
وفي الختام السلام

[نوفا91]

يعطيك العافيه بوعلي على هالتنبيه ، احنا مالنا بهالسوالف انتوا ادرى

:)

[شيخ الديرة]

تأخر حسن

http://gabbybo.files.wordpress.com/2014/09/myfacewhilewaitingforittoload_97763284cc024193ded2 f45d572c0e98.jpg

[حسن]

خخخخخخخخخ حسستني ألغام


تلثم قبل لاتشم كربون هع

الحمدلله رجعت لكم سالم

والله لازالت الازمه موجوده توني جاي من جبد الحدث
ولا البعض دق سوالف السواق والخدامه بروحهم برع الى قريب الانصراف بدقيقيتن

الله كريم

[حسن]

مساك الله بالخير يابوعلي
انا دائمآ اشوف سايق ينام في السياره والسياره شغاله في مواقف البريد العام الساعه اثنعش وخمسين دقيقه والكفيل ما يدري
وفي الختام السلام

هلا هلا

حيالله بوعلي تعرف ان الرقده في الموتر والمكيف شغال هذا جريمه انتهار

والموت البطيى

انا اعرف كذا حاله قطريه مواتو في السياره والمكيف شغال

الحذر واجب وهذولا السواقين وش فهمهم بهل الامور


حياك الله يابوعلي واشكرك على المشاركه

:)

[حمد 2002]

بوعلي بشر سكرت مكيف موترك ولا ؟!

[حسن]

يعطيك العافيه بوعلي على هالتنبيه ، احنا مالنا بهالسوالف انتوا ادرى

:)

هلا هلا

اخت نوفا

الصراحه انا مراقب الوضع من زمان والى الان وهناك امور كثيره مستحيل ام بسيبل تسير
في الدول الغربيه وحتى الخليجيه

بس احنا الرفاهيه زايده عندنا زياده ولها عواقب مدمره
المشكله مافي رد ذكر انه فعلا عايش الواقع
شكلهم ياعيالهم بالباصات ولا السواقين شالين الموضوع

انشري تؤجري

النصيحه واجبه

:victory:

[حسن]

تأخر حسن

http://gabbybo.files.wordpress.com/2014/09/myfacewhilewaitingforittoload_97763284cc024193ded2 f45d572c0e98.jpg

اشكركم جميعا على السؤال عني

لولا غلاكم ماتعنينا

:victory:

[حسن]

بوعلي بشر سكرت مكيف موترك ولا ؟!


انا اساسا عمري ماانتظرت اوقف برع وابند السياره والجمني لاعب لعبته

واروح عند الباب اوقف مع السواقين الخدامات انتظر ابنائي فلذات اكبادي

الذين يمشون على الارض

امي الله يرحمها تقول الضنى غالي ياحمد

وهذه امانه الى يوم الدين

:victory:

[يمامـة]

بوعلي بالغت كثيرا في موضوع ان السيارات اللي اتم شغالة لفترة تصير قنابل موقوتة!!

قوووية وايد وايد وايد..

لأني مرات كثيرة اتم في السيارة فوق الساعة الا ربع لين يطلعون العيال
ولا مرة حسيت السيارة بتنفجر علينا:weeping:

[alsoq]

كنت اعرف واحد

في شتاء يشيل سير المكيف او ما يعبيه غاز
بس الحين خربو علينا السير واحد شمل المكيف وكل شي:)