سؤال لأصحاب الخبره بالسباحه فقط !!

[حمد 2002]

السلام عليهم

اشلون الواحد يقدر يطفح بالماي وراسه فوق مب في الماي ..

وكم الفتره الكافيه علشان ايعرف الواحد يسبح بالنسبه للكبار مب وايد ولا شوي بالعمر ؟! :shy: :( ..


بالتوفيق ..

[بصمة قطرية]

أنا ما أعرف أسبح لكن ممكن أفيدك
عيالي الله يحفظهم سباحين ماهرين ..
إذا تغلبت على الخوف بتتعلم السياحة بسرعه ..
ما أعرف أسبح بس أعرف أطفح فوق الماي ..
ترخي جسمك كله و تمد ايدك على الجوانب ..

[يوسف0]

اهم شئ تتغلب على الخوف فالمسبح طبعا خلك مع مرافق تجنبا لوقوع كارثه

والي يخليك تطفح كمية الهواء في صدرك و يعتمد بشكل كبير على تنظيم عملية التنفس وتجنب الخوف الي يعفس التنفس

لما تطلع الهوا ينزل جسمك للأسفل ولما تأخذ هوا يرتفع جسمك

وبحركه بسيطه جدا تحت الماء لرجلك ويدينك حاول انك توازن مع الشهيق والزفير

في فيديوات تعليم للسباحة فاليو تيوب اكتب (تعلم السباحة)

والوقت مايبيله وايد اهم شئ تعزم لتعلم السباحة وانصح بماء البحر أخف من ماء البركه فأسهل للتعلم

وبالتوفيق

[حسن]

النهار عنده دوره غطس في درامات البنيان ايام رميله بيعلمك هو

تبي اعلمك حاظرين

تبي تتعلم تسبح فوق الماي مثل اللوح الطافح
ولا تتعلم السباحه تحت الماي مثل البلد

:)

[تفآصيل]

خاطري أتعلم السباحة بس احس انها صعبه :(

[خليفـة]

حسن استاد في السباحه
وعليه نسم مب صاحي
يغطس في الكورنيش
ويطلع في البحرين
خله يعلمك
:)

[ANONYMOUS]

اهم شي ماتخاف

بس مب لدرجة الثقه الكامله ف النفس -- بتصير بلد ع قولة حسن هههه

ببتتعلم بسرعه

[رجل تعليم]

أتقبل بي معلما ؟؟؟ لكن لا تتمسك بي حتى لا ينطبق علينا ما قيل حين قيل هههه : تسمك غريق بغريق
علمتني الحياة كل شيء إلا السباحة ...رفضتني فرفضتها :shy:

رفعت موضوعك وكلي أمل أن نراك سباحا ماهرا

[النهار]

النهار عنده دوره غطس في درامات البنيان ايام رميله بيعلمك هو

تبي اعلمك حاظرين

تبي تتعلم تسبح فوق الماي مثل اللوح الطافح
ولا تتعلم السباحه تحت الماي مثل البلد

:)

بوعلي انت مشكل كبير اش دراك :eek5:

[Charisma]

وعليكم السلام ورحمه الله وبركاته

اعلن من هذا الصرح الشامخ .. دعمي اللامحدود للأخ حمد .. لتعلم السباحه .. على ان يكون حسن هو المدرب .

البركه موجوده .. وشورت بو نخله موجود .. وتيوب مقاس 17 موجود .. وكل معدات التعليم موجوده .. في انتظار المشاركين .:nice:

[النهار]

وعليكم السلام ورحمه الله وبركاته

اعلنمن هذا الصرح الشامخ .. دعمي اللامحدود للأخ حمد .. لتعلم السباحه .. على ان يكون حسن هو المدرب .

البركه موجوده .. وشورت بو نخله موجود .. وتيوب مقاس 17 موجود .. وكل معدات التعليم موجوده .. في انتظار المشاركين .:nice:

كل هذالدعم لحمد لو انا كنت منزل الموضوع كان الكل سفه لي لنا الله :weeping:

[Charisma]

كل هذالدعم لحمد لو انا كنت منزل الموضوع كان الكل سفه لي لنا الله :weeping:

عيب عليك ياماستر .. انت مساعد مدرب لبوعلي .. تتأكد ان التدريبات تسير على مايرام .. :nice:

[الجـــوديّ]

خاطري أتعلم السباحة بس احس انها صعبه :(

حلووووووة رهيييييييبة

واحلى شي الطبة ..... تقول طاب على غيمة

[راجي الْعفو]

بوشهب .. حاضرين لك يالغالي ..

بعلمك اشلون تطفح و اطب ارويسي و تتشقلب !

وبوفر لك التيوب اللي يناسب حجمك بعد !

[راجي الْعفو]

كل هذالدعم لحمد لو انا كنت منزل الموضوع كان الكل سفه لي لنا الله :weeping:


الله يسلمك حمدوو من الطبقة الأرستقراطية .. يعني لازم انوفر له كل شي ..

حتى عصير البرتقال اللي بعد السباحه !

[بـن عدوان]

اسمعني اخوي حمد

اول شي روح البرجة او البحر

مب شرط اول شي يكون المكان غزير بس اهم شي تقدر تثني ريولك

ثاني شي خذ نفس عميق واكتمه واثني ريولك

بالبداية بتحس انك تنزل شوي .. خل راسك فوق .. حتى لو نزلت شوي لاتخاف ماراح تغرق .. بمجرد ماتطلع الهوا بتحس نفسك تنزل اكثرر

طبق هالشي كبداية واذا صرت اوكي عقب تنتقل للمرحلة الثانيه اللي هي تحرك ريولك ويدك ... وعقب السباحة والغوص

[الخيالة]

اول واهم شي ان ماتخاف من الماي سواء في البرجة او البحر انا بروحي تعلمت السباحه تعلمت في البرجة عمق مترين ونص عقب عادي صرت اتسبح حتي في البحر واذا تبي اتتم فوق الماي نفس ماقالوا ترخي جسمك و تمد ايدينك وعادي تنفس شوي شوي ولاتخاف هاي اسهل شي واذا تبي اتم فوق الماي ورأسك تحت وتشوف المنظر تحت الماي احسن شي عدة سنوركلينج وبما ان كتبت عن هاي اي نوع احسن و في قطر وين اشتري نوع زين؟

[الخيالة]

ومره سافرت مالديف بدون خوف قطيت نفسي في نص المحيط بس مشكلتي اتعب بسرعه يبيلي أتدرب اكثر

[بريق الحق]

انا قطيت نفسي فالعديد زين التيار مارجعنا سيلين :funny:

[مخطط قطري]

انا بدربك تعال

[مخطط قطري]

اول واهم شي ان ماتخاف من الماي سواء في البرجة او البحر انا بروحي تعلمت السباحه تعلمت في البرجة عمق مترين ونص عقب عادي صرت اتسبح حتي في البحر واذا تبي اتتم فوق الماي نفس ماقالوا ترخي جسمك و تمد ايدينك وعادي تنفس شوي شوي ولاتخاف هاي اسهل شي واذا تبي اتم فوق الماي ورأسك تحت وتشوف المنظر تحت الماي احسن شي عدة سنوركلينج وبما ان كتبت عن هاي اي نوع احسن و في قطر وين اشتري نوع زين؟

ترى منقود عند العرب الكلام الي قلتيه واسمحيلي انصصحك عام كود محد من البنات تشرح مثل ماششرحتي شلون كانت سباحتج .. الله يستر عليج

[الخيالة]

اخوي مخطط
انا ماشرحت انا شلون اتسبح كاتبه تعلمت بروحي محد علمني و عقب مثل ما الباقي كاتبين له ان يمدد جسمه و شلون يتم فوق الماي نفس الشي انا قلت
والله يستر ع الجميع وهاي اخر رد لي قي هالموضوع والسموحه من الجميع .........