في المستوى الطبي احنا توش

[alsoq]

السلام عليكم
جميع مستشفيات قطر دون استثنا الخاص لجني المال حمد مستوى الاطباء دون المستوى وهذا الشي من تأسس مستشفى حمد ولم يتطور من حيث الاطباء وتشخيص حاله المرض
نسمع قصص خياليه وسوف اسرد عليكم قصه لا ياكاد بيت يخلو منها وهي صرف العلاج حيث يصرف لك الدكتور اقل شي 7 حبات تاكلها في اليوم
ذهبت احد نساء الاهل للعلاج بعد ان عجز مستشفى حمد في تشخيص وكان يصرف لها باليوم 13 حبه تاكلها في اليوم المهم بعد وصولها بريطانيا حددت موعد واخذت مهعا كل العلاج اللي صرف لها في مستشفى حمد وكان زوجها معاها يحلف زوجها يوم عرضو العلاج على الدكتور انه فصخ نظارته ومسك راسه وقال لهم هل هذي تاخذينها في اليوم قالت نعم فغضب وقال بالحرف الواحد هل هولا اطباء ام بيطرين لان الحيونات اجلكم الله لا يصرف لها هذي الكميه باليوم

فقال لها سوف تتوقفين عن هذا العلاج وفي الحال وتم عمل فحوصات لها وبعد ظهور النتائج صرف لها حبتين في اليوم فقط وطبعآ غير العلاج لانه كله خطاء

والحمدلله الان بصحه ممتازه ولا تشكو من شي اللهم لك الحمد


سؤالي هل هولاء اللي في مستشفى اطباء متمرسين ؟

[POINT]

^
^
سؤالك من قوتة سدح نفسه و يستدعي "طبيب" حقيقي فالحال

[نوفا91]

وانت تسمي الكل اطباء ، لايغرك المسمى اخوي فيه وفيه وايد دكاتره مايعرفون شالطبخه وياليت في اسلوب


يعني لا فالح بمهنته وواسلوب ردي !
لما ربيت مر الدكتور وكنت اقوله البنت ماترضع يقول عادي اقوله صار لها اكثر من نص يوم يقول عادي هي متعوده لانها كانت فبطنج !!! السستر اللي معاه تقوله مايصير ويات تشوفها قالها بالحرف الواحد انا الدكتور وانتي ممرضه وطلع !!!
طبعا انا كلمت السستر ابي دكتور يشوف بنتي غير هالمريض ،

والحالات واااايد بحمد ، الله يستر على الجميع .

[يوسف0]

انا اقول يكنسلون اغلب أقسام مستشفى حمد ويصرفون 90% من الطاقم الطبي

ويخلون العلاج فالخارج ارخص للدولة سنييييييين والتطور للخلف ويوقفون الميزانية الضخمة الي تنصرف على خرابه

وبعد مبهدلين الأهل الا علاج خطأ الا تنشيط السرطان الا روحي يالمريضة وراجعي الصحة المدرسية (يبون الفكه) اي مهنية اي دكتور يقول جي وغيره الكثير

[طبيب قطري]

اخوي القصه مب واضحه ، هي شنو كان مرضها بالضبط وشنو كان نوع العلاج ؟
مب معنى ان كمية الحبوب قلت ان العلاج افضل!
مثلا لو هي عندها ضغط وسكر وتجلط بالدم هل يكفي تاخذ ادويه السكر وتخلي الامراض الثانيه؟

[شـــوق]

الله يكفينا شر الاطباء واخطائهم

[قسماً]

واللي ماحد منتبه له ان اكثر مرضى القلب من كثر الادويه اللي يوصفها لهم الطبيب ولازم المريض ياخذها كلها
تتدهور حالتهم ويصابون بقرحة المعده ومايطولون حتى تلتهب القرحه وبعدها تتحول لسرطان المعده اجاركم الله
وطبعا الطبيب يوصف علاج لكن مايهتم في التأثير اللي تخلفه اكثر ادوية القلب مثل الاسبرين وغيره
وبعدها تبدأ معاناة هذا المريض المسكين في العلاج بالخارج ويا يرجع متشافي بعد علاج شاق والام مريره او يرجع على القبر الله يرحم حاله وحالنا

[Charisma]

وعليكم السلام ورحمه الله وبركاته ..

مرحبا اخوي السوق ..

للأسف ان بعض الدكاتره .. ومن شدة الأحتراف .. تشك انه حاصل على دكتوراه في تخصص التسويق والمبيعات .. فيك عله بسيطه ماتحتاج شيء .. يصرف لك الصيدليه بكبرها .. + 13 دوا مب متوفر من صيدليه ثانيه .. مافي لا ذمه ولا ضمير.. اتحس بعض الاحيان ان من كثر الادوية اللي يصرفها لك .. اهو نفسه مب عارف شالعله .. وعلى اساس ان ممكن دوا من هالادوية يكون المقصود..

ياخوان في زياراتكم للدكاتره خذوا الوقت الكافي للاستفسار واسالوا كل الاسأله .. بعض الاحيان الدكاتره والممرضات يعيشونك جو ( اخلص علينا ترى ملغت ) .. تجاهلوهم ولاتطلعون من عند الدكتور الا بعد ماتتاكدون من تشخيصه ومن كل دوا انصرف .. وناقشوهم في ضرورة اخذ هالادوية واثارها الجانبيه .. لاياخذونكم باسلوب ( اللي بعدووو ) من حقكم تطلعون وعندكم كل المعلومات اللي تبغونها .. بالاضافه الى ان من حقك تاخذ رقم الدكتور في حال بغيت ترجع له في موضوع بسيط يخص الوصفه او التشخيص . اعرفوا حقوقكم ولا يسيرونكم ..

[رهج السنابك]

انا دايما مع الطب البديل والتكميلي وأؤمن بشده ان لو هالطب ما يحارب من قبل الطب الكيميائي لاصبح العالم اكثر صحة
الطب الكيميائي يعالج مرض ويتسبب في تكاثر امراض اخرى

في السابق كانت الامراض اقل لقلة الادويه
الان زادت الادوية وزاد تنافس الشركات وزادت الامراض
لان كل دواء جديد يخلق معاه اعراض جانبيه تحتاج علاج بالتالي دواء جديد وفلوس وبزنس اكثر


مثال اللفيروسات من الجشع والنهم تقوم بعض المعامل اللااخلاقيه بتكوين فايرويس مخلق معمليا ثم يصنعون له مصل مضاد
وتبدأ عملية جني الارباح : )

[نمر بن عدوان]

لاتصدق طبيب شاطر يرك بلاده ويشتغل عندك لو تعطيه راتب مليون . لذلك تحصل لبلاد الي فيها اطباء زينين هم من اهل البلد نفسها .اذا تبون اطباء ممتازين لازم عيال البلد يتركون التخصصات السهله المريحه ويتوجهون للطب غير هالكلام لاتتوقع اي حل

[POINT]

لاتصدق طبيب شاطر يرك بلاده ويشتغل عندك لو تعطيه راتب مليون . لذلك تحصل لبلاد الي فيها اطباء زينين هم من اهل البلد نفسها .اذا تبون اطباء ممتازين لازم عيال البلد يتركون التخصصات السهله المريحه ويتوجهون للطب غير هالكلام لاتتوقع اي حل

اتفق معاك اخوي نمر قلبا وقالبا!
ولكن الي كنت ولازلت اسمعه من المجتمع والمحيط حوالي:

"وشحاااااده يدرس طب؟ بينتهي وبيتلته في مستشفى حمد و رواتب دايخة و بيطفرون حياته، شوف شكثر استقالات القطريين، ومن أصلا يثق في مستشفى حمد، دمار في دمار"

ولكن، ياريت لو عالاقل بشكل جزئي لحل المشكلة، مراجعة "شهادات" الدكاترة الموجودين.
مايتم استقدام اي دكتور لا بعد مايشخلون تاريخه المهني ويالله نسلم على عمرنا!

ومثل ما تفضلت، في كل الأحوال لا تتوقعون في دكتور ناجح و فذ بيهد بلاده جريا للدوحة، الناجح تلقاه عنده فوق الثلاث عيادات ومستد، وسمعته كفيلة بان تجيبلة مرضى من شتى بقاع الارض. أصلا هالفذ لو جانا زيارة وشاف الوضع، بياخذ اول طيارة و بيشرد من المأساة!!!!!

[alsoq]

اشكر كل من رد على الموضوع او مر عليه

ان شاء الله يكون فيه اهتمام في الطب
ويخرجون شباب قطر ويشجعونهم على دراسه الطب يعني كل طالب متفوق تسهل له الامور من حيث البعثه وراتب اللي يكفيه ويعيشه مرتاح في الغربه

والدوله تجيب ناس تصرف له من الابره حتى الفله من غير الكماليات التي لا يحلم بها في بلده وعاش عمره شغال 24 ساعه

[الغرناس]

اشهد انك جبتها على الجرح

قبل شهر تقريبا حصلي حادث في البيت (قطع عميق في الاصبع) وكان نزيف قوي

رحت اقرب مركز صحي لبيتي وهو الريان وجايهم وانا الي اسوق جيت دخلت نظفو الجرح وجاء الطبيب وشافني قال ماااقدر اسويلك شي ماعندنا جراح روح مركز ابوبكر؟؟؟؟ قلت اوووكي وارجع موتري واروح المركز الثاني وززززحمة لين وصلت والجرح مفتوح وصلت المركز جيت بدخل على جراح الطوارئ وكانت الصدمة الي يقرر حالتك سيكوريتي مت العمالة الاسيوية اذا تستدعي او انطر لين مايخلص شغلة لا وفي ناس قبلك ؟؟؟؟ انزين أنا انززززف وقطع في الاوردة يعني الحالة ما تستدعي يشوووفني الحين الجراح ... واللة اني طلعت من المركز الصحي على طول المستشفى الاهلي ماااوصلت هناك الا خلااااص منتهي .... وخلصت بسبع غرز في الاصبع

[رهج السنابك]

الغرناس الدوله ماقصرت عطتنا تامين صحي شامل اغلب المراكز وانتو لين الحين تروحون مراكز صحيه

مستغربه انه حتى مع التامين لازال الشعب يزدحم ع المراكز الصحيه
التامين اتى ليخفف الضغط

[ابو سلمى]

لا تظلموا اطباء حمد منهم من كان استشاري او اخصائي في اكبر المستشفيات في ايرلندا و بريطانيا و اكمل كل دراسته فيهما ربما هنالك بعض الاخطاء الصغيره لكن لا اظن السيستم المعمول به في حمد يسمح بالاخطاء الكبيره في التشخيص لمرور التشخيص بعدة مراحل من الرزدنت للاخصائي ثم تتم مناقشه الحالات يوميا في اجتماع يضم كل التيم من طبيب الامتياز و مساعد الاخصائي للاخصائي و الاستشاري...... تقبل مروري اخي

[alsoq]

لا تظلموا اطباء حمد منهم من كان استشاري او اخصائي في اكبر المستشفيات في ايرلندا و بريطانيا و اكمل كل دراسته فيهما ربما هنالك بعض الاخطاء الصغيره لكن لا اظن السيستم المعمول به في حمد يسمح بالاخطاء الكبيره في التشخيص لمرور التشخيص بعدة مراحل من الرزدنت للاخصائي ثم تتم مناقشه الحالات يوميا في اجتماع يضم كل التيم من طبيب الامتياز و مساعد الاخصائي للاخصائي و الاستشاري...... تقبل مروري اخي

وناس اللي تموت من ابره خطاء واللي يموت من اخطاء اخر

ياخوي الاغلب عايش الوضع المزري في المراكز ومستشفى حمد

اجل طبيب تكلمه وماسك الجوال ويرد عليك

[ابو سلمى]

وناس اللي تموت من ابره خطاء واللي يموت من اخطاء اخر

ياخوي الاغلب عايش الوضع المزري في المراكز ومستشفى حمد

اجل طبيب تكلمه وماسك الجوال ويرد عليك

لا يسمح للطبيب بالرد علي جواله في لحظة وجود المريض معه للتشخيص و لك كامل الحق في الشكوي لان ذلك خطا

[alsoq]

اخوي هذا ما يحدث في المستشفيات عندنا ومع الاسف تشتكي محد يعبرك نهائيآ

انا حدث امام عيني دكتور في احد المراكز الصحه انا بالخارج انتظر الاهل والدكتور بالخارج يتكلم بتلفون اكثر من 20 دقيقه والمستشفى زحمه الريان للاطفال

[ابو سلمى]

اخوي هذا ما يحدث في المستشفيات عندنا ومع الاسف تشتكي محد يعبرك نهائيآ

انا حدث امام عيني دكتور في احد المراكز الصحه انا بالخارج انتظر الاهل والدكتور بالخارج يتكلم بتلفون اكثر من 20 دقيقه والمستشفى زحمه الريان للاطفال
هنا لك الحق بالشكوي لان وقت العمل ليس لحياته الاجتماعيه و عليه احترام المريض و وظيفته ..

[alsoq]

والله بو سلمى تعبنا
ولو فيه مستوى طبي ما شفت علاج بالخارج بالمئات

[Chambray]

لاتصدق طبيب شاطر يرك بلاده ويشتغل عندك لو تعطيه راتب مليون . لذلك تحصل لبلاد الي فيها اطباء زينين هم من اهل البلد نفسها .اذا تبون اطباء ممتازين لازم عيال البلد يتركون التخصصات السهله المريحه ويتوجهون للطب غير هالكلام لاتتوقع اي حل

ارفع لك القبعه يا نمر بن عدوان

كلامك صحيح وعلى الجرح

[ابو سلمى]

والله بو سلمى تعبنا
ولو فيه مستوى طبي ما شفت علاج بالخارج بالمئات

اصدقك اخي في اخطاء و هنات لكن لا اظلم كل اطباء حمد لدرايتي الواسعه بما يدور بحمد و مستشفي الامل و ما تقوم به وزارة الصحه من مجهود مقدر في تطوير و تنمية الكوادر الطبيه العاملة في حمد والامل و ما تراه في الخارج لا يعكس حال مواطنين تلك البلاد انته تاتي من قطر و الدولة تدفع اربعه اضعاف ما تدفعه الحكومة البريطانيه في علاج مواطنها بنفس المستشفي لذلك تجد الاهتمام و يوفروا لك اكثر الاخصائين خبره حتي يتم تشخيصك بدقه ولكن للمواطن البريطاني العادي عليه ان ينتظر في بعض المرات اكثر من سته اشهر ليقابل احد من الاخصائين الذين يعملون في تيم ذلك الاخصائي الكبير الذي استطعت مقابلته انته بعد يوم من وصولك ... الله يرحم والديك و يديم خير دولة قطر عليكم و علي المسلمين كافة

[مشـــــاعر]

لاتصدق طبيب شاطر يرك بلاده ويشتغل عندك لو تعطيه راتب مليون . لذلك تحصل لبلاد الي فيها اطباء زينين هم من اهل البلد نفسها .اذا تبون اطباء ممتازين لازم عيال البلد يتركون التخصصات السهله المريحه ويتوجهون للطب غير هالكلام لاتتوقع اي حل

واللي ماعندهـ بلآإد أخوي شيسوي ؟؟
ماتقدر نعمّ الكل أصابعكك مو سوى . .

بعض عيآإل وبنات البلد فتحوا عيادات خاصة في البلآإد
بعضهم صج صج تفتخر فيه ولو فيك تحطه فوق راسك والبعض لاتعليق . .

[alsoq]

نعم فيه اطباء وطبيبات قطرين سؤال
هل اعطوهم فرصتهم في المستشفيات هنا السؤال