كيف انزل وزني من 90 الى 70 +الوجبات المناسبة

[فريج النجادة]

كيف انزل وزني من 90 الى 70

+الوجبات المناسبة

وكم معدل المشي المناسب يوميآ

وكم المدة المناسبة حتى اصل الى الوزن المثالي

ولكم جزيل الشكر

[الزعفراني]

مع ان لازم شخص متخصص يقدر يجاوب عليك .. لكن بقولك تجربتي :

1- المشي بعد صلاة الفجر لمدة نص ساعة ومع الوقت تقدر تزيد الفترة وتنوع بين جري سريع وبين المشي

2- الابتعاد عن الاكلات الدسمة اللي فيها دهون ( اكل المطاعم الفاست فود خصوصا )

3- الابتعاد عن الحلويات والسكريات والمشروبات الغازيه

الابتعاد طبعا صعب 100 % لكن قلل الكميات قدر المستطاع ..

4- لا تأكل شي عقب الساعة 8 المساء

5- اذا كلت وجبه لا تنام مباشرة بعد هالوجبه

وبس تقريبا هذا اللي عندي

[Rider]

شوف ياخوي اول شي انسى الحلويات والعيش وغيرها خل حياتك لمدة 3 شهور تعتمد على السلطات والاشياء المشويه واذا خاطرك تاكل شي قلل الكمية الي كنت تاكلها قبل العشى لازم شي خفيف جدا اضف الي ذلك تناول الفواكة وركز على التفاح الاخضر والكوي ترى يحرق الدهون وايضا الاناس بس طبعا بكميات قليل اكثر من شرب الماء علشان تحس انك شبعان اما الرياضة شي ضروري ممكن في اليوم تجري 40 دقيقة واذا مشي يكون مشي سريع تقريبا ساعه وان شاء الله بعد فترة يمكن اقل من 3 شهور بتشوف الفرق بين اذا نزل الوزن خلاص انسى الضرب بالخمس وقلل كميات الاكل سؤ عيش او حلويات لانك بتحرقها مع الرياضة وحاول تكون الرياضة جزء من حياتك وخل عندك يوم في الاسبوع فري يعني تاكل الي تبغيه واتمنى لك الوزن المناسب

[ziad1971]

قهر وتفكير مع حبتين بندول
على طول بخف وزنك
ههههه

افضل طريقة هي المشي كل يوم بمعدل ساعة، وكثرة شرب السوائل قبل الاكل تساعد على سرعة الاشباع وعدم تكملة الوجبة
ملاحظة في موضوع المشي
ممكن نمشي كل يوم و لكن ما نستفيد... افضل شيء وانت تمشي انك تحرك يدك وكتفك يمين ويسار ... وخطواتك لازم تكون سريعة ... لغاية ما تتعود ... حاول تجري لو عالاقل ربع ساعة مع المشي.

ولا تنسى حاول طول الطريقة تذكر الله عشان قلبك يكون مطمئن بذكره

[فريج النجادة]

قهر وتفكير مع حبتين بندول
على طول بخف وزنك
ههههه

افضل طريقة هي المشي كل يوم بمعدل ساعة، وكثرة شرب السوائل قبل الاكل تساعد على سرعة الاشباع وعدم تكملة الوجبة
ملاحظة في موضوع المشي
ممكن نمشي كل يوم و لكن ما نستفيد... افضل شيء وانت تمشي انك تحرك يدك وكتفك يمين ويسار ... وخطواتك لازم تكون سريعة ... لغاية ما تتعود ... حاول تجري لو عالاقل ربع ساعة مع المشي.

ولا تنسى حاول طول الطريقة تذكر الله عشان قلبك يكون مطمئن بذكره


اجمل ما في المشي التفرغ في ذكر الله

[w.qatar]

لا تعتمد على المشي الجري نتايجه ممتازه في حرق الدهون

اعتمد على السلطات و البروتين و ابتعد عن السكريات و الدهون و اشرب 2 لتر ماي يوميا

وبتشوف النتايج من اول شهر

[خالد البلوشي]

مساء الخير عزيزي .. فريج النجادة إليك هذا النظام ربما يفيدك

ممارسة رياضة المشي السريع 45 دقيقة يوميا أو 4 أيام بالأسبوع ..
ممارسة تمارين شد البطن و الخصر ..

اقتناء بدلة التنحيف المساعدة على طرد السوائل و افراز التعرق اثناء التدريب و هي متوفرة بالصيدليات..

الإكتفاء بالفترة المسائية بتناول الخضروات و الفواكه و الزبادي الخالية او قليلة الدسم ..و شرب كوب ماء مع عصر الليمون فيه .. و الإكثار من شرب الماء بشكل عام و الإبتعاد عن المشروبات الغازية و التقليل من المشروبات الساخنة


التقليل من الخبز الأبيض قدر المستطاع و الابتعاد نهائيا عن الحلويات و الشيبس .. ( شيبس ليز و البفك و إلخ)


تهيئة النفس على الالتزام لفترة طويلة بالتمارين و النظام الغذائي ..

و الأهم من كل هذا هو الإلتزام لفترة لا تقل عن ست شهور .. و نصيحتي أن لا تحرم نفسك من الطعام في فترة الإفطار و الغداء و عليك بالمقبلات قبل الغداء كالشروبة و السلطة لأنهما ستخففان من تناولك من وجبة الغداء الرئيسية ..

[حسن]

اذا ماتبي تعور راسك كلش وبتنزل غصب طيب
اشترك في الدايت وفك عمره وبتنزل صح
مع شويه مشي بتنزل مضبوط وسريع

ولا سوى فحص الدم لتحديد ماهي الوجبات المناسبه لك والمسببه في زياده الوزن

وهو الاهم

[qatari93]

اذا ماتبي تعور راسك كلش وبتنزل غصب طيب
اشترك في الدايت وفك عمره وبتنزل صح
مع شويه مشي بتنزل مضبوط وسريع

ولا سوى فحص الدم لتحديد ماهي الوجبات المناسبه لك والمسببه في زياده الوزن

وهو الاهم

انا معاك لاكن بعد ماتوقف الاشتراك ..

يرد الوزن بشكل سررررريع ..

--

انا انصحك بالاعتدال فقط ف الاكل ..

عشان النزول السريع بيرجع الوزن سريع ..

واهم شي تكون العزيمة عندك قوووووويه ماتضعف قدام اكل البيت ..

[حسن]

انا معاك لاكن بعد ماتوقف الاشتراك ..

يرد الوزن بشكل سررررريع ..

--

انا انصحك بالاعتدال فقط ف الاكل ..

عشان النزول السريع بيرجع الوزن سريع ..

واهم شي تكون العزيمة عندك قوووووويه ماتضعف قدام اكل البيت ..

وعلشان جذي قلت لك فحص الدم هو الاهم بتعرف ايش الاكل اللي مسبب لك بزياده الوزن
في شخص لو ياكل عيش ليل ونهار تلقاه مايمتن

[توشيبا]

بطل عيوش

واكل خمس وجبات في اليوم بس وجبات علي قولتهم لا تسمن ولا تغني عن جوع

[Rashid554]

انا قررت اجرب اخر مرحله وهي اسباير اكتفتي وفي حال فشلي بضطر اسوي العملية

على كلامهم اسباير اكتفتي فيها نظام صحي + انشطة رياضيه مختلفة ( سباحه ، كرة قدم ، جري .. الخ )

بنشوف ونجرب

[جوال 11]

فيه شخص ذكر بعد تسممه من مطعم مرمرة اسطنبول خسر 25 كيلو من وزنه رب ضارة نافعة

[بو خليفه 123]

انا اخبر جسمك سمبتيك ..

اهم شي خفف من العزايم آخر الليل و اقصى حد للعشاء يكون 8 بالليل

اذا تقدر عقب صلاة الفجر تمشي بالكورنيش لمدة ساعه

و عليك بالريوق الزين :

1- فواكه
2- كورن فليكس
3- بيض مسلوق
4- مكسرات مع روب


كل الي بخاطرك لا تحرم نفسك بالوجبات الاخرى بس قلل من الكميات .

[دايموند]

روح اكل من مطعم مرمره اسطنبول وبتنزل 25 كيلو هههه

[حسن]

فيه شخص ذكر بعد تسممه من مطعم مرمرة اسطنبول خسر 25 كيلو من وزنه رب ضارة نافعة

ضحكني هذا الرد

معقوله نزل هذا الوزن شدعوه اعتقد لو خطيت حلجي اسبوع كام مانزلت 5 كيلو

25

قويه الصراحه

[فريج النجادة]

روح اكل من مطعم مرمره اسطنبول وبتنزل 25 كيلو هههه

هههههههههههههههه

حرام عليك

[بصمة قطرية]

عليك بالماي كثر منه لأنه يملي المعدة و يقضي على شعور الجوع ..
و السلطة والشوربة خلها قبل الوجبات الأساسية ..
الفواكه لو حسيت بجوع ..
لا تحرم نفسك من أي شي كل اللي تبيه بس قلل الكمية ..
إشرب الشاي الأبيض أو الأخضر بعد الأكل بساعه
جداً ممتاز يحرق الدهون ..
ممكن تعتمد على العصاير اللي تحرق الدهون
مثل الأناناس الكيوي التفاح الأخضر ..
لازم تراقب السعرات الحرارية تعرف كمية السعرات
في اللي بتاكله ..
مرات في ناس ياكلون وجبة في اليوم بس هالوجبة عن ثلاث وجبات
لأنها غنية بالسعرات الحرارية ..

[أين الحل ؟]

في طريقه سهله وسريعه ولكن ممكن تكون خطره نوعا ما
احد الاشخاص الذين اكلو من المطعم الى في فريج بن عمران تسموو ونزل 25 كيلو في ايام
انت اكل مره ونص في هذا المطعم راح تنزل 37.50 كيلو جرام في خلال ايام .

تحياتي لك

[جوال 11]

ضحكني هذا الرد

معقوله نزل هذا الوزن شدعوه اعتقد لو خطيت حلجي اسبوع كام مانزلت 5 كيلو

25

قويه الصراحه

اقرأ هذا الموضوع
http://www.qatarshares.com/vb/showthread.php?595400-%C3%CD%CF-%D6%CD%C7%ED%C7-%E6%C7%DE%DA%C9-%C7%E1%CA%D3%E3%E3-%DD%DE%CF%CA-25-%DF-%E3%E4-%E6%D2%E4%EC-%C8%D3%C8%C8-%C7%E1%CD%C7%CF%CB

[مــاي ورد]

اللي وزنهم فوق 80 المفروض ما يحطون ردود

[حسن]

في طريقه سهله وسريعه ولكن ممكن تكون خطره نوعا ما
احد الاشخاص الذين اكلو من المطعم الى في فريج بن عمران تسموو ونزل 25 كيلو في ايام
انت اكل مره ونص في هذا المطعم راح تنزل 37.50 كيلو جرام في خلال ايام .

تحياتي لك

الصراحه انت حليت مشكله يعاني منها الكثير ويسافرون حق خريس علشان قص معده
يعني فكرتك زينه لو نسويها نفتك من هل الاوزان وكلها سندويش ب 5 ريال وانقز
بس خلك في البيت ماتطلع وقريب wc

هاهاها

[كايد الوكره]

ابحث عن دكتور دشتي ..
وله 4 مراح ..

مرحله الحث مدتها اسبوعين وهي تعتمد فقط عن البروتين ( بيض - سمك - لحم - دجاج )
الاسبوعين تنزل 4 الى 6 بدون رياضه ..

[المحاميه]

ماشاء الله الكل قام يفتي

بس ضحكتني الردود اللي تقول اسرع حل تاكل من مرمره اسطنبول هههه

[المعنى88]

اللي وزنهم فوق 80 المفروض ما يحطون ردود
على كيفك .........؟

[بـن عدوان]

المشي السريع فوق النص ساعة لانه بعد النص ساعة يبدأ الجسم يحرق ... عندك رياضة السيكل وايد مفيدة تحرق الكرش بسرعة ... شرط فوق النص ساعة

بالنسبة للأكل ... حاول شوي تبعد عن الدهون ... لاتمنع نفسك عن الاكل بس الفكرة هي انك تقلل من الاكل بس .. قلل من السكريات لانه السكريات هي تخلي الجسم يكون دهون ... حلويات مشروبات غازية .. الخ

للعلم اللي يبي ينزل وزنه اسهل من اللي يبي يزيد وزنه

[كيلو حديد]

خذ سوائل لمدة شهر نفس الي مسوين عملية قص المعدة وبتنزل أكيد


جربت لمدة اسبوع تمر وماي بالبداية تعبت وألم بالمعدة وبطني يعصرني عصر
عقب يومين تعودت وبديت أحس بالنشاط والحيوية*
مع التمر والماي سلطة حتى الاشباع
واذا جعت و تعويض للبروتين كنت أكل كم سيخ كباب مع جرجير فقط
نزلت بأسبوع حوالي ظ§ كيلو وصرت أنشط وأخف

ما ملأ ابن آدم وعاء شر من بطنه
خل هالحديث بعقلك و قدام عيونك بتعرف كيف تهتم بصحتك .

ولا أنسى الرياضة المشي السريع وتمارين التنطط نسيت اسمها وموجوده باليوتيوب
هالتمارين ع تفاهتها عذاب ونتائجها جدا عجيبه

[الدوحه1]

المعادله سهله..

السعرات الحراريه المحروقه لازم تكون اكثر من السعرات الحراريه المستهلكه!!

فمثلا اذا كنت تستهلك 2000 كالوري في اليوم فعليك احراق على الاقل 2000 كالوري في اليوم عشان تحافظ على وزنك واكثر من هالرقم اذا كنت تبغي وزنك ينزل.

[حمد 2002]

لاتاكل شيء

[qatara]

كل ماتشتهي وجميع انواع الاكل


1- بشرط لاتقوم من الوجبه شبعان سوا الفطور او الغدا او العشاء

مثلما اوصى الحديث الشريف ثلثا لطعامك وثلثا لمائك وثلثا لهوائك

2- والشرط الاساسي ان تاكل اي شي بين الوجبات

وستلاحظ نفسك بدون اي عمليات او اي مراكز صحيه تنزل شياء فشياء
وبدون ان يتضرر جسمك من نقص اي نوع من الفتامينات

[Al Basha]

بسيطة ..
خفف الكاربوهيدرات .. ( العيش والخبز بكل أنواعه ) ، صعب نقولك لا تاكل .. لكن الخبز اقطعه كامل .. لا ابيض ولا اسمر .. والعيش لو فيك حيل تاكل صحن صغير عيش بني .. هذا زين .. عيش أبيض ما راح ينفعك أبد راح يتعبك ..
خل أكثر من نص الوجبه خضروات .. وصدر دجاج زوين حق البروتين .. تقدر يوم تحط لك لحم وأيام سمك بالذات التونة والسلمون لكن انتبه لطريقة الطبخ .. القلي راح يترسه زيت وبالتالي مافي فايدة .. وعشان هالشي قلت لك صدر دجاج مسلوق ..

الله الله بالبيض .. ولا تكثر من الصفار وكثر من البياض .. و خفف من الحليب بالذات بالليل بكل أنواعه .. ولحد يقنعك بسالفة قليل الدسم .. نعم هو قليل الدسم لكن مليان سكريات وبالتالي مافي فايدة بالذات بالليل..
كثر ماي .. اقل شي اقل شي لترين .. ولاحظ إن لترين يعتبر قليل ..
بالتالي سو لك 3 وجبات باليوم .. ووجبتين سناك خفيف .. ( فواكة .. مكسرات .. زبادي .. بالذات اليوناني .. Greek Yougrt ) .. ولا تروح بتفكيرك بعيد تقول شوية بسكوت مع قفشتين نوتيلا .. لا لا لا .. انت كذا دمرت الدنيا :)
وبس لا تاكل حلويات وسكريات ومشروبات غازية ولا تحط سكر على الشاي أو القهوة .. ولو تبي مفعول قوي تقدر تضيف قد ملعقة شاي خل تفاح للماي اللي تشربه .. ( لو عندك غرشة نص لتر لكن انتبه لازم تكون زجاج ) هالشي بيساعدك تحرق دهون وبيعطيك طاقة .. بشكل عام البهارات ما عندك فيها أي مشاكل عدا الملح .. تقدر تخلط زنجبيل مطحون مع الشاي الأخضر زوين يساعدك تحرق دهون ما تحرق أشياء ثانية ..
واللي يقولك خفف لا تحرم نفسك هذا يبيك بدال ما تخلص بشهر تخلص بـ 3 شهور .. احرم نفسك شهر .. وإمش صح .. عقب لا وصلت للي تبيه تقدر تخربط بالاكل باعتدال لأنك بالاخير وصلت للوزن اللي تبيه والمحافظة أسهل من البناء ..

نسيت أقولك .. ابعد عن العصاير واستبدلها بالفواكه .. أو لو حبيت تقدر تسوي لك عصير خضروات وتحط لك قطعة تفاح او موزة عشان الطعم .. لكن تعصر 10 برتقالات عشان تاخذ قلاص عصير برتقال كذا مافي فايدة وتعتبر أكلت واجد ولو إنه شي صحي ومفيد ..

عاد الباقي عليك .. امش شوية .. على جري شوية .. على تمارين سويدية شوية .. وبس .. وباذن الله أمورك طيبة . .

[alsoq]

اخوي تبي تحافظ على وزنك وتنزل ولا يترهل جسمك

اتبع برنامج رياضي روح للصاله واخذ منه الجدول

وابتعد عن الدهون والاكل الدسم يعني على خفيف

[المحاميه]

اللي وزنهم فوق 80 المفروض ما يحطون ردود

وليش أن شاء الله أخت ماي ورد ؟

[ANONYMOUS]

كيف ارادتك ؟ اذا ماعندك اراده سو عملية شق معده

[فريج النجادة]

اشكر اخواني الكرام على مشاركاتهم المميزة

من يزيد يا شباب

[بو خليفه 123]

اللي وزنهم فوق 80 المفروض ما يحطون ردود

ههههههه

يعني اغلب الاعضاء بتحرمينهم من المشاركه

[ورد الدوحه]

الاشتراك في دايت ديلايتس اينزل خمسة كيلو في الشهر انا امجربة