أفضل مقاولين البناء .. وأسعارهم

[Chambray]

انا عندي تقريباً الفيلا مساحتها 770 متر تقريباً

مادري شلون راح تكون الحسبه ؟؟؟؟؟ وعلى اي اساس راح يحسب ؟؟؟

أبي البيت عظـم بس .. وانا باشطبه على راحتي ..


أيضاً حبيت أعرف متى نقدم على عروض الاسعار .. ومتى ناخذ الدووور من عند المقاول .. إذا كنت ابي ابني في شهر أبريل القادم 4 - 2007

وهل يصير أبني الفيلا فقط ومن ثم لاحقاً ابني الملاحق والمجلس الخارجي مثلاً ؟؟؟؟؟؟؟

ولا لازم ابني كل شئ مرسوم في الخرايط ؟؟؟؟؟؟؟؟؟ بالضبط

بخصوص السور الخارجي ، لازم ابني السور كامل ( 4 ) جهات
ولا ابني بس جهة الشارع لان الجهات الأخرى هي لأسوار جيراني !!

[Chambray]

رد على الاقل يجبر الخاطر :)

[بويوسف]

هلا اخوي الدبلوماسي ان شالله نجاوب رد يجبر الخاطر وينفعك باذن الله .. :)

الحسبة عادة تكون بالمتر المربع هذا اذا بغيت تعرف كم التكلفة التقديرية .. عليك ان تعرف سعر البناء للمتر هذه الايام ومن ثم تضربه في مساحة البناء وسيعطيك التكلفة التقريبية ..

بدأ وقت البناء يتم بالاتفاق مع المقاول وحسب ارتباطه وموافقتك انت وحسب ماتكون جاهز بالمال.

نعم يصير تبني البيت وبعدين تبني باقي الاشياء بس اذا مرت اكثر من سنة ستحتاج الى تجديد رخصة البناء من البلدية وذلك بعد استخراجها.

وبخصوص السور نعم يجب ان تبني السور كامل حتى تعرف حدود ارضك ولاتتعدى على حدود جيرانك ..

هناك موضوع عن كيفية اختيار المقاول كتبته منذ مدة ان شاءالله يكون مفيدا لك.

وتقبل تحياتي

[المخلب]

هلا اخوي .. شخبارك .. الله يهنيك .. بس ابيك تجاوب على كم شئ ..


انا عندي تقريباً الفيلا مساحتها 770 متر تقريباً

زين الارض كم مساحتها ؟؟ وبأي منطقه ؟



مادري شلون راح تكون الحسبه ؟؟؟؟؟ وعلى اي اساس راح يحسب ؟؟؟

أبي البيت عظـم بس .. وانا باشطبه على راحتي ..

راح تكون الحسبه بالامتار .. وتقريبا بيركز بالصبيات الي عندك السقوف وعمدان الاساس (( كم عددها وعرضها علشان الحديد يدش بالتكلفه الاساسيه )) .. اما الطابوق ورمل وغيره تحصيل حاصل (( شكليات بس سعرها لازم ينحسب ! (( والطابوقه بريال اذا ماتغير سعرها )) ..

واكيد يختلف ان كان طابوق اسمر وله عازل (( احمر ))



أيضاً حبيت أعرف متى نقدم على عروض الاسعار .. ومتى ناخذ الدووور من عند المقاول .. إذا كنت ابي ابني في شهر أبريل القادم 4 - 2007

اعتقد الطوابير خفت مو مثل اول ! اذا كلش كلش بأخرك 3 شهور (( بالكثير )) ..



وهل يصير أبني الفيلا فقط ومن ثم لاحقاً ابني الملاحق والمجلس الخارجي مثلاً ؟؟؟؟؟؟؟

ولا لازم ابني كل شئ مرسوم في الخرايط ؟؟؟؟؟؟؟؟؟ بالضبط

حسب الفيلا .. ولاتنسى لو عندك جيران بالخلف ! وتبي تبني ملحق خلفي بتتبهدل مع الهوز ! ..

اما المجلس سهل مايبيله شئ لانه على الشارع .. لكن اكرر حسب موقع الارض ( باي منطقه ؟ )



بخصوص السور الخارجي ، لازم ابني السور كامل ( 4 ) جهات
ولا ابني بس جهة الشارع لان الجهات الأخرى هي لأسوار جيراني !!

ان كانت فيلاتك خارج الدفنه (( تقدر تبني سور واحد فقط ! الامامي )) بشرط الاتفاق مع الجيران ان يسمحونلك انك تستغل سورهم !! .. اما ان كانت الفيلا في منطقه الدفنه او احد الجيران ( الي صوبه السور ) مب راضي فتتخالف عليها ان مابنيت سور !


ان شاء الله اكون جاوبتك بقدر الامكان .. واسمحلي على القصور .. المخلب :)

[Chambray]

مشكورين على التوضيح
لكن ماقلتولي كم سعر المتر تقريباً حالياً .؟؟؟؟؟؟؟؟؟؟؟
والمنطقة ياخوي المخلب هي في عين خالد والارض مساحتها 1240

[قناص قطر]

السلام عليكم

بخصوص الاسعار ارتفعت انا باني 1150 المير الحين 1600 ريال تقريبا هذا اذا حصلت

اما بخصوص المقاول نصيحه خذ واحد من النص او جديد يعني يبي يثبت وجوده بيحط في الفيلا كل طاقته

اذا خذت واحد معروف وكبير بالسوق وها سلاح ذو حدين
1- اما تكون قوي وتنتصر عليه
2- تكون ضعيف وتتوهق معاه

انا مع المقاول تاخير سنه ونص الحين مب راضي يخلص وعلى فكرة علية غرامه يومية 400 ريال مب مفتكر يعني تبي روح اشتكي بالمحاكم وهو يدري يعني اذا رحت المحكمه ولا بعد سنتين بحصل شيء

على العموم بخصوص السور لازم 4 جهات

نصيحه لاتسوي عظم بس

عظم مع الكهرباء والماء والبلاستر

عقدي مع المقاول انا احضر الرخام والحمامات وانت بكرامه وهو علية التركيب

يعني تسليم المفتاح بس الاشياء اللي فيها اختيار

مثل السلالم من الرخام على الشراء وعلية التركيب

الحمامات على الشراء وعلية التركيب

والارضيات والحوش اذا سيراميك على الشراء وعلية التركيب

تدري مسوي عقد مع المقاول صاااح من كثر الخساير

موقع معاه العقد يوم كان الطابوق الاحمر بريال وخمس وعشرين درهم

الحين شوف الطابوق الاحمر كم سعره

مساحة الفلل 3500 متر

اما بخصوص الملاحق والمجالس لاتحاتي اذا كانت الفكرة جاهزة نفذها

اما مسألت انك بعد بناء الفيلا تبني الملاحق والمجلس مافي مشكله خلص براحتك

البلدية ماعنهم مانع تسوي اضافة فقط

اسمحلي على الاطاله واي شيء انا حاضر

[المخلب]

مشكورين على التوضيح
لكن ماقلتولي كم سعر المتر تقريباً حالياً .؟؟؟؟؟؟؟؟؟؟؟
والمنطقة ياخوي المخلب هي في عين خالد والارض مساحتها 1240

بيتنا الي الحين جالسين نشطبه بحدود 1200 او 1000 للمتر (( هل الكلام صارله سنتين ! )) والمقاول الي تعاملنا معاه تعبان جدا ! بطيئ حده .. والصراحه نذل بنفس الوقت ..

اعتقد الحين السعر يختلف عند الفهد << (( هذا غالي بس شغل ترتيب )) يمكن 2000 او اكثر !!

وعند غيره تحصل المتر هل اليومين على 1600 الى 1800 .. بس اهم شئ شف له فيلا مسويها واذا تقدر اسال صاحب الفيلا ( الي شفتها ) عن المقاول قبل ماتاخذه !

خذلك واحد زوين ومثل ماقال قناص .. جديد (( بس جديد مو يتعلم عليك ! يعني عنده خبره )) والعمال تأكد انهم من النيبال ومن باكستان والهند ! ولا توهق روحك بمصريين !! ترى ماعوروا راسي وراس ابوي الا هم ! ناس تغث الله يكافيك الشر ! .. اهم شئ يكون على راسهم مشرف عمل !! ترى من دونه بتم سنتين ومابتخلص ! ..

واحب انوه .. اهم شئ الاستشاري الي انت حاطه يكون جيد ! شخص ملتزم يروح ويجي على البيت ! واي خطأ يتحمله هو ما يتهرب منه .. والبيت يبيله مجابل ! يعني ان تركته ولو اسبوع رحت وطي ! ..

والله يوفقك ان شاء الله .. اي استفسار حاظرين .. :)

[Chambray]

:eek3: :eek3: :eek3: :eek3: :eek3:

كلامكم مفيد ، بس يغث صراحة :eek3: :eek3: :eek3:

والله اني بتلشت مع هالبيت ..

يالله .. بناء البيت يعتبر وسيلة لتخفيف الوزن :D :D


ألف شكر لكم على النصايح الزينه والمفيده

مع اني مفكر اني ابني البيت على راحتي .. يعني ما يهمني الوقت الي يخلص به البيت ..

لان ميزانيتي هي ميزانية عظم وكهرب وماء وبلستر وبس .. ماعندي حق تشطيب واثاث .. علشان جذية ماخذ نفسي على سعه ..

أكرر شكري لكم وجزاكم الله خير ..

[قناص قطر]

بالتوفيق اخوي

بس البيت ياكل اكل بالتشطيب والقهر مايمشي قد ما دف فيه مافي اي تحرك

بس والله ايام حلوه صج تعب وقهر وضغط
بس ايام حلوووووووه

[Chambray]

بالتوفيق اخوي

بس البيت ياكل اكل بالتشطيب والقهر مايمشي قد ما دف فيه مافي اي تحرك

بس والله ايام حلوه صج تعب وقهر وضغط
بس ايام حلوووووووه


احين سعر العظم مع مقاولة الكهرب والماء كم تقريباً على المتر المربع ؟؟ تقريباً


لكن التشطيب راح اخذ راحتي فيه ، لاتحاتي .. :d

[ابن ادم]

روح لجنة قبول المهندسين في برج التخطيط وأطلب منهم قائمة المقاولين وتصنيفاتهم

[ابن ادم]

للعلم في 1400 شركة مقاولات في قطر هذي السنة وكان من قبل 3 أو 4 سنين 2000 شركة بس خسر بعضها فتقلص إلى 1400

[المخلب]

صحيح ترى التصنيف مفيد ... في مقاولين درجه اولى .. وفي مقاولين درجه ثانيه .. وفي مقاولين مستبعدين ! (( بسبب كثره المخالفات الي يسوونها )) ..

ويختلفون المقاولين .. في منهم حق عماير .. ومنهم حق بيوت وقصور ..

:) :) :) زياده المعلومات تفيد :) :) :)

[Chambray]

ألف شكر على المعلومات المفيده


روح لجنة قبول المهندسين في برج التخطيط وأطلب منهم قائمة المقاولين وتصنيفاتهم



وين مكانه بالضبط اخوي واي طابق
وجزاك الله خير

[ابن ادم]

الظاهر وأظن الطابق السادس، بس نصيحة قبل ما تروح أتصل في هيئة التخطيط (البرج) البدالة وأتصل فيهم وقول لهم خلهم يحولونك إلى لجنة قبول المهندسين واستفسر عن هذه القائمة...والله أعلم

[Khalid222]

السلام عليكم

بخصوص الاسعار ارتفعت انا باني 1150 المير الحين 1600 ريال تقريبا هذا اذا حصلت

اما بخصوص المقاول نصيحه خذ واحد من النص او جديد يعني يبي يثبت وجوده بيحط في الفيلا كل طاقته

اذا خذت واحد معروف وكبير بالسوق وها سلاح ذو حدين
1- اما تكون قوي وتنتصر عليه
2- تكون ضعيف وتتوهق معاه

انا مع المقاول تاخير سنه ونص الحين مب راضي يخلص وعلى فكرة علية غرامه يومية 400 ريال مب مفتكر يعني تبي روح اشتكي بالمحاكم وهو يدري يعني اذا رحت المحكمه ولا بعد سنتين بحصل شيء

على العموم بخصوص السور لازم 4 جهات

نصيحه لاتسوي عظم بس

عظم مع الكهرباء والماء والبلاستر

عقدي مع المقاول انا احضر الرخام والحمامات وانت بكرامه وهو علية التركيب

يعني تسليم المفتاح بس الاشياء اللي فيها اختيار

مثل السلالم من الرخام على الشراء وعلية التركيب

الحمامات على الشراء وعلية التركيب

والارضيات والحوش اذا سيراميك على الشراء وعلية التركيب

تدري مسوي عقد مع المقاول صاااح من كثر الخساير

موقع معاه العقد يوم كان الطابوق الاحمر بريال وخمس وعشرين درهم

الحين شوف الطابوق الاحمر كم سعره

مساحة الفلل 3500 متر

اما بخصوص الملاحق والمجالس لاتحاتي اذا كانت الفكرة جاهزة نفذها

اما مسألت انك بعد بناء الفيلا تبني الملاحق والمجلس مافي مشكله خلص براحتك

البلدية ماعنهم مانع تسوي اضافة فقط

اسمحلي على الاطاله واي شيء انا حاضر


كلام سليم 100 100 انا بنيت عظم وشطبت بروحي وطلعت عيوني وانا ادور ناس للتشطيب وخذ البهدلة .. ابني الحين مع مقاول محترم تسليم مفتاح وانا مرتاح .. التاخير طبيعي ويمكن انشالله على ال 2007 الاوضاع تكون احسن .. وخصوصا توسعة مصنع الاسمنت بتخلص على اكتوبر 2006 وتوسعة مصنع الحديد.. شركة الاسمنت بيكون عندها الردي مكس.. الضغط بيخف على الشركات بنسبة لمشاريع اسياد بس في مشاريع ثانية كبيرة وما توقع بيكون عليها نفس الضغظ .. المشكلة الاكبر هو انك تلقى مقاول يبني لك.. والله يوفقك ...

[Chambray]

الله كرريم ويسهل علينا ...

مشكور على التوضيح اخوي

[porsche]

بالتوفيق اخوي

[Chambray]

الاخ بورش .. ألف شكر لك اخوي الكريم .. والله يوفقنا ويوفقك


بخصوص القائمة .. قالولي تحصلها من لجنة المناقصات المركزية – وزارة المالية !

[Chambray]

اتصلت لجنة المناقصات المركزية وقالولي إذا لجهة حكومية نقدر نعطيك لكن إذا لجهة شخصية مانقدر نعطيك !!
لكن تقدر تدخل على موقعنا وتشوف التصنيف !

http://www.ctc.com.qa/

وهذا موقعهم .. وان شاء الله تستفيدون معاي :)

[Chambray]

أشوف ان العنوان الي عطاني اياه كأنه غلط !!
لكن اعتقد ان الصح هو
http://www.ctc.gov.qa

[khaldoon]

:eek3: :eek3: :eek3: :eek3: :eek3:

كلامكم مفيد ، بس يغث صراحة :eek3: :eek3: :eek3:

والله اني بتلشت مع هالبيت ..

يالله .. بناء البيت يعتبر وسيلة لتخفيف الوزن :D :D


ألف شكر لكم على النصايح الزينه والمفيده

مع اني مفكر اني ابني البيت على راحتي .. يعني ما يهمني الوقت الي يخلص به البيت ..

لان ميزانيتي هي ميزانية عظم وكهرب وماء وبلستر وبس .. ماعندي حق تشطيب واثاث .. علشان جذية ماخذ نفسي على سعه ..

أكرر شكري لكم وجزاكم الله خير ..



اخوي العزيز ...الله يوفقك ان شاء الله وتشوف الخير على هذا البيت ...اعتقد انك لازم تتأكد من مسألة بناء البيت على راحتك بخصوص سلفيات البنوك لاني والله اعلم اعتقد انها لا تجوز اكثر من سنتين...تأكد قبل ما تبدأ لو انك ماخذ قرض من بنك علشان ما يصير غرامات عليك بعد سنتين للبنك والله اعلم .....والله يوفقك

[Chambray]

اخوي العزيز ...الله يوفقك ان شاء الله وتشوف الخير على هذا البيت ...اعتقد انك لازم تتأكد من مسألة بناء البيت على راحتك بخصوص سلفيات البنوك لاني والله اعلم اعتقد انها لا تجوز اكثر من سنتين...تأكد قبل ما تبدأ لو انك ماخذ قرض من بنك علشان ما يصير غرامات عليك بعد سنتين للبنك والله اعلم .....والله يوفقك

غريبه
اول مرة اعرف هذا الشئ

انا اقصد 600 الف من الدولة + الباقي مني لتكملة العظم مع البلاستر مع تمديدات الكهرب والماء .. ومن ثم اشطب على راحتي من بلاط وحمامات وما إلى ذلك :)

[َAMG-QAT]

(يسمح لي الدبلوماسي على طرح السؤال في موضوعه)

الحين المتر المربع لبناء الفيلا من 1600 إلى 2000 ريال
وإذا كان البيت دور واحد فله ارضيه هل يكون نفس السعر للفيلا الدورين؟؟

[khaldoon]

غريبه
اول مرة اعرف هذا الشئ

انا اقصد 600 الف من الدولة + الباقي مني لتكملة العظم مع البلاستر مع تمديدات الكهرب والماء .. ومن ثم اشطب على راحتي من بلاط وحمامات وما إلى ذلك :)




اخوي العزيز انا ما بي اخوفك....انا بس اقلك تأكد قبل ما تسوي شي احتياطا لا اكثر لاني سمعت هذا الشي من قبل....والله يوفقك

[المخلب]

لك سنتين فقط .. بعدها غرامه :)

[Chambray]

لك سنتين فقط .. بعدها غرامه :)

سنتين لين أيش ؟؟

يعني لين اخلص التشطيبات مثلاً ؟؟ ولا لين اخلص شنو بالضبط ؟؟؟ مافهمتكم بالضبط انا ؟؟؟؟

[المخلب]

من اول يوم ينزلون لك فيها دفعه ! يتم احتساب لك الايام لتشطيب البيت من عظم وخلافه حتى المفتاح !! (( لاحظ حتى المفتاح )) يعني لين ما يدخلونلك الكهرب والماي ..

فاذا انت عديت السنتين ومشت الايام وتراخيت في البنيان او عطلك المقاول شهور !!

فبتنضغط ضغط بيكون عليك كثير ..

فبتكون امام امرين ..

1- غرامه ماليه تدفعها عن كل شهر ! ..
او

2- انك تطلب مهله اضافيه من شهر الى شهرين او ثلاث شهور بالكثير ..

بعدها تغرم على التأخير لعدم انجاز البيت في الوقت المحدد

(( هذا القانون يسري عليك ان كان البيت مبني على ارض حكوميه - كبار الموظفين - والقرض قرض دوله ! )) ..

تحياتي لك :)

[khaldoon]

من اول يوم ينزلون لك فيها دفعه ! يتم احتساب لك الايام لتشطيب البيت من عظم وخلافه حتى المفتاح !! (( لاحظ حتى المفتاح )) يعني لين ما يدخلونلك الكهرب والماي ..

فاذا انت عديت السنتين ومشت الايام وتراخيت في البنيان او عطلك المقاول شهور !!

فبتنضغط ضغط بيكون عليك كثير ..

فبتكون امام امرين ..

1- غرامه ماليه تدفعها عن كل شهر ! ..
او

2- انك تطلب مهله اضافيه من شهر الى شهرين او ثلاث شهور بالكثير ..

بعدها تغرم على التأخير لعدم انجاز البيت في الوقت المحدد

(( هذا القانون يسري عليك ان كان البيت مبني على ارض حكوميه - كبار الموظفين - والقرض قرض دوله ! )) ..

تحياتي لك :)



:nice: :nice: :nice: :nice: :nice:

[Chambray]

خلدون - المخلب

مشكورين على التفاصيل الي تكدر :(

[khaldoon]

خلدون - المخلب

مشكورين على التفاصيل الي تكدر :(



وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون...

اخوي العزيز....شوف الموضوع من ناحيه ايجابيه كيف انك عرفت شيء قبل ما تقدم عليه والحمد لله انك ما علقت فيه بل اصبحت على بينه ...الله يوفقك لكل خير وان شاء الله ما يصير الا كل ما تتمناه اخوي

[المخلب]

ليش تتكدر يالغالي .. انت قلت بنفسك تبي تفرشه على راحتك ! ..

اجل خلاص خلص بنيانك قبل سنتين ! (( ان شاء الله لو سنتين الا يوم ! )) اهم شئ تدخل الكهرب والماي .. بعدها خذلك شهور مو ايام .. علشان تفرش كل غرفه لحالها ..

وان بغيت نصيحتي ! (( بس هذا الشئ حط ببالك مكلف ويلعوزك ! )) عقب ماتخلص العظم والاسود - بلستر - اصبغ البيت من داخل اي كلام ( لو ابيض ) ومن برع ( صبغه او ركب حجر متاكد منه ! -- يعني شئ تبيه على طول مو اي كلام -- ) عقبها جيب المفتش مال البلديه وخله يعطيك موافقه ويدخلك الكهرب والماي بعدين اتعاقد مع خبير تصميم داخلي ( مصمم ديكور جبس وغيره ) وقله هاك البيت اجلس فيه قد ماتحب المهم ابي يكون احلى بيت بالعالم ! وكذالك الصباغ جيبلك ناس حريفه يقشرونلك الصبغ الرخيص ! ويحطونلك صبغ مثل الناس محترم وله سراميك على الجدارن -- طايحين فيها موضه هل اليومين :) -- وبكذا لا عليك لا من خصم ولا من عوار راس ولا من بهدله .. وانت براحتك متى ماخلصوا سكنت ! ..

والراي رايك والله يكون بعونك .. :)

[البيرق]

الله يعينك على البنيان
كل من جرب المقاولين سبهم
وكل المقاولين يقولون كلمة واحد (احنا خسرانين في بيتك )وما شفت مقاول قال انا ربحان
التعامل مع المقاولين يبيله فن ومن خبير
اما التعامل مع العمال والفورمنية فصعب ومتعب جدا فاحذر منهم الا ان تكون عندك خبرة وقوة على ذلك (صحية وطريقة تعامل تصلح للتعامل مع العمال)
فالتشطيب عملية صعبة واحسن لك انك تخليها على المقاول
انصحك شوف المقاول الزين الي ماعليه مشاكل ولاتصدق مقاول في عرض اسعار او اي كلام حلو وخلك رسمي وقانوني وفي الغالب انه بتصير مشاكل (حطها في اعتبارك) واستلم البيت كامل من المقاول

[العـوا]

يليت يفيدونا اصحاب التجارب السابقه

[المخلب]

هلا يالاقتصادي .. تدلل ..