مزاد قطر وعقلية بعض الاشخاص !!

[Qt.1]

السلام عليكم

طبعا الاغلبيه ايعرف موقع مزاد قطر او منزل البرنامج , طريقه سهله للبيع والشراء ومجانيه , لكن استغرب من تصرف بعض الاشخاص المسجلين في البرنامج ! مثلا تعرض شي على 100 ايجيك شخص اول ايسوم بــ 105 وايجيك الشخص الثاني يفرق السومه وايسوم بــ 110 للحين الوضع طبيعي ! لكن الي مب فاهمه ايجيك شخص ثالث ايسوم بــ 85 ! هل هالشخص يعني ايحط سعر وخلاص , والا يبي بس ايخرب البيعه , والا بس متملل قال اكتب اي سعر ! شي غريب بصراحه , اذا حد فاهم اشلون هالنوعيه من الناس اتفكر ايفهمني لاني مش فاهم .

[cartier]

عادي وين المشكله العرب تعودو على الرقابه اي برنامج مافيه رقابه كل واحد يطلع الي في جعبته من عبط قله ادب فسق وفجور مثل تويتر فيس بوك يوتوب وهذا البرنامج سالف الذكر

[شيخ الديرة]

هناك أسباب عديدة لذلك، ولكن لا أقل التنويه إلى ان جماعتنا والعرب والمراقبة ووووو....

لو هذا التطبيق موجود في أي دولة ثانية، تلقى نفس التصرفات.

المشكلة الأساسية في التطبيق نفسه، كيف برمجوه أن يكون مزاد، لكن يقبل إدخال أرقام أقل من أعلى عرض؟

إذا فعلا مهتم بالمشكلة، إتصل بصاحب التطبيق، وإحتج له

وهذا إيميلهم
support@mzadqatar.com

[SULTAN1]

جزاك الله خير qt.1,كلامك صحيح، ولكن هناك مافيا في مثل هذي المواقع، بعض اصحاب السلعة المعروضة يتفقون مع بعض أصحابهم بالمزايدة على سلعته وهو على يقين انها ما تجيب هذا السعر (مثل معرض بدل)،أقول الواحد يبتعد عن مثل هذي المواقع افضل

[MAZEN37]

انا اخالفك الراءي
اولا السوق عرض وطلب
ثانيا مزاد قطر موقع علغŒ النت اي شخص يحط سعره محد يقدر يلزمه او دافع عربون يعني المشارك ما تقدر تمسكه
ثالثا نفس الشخص الي حاط اعلان يقدر يلعب بالسعر ويسوم بزود من تلفونات ثانيه واخر شي بطيح براس الفقير وبيدفع زياده حسباله الناس في مزاد صجي
اخيرا انا عن نفسي اشتريت اكثر من 5 مرات بنفس الطريقه احط سعرشراء
انا مقتنع فيه ويتصل فيني ونتواعد تقدر تقولي ليش لانه محد جاد من الي يحط الاسعار
نصيحتي للجميع لا يعتمد علغŒ الي يشوفه من مزايدات ويحكم عقله وكل شيء قسمه ونصيب
وسلامتكم

[حسن]

فعلا انا شفت بعض السومات تكون بعيده جدا عن السعر وعلى طول تشوفها انها
استعباط واستهبال
وانا اعرف راعي الموقع شخصيا والتقي معه ومره خبرته عن هذا الوضع
فقالي في تقدر تبلغ عن المشاركه واحنا على طول نقوم بالاجراء
وهناك مراقبين موجودين فيه

وبعدين شي طبيعي ان تلقى هناك في بعض التجاوزات وخصوصا بالاقنعه
ومن خلف الشاشه

نصيحه لك ولغيرك من مستخدمي الموقع اي اسائه على طول بلغ وبيتخذون الاجراء

[jeep-srt8]

عرضت موتر وصلي ف ربع ساعه 130

والناس شغاله

ويجي واحد بالنص يكتب 85 نخلص اللحين ههههههههههههههههههههههههههههه.

فعلا في عقليات اعوذ بالله

[شيخ الديرة]

هذا ليش مسميه مزاد؟ اذا عرض وطلب يسموه سوق.

المزاد مثل أي بي وغيره ما يسمح لك تحط عرض أقل من أعلى عرض

الأسم غلط, لذلك تلقى التوقعات شي والواقع شي ثان

[ابوالعبد]

ياعزيزي مزاد قطر في ناس يحطون ارقام خياليه علي ارقام سلطه مايسوى حتى 200 يعرضه علي 5000 الاف تلاقي ناس ترد عليهم طقطق عليهم من باب الاستهزاء بسعر الخيالي

لو راعي رقم جاد في بيعته مايحط سعر خيالي بالبيع حتى ناس بتلاقيه يردون ويزيدون بالمعقول هذا مشكله مزاد قطر مافيه مشرفيه او رقابه يلزمون بالعضو بعدم المبالغة بسعر

[ابوالعبد]

مزاد قطر البرنامج للاسف ناس تحط اسعار خياليه علي ارقام ماتسوى لعب في لعب لكن ناس اذكيه ماظن فيهم نقص بالعقل يشترون اشياء مب من سعرها

[q6ri_vip]

ماعنده سالفه اللي يسوم بأقل من المزاد
اذا هو جاد وشراي وماصلح له السعر يتصل براعي السلعة ويتفاهم معاه ويقنعه بالسعر اللي في باله
اما يحط سعر أقل من سعر المزايده فما يحق له المفروض باند ع طول

[puree]

في زر التبليغ لكل رد تشوفه مخالف

واتوقع بعد ما يشوفونه الادارة يتم حذفه

[alsoq]

شوف انا مصمم ومبرمج مواقع
موقع مزاد قطر فيه خلل بسيط انه فاتحه اي واحد يضيف المفروض منه يكون شخص على الموقع ولا يضاف الرد الى بموافقه الاداره بعد ما تطلع على الرد اذا مناسب تعتمده اذا لا تحذفه

هذي مشكله الموقع فقط

[مشـــــاعر]

شوف انا مصمم ومبرمج مواقع
موقع مزاد قطر فيه خلل بسيط انه فاتحه اي واحد يضيف المفروض منه يكون شخص على الموقع ولا يضاف الرد الى بموافقه الاداره بعد ما تطلع على الرد اذا مناسب تعتمده اذا لا تحذفه

هذي مشكله الموقع فقط

عاد الإدارة بتكون فاضية تقرأ مليون رد يومياً وتشوف المناسب والغير مناسب ؟؟

أشوف الوضع عادي
إللي مايعجبك ردّهـ تقدر تسوي له ديليت بنفسك أو تسفهه وماترد عليه وخلآإص . .

[وحيد-الشوق]

انتوا خكم من ذي بعض ارقام السيارات العالم مطيرينها فوق القهررر لين جيت تعرض سلعه سعرها الأصلي قريب ال600 وموجوده في النت يعني اي واحد يقدر يشوف السعر وانت تبي فايدة 100 او 150 بحكم ان البضاعة غير متوفر في قطر يجيك واحد يقولك تبيع ب300 او 400 ياما دعيت عليهم وبعض يردون علي انزين ليش تقول هالكلام مادري شنو يبون نقولهم ناس تحب تبخس بضاعة الناس فقط لاغير

[$1$]

السلام عليكم ورحمة الله وبركاته
الأخوه بنسبة لموقع مزاد نعم هناك ناس تحب الاستهبال والكن هناك إدارة تقوم بمعاقبة كل مخالف وذلك عند تقديم شكوا من صاحب الإعلان ليس من المعقول والمقدرة متابعة كل اعلان والردود عليه وذلك بسبب كثرة الإعلانات فيه وكثر الردود على تلك الإعلانات يجب علينا تشجيع مثل هذه المواقع والافتخار بها كونها تخدم المجتمع القطري بالمجان

[متواصل]

وعليكم السلام ورحمة الله وبركاته

1- وضع الاسعار من قبل البائع _ لاخلاف فيه لو يحط مليون مش مجبور الشراي يشتري
2- اسم الموقع مزاد لايعني ان جميع المعروض يباع بالمزاد ( شخص يقول لاعلى سعر = مزاد ) شخص حاط سعر ثابت فهو قابل للتفاوض بشي بسيط او غير قابل
3- المخربين مثل ( سلعه واصله 300 يجي يسوم ب 150 ) عندك خاصية الحذف على طول لانه شخص تافه ( اذا كنت ترى السلعه لاتستحق المبلغ 300 وان الشخص مزايد عليها من خلال ربعه ،، فلا تشتريها بـ 150 لان صاحبها غشاش في الاصل
4- تعرض سلعه يجيك شخص يقول في الامازون سعرها كذا لاتشترون منه ،، طيب اطلبها للزبائن اذا كنت صادق النية
5- غير ملزم البائع بسعر الامازون ولا غيره - ناهيك بان البائع يبي ربح __ نسبة الربح زايدة قاصرة ___ مش ملزوم تشتري منه
6- اذا كنت ناصح اصدق القول ، ولا راح تكون حاسد اسود القلب ،، مثال تعرض سلعه بـ 400 يقول لك شخص موجودة في جرير ارخص منك بـ 220 وهو كاذب بس يبي يخرب عليك البيعة ،، أو تجده مصر يشتريها منك بــ 220 طيب خذها من جرير اذا كنت صادق؟؟
7- تعرض سلعه وتقول سعري 500 وموجوده السلعة بالمحلات ب 450 ( يعني ارخص بالمحلات) والشاري مخير ،، بعد تجد معترضين عليك ،، طيب ايش يلزمني بسعر المحلات ؟؟؟ وبعدين روح انا ذاكر لك اسم المحل ..

ونقاط كثيرة استكملها فيما بعد ان شاء الله
المهم ان خاصية الحذف لهم بالمرصاد
الا ان بعض المطفوقين كل ماحذفت رده يرجع يكتب ( هذا الحل معاه تحذف الاعلان ) وتكسر الجوال على راسه

[بوحارب]

هلا بوعبدالله

هالاشكال لعبتي

اي شي أعرضه وأشوف رد مايعجبني امسح الرد ولا أفتكر

وتوني عارض بوالين قبل شوي وكاتب نهائي 2800

ودخل واحد لوح كتب ب 2000 شراي هههههه

مسحت رده وخليته مع نفسه ;)

[بـارود]

بعض العقليات المشاركة عقليات بزران
تفهمه بالطيب ما يفهم
ولازم تغلط عليه وتفشله وتدوس في بطنه قدام العالم

المشاكل كثيرة بين الأعضاء
وما نقدر نلقي اللوم على إدارة الموقع

وحدة من المشاكل سالفة البدل بسلعة أخرى
ولما تكتب مالي رغبة في البدل
تجيك ردود نفس اللي قبلها بس بسلع ثانية !

إدارة الموقع ما قصرت ووفرت خاصية
الرسايل sms والاتصال المباشر وخاصية التبليغ
وأتمنى توفر خاصية الحظر وبروفايل خاص لكل عارض

صارت لي سالفة بايخة من ناس غصب طيب تبي السلعة منك
عرضت جوال للبيع وجاتني ردود كثيرة وما قدرت وانشغلت عن الرد
إلا أشوف واحد كاتب أنا صاحب السلعة الحبيب داخل عماد ريبي يخرب
علي البيعة وعذره السخيف ليش ما ترد علي كأن عباله الناس فاضية مثله
لا شغل ولا مشغلة المهم شرشحته ورويته نجوم القايلة هههه بعدها اعتذر
ومسح رده

غير اللي يكلمونك على الواتساب ويطيحونها معاك أنت تكتب اسمك الصجي
يجي واحد يكتب لك علوي ! ترى والله ما طاحت متى المعرفة ؟ هههه

ولما تقوله السلعة انباعت كأنك تقص عليه ويحسب إنك مب صامل وبتهون

[حمد 2002]

هلا بوعبدالله

هالاشكال لعبتي

اي شي أعرضه وأشوف رد مايعجبني امسح الرد ولا أفتكر

وتوني عارض بوالين قبل شوي وكاتب نهائي 2800

ودخل واحد لوح كتب ب 2000 شراي هههههه

مسحت رده وخليته مع نفسه ;)

للحين هالبوالين مابعتهم ؟!

اخبرك اتدلل عليهم من 4 سنين هه هه هه

[النهار]

هلا بوعبدالله

هالاشكال لعبتي

اي شي أعرضه وأشوف رد مايعجبني امسح الرد ولا أفتكر

وتوني عارض بوالين قبل شوي وكاتب نهائي 2800

ودخل واحد لوح كتب ب 2000 شراي هههههه

مسحت رده وخليته مع نفسه ;)

بوحارب الي حط مبلغ 2000 ريال حمد 2002 ههههههههههههه شوف رده عليك

[بـارود]

بعض الزباين في الموقع لازم الإدارة تكتب جنب أساميهم ( بليته )

[العقل المدمر]

عرضت موتر وصلي ف ربع ساعه 130

والناس شغاله

ويجي واحد بالنص يكتب 85 نخلص اللحين ههههههههههههههههههههههههههههه.

فعلا في عقليات اعوذ بالله

بالضببببك هذول اللي يرفعون ضغطي
بديت أشك أصلا ان في جادين فهالموقع

[راجي الْعفو]

وعليك و رحمة الله ..

عموما المفروض على زوار الموقع جميعا اصطحاب النية الطيبه والفعل الحسن ..

والله يعينك ..

[alsoq]

يا خوان هذا اهمال من الاداره
ابسط شي يسون برمجه ما يكون اخر رقم في المزاد يكتب اقله منه مثلا السلعه قيمتها 600 جا واحد حط 650 اللي بعده ما يقدر يكتب اقل من 650 اما يزيد او ما ينضاف السعر اذا اقل

[رجل الجزيرة]

المفروض يعطونهم باند.

[qatara]

شغل دلالوه السيارات

يدز رفيقه عشان يزيد السعر

[يمامـة]

هناك أسباب عديدة لذلك، ولكن لا أقل التنويه إلى ان جماعتنا والعرب والمراقبة ووووو....

لو هذا التطبيق موجود في أي دولة ثانية، تلقى نفس التصرفات.

المشكلة الأساسية في التطبيق نفسه، كيف برمجوه أن يكون مزاد، لكن يقبل إدخال أرقام أقل من أعلى عرض؟

إذا فعلا مهتم بالمشكلة، إتصل بصاحب التطبيق، وإحتج له

وهذا إيميلهم
support@mzadqatar.com

اتفق كليا مع راي شيخ الديرة..

[يمامـة]

المفروض يعطونهم باند.

اشدعوة شبكة الأسهم القطرية :shy:

مال اول الباند .............> سكتي لا يصكونج واحد خاص باسمج ذيه:weeping:

[Qt.1]

فعلا انا شفت بعض السومات تكون بعيده جدا عن السعر وعلى طول تشوفها انها
استعباط واستهبال
وانا اعرف راعي الموقع شخصيا والتقي معه ومره خبرته عن هذا الوضع
فقالي في تقدر تبلغ عن المشاركه واحنا على طول نقوم بالاجراء
وهناك مراقبين موجودين فيه

وبعدين شي طبيعي ان تلقى هناك في بعض التجاوزات وخصوصا بالاقنعه
ومن خلف الشاشه

نصيحه لك ولغيرك من مستخدمي الموقع اي اسائه على طول بلغ وبيتخذون الاجراء

اي يابوعلي هذي اهي الخلاصه

[Qt.1]

والله زهقنا من كثر مانمسح بعض الردود , لدرجة ان الواحد صار ايتردد يعرض سلعته اهناك , لكن هذي مشكلتنا احنى اي شي لازم نستعمله بطريقه غلط , برنامج مجاني وسهل ومرتب وحلو , لكن ايعيبه ضعف الرقابه .

[المحاميه]

مب فاهمين
يبون يكاسرون فالمزاد
اول مره اسمع عن هالموقع
خل نعرض اغراضنا عيل :tease:

[فيصل99]

انا الي يقهرني واحد يعرض قيمة اقل من قيمة السلعة ويقول كاااااااااش,,, الحبيب يظن انا غيره بيدفع اقساط

[Qt.1]

انا الي يقهرني واحد يعرض قيمة اقل من قيمة السلعة ويقول كاااااااااش,,, الحبيب يظن انا غيره بيدفع اقساط

لا يعني كلمة كااااااش اللحين بتغريك بتخليك اتوافق ويمكن اتودي السلعه لين باب بيتهم على بالهم الناس ماشافو خير .

[roma27]

بس لازم يكون هناك رقابه لنه ممكن يستغلونه ضعفاء النفس والخوف على عديمي الخبره والأطفال من استغلالهم من قبل اللصوص والمجرمين لا سمح الله

[قدام]

عادي السوق عرض و طلب وكل شخص يعرض سلعته من وجبة يتقبل العرض و له حرية الاختيار
لان فيه ناس عقليته ( خربانه ) يتم يزايد علي سلعه عشان يرفع سعرها بالاتفاق .. طبعااا من رفيجه راعي العرض

شكرا

[kuwari]

ناس فاضيه الرجال حاط سعر يا تقبله او تزايد او الله يسهل دربك

[كيلو حديد]

ما اشوف فيها شيء
بعض المرات السعر يكون مرتفع والي سام بغالي مب ناوي يشتري
مرات أعطي سعر أقل من الي ساموه وأشتري وما استغرب يوم أنا الي اشتريه
لإن اعرف في كثيرين مب جادين يحطون اسعار خياليه واحيانا الي يبيع يرفع السعر عشان لو نزل المشتري ما ينزل عن الي يريده

[كيلو حديد]

عادي السوق عرض و طلب وكل شخص يعرض سلعته من وجبة يتقبل العرض و له حرية الاختيار
لان فيه ناس عقليته ( خربانه ) يتم يزايد علي سلعه عشان يرفع سعرها بالاتفاق .. طبعااا من رفيجه راعي العرض

شكرا
في الشرع هذه الحركات حرام
وكثير نشوفها تصير في سوق بدل
والله اشوفهم واقول الحمد لله , الله لا يبلانا

[khalid Qtr]

في عقليات تخريبية لا أكثر ، اذكر واحد من الشباب عرض ساعة للبيع ، جاه واحد وعطاه سعر أقل من المطلوب بحوالي 1000 ريال .. قاله بهالمبلغ اخليك تصور معاها بس (:

[S S]

الموقع ممتاز ماعليه كلام بس مشكلته فى التعليقات لو يضيفون له خاصيه التحكم فى التعليقات بيكون افضل يعني اعرض سلعتك وبدون ازعاج

[S S]

لا يعني كلمة كااااااش اللحين بتغريك بتخليك اتوافق ويمكن اتودي السلعه لين باب بيتهم على بالهم الناس ماشافو خير .

واخرتها المبلغ 100 او 200