شنو علاقة خدامتكم بالوايرلس

[المحاميه]

السلام عليكم ورحمة الله وبركاته

الحين كل بيت فيه وايرلس طبعا

لكن هل الدريوليه والخدم مسموح لهم استخدامه ولا لا

اذا الوايرلس له باسورد هل يعرفونه

واذا لا شدراكم انهم مايشبكون منه

بالمختصر هل عادي عندكم الخدامه او الدريول يشبكون عالوايرلس ولا لا

واذا اطلبوا منكم بحجة ان يبون يستخدمون احد البرامج مثال الفايبر عشان يكلمون اهاليهم فري ترضون ولا لا ؟


وشكرا

[alsoq]

انا معطيهم يتواصلون معا اهلهم

[المحاميه]

اها يعني الوضع عادي

[خليفـة]

مالها اي علاقة
وبريئه منه برائة الذئب من دم يوسف
:)

Khalifa

[Dana’1]

حسب الشغالة وشخصيتها
ولو طلبت عادي مو مشكلة

[رهج السنابك]

عادي دام واثقين منها
عندها فيسبوك بعد

مثل ماعيالكم ياخذون باسوورد ماجات على المسكينه تنحرم من النت
والزينه والموثوقه مامنها خوف

[بصمة قطرية]

ما لها اي علاقة لأن ما عندها جوال ..

[يمامـة]

شخصيا تغيرت بنسبة 100% في حق الخادمة في النت مثلها مثلنا..
فالحين جواويلهم مشبوكة بالنت ونشرح لهم اشلون ينزلون هالتطبيق او اشلون يحفظون الصور
او.. او .... ..

وربي يحفظنا و يحفظهم من كل شر..

[راجي الْعفو]

وعليك و رحمة الله ..


ولله الحمد .. حتى جووايل ما عندهم .. اذا بغوا يكلمون ، عن طريق البطاقة ومن تليفون البيت ..

ما أنصح بتوفير النت للخدم والدريوليه درءاً للمفسدة ..

اذا بالجوال و يالسين انشوف بلاوي .. فما بالكم بالنت !


كلكم راع و كلكم مسؤول عن رعيته ..

مع التحية ..

[ودي أكون]

كانت عندنا فلبينيه شايفه شغلها صح ..
الوالده ربي يحفظها كانت اتقولي هي كله عالتلفون كله عالانترنت فالبداية كنت اقول لامي يا يمه اهم شيء شغلها تسويه مالنا خص فيها .. بس اصرار امي وكل مرة معاي ع نفس السالفه قمنا غيرنا باسوورد الانترنت.. بعد الشيخه ع نفس الحاله.. يا انها اعرفت الباسوورد او انها اتعبي انترنت جوال..
مع الايام فتنت عليها وحده الخدامات انها فليل ما تنام وكله عالتلفون مع اني لا حظت هالشيء يوم امي قالت لي بس حبيت اتغاضى عن هالشيء لان شغلها اتسويه فحسيت ان مالي خص فالباقي اهم شيء شغلها .. لكن طلع عندها فيس بوك.. وربع .. واتصور نفسها بلبس قصير الخ ..
ومرة كنت جايه من برع فدخلت غرفتهم ابي اسال عن شيء الا الشيخه حاطه هيتفون وتتكلم .. انصدمت بس سويت نفسي ما انتبهت وهي ع طول نزلته من اذنها .. ومرة فالمطبخ دخلت فجأه الا الشيخه اتقص الطمام وحاطه الهيتفون تتكلم جدام باقي الخدامات وكل وحده فيهم كانت مشغوله.. هاذي بتخرب باقي الخدم..!!
وصادف اني سمعت عن سالفة الخدامه اللي تعرفت ع واحد بالفيسبوك وجابته لين البيت وطلعت معاه.. قلت بنطر لين اتسوي جي ليش .. والوالده الله يحفظها كانت خلاص كارهتها .. الحمدلله حجزنا لها وجبت غيرها .. كبيره فالسن مالها بارض لشيء ومحتاجه الانترنت لان عندها بنت معاقه .. فسمحت لها جوال الجلكسي بشرط ن شافت عليج امي شيء باخذه منج ع طول .. مع ان شكلها يبين مالها ب هالسوالف.. ومع ان الجوال عندها الا اني ماشوفها تمسكه

ولو هي ماعندها بنت معاقه وشفت صورتها.. كنت رفضت انها تستخدم جوال بوكيمرا والانترنت .. وهالشيء منطبق ع باقي الخدم

لا اتأمنين حبيبتي.. والله المستعان

[romoz]

لا ما تستخدم الوايرلس ، اذا بتشبك عن طريق رصيدها

[Rider]

عادي ترى هي انسانه اهم شي ماتقصر في شغال البيت

[شيخ الديرة]

يعطوها الباسوورد, وبعدين يتشكون ليش انهزمت. لأن هناك جماعات يشجعوهم عن طريق الفيسبوك على الهرب, والفلوس, والصور اللي مش ولا بد تطلع من خداماتكم, وماخذيها ببيوتكم. اللعب بالنار خطر.

سايقي أنا حطيت الباسوورد بنفسي بجهاز الموبايل لأن عمره كبير وأنسان واعي وثقة ودائما مع أهله يحل مشاكلهم.

[حياة]

اي عادي يشبكون مافيها شي انا شريت لهم جولات جلكسي
وعطيتهم الباسورد .. بعد عندهم عيال يبون الواتس والفايبر

[المحاميه]

والحل شنو

ناس تقول إيه وناس لا

[الجـــوديّ]

ما لنا حق نمنعهم

تكلم اهلها فري مو مشكلة ..

لكن معروف ان الفلبينيات اكثرهم عندهم حسابات فيسبوك .... والدريولية لابتوبات

والحين تطوروا .. كلن عنده تليفون ذكي ... ويقعد جنب الراوتر يتصفح النت ورسايل الواتساب ...




لو فرضنا كانوا يشوفون أشياء مخلة ..... هل لنا حق نمنعهم ؟!

[يمامـة]

والحل شنو

ناس تقول إيه وناس لا

استخيري وتوكلي باللي يريحج قلبج عليه..

[شيخ الديرة]

لو فرضنا كانوا يشوفون أشياء مخلة ..... هل لنا حق نمنعهم ؟!

شنو معناة أنك الكفيل؟

أنك تكفل للحكومة أن هذا الشخص أن يلتزم بالقوانين ووووووو

أقلك لما كانت خدامتي تروح توصل بنتي ويه السائق للمدرسة, حصلت موبايل دون علمنا, وعليه حساب فيسبوك, وماخذه صور لا تليق أن تؤخذ في بيتي, كيف ليس لك حق في منعهم؟

ولما دخلت بحسابها على الفيسبوك طلعوا الشباب من كل صوب من هنا بالدوحة وبرة الدوحة, ولما صرحت لهم بأنني الكفيل, يقلك الغلطة غلطتك, بكل جرأة

[المحاميه]

بصراحه أحسه تجاوز للخدم
وين قاعدين تلفون ذكي ونت
بعد لو الواحد يعطيهم بطيب خاطر مب مشكله لكن أتيي تطلب ؟ تعدت حدودها

هم جائين يشتغلون ؤلا ايش؟

[ودي أكون]

هل نضمن انهم مايستخدمون الفيس بوك ضدنا ..
او يصورنا او يصورون اعيالنا او اغراضنا او او او
او يتعرفون ع ناس ويطلعون معاهم واحنا ماندري نفس السالفه اللي سمعتها .!
وغير ان السحر بس بالصور يسوونها ..! يعني تضمنين ماتسوي شيء اعيالج..!
او ريلج او لج او او او..


انا ضد النت وعالخرابيط .. الا اذا كنتي تثقين فالخدامه.. مع ان هذيلا المفروض ماينعطون الثقه الكامله يعني لازم رقابه وتدقيق من فتره وفتره


والله المستعان

[راجي الْعفو]

ما لنا حق نمنعهم

تكلم اهلها فري مو مشكلة ..

لكن معروف ان الفلبينيات اكثرهم عندهم حسابات فيسبوك .... والدريولية لابتوبات

والحين تطوروا .. كلن عنده تليفون ذكي ... ويقعد جنب الراوتر يتصفح النت ورسايل الواتساب ...




لو فرضنا كانوا يشوفون أشياء مخلة ..... هل لنا حق نمنعهم ؟!

اهلًا اختي الجودي ..

طبعا لج الحق تمنعينهم من باب انج مسؤوله عنهم .. وهم يعتبرون رعية عندج وانتي راعيتهم ..

مع التحية ..

[romoz]

شنو معناة أنك الكفيل؟

أنك تكفل للحكومة أن هذا الشخص أن يلتزم بالقوانين ووووووو

أقلك لما كانت خدامتي تروح توصل بنتي ويه السائق للمدرسة, حصلت موبايل دون علمنا, وعليه حساب فيسبوك, وماخذه صور لا تليق أن تؤخذ في بيتي, كيف ليس لك حق في منعهم؟

ولما دخلت بحسابها على الفيسبوك طلعوا الشباب من كل صوب من هنا بالدوحة وبرة الدوحة, ولما صرحت لهم بأنني الكفيل, يقلك الغلطة غلطتك, بكل جرأة

كيف تضمن ان بنتك تروح مع الخدامة و الدريول بروحهم

[حسن]

اي نعم عندهم ومخلينه مفتوح بدون باسويرد مسوي سبيل حق الفريج كامل

:)

[شيخ الديرة]

كيف تضمن ان بنتك تروح مع الخدامة و الدريول بروحهم

حتى تروح تجيبها من داخل المدرسة, ما يسمحون للرجال الدخول, أخوها وياهم بالسيارة من مدرسة ثانية

[شيخ الديرة]

اي نعم عندهم ومخلينه مفتوح بدون باسويرد مسوي سبيل حق الفريج كامل

:)

غلطان أبو علي, من الناحية التقنية يمكن تتبع مصدر الأتصال للرسائل اللا أخلاقية او المخلة بالأمن, وبالنسبة لهم طالعة من خطك أنت.

[حسن]

غلطان أبو علي, من الناحية التقنية يمكن تتبع مصدر الأتصال للرسائل اللا أخلاقية او المخلة بالأمن, وبالنسبة لهم طالعة من خطك أنت.

والله ياشيخ مادري عنهم وبعدين مافي مال كيوتل ذاك بوشوارب اللي يقول افاااااااااااا

:)

[الجـــوديّ]

شنو معناة أنك الكفيل؟

أنك تكفل للحكومة أن هذا الشخص أن يلتزم بالقوانين ووووووو

أقلك لما كانت خدامتي تروح توصل بنتي ويه السائق للمدرسة, حصلت موبايل دون علمنا, وعليه حساب فيسبوك, وماخذه صور لا تليق أن تؤخذ في بيتي, كيف ليس لك حق في منعهم؟

ولما دخلت بحسابها على الفيسبوك طلعوا الشباب من كل صوب من هنا بالدوحة وبرة الدوحة, ولما صرحت لهم بأنني الكفيل, يقلك الغلطة غلطتك, بكل جرأة

جميل جداً ...




شلون بعرف انهم يشوفون أشياء مخلة ؟

[شيخ الديرة]

جميل جداً ...




شلون بعرف انهم يشوفون أشياء مخلة ؟

ما تكدر تعرف, ولكن تمنع السبيل الى ذلك. يتكلمون ويه اهلهم بفلوس مباشر من موبايلك ضمن توقيت وكلفة محددة. أشتر راحة بالك.

[المحاميه]

صح. يتكلمون بالبطاقه

لكن واتساب وفايبر وفيس بوك حلوه ذي

بعد ليش يشتغلون خدم عيل بإجر كل وحده ترز مهرتها ف الإنستغرام

[نيساني]

اي نعم عندهم ومخلينه مفتوح بدون باسويرد مسوي سبيل حق الفريج كامل

:)



الشيخ وين بيتكم؟؟؟ هههههههه

بالنسبه لي عندها تلفونين واحد هلا للاتصالات والثاني فودا للانترنت طلبت مني الوايرلس وتم الرفظ

تحياتي للجميع وشكراً

[حسن]

هذولا بشر هذولا اوادم يستحقون الاحترام والتقدير والمساعده

لو لا الفقر ماشتغلو خدم

[معماري قطري]

أَكثر رد ضحكني رد حسن .. هو يقصد يسوي إِثارة ولا متأَكد إِنه حاط باسوورد على الباسوورد

[معماري قطري]

عني انا ما ادري إِذا يستخدمون بس لو للإِتصالات ليش لا هم محتاجين يكلمون أَهلهم لكن دوم نت هنيه بتكون مشكلة

[romoz]

صح. يتكلمون بالبطاقه

لكن واتساب وفايبر وفيش بوك حلوه ذي

بعد ليش يشتغلون خدم عيل.

خدامتي عندها واتس و فيس بوك ، هي عندها عائلة زوج و ابناء ، ام و ابو و اخوان
تبي تتواصل معهم تشوف صورهم ، و هم يشوفون اخبارها

الزمن ترا تغير

احنا اهلنا عندنا ، ما بينا و بينهم الا دقايق ، نتراسل و نسولف على بعض طول الوقت
و هم يشوفنا ان تلفوناتنا عندنا و نصور عيالنا و نتواصل مع اهلنا

ترا عندهم مشاعر ، اذا ما عطيناهم تلفونات و احنا عارفين ، ترا بياخذون تلفونات من ورانا

[المحاميه]

حسن كله يغرد خارج المألوف لأنه خالف تعرف

مب حابه أعطي الخدم لأن مش من حقها خصوصا إنها اطلبت أحسها تجاوزت حدودها

وفنفس الوقت إذا رديتها يمكن تزعل وتحقد

مش عارفه

[شيخ الديرة]

الشيخ وين بيتكم؟؟؟ هههههههه

بالنسبه لي عندها تلفونين واحد هلا للاتصالات والثاني فودا للانترنت طلبت مني الوايرلس وتم الرفظ

تحياتي للجميع وشكراً

ما الفرق بين الوايرلس وال فودا للأنترنت؟ نفس الشي ما عدا السرعة أعلى, وممكن على الوايرلس تشوف فيديو بدون توقف او كلفة.

[حمد 2002]

الباسورد عاااادي

الأدهى من ذلك جوال بوكيمرا ..

ماذا ستفعلون لو صورت أفراد البيت ونشرت الصور بالنت بداعي الانتقام ؟!!


الثقه الزايده مصيبه ..

[المحاميه]

مشكله كل خدامه تعطي العلوم حق الثانيه واحنا نبتلش

[راجي الْعفو]

حسن كله يغرد خارج المألوف لأنه خالف تعرف

مب حابه أعطي الخدم لأن مش من حقها خصوصا إنها اطلبت أحسها تجاوزت حدودها

وفنفس الوقت إذا رديتها يمكن تزعل وتحقد

مش عارفه

قولي لها هذا فيه اشتراك ، ولازم يندفع من وراه فلوس ، وحطي لها المبلغ السنوي اللي يساوي راتبها تقريبا ..

والله هالزمن بلشه .. الله يجيرنا ..

[توشيبا]

تو الخدامه والدريول مسوين لي لايك في الانستغرام

تراهم بشر مب حيوانات

نوثق فيهم وناكل طباخهم ونلبس ملابسنا من بعد غسيلهم لنا وقفت علي واير لس

[شيخ الديرة]

لو لا الفقر ماشتغلو خدم

هذا بيت القصيد, هم جايين يريدون يجمعون فلوس, بأي طريقة, والهروب من الكفيل يتم تشجيعهم عليها عن طريق الأنترنت والفيس وغيرو

مستحيل خدامة تهرب بدون خطة تضمن زيادة دخلها عما تأخذه من عملها عند كفيلها, واجهزة الأتصال الطريقة الضروريه لرسم كل هذه الخطط

[المحاميه]

هي شكلها حد معلمها
لما قالتلي أصلا انصدمت من وين تعرف نت وبأسورد


ؤالله صادق ياحمد
لو صوروا وطرشوا حق أهاليهم وسولك سحر

:( ماذا نفعل

[ودي أكون]

حسن كله يغرد خارج المألوف لأنه خالف تعرف

مب حابه أعطي الخدم لأن مش من حقها خصوصا إنها اطلبت أحسها تجاوزت حدودها

وفنفس الوقت إذا رديتها يمكن تزعل وتحقد

مش عارفه

تزعل بالطقاق اختي .. شتبين ف شغاله تزعل ..!
اذا الخدامه جايه للشغل بتتنازل عن الجوال لانها محتاجه الشغل
اما اذا كانت شريطيه ف هاذي اغسلي يدج منها .. تبي تبي ماتبي تشوف بيت ثاني او ترد مكان ما جات ..

ما باقي الا الخدم يخلونا احنا نشتغل عندهم وهم يتأمورون علينا ..!

لا تعورين راسج معاها ولا تهاوشينها.. كلميها بجد تبي البيت بدون جوال كان بها .. واذا ماتبي رجعيها مكان ماجات منه ..

[حسن]

أَكثر رد ضحكني رد حسن .. هو يقصد يسوي إِثارة ولا متأَكد إِنه حاط باسوورد على الباسوورد

لا والله يا معماري عندي 3 رواترات ويشبكون علي كيفهم والميلس عندنا 3 كوم وبدون بتسورد
الاول تشوف عمال شركه بوم مسدحين عنده كله يشبكون عليه

سبيل ندور الاجر

:)

[شيخ الديرة]

مشكله كل خدامه تعطي العلوم حق الثانيه واحنا نبتلش

هنا حطيتي اصبعك على الجرح. ليش خدامة ماما فلانة عندها وأنا ما عندي؟

القرار يجب أن يكون صارم وبكل صراحة, لا , وبدون رجعة. ليس في عقد عملها أي نص توفير انترنت لها.

[المحاميه]

ماتوقعت أن فيه ناس عادي عندهم ومستهنين بالموضوع

شدعوه

ترا صج ممكن ينحرفون

هم جايين يشتغلون

مب يتصفحون النت

[المحاميه]

المشكله إذا أحقدت بتحطج ف رأسها وبتضرج

مأبي أعطيها

بس مأدري

[شيخ الديرة]

تو الخدامه والدريول مسوين لي لايك في الانستغرام

تراهم بشر مب حيوانات

نوثق فيهم وناكل طباخهم ونلبس ملابسنا من بعد غسيلهم لنا وقفت علي واير لس

وعندهم حسابات أخرى. الشيطان شاطر, وخاصة مع ناس مستواهم التعليمي والثقافي واطئ مثلهم, لا يفرقون بين الزين والشين.

[الجـــوديّ]

اهلًا اختي الجودي ..

طبعا لج الحق تمنعينهم من باب انج مسؤوله عنهم .. وهم يعتبرون رعية عندج وانتي راعيتهم ..

مع التحية ..


هلا أخوي راجي ..
اتفق معك ..


لذلك .. للحين احنا مانعطي الخدم الا تليفون نوكيا البسيط جدا اللي يوفي بالاتصالات وبس

لكن المشكلة اذا صار عنده تليفون ذكي شاريه بحر ماله ....

ومواريه تقول انه يشوف اشياء دامه متعلق بالتليفون وزابن عند اقرب راوتر ..

وبنفس الوقت هناك قاعدة توجيه بأن "وَلَا تَجَسَّسُوا وَلَا تَحَسَّسُوا" وخاصة اذا كانوا مسلمين

فاشتري راسي ومالي خص فيه اذا كان الجهاز من حر ماله.




ما تكدر تعرف, ولكن تمنع السبيل الى ذلك. يتكلمون ويه اهلهم بفلوس مباشر من موبايلك ضمن توقيت وكلفة محددة. أشتر راحة بالك.




الشغالات مقدور عليهم شيخ الديرة .. لكن الدريولية أحسه صعب وبنفس الوقت الواحد يخاف من سوء الاستخدام حتى لو ماعطناهم الباسوورد.. لهم طرقهم وحيلهم.


ما ادري الموضوع عادي ولا أنا مبالغة :(

[حسن]

هي شكلها حد معلمها
لما قالتلي أصلا انصدمت من وين تعرف نت وبأسورد


ؤالله صادق ياحمد
لو صوروا وطرشوا حق أهاليهم وسولك سحر

:( ماذا نفعل


ليش حرام هل القساوه هي بشر والنت اصبح شي عادي
لا تنظرين هذه النظره الدونيه وانتي محاميه
يعني القضاء الواقف
واي صور يصورون ؟؟

يبا انا ذكرت لكم بالتفصيل كيفيه تواجد الخدم في البيت
راجي ردي استفيدي منه انت وغيرك واتركو الخدم في حالهم ولاسفريهم
وبعدين كم خدامه عندك ؟
واتركي حمد لا تسمعين سوالفه قال يصور ليش قاعدين بدون هدوم

انا قايل لو الدوله تمنعهم بترتاح الحكومه بدال هل المنظمات الخايسه
وغيرها

انتي تعاملين الخدم كانهم عبيد

مايجوز


:)

[راجي الْعفو]

هلا أخوي راجي ..
اتفق معك ..


لذلك .. للحين احنا مانعطي الخدم الا تليفون نوكيا البسيط جدا اللي يوفي بالاتصالات وبس

لكن المشكلة اذا صار عنده تليفون ذكي شاريه بحر ماله ....

ومواريه تقول انه يشوف اشياء دامه متعلق بالتليفون وزابن عند اقرب راوتر ..

وبنفس الوقت هناك قاعدة توجيه بأن "وَلَا تَجَسَّسُوا وَلَا تَحَسَّسُوا" وخاصة اذا كانوا مسلمين

فاشتري راسي ومالي خص فيه اذا كان الجهاز من حر ماله.




الشغالات مقدور عليهم شيخ الديرة .. لكن الدريولية أحسه صعب وبنفس الوقت الواحد يخاف من سوء الاستخدام حتى لو ماعطناهم الباسوورد.. لهم طرقهم وحيلهم.


ما ادري الموضوع عادي ولا أنا مبالغة :(

الجودي شوفي انا بقول لج .. احنا الخدامات عندنا في العاده ما نعطيهم جوالات ..

ولكن ان حصل و جت بجوال ، أيا كان نوعه ، نأخذه منها و انقول لها ، مت ى ما حبيتي اتكلمين هلج قولي لنا و احنا بنعطيج ، وعقب ما أتخلص حاجتها ، نأخذ الجوال

[المحاميه]

حسن خف

تبي نت تروح تأخذلها

لكن تطلب البأسورد مني

وين قاعدين إحنا ؟

ماعاملتهم كعبيد لإتالف

الحين عشأن نت قلت أني استعبدهم

[حمد 2002]

هي شكلها حد معلمها
لما قالتلي أصلا انصدمت من وين تعرف نت وبأسورد


ؤالله صادق ياحمد
لو صوروا وطرشوا حق أهاليهم وسولك سحر

:( ماذا نفعل

ترى الخدم اختي المحاميه فيهم معلمين وجامعين فشيئ طبيعي ايعرفون أن عندج واير لس . ونصيحتي لج عطيهم ترى عادي . بس قوليلهم لاتتركون الشغل وتجابلون النت اذا جفتكم كذا بغير الباسورد عنكم .. وهكذا ..


بس حذاري من انهم ايصورون بالكاميرات مال الجوال ..

[حسن]

مايجوز مايجوز

هذا ضلم بين واستحقار لهذه الفئه المسكينه والمغلوبه على امرها

واحنا اللي بحاجه لهم بدونهم الوضع بيصبح زومبي

:)

[بصمة قطرية]

حطيت شروطي قبل لا أجيب اي خدامة
جوال ممنوع
ترضى يا هلا فيها
ما ترضى ما تلزمني ..
الحمدلله خدمي لهم سنين طويلة عندي
مريحتهم و مريحيني جوالي تحت امرهم في اي وقت
حتى لو جاهم اتصال اخر الليل ما راح اعترض ..
طول ما هي جاية تشتغل عندي تلتزم بشروطي
مب انا امشي على هواها ..!!
انا ضد الجوال عند الخدامة ما لها حاجة
شلون اللي قبلها كانوا عايشين من غير جوالات ..!!
بعض الناس خربوا خدمهم بالجوالات اول ما توصل يعطونها جوال ..!!

و بعدين شلون بتعرفين انهم يشوفون اشياء مخلة ..!!؟؟

[بصمة قطرية]

مايجوز مايجوز

هذا ضلم بين واستحقار لهذه الفئه المسكينه والمغلوبه على امرها

واحنا اللي بحاجه لهم بدونهم الوضع بيصبح زومبي

:)

استحقار ..!!!
لا تعليق بصراحة ..

[حسن]

يارب ياررب

محد يدش من المنظما ت الحقوقيه ويقرا بعض الردود

يارب

الحمدلله انهم انقليز مايعرفون عربي

omen

[حسن]

استحقار ..!!!
لا تعليق بصراحة ..

صادتني قشعريره من تفكير البعض نحو الفئه الكادحه والمظلومه

يارباه


:(

[راجي الْعفو]

يارب ياررب

محد يدش من المنظما ت الحقوقيه ويقرا بعض الردود

يارب

الحمدلله انهم انقليز مايعرفون عربي

omen

.. انت مشكله يا بوعلي .. ( ابتسامة )

الموضوع مافيه احتقار .. الموضوع انك انت امام مصلحه و مفسده

والقاعدة ان المصالح اذا تعارضت مع المفاسد ، فدرء المفاسد مقدم على جلب المصالح ..

ومحد يشك في مفاسد النت و الجوال بالنسبه للخدم .. شبعنا و احنا نسمع قصصهم ..

فلازم نعتبر و انحط حد معين لهم ..


وهذا بالعكس .. هو رفق بهم و ليس احتقار .. لانك انت حميتهم من امور يمكن أهاليهم ما يحمونهم منها ..

والله لو تيي اتشوفهم عندنا يا بوعلي ما بتقول الا شي واحد : باقي ينسدحون معنا بالسراير .. الحمدلله الناس مااتقصر مع خدمها ..

لك التحايا المعطرة بالعود الكمبودي ..

[توشيبا]

يارب ياررب

محد يدش من المنظما ت الحقوقيه ويقرا بعض الردود

يارب

الحمدلله انهم انقليز مايعرفون عربي

omen


اي والله هههههه

من كم سنه الوالد جاب نفر مخليه صبي في المعرض

الله يسلمك ابوي يعطيه راتبه يوزعه علي اليهال وبين عليه ولد نعمه

صرنا نشك في وضعه اذا راتبه يوزعه اشلون يكشخ
ومايحلق الا في حلاق تركي بعد ويعطيه بخشيش

بالاخير طلع رجل غني في دولته بس صارت مشكله مع شريك له في مصنع بالغلط ذبحه وحكم بالاعدام بفلوسه شراهم كلهم وعطوه ابعاد عن دولته وجانا بو الشباب ومشغل شركاته اهناك واهو يغسل السيارات في المعرض

بعدها صار حبيب القلب واموره في الروب ومدلع خبرك عنده فلوس :)

[حمد 2002]

حطيت شروطي قبل لا أجيب اي خدامة
جوال ممنوع
ترضى يا هلا فيها
ما ترضى ما تلزمني ..
الحمدلله خدمي لهم سنين طويلة عندي
مريحتهم و مريحيني جوالي تحت امرهم في اي وقت
حتى لو جاهم اتصال اخر الليل ما راح اعترض ..
طول ما هي جاية تشتغل عندي تلتزم بشروطي
مب انا امشي على هواها ..!!
انا ضد الجوال عند الخدامة ما لها حاجة
شلون اللي قبلها كانوا عايشين من غير جوالات ..!!
بعض الناس خربوا خدمهم بالجوالات اول ما توصل يعطونها جوال ..!!

و بعدين شلون بتعرفين انهم يشوفون اشياء مخلة ..!!؟؟

الحين ولد بو 6 سنين عنده جوال وانتي تبين تمنعين خدامه عمرها فوق 30 سنه من أبسط حقوقها وهو الجوال ؟!

اشتريلها على الأقل جوال بدون كيمرا ونت علشان أتكلم أهلها فقط ..


لاتعاملين الخدم وكأنهم بمعتقل غونتناموا !!

[الجـــوديّ]

الجودي شوفي انا بقول لج .. احنا الخدامات عندنا في العاده ما نعطيهم جوالات ..

ولكن ان حصل و جت بجوال ، أيا كان نوعه ، نأخذه منها و انقول لها ، مت ى ما حبيتي اتكلمين هلج قولي لنا و احنا بنعطيج ، وعقب ما أتخلص حاجتها ، نأخذ الجوال


كنت ماعطي ..... ومخلية تليفوني الخاص لها ولرسايلها لين انحطيت أمام الآمر الواقع
اشرط عليهم قبل لاستلمهم من المكتب .. ونكون صارمين في هالشرط ...
لكن ما يعرفون يقعدون ساكتين ... تبتدي الحنة .. ابي تليفوني . وهذا شي شخصي ومن هالكلام ..
عقبها اذا ما عطيتها .. الدريولية بيسربون لها تليفون ....او اتدق بريولها وتقول ردوني المكتب
فصرت اعطي برضاي ولا تلف من وراي


لاول كان لي زيارات مباغته لغرفتهم اشوف اشتحتهم .. الحين وقفتها .... مرضوني من سوالفهم وبلاويهم:(

بنعيش على مبدأ الثقة .. وبنشوف النتايج :)

[حسن]

اي والله هههههه

من كم سنه الوالد جاب نفر مخليه صبي في المعرض

الله يسلمك ابوي يعطيه راتبه يوزعه علي اليهال وبين عليه ولد نعمه

صرنا نشك في وضعه اذا راتبه يوزعه اشلون يكشخ
ومايحلق الا في حلاق تركي بعد ويعطيه بخشيش

بالاخير طلع رجل غني في دولته بس صارت مشكله مع شريك له في مصنع بالغلط ذبحه وحكم بالاعدام بفلوسه شراهم كلهم وعطوه ابعاد عن دولته وجانا بو الشباب ومشغل شركاته اهناك واهو يغسل السيارات في المعرض

بعدها صار حبيب القلب واموره في الروب ومدلع خبرك عنده فلوس :)

الدنيا دواره وذكرتني بحال مصر

رئيسين مسجونين بعد مهب واحد

ايييه دووووووووووونيا


:weeping:

[بصمة قطرية]

صادتني قشعريره من تفكير البعض نحو الفئه الكادحه والمظلومه

يارباه


:(

مظلومة ..!!
صرنا ظالمين ..
لا حول و لا قوة إلا بالله ..

لو ظالمة على قولتك ما قعدت الخدامة عشر سنين
اللهم لك الحمد و الشكر ..



هذا آخر رد لي في الموضوع
لأني فعلاً تضايقت من نفكير البعض
اللي ينظر بنا بأنا نظلم و نحتقر ..!!

[شيخ الديرة]

صادتني قشعريره من تفكير البعض نحو الفئه الكادحه والمظلومه

يارباه


:(
أنا في شغلي موقع على ورقة تقول أن استخدامي للأنترنت في الشغل يكون حصريا من أجل أداء عملي, وبعكسه تعتبر مخالفة ممكن أتعاقب من وراها
يعني لوما ما أحتاج الأنترنت في الشغل, ماكان وفروها

[حسن]

الحين ولد بو 6 سنين عنده جوال وانتي تبين تمنعين خدامه عمرها فوق 30 سنه من أبسط حقوقها وهو الجوال ؟!

اشتريلها على الأقل جوال بدون كيمرا ونت علشان أتكلم أهلها فقط ..


لاتعاملين الخدم وكأنهم بمعتقل غونتناموا !!

تصدق عاد تذكرت مسلسل وداد الكواري حكم البشر

:(

انا صبياني ماعطهم ارقام مميزه اخرها 4 ارقام متسلسله اسئل مستر بن شاريها منه

الا هلا

مساكين فقراء

[حسن]

مظلومة ..!!
صرنا ظالمين ..
لا حول و لا قوة إلا بالله ..

لو ظالمة على قولتك ما قعدت الخدامة عشر سنين
اللهم لك الحمد و الشكر ..



هذا آخر رد لي في الموضوع
لأني فعلاً تضايقت من نفكير البعض
اللي ينظر بنا بأنا نظلم و نحتقر ..!!

هو حد قاب سيرتك ياطنط بصمه !!

انا ؤلت انك زالمه !!

انتو ليه مش عاوزين تعرفو الحئيئه

كبري دماغك ياسيتي

ربنا على الظالم متو لله


omen

[بصمة قطرية]

الحين ولد بو 6 سنين عنده جوال وانتي تبين تمنعين خدامه عمرها فوق 30 سنه من أبسط حقوقها وهو الجوال ؟!

اشتريلها على الأقل جوال بدون كيمرا ونت علشان أتكلم أهلها فقط ..


لاتعاملين الخدم وكأنهم بمعتقل غونتناموا !!

يا حمد اذا عيالكم عندهم جوالات بعمر ست سنين هاي مشكلتكم ..!!
لا تعمم
مب كل الناس مثلكم ..
مشكلتك دايماً تشوف اللي حولك و تعمم ..

وسع نظرتك شوي ..


الحمدلله معتقل غوانتانامو عاجبهم
و مكيفين ..
انت اش حارك ..!!

[حسن]

غوانتنامو

:omg:


:nop:

[النهار]

الحين انتوا ليش تتهاوشون الموضوع عن الخدم واستخدام الوايرلس صج ماعندكم سالفه
هههههههههههههههه
مادري ليش كل موضوع لازم يتحول لدحاس والغبراء

[المحاميه]

المشكله الحريم ابخص بسؤالف الخدم
ؤلا الريائيل وشعرفهم
وكله عندهم حرام ومساكين
كل شيء باعتدال زين
ترا الدلع الزايد يخرب

شكلهم لاعبين لعبتهم من ورا حسن

[romoz]

هو ترا على حسب جنسية الخدامة

الهنود بس يبون تلفون ابوليت بس عشان يكلمون ، امنعهم من التكنلوجيا بس لا تمنعهم من الكلام هههههههه
اما الفلبن لا ، خصوصا اهل المدن ، و اذا كان تعليمها عالي ، تواصلهم بيكون غير طبعا

انا اعطيها حقوقها الاساسية لا امنعها ، لكن اقنن وقتها
تلفونها ما يطلع من غرفتها ، الا اذا كنا خارج البيت ، او مسافرين
و هي كيفها تتواصل عن طريق رصيدها
ما تستخدم الواير لس الخاص فيني

[راجي الْعفو]

كنت ماعطي ..... ومخلية تليفوني الخاص لها ولرسايلها لين انحطيت أمام الآمر الواقع
اشرط عليهم قبل لاستلمهم من المكتب .. ونكون صارمين في هالشرط ...
لكن ما يعرفون يقعدون ساكتين ... تبتدي الحنة .. ابي تليفوني . وهذا شي شخصي ومن هالكلام ..
عقبها اذا ما عطيتها .. الدريولية بيسربون لها تليفون ....او اتدق بريولها وتقول ردوني المكتب
فصرت اعطي برضاي ولا تلف من وراي


لاول كان لي زيارات مباغته لغرفتهم اشوف اشتحتهم .. الحين وقفتها .... مرضوني من سوالفهم وبلاويهم:(

بنعيش على مبدأ الثقة .. وبنشوف النتايج :)

والله يالجودي الصرامة مطلوبة في مثل هالامور ..

الثقة انا اشوفها صعبه .. لانج على اي اساس بتثقين ؟

شخص جاي من بلاد تختلف ديانتها و عاداتها عن بلادنا اميه و ثمانين درجه ..

حياتهم مفتوحه وهي جايه لبلد غير بلدها فلازم تلتزم بأمور دينهم و عاداتهم و تقاليدهم ..

الله يعينج و يعين الجميع ..

[راجي الْعفو]

اي والله هههههه

من كم سنه الوالد جاب نفر مخليه صبي في المعرض

الله يسلمك ابوي يعطيه راتبه يوزعه علي اليهال وبين عليه ولد نعمه

صرنا نشك في وضعه اذا راتبه يوزعه اشلون يكشخ
ومايحلق الا في حلاق تركي بعد ويعطيه بخشيش

بالاخير طلع رجل غني في دولته بس صارت مشكله مع شريك له في مصنع بالغلط ذبحه وحكم بالاعدام بفلوسه شراهم كلهم وعطوه ابعاد عن دولته وجانا بو الشباب ومشغل شركاته اهناك واهو يغسل السيارات في المعرض

بعدها صار حبيب القلب واموره في الروب ومدلع خبرك عنده فلوس :)


اما هالسالفه ما لها حل !

ذكرتني بواحد كان يتعامل مع هندي يشتغل في دوبي

يقول له : في اليوم الفلاني عندنا عزيمه ، تعال ترى في اكل واجد ..

طلع الهندي هو راعي الدوبي !!

[فرفوش]

عندها فيسبوك وانستغرام وكل شي

لا بعد اذا سكرنا الوايرلس تزعل خخخخخخ

بصراحه انصح يكون لهم وقت محدد يستخدمون النت مب دايما

[basma222]

تشتري بطاقه نت و تشبك
تقول تكلم اهلها

[U Welcome]

يالله
لهدرجة التحكم بالاخرين
حطوا نفسكم مكانهم بمعاش لايتجاوز 1000 ريال
وبغربة وبلا راحة او ايام اجازه
والله انها العبودية بعينها وما خفي اعظم


^
^

اللي يرضاه على الناس لازم يرضاه على نفسه
واللي بيمنع عماله او خدمه من الانترنت لدرء المفسدة المحتمله
فالاولى ان يمنع النت عن بناته وعياله واهل بيته


ودمتم بود

[شيخ الديرة]

اللي يرضاه على الناس لازم يرضاه على نفسه
واللي بيمنع عماله او خدمه من الانترنت لدرء المفسدة المحتمله
فالاولى ان يمنع النت عن بناته وعياله واهل بيته


ودمتم بود

لا أعتقد أنك تعي او تتقصد بخطورة هذه المقارنة. الخدم بشر من عوائل لا نعرف ثقافاتهم وقيمهم او كيف حملتهم أمهاتهم, او كيف كانت تربيتهم قبل أن يأتون هنا.

أرجو أعادة النظر في مشاركتك وتوضيحها, قد أكون أسأت فهمها

[المحاميه]

مازلت اشوف غلط ينعطون نت

كلش مب متقبله الفكره

[U Welcome]

لا أعتقد أنك تعي او تتقصد بخطورة هذه المقارنة. الخدم بشر من عوائل لا نعرف ثقافاتهم وقيمهم او كيف حملتهم أمهاتهم, او كيف كانت تربيتهم قبل أن يأتون هنا.

أرجو أعادة النظر في مشاركتك وتوضيحها, قد أكون أسأت فهمها



احترمك ياشيخ الديرة واقدرك
ولكن
اظن انك فهمت مقصدي صح
سوء الظن في الخدم او الجهل ببيئتهم وخلفيتهم اللي جائوا منها
لاتعني ابدا حقنا في هضم حقوقهم
ووسائل الاتصال كالهاتف ضروره في وقتنا الحالي
ياخي
اذا مشينا على نظامك
فعليك ان تسحب الهواتف من كل منهم على كفالتك حتى موظفينك اللي في شركاتك ومحلاتك ؟؟
لمجرد جهلنا بخلفياتهم ولسوء ظننا بهم....



وفي الحقيقه
ما ادي كيف لما نسافر للغرب
نتهمهم بالعنصريه اذا طالعونا كاننا ارهابيين
مع العلم ان عندهم نفس اسبابك من الجهل بخلفياتنا ومعتقداتنا
فل نبرر لهم ذلك؟؟

[شيخ الديرة]

.
.
.
سوء الظن في الخدم او الجهل ببيئتهم وخلفيتهم اللي جائوا منها
لاتعني ابدا حقنا في هضم حقوقهم
ووسائل الاتصال كالهاتف ضروره في وقتنا الحالي
.
.
ما ادي كيف لما نسافر للغرب
نتهمهم بالعنصريه اذا طالعونا كاننا ارهابيين
مع العلم ان عندهم نفس اسبابك من الجهل بخلفياتنا ومعتقداتنا
فل نبرر لهم ذلك؟؟

متى أصبح الأنترنت حق من حقوقهم؟ كيف توصلت الى هذا الأستنتاج؟ هل كان عندها الأنترنت عندما كانت تعيش في بلدها او تتوقع أنها ستجده في بيتها عندما تعود؟؟

أما مقارنتك الأخرى فهي غير منطقية أذا أخذت بنظر الأعتبار بكل ما يدور من مصايب في منطقتنا والماكنة الأعلامية المصاحبة لذلك

[ANONYMOUS]

الخدم في "بعض" البيوت اهم من ربة البيت

لذلك تجد طلباتهم مجابه بأسم الانسانيه وعدم التدخل في امورهم الشخصيه و و و الخ

[U Welcome]

متى أصبح الأنترنت حق من حقوقهم؟ كيف توصلت الى هذا الأستنتاج؟ هل كان عندها الأنترنت عندما كانت تعيش في بلدها او تتوقع أنها ستجده في بيتها عندما تعود؟؟

أما مقارنتك الأخرى فهي غير منطقية أذا أخذت بنظر الأعتبار بكل ما يدور من مصايب في منطقتنا والماكنة الأعلامية المصاحبة لذلك


اذكر الله يالشيخ

ما جات على النت وبس
فيه ناس تمنعهم من الجوال وتحدد لهم اوقات شهريه للاتصال باهلهم
وناس تمنعهم من حقهم الانساني من الاجازات الاسبوعيه
وناس تكرفهم ظ¢ظ¤ ساعه في اليوم......

وناس تقولك الوايرليس من حقوقي واذا يبون خل يشبكون بفلوسهم
وربي فيه ناس حتى الاكل يدفعون الخدم لاطلبوا من برع
واذا دخلوا مطعم خلوهم عند الباب؟؟؟

[المحاميه]

الخدم نتفهم حاجتهم للهاتف للاتصال بأهاليهم
وهالشي متوفر لهم

فكيف تقولون أن إحنا مستعبدينهم؟

أما الإنترنت فهو من وسائل الترفيه
وهم جايين من بيئه فقيره ماعندهم نت ؤلا يعرفون الفيس بوك
لكن أهني يتعلمون هالعلوم وكل خدامه تفهم الثانيه وتقولها قوليلهم أبي نت الخ

وبعدها تتحول رحلة العمل إلى رحلة ترفيه واستجمأم

إيه ؤالله قاموا يطالبونا بالإنترنت
لا والاعضاء يقولون عادي

حدي ماتوقعت
فعلا وصلنأ 2014

[U Welcome]

تذكروا مقولة سيدنا عمر رضي الله عنه



متى استعبدتم الناس وقد ولدتهم امهاتهم احرارا؟؟؟


قال الناس ماقال المسلمين والا المواطنين ولا اللي تعرفون تربيتهم

[U Welcome]

الخدم نتفهم حاجتهم للهاتف للاتصال بأهاليهم
وهالشي متوفر لهم

فكيف تقولون أن إحنا مستعبدينهم؟

أما الإنترنت فهو من وسائل الترفيه
وهم جايين من بيئه فقيره ماعندهم نت ؤلا يعرفون الفيس بوك
لكن أهني يتعلمون هالعلوم وكل خدامه تفهم الثانيه وتقولها قوليلهم أبي نت الخ

وبعدها تتحول رحلة العمل إلى رحلة ترفيه واستجمأم

إيه ؤالله قاموا يطالبونا بالإنترنت
لا والاعضاء يقولون عادي

حدي ماتوقعت
فعلا وصلنأ 2014



ممكن اختي الكريمه تشرحين كيف انك متفهمه لحاجتهم للاتصال؟؟
هل معطيتها جوال والا محدده لها وقت للاتصال ؟
لان حتى فكره الجوال فيه ناس ناكرتها عليهم!

[المحاميه]

عندها جوال
لحاجتها
وممكن نتصل نكلمها عليه احنا بعد الخ
ممكن تعبي وتتكلم
او تشبك بالنت الخ

[المحاميه]

يايبه انت فاهم مصطلح الاستعباد غلط

[شيخ الديرة]

.
.
.
فيه ناس تمنعهم من الجوال وتحدد لهم اوقات شهريه للاتصال باهلهم
وناس تمنعهم من حقهم الانساني من الاجازات الاسبوعيه
وناس تكرفهم ظ¢ظ¤ ساعه في اليوم......

وناس تقولك الوايرليس من حقوقي واذا يبون خل يشبكون بفلوسهم
وربي فيه ناس حتى الاكل يدفعون الخدم لاطلبوا من برع
واذا دخلوا مطعم خلوهم عند الباب؟؟؟

أعتقد أنك تحاور في أطار يختلف عن الموضوع

[رجل تعليم]

ما قرأته هنا يتجاوز أقصى حدود الإهانة والرعب صراحة
نحن تعامل مع إنسان أيها الإخوة والأخوات له احتياجات مثل احتياجاتنا
هذا كل ما في الأمر فقط
هل إذا توفرت الخادمة على جوالها وعلى النت فهل يعني هذا أنها ستستخدمه في السيئ فقط ؟؟؟؟

[أسد الجزيرة]

هل منع النت يخالف حقوق الانسان

[رجل تعليم]

هل منع النت يخالف حقوق الانسان

نعم مخالف

[شيخ الديرة]

ما قرأته هنا يتجاوز أقصى حدود الإهانة والرعب صراحة
نحن تعامل مع إنسان أيها الإخوة والأخوات له احتياجات مثل احتياجاتنا
هذا كل ما في الأمر فقط
هل إذا توفرت الخادمة على جوالها وعلى النت فهل يعني هذا أنها ستستخدمه في السيئ فقط ؟؟؟؟

هدئ من روعك أخي, تضخيم المسألة لا يزيد حقها شيئا

الأنترنت حاجة حسب تعريفك أنت,

الأهانة والرعب في بلادهم التي أجبرت هؤلاء المساكين الى ترك أهلهم لسنوات طويلة, والكثير كامل عمرهم.

ليكن بعلمك, أن كل عقود عملهم تم التفاوض والموافقة عليها من سفراء بلادهم في الدولة, فاذا كنت أحرص عليهم من سفراءهم, ناقش الموضوع معهم

[الجـــوديّ]

هونوا عليكم أخواني جماعة حقوق الإنسان

اذا نصت عقود العمل على وجوب توفير خدمة الانترنت للخدم فإنها تكون من حقوقهم .. ومن واجباتنا عليهم ولهم

إن العقد شريعة المتعاقدين

فيما عدا ذلك المسالة ترجع للكفيل ... هو من يقرر .. تمنح هذه الخدمة والخاصية المجانية أم لا .

[رجل تعليم]

هدئ من روعك أخي, تضخيم المسألة لا يزيد حقها شيئا

الأنترنت حاجة حسب تعريفك أنت,

الأهانة والرعب في بلادهم التي أجبرت هؤلاء المساكين الى ترك أهلهم لسنوات طويلة, والكثير كامل عمرهم.

ليكن بعلمك, أن كل عقود عملهم تم التفاوض والموافقة عليها من سفراء بلادهم في الدولة, فاذا كنت أحرص عليهم من سفراءهم, ناقش الموضوع معهم

لست أحرص عليهم من سفرائهم فاطمئن
كل ما في الأمر أني رأيت الموضوع من زاوية ما ، وهذه الزاوية يصعب على أي كان أن يقف فيها ليرى الأمور كما هي .
هناك ظروف وحاجة وقهر باختصار ، دفعت بهن إلى الهجرة بهدف العمل الشريف .
طيب هذه السيدة أنهت عملها وقامت بكل واجباتها على أكمل وجه ... ثم أرادت أن تجلس لحالها وتتصفح تماما كما أفعل أنا وأنت الآن .
من دون أن نتدخل في نوايا الأفرادا، فلا أحد يعلم ما نصنع بهذه الأجهزة حينما نكون بمفردنا ..
ألا ترى ( أرجو أن تجيبني بشجاعة ) ألا ترى أن في الأمر ظلما معينا ؟؟؟

[رجل تعليم]

هونوا عليكم أخواني جماعة حقوق الإنسان

اذا نصت عقود العمل على وجوب توفير خدمة الانترنت للخدم فإنها تكون من حقوقهم .. ومن واجباتنا عليهم ولهم

إن العقد شريعة المتعاقدين

فيما عدا ذلك المسالة ترجع للكفيل ... هو من يقرر .. تمنح هذه الخدمة والخاصية المجانية أم لا .



العقود ليست سماوية يا أخي الفاضل ، حتى القوانين الإدارية تخضع لما يسمى بالمرونة
هناك احتياجات نفسية لا أدري هل نستطيع التحلي بالشجاعة ونقر بوجودها ومن ثم نحترمها أم لا ؟؟؟
سأروي لك قصة بعد حين وسنفهم لماذا أرى الرعب يسري في هذه الصفحات ..
هناك سؤال آخر : هل استطعتم الإنتصار على مشكل هروب الخدم ؟؟؟ هل بحثتم في الأسباب الحقيقية ؟؟ هل تساءلتم فيما لو كنتم تتحملون المسؤولية المباشرة عن ذلك ؟؟؟
نقطة مهمة : لا أسعى إطلاقا في التأثير في الثقافة المجتمعية ولا أي شيء من هذا القبيل ... فقط تلك الخادمة قد تكون أختي أو ابنتي أو أمي وأريد أن أفهم فقط لماذا لا يحق لها ممارسة حياتها بشكل طبيعي عندما تنهي أشغالها

[يمامـة]

الموضوع بكل بساطة..

تخيل نفسك عامل بوظيفة خادم او خادمة وفي الغربة

هل ترى من العدالة ان تحرم من التواصل مع اهلك عن طريق النت؟

حتى لو كنت لا سمح الله انسانا فاسدا ولا اخلاق لك.. وما بالكم نحن نتعامل مع أناس
لهم حقوق ومن حقوقهم ان يتواصلوا مع ذويهم بكل الطرق المتاحة..

فلنتخيل انفسنا عندنا نسافر لمدة أسبوع للسياحة كيف تكون مشاعر اشتياقنا للأهل والاصحاب
وما بالكم باناس يتغربون لشهور وسنين.. ونحن نتمتع مع ابناءنا بالقرب منهم واستخدام افضل
وسائل التواصل مع العالم!!

القضية بحد ذاتها إنسانية بعيد عن مفهوم الكفالة................> لا للكفالة التي تحرمني حق بسيط من حقوقي..

فالدولة تكفلنا جميعنا فهل يحق لها تمنع النت عن بيوتنا؟

وهل منع النت عن البنات والشباب في البيوت؟

[يمامـة]

العقود ليست سماوية يا أخي الفاضل ، حتى القوانين الإدارية تخضع لما يسمى بالمرونة
هناك احتياجات نفسية لا أدري هل نستطيع التحلي بالشجاعة ونقر بوجودها ومن ثم نحترمها أم لا ؟؟؟
سأروي لك قصة بعد حين وسنفهم لماذا أرى الرعب يسري في هذه الصفحات ..
هناك سؤال آخر : هل استطعتم الإنتصار على مشكل هروب الخدم ؟؟؟ هل بحثتم في الأسباب الحقيقية ؟؟ هل تساءلتم فيما لو كنتم تتحملون المسؤولية المباشرة عن ذلك ؟؟؟
نقطة مهمة : لا أسعى إطلاقا في التأثير في الثقافة المجتمعية ولا أي شيء من هذا القبيل ... فقط تلك الخادمة قد تكون أختي أو ابنتي أو أمي وأريد أن أفهم فقط لماذا لا يحق لها ممارسة حياتها بشكل طبيعي عندما تنهي أشغالها

اخوي رجل تعليم.. هروب الخدم + مشاكلهم الأخلاقية متواجدة بتواجدهم في مجتمعنا منذ ان كنت في عمر ال 12 سنة
وما بالكم اليوم وقد تجاوزت السبعين عاما :eek5:

الخادمة تستطيع تفعل ما يحلو لها والخادم كذلك.. هذه حقيقة لا يمكننا انكارها
او حجبها او رفضها.. بينما ما يمكننا عمله هو عدم التعدي على حقوقهم كما تفضلت في مشاركتك..

[شيخ الديرة]

لست أحرص عليهم من سفرائهم فاطمئن
كل ما في الأمر أني رأيت الموضوع من زاوية ما ، وهذه الزاوية يصعب على أي كان أن يقف فيها ليرى الأمور كما هي .
هناك ظروف وحاجة وقهر باختصار ، دفعت بهن إلى الهجرة بهدف العمل الشريف .
طيب هذه السيدة أنهت عملها وقامت بكل واجباتها على أكمل وجه ... ثم أرادت أن تجلس لحالها وتتصفح تماما كما أفعل أنا وأنت الآن .
من دون أن نتدخل في نوايا الأفرادا، فلا أحد يعلم ما نصنع بهذه الأجهزة حينما نكون بمفردنا ..
ألا ترى ( أرجو أن تجيبني بشجاعة ) ألا ترى أن في الأمر ظلما معينا ؟؟؟

بكل شجاعة ورجولة وأنسانية, حسب فهمي لها, ليس هناك أي ظلم.

الظلم الحقيقي عندما أعطيها سلاحا لا تعرف ان تستخدمه لتقع ضحية عصابات الفسق والفجور والتشجيع على الهرب والوعود بالرواتب الخيالية, وعندما يهربون يتحولون الى رق حقيقي بأيدي سوداء وسخة لا تعرف الأنسانية

أنا أخكي لك من تجربة شخصية كادت خدامتي أن تقع بكل سذاجة في مصيدة تلك العقارب, وأنت تأخذها من منطلق نظري لا أكثر

هل ظلمت خدامتي عندما منعتها من الجوال؟ لا ومليون لا, رجعت الى أهلها مكرمة سعيدة, وكلها أبتسامة ويدها ملئى بالهدايا والقناعة. الأنترنت كانت ستؤدي بها الى دهاليز الرذيلة والسقوط, كونها لا تعرف ماهو الأنترنت ومن يتصيد لها.

أرجو فهم المقارنة قبل طرحها , أنا وأنت غير عنهم من ناحية فهمنا ان الأنترنت سيف ذو حدين, ويخسر من يستخدم الحد السئ

[الجـــوديّ]

العقود ليست سماوية يا أخي الفاضل ، حتى القوانين الإدارية تخضع لما يسمى بالمرونة
هناك احتياجات نفسية لا أدري هل نستطيع التحلي بالشجاعة ونقر بوجودها ومن ثم نحترمها أم لا ؟؟؟
سأروي لك قصة بعد حين وسنفهم لماذا أرى الرعب يسري في هذه الصفحات ..
هناك سؤال آخر : هل استطعتم الإنتصار على مشكل هروب الخدم ؟؟؟ هل بحثتم في الأسباب الحقيقية ؟؟ هل تساءلتم فيما لو كنتم تتحملون المسؤولية المباشرة عن ذلك ؟؟؟
نقطة مهمة : لا أسعى إطلاقا في التأثير في الثقافة المجتمعية ولا أي شيء من هذا القبيل ... فقط تلك الخادمة قد تكون أختي أو ابنتي أو أمي وأريد أن أفهم فقط لماذا لا يحق لها ممارسة حياتها بشكل طبيعي عندما تنهي أشغالها

أستاذي الفاضل ...

أرجع وأقول أن العقد شريعة المتعاقدين ..

يلي ذلك تبيان شفهي للخادم بأن مهامك ... كذا وكذا وكذا .... فهل أنت موافق .. فإن رضى فله الرضا
وبيده أن يرفض ويبحث عن كفلاء آخرين فهو ليس بمجبور على شي
ولي الحق أن أفرض شروطي طالما استقدمته بمالي وليس في الأمر استعباد.

لعلك لا تعلم أهم مشاكل العمالة المنزلية تحديداً .. فهم يستعملون حاجيات ربة الأسرة الخاصة
ويقومون بنشرها في الفيس بوك ... كما يقومون بمواعدة الرجال والسائقين
وهذا ما لانرضاه أن تحدث الفاحشة في منازلنا.

لست ملزمة بتقديم الخدمات الترفيهية والخدمات الثقافية للخدم ..
فإن أرادوها فلهم شراء تلك الخدمة ببطاقات مسبوقة الدفع بمالهم الخاص وأنا لا يحق لي أن أتكلم
ولكن إن رايت الفاحشة تقوم في بيتي المحافظ فلن ارحمهم لأني وضحت لهم كل شروطي ومطالبي وهم وافقوا عليها مسبقاً
وبدوري ولم أقصر عليهم في أي شي يطلبونه فيما عدا هذه الخدمة التي لي الحق انا كربة منزل أن أتحكم في من له الحق أن يستخدمها أو لا.

[رجل تعليم]

الموضوع بكل بساطة..

تخيل نفسك عامل بوظيفة خادم او خادمة وفي الغربة

هل ترى من العدالة ان تحرم من التواصل مع اهلك عن طريق النت؟

حتى لو كنت لا سمح الله انسانا فاسدا ولا اخلاق لك.. وما بالكم نحن نتعامل مع أناس
لهم حقوق ومن حقوقهم ان يتواصلوا مع ذويهم بكل الطرق المتاحة..

فلنتخيل انفسنا عندنا نسافر لمدة أسبوع للسياحة كيف تكون مشاعر اشتياقنا للأهل والاصحاب
وما بالكم باناس يتغربون لشهور وسنين.. ونحن نتمتع مع ابناءنا بالقرب منهم واستخدام افضل
وسائل التواصل مع العالم!!

القضية بحد ذاتها إنسانية بعيد عن مفهوم الكفالة................> لا للكفالة التي تحرمني حق بسيط من حقوقي..

فالدولة تكفلنا جميعنا فهل يحق لها تمنع النت عن بيوتنا؟

وهل منع النت عن البنات والشباب في البيوت؟

هذا ما أريد قوله بكل اختصار
المسألة إنسانية فقط فقط ، إلا كنت ترى أن ذلك يؤثر على عملها وعلى أخلاقها وعلى انضباطها فهنا لك الحق في تقوم بكل ما من شأنه أن يحفظ حقوقك ككفيل .

[يمامـة]

هذا ما أريد قوله بكل اختصار
المسألة إنسانية فقط فقط ، إلا كنت ترى أن ذلك يؤثر على عملها وعلى أخلاقها وعلى انضباطها فهنا لك الحق في تقوم بكل ما من شأنه أن يحفظ حقوقك ككفيل .

اتفق معك انها قضية إنسانية.. لذلك فضلت ان امنحهم حقوقهم قبل ان يفرضه القانون علي رغما عني..

[رجل تعليم]

بكل شجاعة ورجولة وأنسانية, حسب فهمي لها, ليس هناك أي ظلم.

الظلم الحقيقي عندما أعطيها سلاحا لا تعرف ان تستخدمه لتقع ضحية عصابات الفسق والفجور والتشجيع على الهرب والوعود بالرواتب الخيالية, وعندما يهربون يتحولون الى رق حقيقي بأيدي سوداء وسخة لا تعرف الأنسانية

أنا أخكي لك من تجربة شخصية كادت خدامتي أن تقع بكل سذاجة في مصيدة تلك العقارب, وأنت تأخذها من منطلق نظري لا أكثر

هل ظلمت خدامتي عندما منعتها من الجوال؟ لا ومليون لا, رجعت الى أهلها مكرمة سعيدة, وكلها أبتسامة ويدها ملئى بالهدايا والقناعة. الأنترنت كانت ستؤدي بها الى دهاليز الرذيلة والسقوط, كونها لا تعرف ماهو الأنترنت ومن يتصيد لها.

أرجو فهم المقارنة قبل طرحها , أنا وأنت غير عنهم من ناحية فهمنا ان الأنترنت سيف ذو حدين, ويخسر من يستخدم الحد السئ

أخوي إذا كان هذا هو " الدافع الحقيقي " وراء منع النت فلا مشكلة
كل عاقل سيتقبل ويتفهم قراراتك وهي عين الصواب
أما المنع من أجل المنع فقط هذا هو الأمر غير المقبول فهل تتفق معي ؟
هناك من يمنعها من ذلك فقط لأه يريد منعها أو باختصار لأه يصر على أن يراها دائما "مجرد خادمة "
المشكل في " الإعتبار أو التصنيف فقط "

[يمامـة]

أستاذي الفاضل ...

أرجع وأقول أن العقد شريعة المتعاقدين ..

يلي ذلك تبيان شفهي للخادم بأن مهامك ... كذا وكذا وكذا .... فهل أنت موافق .. فإن رضى فله الرضا
وبيده أن يرفض ويبحث عن كفلاء آخرين فهو ليس بمجبور على شي
ولي الحق أن أفرض شروطي طالما استقدمته بمالي وليس في الأمر استعباد.

لعلك لا تعلم أهم مشاكل العمالة المنزلية تحديداً .. فهم يستعملون حاجيات ربة الأسرة الخاصة
ويقومون بنشرها في الفيس بوك ... كما يقومون بمواعدة الرجال والسائقين
وهذا ما لانرضاه أن تحدث الفاحشة في منازلنا.

لست ملزمة بتقديم الخدمات الترفيهية والخدمات الثقافية للخدم ..
فإن أرادوها فلهم شراء تلك الخدمة ببطاقات مسبوقة الدفع بمالهم الخاص وأنا لا يحق لي أن أتكلم
ولكن إن رايت الفاحشة تقوم في بيتي المحافظ فلن ارحمهم لأني وضحت لهم كل شروطي ومطالبي وهم وافقوا عليها مسبقاً
وبدوري ولم أقصر عليهم في أي شي يطلبونه فيما عدا هذه الخدمة التي لي الحق انا كربة منزل أن أتحكم في من له الحق أن يستخدمها أو لا.

الجودي يا اختي الكريمة..

ليس هناك عقد رسمي يحرم الخدم من استخدام الانترنت..
ولكن ما يحدث عندنا هو تحايل على العقود الرسمية للحاجة الماسة لهؤلاء الناس للقمة العيش..

فهناك عقود او شروطات لا تقبل بها إدارة العمل الجهة المخولة للنظر في حقوق الكفيل والمكفول..

في بيوت التلفزيونات في كل الغرف الا عند الخادمة ..............> يقولون ياية تشتغل مب تشوف تلفزيون..
البيت كله فيه نت حتى البزراين شابكين في النت ومحد يدري عنهم................> ويقولون لا للخادمة لأنها بتخترب.

فليس هناك قانون في الدولة يعطي الحق للكافل انه يشترط في عقد العمل منع النت عن الخادمة..

ويمكن لمن لا يوافق على مثل هذا الكلام الرجوع الى قوانين الدولة الصريحة..

[أسد الجزيرة]

الخادمة موظفة عندج مب عبدة

القانون سيفرض على الكل و مجرد سنوات قليلة سيصبح من المسلمات

في قادم الايام سيكون لها يوم اجازة و عدد ساعات عمل محدد و جوال و حساب بنكي و تأمين صحي

الحاصل الان عدم تنفيذ قرارات العمل الدولية و حقوق الانسان و ستطبق من اجل كأس العالم

[شيخ الديرة]

فليس هناك قانون في الدولة يعطي الحق للكافل انه يشترط في عقد العمل منع النت عن الخادمة..

ويمكن لمن لا يوافق على مثل هذا الكلام الرجوع الى قوانين الدولة الصريحة..


العقود لا تفسر بالأتجاه العكسي, وأنما تقول ما هو لك, وكل ما لم يذكر فلا يحق لك المطالبة به

[الجـــوديّ]

الجودي يا اختي الكريمة..

ليس هناك عقد رسمي يحرم الخدم من استخدام الانترنت..
ولكن ما يحدث عندنا هو تحايل على العقود الرسمية للحاجة الماسة لهؤلاء الناس للقمة العيش..

فهناك عقود او شروطات لا تقبل بها إدارة العمل الجهة المخولة للنظر في حقوق الكفيل والمكفول..

في بيوت التلفزيونات في كل الغرف الا عند الخادمة ..............> يقولون ياية تشتغل مب تشوف تلفزيون..
البيت كله فيه نت حتى البزراين شابكين في النت ومحد يدري عنهم................> ويقولون لا للخادمة لأنها بتخترب.

فليس هناك قانون في الدولة يعطي الحق للكافل انه يشترط في عقد العمل منع النت عن الخادمة..

ويمكن لمن لا يوافق على مثل هذا الكلام الرجوع الى قوانين الدولة الصريحة..


أنا لي بالورق اللي موقعه عليه ... اني انفذه بالكامل لأني سوف احاسب عليه من الحكومة ومن الله

فيما عدا ذلك .. انا اقدر الوضع اذا امنح هذا الحق ام لا .



خلنا نشوف تجارب الناس اللي حطت تلفزيونات في غرفة الخادمات كدوا خير والا لا ؟

اذا انا ماحطيت تلفزيون بغرفتي .. ومامنعتها تشوف اللي تبيه في تلفزيون الصالة

من استوينا والله الخدم اذا افرغوا اقعدوا يشوفون التلفزيون مع الامهات ويتناقشون في القصة محد منعهم

مادري شالفنتك الجديد اللي يلزمني احط لها تلفزيون ... والا اعطيها نت بيدها !

[شيخ الديرة]

الخادمة موظفة عندج مب عبدة

القانون سيفرض على الكل و مجرد سنوات قليلة سيصبح من المسلمات

في قادم الايام سيكون لها يوم اجازة و عدد ساعات عمل محدد و جوال و حساب بنكي و تأمين صحي

الحاصل الان عدم تنفيذ قرارات العمل الدولية و حقوق الانسان و ستطبق من اجل كأس العالم

كلها مقبولة مادام هناك نظم تصون حقوقي كمدير عملها

ومتى ما وجدت الناس أن هناك مخاطرة كبيرة لا تساوي الفائدة منها, فسوف تتغير ثقافة الأعتماد على الخدم من الأصل, وأتمنى ذلك اليوم قبل غدا

[يمامـة]

العقود لا تفسر بالأتجاه العكسي, وأنما تقول ما هو لك, وكل ما لم يذكر فلا يحق لك المطالبة به

لان مثل هالأمور من العيب التحدث عنها لأنها يا اخوي شيخ الديرة امر بديهي..

فذا انت مثلا منعت من خادمتك الواير لس بحكم انك حر في مالك.. ما تقدر تمنعها من انها تشتري كرت تعبئة
او تشبك بنت بيت الجيران السبيل..

الأساس ما في شي يمنع الخادمة من استخدام النت في بيت مكفولها.. هذا هو بيت القصيد
ولا تجرم الخادمة اللي يصيدونها شابكة في النت وتحرر مخالفة عقد العمل..

[رجل تعليم]

أستاذي الفاضل ...

أرجع وأقول أن العقد شريعة المتعاقدين ..

يلي ذلك تبيان شفهي للخادم بأن مهامك ... كذا وكذا وكذا .... فهل أنت موافق .. فإن رضى فله الرضا
وبيده أن يرفض ويبحث عن كفلاء آخرين فهو ليس بمجبور على شي
ولي الحق أن أفرض شروطي طالما استقدمته بمالي وليس في الأمر استعباد.

لعلك لا تعلم أهم مشاكل العمالة المنزلية تحديداً .. فهم يستعملون حاجيات ربة الأسرة الخاصة
ويقومون بنشرها في الفيس بوك ... كما يقومون بمواعدة الرجال والسائقين
وهذا ما لانرضاه أن تحدث الفاحشة في منازلنا.

لست ملزمة بتقديم الخدمات الترفيهية والخدمات الثقافية للخدم ..
فإن أرادوها فلهم شراء تلك الخدمة ببطاقات مسبوقة الدفع بمالهم الخاص وأنا لا يحق لي أن أتكلم
ولكن إن رايت الفاحشة تقوم في بيتي المحافظ فلن ارحمهم لأني وضحت لهم كل شروطي ومطالبي وهم وافقوا عليها مسبقاً
وبدوري ولم أقصر عليهم في أي شي يطلبونه فيما عدا هذه الخدمة التي لي الحق انا كربة منزل أن أتحكم في من له الحق أن يستخدمها أو لا.

كلامكم لحد اللحظة جد جد مقنع
لو كنت في مكانك فسأتصرف بنفس الطريقة وكلي إيمان بأن ما أفعله صحيح .
نحن نتحدث عمن يمنع عنهم هذه الأشياء حتى وإن لم يصدر عن الخادمة أي شيء مما يوحي بأنها لا تسير على الطريق الصحيح .
فقط كونه تشبع أكثر من اللازم بقيمه المجتمعية وبالتالي قد تجده يضايق الخادمة حتى وإن كانت لا تستحق ذلك .
لا نسى أيضا أن الخادمة قبل ان توقع العقد قد وقعته تقريبا مكرهة، ووافقت على مجمل الشروط حتى وهي تتحفظ بينها وبين نفسها عن بعض البنود .
لماذا لا نعلم هذه الخادمة كيف تعيش مثلنا وكيف تستغل النت فيما سينفعها ؟؟؟ هل نفكر في مثل هذه الأشياء أم لا ؟؟

[الجـــوديّ]

الخادمة موظفة عندج مب عبدة

القانون سيفرض على الكل و مجرد سنوات قليلة سيصبح من المسلمات

في قادم الايام سيكون لها يوم اجازة و عدد ساعات عمل محدد و جوال و حساب بنكي و تأمين صحي

الحاصل الان عدم تنفيذ قرارات العمل الدولية و حقوق الانسان و ستطبق من اجل كأس العالم

وين الاستعباد اللي تقولون عنه .. خاطري اشوفه والله !
مادري انا المعزبة والا هي ؟!

بالعكس .. المطلوب قواني واضحة ..... اعرف اللي لي واللي علي وهي بعد تعرف اللي لها واللي عليها
وماعندنا ادنى مشكلة ننفذه .ز هي روح وخايفين الله في نفوسنا وفيها

ازيدك من الشعر بيت يارجل الجزيرة
توجه الدولة كله ان كل فرد يعرف ويمتلك جهاز ذكي خاص فيه
خل تفرضه علي الدولة وتفرض القوانين المنظمة وتبين شالسواة في حالة الخلاف أو الخسارة
وأنا ماعندي مشكلة في تنفيذ القانون على الاقل احمي نفسي وان كان الكفيل وضعه ضعيف وماله شي يعوضه.


اما انا بقعد احط قوانين من راسي وبسبق الدولة فيها .... والخادمة والا انشدت في السالفة
كل همها المسكينة تشتغل وتعيش وتعيش عيالها
وانا اجي احامي واعطيها حقوق هي نفسها ما طلبتها ... شاسمي هالقوانين الانبطاحية التي تسدح نفسها قبل أوانها !!

[يمامـة]

أنا لي بالورق اللي موقعه عليه ... اني انفذه بالكامل لأني سوف احاسب عليه من الحكومة ومن الله

فيما عدا ذلك .. انا اقدر الوضع اذا امنح هذا الحق ام لا .



خلنا نشوف تجارب الناس اللي حطت تلفزيونات في غرفة الخادمات كدوا خير والا لا ؟

اذا انا ماحطيت تلفزيون بغرفتي .. ومامنعتها تشوف اللي تبيه في تلفزيون الصالة

من استوينا والله الخدم اذا افرغوا اقعدوا يشوفون التلفزيون مع الامهات ويتناقشون في القصة محد منعهم

مادري شالفنتك الجديد اللي يلزمني احط لها تلفزيون ... والا اعطيها نت بيدها !

اختي الجودي..

القضية مب مرتبطة في مفهومنا عن كيفية الاستفادة من الخادمة..

الموضوع محصور في حقها اللي احنا نتعدى عليها من باب انها خادمتنا ونبي الاحسن حق بيتنا..

الخادمة المفروض ما تشتغل اكثر من 8 ساعات يوميا .. او خلينا نقول 12 ساعة
بينما احنا نشغلهم أي وقت نبي .. واي ساعة عمل إضافية المفروض تكون له اوفر تايم..
واحنا ما نعطيها.. وفوقه نحرمها من التلفزيون و النت او غيره..

اليوم يا الجودي المفروض نوصل لمرحلة لازم نستوعب ان هالخدم لهم حقوق واحنا
بحرصنا على بيوتنا نحرمهم من هالحقوق..

فلو مثلا انتي انسانة ما في تلفزيونات في بيتج.. او عندج تلفزيونات لكنها قنوات إسلامية
فمن حق الخادمة عليج انج تحطين له مثل ما تحطين حق نفسج من وسائل الترفيه.. ترفه عن نفسها
في أوقات فراغها.. حتى لو شغلها ما خلص.. لأن ولا موظف في الدولة يقدر يخلص شغله اليومي ويقعد في دامه
طول اليوم..

فالموضوع ان احنا تربينا على ثقافة استعباد هالناس.. فمن جذيه صعب علينا نستوعب حقوقهم

عني حاطة تلفزيون ودش في غرفة الخدامات من ست سنين.. لو اصور لج وضع التلفزيون بتضحكين
ملحفين لي الشاشة يقولون لي ما نبي نشوف.. اللهم اول وحدة حطيت لها الشاشة كانت اتابع أفلام ودايما
تلفزيونها شغال..
وكانت نشيطة وشالة البيت على راسها.. وعندها جوالها ..

كنت في السابق اقلل من حقوقهم اليوم ما اقدر اقلل من حقوقهم .. في الوقت اللي كلنا مشغولين في النت
وانيي عند هالناس أقول لا ما يحق لهم..

[أسد الجزيرة]

لو يتطبق قانون الاوفر تايم بيكون راتب الشغالة راتب وزير في بلادها ههههه

[يمامـة]

لو يتطبق قانون الاوفر تايم بيكون راتب الشغالة راتب وزير في بلادها ههههه

ومع هذا بنقول ما يحق لها تطالب بالاوفر تايم لأنه مب موجود في العقد..

فهل موجود في العقد ان الخادمة تشتغل طول اليوم؟
وهل موجود في العقد ان الخادمة تصير ام ومربية وطباخة وغسالة ونشافة؟

وانيي عند النت او التلفزيون نقول ما يحق لها؟

طبعا كلام هذا مب موجه لشخص معين.. ولكن هذا هو وضع الكثيرات من الخدم
في بيوتنا.. فليش نستخسر عليهم أمور من حقهم؟!!

[دايموند]

وانا اقول ليش الخدم اختربوا اذا هاي ردودكم
اشدخل الانسانيه بالنت !!!

الحمدلله والشكر

انا خدامتي جوال بوليت وايد عليها ومافيه نت
مب ناقصين خرابيط
هي جايه تشتغل والا جايه تشبك بالنت وتسولف مع صديقاتها وبوي فرينداتها ع الفيس بوك؟!!

والله محد خرب الخدم غيركم

[.:: القيصر ::.]

السايق و الخادمات عندي

شاريين لهم جوالات من رواتبهم

و يستعملون النت عندي

ليش يستعملون النت ؟

--------------------------

1- اذا انا رحت ادرس برا و جات مثلا السفارة اجبرتني ان اسكن مع عائلة لفترة فلانية اول ما ادخل عند العايلة برتب كل شي و بقعد و بسولف معاهم و بضحك معاهم

و بعد ما اخلص من الضحك وقبل ما اروح انام بيكون سؤالي في (( واير ليس )) :)

2- مبلغ المكالمة من بطاقة و هاتف البيت أو جوال بو ليت هل تتوقعون شي هين على راتبها (( 900 او 1100 )) ريال !، اخليهم يكلمون اهاليهم وكل وحده تكلم عيالها بــ 600 ريال في الشهر ثابته ولا تزيد عن الــ 600 بــ 0.25 درهم

3- بالنسبة لي الحمدلله اعرف متى يدخلون النت و يطلعون عندي من الكمبيوتر عن طريق (( الراوتر ))، و اقدر اعطي أي حد ما ابيه بلوك من (( MAC address )).

4- استخدام الجوال بس في غرفهم مايطلع من الغرفة، التلفزيون في المطبخ الخارجي متى ما خلصوا شغلهم خل يشغلون الشاشة المستطيلة و يطالعون ليش لا.


وفي الأخير مثل ما انا ابي شي لنفسي زين و اتصال برخيص و مابي احرق راتبي على ( اوريدو و فودافون ). هم نفس الشي


واللي بيقول انت مخرب خداماتك و دريولك


لا الحمدلله ابشركم ان سافر الدريول


الخدامات يقومون و يسقون الزرع و يلقطون الرطب و يغسلون حتى المواتر من داخل ومن برا

وكل الخدمات الخارجية متوفرة عندي لان في احترام متبادل




لا تنسى اعتبر نفسك مدير شركة وهم موظفين ركزوا على كلمة (( موظفين )).

[alsoq]

مساكين اوفر لهم من المكالمات
بس شارط عليهم لا فيس بوك ولاتويتر

[المحاميه]

وانا اقول ليش الخدم اختربوا اذا هاي ردودكم
اشدخل الانسانيه بالنت !!!

الحمدلله والشكر

انا خدامتي جوال بوليت وايد عليها ومافيه نت
مب ناقصين خرابيط
هي جايه تشتغل والا جايه تشبك بالنت وتسولف مع صديقاتها وبوي فرينداتها ع الفيس بوك؟!!

والله محد خرب الخدم غيركم

شفتي كيف

والله مستغربه مثلج

[حسن]

ناس قاسيه

:(

[العلياا]

ما يتجرأون يطلبون الباسورد
كل وحدة عندها جوالها وتعبيه بكروت نت

والله يستر ع الجميع

[حمد 2002]

ما يتجرأون يطلبون الباسورد
كل وحدة عندها جوالها وتعبيه بكروت نت

والله يستر ع الجميع

ليش مايتجرؤن ؟!

ليش كل هالقطرسه والتكبر على خلق الله الضعفاء ؟!


وين الانسانيه والرحمة ؟!

عطيهم الباس ورد مب مشكله بس قوليلهم لاتجلسون وايد على النت وتتركون الشغل .

[حمد 2002]

مساكين اوفر لهم من المكالمات
بس شارط عليهم لا فيس بوك ولاتويتر

وشمعنى الفيس بوك وتويتر ؟!

[حمد 2002]

وانا اقول ليش الخدم اختربوا اذا هاي ردودكم
اشدخل الانسانيه بالنت !!!

الحمدلله والشكر

انا خدامتي جوال بوليت وايد عليها ومافيه نت
مب ناقصين خرابيط
هي جايه تشتغل والا جايه تشبك بالنت وتسولف مع صديقاتها وبوي فرينداتها ع الفيس بوك؟!!

والله محد خرب الخدم غيركم

هي خادمه تشتغل عندج براتب وليست ملك عندج ؟!

[طبيب قطري]

هي خادمه تشتغل عندج براتب وليست ملك عندج ؟!

هي موظفه تشتغل عندي براتب يعني تمشي على القوانين اللي انا احطها، مثل اي شركه تلزم موظفيها بعدم تصفح وسائل التواصل الاجتماعي اثناء فتره الدوام..

[أسد الجزيرة]

هي موظفه تشتغل عندي براتب يعني تمشي على القوانين اللي انا احطها، مثل اي شركه تلزم موظفيها بعدم تصفح وسائل التواصل الاجتماعي اثناء فتره الدوام..

و بعد الدوام ؟

[الجـــوديّ]

زين للي عندهم خادمات موظفات ...

نبي نعرف يسري عليهم قانون الموارد البشرية والا لا ؟

علشان نعرف اشكثر نعطيهم سلفيات ومستحقاتهم من الاجازات والانتدابات .. والى آخره من المكرمات ؟

[ضوى]

شغالاتي ماعندهم موبايل ، واحدة منهم عندها لاب توب ومنزلة برنامج الاتصال ومدخله لها الباس وورد ودايما يكلمون اهلهم منه والاب توب مافيه برامج ولا اي شي غير برنامج الاتصال ، مالها داعي الجواويل ، حقوقها معروفة ، تاكل تشرب ترتاح لها راتب محترم وكسوتين صيف وشتا ويوم اجازة داخل البيت وان طلعنا طلعت معانا وتتعامل معاملة انسانية لدرجة اني اكل معاهم عالسفرة اذا العيال وابوهم مب موجودين ، غير هذا اذا تعبوا وديتهم خاص وعالجتهم وريحتهم ، ولا اكلفهم اكثر من طاقتهم ، لكن اني امنع الجوال عنهم واصير متغطرسة فهذا شي عجاب ، لها مني كل احترام وتقدير ومعاملة انسانية لكن جوال وهاتف ذكي لا بشكل تام

[شيخ الديرة]

http://www.qatarshares.com/vb/showthread.php?595554-%C7%E1%DD%ED%D3-%C8%E6%DF-%ED%DF%D4%DD-%CC%D1%ED%E3%C9-%C7%E1%CE%C7%CF%E3%C9

[دايموند]

هي موظفه تشتغل عندي براتب يعني تمشي على القوانين اللي انا احطها، مثل اي شركه تلزم موظفيها بعدم تصفح وسائل التواصل الاجتماعي اثناء فتره الدوام..
نفس الي كنت بقوله
اشكرك

اخ حمد انا ما املكها انا قبل لا تجي اخبرها بشروطي وافقت كان بها لم توافق بطقاق تدور لها بيت ثاني يدلعها

والمحتاجهللو ظيفه مابتدلع وبتقول ابي جوال وابي نت وابي. وابي!!!
وين قاعدين!!

[دايموند]

و بعد الدوام ؟

دامها طول ما هي ساكنه في بيتي تعتبر بنفسها بمهمه وظيفيه ولها قوانين مجرد مايخلص عقدها خل تفتل وتسوي الي تبيه

[العلياا]

ليش مايتجرؤن ؟!

ليش كل هالقطرسه والتكبر على خلق الله الضعفاء ؟!


وين الانسانيه والرحمة ؟!

عطيهم الباس ورد مب مشكله بس قوليلهم لاتجلسون وايد على النت وتتركون الشغل .

مثل ما جهة عملي فرضت علي قوانين وانظمة امشي عليها
ففي كل بيت قوانين وانظمة رب العمل يفرضها على خدمه

وهي مش مستضعفه ولا انتهكنا حقوقها وخصوصيتها لكن لكل وظيفة مميزات
وللاسف هالميزة مش متوفره في وظيفتهم
وهذا مش تقليل منهم بالعكس محد مدلع خدمه مثلنا

شكرا حمد :)

[عثرة جواد]

ماله شغل فيه ماعندها جوال اصلا

[Abdulraman]

لو تدخلون على برنامج التانقو حق المكالمات والشات تلقون اكثر الموجودين فلبينيات خدم للتعارف

[المحاميه]

شفتوا اشلون

ليش نعطيهم على هواهم ونخربهم ونخليهم يخربون غيرهم وياهم

ترا غلط تعطونها عالكيف والنت بحر وهم شعرفهم بالنت اصلا

يعني انا اجوف شغلهم ودي اكفخهم من الغباء مادري مايفكرون ولا يستعبطون

اغبيه فالشغل يعني وشاطرين حق النت

بلا نت بلا بطيخ

[الجـــوديّ]

اختي الجودي..

القضية مب مرتبطة في مفهومنا عن كيفية الاستفادة من الخادمة..

الموضوع محصور في حقها اللي احنا نتعدى عليها من باب انها خادمتنا ونبي الاحسن حق بيتنا..

الخادمة المفروض ما تشتغل اكثر من 8 ساعات يوميا .. او خلينا نقول 12 ساعة
بينما احنا نشغلهم أي وقت نبي .. واي ساعة عمل إضافية المفروض تكون له اوفر تايم..
واحنا ما نعطيها.. وفوقه نحرمها من التلفزيون و النت او غيره..

اليوم يا الجودي المفروض نوصل لمرحلة لازم نستوعب ان هالخدم لهم حقوق واحنا
بحرصنا على بيوتنا نحرمهم من هالحقوق..

فلو مثلا انتي انسانة ما في تلفزيونات في بيتج.. او عندج تلفزيونات لكنها قنوات إسلامية
فمن حق الخادمة عليج انج تحطين له مثل ما تحطين حق نفسج من وسائل الترفيه.. ترفه عن نفسها
في أوقات فراغها.. حتى لو شغلها ما خلص.. لأن ولا موظف في الدولة يقدر يخلص شغله اليومي ويقعد في دامه
طول اليوم..

فالموضوع ان احنا تربينا على ثقافة استعباد هالناس.. فمن جذيه صعب علينا نستوعب حقوقهم

عني حاطة تلفزيون ودش في غرفة الخدامات من ست سنين.. لو اصور لج وضع التلفزيون بتضحكين
ملحفين لي الشاشة يقولون لي ما نبي نشوف.. اللهم اول وحدة حطيت لها الشاشة كانت اتابع أفلام ودايما
تلفزيونها شغال..
وكانت نشيطة وشالة البيت على راسها.. وعندها جوالها ..

كنت في السابق اقلل من حقوقهم اليوم ما اقدر اقلل من حقوقهم .. في الوقت اللي كلنا مشغولين في النت
وانيي عند هالناس أقول لا ما يحق لهم..


بعلق بس على الملون بالأحمر

مادري من وين جبتي هالمعلومة ؟!

هو صحيح فيه سوء فهم عند الكثيرين لكن مايوصل إلى درجة تربية واستعباد !!
أعوذ بالله .. الخوف من الله فيهم موجود الحمدلله وحقوقهم تجيهم قبل لايطلبونها


وتبين الصراحة .... هم اللي ربوا على ثقافة الاستعباد لأن من تكرمينهم يتمردون ..
مادري اشمشكلتهم .. هل هالشي من ويلات الفقر والا هم ماتعودوا يكونون أسياد أنفسهم ؟!

الله يعطينا خيرهم ويكفينا شرهم

[ضوى]

الجودي فعلا استغربت من جملة يمامة اللي بالاحمر ، بالعكس شخصيا انا واحدة تربيت انه هالناس لهم كرامة وعزة نفس مثلنا تماما ، وابوي الله يرحمه لو نغلط على واحد منهم ممكن يقصبنا ، علمنا نحترمهم كانهم من اهل البيت الله يرحمه عمره ماربانا على ثقافة الاستعباد ولله الحمد ، هذي مصيبة لو الناس تربت على هالمفهوم

[بوحارب]

خدامة تشتغل من الصبح لآخر الليل

وفي الأخير تحرمينها من الوايرلس

كم انتي مجرمة يا مدير :)

[kuwari]

ااول شي هي بالغه وعاقله
وثاني شي دام ما تشوف شي غلط عليها
وثالثا لازم تتواصل مع اهلها والمواقع مثل سكايب وفايبر مجانيه واوفر ( الا اذا موفر لها خط دولي )

صحيح ان لازم اشياء نمنع عنهم بس يوجد هناك وايضا الحرص

[QATAR 77]

عبودية القرن الواحد و العشرين

[بومحمد المطاوعه]

الظاهر خذتي عدوة حمد 2002


الحين اشدخل
كل بيت فيه نت ..!
ليش شملتي كل بيت


وبعدين بخصوص الخدم
جات ع النت ولا الواير لس ..!

الصايعه صايعه واذا تبي تسوي شي
بتفتح باب البيت وبتدخل الي تبيه
ماجات على تلفون ولا واير لس

خدمي عندهم تلفونات بس بوليت ماخذ لهم

بعد مايصير امنعهم عن اهلهم واهم تاركين عيالهم وجايين يخدمونا

كل واحد يشوف الي يناسبه
اعرف ناس الخدم عندهم ايفون وجلكسي
واعرف ناس خدمهم ماعندهم تلفونات

انا خدمي عندهم واهم يشترون كروت لهم من معاشاتهم وجوالاتهم بدون كيمرا

وكان الله غفور رحيم


تحياتي

[ورد الدوحه]

حالهم من حالنا
انا ماعطتهم الباسوورد

[بصمة قطرية]

دخلت بس عشان ارد على جملة يمامة ..
استغربت من هالجملة ..!!!
عمرنا ما تربينا على سياسة الإستعباد
عمرنا ما عاملنا الخدم بإحتقار و إستعبدناهم ..!!

[شيخ الديرة]

عبودية القرن الواحد و العشرين

أي عبودية؟ هل تعرف معنى الكلمة الأول

العاملة قدمت على هذا العمل بهذه الشروط بنفسها, والكثير يدفعون فلوس للمكاتب من أجل الحصول على هذه الوظيفة, ضمن عقد تم التفاوض عليه بين الدولة وسفارة العاملة, وأنت تقول عبودية.

الحقيقة هم الهاربين من العبودية والبؤس والفقر والحروب في بلدانهم, لكي يعملا هنا ويتمكنوا من توفير معيشة عوائلهم هناك.

لا تكن ببغاء تردد هذه المفردات دون أن تعرف معناها

[يمامـة]

دخلت بس عشان ارد على جملة يمامة ..
استغربت من هالجملة ..!!!
عمرنا ما تربينا على سياسة الإستعباد
عمرنا ما عاملنا الخدم بإحتقار و إستعبدناهم ..!!

صح كلامج يا بصمة احنا ما تعلمنا ،لا نقدر نق،ل تعلمنا...

بس تعاملنا معاهم بالازدواجية هذي بحيث نسمح لنفوسنا نتمتع بالنت وهم لا
في العرف الانساني يعتبر استعباد........................> اسمحي لي لو الحقيقة كانت مرة

لكن محد فينا يرضا لا سمح الله انها تداول الايام والسنين و العجاف تمر علينا ونضطر نشتغل خدم ونشوف
اللي نشتغل عندهم مسدحين على النت ليل ونهار وهم يضحكون اوساط عيالهم
واحنا محرومين من الاتصال بالنت والتواصل مع عيالنا في الوقت ان هالتواصل صار ركيزة اساسية
في العلاقات ما بين الناس..

[يمامـة]

بعلق بس على الملون بالأحمر

مادري من وين جبتي هالمعلومة ؟!

هو صحيح فيه سوء فهم عند الكثيرين لكن مايوصل إلى درجة تربية واستعباد !!
أعوذ بالله .. الخوف من الله فيهم موجود الحمدلله وحقوقهم تجيهم قبل لايطلبونها


وتبين الصراحة .... هم اللي ربوا على ثقافة الاستعباد لأن من تكرمينهم يتمردون ..
مادري اشمشكلتهم .. هل هالشي من ويلات الفقر والا هم ماتعودوا يكونون أسياد أنفسهم ؟!

الله يعطينا خيرهم ويكفينا شرهم

تكرمينهم ما ايي في عينهم هذي حقيقة واضحة للكل.. لانهم اساسا ما يعترفون الا بملبغ الراتب
اللي يمشي لهم.. اما بخصوص الاستعباد.. قد يكن كثيرات ممن رفضن كلمو استعباد لهن الحق في ذلك
لاني شفت اللي بالفعل تحرم على خدامتها تاكل من طباخ يدها او تشتري لها سندويش من المطعم
وتفرض عليها تطبخ لها وان كان اكلهم كلهم من برع..

تفرض عليها الحبس ما بين اربع جدران بحجة ما يخربونها الخدامات الثانيات وتفرض عليها استحمال سخافة
عيالها وتطاولهم عليها وانها ما تكلمهم ولا تعصب عليهم لانها خدامة والخدامة ما يحق له تعترض..

شفت اللي عيالهم ايبادات و لابتوبات وجواويل .. في الوقت اللي الخادمة الجوال تنعطى للاتصال في الاسبوع
مرة و تسحبه منها..
هل الامور يا الجودي شنسميها؟
اذا هي مب موجودة عندج ولا عند ضوى او بصمة او عندي فهي موجودة
عند اللي يقول ما بقت الا الخدامة نعطيها جوال ( اشفيها الخدامة قاصر عنج يا ست الحسن والدلال؟)

فكلمة استعباد ما تنخذ بمعناها الحرفي ولكن للاسف كثيرات وكثيرين يتعاملون مع الخدم من باب انهم رقيق
يحق لهم فرض الاوامر عليهم وحرمانهم من ابسط حقوقهم<<< واسفة لو كلامي موجع
ولكنه اعتقد مهما كان كلامي موجع فهو ما يحيد عن حقهم الانساني اللي نحاول نحرمهم منه
وان كان النت احد هذه الحقوق....

[يمامـة]

الجودي فعلا استغربت من جملة يمامة اللي بالاحمر ، بالعكس شخصيا انا واحدة تربيت انه هالناس لهم كرامة وعزة نفس مثلنا تماما ، وابوي الله يرحمه لو نغلط على واحد منهم ممكن يقصبنا ، علمنا نحترمهم كانهم من اهل البيت الله يرحمه عمره ماربانا على ثقافة الاستعباد ولله الحمد ، هذي مصيبة لو الناس تربت على هالمفهوم

ارجع و اعيد يا ضوى الثقافة العامة في المجتمع الخليجي هي التعامل بدونية مع فئة العمال و الخدم
هالشي ما نقدر ننكره لانج انتي او انا او غيرنا نفرات من السيدات لهم تربية خاصة او تعلموا انهم
ما يتعاملون مع الخدم الا ضمن اطار انساني ..

ولكن في المقابل هناك من اللي ما يحس بنفسه انه ما يتعامل معاهم ضمن ايطار انساني
ويعتبر تصرفاته حق من حقوقه في بيته لما يسلب هالانسان حقه ويتعدى عليه في اتخاذ قرارته..

فمع مرور الايام راح نشوف قوانين تجبرنا نحترمها لانها قوانين بينما عندما لم تكن مفروضة
كنا نعتبر انفسنا اصحاب حق في التعدي على حقوقهم..

[بصمة قطرية]

صح كلامج يا بصمة احنا ما تعلمنا ،لا نقدر نق،ل تعلمنا...

بس تعاملنا معاهم بالازدواجية هذي بحيث نسمح لنفوسنا نتمتع بالنت وهم لا
في العرف الانساني يعتبر استعباد........................> اسمحي لي لو الحقيقة كانت مرة

لكن محد فينا يرضا لا سمح الله انها تداول الايام والسنين و العجاف تمر علينا ونضطر نشتغل خدم ونشوف
اللي نشتغل عندهم مسدحين على النت ليل ونهار وهم يضحكون اوساط عيالهم
واحنا محرومين من الاتصال بالنت والتواصل مع عيالنا في الوقت ان هالتواصل صار ركيزة اساسية
في العلاقات ما بين الناس..

اسمحي لي حبيبتي يمامة اختلف معاج في تفسيرج ( للاستعباد ) ..
من غير نت و العالم مب خالصين من بلاوي الخدم
و مصايبهم ..
تضمنين الصور اللي بتصورها
و لمن ترسل و مع من تسولف ..!!!
اتكلم بقناعه تامة و الحمدلله خداماتي راضيين بهالشي ..
شروطي يعرفونها و هم في بلادهم قبل لا اطلب الخدامة
ابلغها شروطي قبلت حياها الله ما قبلت هي حرة ..
والله بلاوي تصير من ورا الخدم والعالم نايمين في العسل ..
جارتي خدامتها عندها فيس بوك تقول اشوفها صورها
و انقهر الخدامة ما تدري ان معزبتها تتابعها ..
من غير لا اتعمق في وصف الصور
تقول زوجي حلف ما يخليها و لا يسمح لأي خدامة
بجوال فيه كاميرا ونت ..
هاي مجرد مثال ..


الاستعباد في المعاملة حبيبتي يمامة
لما اذلها كإنسانه هني استعباد
لكن طول ما هي مرتاحة مني ومعاي
الحمدلله بتريحني في الشغل ..
مستحيل افكر احط في يدها قنبلة موقوته
عقب اتحسف ..!!

رأيي الخاص و رجاءاً لا عاد تعلقون وتقولون ظلم واستعباد
كل شخص حر في تعامله
و حر في ابداء رايه ..
و الواجب نحترم الآراء مهما خالفتنا ..

هذا آخر رد لي في الموضوع ..
تحياتي لج حبيبتي يمامة
و للجميع ..

[بومحمد المطاوعه]

كلن يرقد على الجنب الي يريحه
ولحد يألف

استعباد وخرابيط وذل نمادري شنو

يكفي ان الخدم ياكلون ويشربون ومب مقصرين بشي عليهم الحمدلله

معاشاتهم توصل لهم
العيد نعطيهم عيديه
الامهات الكبار الله يجزاهم خير مايقصرون يعطونهم 20 ولا 50

وتلفونات عندهم البعض

مب لازم اسلمها تلفون جلكسي
بسلمها تلفون مافيه كيمرا
وخلاص

من البدايه نقولهم شروطنا يبون اهلن وسهلن
مايبون

اطلعهم من الباب الشرقي ولا اعور راسي

[شيخ الديرة]

.
هذا آخر رد لي في الموضوع ..



كلن يرقد على الجنب الي يريحه
ولحد يألف

استعباد وخرابيط وذل نمادري شنو


فعلا الموضوع أخذ حقه من الطرفين, والمهم ان صاحبة الموضوع قررت بناءا على النقاش الذي دار فيه

[يمامـة]

اسمحي لي حبيبتي يمامة اختلف معاج في تفسيرج ( للاستعباد ) ..
من غير نت و العالم مب خالصين من بلاوي الخدم
و مصايبهم ..
تضمنين الصور اللي بتصورها
و لمن ترسل و مع من تسولف ..!!!
اتكلم بقناعه تامة و الحمدلله خداماتي راضيين بهالشي ..
شروطي يعرفونها و هم في بلادهم قبل لا اطلب الخدامة
ابلغها شروطي قبلت حياها الله ما قبلت هي حرة ..
والله بلاوي تصير من ورا الخدم والعالم نايمين في العسل ..
جارتي خدامتها عندها فيس بوك تقول اشوفها صورها
و انقهر الخدامة ما تدري ان معزبتها تتابعها ..
من غير لا اتعمق في وصف الصور
تقول زوجي حلف ما يخليها و لا يسمح لأي خدامة
بجوال فيه كاميرا ونت ..
هاي مجرد مثال ..


الاستعباد في المعاملة حبيبتي يمامة
لما اذلها كإنسانه هني استعباد
لكن طول ما هي مرتاحة مني ومعاي
الحمدلله بتريحني في الشغل ..
مستحيل افكر احط في يدها قنبلة موقوته
عقب اتحسف ..!!

رأيي الخاص و رجاءاً لا عاد تعلقون وتقولون ظلم واستعباد
كل شخص حر في تعامله
و حر في ابداء رايه ..
و الواجب نحترم الآراء مهما خالفتنا ..

هذا آخر رد لي في الموضوع ..
تحياتي لج حبيبتي يمامة
و للجميع ..

يا بصمة يا اختي الكريمة.. انا ما تكلمت عن خادماتج في البيت ولا تطرقت لاسلوب تعاملج معاهم
بشكل عام تكلمت عن حق من حقوقهم .. واستعباد الناس لهم بفرض امور عليهم لمجرد انهم خدم..

في الوقت اللي مثل هالشروط راح تنمحي من الوجود لما تقرها القوانين بشكل رسمي..

قد ما يروق لج كلامي ولكن لو رحنا عند الحقوقين الانسانيين راح تعتبر معاملتنا لهم تجني على حقوقهم..

اهنيه ما ااطالبج انج تفتحين النت حق خداماتج.. ولا اطالب اي عضو انه يعطيهم النت..
فمثل ما تشوفين انج يحق لج انج تمنعين النت فمن حقنا نقول راينا من غير خوف من اي عضو انه يزعل مننا...
الموضوع مطروح للنقاش وكل واحد فينا يقول رايه حسب ما يشوف ان رايه و منطقه وفكره سليم..

يعني اليوم ما اقدر اقول بصمة تبيني امنع النت عن خداماتي... في الوقت اللي ما اقدر اقول بصمة تفرض
رايها علينا مع اني مختلفة معاج ... فكل واحد دخل هالموضوع يكتب باللي يمليه عليه ضميره سواء كان موافق او رافض..

يحق لج ترفضين كلمة استعباد من باب انج تشوفين انج كارمة خداماتج و ما يات على موضوع الانترنت
في الوقت نفسه عني اشوف اني لو منعتهم من حقوقهم اني استعبدهم لحاجتهم الماسة للعمل
وافرض عليهم امور ما اقدر اطبقها على نفسي وعيالي..

ومب شرط امشي على كلام الاخوان اهنيه اللي يقول كفاية نعطيهم عيادي او امهاتنا يعطونهم 50 او 100 ريال
ولا لي خص اصلا اقول للجماعة المشاركين الموضوع خذ كفايته من النقاش.. ولحد يزيد كلام في الموضوع وسكروه..

لان كل شخص له الحق في انه يكتب اللي يبي يكتبه.. فاذا كلمة استعباد سبب أذى لاي شخص اعتذر منها
ولكن
كل يشوف انه تصرفه صحيح وبالتالي كل يحاسب نفسه انه بما ان يحق له يتكلم فلا يكمم افواه الاخرين( الكلام مب موجه لج ابدا)

لان في الاخير محد فينا له سلطة على بيوت الناس ولا حد فينا ممكن يفرض رايه على الاخرين..

فعذرا منج كلمة الحق راح اكتبها دام اني اشوف اني بظلم خداماتي لو اني منعت عنهم النت لمجرد انهم الحلقة الاضعف في البيت
في الوقت اللي اتمتع بالنت انا وكل فرد من عائلتي..... فاسمحي لي رايي ممكن يضايقج لكني متأكدة انج
بتقدرين وجهة نظري لاني ما اقصد الاساءة لاي حد ممن يعارضني وان كانت كلماتي قاسية...

[captin]

علاقة الخدامة بالوايرلس

علاقة الحبيبة بحبيبها :shy:

[بصمة قطرية]

حبيبتي يمامة
أحترم رايج حتى لو عارضتيني ..
وانتي جبتيها من الآخر
محد له سلطة على بيوت غيره ..
كل شخص فارض شروطه و قوانينه في بيته و مرتاح
هاي المهم ..
كل شخص يتكلم عن قناعة تامة بتصرفه ..
ما زلتي تشوفين اني ( استعبد ) الخدم بمنعي النت ..
و انا ما زلت أشوف إن كلمة إستعباد ما لها علاقة بالموضوع أبداً
لأن تفسيري للإستعباد ما له دخل بالنت ..
كلامي بأن هذا آخر رد لي
لأني عارفة إحنا نفس اللي يدور في حلقة مفرغة
لأن كل شخص مقتنع برايه ..
أرد و أقول إحترم رايج حتى لو خالفتيني الراي ..
تحياتي و أحترامي وودي لج يمامتي ( إختي الكبيرة ) :)

[الجـــوديّ]

تكرمينهم ما ايي في عينهم هذي حقيقة واضحة للكل.. لانهم اساسا ما يعترفون الا بملبغ الراتب
اللي يمشي لهم.. اما بخصوص الاستعباد.. قد يكن كثيرات ممن رفضن كلمو استعباد لهن الحق في ذلك
لاني شفت اللي بالفعل تحرم على خدامتها تاكل من طباخ يدها او تشتري لها سندويش من المطعم
وتفرض عليها تطبخ لها وان كان اكلهم كلهم من برع..

تفرض عليها الحبس ما بين اربع جدران بحجة ما يخربونها الخدامات الثانيات وتفرض عليها استحمال سخافة
عيالها وتطاولهم عليها وانها ما تكلمهم ولا تعصب عليهم لانها خدامة والخدامة ما يحق له تعترض..

شفت اللي عيالهم ايبادات و لابتوبات وجواويل .. في الوقت اللي الخادمة الجوال تنعطى للاتصال في الاسبوع
مرة و تسحبه منها..
هل الامور يا الجودي شنسميها؟
اذا هي مب موجودة عندج ولا عند ضوى او بصمة او عندي فهي موجودة
عند اللي يقول ما بقت الا الخدامة نعطيها جوال ( اشفيها الخدامة قاصر عنج يا ست الحسن والدلال؟)

فكلمة استعباد ما تنخذ بمعناها الحرفي ولكن للاسف كثيرات وكثيرين يتعاملون مع الخدم من باب انهم رقيق
يحق لهم فرض الاوامر عليهم وحرمانهم من ابسط حقوقهم<<< واسفة لو كلامي موجع
ولكنه اعتقد مهما كان كلامي موجع فهو ما يحيد عن حقهم الانساني اللي نحاول نحرمهم منه
وان كان النت احد هذه الحقوق....

عزيزتي اليمامة ...

لما تقولين أن النت حق .. هذا يعني انه واجب علي ولازم إني أأديه !

ممكن أعرف مرجعيتج في إحقاق الحقوق ؟

اذا كنتي تقصدين النت بمعنى الاتصال باهاليهم فهم معوضين بهاتف ورقم من الكفيل

لكن النت اشبيسوون فيه ... ثقافة واطلاع والا انستغرام وفيسبوك ؟

[يمامـة]

حبيبتي يمامة
أحترم رايج حتى لو عارضتيني ..
وانتي جبتيها من الآخر
محد له سلطة على بيوت غيره ..
كل شخص فارض شروطه و قوانينه في بيته و مرتاح
هاي المهم ..
كل شخص يتكلم عن قناعة تامة بتصرفه ..
ما زلتي تشوفين اني ( استعبد ) الخدم بمنعي النت ..
و انا ما زلت أشوف إن كلمة إستعباد ما لها علاقة بالموضوع أبداً
لأن تفسيري للإستعباد ما له دخل بالنت ..
كلامي بأن هذا آخر رد لي
لأني عارفة إحنا نفس اللي يدور في حلقة مفرغة
لأن كل شخص مقتنع برايه ..
أرد و أقول إحترم رايج حتى لو خالفتيني الراي ..
تحياتي و أحترامي وودي لج يمامتي ( إختي الكبيرة ) :)

http://www.pic4ever.com/images/139fs108574.gif

[Locale]

انا مع الشده في الخدم
لان الشده اهي اللي تنفع وياهم وتمشيهم سيده*
اول امس رحت معاها وخذتلها جوال جديد وعطيتها الباسوورد
صعب اني امنعها وخصوصا ان في البيت خدم وعندهم جوال ويستخدمون النت
اهم شي عندي ماتقصر في شغلها*

[يمامـة]

عزيزتي اليمامة ...

لما تقولين أن النت حق .. هذا يعني انه واجب علي ولازم إني أأديه !

ممكن أعرف مرجعيتج في إحقاق الحقوق ؟

اذا كنتي تقصدين النت بمعنى الاتصال باهاليهم فهم معوضين بهاتف ورقم من الكفيل

لكن النت اشبيسوون فيه ... ثقافة واطلاع والا انستغرام وفيسبوك ؟

مرجعيتي اني كنت اقرا اهنيه وهناك بمشروع قانون سيجيز لهم مثل هالامور مثل ما ستجيز لهم عطل اجازات رسمية
او تعويض عن كل ساعة اضافية تعملها الخادمة..

ولنفرض بعد الانفجار الرقمي وانتشار الهواتف الذكية.. هل يمكنك مثلا رفض خادمة لديها حساب
في الفيس بوك؟ او لديها مشاركات او مناقشات في مواقع الانترنت؟

عني اشوف اني ما اقدر امنعها من المشاركات شريطة انها اتأدي اللي عليها..
فوقتها ملك لها تشارك تطلع تتثقف تتبادل صورها مع عيالها تتبادل ملفات فيديو
تدخل انستغرام تدخل يوتيوب تسولف مع ربعها واهلها في من خلال فيس بوك ماسنجر
فهذا حقها ما اقدر اقول ليش تبي هالاشياء<<

فهي مثلها مثلي مثل ما انا ابي وتس اب و ابي الهانج و ابي اللاين و ابي السكايب
وابي وابي وابي.. بعد هي انسانة ومن حقها تستفيد من وقتها في امور تفيدها وتاصل يسعد قلبها..

في الاخير يا اختي الجودي في يوم من الايام كنا نحرم عليهم استخدام الجواويل خوفا من بلاويهم
ومشاكلهم و سوالفهم ... اليوم اتيي الوحدة وهي عندها فيس بوك و انستغرام و تويتر
فكل ما هو مطلوب مني اني احذرها من الاستخدام السيد للنت واحترام عاداتنا ، تقاليدنا
وعم التصوير بصور ما نرضاها في بيوتنا ومن غير حجابات..

اما غير ذلك اشوف ان الايام راح تجبر الجميع على تقبل الامر الواقع وهو اتصال الخدم بالانترنت..

[بومحمد المطاوعه]

اهو بس النت الي تطلع مشاكل الخدم

اصلن وايد اشياء سلبيه من الخدم

اول شي اذا البيت غير مهتم فالخدم من ناحيه اي شيء

عدم الأحترام للخدم وسوء التعامل معهم من ناحيه السب للخدم والصراخ والهواش

هاذي الاشياء سبب انحراف الخادمه

يمكن انت وانتِ فالدوام والخدامه في غرفه الادريول

محد يعلم ولكن يجب علينا نحنُ المسلمين ان نحسن معاملتنا لهم

سواء كانو مسلمين ام غير مسلمين

[Aaziz]

عدوا المرحله هذي و ادخلو في الغزير

غيرو الموضوع و خل نتكلم عن البوي فريند للخدامه ... نقول المسيحيه بحكم اننا مسلمين فا الخدامه غير المسلمه في بلادها عادي تقيم علاقه مع صديق
اذا دخلت بيتنا من حقها ايضا ان يكون لها بوي فريند ،، لان في بلادها البوي فرند موجود .
و سبق طرح هالموضوع في نقاشات الجمعيات الغربية الغير مسلمه المهتمه بحقوق العمال الخ الخ
يعني لحد يستحي ياجماعه ناقشو هالموضوع ،، تطلع الخدامه في الويك اند مع البوي فريند و ترجه وجه الصبح ،، اشوف ان هذا حق من حقوقها كخادمه وواقع يجب علينا ماننكره .

قاتل الله بني علمان لابسي عبائه الحقوق و نصره المرأة

[الصغيره]

الواير لس له باسو ووورد عيالي ما يعرفونه كيف يعرفه الخدم

ومسموح لهم بالواتساب فقط للتواصل مع الاهل هذا للخدامات ويقفلون جوالاتهم الساعه 10 م ويسلمونها لي ويستلمونها الساعه ست الصباح قانون من 20 سنه

اما الخدم الذكور لا نت لديهم يمكن يشبكون من الشارع لان جارنا حاط 5 خدمات نت لبيته وبدووون باس وورد

[شيخ الديرة]

عدوا المرحله هذي و ادخلو في الغزير


هذا الكلام العدل
أطلب من أصحاب المشاركات الذين يستقلبون مصطلح أستعباد, أن يتأكدو من تأريخ صلاحية الببسي اللي يشربوه.

مبدأ أنهم يحتاجون الأنترنت للتواصل مع أباؤهم واطفالهم في بلدهم هو مبدأ جيد, ولكن غير واقعي.

هل منكم فعلا من هو مقتنع أن أهلهم هناك عندهم أنترنت؟ طيب ليش بنتهم أضطرت أن تشتغل خدامة في الغربة؟؟

اللي حالته زينة هناك ومستعد يدفع للأنترنت كان الأفضل يدخل بنته مدرسة وأشتغلت وظيفة أحسن.

أنا متأكد أن فرضية التواصل مع الأهل مشكوك بها جدا, لأن لما فعلا يتصلون, تبدأ الكأبة والمناحة, زوج ماما يبي فلوس, وزوجة بابا تبي فلوس, هو كم ماما وكم بابا عندج؟؟

[الجـــوديّ]

مرجعيتي اني كنت اقرا اهنيه وهناك بمشروع قانون سيجيز لهم مثل هالامور مثل ما ستجيز لهم عطل اجازات رسمية
او تعويض عن كل ساعة اضافية تعملها الخادمة..

ولنفرض بعد الانفجار الرقمي وانتشار الهواتف الذكية.. هل يمكنك مثلا رفض خادمة لديها حساب
في الفيس بوك؟ او لديها مشاركات او مناقشات في مواقع الانترنت؟

عني اشوف اني ما اقدر امنعها من المشاركات شريطة انها اتأدي اللي عليها..
فوقتها ملك لها تشارك تطلع تتثقف تتبادل صورها مع عيالها تتبادل ملفات فيديو
تدخل انستغرام تدخل يوتيوب تسولف مع ربعها واهلها في من خلال فيس بوك ماسنجر
فهذا حقها ما اقدر اقول ليش تبي هالاشياء<<

فهي مثلها مثلي مثل ما انا ابي وتس اب و ابي الهانج و ابي اللاين و ابي السكايب
وابي وابي وابي.. بعد هي انسانة ومن حقها تستفيد من وقتها في امور تفيدها وتاصل يسعد قلبها..

في الاخير يا اختي الجودي في يوم من الايام كنا نحرم عليهم استخدام الجواويل خوفا من بلاويهم
ومشاكلهم و سوالفهم ... اليوم اتيي الوحدة وهي عندها فيس بوك و انستغرام و تويتر
فكل ما هو مطلوب مني اني احذرها من الاستخدام السيد للنت واحترام عاداتنا ، تقاليدنا
وعم التصوير بصور ما نرضاها في بيوتنا ومن غير حجابات..

اما غير ذلك اشوف ان الايام راح تجبر الجميع على تقبل الامر الواقع وهو اتصال الخدم بالانترنت..

إلى الآن مافيه مرجعية رسمية تنظم الحقوق والواجبات على كلا الطرفين اخادم والكفيل ... لذلك الكفيل هو من يقدر الافضل.
قد أرفض كلمة الاستعباد وايضاً كخادمة لم ولن تعطى حريتها الكاملة طالما هي في بيتي فهي في ذمتي ...

أعتقد بأننا كلنا نعرف ماهو المستوى المعيشي الذي يأتي منه الخدم ..
واذا كان مستواها متطور وتعرف للفيسبوك والانستغرام والواتساب ..
اعتقد ان هذه التطبيقات مستهلكات للوقت ولا يكفي كل منهم نص ساعة في اليوم
وايضاً . كلنا نعرف ماهو مستوى احترام الاخرين عند استخدامهم مثل تلك التطبيقات
هو بينهم بين بعض ماسلموا من الفتنة والعبيب كلن يعلم سره الثاني
وعلوم اهل البيت تدور من بيت لي بيت بسبتهم
هالدور اسلمها جهاز يمكنها من نشر علو البيت وصوره والحوادث المشابهة من كثير من الخدم خير دليل!!!




لما تقر الدولة القانون
ولما تقر فيه ساعات العمل 8 ساعات يوميا حالهم حال الموظفين
ولما تقر حقوقهم الانسانية والمعنوية
أنا ككفيل ايضاً لي أن أرفض أو أقبل
وأول شي أرفضه اذا بنتكلم عن حقوق وواجبات ان الخادمة تطلع من بيتي عقب ما تخلص ال8 ساعات عمل
ماعندي استعداد اضف موظفين عندي 16 ساعة يمارسون فيه أشياء لا أقبلها في بيتي...
ومنها مكالماتها مع الحبيب ومشاركاتها في الانستغرام و الفيسبوك
أعتقد بجذيه احنا متصافيين ومتفاهمين مع الحكومة وخلهم يجهزون وحدات سكنية حق الخدم والعمالة المنزلية.
عندي بنات وعندي عيال عزابية .. والفراغ يؤدي إلى مفاسد كثيرة
يسون اللي يسونه وهم بعيد عني محد بيتحكم فيهم.

[يمامـة]

إلى الآن مافيه مرجعية رسمية تنظم الحقوق والواجبات على كلا الطرفين اخادم والكفيل ... لذلك الكفيل هو من يقدر الافضل.
قد أرفض كلمة الاستعباد وايضاً كخادمة لم ولن تعطى حريتها الكاملة طالما هي في بيتي فهي في ذمتي ...

أعتقد بأننا كلنا نعرف ماهو المستوى المعيشي الذي يأتي منه الخدم ..
واذا كان مستواها متطور وتعرف للفيسبوك والانستغرام والواتساب ..
اعتقد ان هذه التطبيقات مستهلكات للوقت ولا يكفي كل منهم نص ساعة في اليوم
وايضاً . كلنا نعرف ماهو مستوى احترام الاخرين عند استخدامهم مثل تلك التطبيقات
هو بينهم بين بعض ماسلموا من الفتنة والعبيب كلن يعلم سره الثاني
وعلوم اهل البيت تدور من بيت لي بيت بسبتهم
هالدور اسلمها جهاز يمكنها من نشر علو البيت وصوره والحوادث المشابهة من كثير من الخدم خير دليل!!!




لما تقر الدولة القانون
ولما تقر فيه ساعات العمل 8 ساعات يوميا حالهم حال الموظفين
ولما تقر حقوقهم الانسانية والمعنوية
أنا ككفيل ايضاً لي أن أرفض أو أقبل
وأول شي أرفضه اذا بنتكلم عن حقوق وواجبات ان الخادمة تطلع من بيتي عقب ما تخلص ال8 ساعات عمل
ماعندي استعداد اضف موظفين عندي 16 ساعة يمارسون فيه أشياء لا أقبلها في بيتي...
ومنها مكالماتها مع الحبيب ومشاركاتها في الانستغرام و الفيسبوك
أعتقد بجذيه احنا متصافيين ومتفاهمين مع الحكومة وخلهم يجهزون وحدات سكنية حق الخدم والعمالة المنزلية.
عندي بنات وعندي عيال عزابية .. والفراغ يؤدي إلى مفاسد كثيرة
يسون اللي يسونه وهم بعيد عني محد بيتحكم فيهم.



نعم يحق لج ككفيل تقبلين او ترفضين..
ولج الحق في الدفاع عن حريتج قبل رايج..

ومع هذا بعد قلنا اللي عندنا يا اختي الجودي..

و اللي فيه الخير يقدمه لنا كلنا..

[aloosh]

جايب لهم دي في دي يشغلون افلام لهم في الاجازه
ما يعرفون الواير لس تلفوناتهم عاديه اهم شي يكلمون ويستقبلون اتصالات اهلهم

[توشيبا]

الموضوع وين وصل

نخليها تشبك واير لس ولالا

[يمامـة]

هذا الكلام العدل
أطلب من أصحاب المشاركات الذين يستقلبون مصطلح أستعباد, أن يتأكدو من تأريخ صلاحية الببسي اللي يشربوه.

مبدأ أنهم يحتاجون الأنترنت للتواصل مع أباؤهم واطفالهم في بلدهم هو مبدأ جيد, ولكن غير واقعي.

هل منكم فعلا من هو مقتنع أن أهلهم هناك عندهم أنترنت؟ طيب ليش بنتهم أضطرت أن تشتغل خدامة في الغربة؟؟

اللي حالته زينة هناك ومستعد يدفع للأنترنت كان الأفضل يدخل بنته مدرسة وأشتغلت وظيفة أحسن.

أنا متأكد أن فرضية التواصل مع الأهل مشكوك بها جدا, لأن لما فعلا يتصلون, تبدأ الكأبة والمناحة, زوج ماما يبي فلوس, وزوجة بابا تبي فلوس, هو كم ماما وكم بابا عندج؟؟

عندنا خدم ياوونا مب لانهم ما عندهم ياكلون او يشربون

بل لانهم يبون يشترون اراضي ويبنون بيوت كبيرة يا اخوي شيخ الديرة...

ومع هذا الحين هالخدم في بلادينهم عندهم انترنت وعلى قولتك ما عندهم ياكلون او يشربون
فهل انيي احنا نقول ما في لكم نت.. وليش عيالكم عندهم نت وانتوا امبهدلين في حياة الغربة؟؟

في الاخير ليش عندهم نت في بلادهم او ليش ما عندهم نت.. الاهم ان الواحد ما يقدر يستمر
وايد في منع النت اذا منع اليوم الطوفان قادم مع الايام ..

والله يحفظ بيوتنا من كل شر..