السيارات المستعمله في قطر وحالتها السيئه !!!

[Qt.1]

السلام عليكم ,,

ياجماعه موضوعي اليوم بخصوص السيارات المستعمله في قطر , في ناس الله منعم عليهم والله يزيدهم ويبارك لهم مايشترون الاا السياره الجديده بقراطيسها من الوكاله , وفي ناس ايقولون لاا ممكن احصل لي مستعمله اتكون ماشيه اشوي ونظيفه واوفر لي مبلغ وقدره بعد ممكن ليش لاا , لكن المشكله ان اغلب السيارات في قطر منتهيه ! يعني الي بياخذ له سياره مستعمله يقعد يفحص له 10 سيارات ويمكن ايحصل بينهم وحده نظيفه ويمكن لاا وراحت عليه افلوس الفحص الي وصل اللحين مايقارب 300 ريال للسياره , ليش في ناس مايحافظون على سياراتهم ايقولك انا شاريها استعملها واكرفها مب شاريها اوقفها معلي ياخي حلل افوسك لكن بالعقل , اتحصل السياره معروضه للبيع وتعال افحصها مصبغه من كل صوب واتليك ايل وايقولك لاانظيفه افحص وعقب ممكن انزل لك في السعر ! ياخي انت شاري سياره من الوكاله حافظ عليها علشان لين جيت اتبيع الناس اتلاحظ النظافه وماطول السياره في البيعه هالشي لمصلحتك بعد والاا اخذ السياره واكسرها واتم في المعرض بالشهور محد يبيها ! اذكر مره بعت سياره على واحد والله ماعرفه ولاايعرفني شاف السياره وحلفت عليه يفحص مابغى مايفحص قالي السياره باينه بدون مافحص ورحنا المرور وعطاني فلوسي وراح , فالمحافظه على السياره فيه مصلحه للمالك والمشتري وعلشان الناس تقدر اتوفر من افلوسها اشوي بدال الجديده واسمحو لي طولت عليكم .

[Ţĥę őήę]

مااظن في واحد عاقل يخرب سيارته عن قصد
عموما صار صعب الواحد يحافظ على سيارته اذا أهو سائق ملتزم تلاقى الغير ملتزم أهو اللي يدعمه
والمشكلة الكبرى شركات التأمين اللي تلزمك بكراجات دون المستوى والاسوء ماتتحمل كل التكاليف

[الجـــوديّ]

وعليكم السلام ورحمة الله ...

أوافقك الراي من حيث المحافظة على الحلال وبخاصة السيارات
اشوف سيارات جديدة موديل السنة والا العام (وخاصة الكروزرات) تشوفها مضربة من كل صوب ..
يعني حتى شكلها يفشل وخاصة لما تكون سيارة العائلة!



أحس حد بيجي الحين وبيقول اشعليكم من الناس :anger1:

ماعلينا منهم .. ولكن هي نصيحة عامة المقصود بها الخير للجميع

[شيخ الديرة]

فعلا مشكلة عويصة, الوكالات ما يعطوك تأريخ السيارة, لأنها ليست سيارتك بعد, والتأمين نفس الشي, والمرور كذلك عندهم كل تصريحات التصليح

[alsoq]

اخوي فيه تلاعب في الفحص الفني ولا اعرف لماذا اداره المرور متقاضين عنه والكل يعلم بها الشي لدرجه ان فيه ناس مقيمين عرب واسيوين يجددون لك السياره حتى بدون ما تدخل الفحص بمبلغ معين وسيارات تدخل الفحص غير صالحه وتنجح بعد هذي لها مبلغ معين
وسياره القطري لو جديده يبهذلونه ولازم تدخل على ضابط ترجاه على شي تافه يرسبون سيارتك
والله يشوف سيارات الغير صالحه بشوارع قطر مجدده الاستماره

[alsoq]

انا طلعت برد عن الموضوع بس لصالح العام


شوف في الخليج

الجو حار
نسبه رطوبه عاليه
شوارع حفور ومطبات

شلون بتحاقظ على سيارتك من غير الغشم اللي يجيك ويدعمك

فا صعب تلاقي سياره في قطر بدون حادث

[Qt.1]

مااظن في واحد عاقل يخرب سيارته عن قصد
عموما صار صعب الواحد يحافظ على سيارته اذا أهو سائق ملتزم تلاقى الغير ملتزم أهو اللي يدعمه
والمشكلة الكبرى شركات التأمين اللي تلزمك بكراجات دون المستوى والاسوء ماتتحمل كل التكاليف

والي يضرب الرصيف واهو يمشي مليون هذا مب متعمد ؟ والي ايروح سيلين وايطير الموتر وايخليه يرضح وايتفدع وايتكسر مب متعمد ؟ ومب صعب الواحد ايحافظ على سيارته في ناس ماشاء الله سياراتهم صار لها كم سنه حتى لمعتها ماتغيرت , صج الواحد ايحاسب اللحين من السايقين الثانيين لكن بعد في ناس ماعندها حس المحافظه سيارات 2014 مشققه من داخل ومحرقه هل السايقين الثانيين لهم ذنب في الموضوع ماظن .

[Qt.1]

فعلا مشكلة عويصة, الوكالات ما يعطوك تأريخ السيارة, لأنها ليست سيارتك بعد, والتأمين نفس الشي, والمرور كذلك عندهم كل تصريحات التصليح

لوعندنا نفس نظام carfax نفس امريكا كان اطلعت بلاوي حق بعض السيارات .

[Qt.1]

انا طلعت برد عن الموضوع بس لصالح العام


شوف في الخليج

الجو حار
نسبه رطوبه عاليه
شوارع حفور ومطبات

شلون بتحاقظ على سيارتك من غير الغشم اللي يجيك ويدعمك

فا صعب تلاقي سياره في قطر بدون حادث

هو من ناحية صعب صعب بس بعد اتحصل .

[ANONYMOUS]

من جدك

هذا تعدي على خصوصية الآخرين

[ANONYMOUS]

فعلا مشكلة عويصة, الوكالات ما يعطوك تأريخ السيارة, لأنها ليست سيارتك بعد, والتأمين نفس الشي, والمرور كذلك عندهم كل تصريحات التصليح

في دبي قاري من فتره انك تدخل رقم الشاصي في موقع المرور على ماظن او غيره

يعطيك تاريخ السياره ف المرور ك حوادث وغيره

مادري ياطبقوه او راح يطبقونه

او فكره معده للتطبيق

ناسي ايش بالضبط

[البرونزي]

اخالفك الراي السيارات عندنا من انظف السيارات
في الخليج وشوف السعوديين عندنا شلون يشترون
ويفضلون السيارات القطريه وخاصه في الممشى
اذا عمر السياره 10 سنوات بتحصل الممشى 300 لين 400 الف
اما في السعوديه والامارات هالمسافات يقطعونها في 3 سنوات
وصحيح تحصل سيارات غير محافظ عليها لكن نصيحه
ياتشتري سياره من رجال كبير او سيارة بيت
وسيارات الحريم ابعد عنها ههههههههه

[MAZEN37]

يا رجاال الحين اللكزس صار لعبه

[ANONYMOUS]

يا رجاال الحين اللكزس صار لعبه

هذاك اول يوم كانت لكزز

الحين العميد وخريج الثانويه يشترونها

والعميد تتم عنده 5 سنين .. وخريج الثانويه عقب مايتثبت ف العمل ياخذ رنج موديل السنه اللي عقبها ههه


اللهم زيد وبارك

[Ţĥę őήę]

والي يضرب الرصيف واهو يمشي مليون هذا مب متعمد ؟ والي ايروح سيلين وايطير الموتر وايخليه يرضح وايتفدع وايتكسر مب متعمد ؟ ومب صعب الواحد ايحافظ على سيارته في ناس ماشاء الله سياراتهم صار لها كم سنه حتى لمعتها ماتغيرت , صج الواحد ايحاسب اللحين من السايقين الثانيين لكن بعد في ناس ماعندها حس المحافظه سيارات 2014 مشققه من داخل ومحرقه هل السايقين الثانيين لهم ذنب في الموضوع ماظن .
انا قلت عاقل والمواصفات اللي قلتها ماتنطبق على العقلاء

[Qt.1]

انا قلت عاقل والمواصفات اللي قلتها ماتنطبق على العقلاء

اذا ماتنطبق على العقلاء عيل نص شباب قطر مب عقلاء !! ويمكن اكثر بعد !!

[طلعة الروح]

الموضوع متعب لأنك تتكلم عن عقليات مختلفه فاصابعك مب سوى

[المحاميه]

والله انك صادق وكلامك صح

ولحد يقول شدخل

بعد ماتعرضون السياره للبيع الا وفيها علل الدنيا

واللي ياخذها يبتلش كل يوم يصلح شي ف هالسكراب يكون طلع قيمة اليديده

[المحاميه]

هذاك اول يوم كانت لكزز

الحين العميد وخريج الثانويه يشترونها

والعميد تتم عنده 5 سنين .. وخريج الثانويه عقب مايتثبت ف العمل ياخذ رنج موديل السنه اللي عقبها ههه


اللهم زيد وبارك

بعدين قولوا ديون والراتب مايكفي ومانقدر نعرس وتشنون حمله عالمهور المرتفعه

خوش خوش

[شبح الصمت]

ياخوي في ناس الله منعم عليهم ويطلعون سيارات من الوكالة ويكدونهم مكدة وعقب يبيع بانزل من سعر السوق بس الي يرفع الاسعار الشريطية وهذه شيء من حقهم شرى سيارة من رجال عنده خير خلاف عن انها مقنوص فيها او داش فيها بحر او تطير فيها فوق الطعوس او استعراض وعدل فيها شغلات وجاء يبيعها بقيمة السوق او فوقها ..

والحين موسم ابشرك اسعار المواتر الفرويل ترتفع فيه لانه موسم
مقناس
ومخيمات
ومطر وخير


الافضل انه الي ينفحص موتره يصور ورقة الفحص لاجل اذا حد اساله عنها بعدين يقوله فيها كذا وكذا بس عندنا مافي مصداقية وخوف من الواحد انه يكون متلاعب في الفحص وامور كثيرة

فيقول خلني افحص لانه شخص ما اعرفه اشلون اثق فيه ..

[7llo]

هههههههه موضوعك يعني غريب بتلكم عن نفسي انا شاري سياره جدديده من 4سنوات من اول ماخذته لحد الحين محلل قيمته ومكسرها لازم اتكسر لانه اوردي انا خسران خسران لما اجي ابيع وشله احافظ عليها مدام اني خسران فيها اكسرها واستمتع بتكسيرها عشان قلبي لايعورني اذا بعتها والي خذاها مني كسرها (كسرر حلل فلوسك وامورك طيبه)

[Qt.1]

ياخوي في ناس الله منعم عليهم ويطلعون سيارات من الوكالة ويكدونهم مكدة وعقب يبيع بانزل من سعر السوق بس الي يرفع الاسعار الشريطية وهذه شيء من حقهم شرى سيارة من رجال عنده خير خلاف عن انها مقنوص فيها او داش فيها بحر او تطير فيها فوق الطعوس او استعراض وعدل فيها شغلات وجاء يبيعها بقيمة السوق او فوقها ..

والحين موسم ابشرك اسعار المواتر الفرويل ترتفع فيه لانه موسم
مقناس
ومخيمات
ومطر وخير


الافضل انه الي ينفحص موتره يصور ورقة الفحص لاجل اذا حد اساله عنها بعدين يقوله فيها كذا وكذا بس عندنا مافي مصداقية وخوف من الواحد انه يكون متلاعب في الفحص وامور كثيرة

فيقول خلني افحص لانه شخص ما اعرفه اشلون اثق فيه ..




كلام صحيح , واحنى الشباب لنا نظره في السياره قبل الفحص نقدر حتى انقول الموتر نظيف والاا , لكن وين اتحصل هالوقت سياره نظيفه صارت مهمه مستحيله .

[Qt.1]

هههههههه موضوعك يعني غريب بتلكم عن نفسي انا شاري سياره جدديده من 4سنوات من اول ماخذته لحد الحين محلل قيمته ومكسرها لازم اتكسر لانه اوردي انا خسران خسران لما اجي ابيع وشله احافظ عليها مدام اني خسران فيها اكسرها واستمتع بتكسيرها عشان قلبي لايعورني اذا بعتها والي خذاها مني كسرها (كسرر حلل فلوسك وامورك طيبه)

صح انت خسران خسران لكن اذا شلختها وكسرتها بتخسر اكثر واكثر فصدقني في فرق .

[اللوز]

اذكر مره بعت سياره على واحد والله ماعرفه ولاايعرفني شاف السياره وحلفت عليه يفحص مابغى مايفحص قالي السياره باينه بدون مافحص ورحنا المرور وعطاني فلوسي وراح , .

عندك سيارة للبيع ؟؟ علشان اوفر فلوس الفحص

[Qt.1]

عندك سيارة للبيع ؟؟ علشان اوفر فلوس الفحص

ترى صج عندي :nice:

[حسن]

شوف يابوعبدالله بحكم اني راعي بحر بر يعني موتري يضرب وعر فوق ال50 كيلو اسبوعيا ولكن نسوق
وندور الطرق النظيفه ونحاسب
جيل الجديد ولد وفي حلجه ملاس ذهب ولكل عارف الرواتب العاليه اللي نتمتع بها
فاصبح مايهم
راتب كم شهر يجيب غيرها
الحمدلله انا من النوع المحافظ رغم ان سواقتي قشره وموتري مافي دعمات والحمدلله
والسريفس على طول
ونظريتي 3 سنوات وبدل جديد خلاص خذت مزته ولا اداني موتري يدخل في دوامه الكراجات
ومريح راسي
وبعدين لعلمك مواتر قطر من انظف المواتر في الخليج بعد البحرين بس مواصفاتهم تعبانه

وشكرا للك يابوعبدالله

[بومحمد المطاوعه]

بو عبدالله
الله يجزاك خير


البعض مايخاف الله
ويبيع الموتر ويكذب انه نظيف
او لم يصبغ او بأي ضرر

والي ياخذه يتوهق مع الايام

نفس موتر ولد خالتي

شرى لكزس واخرتها الموتر طاب بحر غرقان
ولليوم مشاكل مع الموتر
لدرجه احذفه فالمزرعه وخلاه يولي

لو باعه ماينفع
ومايبي يبيع ولايقول للشاري عن مشاكله

زقووووووم في بطن راعي الموتر الكاذب
وان شاءالله فلوسه مب حلال عليه

[Qt.1]

شوف يابوعبدالله بحكم اني راعي بحر بر يعني موتري يضرب وعر فوق ال50 كيلو اسبوعيا ولكن نسوق
وندور الطرق النظيفه ونحاسب
جيل الجديد ولد وفي حلجه ملاس ذهب ولكل عارف الرواتب العاليه اللي نتمتع بها
فاصبح مايهم
راتب كم شهر يجيب غيرها
الحمدلله انا من النوع المحافظ رغم ان سواقتي قشره وموتري مافي دعمات والحمدلله
والسريفس على طول
ونظريتي 3 سنوات وبدل جديد خلاص خذت مزته ولا اداني موتري يدخل في دوامه الكراجات
ومريح راسي
وبعدين لعلمك مواتر قطر من انظف المواتر في الخليج بعد البحرين بس مواصفاتهم تعبانه

وشكرا للك يابوعبدالله

هذا الي كنت اقصده يابوعلي حتى في ناس اتعرف اتحلل الموتر لكن بعد بالعقل .

[Qt.1]

بو عبدالله
الله يجزاك خير


البعض مايخاف الله
ويبيع الموتر ويكذب انه نظيف
او لم يصبغ او بأي ضرر

والي ياخذه يتوهق مع الايام

نفس موتر ولد خالتي

شرى لكزس واخرتها الموتر طاب بحر غرقان
ولليوم مشاكل مع الموتر
لدرجه احذفه فالمزرعه وخلاه يولي

لو باعه ماينفع
ومايبي يبيع ولايقول للشاري عن مشاكله

زقووووووم في بطن راعي الموتر الكاذب
وان شاءالله فلوسه مب حلال عليه

بل معقوله في ناس ماعندها ذمه وضمير لهدرجه , انا لين رحت الدكان واتعرف حزات من العيله الواحد ينسى بوكه في البيت وهو ايعرفني وصوب بيتنا ايقولي روح معلي بكره جيب فلوس وكلها خمس ريال والااعشر ريال والله اقعد اوسوس اقول في ذمتي له افلوس لازم اعطيه قبل لانسى , اشلون ابيع موتر غرقان ومنتهي واقطه بذمة غيري !! اشلون ااكل اعيالي مال حرام !! لااحول ولااقوة الا ابالله , الله ايعوض عليه خير .

[المحاميه]

بو عبدالله
الله يجزاك خير


البعض مايخاف الله
ويبيع الموتر ويكذب انه نظيف
او لم يصبغ او بأي ضرر

والي ياخذه يتوهق مع الايام

نفس موتر ولد خالتي

شرى لكزس واخرتها الموتر طاب بحر غرقان
ولليوم مشاكل مع الموتر
لدرجه احذفه فالمزرعه وخلاه يولي

لو باعه ماينفع
ومايبي يبيع ولايقول للشاري عن مشاكله

زقووووووم في بطن راعي الموتر الكاذب
وان شاءالله فلوسه مب حلال عليه

الله فوق وشاهد وعارف

لكن لادعي هلون على خلق الله

اوفر الدعوه

والله بياخذ حق كل مظلوم اكيد

يكفي يقول حسبي الله ونعم الوكيل ولا حول ولا قوة الا بالله

[بومحمد المطاوعه]

الله فوق وشاهد وعارف

لكن لادعي هلون على خلق الله

اوفر الدعوه

والله بياخذ حق كل مظلوم اكيد

يكفي يقول حسبي الله ونعم الوكيل ولا حول ولا قوة الا بالله

صح كلامج اختي
ولاكن ادفعي 300 ألف

مابيحترق قلبج .؟
اكيد بتدعين عليه ودعوة المظلوم مستجابه بأذن الله
لاتحسسيني ان الظالم مايعرف ان هذا غش وحرام

مافي شي اسمه جهل في هذا الزمن

وقولي حسبي الله ونعم الوكيل
والحمدلله

[بومحمد المطاوعه]

بل معقوله في ناس ماعندها ذمه وضمير لهدرجه , انا لين رحت الدكان واتعرف حزات من العيله الواحد ينسى بوكه في البيت وهو ايعرفني وصوب بيتنا ايقولي روح معلي بكره جيب فلوس وكلها خمس ريال والااعشر ريال والله اقعد اوسوس اقول في ذمتي له افلوس لازم اعطيه قبل لانسى , اشلون ابيع موتر غرقان ومنتهي واقطه بذمة غيري !! اشلون ااكل اعيالي مال حرام !! لااحول ولااقوة الا ابالله , الله ايعوض عليه خير .

اي والله شفت اشلون

ناس لاذمه ولا ضمير ياخوي
تاكل حلال الناس أكل

الله لايوفقهم هالنصابين

[المحاميه]

ادري

بس باتحسب عليه وكلي يقين بان الله بياخذ حقي مب ادعي جذي حتى لو مظلومه

[بومحمد المطاوعه]

ادري

بس باتحسب عليه وكلي يقين بان الله بياخذ حقي مب ادعي جذي حتى لو مظلومه

اوكي تحسبي عليه

وليش تتحسببين

ادعي له بأن الله يهديه
ويرجعه لطريق الحق
ليش تقولين حسبي الله عليك .؟

نفس الفكره ونفس الدعوه ولاكن بكلمات اخرى هذي

[شيخ الديرة]

فوضى كبيرة في سوق السيارات المستعملة, ويخسر بيها كثير من الناس, ويربح بيها كثير من الحرامية

حتى تقارير الفحص مزورة وبدون رقم تسلسلي أو ختم, ويحلف الله

[Qt.1]

فوضى كبيرة في سوق السيارات المستعملة, ويخسر بيها كثير من الناس, ويربح بيها كثير من الحرامية

حتى تقارير الفحص مزورة وبدون رقم تسلسلي أو ختم, ويحلف الله

بالضبط هذا الي حاصل ياخوي , الشريطيه لاعبين لعبتهم في السوق ولين وديت له موترك نظيف ويسوى يقط سعره في الارض , وتعال سوم موتر عنده نفس موترك مكسر وسعره فوق , لعبه في لعبه , لكن اذا الواحد يبي ايبيع الله ايخلي النت بلا معارض بلا بطيخ .

[أم محمد 90]

من العنوان توقعت ان الموضوع عن السيارات الردئية التعبانه اللي بالحسرة تمشي ، اللي كل مقيم جا من برا راح شراها ب اقل من عشر الاف وعطوه ليسن وسبب لنا زحمه ، وافحص يوافق له ويعطونه استمارة والسيارة تعيسه ماتمشي وتسبب زحمه ع الفاضي ،


لكن انصعقت من الموضوع ،

عموماً كلن ادرى بحلاله وكيفه .

[Qt.1]

من العنوان توقعت ان الموضوع عن السيارات الردئية التعبانه اللي بالحسرة تمشي ، اللي كل مقيم جا من برا راح شراها ب اقل من عشر الاف وعطوه ليسن وسبب لنا زحمه ، وافحص يوافق له ويعطونه استمارة والسيارة تعيسه ماتمشي وتسبب زحمه ع الفاضي ،


لكن انصعقت من الموضوع ،

عموماً كلن ادرى بحلاله وكيفه .

انصعقتي مره وحده عاد ! العنوان السيارات المستعمله في قطروحالتها السيئه ! محب جاب طاري مقيم وليسن وزحمه .

[أم محمد 90]

انصعقتي مره وحده عاد ! العنوان السيارات المستعمله في قطروحالتها السيئه ! محب جاب طاري مقيم وليسن وزحمه .


اي انصعقت ، يعني كنت حاطه ف بالي شي وطلع شي ثاني
لان من كم يوم اتشكى من السيارات التعبانه ف الشارع نقلت لمنطقة جديدة وكلها مقيمين ولايييييعه جبدي كل واحد سيارته يادوووب تممممممممممشي مادري شلون يعطونهم تصاريح يطلعون سيارة والله ازمه ازمه ازمه

[bos3eed]

يعني احافظ عليها علشان غيري بيشتريها مني, ليكون بيدفع لي قيمتها يوم كانت وكاله

[ANONYMOUS]

بعدين قولوا ديون والراتب مايكفي ومانقدر نعرس وتشنون حمله عالمهور المرتفعه

خوش خوش

من اللي قال الراتب مايكفي

الا يكفي ويزيد والخير واجد بس عند الناس اللي يبين في عينها الخير

بعدين ماعندكم الا سالفة الحريم والزواج وطلاق

الموضوع عن سيارات ركزي

[فرفوش]

بو عبدالله
الله يجزاك خير



البعض مايخاف الله
ويبيع الموتر ويكذب انه نظيف
او لم يصبغ او بأي ضرر

والي ياخذه يتوهق مع الايام

نفس موتر ولد خالتي

شرى لكزس واخرتها الموتر طاب بحر غرقان
ولليوم مشاكل مع الموتر
لدرجه احذفه فالمزرعه وخلاه يولي

لو باعه ماينفع
ومايبي يبيع ولايقول للشاري عن مشاكله

زقووووووم في بطن راعي الموتر الكاذب
وان شاءالله فلوسه مب حلال عليه

حسبي الله عليه قهرني والله

ناس لاذمه ولاضمير

معوض خير ولد خالتك

[ابوالعبد]

صعب تحافظ علي سيارتك شوارع مطبات + ممكن غيرك مايعرف يسوق ويدعمك

[بومحمد المطاوعه]

حسبي الله عليه قهرني والله

ناس لاذمه ولاضمير

معوض خير ولد خالتك


الله كريم ياخوي
جزاك الله خير
والحمدلله على كل حال

عند الله لايضيع الحق مثقال ذره

[7llo]

صح انت خسران خسران لكن اذا شلختها وكسرتها بتخسر اكثر واكثر فصدقني في فرق .

لا ماراح اخسر بخسر 5000 ريال على سعره سعر الخرابات الي بتطلع بالفحص يعني مب خسران شي بالعكس كسر واستانس ولاتخلي شي بخاطرك تدري ولد خالي شاري لكزس 2011 على سنتها وتشكياتها كلها في الشركه ويخاف على موتره بدرجه ماتتصورها ومستحيل يدخل سيارته رمله شاريها ب360 والحين ماجاب له الا 180 متحسف يقولي لو اني مكسرها ابرك , كان يطنز علي لاني ادخل موتري بر بحر سفرر و3 مرات مبدل ستيرنج بوكس هههههههه من سواقتي الحلوه والحين يقولي لو مكسره من البدايه ابرك قلت له كنت اقولك من البدايه , كسر ولاتخلي شي بخاطرك

[Qt.1]

لا ماراح اخسر بخسر 5000 ريال على سعره سعر الخرابات الي بتطلع بالفحص يعني مب خسران شي بالعكس كسر واستانس ولاتخلي شي بخاطرك تدري ولد خالي شاري لكزس 2011 على سنتها وتشكياتها كلها في الشركه ويخاف على موتره بدرجه ماتتصورها ومستحيل يدخل سيارته رمله شاريها ب360 والحين ماجاب له الا 180 متحسف يقولي لو اني مكسرها ابرك , كان يطنز علي لاني ادخل موتري بر بحر سفرر و3 مرات مبدل ستيرنج بوكس هههههههه من سواقتي الحلوه والحين يقولي لو مكسره من البدايه ابرك قلت له كنت اقولك من البدايه , كسر ولاتخلي شي بخاطرك

2011 يالذيب اذا ممشاه معقول ترى اتجيب له فوق 225 براحه خاصه اذا السياره نظيفه من صجك 180 قوله ليبيع حرام , وعليك بالعافيه اتغير الجمبينات والطيات واتسوي تورنه للدرامويلات :nice: