الفيس بوك يكشف جريمة الخادمة................................

[مستثمر رشيد]

الدوحة - الراية: قضت محكمة الجنايات بمعاقبة خادمة فلبينية بالحبس سنة مع وقف التنفيذ والإبعاد عن البلاد بعد إدانتها بسرقة مشغولات ذهبية من منزل كفيلتها. وكانت شرطة الريان قد تلقت بلاغا من إحدى السيدات يفيد اختفاء بعض المشغولات الخاصة بها.

وبتفتيش غرفة المتهمة تم العثور على مخبأ سري داخل الحائط بداخله 3 خواتم ذهبية وحلق واحد ذهبي وبعض الإكسسوارات، فيما تبين من مطالعة صور المتهمة على صفحتها على الـ Facebook ظهور اثنين من الخواتم المسروقة في أصابع المتهمة، فضلا عن ملابس خاصة بالمجني عليها.

[سيف QTR]

مع وقف التنفيذ :)

[ودي أكون]

فضلا عن ملابس خاصة بالمجني عليها

بصراحه أنصح نفسي والبنات .. أن أحنا ما انجيب خدامات بنفس أحجامنا .. يعني البنت لـ سمول اتجيب شغاله لارج .. والـ لارج اتجيب سمول وهكذا ..
الخوف أكثر من استخدم ملابسنا والله العالم من نظافة الشغالات والله أعلم هم يخشونها للسفر وإلا يستخدمونها من ورانا ؟!

بالنسبة لي / أي شغالة تستخدم الانترنت والفيس بوك .. ينحط عليها أكس او خط أحمر .. بمعنى الحذر منها

والله اعلى واعلم والله المستعان

[دايموند]

ههه ههه ههه
وشنو قالوا حرام وين الانسانيه ليش تمنعونهم من النت !!!

[العنيده]

الحمدلله انها جات على السرقه بس ربي يعوض معزبينها خير ان شاء الله ..

[المحاميه]

نسخه حق حمد وحسن واليمامه

[شيخ الديرة]

نسخه حق حمد وحسن واليمامه

مسرورين لمساعدتك بإتخاذ قرار الرفض

[المحاميه]

الموضوع ياخوي مب داخل بالي كلش
حاولت اقتنع ماقدرت فيه شي غلط فالسالفه

احس لو عطيت وحده باعطي الباقي ولا ليش اعطي الباقي هي بتسربه للكل

اول شي بيكون لود عالروتر ثاني شي كل وحده بيكون النت هو شغلها الشاغل وراح يصير تقصير في الشغل ثالث شي ممكن يسهرون عليه وثاني يوم تقول تعبانه ويظهر عليها الارهاق وعدم القدره على العمل

غير العواقب الثانيه
ويمكن تطيح على تجمع خدامات وكل وحده تبشر الثانيه بالعلوم الاجراميه وتعلمها شلون اتمرد الخ

فليش اعور راسي مافي نت واللي مب عاجبها كيفها ترجع بلادها تدور النت هناك

[العقل المدمر]

انا مره شفت خدامتنا لابسه عباتي وشيلتي ومصوره وحاطتها عالفيس بوك
طبعا ماتدري اني اتابعها واتابع خدامات العايله كلهم :shy:

[شيخ الديرة]

الموضوع ياخوي مب داخل بالي كلش
حاولت اقتنع ماقدرت فيه شي غلط فالسالفه

احس لو عطيت وحده باعطي الباقي ولا ليش اعطي الباقي هي بتسربه للكل

اول شي بيكون لود عالروتر ثاني شي كل وحده بيكون النت هو شغلها الشاغل وراح يصير تقصير في الشغل ثالث شي ممكن يسهرون عليه وثاني يوم تقول تعبانه ويظهر عليها الارهاق وعدم القدره على العمل

غير العواقب الثانيه
ويمكن تطيح على تجمع خدامات وكل وحده تبشر الثانيه بالعلوم الاجراميه وتعلمها شلون اتمرد الخ

فليش اعور راسي مافي نت واللي مب عاجبها كيفها ترجع بلادها تدور النت هناك

حضري نفسج لمشاهدة فلم بعنوان "ليش خدامة أم صجمة عندها وايرلس وأنا لا". التذاكر مجانية، يمنع اصطحاب حسن وحمد ويمامة.

[ضوى]

السالفة الالعن واحدة لها حساب بالفيس بوك وحاطة صورة بنت العايلة عمرها 22 سنة