++ احترم مشاعر الاخرين واسئلة في غير وقتها ++

[شبح الصمت]

بسم الله والصلاة والسلام على افضل المرسلين سيدنا محمد صلى الله عليه وسلم


ابي الموضوع يكون للتناقش في المواضيع التي ليست في محلها ولا لك علاقة فيها وكثرتها مزعجة ..



اول مثال عن حالات الوفيات

وعقب حطو لنا مثال وتناقش فيه


(( الوفيات ))


الناس في حالة عزء وتعب وناس نفسيتها تعبانه ويجيك شخص يسألك اشلون توفى ويقعد يسال ويسال واسئلة ما لها معنى ويجيك واحد ثاني يسال اهل المتوفي اشلون وكيف ياخي انت جاي تعزي وتدعي له وآلا لازم كثر هالاسئلة مات والله يرحمه شلي راح يقدم وآلا يآخر

اش رايكم في هالناس
وهل انتم منهم تحبون تسألون لاجل تنشرون سبب الوفاه ..

[ضوى]

قد اتفق معك اخي شبح ، فيه ناس تسأل فضول ومن باب انها حشرية تحب تعرف كل شي ، وفيه ناس تسأل انها مستغربة بني ادم صاحي جدامها فجاة تسمع انه توفى شوي يكون الخبر صادم بالنسبة لهم ، حتى لو انا مكانهم وقالوا لي فلانة او فلان توفوا ماراح استوعب انه هذا يومه وبس استغفر لله اكيد بانصدم وبأسال اشلون لاني اعرف هالفان والا هالفلانة مافيهم شي ولا يشتكون من علة والا مرض والا شي اخر متوقع موتهم منه ، عكس المريض اللي مطول في المستشفى ومن فترة ويتوفى هنا ماتسأل عن وفاته لانك اصلا عارف ومتوقع ممكن اي لظة ربي ياخذ امانته وهنا يبين الانسان الحشري والفضولي

الله يرحم امواتنا ويوسع منازلهم ويسكنهم الجنة بغير حساب ولا سابقة عذاب

[ولد العرب]

اي والله اخوي
بعضهم مواضيع تجارة وفلة احجاج
خير ياعمي خلهم في حاله سلم واشرب فنجالك وقبض الباب :anger1:

[نوفا91]

شبح خلك من اللي يسألون شلون توفى ،
رحت مره عزى والولد متوفي بحادث ، تخيل الحريم فالعزى وحده ترويهم صورة الحادث وام الولد قاعده وووحيدها هالولد ، واكثر من وحده يتكلمون ويقولون الله يرحمه كان مسرع ، حلفي بس

والله مسكت نفسي ، الحين عزى وام الوالد حالتها تعور القلب وكل وحده تفلسف

:)

[النهار]

في البعض الله هداهم بدل مايجي يواسي الشخص يزده هموم بدل مايقول له الله يخلف عليك بأحسن من قبل وانت لين الحين شباب قادر توقف على رجولك من جديد
وعندك الخبره الكافيه انك تحاول من جديد وتجيب له امثله نجاح وليس تجارب فشل
تاجر خسر في تجارته لاي سبب ما يجيك واحد تذكر يوم قلت لك لاتشارك فلان كان قلبي حاس انه بينكبك ليش ياخوي انت كنت تعلم الغيب
او يقول له انا من الاول قلت لك هذي النوع من التجاره مامنها فايد حشي بومه يتفاول على الرجال من البدايه
وفي امثله كثيره تصب في لب الموضوع

[شبح الصمت]

قد اتفق معك اخي شبح ، فيه ناس تسأل فضول ومن باب انها حشرية تحب تعرف كل شي ، وفيه ناس تسأل انها مستغربة بني ادم صاحي جدامها فجاة تسمع انه توفى شوي يكون الخبر صادم بالنسبة لهم ، حتى لو انا مكانهم وقالوا لي فلانة او فلان توفوا ماراح استوعب انه هذا يومه وبس استغفر لله اكيد بانصدم وبأسال اشلون لاني اعرف هالفان والا هالفلانة مافيهم شي ولا يشتكون من علة والا مرض والا شي اخر متوقع موتهم منه ، عكس المريض اللي مطول في المستشفى ومن فترة ويتوفى هنا ماتسأل عن وفاته لانك اصلا عارف ومتوقع ممكن اي لظة ربي ياخذ امانته وهنا يبين الانسان الحشري والفضولي

الله يرحم امواتنا ويوسع منازلهم ويسكنهم الجنة بغير حساب ولا سابقة عذاب


اللهم آمين اختي
ونفس ما تفضلتي مره وحده شخص قريب منج بتسالين عنه بس مش حزت العزء او الواحد يسال شخص قريب منهم بس مش كالوالدين او الاخوه لانهم في حالة بيكونون لا يعلم بها الا الله وقضاء الله وقدره ..




اي والله اخوي
بعضهم مواضيع تجارة وفلة احجاج
خير ياعمي خلهم في حاله سلم واشرب فنجالك وقبض الباب :anger1:


حي الله الشيخ
هذولي موضوعهم ثاني الي يسولفون في المقبره بالتحديد في امور ما لها اي دخل ياخي انت جاي لمكان لازم تكون متاثر في الشيء وفي الوفاه وفي الكلام وفي وقت الدفان ترحم على المتوفي وتعتبر وتعلم انه الدور اتاً لنا جميعاً ..
اقل ما فيها احترم حرمة المكان والوقوف على قبر شخص عزيز سوف يحاسب ادعي له ولا تجعل الدنيا همك حتى وانت في هذا الموقف ..




شبح خلك من اللي يسألون شلون توفى ،
رحت مره عزى والولد متوفي بحادث ، تخيل الحريم فالعزى وحده ترويهم صورة الحادث وام الولد قاعده وووحيدها هالولد ، واكثر من وحده يتكلمون ويقولون الله يرحمه كان مسرع ، حلفي بس

والله مسكت نفسي ، الحين عزى وام الوالد حالتها تعور القلب وكل وحده تفلسف

:)


يا هلا ومرحبا اختي نوفا

والله شيء يعور القلب ومثل ما قلتي في ناس ما تحترم او مدري اشلون اقول لك ما عندها ذرة ذرابه وتقدر الموقف الي امامها والحالة النفسية الي فيها الشخص .. الواحد يهون ويذكر الله ويذكرها بانه راح لرب غفور رحيم ..

انا اتمنى في هالمواقف انه يكون في كل عزء انه وزارة الاوقاف توفر شيخ وداعية يتكلمون في المجالس لمدة 3 ايام ادري بتقولون صعبة بس اقل شيء يمرون ويجلسون له اقل شيء ساعة يتحدثون فيها بكلام طيب ودعاء للميت

[النهار]

حاله ثانيه
تحصل وحده رايحه بيت ناس وقاعده تسولف عن محاسن زوجها وانه مخليها يادهينه لاتنكتين ومخليها ملكه وانه جاب لها شي الفلاني
وسواء لها عيد ميلاد وسفرها اوربا ووووووووو
وهي تعرف ان الحرمه الي قاعده تزورها عندها رجل متسلط قاسي القلب همه نفسه ومقصر عليهم في كل شي
هذي اما حسوده تريد تخرب بيوت خلق الله او غبيه بما فيه الكفايه ماعندها شعور واحساسها ميت

[ولد العرب]

في البعض الله هداهم بدل مايجي يواسي الشخص يزده هموم بدل مايقول له الله يخلف عليك بأحسن من قبل وانت لين الحين شباب قادر توقف على رجولك من جديد
وعندك الخبره الكافيه انك تحاول من جديد وتجيب له امثله نجاح وليس تجارب فشل
تاجر خسر في تجارته لاي سبب ما يجيك واحد تذكر يوم قلت لك لاتشارك فلان كان قلبي حاس انه بينكبك ليش ياخوي انت كنت تعلم الغيب
او يقول له انا من الاول قلت لك هذي النوع من التجاره مامنها فايد حشي بومه يتفاول على الرجال من البدايه
وفي امثله كثيره تصب في لب الموضوع

:con2: النهار نسيت سوالفك بالعزاء عن حمد 2002 ومنتدى االاسهم escape

[النهار]

:con2: النهار نسيت سوالفك بالعزاء عن حمد 2002 ومنتدى االاسهم escape

ياخوي لاتذكرني حمد ترك المنتدى والي الابد حسب ماجاء في توقيعه العظيم
سوف يسطر التاريخ هذالتوقيع يامعيض :weeping:

[شبح الصمت]

ياخوي النهار مثل هالمره مفروض من عند الباب يعلقووونها او يحططونها على الصامت يوم تدخل محد يعطيها وجه ويسحبون عليها .
في ناس ما تستحي صدق

[بومحمد المطاوعه]

استغفرالله من هالبشر

نفس عزا ابوي الله يرحمه

جاني واحد يقولي اشلون توفى الوالد ..!

كنت بقولك
ليش انا فاضي لك ارد عليك
اصلن زين مني قمت وسلمت عليك

بس سكت ومسكت نفسي اهو حس ف نفسه وسكت

اقسم بالله ريولي ماتشيلني من الحزن
ياخي هالناس مادري شلي يبونه
خلاص الرجال توفى ادعي له
لازم افتح لك ملف ابوي واقولك ان توفى بسبب تليف فالكبد
وبسبب اهمال مستشفى حمد

صعب ارد عليك يالسائل وانا في موقف في قمه الحزن


صحيح لا اعترض على أمر الله والحمدلله على كل حال
ولكن يبقى الأب أب وغصب عني احزن وابكي
والحزن سيبقى مهما طال الزمن

الله يرحمك يايبه
يارب مثواه الجنه والمسلمين اجمعين






الله يجزاك خير يالغالي ع الموضوع

[راجي الْعفو]

سبحان الله .. جزاك الله خير ياشبيح عاللفته المهمة ..

المصايب مثل الوفاة و غيرها ما شرع لها العزاء و ما شابهها الا من اجل انك اتخفف على صاحب المصيبه و تونسه و تسليه و اطلعه من جو الهم اللي هو فيه ..

اما اللي منتشر في هالزمن ، من تصوير الحادث مثلا و رؤية اهل الميت له ، و نشر الصور في مواقع التواصل الاجتماعي بهذا الغرض ، هذي كلها امور قد تزيد من نكد اهل الميت و ضيقتهم ..

لازم الابتعاد عن مثل هالاشيا اللي اتعكر جو اصحاب المصائب ، وتزرع فيه التفاؤل و الامل و الثقة بالله عز و جل ..

لك التحية ياراعي الايفون المستقبلي !

[شبح الصمت]

استغفرالله من هالبشر

نفس عزا ابوي الله يرحمه

جاني واحد يقولي اشلون توفى الوالد ..!

كنت بقولك
ليش انا فاضي لك ارد عليك
اصلن زين مني قمت وسلمت عليك

بس سكت ومسكت نفسي اهو حس ف نفسه وسكت

اقسم بالله ريولي ماتشيلني من الحزن
ياخي هالناس مادري شلي يبونه
خلاص الرجال توفى ادعي له
لازم افتح لك ملف ابوي واقولك ان توفى بسبب تليف فالكبد
وبسبب اهمال مستشفى حمد

صعب ارد عليك يالسائل وانا في موقف في قمه الحزن


صحيح لا اعترض على أمر الله والحمدلله على كل حال
ولكن يبقى الأب أب وغصب عني احزن وابكي
والحزن سيبقى مهما طال الزمن

الله يرحمك يايبه
يارب مثواه الجنه والمسلمين اجمعين






الله يجزاك خير يالغالي ع الموضوع




الله يرحمه ويغفر له يارب
ويجعل قبره روضه من رياض الجنه
ويجمعكم معاه في جناته الفردوس
اللهم آمين


وهالموقف يا اخواني وخواتي الي قاعد اتكلم عليه ناس متاثره وناس مهب مفتكره ..
ناس الحزن مالي قلوبهم على فراق غاليين ويتذكرون اللحظات الي معاهم وانقطعت فيهم الصلة وبدت صلتهم مع رب العباد




الله يرحمنا برحمته

[شبح الصمت]

سبحان الله .. جزاك الله خير ياشبيح عاللفته المهمة ..

المصايب مثل الوفاة و غيرها ما شلرع لها العزاء و ما شابهها الا من اجل انك اتخفف على صاحب المصيبه و تونسه و تسليه و اطلعه من جو الهم اللي هو فيه ..

اما اللي منتشر في هالزمن ، من تصوير الحادث مثلا و رؤية اهل الميت له ، و نشر الصور في مواقع التواصل الاجتماعي بهذا الغرض ، هذي كلها امور قد تزيد من نكد اهل الميت و ضيقتهم ..

لازم الابتعاد عن مثل هالاشيا اللي اتعكر جو اصحاب المصائب ، وتزرع فيه النفاؤل و الامل و الثقة بالله عز و جل ..

لك التحية ياراعي الايفون المستقبلي !



ويجزاك ياخوي
في ناس لسان تتكلم وتسال وفي ناس يقولك عندها صور وترويهم ليش يعني فوق الحزن حزن ..
ما في احلى من الدعاء

ونفس ما قلت وذكرت ليت في كل عزاء يتم انتداب مطاوعه يمرون على المجالس او الخيام الي فيها العزء ويذكرون اهل الميت والحاضرين بالموت والكلام الي يشرح الصدر وبالجنه وبالنار لعلى وعسى احد يلين قلبه ..

احسن من السوالف والضحك لانه صدق الحين العزء صار مثل المجلس وجود الشباب وسوالفنا على امور الدنيا وما فيها وما هو حالها ونسينا انه احنا جايين لشخص مات وراح يوم نوضع في المكان الي وضعه به ..

الله يرحمنا برحمته

[khalid Qtr]

الأمر عائد لتربية الشخص وتعليمه في بيت أهله ، لو كان متعلم صح ما يسأل مثل هالأسئلة لا في عزا ولا في غيره ، فعلا تواجه أنواع غريبة وتسأل أسئلة ما لها داعي .. خاصة ذاك النوع اللي يجيك يسألك اسئلة شخصية وهو توه متعرف عليك

[بومحمد المطاوعه]

الله يرحمه ويغفر له يارب
ويجعل قبره روضه من رياض الجنه
ويجمعكم معاه في جناته الفردوس
اللهم آمين


وهالموقف يا اخواني وخواتي الي قاعد اتكلم عليه ناس متاثره وناس مهب مفتكره ..
ناس الحزن مالي قلوبهم على فراق غاليين ويتذكرون اللحظات الي معاهم وانقطعت فيهم الصلة وبدت صلتهم مع رب العباد




الله يرحمنا برحمته

اللهم امين يارب
ويجزاك ياخوي


الله كريم
والحمدلله على كل حال

رحماك ياربي :)

[للصبر اخر]

تدري اخوي شبح
وحده من الاهل تقولي
لما توفى يدي اول ليله من وفاته ياتنا وحده تعزي وقعدت جمبي تسالني انتي معرسه قلت لها لا قالت زين اخطبج حق اخوي
تقول بغيت اقولها انتي هبله والا تستهبلين يدي متوفي وتوه امس دافنينه شهالخطبه اللي مال امها داعي
في ناس ماعندها احترام ابد

[ولد العرب]

تدري اخوي شبح
وحده من الاهل تقولي
لما توفى يدي اول ليله من وفاته ياتنا وحده تعزي وقعدت جمبي تسالني انتي معرسه قلت لها لا قالت زين اخطبج حق اخوي
تقول بغيت اقولها انتي هبله والا تستهبلين يدي متوفي وتوه امس دافنينه شهالخطبه اللي مال امها داعي
في ناس ماعندها احترام ابد

يبي يكحلها عماها :rolleyes2:

[شبح الصمت]

الأمر عائد لتربية الشخص وتعليمه في بيت أهله ، لو كان متعلم صح ما يسأل مثل هالأسئلة لا في عزا ولا في غيره ، فعلا تواجه أنواع غريبة وتسأل أسئلة ما لها داعي .. خاصة ذاك النوع اللي يجيك يسألك اسئلة شخصية وهو توه متعرف عليك



اسئلة وكلام ما له معنى
ياخي صدقت على التربية والبيئة
في اشخاص يحسبون انه لو سولف معاك خارج نطاق العزء انه راح يغير مودك ويخليك تطلع من الحزن ياخي اقل ما فيها احترام هالثلاث ايام والوضع الي انا فيه وحالتي النفسيه وعقب لي ارتحت وشفتني سوالف معاي وقول الي في خاطرك ..






اللهم امين يارب
ويجزاك ياخوي


الله كريم
والحمدلله على كل حال

رحماك ياربي :)


ويجزاك ياخوي الغالي



تدري اخوي شبح
وحده من الاهل تقولي
لما توفى يدي اول ليله من وفاته ياتنا وحده تعزي وقعدت جمبي تسالني انتي معرسه قلت لها لا قالت زين اخطبج حق اخوي
تقول بغيت اقولها انتي هبله والا تستهبلين يدي متوفي وتوه امس دافنينه شهالخطبه اللي مال امها داعي
في ناس ماعندها احترام ابد


الله يرحمه برحمته
ويجعل قبره روضه من رياض الجنه
ويجمعكم معاه في جناته الفردوس


مدري هالناس اشلون تفكيرها صدقيني مدري هل اهي هباله فيهم او انهم يتعمدون يبون يغيرون نفسية الواحد والبعض صادق مثل ذي تراها تتكلم من صجها بس صج ما تستحي على وجها ..
مفروض تقوم من جمبها واطنش لها تخلي وجها ينصفق وتلفت لاجل تستحي وما ترد مره ثانية تعيدها في اي مكان ..

اخاف انه الخطابات قاموا يوصلون للعزء لاجل يخطبون البنات

استغفر الله العظيم

[عثرة جواد]

السلام عليكم

انا ماشوف فيها شي لوحدسال عن سبب الوفاة
خصوصا لوكان المتوفي صغير مب مراض او شي

اهم شي لايدخل ف التفاصيل والا يكثرالاسئله