من المسؤول ؟؟؟؟

[المرحب]

كل يوم تطالعنا صحفنا الغراء في دولتنا الحبيبة قطر بأخبار بأن حماية المستهلك ضبطت منتجات مقلدة أو مواد فاسدة أو غش تجاري

مشكورين موظفي حماية المستهلك على ما يبذلونه من جهد في سعيهم المستمر لمواجهة الأخطار والأضرار التي قد تلحق بالمستهلك

عند شرائة واستخدامة لتلك السلع المغشوشة.

لكن سؤالي هو

كيف تم السماح لهذه المواد والسلع بالدخول للوطن ؟؟؟

شكراً يا وزارة الإقتصاد والتجارة متمثلة في إدارة حماية المستهلك وجمارك قطر !!!

اللهم أحفظ قطر حكومةً وشعباً ...

والله من وراء القصد ...

[شبح الصمت]

الله يوليك العافيه وكلامك صحيح


الثلاث جهات الي ذكرتها اهي المسؤولة او المراقبين عنها ..

مثل الحين جايه بضاعة للدوحة باقي على انتهائها 3 شهور ينصدم التاجر انها بتنتهي خلاص والجمارك ما راح يدخلها فيتبرع بها للجمعيات الخيرية الي تقوم بدورها انها تصرفها للاسر المحتاجة ..


وبخصوص المواد المقلدة قلنا مواد تنلبس تتقلد لكن مواد مثل الشامبو او غيره او غيره للاستخدام الادمي هذه مصيبه ومفروض يتعاقب عليها كل من ساعد على اداخلها ..

[7llo]

الشيخ بقولك شي ترا التاجر والبايع يكون شاري اغراض سليمه مافيها شي لكن تخترب من نفسها او يكون فيها عيب مصنعي مثال : الحين انت تاجر وعندك محل تلفونات شريت قول 30 تلفون بالجمله ممكن يكون بين هل 30 تلفون 5 او 6 خربانين وانت يالتاجر عبالك شغالين المشتري بيرجع التلفون وبياخذه التاجر وبيعطيه واحد ثاني لانه ذاك خربان والتاجر بيرجع الخربان للمكان الي شرا منه وهكذا يعني التاجر مسكين مايعرف انه هذا شي الخربان او انغش فيه , اوصلت المعلومه

[المرحب]

تسلم يا شبح الصمت عالتوضيح والمرور

[الدوحه1]

التقليد وصل للادويه!!!!!

مره شفت تقرير في قناه امريكيه عن انتشار الادويه المقلده في العالم والتركيز على الادويه الغاليه!!!

السؤال: اشلون نقدر نمييز بين الادويه الاصليه والتقليد لأن في التقرير حتى الخبراء ماقدروا يميزون بينهم الا بالتحليل!!!؟؟؟؟

[alsoq]

شوف طال عمرك عندنا مافيه مسؤل
فيه مصالح شخصيه يمسك المنصب وينسى المسؤليه فا كذا ما فيه مسؤل:)

[حسن]

الغش والتهريب والبضائع المقلده مثل البحر كل ماتتطور الاجهزه للكشف عليها
بعد هم يتطورون وهذا الحال

فعلا هناك قطع غيار مقلده ومن زمان ومعروضه في المحلات
قبل ماكان عندنا ادراه المواصفات والمقاييس والحين موجوده
واعتقد هي شغاله على هذا الموضوع
الصراحه الجوده اصبحت عندنا ضئيله وتجد صعوبه في ايجادها
الصين غزت العالم

[Bo jassim 33]

فيه كثير بضايع مقلده

شوفها بتويتر والانستغرام او حتى هنا بالمنتدى

السؤال

اشلون دشت للدوحه اساسا ؟؟

[المرحب]

الشيخ بقولك شي ترا التاجر والبايع يكون شاري اغراض سليمه مافيها شي لكن تخترب من نفسها او يكون فيها عيب مصنعي مثال : الحين انت تاجر وعندك محل تلفونات شريت قول 30 تلفون بالجمله ممكن يكون بين هل 30 تلفون 5 او 6 خربانين وانت يالتاجر عبالك شغالين المشتري بيرجع التلفون وبياخذه التاجر وبيعطيه واحد ثاني لانه ذاك خربان والتاجر بيرجع الخربان للمكان الي شرا منه وهكذا يعني التاجر مسكين مايعرف انه هذا شي الخربان او انغش فيه , اوصلت المعلومه


الله المستعان