المساعد الشخصي الرقمي

مشاهدة النسخة كاملة : من يقدر يركب لي مراوح الدرويش Xpelair ؟


jaf111
26-10-2014, 12:54 PM
السلام عليكم



ابي اغير مراوح البيت عندي وشريت مراوح الدرويش لكن المشكلة ان المراوح لها كفر خارجي من برع البيت والكهربجيه مايقدرون يركبونها من برع لان الارتفاع عالي "الطابق الثاني والبنث هاوس "

في اي شركة او كهربجي عدل يقدر يركبهم لي
بوNasser
26-10-2014, 01:53 PM
السلام عليكم



ابي اغير مراوح البيت عندي وشريت مراوح الدرويش لكن المشكلة ان المراوح لها كفر خارجي من برع البيت والكهربجيه مايقدرون يركبونها من برع لان الارتفاع عالي "الطابق الثاني والبنث هاوس "

في اي شركة او كهربجي عدل يقدر يركبهم لي

اي كهربجي شاطر يمكن يركب هالمراوح، والغطا يركب عليه السلك الحديد العريض، ويشده للداخل.

أهم شي انه يقدر يمرر الكفر (الغطا) حتى لو بشكل مايل، من فتحة المروحة الى برع، ولازم يربط الكفر بخيط (احتياط حتى ما يفرط) وبس، بعدها يوازن الكفر ويثبته بالسلك المرفق (مثل الحزام الحديد).
jaf111
26-10-2014, 02:02 PM
اي كهربجي شاطر يمكن يركب هالمراوح، والغطا يركب عليه السلك الحديد العريض، ويشده للداخل.

أهم شي انه يقدر يمرر الكفر (الغطا) حتى لو بشكل مايل، من فتحة المروحة الى برع، ولازم يربط الكفر بخيط (احتياط حتى ما يفرط) وبس، بعدها يوازن الكفر ويثبته بالسلك المرفق (مثل الحزام الحديد).

جزاك الله خير
يعني مب لازم يركب درج من برع ؟ ويركب الغطاء الخارجي من داخل ؟
معماري قطري
26-10-2014, 09:50 PM
جزاك الله خير
يعني مب لازم يركب درج من برع ؟ ويركب الغطاء الخارجي من داخل ؟

انا بالسقالة ركبوهم والسقالة ممكن تكون صغيرة ومن النوع اللي تواير تتحرك بسهولة, وطريقة بوناصر ممكنة بس مشكلتها إِن الغطاء ما يدخل من خلال البايب ال 4 إِنش وإِذا يقدر يوصل للخارج من الدريشة ويثبته بالأَسلاك الخاصة من الداخل زين
بومحمد55
27-10-2014, 11:49 PM
أنا كان عندي نفس المشكلة شريت من الدرويش ونفس الشيء
الكفر الخارجي ورحت حق الشركة اللي ركبت لي اليوبي في سي
وبطلو الزجاج وركبو المراوح وكل شي تمام ميه ميه