استفسار عن spot lights

[Reemee]

أعزائي خبراء البنيان ولاتهونون ...

بغيت استفسر عن الإضاءة السبوت لايت لان بغيت أخذ led

وين أحسن مكان وهل تمدحون اللي في الصيني ( مجمع التنين) ؟؟


واشكر لكم تعاونكم .. وبالتوفيق للجميع

[معماري قطري]

مر يا اخوي على الدرويش كان عندهم عينة وصناعة صينية بس الدرويش ما يجيبون الا الزين

وعندك الشعلة وغرناطة واضواء الصالحية كلهم في طريق سلوى

[خليفـة]

فيه محل مقابل محل العمودي الي في بروة
بجانب الشعلة
الي تبيع في المحل صينية
عندهم ليتات سبوت ال اي دي
كوالتي محترم ومضمون
هالكلام عن تجربة

Khalifa

[ضوى]

ممكن افهم شنهو الفرق بين الليد والسبوت العادي الابيض والاصفر ؟.

[الســـهم]

أعزائي خبراء البنيان ولاتهونون ...

بغيت استفسر عن الإضاءة السبوت لايت لان بغيت أخذ led

وين أحسن مكان وهل تمدحون اللي في الصيني ( مجمع التنين) ؟؟


واشكر لكم تعاونكم .. وبالتوفيق للجميع


مرحبا اختي reemee ..

بخصوص لمبات الـ led ..

انصحكم بالابتعاد عن النوع اللي تجي داخله ثلاث لمبات , والسبب انارة ضعيفه جدا ونازله عموديه على الارض , يعني توزيع الاضاءة فيها سيء جدا ..

الحين فيه نوع جديد وانا شخصيا مجربها وانصحكم فيها وبشدة , عبارة عن لمبة وحده وتوزيعها ممتاز جدا نفس اضاءة الهيلوجين , ويجي منها 4 واط و6 واط و و8 واط وبارده جدا ماتسوي حمل على الكهرباء ..

وفي منها نوعين , نوع يشتغل دايركت وسعرها عند الصالحية للمبه الوحده بحدود 40 ريال والنوع الثاني ممكن تستخدم فيه الديمر (تعلي وتوطي عالاضاءة) وسعر اللمبه بحدود 50 ريال ..

اللي يعيبها سعرها العالي مقارنة بالهيلوجين اللي تجي لمبته بـ 4 ريال واذا كثرت 6 ريال , بس هذا النوع عملي جدا ويشتغل لمدة طويلة ومايحترق بسرعة نفس الهيلوجين ..

وامس سألت عن سعرها فالامارات , اللمبة مع فريم اسباني ابيض بحدود 35 ريال للدايركت و40 ريال للي مع ديمر ..

[(عبدالله)]

مرحبا اختي reemee وجميع الأعضاء

موضوع لمبات الLED أنا خضت فيها صولات وجولات في الدوحة ودبي وبعطيكم الخلاصة بعد ما أشرح نتيجة البحث

في البداية بغيت أقول إن لمبات الLED تكنولوجيا جديدة في السوق وقامت عليها شركات كثيرة والآن هم يتنافسون وكل فترة وفترة تنزل موديلات وFeatures جديدة مما تعطي المستهلك خيارات أكثر ويستفيد من تنافس الشركات وبالتالي نزول الأسعار

قبل 30 سنة لما نزلت لمبات الHalogine كانت اللمبة وقتها ممكن توصل ب50 ريال.. وال50 ريال في ذاك الوقت مبلغ ضخم حق لمبة.. أما الآن ممكن تحصلونها بريالين وطالع لأن زادت المنافسة والخيارات

لمبات الLED الآن في نفس الخط تقريباً



كيف أختار نوعية اللمبة؟
في عوامل كثيرة الواحد لازم يتطرق لها قبل اختيار اللمبة وهي الكالتالي:

1- سعة الكهرباء
معروف عن الLED استخدامها شريحة الكترونية تقريباً 4-5 شركات هي الرائدة فيها في العالم مثل شارب وغيرها ميزتها تكفيها طاقة قليلة للاضاءة، مثلاً الإضاءة في الLED تتطلب 5 واط = 40 واط في الهالوجين.
واحنا أهل قطر اللي يقول لنا ما بتفرق عندنا الكهربا ببلاش.. أنا أقول بالعكس تفرق عندنا... الحمدلله بيوتنا كبيرة وصرنا نركب اللمبات بالمئات، مثلاً اللي مركب 400 لمبة ممكن يحتاج بس 2000 واط لها كلها مقابل 16 ألف واط في حالة الهالوجين. بالإضافة إلى اعتبارات السلامة كلما قللت استهلاك الطاقة كلما قلت احتمالية حدوث حريق ناتج عن شدة الحرارة في كيبل الكهرباء واللمبة.

2- دايركت و إن دايركت
لمبات الهالوجين الشائعة بعضها تحتاج محول خارجي وبعضها منها وفيها تعتمد على الشركة المصنعة وبالتالي يترتب عليها سعر أعلى.. أما الLED فاللي تحتاج محول خارجي بدأ يتلاشي وصار النوع اللي مايحتاج تركيب محول خارجي ينتشر.. وبالتالي تكون اللمبة منها وفيها محول مباشر (دايركت).

3- شدة الإشعاع Lumin
هاذي نقطة مهمة يغفل عنها كثير من الناس.. ضروري جداً تعرف شدة الإشعاع أو الإضاءة اللي تحتاجها... هل تحتاج لمبة تنور لك الصالات؟ ولا إضاءة خافتة؟ ..إلخ
السعر بيفرق في شدة الإضاءة

4- ديمابل ولا نون ديمابل (Dimmable or non dimmable)
هل تحتاج إن الإضاء تكون قابلة للتحكم في شدتها ولا ما تحتاج.. السعر بيفرق في الموضوع

5- زاوية الحزمة (Beam Angle)
والمقصود بها حدود انتشار الإضاءة ... هل تحتاج انتشار الإضاءة في الغرفة أو الصالة تكون الحزمة واسعة وبالتالي تقليل عدد اللمبات ولا تبغيها ضيقة مركزة على مكان أو منطقة معينة عشان يظهر الديكور اللي على الطوفة أو التحفة أو اللوحة؟
انت واحتياجك مع نصيحة مهندس الديكور

6- الصناعة وسوق اللمبات في الدوحة
أكثر الشركات اللي داخلة المنافسة هي الشركات الصينية تتفاوت فيها الموديلات والأنواع والأشكال، اما الشركات الأوروبية فمحدود عددها وكذلك قامت تصنع منتجاتها في الصين.
أما سوق اللمبات في الدوحة للأسف كلها صينية وإذا تبي ماركة مثل فيليبس أو أوسرام بيكون سعرها باهظ جداً. الصناعة الصينية للأسف ما لها ستاندر معروف مثل الصناعة الأوروبية أو البريطانية أو الأمريكية.. لذلك انت وحظك فيها إما تاخذ لأن ناس مجربين ويمدحون المنتج أو انك تصدق راعي المحل الموزع.
أما في دبي فالسوق عندهم أوسع وفيها ماركات أكثر لشركات غير صينية مثل SYV وV-TAC وسيلفانيا ..إلخ
في الدوحة في فرع لشركة NVCفي قرية بروة منتجاتها من اللمبات من ضمنها السبوت لايت LED ممتازة وعندهم كافة الخيارات والاكسسوارات اللازمة مثل الهولدر والفريم. ويعطون ضمان كامل عاللمبة لمدة سنة... أعتقد سعر اللمبة 30 ريال.

7- نوع الشريحة
الشريحة أنواع تعتمد على التكنولوجيا المستخدمة.. شخصياً مالقيت أي فرق بينها بشكل ملموس يمكن أحد متخصص يفيدنا لكنها إما تكون Cree أو متقدم Cree Xpe.

8- لون الإضاءة
حسب حاجتك ودرجة الإضاء.. ولها كود معين ماعني حالياً تفاصيله.. مثلاً 3000K معانته لون الإضاءة أصفر.

9-الضمان
أكثر اللمبات جديرة بالثقة لما تاخذها من وكيلها ويكون عليها ضمان.. والضمان يتفاوت ما بين سنة وسنتين وثلاث سنوات.. حتى الضمان فيه فرق.. الGuaranty معناته يبدل لك اللمبة المحروقة على طول خلال فترة الضمان وإذا ماعنده يرجع لك فلوسك قيمة اللمبة والWarranty يكون ضمانها محدود ويتحرى سبب العطل ويمكن يبدل لك او لا أو ينطرك لين تنزل عنده البضاعة مرة ثانية.

10-مكونات لمبة الLED اللازمة
لما ودك تشتري لمبات سبوت LED عليك تعمل حساب 3 أمور: اللمبة نفسها (تكلمنا عنها فوق) + الهولدر (في منها نوعين G08 وG10) حسب نوع اللمبة + الفريم (نوع بلاستيك يتغير لونه وممكن يخترب مع الوقت والحرارة ونوع ثاني زنك عملي ويعيش زمن طويل).

مثال:
الفريم:

http://www.arrco.ae/products/products_list/47/Spotlight

اللمبة:

http://www.arrco.ae/products/product_details/160/InfinityX

الهولدر (مثال):

http://img.banggood.com/thumb/view/upload/2014/03/SKU036920-(1).jpg




- تجربتي
أنا شريت نوعين من دبي

النوع الأول: SYV (الشركة الأم ألمانية والمصنع في ماليزيا) نفس الصورة في اللنك فوق
سعر اللمبة: 38 درهم والهولدر صناعة هندية ب درهمين والفريم ماركةSYV ب10 درهم (المجموع 50 ريال)
مواصفاته: 6 واط – دايركت – Lumin 430 Lm- Nondimmable- Beam Angle 45° - ماركة المانية تجميع ماليزيا- نوع الشريحة Cree من شارب- لون الإضاءة 2900- الضمان كامل مدة 3 سنوات.
الوكيل في دبي شركة آركو، عنوانهم:

Salahuddin Road,
Opps Crowne Plaza Hotel
Muraqqabat, Dubai
Tel: +971 4 2666 450
Fax: +971 2666 451
e: info@arrco.ae
http://www.arrco.ae/

النوع الثاني: V-tac (الشركة الأم بريطانية والمصنع في الصين) موديل VT-1870
سعر اللمبة: 12 درهم والهولدر والفريم خذتهم من شركة آركو(المجموع 24 درهم)
مواصفات اللمبة: 6 واط – دايركت – Lumin 500 Lm- Nondimmable- Beam Angle 120° - ماركة بريطانية تجميع الصين- نوع الشريحة Cree - لون الإضاءة 2900- الضمان محدود (warranty) لمدة سنتين.

http://www.eurocali.it/3200-large_default/v-tac-vt-1870-lampadina-led-gu10-6w-faretto-spotlight.jpg

وكيلهم في دبي وعنوانه:
V-TAC
Lighting Division :-
DNS GENERAL TRADING LLC (BRANCH)
BEHIND DOWNTOWN HOTEL,
NEAR AL SABKHA BUS STATION,
DEIRA, DUBAI (UAE)
TEL: +971-4-2356668
FAX: +971-4-2356669



لمزيد من الفائدة
تم إرفاق جدول مقارنة لأنواع اللمبات اللي سويت عليها بحث في دبي ولخصتها في هالجدول، مع ملاحظات:
1-ماركة V-tac في الجدول موديل آخر غير عن اللي أنا شريته.
2- المعلومات اللي في الجدول خذتها قبل سنة فالأسعار الآن غير وفي موديلات غير وأحسن.

اسمحوا لي عالقصور .. والله يوفقكم

[العربية نت]

موضوع السبوت لايت يحير الواحد لوجود مسميات واشكال مختلفة المهم ان اللمبات الي يسمونها ال اي دي افضل من الاسبوت لان اضاءتها بارده انا خذت من محل المشاعل مقابل وكالة ناصر بن خالد نوع ال اي دي الفريم اسباني ب 10 ريال واللمبة ال اي دي ب 35 ريال مع ضمان سنتين مسجل بالفاتوره بعد حجمها 7 سم وزوينه اضاءتها قوية وبارده

[Azizuk]

الشكر والتقدير الى الأخ (عبدالله) على الشرح الوافي

ما قصرت على هالمعلومات الطيبه

:victory:

[معماري قطري]

مشكور يا عبدالله ما قصرت .. بس اللي عنده سبوت لايت هالوجين ويبغي يغيره بدون تغييرات كبيرة في التسليك وفي الجزء الخارجي بس اللمبه .. ممكن؟ وهل بدون محول أَو بمحول؟

[ZURICH]

تبي سبوت كوالتي

خذ من الكريستال للانارة شارع الخليج

ليت هالوجين الماني

ترانس اوسرام اوتوماتيك

عن تجربة .. سبوت لايت ممتاز وعمره طويل

[Right]

مرحبا اختي reemee وجميع الأعضاء

موضوع لمبات الLED أنا خضت فيها صولات وجولات في الدوحة ودبي وبعطيكم الخلاصة بعد ما أشرح نتيجة البحث

في البداية بغيت أقول إن لمبات الLED تكنولوجيا جديدة في السوق وقامت عليها شركات كثيرة والآن هم يتنافسون وكل فترة وفترة تنزل موديلات وFeatures جديدة مما تعطي المستهلك خيارات أكثر ويستفيد من تنافس الشركات وبالتالي نزول الأسعار

قبل 30 سنة لما نزلت لمبات الHalogine كانت اللمبة وقتها ممكن توصل ب50 ريال.. وال50 ريال في ذاك الوقت مبلغ ضخم حق لمبة.. أما الآن ممكن تحصلونها بريالين وطالع لأن زادت المنافسة والخيارات

لمبات الLED الآن في نفس الخط تقريباً



كيف أختار نوعية اللمبة؟
في عوامل كثيرة الواحد لازم يتطرق لها قبل اختيار اللمبة وهي الكالتالي:

1- سعة الكهرباء
معروف عن الLED استخدامها شريحة الكترونية تقريباً 4-5 شركات هي الرائدة فيها في العالم مثل شارب وغيرها ميزتها تكفيها طاقة قليلة للاضاءة، مثلاً الإضاءة في الLED تتطلب 5 واط = 40 واط في الهالوجين.
واحنا أهل قطر اللي يقول لنا ما بتفرق عندنا الكهربا ببلاش.. أنا أقول بالعكس تفرق عندنا... الحمدلله بيوتنا كبيرة وصرنا نركب اللمبات بالمئات، مثلاً اللي مركب 400 لمبة ممكن يحتاج بس 2000 واط لها كلها مقابل 16 ألف واط في حالة الهالوجين. بالإضافة إلى اعتبارات السلامة كلما قللت استهلاك الطاقة كلما قلت احتمالية حدوث حريق ناتج عن شدة الحرارة في كيبل الكهرباء واللمبة.

2- دايركت و إن دايركت
لمبات الهالوجين الشائعة بعضها تحتاج محول خارجي وبعضها منها وفيها تعتمد على الشركة المصنعة وبالتالي يترتب عليها سعر أعلى.. أما الLED فاللي تحتاج محول خارجي بدأ يتلاشي وصار النوع اللي مايحتاج تركيب محول خارجي ينتشر.. وبالتالي تكون اللمبة منها وفيها محول مباشر (دايركت).

3- شدة الإشعاع Lumin
هاذي نقطة مهمة يغفل عنها كثير من الناس.. ضروري جداً تعرف شدة الإشعاع أو الإضاءة اللي تحتاجها... هل تحتاج لمبة تنور لك الصالات؟ ولا إضاءة خافتة؟ ..إلخ
السعر بيفرق في شدة الإضاءة

4- ديمابل ولا نون ديمابل (Dimmable or non dimmable)
هل تحتاج إن الإضاء تكون قابلة للتحكم في شدتها ولا ما تحتاج.. السعر بيفرق في الموضوع

5- زاوية الحزمة (Beam Angle)
والمقصود بها حدود انتشار الإضاءة ... هل تحتاج انتشار الإضاءة في الغرفة أو الصالة تكون الحزمة واسعة وبالتالي تقليل عدد اللمبات ولا تبغيها ضيقة مركزة على مكان أو منطقة معينة عشان يظهر الديكور اللي على الطوفة أو التحفة أو اللوحة؟
انت واحتياجك مع نصيحة مهندس الديكور

6- الصناعة وسوق اللمبات في الدوحة
أكثر الشركات اللي داخلة المنافسة هي الشركات الصينية تتفاوت فيها الموديلات والأنواع والأشكال، اما الشركات الأوروبية فمحدود عددها وكذلك قامت تصنع منتجاتها في الصين.
أما سوق اللمبات في الدوحة للأسف كلها صينية وإذا تبي ماركة مثل فيليبس أو أوسرام بيكون سعرها باهظ جداً. الصناعة الصينية للأسف ما لها ستاندر معروف مثل الصناعة الأوروبية أو البريطانية أو الأمريكية.. لذلك انت وحظك فيها إما تاخذ لأن ناس مجربين ويمدحون المنتج أو انك تصدق راعي المحل الموزع.
أما في دبي فالسوق عندهم أوسع وفيها ماركات أكثر لشركات غير صينية مثل SYV وV-TAC وسيلفانيا ..إلخ
في الدوحة في فرع لشركة NVCفي قرية بروة منتجاتها من اللمبات من ضمنها السبوت لايت LED ممتازة وعندهم كافة الخيارات والاكسسوارات اللازمة مثل الهولدر والفريم. ويعطون ضمان كامل عاللمبة لمدة سنة... أعتقد سعر اللمبة 30 ريال.

7- نوع الشريحة
الشريحة أنواع تعتمد على التكنولوجيا المستخدمة.. شخصياً مالقيت أي فرق بينها بشكل ملموس يمكن أحد متخصص يفيدنا لكنها إما تكون Cree أو متقدم Cree Xpe.

8- لون الإضاءة
حسب حاجتك ودرجة الإضاء.. ولها كود معين ماعني حالياً تفاصيله.. مثلاً 3000K معانته لون الإضاءة أصفر.

9-الضمان
أكثر اللمبات جديرة بالثقة لما تاخذها من وكيلها ويكون عليها ضمان.. والضمان يتفاوت ما بين سنة وسنتين وثلاث سنوات.. حتى الضمان فيه فرق.. الGuaranty معناته يبدل لك اللمبة المحروقة على طول خلال فترة الضمان وإذا ماعنده يرجع لك فلوسك قيمة اللمبة والWarranty يكون ضمانها محدود ويتحرى سبب العطل ويمكن يبدل لك او لا أو ينطرك لين تنزل عنده البضاعة مرة ثانية.

10-مكونات لمبة الLED اللازمة
لما ودك تشتري لمبات سبوت LED عليك تعمل حساب 3 أمور: اللمبة نفسها (تكلمنا عنها فوق) + الهولدر (في منها نوعين G08 وG10) حسب نوع اللمبة + الفريم (نوع بلاستيك يتغير لونه وممكن يخترب مع الوقت والحرارة ونوع ثاني زنك عملي ويعيش زمن طويل).

مثال:
الفريم:

http://www.arrco.ae/products/products_list/47/Spotlight

اللمبة:

http://www.arrco.ae/products/product_details/160/InfinityX

الهولدر (مثال):

http://img.banggood.com/thumb/view/upload/2014/03/SKU036920-(1).jpg




- تجربتي
أنا شريت نوعين من دبي

النوع الأول: SYV (الشركة الأم ألمانية والمصنع في ماليزيا) نفس الصورة في اللنك فوق
سعر اللمبة: 38 درهم والهولدر صناعة هندية ب درهمين والفريم ماركةSYV ب10 درهم (المجموع 50 ريال)
مواصفاته: 6 واط – دايركت – Lumin 430 Lm- Nondimmable- Beam Angle 45° - ماركة المانية تجميع ماليزيا- نوع الشريحة Cree من شارب- لون الإضاءة 2900- الضمان كامل مدة 3 سنوات.
الوكيل في دبي شركة آركو، عنوانهم:

Salahuddin Road,
Opps Crowne Plaza Hotel
Muraqqabat, Dubai
Tel: +971 4 2666 450
Fax: +971 2666 451
e: info@arrco.ae
http://www.arrco.ae/

النوع الثاني: V-tac (الشركة الأم بريطانية والمصنع في الصين) موديل VT-1870
سعر اللمبة: 12 درهم والهولدر والفريم خذتهم من شركة آركو(المجموع 24 درهم)
مواصفات اللمبة: 6 واط – دايركت – Lumin 500 Lm- Nondimmable- Beam Angle 120° - ماركة بريطانية تجميع الصين- نوع الشريحة Cree - لون الإضاءة 2900- الضمان محدود (warranty) لمدة سنتين.

http://www.eurocali.it/3200-large_default/v-tac-vt-1870-lampadina-led-gu10-6w-faretto-spotlight.jpg

وكيلهم في دبي وعنوانه:
V-TAC
Lighting Division :-
DNS GENERAL TRADING LLC (BRANCH)
BEHIND DOWNTOWN HOTEL,
NEAR AL SABKHA BUS STATION,
DEIRA, DUBAI (UAE)
TEL: +971-4-2356668
FAX: +971-4-2356669



لمزيد من الفائدة
تم إرفاق جدول مقارنة لأنواع اللمبات اللي سويت عليها بحث في دبي ولخصتها في هالجدول، مع ملاحظات:
1-ماركة V-tac في الجدول موديل آخر غير عن اللي أنا شريته.
2- المعلومات اللي في الجدول خذتها قبل سنة فالأسعار الآن غير وفي موديلات غير وأحسن.

اسمحوا لي عالقصور .. والله يوفقكم





كفيت و وفيت وما قصرت ، جزاك الله خير الجزاء

[(عبدالله)]

:: Azizuk ::

حاظر لك أخوي تامر أمر

:)

الشكر والتقدير الى الأخ (عبدالله) على الشرح الوافي

ما قصرت على هالمعلومات الطيبه

:victory:

[(عبدالله)]

:: معماري قطر ::

مرحبا الشيخ

عادي جداً... أهم شي مكان اللمبة عندك الوايرين موصلين كهربا 240 فولت (+الأرضي) اشبكهم بالهولدر وركب اللمبة الled (نوع دايركت)

اذا من قبل مركب هالوجين مع محول مالهم داعي الحين شيلهم في هالحالة

ماتحتاج أي تغييرات في التسليك وبالعكس بيقل العبء على الدائرة الموصلة بالمفتاح...

مثال: إذا الدائرة الكهربائية الي عندك الآن مقاس كيبلها ومفتاحها على أساس عدد 10 لبمات أم 50 واط= 500 واط

ركب الآن 10 لمبات led أم 6 واط= 60 واط... بتكون ريحت الدائرة الكهربائية... الأهم هو اختيار اللمية نفسها ومواصفاتها

موفق إن شاء الله

مشكور يا عبدالله ما قصرت .. بس اللي عنده سبوت لايت هالوجين ويبغي يغيره بدون تغييرات كبيرة في التسليك وفي الجزء الخارجي بس اللمبه .. ممكن؟ وهل بدون محول أَو بمحول؟

[(عبدالله)]

وجزاك المثل أخوي :)









كفيت و وفيت وما قصرت ، جزاك الله خير الجزاء

[Azizuk]

ايش احسن نوع لمبات دايركت او بالمحول

ويش تنصحون فيه

الملاحظ ان اكثر الناس تركب بدون محول

حتى الأخ Chambray ذكر في مشاركة سابقة ان في شركة إسبانية ومن أقوى الشركات تصنع المبات

http://www.qatarshares.com/vb/showthread.php?587821-%C7%D6%C7%C1%C9-%C8%E4%D9%C7%E3-%C7%E1%E1%ED%CF-%C7%E6-%C7%E1%E4%ED%E6%E4&p=9630556&highlight=#post9630556


وكان في موضوع منزلة ألعضو OREO عن المبات بعد جداً مفيد