المساعد الشخصي الرقمي

مشاهدة النسخة كاملة : هل يستطيع الشخص ان ...


بريق الحق
27-10-2014, 09:58 AM
السلام عليكم ورحمة الله وبركاته


الحمدلله عايشين في نعمه اللهم لك الحمد والشكر

بس سوالي هل نستطيع ان نتزوج او نفتح مشروع او نشتري سياره او ابني بيت بدون مااسحب سلفيه اى قسط من البنك ؟

هل مستحيل فالوقت الحالي الواحد يعتمد على نفسه بدون مايعتمد على ( اكيد الاعتماد على الله فالاول والاخر )

يعني قعدة مع الشباب وتميت اسوالف معاهم فالموضوع بس الاغلب اجوفه يقول لين متى بتقعد اتجمع اسحب ياريال من البنك ولا تعور راسك


بالنسبة لي انا اشوف الواحد يقدر لكن لازم يضبط نفسه ويعلم نفسه شلون يحط فلوسه فالمكان المناسب لانه اغلب من يضرب سلفيات من الشباب على اشياء تافهه للاسف الصراحه


اتمنى تفيدونا واتمنى ماندخل في مواضيع المراة جزاكم الله خير
ANONYMOUS
27-10-2014, 10:23 AM
طبعا الامور اللي ذكرتها سهله ( ماعدى البيت او اذا كان المشروع يحتاج راس مال كبير)

مالها حاجه السلفيات لو وجد التنظيم
بريق الحق
27-10-2014, 10:26 AM
طبعا الامور اللي ذكرتها سهله ( ماعدى البيت او اذا كان المشروع يحتاج راس مال كبير)

مالها حاجه السلفيات لو وجد التنظيم

:victory: البعض مايعرف يتصرف في فلوسه بذات الي توه متوظف يسحب سلفيات ويخرب على نفسه
عثرة جواد
27-10-2014, 10:27 AM
السلام عليكم

اخوي موضوع الصرف والادخار مسولية الاباء تجاه ابناهم

يربا الطفل من صغرسنه ع قيمة المال وحترامه وكيف اصرفه وفي ماء اصرفه

يكبرالشاب وهو متعود ع ذالك

احنا للاسف ماعندنا هاي الثقافه ع شان جي الكل طايح ف ديون

مع انه احنا شعب ولله الحمد مترف بس ينقصنا الوعي والثقافه

انا اشوف انه سهل جدا الادخار وعمل مشاريع وزواج بدون ديون

موضوعك رائع
بريق الحق
27-10-2014, 10:33 AM
السلام عليكم

اخوي موضوع الصرف والادخار مسولية الاباء تجاه ابناهم

يربا الطفل من صغرسنه ع قيمة المال وحترامه وكيف اصرفه وفي ماء اصرفه

يكبرالشاب وهو متعود ع ذالك

احنا للاسف ماعندنا هاي الثقافه ع شان جي الكل طايح ف ديون

مع انه احنا شعب ولله الحمد مترف بس ينقصنا الوعي والثقافه

انا اشوف انه سهل جدا الادخار وعمل مشاريع وزواج بدون ديون

موضوعك رائع

صحيح دور الاهل مهم لكن هم مب اطفال الي يتوظفون ولازم عنده نظره ناضجه مب طفوليه
ودي أكون
27-10-2014, 12:41 PM
عطني لـ فلوس اخوي بريق انا بمسكهم لك :nop:

نعم الواحد يقدر يقوم ف بعض الامور من غير سحب سلفيات .. ولكن فالاول والاخير يعتمد على كم الراتب،؟!
وعلى نوعية الالتزامات..؟!
بومحمد المطاوعه
27-10-2014, 12:46 PM
جزاك الله خير

انا بختصر الموضوع

اذا راتبك 25 ألف

بتجمع كل شهر كم ؟.؟
10 اللاف

فالسنه 120 ألف حلو

متى بتبني بعد عشر سنوات .؟
علشان تحصل مليون و200

هاي اذا تقدر تجمع 10 كل شهر


بدال ان تنتظر عشر سنوات وماتدري بعد العشر سنوات بكم البنيان

اسحب سلفيه وسدد لمده عشر سنوات

وكان الله غفور رحيم
بو الجوري
27-10-2014, 12:51 PM
الصراحه الواحد يعتمد على نفسه إعتماد كلي هذا صعب ، بدون سلفيات !!

خل نقول خلص ثانويه ودخل جامعه ويتم إستخدام سيارة البيت .. وتوظف عقبهـا ..

براتب 40 ألف كمثال ..

قولي شلون بيشتري سياره ؟ نقول بيجمع 20 ألف كل شهر لمدة سنه = 240 ألف عشان يطلع سيارته الخاصه

وإذا قلنا مايبي سياره .. بال240 ألف لازم يدور عدل ، عشان يقدر يتزوج فيهم :)

زين هذا الكلام عقب سنه ..

ويبدأ يجمع من جديد ، عشان الـ 1.2 مليون ماتكفي لبنيان بيت العمر ..

يعني السلفيات بتكون ضروريه ، إذا هو إنسان مايبي العمر يضيع وهو يجمع ..

وأنا ماقول يآخذ سلفيه 500 ألف وإلا مليون عشان سياره وإلا سفرات ..

ممكـن يآخذ السياره أقساط ، وبس والباقي يعتمد على مبدأ الإدخار ..


عاد تعال حصل شباب هالوقت ممكـن يفكر يجمع وينطر سنه ورا سنه عشان ياخذ اللي يبيه :telephone:
بومحمد المطاوعه
27-10-2014, 12:59 PM
نادر تحصل ناس ماعندها ألتزامات

في فرق بين الأنسان الي وارث وعنده خير
وفرق بين انسان ماعندى سوى الراتب فقط
الجـــوديّ
27-10-2014, 01:04 PM
بتقدر ... لكن بالبطيء

قد جات فرص وراحت وانت توك اتجمع واللي عندك ما يسد لاقتناص هالفرص !

وقد وأنت تجمع بالامكان مع المديونيات المقننة يكون لك مصدر دخل واحد أو أكثر

وبديت تكون ثروة في عمر اصغر وبطاقة وبصحة أحسن !

الايام محسوبة من عمر الانسان

وخير الاعمال بواكيرها :victory:
بريق الحق
27-10-2014, 02:21 PM
عطني لـ فلوس اخوي بريق انا بمسكهم لك :nop:

نعم الواحد يقدر يقوم ف بعض الامور من غير سحب سلفيات .. ولكن فالاول والاخير يعتمد على كم الراتب،؟!
وعلى نوعية الالتزامات..؟!

اكيد يعتمد على كم الراتب
وصل الحال فالبعض اتكالي بشكل كبير مايبي يعور راسه على كلامه فيسحب سلفيه
بريق الحق
27-10-2014, 02:23 PM
جزاك الله خير

انا بختصر الموضوع

اذا راتبك 25 ألف

بتجمع كل شهر كم ؟.؟
10 اللاف

فالسنه 120 ألف حلو

متى بتبني بعد عشر سنوات .؟
علشان تحصل مليون و200

هاي اذا تقدر تجمع 10 كل شهر


بدال ان تنتظر عشر سنوات وماتدري بعد العشر سنوات بكم البنيان

اسحب سلفيه وسدد لمده عشر سنوات

وكان الله غفور رحيم

موضوع البيت صج انه شوي صعب بس يقدر الواحد بعد مافي شي مستحيل
ربعنا قاطين فلوسهم في اشياء مالها داعي تبي الصج
بريق الحق
27-10-2014, 02:26 PM
الصراحه الواحد يعتمد على نفسه إعتماد كلي هذا صعب ، بدون سلفيات !!

خل نقول خلص ثانويه ودخل جامعه ويتم إستخدام سيارة البيت .. وتوظف عقبهـا ..

براتب 40 ألف كمثال ..

قولي شلون بيشتري سياره ؟ نقول بيجمع 20 ألف كل شهر لمدة سنه = 240 ألف عشان يطلع سيارته الخاصه

وإذا قلنا مايبي سياره .. بال240 ألف لازم يدور عدل ، عشان يقدر يتزوج فيهم :)

زين هذا الكلام عقب سنه ..

ويبدأ يجمع من جديد ، عشان الـ 1.2 مليون ماتكفي لبنيان بيت العمر ..

يعني السلفيات بتكون ضروريه ، إذا هو إنسان مايبي العمر يضيع وهو يجمع ..

وأنا ماقول يآخذ سلفيه 500 ألف وإلا مليون عشان سياره وإلا سفرات ..

ممكـن يآخذ السياره أقساط ، وبس والباقي يعتمد على مبدأ الإدخار ..


عاد تعال حصل شباب هالوقت ممكـن يفكر يجمع وينطر سنه ورا سنه عشان ياخذ اللي يبيه :telephone:
لازم الواحد يصبر نفسه مب كل شي سهل فالحياة ولا شرايك

تبي الصج انا حاط هذي الخطه وبدت فيها الحمدلله وانا طالب ادرس والله يسهل علينا (:
العلياا
27-10-2014, 02:26 PM
نعم يقدر

لي صديقة زوجها ما سحب ولا ريال للعرس ماشاءالله تبارك الرحمن
كان اعتقد من النوع اللي اذا سافروا معسكر ماعرف سيسمونه يطلع له مبلغ
كان يخشه لي ما قدر يسوي عرسه بدون اقساط وماشاءالله العرس كان على مستوى

نعم نقدر نسوي اللي نبيه لو قدرنا نفكر قبل ما نصرف
طبعا موضوع البيت هذا لازم تسحب لك مبلغ بسيط بجانب المبلغ المدخر

والله يوفق الجميع
بريق الحق
27-10-2014, 02:27 PM
بتقدر ... لكن بالبطيء

قد جات فرص وراحت وانت توك اتجمع واللي عندك ما يسد لاقتناص هالفرص !

وقد وأنت تجمع بالامكان مع المديونيات المقننة يكون لك مصدر دخل واحد أو أكثر

وبديت تكون ثروة في عمر اصغر وبطاقة وبصحة أحسن !

الايام محسوبة من عمر الانسان

وخير الاعمال بواكيرها :victory:




جان الفرص وراحت والناس ضيعت الفرص والسبب عشان تستانس الله كريم
Aaziz
27-10-2014, 03:15 PM
كان لي صديق الله يغفر له مش مقتنع بمشروعيه القرض من البنوك الاسلاميه ،، يقول مهما تغيرت المسميات فهو ربا
اقول له ياخي مشايخ كبار حللو قروض البنوك الاسلاميه و ناس متخصص دينيا و علميا في هذا المجال .
المشكله انه ماتنصرف له ارض حكومه ،، يعني قرض بدون ارض و الاراضي بملايين و فرص كثيره اتيحت له فيها مكاسب ماديه كبيره و رفضها .
طيب فهمني شلون و كيف راح تجمع مثلا مليومين تشتري ارض ؟ كم سنه بتحتاج ؟
السياره و العرس امرهم يهون ،، لكن شي يحتاج مبلغ كبير كيف تتصرف معاه !

سياسه التوفقر سياسه حكيمه ولكن موضوع اني ما اخذ قرض هذي صعبه بصراحه
بريق الحق
27-10-2014, 03:19 PM
ولا انا ياعزيز مقتنع في اخذ القروض من البنوك واتحفظ على الاجابه

سياسه التوفير سياسه لا يتقنها الا قله قليله
وتذكرت كلام النفيسي يقول انه فالخليج لا يملك الكاش الا من هم دون 70 سنه
بو خليفه 123
27-10-2014, 03:20 PM
هي ادارة اموال اخوي

حتى لو اضطريت للاقتراض .. كلنا اضطرينا للاقتراض في بداية حياتنا الزوجيه لأن الاسعار مبالغ فيها و حنا آنذاك مارضينا بالقليل و بنت الناس لازم نعزها مثل ماعزها ابوها .

لكن بالنهايه انت تختار قسطك الشهري و مصاريفك و التزاماتك و تعيش من الباقي و تتكيف مع هذا الوضع و تقدر تجتهد و تجمع و تسدد تسديد مبكر و تشتغل بالتجاره شوي يكون لك مدخول آخر و تضارب بالاسهم .

حنا كل شي سويناه من ناحية اسهم من ناحية عقارات او من ناحية اي تجاره انت تحس انك تبدع فيها و سبحان الله اذا سعيت و اجتهدت الله يرزقك و يعطيك على قد نيتك ولا بتحس انك مقترض بالمقابل .

اللي احب اقوله ان القرض شر لا بد منه الا اذا كنت وارث ملايين من شيبتنا ذاك الوقت يختلف الوضع و تختلف الظروف .
بريق الحق
27-10-2014, 03:21 PM
نعم يقدر

لي صديقة زوجها ما سحب ولا ريال للعرس ماشاءالله تبارك الرحمن
كان اعتقد من النوع اللي اذا سافروا معسكر ماعرف سيسمونه يطلع له مبلغ
كان يخشه لي ما قدر يسوي عرسه بدون اقساط وماشاءالله العرس كان على مستوى

نعم نقدر نسوي اللي نبيه لو قدرنا نفكر قبل ما نصرف
طبعا موضوع البيت هذا لازم تسحب لك مبلغ بسيط بجانب المبلغ المدخر

والله يوفق الجميع

الله يبارك له يارب
الواحد يعلم نفسه ويربي نفسه على فهم الحياة
الحياة مب لعب وناسه ومصخره ( هذا تفكير البعض الله يصلح حالهم )
Aaziz
27-10-2014, 03:22 PM
طيب وش ناوي تسوي ... انت صح و انت خارج من الشك بنسه 100% اتفق معاك في هالشي .
احسب حساباتك و خططك المستقبليه بشكل صحيح و مدروس بواقعيه من الان الى ان شاءالله تكون في بيتك الملك و اولادك صغار يلعبون حولك .
بريق الحق
27-10-2014, 03:26 PM
طيب وش ناوي تسوي ... انت صح و انت خارج من الشك بنسه 100% اتفق معاك في هالشي .
احسب حساباتك و خططك المستقبليه بشكل صحيح و مدروس بواقعيه من الان الى ان شاءالله تكون في بيتك الملك و اولادك صغار يلعبون حولك .
باذن الله
وابشرك اللهم لك الحمد بديت فالمشروع من سنه ونص والله يسهل
Charisma
27-10-2014, 04:28 PM
وعليكم السلام ورحمه الله وبركاته

مرحبا اخوي بريق ..


في اعلان قبل فتره كان موجود في الشوارع .. مكتوب فيه ( لاتشتر فرحه اليوم بهم الغد ) .. هالمقولة لو تتامل فيها شوي .. اهي الحل لكل مشاكل الشباب .. من ضعف نفس تجاه المغريات من سيارات وسفرات ورفاهيات وكماليات ومظاهر واسراف وتبذير .. وجواب سؤالك / نعم تقدر اذا :


قدرت تضبط نفسك .. وتحدد اولوياتك .. وتعيد النظر بـ ( اسلوب وطريقة حياتك وصرفياتك ) .. وتختار الهدف الرئيسي اللي تبي توصل له .. وعن طريق هالهدف تتفرع منه اهداف صغيره زمنيه سواء شهريه او سنوية .. وتبدا تخطط لاستراتيجيه معينه وفق حجم ومده الوصول الى الهدف الرئيسي .. والاستراتيجيه بتكون مبنيه على نظام التوفير .. وبالاخير بتقدر توصل لأي هدف بدون الاستعانه بالبنك .

شخصيا ..والحمدلله الى الآن ما لجأت ابدا للبنك في اي مشروع من المشاريع اللي قمت فيها .. اضغط على نفسي واحدد اولوياتي وارسم الخطه والاستراتيجيه حتى ولو كانت على حساب رفاهيتي .. يقولك ( التعب يجلب الراحه والراحه تجلب التعب ).. واسأل الله ان لايحوجنا الى البنوك والديون .
بن لادن
27-10-2014, 05:17 PM
اذا الراتب فوق الـ 40 الف ريال بتقدر اتجمع على الاقل 20 الف ، ودام ماعليك مسؤوليات حاول اتجمع شهر 25 الف وشهر 30 الف

وعندك قروض الدوام اللي بدون فايده وتنتهي خلال 3 سنوات ولا 5 سنوات ويصير تاخذها مره ثانيه لاتفرط فيها ، وبدلات السفر والاثاث ووووو كلهم قطهم فالتوفير وبتشوف نفسك خلال سنتين ولا 3 جمعت مبلغ

انا اشوف الشباب المديونين قاموا يتاجرون بالارقام والسيارات الرخيصة ويبتكرون طرق اتعيشهم لين اخر الشهر ، الله يفك دينهم انشالله
بريق الحق
27-10-2014, 05:43 PM
وعليكم السلام ورحمه الله وبركاته

مرحبا اخوي بريق ..


في اعلان قبل فتره كان موجود في الشوارع .. مكتوب فيه ( لاتشتر فرحه اليوم بهم الغد ) .. هالمقولة لو تتامل فيها شوي .. اهي الحل لكل مشاكل الشباب .. من ضعف نفس تجاه المغريات من سيارات وسفرات ورفاهيات وكماليات ومظاهر واسراف وتبذير .. وجواب سؤالك / نعم تقدر اذا :


قدرت تضبط نفسك .. وتحدد اولوياتك .. وتعيد النظر بـ ( اسلوب وطريقة حياتك وصرفياتك ) .. وتختار الهدف الرئيسي اللي تبي توصل له .. وعن طريق هالهدف تتفرع منه اهداف صغيره زمنيه سواء شهريه او سنوية .. وتبدا تخطط لاستراتيجيه معينه وفق حجم ومده الوصول الى الهدف الرئيسي .. والاستراتيجيه بتكون مبنيه على نظام التوفير .. وبالاخير بتقدر توصل لأي هدف بدون الاستعانه بالبنك .

شخصيا ..والحمدلله الى الآن ما لجأت ابدا للبنك في اي مشروع من المشاريع اللي قمت فيها .. اضغط على نفسي واحدد اولوياتي وارسم الخطه والاستراتيجيه حتى ولو كانت على حساب رفاهيتي .. يقولك ( التعب يجلب الراحه والراحه تجلب التعب ).. واسأل الله ان لايحوجنا الى البنوك والديون .

اللهم امين والله لا يحوجنا الا له سبحانه
صدقت ياخوي ضايعين الشباب
اعرف شباب ياخذون اشياء هم ماعندهم الاستطاعه اصلن ويضيع عمره عشان وناسته ومايفكر فالعواقب
بريق الحق
27-10-2014, 05:45 PM
اذا الراتب فوق الـ 40 الف ريال بتقدر اتجمع على الاقل 20 الف ، ودام ماعليك مسؤوليات حاول اتجمع شهر 25 الف وشهر 30 الف

وعندك قروض الدوام اللي بدون فايده وتنتهي خلال 3 سنوات ولا 5 سنوات ويصير تاخذها مره ثانيه لاتفرط فيها ، وبدلات السفر والاثاث ووووو كلهم قطهم فالتوفير وبتشوف نفسك خلال سنتين ولا 3 جمعت مبلغ

انا اشوف الشباب المديونين قاموا يتاجرون بالارقام والسيارات الرخيصة ويبتكرون طرق اتعيشهم لين اخر الشهر ، الله يفك دينهم انشالله

التجاره فيها بركه اللهم لك الحمد لكن الواحد يتق الله
دشيت في تجارة السيارات فتره بسيطه بس شفت السوق ملوث بالكذب ويبخسون الناس لاحول ولاقوة الا بالله
العربية نت
27-10-2014, 05:46 PM
انا صراحة من المتحفظين على قروض البنوك الاسلاميه ومع من يشكك بمشروعيتها اذكر مره بنك الدولي الاسلامي اخذ علي مايقارب 40 الف ريال فائدة في مبلغ 150 الف :omg::eek5: ولكن لنتكلم بالعقل فالحياة غاليه جداً فاذا اراد الشخص الزواج مبكر قبل ال 27 او 30 فلابد ان يلجأ الى القروض وهي ليست بمشكلة ما دام المقترض قادر على السداد الاشكالية الي يقترض ويواجه عجز في التسديد هنا نقول راجع حساباتك :omg:
الادخار شئ جيد ولكن الى متى وما هي قوته الشرائية بعد مايتجمع مثلا جمعت من اليوم والى 5 سنوات قدام مثلاً 400 او 500 الف ماهي قيمته في السوق في الواقع لاشئ
بريق الحق
27-10-2014, 06:14 PM
انا صراحة من المتحفظين على قروض البنوك الاسلاميه ومع من يشكك بمشروعيتها اذكر مره بنك الدولي الاسلامي اخذ علي مايقارب 40 الف ريال فائدة في مبلغ 150 الف :omg::eek5: ولكن لنتكلم بالعقل فالحياة غاليه جداً فاذا اراد الشخص الزواج مبكر قبل ال 27 او 30 فلابد ان يلجأ الى القروض وهي ليست بمشكلة ما دام المقترض قادر على السداد الاشكالية الي يقترض ويواجه عجز في التسديد هنا نقول راجع حساباتك :omg:
الادخار شئ جيد ولكن الى متى وما هي قوته الشرائية بعد مايتجمع مثلا جمعت من اليوم والى 5 سنوات قدام مثلاً 400 او 500 الف ماهي قيمته في السوق في الواقع لاشئ

اسئل الله العظيم ان لا يحوجنا لي هذه القروض

اللهم امين امين
خليفـة
27-10-2014, 06:36 PM
سبب النجاح الاول والاخير في تحقيق تلك الأمور هي
البداية الصحيحة
للأسف الشديد كثير من شبابنا ما يبدأ يفكر في تحقيق تلك الأهداف
الا عندما يصل للثلاثينات
وهنا .. تكون اابداية متأخرة جداً
ناهيك عن امور كثيرة تعود عليها
من الصعب ان يتركها

خليفة
JN000N
27-10-2014, 07:13 PM
المشكله ان في جيل تخرج واشتغل على رواتب عاليه جداً جداً ف صارو مب عارفين قيمة الفلوس ف يدهم
ابهاتنا وامهاتنا عاشو على رواتب ماتتعدى 10,000 صح؟
وكانو يوفرون منها للمستقبل اللي هيئوه لنا وكانو عايشين احسن عيشه
مانبي نبالغ ونقول انهم مامرو بظروف صعبه بس عالاقل كان في وعي لقيمة الماده في يدهم
الحين الشباب نفسه نفس التفكير اول مايشتغل بيسحب سلفة بيطلع سياره وعقبها سلفة حق سفره وعقبها سلفه حق مادري شنو وهكذا
حد منهم فكر يفتح حساب توفير يحول له كل شهر مبلغ وقدره من راتبه ولا حتى يطلع بطاقة صراف الي عشان يستصعب السحب؟ هل في واحد بيحط فلوسه ف توفير وبينساها وبيهيىء نفسه ان يعيش على راتب 15,000 ف الشهر اذا مب اقل
حتى لو اضطر في يوم انه ياخذ قرض وهالشي ضروري ف معظم الاحيان لان في مبالغ بيدفعها في استثمارات في بداية حياته بتنفعه بعدين ف فالبدايه بياخذ سلفة حق ارض؟ بيت؟ وعقب سنين بيستفيد منه
جذي هو استثمر هالمبلغ الي خذه ف اكثر من شي على مر الزمن ومنه فايده
بيفكر بدل مايسحب سلفة حق سفره وياخذون عليه فوايد انه يوفر من راتبه كل شهر مبلغ عشان وقت بيسافر يكون عنده كاش؟
حتى حق سياره دامه مب مستعجل ليش يسحب سلفة بنص مليون عشان ياخذ سياره وهو يقدر بدل مايسحب نص مليون وتطلع فوايدها دبل ياخذ بميتين الف وتطلع الفوايد اقل خاصة وهو مب مستعجل عالسياره
رهج السنابك
27-10-2014, 07:23 PM
كل شي له حل
بريق الحق
27-10-2014, 08:08 PM
سبب النجاح الاول والاخير في تحقيق تلك الأمور هي
البداية الصحيحة
للأسف الشديد كثير من شبابنا ما يبدأ يفكر في تحقيق تلك الأهداف
الا عندما يصل للثلاثينات
وهنا .. تكون اابداية متأخرة جداً
ناهيك عن امور كثيرة تعود عليها
من الصعب ان يتركها

خليفة

صحيح يوم يوصل الثلاثين يقعد ينتف شعر راسه اذا ماصلع اصلن
عايشين عالبركه مافي تخطيط ولا في شي بس يقعد يدور فالشوارع
بريق الحق
27-10-2014, 08:15 PM
المشكله ان في جيل تخرج واشتغل على رواتب عاليه جداً جداً ف صارو مب عارفين قيمة الفلوس ف يدهم
ابهاتنا وامهاتنا عاشو على رواتب ماتتعدى 10,000 صح؟
وكانو يوفرون منها للمستقبل اللي هيئوه لنا وكانو عايشين احسن عيشه
مانبي نبالغ ونقول انهم مامرو بظروف صعبه بس عالاقل كان في وعي لقيمة الماده في يدهم
الحين الشباب نفسه نفس التفكير اول مايشتغل بيسحب سلفة بيطلع سياره وعقبها سلفة حق سفره وعقبها سلفه حق مادري شنو وهكذا
حد منهم فكر يفتح حساب توفير يحول له كل شهر مبلغ وقدره من راتبه ولا حتى يطلع بطاقة صراف الي عشان يستصعب السحب؟ هل في واحد بيحط فلوسه ف توفير وبينساها وبيهيىء نفسه ان يعيش على راتب 15,000 ف الشهر اذا مب اقل
حتى لو اضطر في يوم انه ياخذ قرض وهالشي ضروري ف معظم الاحيان لان في مبالغ بيدفعها في استثمارات في بداية حياته بتنفعه بعدين ف فالبدايه بياخذ سلفة حق ارض؟ بيت؟ وعقب سنين بيستفيد منه
جذي هو استثمر هالمبلغ الي خذه ف اكثر من شي على مر الزمن ومنه فايده
بيفكر بدل مايسحب سلفة حق سفره وياخذون عليه فوايد انه يوفر من راتبه كل شهر مبلغ عشان وقت بيسافر يكون عنده كاش؟
حتى حق سياره دامه مب مستعجل ليش يسحب سلفة بنص مليون عشان ياخذ سياره وهو يقدر بدل مايسحب نص مليون وتطلع فوايدها دبل ياخذ بميتين الف وتطلع الفوايد اقل خاصة وهو مب مستعجل عالسياره

سالفة السلفه فالدوحه نفس سالفة اصعب لغز عند اهل قطر عيد وسعيد سعيد طب فالبحر من بقى

سلفيات على اشياء مالها حاجه ضايعين الناس الله يهديهم
مافي الا العيايز والشيبان الي يفكرون
حمد 2002
27-10-2014, 10:45 PM
المشكله ان في جيل تخرج واشتغل على رواتب عاليه جداً جداً ف صارو مب عارفين قيمة الفلوس ف يدهم
ابهاتنا وامهاتنا عاشو على رواتب ماتتعدى 10,000 صح؟
وكانو يوفرون منها للمستقبل اللي هيئوه لنا وكانو عايشين احسن عيشه
مانبي نبالغ ونقول انهم مامرو بظروف صعبه بس عالاقل كان في وعي لقيمة الماده في يدهم
الحين الشباب نفسه نفس التفكير اول مايشتغل بيسحب سلفة بيطلع سياره وعقبها سلفة حق سفره وعقبها سلفه حق مادري شنو وهكذا
حد منهم فكر يفتح حساب توفير يحول له كل شهر مبلغ وقدره من راتبه ولا حتى يطلع بطاقة صراف الي عشان يستصعب السحب؟ هل في واحد بيحط فلوسه ف توفير وبينساها وبيهيىء نفسه ان يعيش على راتب 15,000 ف الشهر اذا مب اقل
حتى لو اضطر في يوم انه ياخذ قرض وهالشي ضروري ف معظم الاحيان لان في مبالغ بيدفعها في استثمارات في بداية حياته بتنفعه بعدين ف فالبدايه بياخذ سلفة حق ارض؟ بيت؟ وعقب سنين بيستفيد منه
جذي هو استثمر هالمبلغ الي خذه ف اكثر من شي على مر الزمن ومنه فايده
بيفكر بدل مايسحب سلفة حق سفره وياخذون عليه فوايد انه يوفر من راتبه كل شهر مبلغ عشان وقت بيسافر يكون عنده كاش؟
حتى حق سياره دامه مب مستعجل ليش يسحب سلفة بنص مليون عشان ياخذ سياره وهو يقدر بدل مايسحب نص مليون وتطلع فوايدها دبل ياخذ بميتين الف وتطلع الفوايد اقل خاصة وهو مب مستعجل عالسياره

اختي جنون ..

انتي ماتقدرين اتقارنين الرواتب قبل 30 سنه وأكثر بالحياة الآن ؟!

ال 10 آلاف قبل 30 الي ايحصلها شهريا مافوقه فووق ..

ومايصير أننا نلوم شباب هذا الجيل بعدم المبالاه .. لأن حتى بالجيل القديم هناك أشخاص عدم مباليين ..

ممم عندي سؤال لج اختي جنون

هل تحسين وتعتقدين بأن الولد مسؤليتاته والضغوط الماديه عليه أكثر من البنات ؟!


وشكرا ..
حمد 2002
27-10-2014, 10:47 PM
سبب النجاح الاول والاخير في تحقيق تلك الأمور هي
البداية الصحيحة
للأسف الشديد كثير من شبابنا ما يبدأ يفكر في تحقيق تلك الأهداف
الا عندما يصل للثلاثينات
وهنا .. تكون اابداية متأخرة جداً
ناهيك عن امور كثيرة تعود عليها
من الصعب ان يتركها

خليفة

طيب والي انتبه لنفسه متأخر خلاص انقول انه بدأ بدايه متأخرة وأنه انسان مخطا ونحكم عليه بالاعدام ؟!
kuwari
28-10-2014, 11:12 PM
يحتاج ترتيب انا الحمدلله تزوجت وما اخذت سلفيه والحمدلله الحين الرواتب تسمح انك تجمع واتعدل امورك وابعد عن المظاهر
بومحمد المطاوعه
29-10-2014, 01:13 PM
موضوع البيت صج انه شوي صعب بس يقدر الواحد بعد مافي شي مستحيل
ربعنا قاطين فلوسهم في اشياء مالها داعي تبي الصج

صدقت ياخوي
الله المستعان
المقتدر يقدر يجمع

الي مايقدر صعب جدآ
Aaziz
29-10-2014, 11:39 PM
طيب والي انتبه لنفسه متأخر خلاص انقول انه بدأ بدايه متأخرة وأنه انسان مخطا ونحكم عليه بالاعدام ؟!

بوشهاب عدوي :court:

ان تصل متاخرا خير من ان لا تصل .

تحسب المتوفر حالياً مع حسابات بنكيه معينه و تشوف الوضع الحالي و الترتيبات الضرورية القريبه
وبعد هذي الحسابات تشوف ايش النتاج و بناء عليه تدرس الفرص المتاحه .