موقف حصل لي ولن انساه ؟ بعض العرب اسكب على صحبته قاز

[الماريّة]

بسم الله الرحمن الرحيم

موقف حصل لي اليوم وتبين لي معدن الناس ياحيف على الرفاقه

سيارتن عن منة الناس تغنيك .... ..............موديلها ماهو بالحيل ضروري
مادامها تمشي وتقضي مقاضيك ... اهون من حاجه الناس وضرب الصدوري


بديت بالابيات هذي لان هذا ماحصل لي للاسف اليوم وانا رايحه لدوامي
وبعد ماقربت من شغلي مابقى الا الشارع العام وقفت بي السيارة ولعاد تحركت
وقمت واتصلت بصديقة عمر وسنين معاي في المكتب واستفزعت بها قلت فلانه وين انتي قالت في المكتب
يعني وصلت وحضرت من بدري وقلت تكفين سيارتي تعطلت وانا واقفه في الشارع تقدرين تجين توصليني
لدوام

وردت وقالت : مااقدر زححححمه وسيارتي في المواقف واخاف اطلعها ولا احصل موقف ثاني

قلت طيب جزيتي كل خير .. وسكرت


وفريت الجوال على الاخرى نفس الشي صداقه عمر وعشرة وكلنا وشربنا مع بعض وقلت فلانه وينج
قالت في الدوام قاعده اتقهوى مع البنات قلت تقدرين تجيني تاخذيني توصليني للدوام سيارتي واقفه
ومعترضه نص الشارع قالت وهي تضحك تعالي مشي قلت شلون اجي مشي اقطع الشارع وزحمه وحر
ومستحيه وردت وقالت بصراحه سيارتي مسكرين عليها مااقدر اطلعها... قلت طيب وثواني قالت اطرش لج الفراش

يعني الفراش بجيني مشي والا ايش ؟؟ قلت لها خلاص بدبر حالي


وبس للاسف تميت واقفه ساعه .. لين مااتصلت بالثالثه وقالت ابشري انا في البيت وجايتج ثواني
ووصلتني وجزاها كل خير ,,,


سؤالي هل انعدمت الفزعه والمروه من بعض الناس خاصه انك معاشرهم سنين طويلة وبينكم علاقه وطيده
في اسهل موقف تخلوا عنك ياحيف والله على الرفاقه

تذكرت ابيات ...

مال الرفيق الا رفيقه ليا اعتاز ... اما نفع ولا بلاش الرفاقه
احدن لنا في مكسر الساق معكاز.. وحنا له المعكاز في كسر ساقه
بعض العرب اسكب على صحبته قاز..احرق غلاه ولايهمك فراقه

,
,

ويهمني مشاركتكم واراكم ,
اختكم / الماريه

[Aaziz]

السلام عليكم

هدي هدي الامر خير ان شاءالله


هل لهم اعذار لم يذكروها ؟
ان كنتي صديقه حقيقيه لهم و سبق ان وقفتي معاهم مواقف الصديق لصديقه ،، معناته هالصداقات لا يعتمد عليهم وقت الشدائد .
و الحمد لله ان موضوع سياره خربانه مش شي اكبر .
الغلط ان تخسرينهم بسبب هذا الموقف او تنهين علاقتك بهم .. العتب عليهم شي اساسي و عدم رد التعامل بالمثل في مواقف مقبله شي اساسي ايضا .

[QATAR 77]

الفرق كبير هم زميلات عمل و ليس صديقات فوقت المصالح تشوفينهم قدامج و وقت الحاجة ما حولج احد

[الماريّة]

السلام عليكم

هدي هدي الامر خير ان شاءالله


هل لهم اعذار لم يذكروها ؟
ان كنتي صديقه حقيقيه لهم و سبق ان وقفتي معاهم مواقف الصديق لصديقه ،، معناته هالصداقات لا يعتمد عليهم وقت الشدائد .
و الحمد لله ان موضوع سياره خربانه مش شي اكبر .
الغلط ان تخسرينهم بسبب هذا الموقف او تنهين علاقتك بهم .. العتب عليهم شي اساسي و عدم رد التعامل بالمثل في مواقف مقبله شي اساسي ايضا .


مرحبا اخوي عزيز
اشكرك على ردك وبخصوص استفسارك نعم هم صديقات و بينا عشرة وتواصل خارج العمل
ومن ناحيه هل وقفت معاهم نعم الاولى اذكر صار لها نفس الموقف بس الظهر في نهايه الدوام تعطلت سيارتها
ووصلتها بكل صدر رحب ولا تعذرت ببعد بيتي من بيتها ويشهد الله مش منه عليها لكن الرد على سؤالك

والاخرى بينا علاقه وتواصل واعذراهم هي الي ذكرتها فوق
وحده تقول مسكرين على سيارتها وعقب قالت برسل لج الفراش وطيب الفراش ماعنده سياره بتعطينه موترج

والثانيه حجتها مااقدر اطلع سيارتي من المواقف وبعدين ماحصل موقف

فللاسف عذرين مالها قبول عندي والله يسامحهم لكن خذته درس وعبره


واشكرك اخووي مره اخرى

[العنيده]

نوعية الصداقه تتحدد بالمواقف اختي .. الفزعه والمروه ماانعدمت الغلط فينا احنا حتى نفسي صرنا نسمي اي شخص صديق :)
والضروري نحط عذر عشان العشره ونكون الافضل ويتم درس للمواقف الجايه لمن نلجا ..

والله يرزقنا الصحبه الصالحه يارب ..

[ممنوع اللمس]

سيارتن عن منة الناس تغنيك .... ..............موديلها ماهو بالحيل ضروري
مادامها تمشي وتقضي مقاضيك ... اهون من حاجه الناس وضرب الصدوري


انشششهد

[Aaziz]

مرحبا اخوي عزيز
اشكرك على ردك وبخصوص استفسارك نعم هم صديقات و بينا عشرة وتواصل خارج العمل
ومن ناحيه هل وقفت معاهم نعم الاولى اذكر صار لها نفس الموقف بس الظهر في نهايه الدوام تعطلت سيارتها
ووصلتها بكل صدر رحب ولا تعذرت ببعد بيتي من بيتها ويشهد الله مش منه عليها لكن الرد على سؤالك

والاخرى بينا علاقه وتواصل واعذراهم هي الي ذكرتها فوق
وحده تقول مسكرين على سيارتها وعقب قالت برسل لج الفراش وطيب الفراش ماعنده سياره بتعطينه موترج

والثانيه حجتها مااقدر اطلع سيارتي من المواقف وبعدين ماحصل موقف

فللاسف عذرين مالها قبول عندي والله يسامحهم لكن خذته درس وعبره


واشكرك اخووي مره اخرى

الله المستعان .. موقف حصل و انسيه
و ضروري ان لاتردينه بالمثل في مواقف مستقبليه مشابهه
الواحد لو راح يقعد على الحبه مع ربعه و المحيطين فيه ،، راح يلقى نفسه وحيد اخر المطاف .
ابديلهم العتب و سامحي

[qatari93]

انا عن نفسي باخذ موقف منهم ..

وخاصة اذا كنت واقف من قبل معاهم على اشياء اكبر من هل شي ..

بالتوفيق ../

[همر]

يقول لج الأسد يمشي وحيداً والخروف يمشي مع القطيع..

حكمه اضعها نصب عيني في زمن قلت فيه المرجله والمروه..


كثري من الغاز اهم شي..

[الجـــوديّ]

الحمدلله انج عرفتيهم الحين ماعرفتيهم في مواقف اكبر
المعاني تغيرت، وثنتينهم يفدون الثالثة اللي فزعت لج بيض الله وجهها
اثلجت صدري بموقفها

[شبح الصمت]

بس اختي لا تحسسين منهم عادددي

كاه احنا الشباب اوقات من يشوفون من بيمرني الصناعية في البي بي والا احد يرد عقب ساعة الكل يشتغل

هههههههههههههههاي

يوم يحسون انه الواحد ضبط اموره وراح

بس عن نفسي لو واحد اتصل فيني وقالي الفزعه والله ما اردها دامني فاضي ومهب في وضع حرج

لجيه طيارررره يبشر من عيوني

[Right]

الحمدلله على السلامة


موقفهن جداً سلبي ، هناك فرق كبير بين زملاء العمل والأصدقاء ، فيجب التفريق بينهم

[حسن]

ااافا

هاي هي المرجله

!!

لو انا عنك اتركهم واخليهم واعطيهم السين ولا تاخذينهم على قدر عقولولهم مثل ماانا اسوي

انا اشهد انا الفزعه تبيلها رجال

لو اقدر احط لكم الصور كان بتستغربين للفزعه المشكله مااقدر
بيزعلون علي شلون انت تفزع لرجال الفزعه
؟؟

الله يعينك عادي ماشفتي شي توه الناس

عيزت وانا اقول المجتمع تغير ولا هو الاولى
مايصدقوني

:(

[الماريّة]

الفرق كبير هم زميلات عمل و ليس صديقات فوقت المصالح تشوفينهم قدامج و وقت الحاجة ما حولج احد

لا والله اخوي هم صديقات للاسف مش زميلات عمل فقط

[شبح الصمت]

اختي وترى مهب كل من نوضع قدام اسمه صديق ترى صديق

في اصدقاء اسم قبل اسمهم ينضاف ولكنهم ليسوا باصدقاء وقت الوقوع او وقت الفرح او او امور كثيرة


وهناك من يلفظ لهم الخوي او خويتي هذا اهو الي ينذكر ووقفاته لها بصمه

[فرفوش]

في الشدايد معدن المخلص يبان

[ودي أكون]

حبيبتي حاسه فيج ومقدره ظرفج واحساسج .. بس صدقيني لانج مضايقه من اللي صار ف اتحسين تبين اتعرفين شتسوين فعلاقتج معاهم ..

لكن صدقيني يوم تهدين متأكدة انج بتنسين الموضوع.. ويوم بتشوفينهم بتقولين لهم بمزح طلبتك عوون صرتوا لي فرعون خلاص بلوك عليكم كلكم :anger1:

اختي مو شرط ان اللي اخذلج بموقف معناته بيخذلج ف باقي المواقف .. صدقيني والله
لا تاخذين الناس مواقف .. واعذريهم

واعتقد انج اكبر من ان ياخذج موقف كهذا ..

وصدقيني يالغاليه ان المفروض انج تتواصلين مع هلج من الاساس مو ربعج. خاصه ف مثل هالمواقف .. ف مسألة انج اطلعينهم من الدوامم انا اشوفها صعبه حتى لو كان وا من النوع اللي عادي يطلعون ف اي وقت .!

لكن صدقيني قولي لهم حد يوصلني البيت وهو طالع .. محد بيردج من اللي اخذلوج


وسعي خاطرح حبيبتي

[خالد البلوشي]

الموقف له وقع بالغ على النفس أختي المارية ..

و لو استخلصنا أجمل ما فيه .. فهو في صديقتك الثالثة ..

فهي من تستحق مقولة رب أخ لم تلده أمك ..


تحياتي لك

[الماريّة]

نوعية الصداقه تتحدد بالمواقف اختي .. الفزعه والمروه ماانعدمت الغلط فينا احنا حتى نفسي صرنا نسمي اي شخص صديق :)
والضروري نحط عذر عشان العشره ونكون الافضل ويتم درس للمواقف الجايه لمن نلجا ..

والله يرزقنا الصحبه الصالحه يارب ..

بالفعل اختي الخطا من اختيارنا لعض الاصدقاء ..
لكن المشكله لما يكونون معاج من زمان عشره عمر وتواصل وهذا الي ااكد لي انهم بساعدوني

لكن خيبوا ظني والله كريم والله يهديهم والله لايرويهم بموقف مثل الي صار لي

ومشكورة فديتج ع الرد

[مرتبش]

شي يزعل ..بس لاتحطينه في بالج.. صداقتكم المفروض اكبر من توصيلة ومشوار

[النظامي]

وانا خويّه بالليال المعاسير & والا الرخا كلنٍ يسد بمكاني

في الرخاء كلهم أهل فزعه وكرم و و و و...لكن المواقف هي اللي تبين المعدن الحقيقي للاصدقاء

تسلمين على الموضوع اللي ناخذ منه عبره .... وننتظر منج الاجمل

[نوفا91]

طنشي وعيشي حياتج نفسي مطنشه الكل ولا اعور راسي

:)*

[زود الهموم]

لي بغيت تعرف خويك قوله ابيك توديني الصناعيه escape

[sweet qatar]

الله يعوضج باللي أحسن منهم

ويمسح علي قلبج .. موقفهم قاسي :(

[ziad1971]

قولي ربي يسامحهم
الصداقة ما تبين بهالموقف لانه ردة الفعل اوقات تكون من غير تفكير ويردون بجواب سلبي، حسب الاستنتاج بان مواقف السيارات صعبة والزحمة بتكون شاغله تفكير الواحد عشان كدا ردهم كان سلبي
يعني انا صارت معي مره
اتصلت باحد الاصدقاء وكانت سيارتي متعطلة وقلي خد تكسي احسنلك لاني ابيلي ساعه لاوصلك
وفعلا ما خطر ببالي ان آخذ تكسي وهذا شيء سلبي مني ، وردت فعله ما كانت غريبة لانه يبي يخدم بس راح يتأخر ليوصل واقترح ان اخذ تكسي كحل للمشكلة
فدايماً التمس لاخيك الاعذار وفكر بحل مشكلتك قبل الاستعانة باحد وشوف نفسك تقدر تحلها لحالك واللا لأ

اسف على الاطالة

[المحاميه]

والله عيب عليهم

اي عذر وتسامح ف هالموقف اخ عبدالعزيز؟

صعب جدا جدا الواحد ينسى ويطوف

اهي في موقف صعب كونها بنيه وتعطلت سيارتها ف نص الشارع وقاعده تستنجد بناس ظنتهم قراب واخرتها كل وحده قاعده فالمكتب وعيزانه تطلع شارع او شارعين عشان تساعدها

ماقول غير
الله يعينج
والله نور بصيرتج ولعله خير لج

واقترح تكون علاقتج رسميه في نطاق العمل معاهم وبس

[عاهد بن علي]

يقول المثل اليوغسلافي
((((((( على غير اهلها ما تجيب راس مالها )))))))
عسى الله يهديهم

[أخت الكل]

استغرب من اللي يبسطون الموقف

الموقف اللي انحطيتي فيه نهائي مو بسيط ولا عادي

بنت وواقفه سيارتها بالشارع ومتصله ولا افزع لها !!!!!!!!

ربعك صبي عليهم قاز وولعي فيهم وش ابي بخوة عديمين الاحساس

دامهم خذلوك فهم مو كفو وعديهم زميلات عمل وبس

[JN000N]

النفوس ما عادت شماليه والناس ضاقت صدورهم على بعض
محد يستحمل حد ولا حد بيتعبل ف حد ثاني
كلن يالله نفسي بس

[بريق الحق]

الله كريم


الصراحه ربع الفزعه ثابتين ان شاء الله تعطلت خط السلع خط مكه هم هم مايتغيرون حتى فالدوحه مافكر اتصل في حد غيرهم الا حق الاشياء البسيطه

الواحد يعرف ربعه فوقت الشده

[العلياا]

والله الموقف مب بسيط ولو كنت مكانج كلمت اهلي ولو انتظر ساعة كامل
لكن رفيجات الدوام غير حتى لو عشرة عمر المهم علاقتكم بدات منه

مادري كنت اتوهق اذا ما عندي سيارة والله ما كانوا يقصرون ولو ان معرفتي فيهم بسيطة

المهم لا تضايقين عمرج

[وحيد-الشوق]

محد يقدر يلومج هالزمن غريب كل واحد يقول يالله نفسي والموقف الي انحطيتي فيه بايخ ويضايق

[حنظلة]

حاس فيج لأن مافي حد فينا الا وأنصدم بصديق وخاصة وقت الضيق , المشكلة فينا يااختي,حنا اللي نعطي الناس اكبر من حجمهم, في الصديق الوفي اللي ادري اني لو طلبته مابيردني وفي الصديق اللي اضحك معه واقعد معه واجامله ويجاملني في المناسبات ,,والاثنين مستحيل احطهم في نفس الخانة وبعد مستحيل اعطيهم نفس الأهتمام ,هذي القضية بكل بساطه اعطي كل وحده حجمها الطبيعي , وجذي بترتاحين ولا بتنصدمين من أحد وبتعرفين من اللي تستاهل تقولين لها صديقتي,,,

[Charisma]

الحياه مدرسة ..

والدرس اللي خذيتيه ..



عدم الاستعجال في تصنيف بعض الاصدقاء تحت فئه ( المقربين ) .. والاعتماد ووضع كامل الثقه فيهم .. حتى لو كانت عشرة عمر .. بعض اصدقاء اليوم اخيّر من أصدقاء الامس .. والتجارب والمواقف كالموقف اللي واجهتيه .. يستوجب منج اعاده الحسابات والنظر في ( قوة ) العلاقه وتصنيفها . وقالها بن فطيس .



ماضيٍ مني على اللي تمشيني يمين ** ما تجي من هو قريبٍ وإلى احتجته بعيد

المواقف تشخل الناس والطيّب يبين ** كل عام يطيح تسعه ويصفى لي وحيد

أشهد إن خير المدارس تجارب الأولين ** واشهد إن راي التجارب هو الراي السديد




في مثل هالمواقف .. الأهل والأخوان أولى بالأستنجاد بهم .. ومن ثم اختيار احد المقربين .. او الاستعانه بكروه .

[رجل تعليم]

أستغفر الله العلي العظيم
مثل هذه المواقف بت أعيشها يوميا تقريبا منذ أن " عدت شخصا بلا سيارة "

تعطلت الحافلة قبل أيام وأنا في طريقي للعمل وكانت معي زوجتي وابنتنا الصغيرة صباحا ... لم نكن قد تناولنا بعد وجبة الإفطار لأننا استيقظنا باكرا ...اتصلت بثلاثة أصدقاء الواحد تلو الآخر ، تعال خذني وسأسدد لك تكاليف البنزين
كل واحد منهم اختلق عذرا وكان علي أن أسمع أعذارا أعرف أنها حتى وإن كانت صحيحة فيمكننا كأصدقاء أن نتحداها .
بكت زوجتي بحرقة والله ، وكنت أتأمل ابنتي وهي تنتظر أي سيارة قد تظهر في غابات مقفرة.
لا أتذكر عدد المرات التي أيقظني فيها هؤلاء ليلا ، في الواحدة أو الثاية ليلا وأقف وأرتدي ملابسي وأنطلق لأسعفهم إذا تعطلت سياراتهم .
الآن ، ولأني لا أملك سيارة كان عليهم أن يغيروا من طباعهم لكي لا أزعجهم كثيرا .

والله أكتب وفي حلقي غصة ما يعلمها سوى الله
لكن الحمد لله ، سأبقى كما أنا وإذا طرق أحدهم بابي يوما فلن أرده خائبا وسأنسى بسهولة تصرفهم

[رهج السنابك]

دايما اقولها وارددها وهذي خذتها من كتاب
احذر ثم احذر من اتجعل زملاء العمل اصدقاء


مهما طلعتوا وكلتوا وتواصلنوا بنات الدوام عمرهم مايكونون صديقات اسمهم زملاء عمل وبس

لو انا مكانج اول شي اسويه اخذ كروه مالقيت دقيت على اهلي او ركبت سبيل هههه لا اخر وحده لاحد يصدق

ردة فعلي راح اضرب اكبر اكس على هالبنتين ومستحيل اكلمهم لان تصرفهم نذاله
اعنبوه رفيجتكم تستنجد ولاحد يساعد وتسمينهم صديقات
امحق صداق

[توشيبا]

معليش اختي لا تاخذي بخاطرج منهم اهم حريم وهذا طبع لي انهم ماتعودو علي هالاشياء

يمكن اول مره حد يتصل فيهم يقول طلعو من الدوام ومروني تحسين جاهم الخوف


لو رجل كان يستاهل حد يسحب عليه ويطنش له لي ان مب من شيم الرجال

[q6ri_vip]

طيب ليش مايكون أهاليهم موصينهم ع أنهم مايطلعون من الدوام يعني تخيلي طلعت هالبنت من العمل ويايتج وصار عليها حادث لأقدر الله وتعورت أخوانها اللي معطينهم ثقتهم لأختهم انها اتروح الدوام وترجع تفاجئو انها طلعت من الدوام بدون ماتخبر حد هذي بروحها بتصير فيها مشكلة كبيرة
انا عن نفسي ماأللومهم ولو واحد في الأمية فكرو فيها بهالمنطق

[لاجل QT]

طيب يمكن الخطأ منج ...وثقتى باشخاص ليس باهل للثقة

بس مال مصالح طلعات ومطاعم هذي حدودهم...

معلية الدنيا تعلم

بس لو جات وحدة من اللى اخذلوج وطاحت في نفس موقفج ..اشلون بتصرفين معاها

العين بالعين

ولا بتكونين افضل منها وبتساعدينها

رايي في هالزمن العين بالعين لان ماعاد تنفع المرؤة والشهامة ..ماتنقع في العين

[بريق الحق]

طيب يمكن الخطأ منج ...وثقتى باشخاص ليس باهل للثقة

بس مال مصالح طلعات ومطاعم هذي حدودهم...

معلية الدنيا تعلم

بس لو جات وحدة من اللى اخذلوج وطاحت في نفس موقفج ..اشلون بتصرفين معاها

العين بالعين

ولا بتكونين افضل منها وبتساعدينها

رايي في هالزمن العين بالعين لان ماعاد تنفع المرؤة والشهامة ..ماتنقع في العين

الدنياء لين الحين فيها خير
وليس العين بالعين*
نقابل السوء بالاحسان هذا الي تربيت عليه اجري عند ربي

ومهما كان الخير مايضيع انساعد الناس ويكون عندنا يقين بالله اذا طحنا في مشكله راح يسخر لنا رب العباد من يساعدنا

[romoz]

الخوي اللي ما يجمع مع الخوه ثلاث
لا تحطه رأس مالك ولا تمشي معه

الصلاه وكلمه الصدق والخلق الدماث
من فقدها لا تعده خوي ًومطمعه


الله يعينك على رداة بعض الاصحاب ، و الاولى ان البنت اذا تعطلت سيارتها تكلم عزوتها ( ابوها او زوجها او احد اخوانها او حتى شخص من الاهل ) بعدين تشوف صديقاتها


و الزمن يبين معادن الناس و مخابرهم ، و الحمدالله ان الله امتحنك معهم في هالموقف مو موقف اكبر من كذا

[ماجد]

انا مستغرب من الاخوان اللي مبسطين الموضوع !!!

انا لو شخصيا مر علي نفس الموقف حتى لو زملاء عمل

بحط في خاطري وبعتبرهم خمة ولا تربوا على السنع

وبتكون علاقتي سلام وشغل بس حالهم حال الفراش سيم سيم

[دايموند]

امبين ان فالمستقبل ان طحتي في مشكله اكبر ماراح يوقفون معاج

انا اقول لا تعمقين العلاقه معاهم وخلج سطحيه ولاتفزعين لهم لانهم يستغلونج تحت مسمى الصداقه
وان احتجتيهم مابتشوفين حد منهم!!

[لاجل QT]

الدنياء لين الحين فيها خير
وليس العين بالعين*
نقابل السوء بالاحسان هذا الي تربيت عليه اجري عند ربي

ومهما كان الخير مايضيع انساعد الناس ويكون عندنا يقين بالله اذا طحنا في مشكله راح يسخر لنا رب العباد من يساعدنا

نعم نساعد الناس اللى فيها خير

اللى مافيهم خير يعتبرون المساعدة مقصة واستغلال

[حمد 2002]

المواقف التي نتعرض لها بحياتنا هي من تكشف لنا معدن الأصدقاء !! ..

[aloosh]

زين انك كشفتيهم قبل لا يكون فيه مشكله اكبر

قد يكون خير لك

[بصمة قطرية]

صدق من قال إن المواقف هي اللي تكشف معادن الناس ..
مرات موقف بسيط يعطيج درس ..
حبيبتي أكثر من تحسنين لهم هم اللي ينكرونج للأسف ..!!
الواحد ما يبي رد للجميل بس يبي تقدير ..
الحمدلله الدنيا ما زالت بخير و عندج صديقة تنحط على الراس ..
عامليهم بالمثل و لا تكونين طيبة
الطيبة في هالزمن ما تنفع ..

[بوراشد82]

ومن متى البنات ينفعون بعض!! بس شكليات ومجاملات ولا حزة الصج كل وحدة تقول يالله نفسي،، الا من رحم ربي

[حليتان*]

تدرين شالفرق بين الشباب والبنات
الشباب لو اتصلو حق حد وما فزع لهم بيسبونه سب فوجهه وعقب 5 دقايق عادي ولا جنه صار شي


اما البنات نفس الي حاصل بتروحين الدوام عادي ولا جنه صار شي وفخاطرج كلام واجد وعادي يتم فخاطرج 25 سنه بس تضحكين معاهم

المهم مالج بالطويله صلحتي الموتر !! وشالي كان خربان لتعم الفائده ليس الا

[حليتان*]

ومن متى البنات ينفعون بعض!! بس شكليات ومجاملات ولا حزة الصج كل وحدة تقول يالله نفسي،، الا من رحم ربي

لا لا في بنات راعايات فزعه مره دعمتني وحده اتصلت حق رفيجتها جاتها بجمس غماره احمر من الموتر حسيت انها راعية فزعه للامانه

[qatara]

خير مثال على الصحبه الطيبه

والطيب على الطيب يلتم

[راجي الْعفو]

لا لا في بنات راعايات فزعه مره دعمتني وحده اتصلت حق رفيجتها جاتها بجمس غماره احمر من الموتر حسيت انها راعية فزعه للامانه

الله يهداك .. ضحكتني ..

عموما هو الموقف منقود طبعا .. ولكن يمكن اللوم المتجه للمره اقل من الرجل وخاصه في هالموقف اللي مرت به الاخت ..


لان هالمواقف الأصل ان الرجال هم من يتصرفون فيها لا النساء ..

[الماريّة]

سيارتن عن منة الناس تغنيك .... ..............موديلها ماهو بالحيل ضروري
مادامها تمشي وتقضي مقاضيك ... اهون من حاجه الناس وضرب الصدوري


انشششهد

اشكرك على المرور

[الماريّة]

الله المستعان .. موقف حصل و انسيه
و ضروري ان لاتردينه بالمثل في مواقف مستقبليه مشابهه
الواحد لو راح يقعد على الحبه مع ربعه و المحيطين فيه ،، راح يلقى نفسه وحيد اخر المطاف .
ابديلهم العتب و سامحي

مرحبا بمرورك مره اخرى

والله يهديهم ان شاء الله وماراح اسوي مثلهم بسوي لله سبحانه
لكن خلاص الي في الخاطر في الخاطر

والله المستعان

[الماريّة]

انا عن نفسي باخذ موقف منهم ..

وخاصة اذا كنت واقف من قبل معاهم على اشياء اكبر من هل شي ..

بالتوفيق ../

مرحبا بمرورك اخوي

وهذا الي بصير تجربه قويه وماراح اكرر نجدتهم لو ايش ما ايش

والله الغني عنهم

[الماريّة]

يقول لج الأسد يمشي وحيداً والخروف يمشي مع القطيع..

حكمه اضعها نصب عيني في زمن قلت فيه المرجله والمروه..


كثري من الغاز اهم شي..



مرحبا بمرورك اخوي همر
يعطيك العافية على ردك واحسنت بالمثل
لكن المشكله الانسان غصب عنه يطلب الفزعه من ناس توقعهم كفو

ويالله الخيره بس
وابشرك الغاز مترووووس هههههه

على قوله الشاعر :_
وخبرة (ن) طلقتهم يوم انا حر (ن) طليق
والردي مثل المره شاهدين وورقه

[بومحمد55]

أما نخاوي خوه ترفع الراس ولابلاش من العنا والصداقة

[الماريّة]

الحمدلله انج عرفتيهم الحين ماعرفتيهم في مواقف اكبر
المعاني تغيرت، وثنتينهم يفدون الثالثة اللي فزعت لج بيض الله وجهها
اثلجت صدري بموقفها




مرحبا الجودي

اشكرج على الرد وصحيح الحمدالله الي عرفتهم وخذت تجربه منهم

والثالثه بيض الله وججهها ماقصرت والله يكثر من امثالها

[الماريّة]

بس اختي لا تحسسين منهم عادددي

كاه احنا الشباب اوقات من يشوفون من بيمرني الصناعية في البي بي والا احد يرد عقب ساعة الكل يشتغل

هههههههههههههههاي

يوم يحسون انه الواحد ضبط اموره وراح

بس عن نفسي لو واحد اتصل فيني وقالي الفزعه والله ما اردها دامني فاضي ومهب في وضع حرج

لجيه طيارررره يبشر من عيوني

مرحبا اخوي شبح الصمت

لا والله تبي الصراحه حسست منهم وانصدمت
وانتوا يالشباب غير بالعكس تفزعون لبعض حتى في اصعب المواقف

لكن الشكوى لله والله لايحوج احد لاحد

واشكرك ع مرورك

[الماريّة]

الحمدلله على السلامة


موقفهن جداً سلبي ، هناك فرق كبير بين زملاء العمل والأصدقاء ، فيجب التفريق بينهم





مرحبا بك اخوي وبمرورك

فعلا جدا سلبي .. والله يسامحهم

[الماريّة]

ااافا

هاي هي المرجله

!!

لو انا عنك اتركهم واخليهم واعطيهم السين ولا تاخذينهم على قدر عقولولهم مثل ماانا اسوي

انا اشهد انا الفزعه تبيلها رجال

لو اقدر احط لكم الصور كان بتستغربين للفزعه المشكله مااقدر
بيزعلون علي شلون انت تفزع لرجال الفزعه
؟؟

الله يعينك عادي ماشفتي شي توه الناس

عيزت وانا اقول المجتمع تغير ولا هو الاولى
مايصدقوني

:(

مرحبا اخوي حسن

اي والله شفت المرجله معاد به مرجله عند هالثنتين للاسف

والناس هم الي تغيروا اللهم من رحم ربي اما الزمن هو هو ماتغير


وياهلا بك مرة اخرى ..

[عيسى111]

تحف باللي موقفه دايمٍ كاش = وسلّم على باقي العرب وانت ماشي
كلٍ على ما يسّر الرب معتاش = وانا مثل غيري على الله معاشي
الصاحب اللي ماخذ الطيب من لاش = هذا سبب صبري وسر انتعاشي
عينٍ له لحافٍ وعينٍ له فراش = بيني وبينه انسجام وتماشي
فعلٍ جميل ووجهٍ أبيض من الشاش = والله كريم وبارق الخير ناشي
ومن لا يحوز الطيب يا عنك ما حاش = لقوا عديمين الضماير طناشي
راحت علاقات العرب طاش ما طاش = بعض الاوادم مثل بعض المواشي
ومن باعنا بشوي بعناه ببلاش = إما نصير اخوان والا بلاشي

[shadad]

شدعوه سحبوا عليك على باركنج....بل ..مو ربع مع الاحترام الشديد لك. ابسط شي على توصيله. اجل لو قلتي شي ثاني ويش صار ؟؟ على العموم مواقف مثل هاي تكشف. واذا على توصيله ما ساعدوك الظاهر الرفقه حاليا بالنسبه لهم ولاشي. يمكن انتي الثقه والمحبه الشديده من طرفك انتي بس. كان عندي رفيج وكان يقولي نفس قصتك وقلت له شخص ما عبرك من زمان لا تعتمد عليه واسحب عليه.
واللي جاتك فزعه من البيت احييها صراحه :).

لا تاخذي نصيحتي كمقياس .بس انا كمجرب الشخص اللي يبادلني الشعور نفسه ممكن اكون معه. في ناس استغلايين...وفي ناس يبيعونك كلام معسول ..وفي ناس مصلحجيه ...وفي ناس من اول العمر نعرفهم ما يدبرون شي ..وفي ناس وفي ناس ....وفي ناس قد الكلمه ووقت الحاجه اول ناس.
مقصدي خذي التجارب المفيده لاجل تعرفي من الصديق ابو سلام عليكم وجمعه طيبه ( طخة واتس اب لا اكثر ولا اقل )..والصديق اللي يعتمد عليه حتى باسط الاشياء مثل اللي جاتك من البيت .

ويعطيك العافيه على الموضوع .

[kuwari]

تشوف الزين وتشوف الردي وفي هذي المواقف البسيطه تبين معادنهم

[كيلو حديد]

تافهات والمفروض ما تعطينهن وجه
سلام وعليكم السلام
انقهرت من ردوددهن وانا مالي من الموضوع غير قرايته

[الماريّة]

اختي وترى مهب كل من نوضع قدام اسمه صديق ترى صديق

في اصدقاء اسم قبل اسمهم ينضاف ولكنهم ليسوا باصدقاء وقت الوقوع او وقت الفرح او او امور كثيرة


وهناك من يلفظ لهم الخوي او خويتي هذا اهو الي ينذكر ووقفاته لها بصمه

صدقت يا شبح الصمت

الحين عرفت معدن بعض البشر
ومشكلتي اني وااااثقه تماما بفزعتهم لكن امحق عشرة معاهم

[الماريّة]

في الشدايد معدن المخلص يبان

انشهد يااخوي
هذي ثلاث اشياء لها مااداني

ربع المصالح والردي وكل كذاب

[الماريّة]

حبيبتي حاسه فيج ومقدره ظرفج واحساسج .. بس صدقيني لانج مضايقه من اللي صار ف اتحسين تبين اتعرفين شتسوين فعلاقتج معاهم ..

لكن صدقيني يوم تهدين متأكدة انج بتنسين الموضوع.. ويوم بتشوفينهم بتقولين لهم بمزح طلبتك عوون صرتوا لي فرعون خلاص بلوك عليكم كلكم :anger1:

اختي مو شرط ان اللي اخذلج بموقف معناته بيخذلج ف باقي المواقف .. صدقيني والله
لا تاخذين الناس مواقف .. واعذريهم

واعتقد انج اكبر من ان ياخذج موقف كهذا ..

وصدقيني يالغاليه ان المفروض انج تتواصلين مع هلج من الاساس مو ربعج. خاصه ف مثل هالمواقف .. ف مسألة انج اطلعينهم من الدوامم انا اشوفها صعبه حتى لو كان وا من النوع اللي عادي يطلعون ف اي وقت .!

لكن صدقيني قولي لهم حد يوصلني البيت وهو طالع .. محد بيردج من اللي اخذلوج


وسعي خاطرح حبيبتي


مرحبا اختي ودي اكون

اشكركج على كلامج الطيب
ومش عارفه عادني برضى عليهم والا لا بس الاكيد توبه ما اطلب منهم مساعده لو باكبر مشكله
وبخصوص ليش ماكلمت هلي صح الاهل الاولى لكن اختي انا كنت قريبه من الدوام مابقى الا شارع ودوار
وهالكلام الصبح رايحه لدوام وكلمتهم لانهم قدهم واصلين مكاتبهم وموقعين وقاعدين

كلش ابد ماجى بالي انهم بتعذرون اعذار بسيطه.. وهلي صح اولى لكن وين كل واحد في دوامه وبعييييييد
واصلا مرات اتاخر الظهر وقت الانصراف اما السياره تتعطل بي او عندي شغل ولا عمري قلت لهم وصلوني
لاني عارفه بيتي في الشمال وصعب احرج الناس معاي بتوصيلي

لكن هالموقف كان الصبح وكنت قريبه من الدوام... لكن الحمدالله انها تجربه كبيره بحياتي
وهذاني عادي اسولف معاهم لكن خلاص الي في الخاطر في الخاطر

وتسسسسسسلمين الشيخه مره ثانيه

[R 7 A L]

ماتربوا على الفزعه
ما حصل لك اصدق اختبار في معنى الصداقة

[إعلامي قطر]

..

الفزعه ثقافه حالها حال قلة الذوق؛ أيضاً ثقافه !

بأقرب فرصه معاهم أفتحي الموضوع وبيني لهم
خطأهم عشان مايتم قلبج شايل عليهم، وطبعاً
بناء على ردودهم راح تعرفين هل فيه أمل
منهم ولا مافي أمل !

عشان تكون معاملتج معهم إحترافيه وبالمثل
مستقبلاً ترى الدنيا دواره وراح يحتاجونج
مستقبلاً ثقي تماماً من هالشي..

..

[الماريّة]

الموقف له وقع بالغ على النفس أختي المارية ..

و لو استخلصنا أجمل ما فيه .. فهو في صديقتك الثالثة ..

فهي من تستحق مقولة رب أخ لم تلده أمك ..


تحياتي لك



مرحبا اخوي خالد

صح كلامك اما له وقع فقد وقع وانطبع وخلااص والله يسامحهم
والحمدالله ان الصديقة الثالثة اثبتت ان الدنيا فيها خير

واشكرك ع مرورك الكريم

[الماريّة]

شي يزعل ..بس لاتحطينه في بالج.. صداقتكم المفروض اكبر من توصيلة ومشوار

مرحبا اخوي مرتبش

لا والله مااكذب عليك غدى بخاطري زعل منهم

الله يسامحهم

ومشكور ع مرورك الكريم

[الماريّة]

وانا خويّه بالليال المعاسير & والا الرخا كلنٍ يسد بمكاني

في الرخاء كلهم أهل فزعه وكرم و و و و...لكن المواقف هي اللي تبين المعدن الحقيقي للاصدقاء

تسلمين على الموضوع اللي ناخذ منه عبره .... وننتظر منج الاجمل

مرحبا اخوي النظامي

صدقت ع الابيات وصح لسانك
نعم هذي المواقف الي تبين معدن الناس

والله لايحطهم بموقف مثلي

واشكرك ع مرورك

[يمامـة]

تصير وفي احسن علاقتا الصداقة

لان اللي فيه الخير حتى لو مب صديقك بيفزع لك
لكن قليل الخير ما بيوقف وياك وان كان اخوك من امك و ابوك..

تحسبي الاجر وحاولي تنسين..

[الشانزلزيه]

ما أكثر الأصحاب أن اعتدتهم ..... ولاكن في النائبات قليل

[الماريّة]

.
.

اشكركم جميعا على ردودكم ومشاركاتكم

واعتذر عن الرد للبقية لقله الوقت

:)

[المهاجر]

زين انها جات على هالشي واحمدي ربج انج اكتشفتيهم بسبب تافه

مب في شي كبير يخليج طول عمرج ندمانه على هالصداقه

في ناس يسون الادهى والامر

تلقينهم معاج بوجه مختلف عن حقيقتهم ويبينون محبتهم

وهم في الحقيقه لهم اهداف ثانيه

يخفون خنجر وراء ظهورهم وبأول فرصه

يطعنون بالظهر الله يكفينا شرهم

ومثل ما قال همر

الأسد يمشي وحيداً والخروف يمشي مع القطيع..

حكمه اضعها نصب عيني في زمن قلت فيه المرجله والمروه..

في هالزمن لا تثقين بأي حد إلا بعد ماتحطينه في خمسين إختبار وتشوفين النتيجه قبل

[الماريّة]

زين انها جات على هالشي واحمدي ربج انج اكتشفتيهم بسبب تافه

مب في شي كبير يخليج طول عمرج ندمانه على هالصداقه

في ناس يسون الادهى والامر

تلقينهم معاج بوجه مختلف عن حقيقتهم ويبينون محبتهم

وهم في الحقيقه لهم اهداف ثانيه

يخفون خنجر وراء ظهورهم وبأول فرصه

يطعنون بالظهر الله يكفينا شرهم

ومثل ما قال همر

الأسد يمشي وحيداً والخروف يمشي مع القطيع..

حكمه اضعها نصب عيني في زمن قلت فيه المرجله والمروه..

في هالزمن لا تثقين بأي حد إلا بعد ماتحطينه في خمسين إختبار وتشوفين النتيجه قبل

احسنت على ردك اخوي المهاجر

ويعطيك العافية وباذن الله هذي تجربة ونبهتني اكثر

وباخذها بعين الاعتبار دوما وابدا

اشكرك مرة اخرى