رفقا بعمال محطات البترول

[حمد 2002]

السلام عليكم ورحمه الله وبركاته

رفقا بعمال محطات البترول

شمس !!

ايشمون ريحه البترول !!

أضرار نفسيه !!

جسديه !!

أضرار مادية !!

كم رواتبهم ؟!

أطالب بزيادة رواتب العمال الي ايصبون بترول !! وتوفير أجواء ملاءمة لهم !!


لأنهم في النهايه بشر وليسوا !! .. وعندهم لحم ودم ومشاعر وأحاسيس !!


أتمنى توصل رسالتي لحقوق الإنسان ..



وشكرا ..

[راجي الْعفو]

وعليكم السلام و رحمة الله و بركاته ..

هلا هلا يالشهاب ..

ترى عمال البترول يدخلون ذهب من حيث لا تشعر !

صدقت .. وبادره طيبه منك في الدعوه للنظر في حال امثالهم ..

وفي شي مهم أتمناه إنهم يراعونه بخصوص العمال و ان كان خارج الموضوع بس مجرد اشارة :

إنهم يبحثون عن العمالة المسلمة، ولا يكون الهم البحث عن الرخص ..

تحياتي المعطـــــرةبالنرجــــــــس ..

[النظامي]

وعليكم السلام و رحمة الله و بركاته ..

جزاك الله خير .....وأضيف عليهم جميع العماله ( بناء ,اللي في الشوارع ,عمال النظافه,وغيرهم الكثير )

دينا وصانا بالرحمه و أعطاء الاجير أجره قبل أن يجف عرقه

تسلم يا حمد على الموضوع الجميل .... وننتظر منك الاجمل

[بومحمد المطاوعه]

جزاك الله خير

واطالب بوضع كيمرات مراقبه
والاحسن تحويل جميع المحطات الى محطات وقود

[حمد 2002]

وعليكم السلام و رحمة الله و بركاته ..

هلا هلا يالشهاب ..

ترى عمال البترول يدخلون ذهب من حيث لا تشعر !

صدقت .. وبادره طيبه منك في الدعوه للنظر في حال امثالهم ..

وفي شي مهم أتمناه إنهم يراعونه بخصوص العمال و ان كان خارج الموضوع بس مجرد اشارة :

إنهم يبحثون عن العمالة المسلمة، ولا يكون الهم البحث عن الرخص ..

تحياتي المعطـــــرةبالنرجــــــــس ..

شكرا على المرور يالطيب ..

ماقصرت ..

[BoFahed]

جزاك الله خير

واطالب بوضع كيمرات مراقبه
والاحسن تحويل جميع المحطات الى محطات وقود

التنافسية زينة يا بو محمد الحكومة احتكرت كل شي القطرية كروة وغيره وغيره بعدين نشتكي من غلا الاسعار والخدمات

[aloosh]

يدخلون ذهب بعضهم

يعبي لك 30 ونص ياخذ 31 نص ريال مكسب كم سياره في اليوم والحسبه عليك

[حمد 2002]

وعليكم السلام و رحمة الله و بركاته ..

جزاك الله خير .....وأضيف عليهم جميع العماله ( بناء ,اللي في الشوارع ,عمال النظافه,وغيرهم الكثير )

دينا وصانا بالرحمه و أعطاء الاجير أجره قبل أن يجف عرقه

تسلم يا حمد على الموضوع الجميل .... وننتظر منك الاجمل

احسسسنت ..

جزاك الله خيرا ..

[(بوطلال)]

هههههههههههه الحسد ماركه مسجله فينا حتى عمال المحطات نحسب لهم كم يجمعون .

[aloosh]

هههههههههههه الحسد ماركه مسجله فينا حتى عمال المحطات نحسب لهم كم يجمعون .

انت مستميت على الاجانب شكلك يسرقونك وعادي ما يهمك انا يهمني لا يستغفلني احد لو زبال

ومحطات البترول شرايكم يسونها مغلقه ومكيفه ويقعد اللي يصب بترول على كرسي وانت تحول تعبي

[eXpert*]

هل نحن بحاجة لعمال لملئ خزان الوقود !؟

لماذا لا يخدم كل فرد نفسه بنفسه !

و يكون هنالك عامل فقط في المحطة يعمل على مضخة لكبار السن وذوي الإحتياجات الخاصة ..

[R 7 A L]

زيادة راتب فهمناها
بس شلون توفير اجواء ملائمة ؟

[حمد 2002]

جزاك الله خير

واطالب بوضع كيمرات مراقبه
والاحسن تحويل جميع المحطات الى محطات وقود

احسنت بالاقتراح ..

وإن شاء الله تتحول المحطات لوقود بالقريب العاجل ..


جزاك الله خيرا

[حمد 2002]

التنافسية زينة يا بو محمد الحكومة احتكرت كل شي القطرية كروة وغيره وغيره بعدين نشتكي من غلا الاسعار والخدمات

أحسن خلهم يحتكرون وقود وكل الشر كات بالدوله وطرحها على شكل اسهم للمواطنين .. يعني من بيمتلك محطه وقود انا ولا بو محمد هه هه هه ..

شكرا يالذيب

[حمد 2002]

يدخلون ذهب بعضهم

يعبي لك 30 ونص ياخذ 31 نص ريال مكسب كم سياره في اليوم والحسبه عليك

الحراميه بكل مكان مب بس العمال ..


جزاك الله خيرر

[حمد 2002]

هههههههههههه الحسد ماركه مسجله فينا حتى عمال المحطات نحسب لهم كم يجمعون .

يمكن الرجال فيه غيره على حلال الحكومه وحلال الناس ومايحب أحد يضحك عليه ... لازم نحسن الظن بالناس ياخوووك ..

يزاك الله خير ..

[حمد 2002]

هل نحن بحاجة لعمال لملئ خزان الوقود !؟

لماذا لا يخدم كل فرد نفسه بنفسه !

و يكون هنالك عامل فقط في المحطة يعمل على مضخة لكبار السن وذوي الإحتياجات الخاصة ..

انا ضد قطع ارزاق هل فقاره وبالمقابل مع توفير اجواء ملاءمه لهم ..

يزاك الله خير واقتراحك حلو والله بس يبيله تعديل شووي

[حمد 2002]

زيادة راتب فهمناها
بس شلون توفير اجواء ملائمة ؟

البحث عن حل لحمايتهم عن التلوث الناتج عن استنشاق للبترول ..

ووقوفهم المتكرر لصب البترول للمواتر ..

ممم يعني أفضل يتم إدخال بعض التعديلات الحديثه والابتكارات على محطات البترول ..

وشكرا ..

[R 7 A L]

البحث عن حل لحمايتهم عن التلوث الناتج عن استنشاق للبترول ..

ووقوفهم المتكرر لصب البترول للمواتر ..

ممم يعني أفضل يتم إدخال بعض التعديلات الحديثه والابتكارات على محطات البترول ..

وشكرا ..

وقود تعطي العمال كمامات
ما اعتقد يقدرون يعطونه اكثر من هالشي

[مضارب دوسري]

زيادة راتب فهمناها
بس شلون توفير اجواء ملائمة ؟

الحضن الحضن
البوس البوس

[مضارب دوسري]

البحث عن حل لحمايتهم عن التلوث الناتج عن استنشاق للبترول ..

ووقوفهم المتكرر لصب البترول للمواتر ..

ممم يعني أفضل يتم إدخال بعض التعديلات الحديثه والابتكارات على محطات البترول ..

وشكرا ..

استنشاق ؟
حمد شلون يستنشقه ؟ ترى اكثر شخص يستنشق البترول احيانا هو صاحب السياره لانه ف مكان مغلق
اما اذا المكان مفتوح مافيه اي استنشاق ترى يعبي بيده مب بخشمه

يل شتقول عن اللي يشتغلون اوبريشن في مصانع البترول ؟

[(بوطلال)]

انت مستميت على الاجانب شكلك يسرقونك وعادي ما يهمك انا يهمني لا يستغفلني احد لو زبال

ومحطات البترول شرايكم يسونها مغلقه ومكيفه ويقعد اللي يصب بترول على كرسي وانت تحول تعبي

اي والله انك صادق عامل البترول والزبال وغيرهم استميت عليهم ومخباي مشقوق قدامهم اما انت تبخل على هالفقارى وتحسب وراهم ومخباك مشقوق لازابيلا ورولا وليليان اذا قابلتهم في محل العطور او البوتيكات :)

[aloosh]

اجل ما باقي الى نقول لهم يا دهينه لا تنكتين ونشتغل احنا بدال العمال
هم يعرفون ان الجو حار وانه جاي لهذي الشغله يوافق او يتم في بلاده محد جابره ويحمدون الله ان الوضع في قطر احسن من غيره

والحمدلله اقلب اهل قطر منصفين من ناحيه العمال معاد الشركات المسجله بسم قطري واداره اجانب

اغلب اللي شفتهم من صفين اللهم لك الحمد

اتمنى ان العامل يعمل بما ما جاء لجله ولا نعطيه اكثر مما يستحق كفايه ما انشوف منهم الان وتشويه بالخارج

[مضارب دوسري]

اما عن الموضوع
ترى مب غلط لو مثلا عبيت ب 58 وعطيته 60 وقلت له خل الباقي
او 56 وقلت له خل الباقي
ماراح تفرق وايد ال 4 ريال معاي بس اكيد بيحس بالفرحه هو
الزبال العامل الدريول الخدامه
يفرحون باي مبالغ تعطيها اياهم تقديرا لجهودهم

خصوصا من يعملون فالبيت
تعطيهم ف نص الشهر 50 ولا 100
تفرحهم

في ناس توصل فيهم الوقاحه انه يطلبون عشا مثلا من مطعم ما يعملون حتى حساب للخدم
شفيها يعني لا جبت لهم نفس اكلي
وفي ناس يروحون مطاعم يخلون الخدامه تجلس فالاستراحه وهم باكلون
وش بيصير لو خليتها تجلس معانا
وطلبت لها نفس اكلنا

[(بوطلال)]

اما عن الموضوع
ترى مب غلط لو مثلا عبيت ب 58 وعطيته 60 وقلت له خل الباقي
او 56 وقلت له خل الباقي
ماراح تفرق وايد ال 4 ريال معاي بس اكيد بيحس بالفرحه هو
الزبال العامل الدريول الخدامه
يفرحون باي مبالغ تعطيها اياهم تقديرا لجهودهم

بيض الله وجهك وهذا الي نقوله لكن للاسف البعض يعتبره استغفال .سبحان الله عمل الخير استغفال!

[مضارب دوسري]

بيض الله وجهك وهذا الي نقوله لكن للاسف البعض يعتبره استغفال .سبحان الله عمل الخير استغفال!


ووجهك يا بو طلال
لا مب استغفال
هذي مكارم اخلاق ورحمه
هو تغرب من عياله عشان لقمة العيش عشان يعيش عياله

الواحد اذا بات ليله بعيد عن عياله يحس بالنقص ف ما بالكم ب سنه او سنتين بعيد عنهم

[مضارب دوسري]

اجل ما باقي الى نقول لهم يا دهينه لا تنكتين ونشتغل احنا بدال العمال
هم يعرفون ان الجو حار وانه جاي لهذي الشغله يوافق او يتم في بلاده محد جابره ويحمدون الله ان الوضع في قطر احسن من غيره

والحمدلله اقلب اهل قطر منصفين من ناحيه العمال معاد الشركات المسجله بسم قطري واداره اجانب

اغلب اللي شفتهم من صفين اللهم لك الحمد

اتمنى ان العامل يعمل بما ما جاء لجله ولا نعطيه اكثر مما يستحق كفايه ما انشوف منهم الان وتشويه بالخارج

(انما بعثت لاتمم مكارم الاخلاق)

[راجي الْعفو]

اما عن الموضوع
ترى مب غلط لو مثلا عبيت ب 58 وعطيته 60 وقلت له خل الباقي
او 56 وقلت له خل الباقي
ماراح تفرق وايد ال 4 ريال معاي بس اكيد بيحس بالفرحه هو
الزبال العامل الدريول الخدامه
يفرحون باي مبالغ تعطيها اياهم تقديرا لجهودهم

خصوصا من يعملون فالبيت
تعطيهم ف نص الشهر 50 ولا 100
تفرحهم

في ناس توصل فيهم الوقاحه انه يطلبون عشا مثلا من مطعم ما يعنلون حتى حساب للخدم
شفيها يعني لا جبت لهم نفس اكلي
وفي ناس يروحون مطاعم يخلون الخدامه تجلي فالاستراحه وهم باكلون
وش بيصير لو خليتها تجلس معانا
وطلبت لها نفس اكلنا

هذا الكلام السنع :

في الحديث :

(( إذا أتى أحدَكم خادمُه بطعامه ، فإن لم يُجلسه معه ، فليناوله لقمة أولقمتين ))

متفق عليه - أي رواه البخاري ً مسلم -

[كيلو حديد]

من عادتي ولله الحمد اعطي الأكثرية زياده
اذا عبيت بخمسين يعبي خمسين بالضبط
وعقب اعطيه المقسوم والله يتقبل

[الجـــوديّ]

قال الرسول صل الله عليه وسلم:

"أَحَبُّ النَّاسِ إِلَى اللَّهِ أَنْفَعُهُمْ لِلنَّاسِ ، وَأَحَبُّ الأَعْمَالِ إِلَى اللَّهِ سُرُورٌ تُدْخِلُهُ عَلَى مُسْلِمٍ ، أَوْ تَكْشِفُ عَنْهُ كُرْبَةً ، أَوْ تَطْرُدُ عَنْهُ جُوعًا ، أَوْ تَقْضِي عَنْهُ دَيْنًا ، وَلأَنْ أَمْشِيَ مَعَ أَخٍ لِي فِي حَاجَةٍ ، أَحَبُّ إِلَيَّ مِنْ أَنْ أَعْتَكِفَ فِي هَذَا الْمَسْجِدِ يَعْنِي مَسْجِدَ الْمَدِينَةِ شَهْرًا ، وَمَنْ كَفَّ غَضَبَهُ سَتَرَ اللَّهُ عَوْرَتَهُ ، وَمَنْ كَتَمَ غَيْظَهُ ، وَلَوْ شَاءَ أَنْ يُمْضِيَهُ أَمْضَاهُ ، مَلأَ اللَّهُ قَلْبَهُ يَوْمَ الْقِيَامَةِ رِضًا ، وَمَنْ مَشَى مَعَ أَخِيهِ فِي حَاجَةٍ حَتَّى يُثْبِتَهَا ، أَثْبَتَ اللَّهُ قَدَمَيْهِ يَوْمَ تَزُولُ الأَقْدَامُ " . حديث


هذي الفوائد تشترى بأموال الدنيا .. لكن ممكن ريالين توفي وتدخل السرور على قلب مسلم :victory:

وغير المسلم تكون بنية استرقاق قلبه للإسلام.

الله يتقبل من الجميع وجزاك الله خير حمد على الموضوع ،،

[خالد البلوشي]

موضوع ذات بعد إنساني عميق أستاذ حمد ..

بالإحسان و حسن المعاملة و مراعاة الظروف سنحيا حياة هانئة مطمئنة .. و من كل فقير على وجه الارض و إلى كل غني .. هناك يدان ..

لك أصدق التحايا

[qtr qtr]

اقترح عمل شفاطات بالقرب من مكينة تعبئة البترول لشفط الغازات المنبعث من البترول مثل اسطوانات طوليه ومنها سيفتي لعدم اندلاع حرائق .

والشكر الجزيل لك يا اخ حمد عالانسانيه .. والله يكثر من امثالك وللاعضاء الكرام الكرماء المحبي للخير والله يهدي كل حاسد على الفقير .

[حليتان*]

يدخلون ذهب بعضهم

يعبي لك 30 ونص ياخذ 31 نص ريال مكسب كم سياره في اليوم والحسبه عليك

انا فحياتي ماصبيت بترول وطلع كسور شلون يصب لك ب 30ونص وياخذ 31 !!! تكفى فهمني

ياخي حرام اقل شي انت لو تبي شي من الدكان تعيز تنزل دقيقتين من السياره شلون لو توقف 7 ساعات على رجلك وفوق حر الجو تصفقك حرارة المواتر والبترول


ملاحضة الكلمه تكتب اغلب مش اقلب يا صايد عمال محطات البترول يا مفتح

[حليتان*]

وجزاك الله خير يا مضارب الدوسري على كلامك وجزاك الله خير يا راجي العفو والاخوان كلهم على كلامهم الطيب وماقصرت يا حمد ع الموضوع الممتاز الصراحه والله يزوجك قول امين

[يمامـة]

يا حليلك يا حمد .................................> قلبك الصغير عالم مفعم بالحنان والرحمة..

[راجي الْعفو]

وجزاك الله خير يا مضارب الدوسري على كلامك وجزاك الله خير يا راجي العفو والاخوان كلهم على كلامهم الطيب وماقصرت يا حمد ع الموضوع الممتاز الصراحه والله يزوجك قول امين

ويجزاك اخوي اماف .. وليش دعيت لحمد بس !

( ابتسامه )

[ya3coub]

اما عن الموضوع
ترى مب غلط لو مثلا عبيت ب 58 وعطيته 60 وقلت له خل الباقي
او 56 وقلت له خل الباقي
ماراح تفرق وايد ال 4 ريال معاي بس اكيد بيحس بالفرحه هو
الزبال العامل الدريول الخدامه
يفرحون باي مبالغ تعطيها اياهم تقديرا لجهودهم

خصوصا من يعملون فالبيت
تعطيهم ف نص الشهر 50 ولا 100
تفرحهم

في ناس توصل فيهم الوقاحه انه يطلبون عشا مثلا من مطعم ما يعملون حتى حساب للخدم
شفيها يعني لا جبت لهم نفس اكلي
وفي ناس يروحون مطاعم يخلون الخدامه تجلس فالاستراحه وهم باكلون
وش بيصير لو خليتها تجلس معانا
وطلبت لها نفس اكلنا

اشكرك أخوي كفيت و وفيت

ترا كلها مبلغ بسيط كل ما تعبي و خصوصا اذا بنفس المحطة يعرفونك و يسئلون عنك حالهم حال الي يبيعون جرايد

انا شغال بلندن حاليا و يتصل فيني بالفاير احد بائعين الجرايد عند الإشارة يقولي وحشتني ولا يقولي مشتاقلك تمر توقف اعرف اخبارك. بشكل اسبوعي يكلمني و يتطمن.

و السبب كلها غرشه ماي مرة عطيته و لما اوقف عند الأشارة اسئل عن احواله و اعطيه المقسوم و ما يرضى ياخذ بدون جريدة <<< هاي ليش اعترضت على موضوع ازالة بائعين الجرايد من الأشارات


ثاني نقطه للأسف شي يقهر و تلقى عيلة بكبرها من اب و ام و عيال و الخادمة قاعده جنبهم و تطلع و حتى عصير او ماي ما يجيها