بومحمد الشاشه ب 1800 ريال !!

[بومحمد المطاوعه]

السلام عليكم ورحمه الله وبركاته

شخباركم عساكم طيبين


شاشه ايفون 6 ب 1800 ريال*؟؟
الصراحه انصدمت يوم قالي واحد معاي فالدوام

قالي امس مبدل شاشه الجوال ب 1800

سبب التبديل الجوال طاح وانكسرت الشاشه

الصراحه احس السالفه استقلال ونصب والعياذ بالله

شرايكم فالسعر ؟؟

تقبلو تحياتي

[R 7 A L]

خله يدق على حماية المستهلك

[وليف الشوق]

يعني اكثر من نص قيمة الجهاز بكبره
مثال :
اذا كان الجهاز مبلغ 3200 ريال
ونص السعر = 1600 ريال
سعر الشاشه = 1800 ريال
سعر مبالغ فيه لدرجه كبيره لحسبتي بسعر الجهاز كاااااااااااااااااااااااملا"

[aloosh]

عندنا المشكله اول ما ينزل الشي يموت يبيه انتظرو لحد ما يستقر السعر النهائي في السوق

اكيد بيكون شاشه غاليه توه نازل والقطع غير متوفر بشكل كامل

[Charisma]

وعليكم السلام ورحمه الله وبركاته

مرحبا بو محمد ..

ماذكرت لنا الجهاز عليه ضمان محلي ؟ و رفيجك وين بدل الشاشه ؟ محل عادي ولا مركز صيانه معروف مثل ستارلينك وغيره !!

اقتباس من مشاركه في احدى المواقع التقنيه ..


اتصلت بالدعم الفني لأبل وافادوني بأن كسر الشاشه من الضمان فقط اذهب الي الوكيل المعتمد في بلدي ويرسله ومن الممكن ان يتم تغيير الجهاز كلياً اذا كان التوصيل سيحتاج وقت طويل.


ملاحظة سقوط الهاتف لا يعد سوء الاستخدام كونه حالة من الحالات الطبيعية التي تصادف اي شخص ومن ضمنها الهواتف للعلم الهاتف سقط على الشارع من ارتفاع جيب البنطال….لا يتجاوز ذلك الارتفاع فحدث ويحدث للكثير.

الكثير من عشاق ابل ومستخدمي اجهزة ابل يكونون ضحية عدم الالمام بحقوقهم من الضمان ويكونون ضحية المحلات التي تدفع لها مئات الدولارات في سبيل الاصلاح بينما لو تواصلوا مع ابل سيجدون ان ذلك ضمن تغطية الضمان

[يوسف0]

سعر الشاشة فالنت ب 1400 تقريبا

[جبر ال جبر]

انا في ميونيخ ف المانيا انكسرت شاشه جوالي ايفون 5 ورحت ابل استور وقالي ببدلك الجهاز بواحد جديد انقل كل شي وسوللهم بيك اب في الجديد ودفعت اذكر مبلغ رمزي حوالي 100€ وخذت جهاز جديد بكارتونة
وسلمته القديم وخذت الجديد وكان القديم مزلق ومشمخ ناس محترمه وتقدر مب المفجوعين الي عندنا ونصب واستغلال وحمايه المستهلك مره تحصلهم اوكي ومره يفشلونك

[U Welcome]

في امريكا يبدلون لك اي جهاز ابل سواء قديم او جديد
اذا صار فيه خلل او انكسرت الشاشه
بمقابل رمزي ......


واحد من الشباب خذ ايفون ظ¦ واستخدمه اسبوعين كاملين
وراح لهم وقال انه يبي يغير اللون لانه مب عاجبه
وبدلوا له الجوال القديم بواحد جديد ببلاااااش

[Dana’1]

على طاري المانيا وامريكا ..الغرب تعاملهم بهالأمور جدا راقي ويرضون العميل حتى لو الغلط منه
على عكس ربعنا هذا وهم عرب ومسلمين بعد لكن لابشيمه ولابقيمه بيتعاملون بالرقي في هذا الجانب إلا من رحم ربي

صارت لي سالفة مع ارامكس وامازون
أمازون ردوا بشكل واضح 123 عارفين ايش يقولون وايش خطواتهم من وإلى
أرامكس 147كل واحد يفتي من راسه ههههه

[برشلوني قطر]

على طاري المانيا وامريكا ..الغرب تعاملهم بهالأمور جدا راقي ويرضون العميل حتى لو الغلط منه
على عكس ربعنا هذا وهم عرب ومسلمين بعد لكن لابشيمه ولابقيمه بيتعاملون بالرقي في هذا الجانب إلا من رحم ربي



فعلا تعاملهم رااقي والضمان عندهم له قيمه...اهني ماعاد يفرق خذت سلعه بضمان والا لا لان تدري انهم بيعذبونهك معاهم..

اخبر بعض الناس ف امريكا الله يهديهم...ياخذون بعض الملابس الماركات ويكشخون فيهم ويرجعونهم ويقولون مانبي...

مره شريت جهاز وبعدها بأسبوع تقريبا شفت نفس المحل عنده عروض وتنزيلات...قاله رفيجي خذنا من عندكم الجهاز

وماعندنا خبر ان بتصير تنزيلات ؟؟؟ قال لا تزعل وخذ بطاقة البنك ورجع الفرق حق التنزيلات...<< تتوقعين يسوونها عندنا ؟

بومحمد ياليت رفيجك سأل قبل لا يبدل الشاشه..فعلا مره رحنا لهم وشاشة الايباد متكسره ومشلخينه اليهال وبدلوه مقابل مبلغ بسيط بجديد

بالتوفيق

[بومحمد المطاوعه]

بارك الله فيكم
ياجماعه الجوال
طايح والشاشه انكسرت
مستحيل يبدلونها ع الضمان

هذي سوء استخدام تعتبر

[Right]

سعر مبالغ فيه ، لو أنا منه أشتري واحد جديد وأخلي القديم قطع غيار لي ولأي شخص أعرفه


ما أعتقد أن تصليح كسر الشاشة يندرج تحت لضمان



لمزيد من المعلومات ، أنصح بدخول صفحة ضمان Apple باللغة العربية

https://www.apple.com/legal/warranty/products/ios-warranty-emea-arabic.html




شخص لديه آيفون يسأل شركة Apple:

"Since my phone is still under warranty, can the screen be repaired with no charge? "

No As with any warranty on any product, the warranty does not cover damage.




خلكم على الجلكسي ، النوت 4 قريباً :victory:

[ودي أكون]

انا انكسرت شاشة جوالي الايفون 5 .. الشاشه الاصليه ب900 ريال

طبعاً لان طاح عالسراميك وعلى ويهه وع كلامهم في قطعه من داخل اخترتب وتصليحه فالسد هذا بدون سعر الشاشه .. فقلت اخذ لي ايفون 6 احسن عيل

[سيف QTR]

في ستارلنك الشاشة بسعر 1450 للحين يعتبر مبالغ فيه :rolleyes2:

[h9466]

انا انكسرت شاشة جوالي الايفون 5 .. الشاشه الاصليه ب900 ريال

طبعاً لان طاح عالسراميك وعلى ويهه وع كلامهم في قطعه من داخل اخترتب وتصليحه فالسد هذا بدون سعر الشاشه .. فقلت اخذ لي ايفون 6 احسن عيل

:waiting:

[توشيبا]

استار لينك بدلو لي تلفوني اي فون فايف اس

كرفته كرف مع جل ابريك لين قال التلفون والله معاد اشتغل

رحت لهم حاولو يصلحونه مافي امل عطوني واحد جديد مع ان باقي علي الضمان يمكن ثلاث شهور

[Super Cool]

للأمانة السبب من المصنّع

الشركات المصنّعة صارت ما تنزل قطع غيار و تنزل مجموعة قطع في واحد
مثلاً الشاشة مع المذر بورد و مادري شنو قطعة وحدة...و كذا و كذا و كذا قطعة وحدة
علشان جذي السعر صار غالي

[المحاميه]

استار لينك بدلو لي تلفوني اي فون فايف اس

كرفته كرف مع جل ابريك لين قال التلفون والله معاد اشتغل

رحت لهم حاولو يصلحونه مافي امل عطوني واحد جديد مع ان باقي علي الضمان يمكن ثلاث شهور

اظاهر ناس وناس

عندكم اياه يالاعضاء
:waiting:

[بومحمد المطاوعه]

ماشاءالله

الله يوفقكم

توشيبا
انت المفروض تشتري مايعطونك واحد جديد هههههههه

[limited]

انا في ميونيخ ف المانيا انكسرت شاشه جوالي ايفون 5 ورحت ابل استور وقالي ببدلك الجهاز بواحد جديد انقل كل شي وسوللهم بيك اب في الجديد ودفعت اذكر مبلغ رمزي حوالي 100€ وخذت جهاز جديد بكارتونة
وسلمته القديم وخذت الجديد وكان القديم مزلق ومشمخ ناس محترمه وتقدر مب المفجوعين الي عندنا ونصب واستغلال وحمايه المستهلك مره تحصلهم اوكي ومره يفشلونك

نفس الشي صار معاي بفرانكفورت وبدلوا الجهاز بميه وخمسين يورو

[العلياا]

اختي صلحته في ستار لينك بالف واربعمية ريال

[بومحمد المطاوعه]

اختي صلحته في ستار لينك بالف واربعمية ريال

شي طيب
رفيجي فالغرافه

الصراحه سعر مبالغ
حتى 1400