متخلفـــــــــــــــين....

[JN000N]

السلام عليكم ورحمة الله وبركاته


عمتم صباحا ومساءا :)



بس حبيت اول شي اوضح ان مفهوم التخلف مش بس ف الدراسه والتعليم والتطور والخ الخ
بنظل في قطر متخلفين دام عندنا شركات تعبانه مثل (اشغال)


احترام الاوقات والمواعيد والشغل نفسه (شي مايمر حتى قدام مبناهم)

لما تبدا الشيخه اشغال في مشروع تكسير شارع او تحفير او تخريب (تتشيطر فيه) لما يجي وقت لازم تصلح الي خربته (تتخلف فيه)

لما اجي انا واعطي وقت محدد لمجموعة من الناس واقول لهم بيبدا شغل الحفريات في فريجكم من تاريخ 15 مايو لحد تاريخ 15 اغسطس يعني بالضبط 3 شهور ، يعني لازم احترم الناس الي وعدتهم بهالمدة واشتغل صح واخلص الشغل اما عالوقت او حتى قبل .. ليش؟ لان انا كفو وقد المسؤوليه وكل الناس تقدر تعتمد علي


بس لا والله ان اشغال قدها وقدود في التخلف ف المواعيد ومضايقة الناس

ستين الف حفره ف الفريج وكل حفره اغزر واوسع من الثانيه ساده الشوارع ومسويه ضيق ف المكان
بروحه الشارع ضيق اصلا
لصقو على بيوتنا لصقات مكتوب عليها شعار المتاهة (اشغال) ومكتوب ان يبدا العمل وينتهي ف التواريخ الي ذكرتها سابقا
قلنا بنصبر على هالمشكله 3 شهور مثل ماوعدونا اشغال وان شاء الله خير
اليوم تاريخ كم!!!
30 اكتوبر
يعني خذ لهم الحفر 5 شهور و15 يوم بالضبط
وياليت ان الحفر هذي شغالين عليها بنقول مب مشكله في عمال ويشتغلون وبيخلصون
اول الشهور كان المكان متروس عمال والحين عامل واحد مافي ولا حتى معدات ولا شي
والموجود بس حفر غزيره محوطه بحواجز وشبك (يزاهم الله خير )

كل يوم اسال دريوليتنا حد يا؟ في عمال ياو! يشتغلون ع وحده من الحفر! مافي حد
الشارع الي قدام بيتنا فيه 4 حفر والشارع الي قبلنا كذلك وهكذا
ماتخيل منظر الفريج من فوق شلون بتكون اللوحة الفنيه

لين متى بتتم الحفر مكشوفه جذي ومب سادينها!
لين يطق مطر وتنترس الحفر ماي وتطلع البلاوي والحشرات والروايح صح
وبدل مانصلح يا اشغال نخرب زياده
ويلا ماعندكم شي ملايين تروح ع مشاريع تخريب بس (متعوووويييداااااه دااااييييمااااا)
صلحو زين خل نجوف انجاز خلنا نقول مره اشغال وعدت بتاريخ وخلصت قبله

مادري لين متى بنتم على هالتخلف والامبالاه

[Right]

من واقع مجتمعنا المرير إلي نشوفه ، أيقنت أن التخلف مرتبط بكشل كبير بأصحاب الشهادات و ذوو المناصب

كــ أشغال" مثل ما ذكرتي فوق


والله أن راعي العزبة يسوي بلاستر إسمنت درجة أولى لدرجة أنه يغطي على أشغال الشاقة !!

وهو يومياً يتعامل مع الدبش لا شهادة ولا غيره ، بس ونعم الرجل

[R 7 A L]

شغلهم كله غلط
حرام والله تنصرف هالمبالغ والشغل كله غلط
طريق سلوى من دوار الصناعية لين اشارات رمادا كله غلط في غلط لا المخارج ولاالمداخل ولا عدد الحارات
ولا ارضية الانفاق ولا اي شي فيه صح
حتى الغشيم بيعرف انه تعبان
خاطري يستضيفون احد من المهندس في اشغال الي يخططون الطرق

[بريق الحق]

الوزارات الي عندنا تحتاج تنظيف من الايادي الي لوثة البلاد
ويجب محاسبة التسيب الي حاصل عندنا

الراعي ضاع والرعيه في تسيب

[بريق الحق]

وعليكم السلام ورحمة الله وبركاته :victory:

[بو خليفه 123]

اصبتي الجرح .. و شكله جاكم الراش بنت اخوي


المشكله هو في ارساء المشاريع على شركه واحده و هذي الشركه تعطي عقود sub contract بالباطن لشركات اخرى .. بالتالي يجي يحفر قدام باب بيتكم و يختفي لأنه قاعد يحفر في فرجان ثانيه و ينسى فريجكم :)


الحل الامثل هو الاتصال بممثل العضو المجلس البلدي لمنطقتكم لمتابعة الاجرائات مع اشغال والبلديه .

[ثابت]

والله العظيم ما ازل بكلمة اشغال الموظفين الي فيها افشل موظفين على وجة الارض والدليل الحين متصل لي مفتش من اشغال من جنسية عربية والله العظيم رنة وسكر مع انة الشغل لهم والاستفسار لهم

شركة تمسك مشاريع الدولة بلمليارات و مفتشينها يتصلون رنة ويسكرون ههههههههههههههههه ليش مايعطونهم رواتبهم اشغال بصراحة موظف وخدمة في قمة الغباء والتخلف كما ذكرت الاخت مع مرتبة الشرف.

[بريق الحق]

اصبتي الجرح .. و شكله جاكم الراش بنت اخوي


المشكله هو في ارساء المشاريع على شركه واحده و هذي الشركه تعطي عقود sub contract بالباطن لشركات اخرى .. بالتالي يجي يحفر قدام باب بيتكم و يختفي لأنه قاعد يحفر في فرجان ثانيه و ينسى فريجكم :)


الحل الامثل هو الاتصال بممثل العضو المجلس البلدي لمنطقتكم لمتابعة الاجرائات مع اشغال والبلديه .

والله يابوخليفه تخيل في فريج ركبو الليتات وخلصو بس بيبات البواليع ماسوها الي بفجرون الفريج بالحفريات وبشلون الليتات مره ثانيه صج .....

[R 7 A L]

اصبتي الجرح .. و شكله جاكم الراش بنت اخوي


المشكله هو في ارساء المشاريع على شركه واحده و هذي الشركه تعطي عقود sub contract بالباطن لشركات اخرى .. بالتالي يجي يحفر قدام باب بيتكم و يختفي لأنه قاعد يحفر في فرجان ثانيه و ينسى فريجكم :)


الحل الامثل هو الاتصال بممثل العضو المجلس البلدي لمنطقتكم لمتابعة الاجرائات مع اشغال والبلديه .



في الصناعية الحين في مشروع لتطويرها بمبلغ 8 مليار على شركتين
المهم الشركتين كل عمالها من برا بعقود شهرية مادري سنوية
واحد من الربع عنده كراج جاه اثنين من الشركة الي متعاقدة معها اشغال قالوا بنشيل طوفة الكراج الي على شارع وبنحط طوفة جديدة بأمر من هيئة اشغال
المهم الشباب جابوا لهم بتان بعدته حفر لين طلع عروق الارض هههههههههههه قطع عليهم الكهرب زين ماحترقت الحفارة وكسر بيب ماء الحكومة
شغال بدون خرايط هههههههههه

[JN000N]

من واقع مجتمعنا المرير إلي نشوفه ، أيقنت أن التخلف مرتبط بكشل كبير بأصحاب الشهادات و ذوو المناصب

كــ أشغال" مثل ما ذكرتي فوق


والله أن راعي العزبة يسوي بلاستر إسمنت درجة أولى لدرجة أنه يغطي على أشغال الشاقة !!

وهو يومياً يتعامل مع الدبش لا شهادة ولا غيره ، بس ونعم الرجل






اي والله وانت الصاج
مايبيله شهادات وقاعد ف مكتبك وتتامر ولا تدري شاللومي من وراك
يبيله ناس تشتغل صح تقدم مشروع وتبدا تشتغل وتطرش مهندسين وغيره ويسوون سايت فزت كل مره يجيكون على الشغل ماشي او لا
المفروض بينهم وبين بعد المهله المحدده قبلها بفتره يطرشون تذكير للشركه الي تشتغل عالموضوع كجانب من اهتمام اشغال بتخليص مشاريعها ب اسرع وقت واحسن شغل :mad:

[LSBU]

اشغال الفشل الحقيقي ويليت يغيرون اسمها من اشغال الي افشال

حفر بفريجنا اتحداء مادخل فريج او ما تمر بشارع ماتحصل تكسر وتحفر يخلص يردون يفتتحونة يرجعون يحفرونة يمكن نسوا شي تحت

والمشكلة الثانية انة الشركات الي ماسكة مشاريع عن طريق اشغال اغلبهم شغل كيف ناخذ المبالغ الخيالية بتسليم المشروع با اقل تكلفة و ارخص المواد يعني شارع عادي يجيك 4 مسارات شوي يتحول مسارين كلة كلام فاضي والرقابة ضعيفة جدا جدا

[بومحمد المطاوعه]

الله المستعان

وكلامج صحيح

شنسوي نتكلم دوم
والشكاوي دوم

ولا في فايده

[JN000N]

شغلهم كله غلط
حرام والله تنصرف هالمبالغ والشغل كله غلط
طريق سلوى من دوار الصناعية لين اشارات رمادا كله غلط في غلط لا المخارج ولاالمداخل ولا عدد الحارات
ولا ارضية الانفاق ولا اي شي فيه صح
حتى الغشيم بيعرف انه تعبان
خاطري يستضيفون احد من المهندس في اشغال الي يخططون الطرق

يستضيفونه شبيقول والا شبيسوون له
اسكره يعني شي بديهي صاير غلط وملنا نطلع ف الشوارع ونجوف
عنبوه محد يجوف! عيزو العالم وهم يتكلمون ويتشكون
وين المسوولين
والا الي صاير انهم كل مالهم ويتمادون
خلاص طفح الكيل منهم

[عثرة جواد]

والله لاحترام لناس والا تقدير لسياراتنا

والا لراحتنا تحفير داخل الفرجان انخاف اعيالنا يطلعون

مادري لين متى تستمر هاااي المهزله والاختيار للوقت

تخبط ف تخبط وصرف فلوووس

موضوع نتمنى يوصل

[JN000N]

الوزارات الي عندنا تحتاج تنظيف من الايادي الي لوثة البلاد
ويجب محاسبة التسيب الي حاصل عندنا

الراعي ضاع والرعيه في تسيب

خاطري يكون في قسم مثل امن الدوله بس يكون متخصص ف الموظفين والانتاجيه والشغل
منها وظيفه يديده ومنها تسنيع العالم

[JN000N]

اصبتي الجرح .. و شكله جاكم الراش بنت اخوي


المشكله هو في ارساء المشاريع على شركه واحده و هذي الشركه تعطي عقود sub contract بالباطن لشركات اخرى .. بالتالي يجي يحفر قدام باب بيتكم و يختفي لأنه قاعد يحفر في فرجان ثانيه و ينسى فريجكم :)


الحل الامثل هو الاتصال بممثل العضو المجلس البلدي لمنطقتكم لمتابعة الاجرائات مع اشغال والبلديه .

اي يانا :(
نفسه هذا هو يمشي ويحفر ويدبر بس
وشبيسوي هو !
نعرف ان اشغال نفس كيوتل كلنا نشوف الغلط واضح منهم بس سبحان الله يطلعون هم صح واحنا غلط
بيطلعون لنا ب اشيا وايد ع اساس ان احنا مانفهم

[JN000N]

والله العظيم ما ازل بكلمة اشغال الموظفين الي فيها افشل موظفين على وجة الارض والدليل الحين متصل لي مفتش من اشغال من جنسية عربية والله العظيم رنة وسكر مع انة الشغل لهم والاستفسار لهم

شركة تمسك مشاريع الدولة بلمليارات و مفتشينها يتصلون رنة ويسكرون ههههههههههههههههه ليش مايعطونهم رواتبهم اشغال بصراحة موظف وخدمة في قمة الغباء والتخلف كما ذكرت الاخت مع مرتبة الشرف.

لو انا منك ما ارجع اتصل فيه
اخلبه برن ويرن ويرن لين يعيز ويتصل عدل

[JN000N]

والله يابوخليفه تخيل في فريج ركبو الليتات وخلصو بس بيبات البواليع ماسوها الي بفجرون الفريج بالحفريات وبشلون الليتات مره ثانيه صج .....

اي اي هذا هي الحفر حق المجاري عزكم الله


على نفس وزن شكوة الاجانب على شركة رد بل لان ماطلعت لهم جوانح
انا مواطنه ابي ارفع قضيه على اشغال لانهم استغفلونا واستهترو فينا وتخلفو في موعدهم في انجاز عمل قدام باب بيتي وسببو لي مضايقات قالولي 3 شهور وصارت اكثر
من حقي او لا؟

[بريق الحق]

تبين ترفعين شكوى على الحكومة :shy:
من ورى اسغال عشان نعرف لين وين بتوصلين

[بو عمر]

شركة أوريدو، من كان اسمهم كيوتل تعاقدوا مع مقاولين لحفر خنادق لتوصيل الكابلات بالشارع الرئيسي المؤدي لمجمعنا. تم تكسير طبقة الأسفلت و حفر الخندق و تمديد الكابلات و لكن مع الأسف كفاءة المقاول في الردم لا تصل لعشر كفاءته في الحفر. و النتيجة: حفرة في طبقة الأسفلت بعرض الطريق بالكامل لا تنجو منها سيارة في الذهاب و الإياب.. صار لها يمكن الآن فوق ال4 سنوات.. كل ما هنالك المجهودات الأهلية في محاولة تسوية الحفرة بالأسفلت المحيط عن طريق ملؤها كل فترة بالصخور الصغيرة و الحصى. لماذا لا تهتم الشركات الكبرى بإرجاع الطرق لما كانت عله قبل الحفر؟!
الحمد لله على كل حال

[LSBU]

انا لو جاني ولد بسمية حفرة

[بومحمد المطاوعه]

انا لو جاني ولد بسمية حفرة

هههههه

قصدك بنت

[JN000N]

في الصناعية الحين في مشروع لتطويرها بمبلغ 8 مليار على شركتين
المهم الشركتين كل عمالها من برا بعقود شهرية مادري سنوية
واحد من الربع عنده كراج جاه اثنين من الشركة الي متعاقدة معها اشغال قالوا بنشيل طوفة الكراج الي على شارع وبنحط طوفة جديدة بأمر من هيئة اشغال
المهم الشباب جابوا لهم بتان بعدته حفر لين طلع عروق الارض هههههههههههه قطع عليهم الكهرب زين ماحترقت الحفارة وكسر بيب ماء الحكومة
شغال بدون خرايط هههههههههه

بل
شنو ذي
شهالتخلف

[يمامـة]

طلعت الشيخة اشغال هي المقصودة في التخلف...

هو لو تبين الصج التخلوووف صاير ملازم لنا ما ادري ليش

مب عارفة من حوبته؟

[JN000N]

اشغال الفشل الحقيقي ويليت يغيرون اسمها من اشغال الي افشال

حفر بفريجنا اتحداء مادخل فريج او ما تمر بشارع ماتحصل تكسر وتحفر يخلص يردون يفتتحونة يرجعون يحفرونة يمكن نسوا شي تحت

والمشكلة الثانية انة الشركات الي ماسكة مشاريع عن طريق اشغال اغلبهم شغل كيف ناخذ المبالغ الخيالية بتسليم المشروع با اقل تكلفة و ارخص المواد يعني شارع عادي يجيك 4 مسارات شوي يتحول مسارين كلة كلام فاضي والرقابة ضعيفة جدا جدا

هاي الي ابي اعرفه
شاللي ينقص منهم لو كملو شغلهم عدل؟

[JN000N]

والله لاحترام لناس والا تقدير لسياراتنا

والا لراحتنا تحفير داخل الفرجان انخاف اعيالنا يطلعون

مادري لين متى تستمر هاااي المهزله والاختيار للوقت

تخبط ف تخبط وصرف فلوووس

موضوع نتمنى يوصل

موضوع يدرون عنه ومكشوف
بس من بيحاسبهم