بغيت شوركم (جمس باب ولا دوج رام باب ) ؟؟

[((ولدالدوحة))]

السلام عليكم
ياجماعه بغيت شوركم
اخذ جمس باب ولا دوج رام باب

[سلامي للكل]

وعليكم الســلام ورحمــة الله وبركاته اخوي

وهل يخفــى القمــر :shy:

GMC

(كل الطرق تؤدي الى الجمس)

وبالتوفيــق

[Aaziz]

اذا بتاخذ جديد نصيحه انتظر الفورد f150 الجديد
و اذا مستعجل او بتاخذ مستعمل خذ جمس

[الـخـور]

الجمس وانت مغمض

[qtr qtr]

جمس


_______________

[ولد المنصور]

الجمس الجديد ماعجبتني اسواقته ولا ريسه احسه مايقوم بسرعه ...

[Qt.1]

شوف يعتمد عليك انت , بوضح لك اكثر ان جيت طبعا للجمس سعره فيه وحتى لو عقب فتره بتقدر اتبيعه بسعر زين , لكن الدوج بينزل سعره بسرعه فاذا انت من النوع الي ايغير بسرعه خذ جمس واذا بتخلي الموتر مده خذ دوج , لكن انجي للمهم مافي مقارنه بين الجمس والدوج , الدوج احسن بمراحل كثيره بس مكشلتنا في قطر نمشي مع العالم ونمشي مع السوق في امريكا اكثر مبيعات الدوج والجمس محد يدري عنه , المثل ايقول اسال مجرب ولااتسال دكتور , كان عندي دوج وغماره وحده بعد اشهد انه وحش , انت شوف الي ايناسبك واهم شي تستخير .

[((ولدالدوحة))]

الله يجزاكم خير
بكره بروح اشوف الفورد f150
بالصور الموتر ماله حل

[Aaziz]

اذا تقصد بتروح تشوف موديل 2015 ترى للحين مانزل في الوكاله ،، بس انا شفته على الطبيعه في امريكا
لايعلى عليه و التغيير الكبير هو ان بدي السياره في الموديل الجديد مصنوع من الالمنيوم و هالشي سبب انخفاض وزن السياره تقريبا 400 كيلو او باوند لا اذكر

[زقرتي ومزاجي]

اخوي عزيز مالك حل ياخي احبك في الله

[Aaziz]

احبك الله الذي احببتني فيه

من ذوقك :shy:

[qatarman8008]

الجمس الجديد ماعجبتني اسواقته ولا ريسه احسه مايقوم بسرعه ...

صادق.. لايصلح في شارع ولارمل..
خذ اسم والناس تعودوا عليه..
تبغي وتر..؟؟ خذ لك تندرا..

[aloosh]

تبي استعمل رام
تبي سنه وتبيع جمس

الرام اقوى من الجمس من كل النواحي
سياره كرف صراحه

[S350]

بصراحة لو بتخيرني بين الجمس والدوج الرام بختار الرام وبقوة اولا مكينة جبارة خمسة الآلاف و سبعمئة وما جنك تسوق بيك أب ريف جداً غير ان طبلونة رهيب انا توني مسافر علية لدبي وبصراحة صرفية البترول ما عليها كلام يعني تخيل عبيت بمحطة بترول وقود للي قبل مركز بوسمرة بكيلو والله الحمد وصلنا لين دبي ريحنا وقمنا ثاني يوم وتمشينا من الظهر لين المغرب عقب عبيت بترول مع العلم رحنا مشاوير كثيرة مثل الشارقة وغيرها يعني مشاء الله تبارك الرحمن صرفية ولا بالخيال السبب يرجع ان السيارة اذا كنت تمشي ثمانين تكون أربعة سلندر وإذا زدت السرعة تصير ستة سلندر وهاكذا والسيارة للأمانة مش لي حق واحد من الربع بس ان شاء الله ناوي على واحد مستقبلا السيارة لو تلاحظون بدت تنتشر بالبلد خصوصا الارمي بسبب ات سعرة مناسب والسيارة قوية... للتوضيح السيارة اللي سافرنا عليها باب واحد مش أربعة أبواب. وموديل ألفين واربعة عشر.... ملاحظة ثانية الجمس الدبل اذا ناخبا ضني سعرة مئة وخمسة وأربعين الف ومواصفاته لا تقارن بدوج... الدوج الباب واحد دبل سعرة مئة وستة وعشرون الف والمواصفات اعلى والقرار لك بنهاية ... السموحة ما قدر اكتب الأرقام لأني اكتب من الآي باد

[((ولدالدوحة))]

جزاكم الله خير انا كنت ابي الرام بس متردد من كلام كم واحد بس الحين شكلي بتوكل على الله

[sos 12]

أنا عندي رام موديل 2012 غماره دبل ... قريب السنتين ... استعمال يومي والموتر مبرمج وعليه خفايف ... مثل ماقالوا الاخوان من الريافه والداخليه وحبيت أزيد ... للفه الموتر اصغر من الجمس بحيث اذا جيت عند التكويعه بتفيدك واجد ... لكن أتكلم من ناحيه القوه مقارنه مع القديم اقوي لكن الجديد اذا كان مبرمج وخفايف اروح عنه بالقومه لكن خط احس انه يقدم لكن ماجربنا عدل واعتقد سنقل ... فامايستهان بالجديد من ناحيه القوه ... عندك الوكالة من أفضل الوكالات في الدوحه هي المناعي (جمس) والمانع في تحسن ولكن مع الضغط اعتقد بيفشل اذا ماعدل الشركه ... في النهايه استخير وتوكل علي الله .

[Qaatar]

دوج والفورد ابرك بمل النواحي من الحمس بالريافه القوه الكوليتي

[((ولدالدوحة))]

الله يجزاكم خير ياخوان بتوكل على الله وباخذ رام غمارتين

[وحيد-الشوق]

اتوقع الرام بالكثير السنه الجاية متغير كامل انتبه واسأل قبل

[ساكن ازغوه]

السلام عليكم شوف طال عمرك أنا كان عندي جمس وكنت بأخذ الجديد لكن الربع نصحوني ب f150

وشريت 2014 بصراحة موتر

اولا يوجد مكيف خلفي
ثانيا السيت الخلفي اكبر من الجمس بمراحل
ثالثا السيارة اريف واريح
رابعا جميع الاوبشن موجود فتحة شباك خلفي اوتو تبريد وتسخين الكرسي سبع وضعيات ميموري سيت
درج حديد لسهولة الصعود الى البدي مرايات قابلة للطي كروس كنترول كود رقمي للباب تشغيل عن بعد
كاميرا خلفية حساسات
خامسا الجير ارضي والديكور الداخلي افضل بمراحل من الجمس
سادسا السيارة ما شاء الله في البر من أقوى السيارات
سابعا توفير في استهلاك الوقود مع وجود تاني كبير يصل الى 140 ليتر
وأخيرا تري الموتر موجود اذا حاب تجربه

[ساكن ازغوه]

نسيت أقولك ان الليتات زينون الديم والفل

[Aaziz]

نسيت أقولك ان الليتات زينون الديم والفل

اعتقد ان الليتات عدسات .. اضائتها تشبه الزينون ... تشوف مثل الخط و واضحه جدا

اي نوع خذت ،، شكلك ماخذ بلاتينيم الله يبارك لك و بكم طلع عليك الموتر
وهل مكينته 5.0 ولا 5.4

[al-obaidly]

الرام مضبوط

[((ولدالدوحة))]

السلام عليكم شوف طال عمرك أنا كان عندي جمس وكنت بأخذ الجديد لكن الربع نصحوني ب f150

وشريت 2014 بصراحة موتر

اولا يوجد مكيف خلفي
ثانيا السيت الخلفي اكبر من الجمس بمراحل
ثالثا السيارة اريف واريح
رابعا جميع الاوبشن موجود فتحة شباك خلفي اوتو تبريد وتسخين الكرسي سبع وضعيات ميموري سيت
درج حديد لسهولة الصعود الى البدي مرايات قابلة للطي كروس كنترول كود رقمي للباب تشغيل عن بعد
كاميرا خلفية حساسات
خامسا الجير ارضي والديكور الداخلي افضل بمراحل من الجمس
سادسا السيارة ما شاء الله في البر من أقوى السيارات
سابعا توفير في استهلاك الوقود مع وجود تاني كبير يصل الى 140 ليتر
وأخيرا تري الموتر موجود اذا حاب تجربه


فديت خشمك يالشيخ ماتقصر ومشكور على المعلومات القيمه

[((ولدالدوحة))]

الوكاله قالي انه الرام توه صاير له فيس لفت ويبيه شوي على مايتغير
كان ودي في ال فورد f150 الشكل الجديد بس مطول قالولي شهر 3 وانا ابيه للموسم فاتوقع الدوج بيكون الاختيار الافضل

[al-obaidly]

لاحظ في امريكا البياكم اول شي التوب عندهم الدوج وبعدين الفورد وبعدين الانواع الثانيه

[ساكن ازغوه]

اعتقد ان الليتات عدسات .. اضائتها تشبه الزينون ... تشوف مثل الخط و واضحه جدا

اي نوع خذت ،، شكلك ماخذ بلاتينيم الله يبارك لك و بكم طلع عليك الموتر
وهل مكينته 5.0 ولا 5.4


الليتات زينون اخوي عزيز مثل ما ذكرت وحياك شوف الموتر أنا دارس الموتر دراسة

[ساكن ازغوه]

الموتر من داخل مثل الرابتر بس بيج يعني احلى ومثل الرابتر ليتات زينون والواجهة غير عن الاستاندرد

[ساكن ازغوه]

اي نوع خذت ،، شكلك ماخذ بلاتينيم الله يبارك لك و بكم طلع عليك الموتر
وهل مكينته 5.0 ولا 5.4

اسمحلي اخوي توني منتبه على السؤال بالنسبة البلاتينيوم نيجي عليه مكينة 6.2 نفس الرابتر
ويجي عليه قطعة كروم مكتوب عليها بلاتينيوم على شنطة البدي ورينقات 22

اما الموتر اللي عندي اسمه لاريت مكينته 5.0 بس تعطيك 365 حصان يعني توفير وقوة ما شاء الله
ومن داخل نفس الرابتر بس بيج ونفس الشاشة ونفيقيشن وليتات زينون نفس الرابتر والواجهة غير عن العادي مع بكج الصيانة خمس سنوات كل 8000 كيلو

[Aaziz]

الله يبارك لك ويعطيك خيره و يكفيك شره .. انا اشهد انه فيه فرق بين مواصفات امريكا و مواصفات الدوحه .. في امريكا البلاتينيوم ينزل حتى مكينه 6 لندر تيربو (التيربو في الفورد اسمه ايكو بوست)
موفق خير اخوي ساكن زغوى

[ساكن ازغوه]

الله يحييك اخوي عزيز بالنسبة الفورد المكينة ستة سلندر ايكو بوست توين تربو الحين بدا اعتمادها في اغلب الموديلات لانها اثبتت كفائتها في أوروبا وأمريكا الاكسبدشن 2015 نزل ستة سلندر ايكو بوست ولم ينزل ثمانية وهناك مقارنة بين الماكينتين اعتقد الستة تعطيك حول 380 حصان مع توفير رهيب في البترول
الحين هذه سياسة عامة في الشركة لتصغير سعة المكينة وكسب أحصنة زيادة مع توفير البترول

[ساكن ازغوه]

اخوي راعي الموضوع خبرنا إِيش صار معاك ولا تنس ان الفورد رقم 1 في أمريكا لمدة 35 سنة متتالية

[إعلامي قطر]

..

الرام الفورد الشفر كلهم ممتازين
وفخر الصناعه الأمريكيه لاشك ولاريب..

الجمس نزل السوق عندنا من بدري
وانكتبت فيه قصايد تخب عليه !

..

[المحقق كونان]

السلام عليكم شوف طال عمرك أنا كان عندي جمس وكنت بأخذ الجديد لكن الربع نصحوني ب f150

وشريت 2014 بصراحة موتر

اولا يوجد مكيف خلفي
ثانيا السيت الخلفي اكبر من الجمس بمراحل
ثالثا السيارة اريف واريح
رابعا جميع الاوبشن موجود فتحة شباك خلفي اوتو تبريد وتسخين الكرسي سبع وضعيات ميموري سيت
درج حديد لسهولة الصعود الى البدي مرايات قابلة للطي كروس كنترول كود رقمي للباب تشغيل عن بعد
كاميرا خلفية حساسات
خامسا الجير ارضي والديكور الداخلي افضل بمراحل من الجمس
سادسا السيارة ما شاء الله في البر من أقوى السيارات
سابعا توفير في استهلاك الوقود مع وجود تاني كبير يصل الى 140 ليتر
وأخيرا تري الموتر موجود اذا حاب تجربه

الله يبارك لك فالموتر

بكم خذته؟

[ساكن ازغوه]

الله يبارك لك فالموتر

بكم خذته؟

حياك الله اخوي المحقق خذته بحول 170