الفلوس وصخ !!

[حمد 2002]

السلام عليكم ورحمه الله وبركاته


الفلوس وصخ وأهم شيء الصحه والعافيه ..


هل تؤيد تلك المقولة!!!

مم انا ضدها وبعدين بحط الأسباب والشرح والحين منتظر آرائكم حول المقولة تلك !!


شكرا وهابي ويكند !!

[نجم سهيل]

السلام عليكم

الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا

اي اعتراض اخوي ؟

[R 7 A L]

ريحتها خايسه

[يمامـة]

لا مب وصخ لو كان استخدمها صحيح
تصير وصخ لو استخدامها يكون سبب للقطيعة والظلم واكل حقوق الناس..

[مرتبش]

يقول لك في امريكا حصلو بعد التحليل اثار مخدرات على فلوسهم..صج وصخ

[ودي أكون]

الخمسميات مو وسخه :shy:


عموما مانقدر انقول ان لفلوس وسخ.. ماتقدر تشتري حتى الخبز الا بالفلوس..
فلوسك جايبها بالحلال ماقدر اقول وسخ
تعبان عليها وتصرفها بالحلال ولله الحمد ماقدر اقول وسخ
اتصدق اتزكي منها وتتقرب فيها لله ماقدر اقول وسخ


لا مو وسخ :)

[BoFahed]

السلام عليكم ورحمه الله وبركاته


الفلوس وصخ وأهم شيء الصحه والعافيه ..


هل تؤيد تلك المقولة!!!

مم انا ضدها وبعدين بحط الأسباب والشرح والحين منتظر آرائكم حول المقولة تلك !!


شكرا وهابي ويكند !!

ذكرتني بواحد من الربع خطب واهل العروسة طلبوه طلبات مبالغ فيها وبعدين لما حسو انه بيهون قالوله الفلوس وصخ


عصب وايد قالهم : لاتقولون وصخ ؟؟الفلوس ما ناكل منها؟؟؟ ما نلبس ؟؟؟ ما نتزوج ؟؟ ولا بتعطوني اختكم بلاش ؟؟؟ اذا وصخ ليش متمسكين فيها ؟؟؟


وجهة نظري الفلوس مب وصخ بالعكس هي زينة الحياة الدنيا هي والعيال بس توصخ كل من يتعلق فيها بجنون وتصير اكبر همه في هالدنيا يتحول الى شخص وصخ حقير لا يردعه لا دين ولا ذمه ويدوس علا كل القيم زالاقارب والاصحاب مقابل الزيادة منها .

[المحاميه]

اي حد يقول عنها وصخ وماتنفع ولاتجلب السعاده يطرشها لي عشان انظفها :)


شكرا حمد عالطرح واهم شي انك ضد المقوله خلاص فيفتي فيفتي

[امـ حمد]

بسم الله الرحمن الرحيم

ان مقولة (وسخ دنيا)عندما نعلم انه الوسيلة الطيبة التي توصل العبد الى مرضاة الله تعالى اذا احسن العمل والتصرّف به في ابوابه الشرعية المفصلة في المعاملات والانفاق على ما يرضي الله عز وجل،وزينة الحياة فهو يجعل حياتنا اجمل واكثر تكاملاً ولا يوجد من لايحب المال،وخلافات البشر حول المال واهتمامهم فيه بشكل مبالغ قد يجعلهم يفكرون في الدنيا مع انها زائلة فهم لايستفيدون منه الا في الدنيا فقط ،
وهو زينة اذا كان وسيلة ،اما اذا اصبح غاية فهو وسخ الحياة،
بارك الله في حسناتك اخوي حمد

[خالد البلوشي]

بسم الله الرحمن الرحيم

ان مقولة (وسخ دنيا)عندما نعلم انه الوسيلة الطيبة التي توصل العبد الى مرضاة الله تعالى اذا احسن العمل والتصرّف به في ابوابه الشرعية المفصلة في المعاملات والانفاق على ما يرضي الله عز وجل،وزينة الحياة فهو يجعل حياتنا اجمل واكثر تكاملاً ولا يوجد من لايحب المال،وخلافات البشر حول المال واهتمامهم فيه بشكل مبالغ قد يجعلهم يفكرون في الدنيا مع انها زائلة فهم لايستفيدون منه الا في الدنيا فقط ،
وهو زينة اذا كان وسيلة ،اما اذا اصبح غاية فهو وسخ الحياة،
بارك الله في حسناتك اخوي حمد




جزاك الله خير أختي الفاضلة أم حمد على تعقيبك المثري .. نظرتنا للمال إما ستجعلنا ملوكاً أو عبيد .. ومن خلال نهجنا سنرى المال بصورته المُعاكسة لما نحمله في أنفسنا .. فهو كالخادم النظيف لمن يُحسن التصرف فيه .. و مثل السيّد القذر مع كل شخصٍ لا يُحسن استخدامه ..

..

شكراً أخي حمد على الطرح

أطيب تحية

[Dana’1]

الصحه والعافيه أكييد أهم
بس بعد الفلوس زينه تعف الناس وتعينهم بأمور الدنيا من اساسيات و ملذات جائزه و عبادات تقربه إلى الله بإذنه

[الدبلوماسي]

المال والبنون زينه الحياه الدنيا وتصير وصخ لما يطغى ويظلم فيها الناس

[حمد 2002]

السلام عليكم

الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا

اي اعتراض اخوي ؟

من قال إني معترض الحين ياخوك ؟!

[حمد 2002]

ريحتها خايسه

عيل ليش تشتغل انت أخوي رحال ؟!

مب علشان الفلوسسسس

[لبيبة]

المال والبنون الله ذكرهم في القرآن بأنهم زينة، فاللي يقول انها وصخ ما يتدبر آيات الله

كيف هي وصخ وجعلها الله رزق للبشر ومعينة لهم على حياتهم، واحنا مأمورين بالعمل والكسب والسعي

ما أفهم كيف يجي شخص ويقرر انها وصخ!

[بصمة قطرية]

السلام عليكم

الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا

اي اعتراض اخوي ؟

رب العالمين قال
زينة الحياة الدنيا ..
شلون نقول ( وصخ دنيا ) ..!!
أعتقد حتى التسمية ما تجوز ..
يعني الناس يشتغلون و يتعبون عشان يجمعون وصخ ..!!

[رهج السنابك]

الي يشوفها وصخ يعطيني اياها انظفها له

[بـومحمد]

لم تنقلب الفلوس غايه تصير وصخ لاكن اذا اعتبرته وسيله فهي نضيفه
لانه لم تكون غايه فا مب مشكله شلون يات ولا شنو التنازلات الي وصلته الى الفلوس
اما اذا وسيله فا طريقه مشروع 100%

[R 7 A L]

عيل ليش تشتغل انت أخوي رحال ؟!

مب علشان الفلوسسسس


ههههههههه
ياخي ريحتها ريحتها خايسة

[قوت القلوب]

نعم المال الصالح للعبد الصالح

[أبو راكان]

الفلوس نعمة لايجوز ان نقول عنها وصخ دنيا

[بنت مريخ]

مب وصخ اذا استخدمتها فيما يرضي الله
وفي شي يعود بنفع عليك
ذكرتني بامي. كانت تنقعها في ماي و صابون تقول وصخه

[الجـــوديّ]

"المؤمن القوي خير وأحب إلى الله من المؤمن الضعيف"

المال رزق وقوة من الله ... وهي تعين المسلم على قضاء حوائجه وحوائج الفقراء والمساكين ..

كانوا بعض الصحابة تجار وأغنى أغنياء فترة صدر الإسلام كعثمان بن عفان وعبدالرحمن بن عوف... يعني مليونيرية بعرف هالايام وكانوا خير معين في الفتوح وتجهيز جيوش المسلمين.


صحيح هي تنقال بيننا .. لكن غالباً تقال اذا أدى هذا المال إلى نزاع بين الأخوة وقطع أواصر الدم واللحم بينهم ...

هنا يستهان بالمال.

[جاسم الدوحة]

توك تدري يا حمد إن الفلوس وصخ ؟ !!
عيل شركات غسيل الأموال شنو مهرتها ؟ :omen2:

أتفق مع اللي قال إن الفلوس زينة
إذا كانت مجرد وسيلة ..
وتصير وصخ دنيا
إذا صارت غاية بحد ذاتها

ويقال إن الفلوس عند النساء وسيلة ..
وعند الرجال (وسيلة وغاية في الوقت ذاته)
لأنها مرتبطة أيضاً بالسمعة والوجاهة الاجتماعية

[بوراشد82]

ما شفنا من الفلوس الا كل خير :)

[ameeer3]

كلام ((الله)) عز جلاله وتقدست اسمائه حسب ما جاء في القرآن الكريم المنزل على أشرف الخلق سيدنا وحبيبنا (محمد صلى الله عليه وسلم) ، لقوله تعالى : المال والبنون زينة الحياة الدنيا والباقيات الصالحات خير عند ربك ثوابا وخير أملا

فكيف لنا يا مسلمين ان نكتب الفلوس وصخ دنيا (فهل يعقل ذلك بأن يكون عندك شك بأنها وصخ دنيا)

[ameeer3]

اطالب بأغلاق الموضوع -

ولا يجوز على حسب علمي بأن اطرح موضوع للنقاش في الاساس جاء في القران بدليل لا محاله فيه وهو ((المال والبنون زينه الحياة الدنيا))

[الحاقول]

المال نعمه من الله وليس وصخ

[جاسم الدوحة]

وقلنا في موضوع سابق
إن اجتماع (المال مع البنين)
هو زينة الحياة الدنيا
وليس المال وحده ..
والله أعلى وأعلم

[حليتان*]

اي حد يقول عنها وصخ وماتنفع ولاتجلب السعاده يطرشها لي عشان انظفها :)


شكرا حمد عالطرح واهم شي انك ضد المقوله خلاص فيفتي فيفتي

انتي نظفيها واغسليها وطرشيها لي بنشفها

[بوحارب]

حمد لازم اطور تفكيرك عشان تتطور مواضيعك