أسرار الرقم 786 لدى الأسيويين

[خالد البلوشي]

هل تعلمون أن الرقم التالي

786

هو رقم مميّز جدا لدى المسلمين الآسيويين من الأخوة الهنود و الباكستانيين و الأفغان ..

لماذا هذا الرقم يعتبر مميز لديهم بل وصل لحد الهوس في اقتناءه .. ؟.

لإنه يعادل عدد حروف البسملة بالنسبة لهم ..

و من كثرة طلبهم لمثل هذا الرقم في إمارة دبي مثلا .. قامت هيئة الطرق والمواصلات في دبي ( rta )

بتخصيص لستة أرقام و كل رقم يصادف وجود هذه الأعداد المتتالية فيها يتم بيعه بما يعادل ال 1110 درهم

مثلا

78651
78694
46786
37861

وكان الإقبال على شراء هذه الأرقام ملحوظ و كبير و عاد بعوائد جيدة على إدارة ترخيص المركبات ..

و الناس فيما يعشقون مذاهب ..

[راجي الْعفو]

المشكله الأعظم استاذ خالد لما يجونك الناس و يعتقدون اعتقادات باطله في مثل هالارقام

مثل ان يقول لك : احب الرقم 7 ، لأني أتفاءل به وهو يجلب لي الخير ، او يكره الرقم الفلاني لتشاؤمه ..

وهذا كله يدخل في ما يسمى في الشرع بالتطير ،

لك التحية .. وخبر طريف ..

[بصمة قطرية]

ذكرتني أخوي خالد بتشتاؤوم الكثير برقم ( 13 )
لاحظت هالشي في تايلند
هالرقم مش موجود نهائياً
و كان خاطري أعرف الدور 13 شنو فيه بالضبط ..!!

[النهار]

ذكرتني أخوي خالد بتشتاؤوم الكثير برقم ( 13 )
لاحظت هالشي في تايلند
هالرقم مش موجود نهائياً
و كان خاطري أعرف الدور 13 شنو فيه بالضبط ..!!

هههههههههههههههه

بيخلونه فاضي والمحل الفاضي معروف عنه الجن تسكنه على طول
تحملي تفكربن تروحين هناك

[Aaziz]

السلام عليكم

كنت اعرف ان هالرقم مميز عند الهنود ولكن جزاك الله خير عرفت الحين ليش مميز
اذكر الهنود على ايام الرسايل المكتوبه كانو يكتبون هالرقم على اطراف ورقه الرساله من فوق .


بالنسبه للفنادق و الرقم 13 الي مايكون موجود بين ازرار الاصنصير .. هو فعليا الدور موجود ولكنهم يتخطون هالرقم في ازرار الاصنصير فقط ،، يعني 11-12-14-15
الدور رقم 14 في ازرار الاصنصير هو الدور 13 فعلياً

[الجـــوديّ]

المشكله الأعظم استاذ خالد لما يجونك الناس و يعتقدون اعتقادات باطله في مثل هالارقام

مثل ان يقول لك : احب الرقم 7 ، لأني أتفاءل به وهو يجلب لي الخير ، او يكره الرقم الفلاني لتشاؤمه ..

وهذا كله يدخل في ما يسمى في الشرع بالتطير ،

لك التحية .. وخبر طريف ..


الرقم 7 موصول بالروحانيات الالاهية

7 سموات
7 اراضين

وهكذا ....

الارقام علم قائم بذاته موصول بخلق الكون !

[الجـــوديّ]

يحليلهم .. عجبني الارتباط والاختصار

اشوفها صارت دارجة الارقام

الاجانب عندهم 143

الخليج عندهم

505
502
وغيرها .. فيه قائمة طويلة

[معاند احساسه]

معلومات حلوه عساكم ع القوه

[بصمة قطرية]

هههههههههههههههه

بيخلونه فاضي والمحل الفاضي معروف عنه الجن تسكنه على طول
تحملي تفكربن تروحين هناك

من خاف سلم ياخوي
خخخخخخخ
من غير شي انا خوافه يعني مافي أمل أروح
الظاهر مثل ما قلت عزيز
موجود اكيد بس كاتبين 14

انزين اللي عمره 13
يقول 14 ناقص 1
و لا 12 زائد واحد

[بصمة قطرية]

هههههههههههههههه

بيخلونه فاضي والمحل الفاضي معروف عنه الجن تسكنه على طول
تحملي تفكربن تروحين هناك

من خاف سلم ياخوي
خخخخخخخ
من غير شي انا خوافه يعني مافي أمل أروح
الظاهر مثل ما قلت عزيز
موجود اكيد بس كاتبين 14

انزين اللي عمره 13
يقول 14 ناقص 1
و لا 12 زائد واحد

[Aaziz]

بصمه انا اول مره عرفت سالفه النحس في رقم 13 كنت اقول تاريخ ميلادي لوحده ما اذكر في بنك او مطار (برى قطر) و كشرت الموظفه
سالتها شفيج قالت لي سالفه رقم 13
ههههههههههههههه انا اايدهم في هالاعتقاد بصراحه :nice:

[راجي الْعفو]

الرقم 7 موصول بالروحانيات الالاهية

7 سموات
7 اراضين

وهكذا ....

الارقام علم قائم بذاته موصول بخلق الكون !

هلا الجودي .. صحيح .. بس هذا في علم الغيب ولا علم لنا بسبب اختيار هذا العدد ..

اما كوننا نجعلها اسباب للسعادة او العكس ، والله ما جعلها أسبابا لذلك

فهذي هي حقيقة التطير المنهي عنه ..

بوركت ..

[بصمة قطرية]

ليش عزيز خخخخخخخخ

ولدي الكبير يوم ميلاده 13
و انا مستانسة لأني ما أؤكن بهالخرافات
والتشاؤوم ..
و اتعمد اقول التاريخ عشان انرفزهم خخخخخخخ

[راجي الْعفو]

بصمه انا اول مره عرفت سالفه النحس في رقم 13 كنت اقول تاريخ ميلادي لوحده ما اذكر في بنك او مطار (برى قطر) و كشرت الموظفه
سالتها شفيج قالت لي سالفه رقم 13
ههههههههههههههه انا اايدهم في هالاعتقاد بصراحه :nice:


عزيز .. الموظفه اللي كشرت اقطريه ؟؟

[Aaziz]

نفس الميلاد هههههه

لا هالسوالف خرابيط و الواحد مايؤمن فيها ،،، الاجانب عندهم حتى ولاعه الزقاير الي لونها ابيض فال نحس

مثل ماقال راجي من التطير الي كان موجود ايام الجاهليه ،، و التطير كان عباره عن اطلاق طائر في الهواء فاذا اتجه (اعتقد) شمال فمعناته فال حسن و يقدرون يبدون مهمتهم و غالبا تكون سفر قافله و ان طار الطير باتجاه الجنوب معناته فال شؤم و بهالحاله ياجلون السفر الى يوم اخر يطلقون فيه طير ثاني الى ان يطير بالاتجاه الصحيح .

[Aaziz]

عزيز .. الموظفه اللي كشرت اقطريه ؟؟


قطعا لا بس ليش قطرية :con2:

[راجي الْعفو]

قطعا لا بس ليش قطرية :con2:

نبي نفتح فيهم موضوع هههههه

امزح ..

[نوفا91]

نفس الميلاد هههههه

لا هالسوالف خرابيط و الواحد مايؤمن فيها ،،، الاجانب عندهم حتى ولاعه الزقاير الي لونها ابيض فال نحس

مثل ماقال راجي من التطير الي كان موجود ايام الجاهليه ،، و التطير كان عباره عن اطلاق طائر في الهواء فاذا اتجه (اعتقد) شمال فمعناته فال حسن و يقدرون يبدون مهمتهم و غالبا تكون سفر قافله و ان طار الطير باتجاه الجنوب معناته فال شؤم و بهالحاله ياجلون السفر الى يوم اخر يطلقون فيه طير ثاني الى ان يطير بالاتجاه الصحيح .


اهي نفسها خير ياطير ..
ومثل ماقلت محد يؤمن بهالاشياء ، ونفسها الابراج ووغيره

[الجـــوديّ]

هلا الجودي .. صحيح .. بس هذا في علم الغيب ولا علم لنا بسبب اختيار هذا العدد ..

اما كوننا نجعلها اسباب للسعادة او العكس ، والله ما جعلها أسبابا لذلك

فهذي هي حقيقة التطير المنهي عنه ..

بوركت ..

لا لا هذا العلم ماله علاقة بالتطير أبداً ...

هو علم يختص بهندسة التشكيل الحيوي

وقدرة الله سبحانه وتعالى في خلق الكون بما فيه الانسان

ليش لنا 5 اصابع !

الطاقة التي تنبعث في الكون في الايام المقدسة مثل رمضان وليلة القدر

وطاقة الارقام بشكل عام .... على اساس ان الكون خُلِقَ بقدر !

[راجي الْعفو]

اهي نفسها خير ياطير ..
ومثل ماقلت محد يؤمن بهالاشياء ، ونفسها الابراج ووغيره

كلامج سليم ..

جزاج الله خير عالتنبيه 95 ..

[Aaziz]

نبي نفتح فيهم موضوع هههههه

امزح ..

هالعضو مالحق على موضوع الابراج ولا كان صارت علوم :nice:





اهي نفسها خير ياطير ..
ومثل ماقلت محد يؤمن بهالاشياء ، ونفسها الابراج ووغيره

اول مره ابط هالامرين في بعض ،،،، شدعوى متوارثه من ايام الجاهليه :omg:

[نوفا91]

وياك يارج رج ، انا ولد العرب مابسامحه على هال95

:)

[راجي الْعفو]

لا لا هذا العلم ماله علاقة بالتطير أبداً ...

هو علم يختص بهندسة التشكيل الحيوي

وقدرة الله سبحانه وتعالى في خلق الكون بما فيه الانسان

ليش لنا 5 اصابع !

الطاقة التي تنبعث في الكون في الايام المقدسة مثل رمضان وليلة القدر

وطاقة الارقام بشكل عام .... على اساس ان الكون خُلِقَ بقدر !

هو طبعا مثل ما اشرتي اليه .. لا شك ان كل شئ خلق بقدر .. وأن كل شي له حكمه .. سواء علمناها او جهلناها .. هذا لا شك فيه ..

ولكن انا فقط بينت وجه الخطأ عند هؤلاء ..

وكونهم يقعون في الشرك من حيث لا يعلمون ..

[نوفا91]

هالعضو مالحق على موضوع الابراج ولا كان صارت علوم :nice:



اول مره ابط هالامرين في بعض ،،،، شدعوى متوارثه من ايام الجاهليه :omg:


لا انت ذكرت على الطير وسفرهم هاي اللي قصدته،
وللحين الناس تقول وخير ياطير وهي ماتعرف انه مايجوز

[U Welcome]

ذكرتني أخوي خالد بتشتاؤوم الكثير برقم ( 13 )
لاحظت هالشي في تايلند
هالرقم مش موجود نهائياً
و كان خاطري أعرف الدور 13 شنو فيه بالضبط ..!!



حتى في اوروبا والغرب
يتشائمون من رقم ثلاثة عشر
13
لدرجة انهم في الطائرات يرقمون الصفوف
11 - 12- 14- 15


والسبب يعود الى اعتقادهم
ان اخر عشاء لسيدنا المسيح عيسى بن مريم
كان حوله 12 من حوارييه
فمجموع العدد مع سيدنا عيسى
13
ولهذا يتشائمون من هالعدد

[Aaziz]

حتى في اوروبا والغرب
يتشائمون من رقم ثلاثة عشر
13
لدرجة انهم في الطائرات يرقمون الصفوف
11 - 12- 14- 15


والسبب يعود الى اعتقادهم
ان اخر عشاء لسيدنا المسيح عيسى بن مريم
كان حوله 12 من حوارييه
فمجموع العدد مع سيدنا عيسى
13
ولهذا يتشائمون من هالعدد

اشكرك على هالمعلومة

[U Welcome]

اشكرك على هالمعلومة




لاشكر على واجب
ياخوك

[خالد البلوشي]

شكرا لمداخلاتكم اللطيفة أيها الأعزاء ....

دمتم بخير و بحفظ و رعاية من الله عز و جل ..

[R 7 A L]

اول مره اسمع عن هالارقام

[رجل الجزيرة]

أخبر الباكستانيين إذا بغوا رسائل لأقرابهم بدال ما يكتبون كلمة بسم الله في بداية الرسالة يتكبون هذا الرقم: 786

[هيلو كيتي]

الرقم 7 موصول بالروحانيات الالاهية

7 سموات
7 اراضين

وهكذا ....

الارقام علم قائم بذاته موصول بخلق الكون !


أحسنت .