قرض بدون أرض !!!

[U Welcome]

بسم الله الرحمن الرحيم


فيه فئة من المواطنين كما هو معروف
يتم اعطائهم قرض بنك التنمية بدون منحة الأرض.....

ولا يخفى عليكم
الإرتفاع الجنوني للأراضي في الدولة



فوالله ان كثير من المشاكل الأسرية وحالات الطلاق حدثت بسبب تكدس العوائل في منزل الاب الكبير
حيث انه يوجد من الرجال من بلغ من العمر فوق الاربعين ولديه من الاطفال فوق الخمسه
وللحين ساكن هو واخوانه في بيت الاب



فبالله عليكم
اذا كان المواطن موظف حكومي عادي
معتمد على معاشه
وعليه من الديون والمصاريف مالله عليم بها
فمن اين سيأمن له ولأسرته منزل وسكن كريم في ظل هالارتفاع في الاراضي والعقارات؟
وكم من الوقت يحتاج لامتلاك سكن خاص يلمه هو وعياله؟؟




وفي الأخير
كلنا على ثقة في كرم وعطف ولاة الأمر لتوفير سبل الراحة
والحياة الكريمة لجميع فئات المواطنين
واهتمامهم الكبير في بناء الاسرة القطرية على اسس قوية بعيدا عن الديون
فنرجوا حل مشكلة هولاء
بتوفير منح الاراضي لهم كما كان في السابق



والله ولي التوفيق

[بريق الحق]

الله يرزقك يارب والله لا يحوجك حق قرض ولا تطلب من ريال واحد

[aloosh]

ليش هل فيه شروط ان القطري ياخذ قرض بدون ارض
وفيه قطري ياخذ ارض وقرض

المفروض الكل سواسيه دامه بجهه عمل ويحمل الجنسيه القطريه

[QtrGate]

الموضوع قديم ولين الحين ماحصلوله حل
انا اشوف ان الي يطلعله قرض بدون ارض
يأخذ القرض كدفعة أولى للبنك ويشتري فيلا فالخور

قيمة الفيلا 2,000,000 -1,200,000 القرض = 800,000 الي بتدفعها اقساط
وإذا عندك بيت ثاني اجره وسدد

[aziz4z]

المشكلة الناس تبي أراضي في أماكن معينة
و أعتقد بنك التنمية عنده شروط أنه لازم الواحد يبتدي في بناء البيت عشان يعطونله القرض , اللهم إلا إذا غيروا النظام
في فلل تنبني و تنباع بأسعار متفاوتة من 1,800,000 و طالع حسب المناطق

[qatarman8008]

الموضوع قديم ولين الحين ماحصلوله حل
انا اشوف ان الي يطلعله قرض بدون ارض
يأخذ القرض كدفعة أولى للبنك ويشتري فيلا فالخور

قيمة الفيلا 2,000,000 -1,200,000 القرض = 800,000 الي بتدفعها اقساط
وإذا عندك بيت ثاني اجره وسدد

هذا هو الحل برايك..
اولا بيوت الخور ماعاد فيه بمليونين..
اقل شي مليونين ونص وبناء تجاري بحت.. لازم تحط عليه 400 الف قبل لاتسكن..
يعني المجموع مليونين وتسعمية الف..
ليس هذا هو الحل.. الحل ان يعطونه ارض وقرض مثله مثل بقية المواطنين..
وتعلمون جيدا ان هناك مواطنون لاتنطبق عليهم شروط قانون الاسكان وحصلوا على اراضي..

[U Welcome]

الله يرزقك يارب والله لا يحوجك حق قرض ولا تطلب من ريال واحد



الله يرزقنا ويرزقك
و
مشكور على مرورك العطر

[U Welcome]

ليش هل فيه شروط ان القطري ياخذ قرض بدون ارض
وفيه قطري ياخذ ارض وقرض

المفروض الكل سواسيه دامه بجهه عمل ويحمل الجنسيه القطريه


ايه نعم اخوي
فيه اللي ياخذ قرض وارض منحة
وفيه قطريين لهم فقط قرض فقط بدون ارض
يشترون فيه بيت بمواصفات وشروط ومساحه وعمر معين

[U Welcome]

الموضوع قديم ولين الحين ماحصلوله حل
انا اشوف ان الي يطلعله قرض بدون ارض
يأخذ القرض كدفعة أولى للبنك ويشتري فيلا فالخور

قيمة الفيلا 2,000,000 -1,200,000 القرض = 800,000 الي بتدفعها اقساط
وإذا عندك بيت ثاني اجره وسدد



اخوي بالله عليك هذا حل؟؟؟
اذا ولله الحمد الدولة فيها خير للقريب والبعيد
ليش ما توزع اراضي للمواطنين
علما بان اغلب الدوله مساحات خلا

مب كذا وبس
الحل بعد منع الاراضي البيضاء الغير مستغله من الملاك كما فعل سيدنا عمر بن الخطاب

[U Welcome]

المشكلة الناس تبي أراضي في أماكن معينة
و أعتقد بنك التنمية عنده شروط أنه لازم الواحد يبتدي في بناء البيت عشان يعطونله القرض , اللهم إلا إذا غيروا النظام
في فلل تنبني و تنباع بأسعار متفاوتة من 1,800,000 و طالع حسب المناطق


فيه ناس تبي في اماكن معينه وتتشرط

وفيه ناس تدور مكان ملك لاسرته بعيدا عن ذل الديون

[U Welcome]

هذا هو الحل برايك..
اولا بيوت الخور ماعاد فيه بمليونين..
اقل شي مليونين ونص وبناء تجاري بحت.. لازم تحط عليه 400 الف قبل لاتسكن..
يعني المجموع مليونين وتسعمية الف..
ليس هذا هو الحل.. الحل ان يعطونه ارض وقرض مثله مثل بقية المواطنين..
وتعلمون جيدا ان هناك مواطنون لاتنطبق عليهم شروط قانون الاسكان وحصلوا على اراضي..




اي والله صادق ياخوي
ولكن
كلنا أمل ان يصل صوت هذه الفئه لاصحاب الحل والعقد
لحل ازمتهم

[دايموند]

انا اقول يعكسون الايه ابرك خل يعطونهم ارض بدال قرض التنميه
والقرض مقدور عليه يقدر ياخذ قرض من اي بنك

او يعطونهم ارض وقرض
ومساحه الارض 500 او 600 متر

[QATAR 77]

الحل يوزعون اراضي 400 متر مثل الكويت

[الوسيط العقاري]

اقترح توزيع قطع مساحات 500 متر لفئة القرض بدون قرض ..

[aloosh]

ايه نعم اخوي
فيه اللي ياخذ قرض وارض منحة
وفيه قطريين لهم فقط قرض فقط بدون ارض
يشترون فيه بيت بمواصفات وشروط ومساحه وعمر معين

الاراضي مولعه وين بيحصل شخص ارض الى اذا بياخذ في مكان مهجور
فيه بعض القوانين يجب اعاده دراستها

[romoz]

ليش هذا التقسيم ؟

و وش الفئة اللي تنعطى فقط قرض ؟

[Ţĥę őήę]

اتفق معاك الحمد لله ارض الله واسعة خل تتطور وبعدين كلنا نعرف شغل الواسطات في توزيع الاراضي ناس ماتنطبق عليهم شروط الارض بس يأخذون بقدرة قادر

[وليف الشوق]

الموضوع قديم ولين الحين ماحصلوله حل
انا اشوف ان الي يطلعله قرض بدون ارض
يأخذ القرض كدفعة أولى للبنك ويشتري فيلا فالخور

قيمة الفيلا 2,000,000 -1,200,000 القرض = 800,000 الي بتدفعها اقساط
وإذا عندك بيت ثاني اجره وسدد

كم الراتب اللي البنك يعطيك 000ر800 الف ريال ؟ وين الفيلا اللي في هالوقت قيمتها 2 مليون ريال اذا العظم بـ 000ر700 ر 2 ؟

[U Welcome]

انا اقول يعكسون الايه ابرك خل يعطونهم ارض بدال قرض التنميه
والقرض مقدور عليه يقدر ياخذ قرض من اي بنك

او يعطونهم ارض وقرض
ومساحه الارض 500 او 600 متر


اي والله لو يعكسون الايه ويعطون الارض
افضل من القرض
لان القرض مصيره للسداد من راتبك
لكن
الارض من يقدر عليها هالايام

[U Welcome]

الحل يوزعون اراضي 400 متر مثل الكويت

يارجل
راضيين ب 400 متر
اهم شي مكان مستقل يضفه هو وعياله
ويبني شي مب تجاري علشان لايبهدله مستقبلا

[U Welcome]

اقترح توزيع قطع مساحات 500 متر لفئة القرض بدون قرض ..

والله هالمشكلة
قاعده تأثر سلبا على كثير من العوايل والاسر
لكن
باذن الله نشوف لها حل قريبا

[U Welcome]

الاراضي مولعه وين بيحصل شخص ارض الى اذا بياخذ في مكان مهجور
فيه بعض القوانين يجب اعاده دراستها


شوفة عينك ياخوي اسعار الاراضي والعقارات
ناااار ياحبيبي ناااار

وليش نحد الناس تروح اماكن مهجوره وارض الله واسعه
والمستغل من مساحة الدوله اقل من 15%

[U Welcome]

ليش هذا التقسيم ؟

و وش الفئة اللي تنعطى فقط قرض ؟



ياخوي ناس جدهم حصلوا ارضي من الدولة
وابوتهم حصلوا ارضي من الدولة
ولما
وصلوا للحفيد
قالوا انت مالك ارض لان القانون ما ينطبق عليك؟؟؟!!!
ة

[U Welcome]

اتفق معاك الحمد لله ارض الله واسعة خل تتطور وبعدين كلنا نعرف شغل الواسطات في توزيع الاراضي ناس ماتنطبق عليهم شروط الارض بس يأخذون بقدرة قادر


هذا تفكير كل عاقل
وهذا هو التفكير المنطقي

ولكن
اصحاب الاراضي الشاسعه اللي على مد البصر
يبون يبيعون ويستفيدون
والا من راح يشتري منهم بهالاسعار

[al-obaidly]

قطري بالتجنس ياخذ قرض بدون ارض لانه جده ماعنده ارض ويحاول يا خذ القرض ويكلم جمعيه قطر الخيريه يعطونه ارض ويقول الحمدلله انه عنده قرض واذا جمعيه قطر الخيريه ماعطوه يروح عيد الخيريه واذا ماعطوه ارض يروح ياخذ تصريح عنه من البيئه و يشتري بيت قلص يحطه نفس الكبينه ولين يخلص الموسم يشوف واحد من ربعه عندهم ارض فاضيه يمدله كهرب وماي وانتهت المشكله في في في حل ثالث يروح يطر فلوس عند المساجد بس يكشخ مب يسوي حركات في في حل ليش مايسون نفس اماره ابوظبي يبنون مجمعات سكنيه ويعطون الكل وانا اشوف كل الناس هناك طبقه وحده لكن ليش التفرقه الي عندنا هاي اصلي وهاي تجاري !!!!!!!!!!!!!!!

[U Welcome]

قطري بالتجنس ياخذ قرض بدون ارض لانه جده ماعنده ارض ويحاول يا خذ القرض ويكلم جمعيه قطر الخيريه يعطونه ارض ويقول الحمدلله انه عنده قرض واذا جمعيه قطر الخيريه ماعطوه يروح عيد الخيريه واذا ماعطوه ارض يروح ياخذ تصريح عنه من البيئه و يشتري بيت قلص يحطه نفس الكبينه ولين يخلص الموسم يشوف واحد من ربعه عندهم ارض فاضيه يمدله كهرب وماي وانتهت المشكله في في في حل ثالث يروح يطر فلوس عند المساجد بس يكشخ مب يسوي حركات في في حل ليش مايسون نفس اماره ابوظبي يبنون مجمعات سكنيه ويعطون الكل وانا اشوف كل الناس هناك طبقه وحده لكن ليش التفرقه الي عندنا هاي اصلي وهاي تجاري !!!!!!!!!!!!!!!



فال الله ولا فالك ياخوي
والله لا يحوج اي مسلم لذل وانكسار السؤال

[مواقف النجادة]

فعلا .. اسعار الاراضي في العلالي و ما يقدر مواطن عادي يشتري ارض بدون مساعدة الحكومة .. اتمنى من الحكومة تساعدهم .. حتى لو بالبيع بسعر رمزي.

[U Welcome]

فعلا .. اسعار الاراضي في العلالي و ما يقدر مواطن عادي يشتري ارض بدون مساعدة الحكومة .. اتمنى من الحكومة تساعدهم .. حتى لو بالبيع بسعر رمزي.


متفق معاك اخوي
والله يكتب اللي فيه الخير

[جبر ال جبر]

المشكله في اصوات عالية تقولك القطري عيار وفلوسه واجد وراتبه عالي وعنده كل شي ,,,,, اسال الله ان ينزع الحسد من قلوبهم
كنا في المجلس ونتناقش في موضوع شبيه بهالموضوع وفي واحد من المسؤلين الكبار في الدوله كان حاضر النقاش وقاله سيارتك لكزس وكل سنه مطيح لي في لندن ليش مشتط باسعار الاراضي مرتفعه خلها شعليك انت،،، قاله ابي اشتري للاستثمار الاسهم نكبه ومش مضمونة مثل العقار .... استغربت من تفكيرهم يعني تبون القطري يغتر ع نفسه ولا يعيش حياه كريمه انا اقترح الدوله تبيع ع المواطنين اراضي في اي منطقه تكون قريبه من الدوحه شمال جنوب شرق ولا غرب وتحط فيها كل الخدمات الهامه والصرف الصحي والماء والكهرب والانترلوك والشوارع وتكون منطقه نموذجيه على غرار الدفنه والثمامه وتكون مرهونه لا للبيع الا بعد 10 سنوات يقدر المواطن يأجرها او يسكنها وتبيع الفوت ب 5 اواكثر بشي بسيط وهو سعر التكلفه وبهالطريقه احنا ماثلقنا ع الدوله وبنفس الوقت وفرنا اراضي سكنيه للمواطنين واعتقد بتكون مكرمه محد ينساها والشعب راح يرتاح

[ولد سالم]

محد بيسمعك
أنا قدمت وطلع لي القرض
لا حول ولا قوه خليت القرض لهم
والواحد يجمع ويشتري ارض على راحته يعني بعد 20 سنه يكون عندك بيت من حلالك ولا تنتظر شي ما تدري شحله

[بـوصـالـح]

في حل اخر .. ليش الدوله ما تخصص للقطري درجه ثانيه ( اراضي بسعر من الدوله بسعر معقوله ) وتفتح الباب للعالم الي ناطره الحل من سنين

[همر]

المشكله في اصوات عالية تقولك القطري عيار وفلوسه واجد وراتبه عالي وعنده كل شي ,,,,, اسال الله ان ينزع الحسد من قلوبهم
كنا في المجلس ونتناقش في موضوع شبيه بهالموضوع وفي واحد من المسؤلين الكبار في الدوله كان حاضر النقاش وقاله سيارتك لكزس وكل سنه مطيح لي في لندن ليش مشتط باسعار الاراضي مرتفعه خلها شعليك انت،،، قاله ابي اشتري للاستثمار الاسهم نكبه ومش مضمونة مثل العقار .... استغربت من تفكيرهم يعني تبون القطري يغتر ع نفسه ولا يعيش حياه كريمه انا اقترح الدوله تبيع ع المواطنين اراضي في اي منطقه تكون قريبه من الدوحه شمال جنوب شرق ولا غرب وتحط فيها كل الخدمات الهامه والصرف الصحي والماء والكهرب والانترلوك والشوارع وتكون منطقه نموذجيه على غرار الدفنه والثمامه وتكون مرهونه لا للبيع الا بعد 10 سنوات يقدر المواطن يأجرها او يسكنها وتبيع الفوت ب 5 اواكثر بشي بسيط وهو سعر التكلفه وبهالطريقه احنا ماثلقنا ع الدوله وبنفس الوقت وفرنا اراضي سكنيه للمواطنين واعتقد بتكون مكرمه محد ينساها والشعب راح يرتاح



هذا المسؤول الكبير اكيد عضو معانا في المنتدى

واول حرف من اسمه حسن عدل ؟!!



دوعابه دوعابه ،..



زيد على الاربعمية متر فتح المجال لبناء

ادوار اكثر .. يعني سرداب وثلاث ادوار

او ثلاث ادوار وبنت هاوس ..

دام مافي حوش .. وكل المنطقه بتكون نفس المستوى ..




اعتقد ان الموضوع مش موضوع حلول غايبه عن المسؤولين ..


اعتقد ان لدينا أزمة ثقه .. :(

[سـردال]

ليش يعطونهم ارض وقرض بالعكس مصائب قوم عند قوم فوائد

الحلول سهله وبسيطه خصوصا أن الاراضي المستقله بالدوله ما تزيد عن 13% من المساحه

لكن لما يحلون هذه المشكله من بياخذ قروض من البنوك من بيشتري الاراضي السكنيه

حتى القرض الممنوح من بنك التنمية قرض بنكي بفائدة بنكيه .

[سارا البدر]

اتمنى يتغير ويصير قرض وارض

[U Welcome]

المشكله في اصوات عالية تقولك القطري عيار وفلوسه واجد وراتبه عالي وعنده كل شي ,,,,, اسال الله ان ينزع الحسد من قلوبهم
كنا في المجلس ونتناقش في موضوع شبيه بهالموضوع وفي واحد من المسؤلين الكبار في الدوله كان حاضر النقاش وقاله سيارتك لكزس وكل سنه مطيح لي في لندن ليش مشتط باسعار الاراضي مرتفعه خلها شعليك انت،،، قاله ابي اشتري للاستثمار الاسهم نكبه ومش مضمونة مثل العقار .... استغربت من تفكيرهم يعني تبون القطري يغتر ع نفسه ولا يعيش حياه كريمه انا اقترح الدوله تبيع ع المواطنين اراضي في اي منطقه تكون قريبه من الدوحه شمال جنوب شرق ولا غرب وتحط فيها كل الخدمات الهامه والصرف الصحي والماء والكهرب والانترلوك والشوارع وتكون منطقه نموذجيه على غرار الدفنه والثمامه وتكون مرهونه لا للبيع الا بعد 10 سنوات يقدر المواطن يأجرها او يسكنها وتبيع الفوت ب 5 اواكثر بشي بسيط وهو سعر التكلفه وبهالطريقه احنا ماثلقنا ع الدوله وبنفس الوقت وفرنا اراضي سكنيه للمواطنين واعتقد بتكون مكرمه محد ينساها والشعب راح يرتاح



صادق ياخوي والله
وفكرتك جدا جميله وتساعد في اعمار البلد وتخفيف الضغط على الشوارع الداخليه

اما المسؤول الهامور اللي كان معاك
فشكله من النوع اللي عنده اراضي ملك اليد
فمايفكر الا بنفسه

[U Welcome]

محد بيسمعك
أنا قدمت وطلع لي القرض
لا حول ولا قوه خليت القرض لهم
والواحد يجمع ويشتري ارض على راحته يعني بعد 20 سنه يكون عندك بيت من حلالك ولا تنتظر شي ما تدري شحله




الله يكون في عونك ياخوي
بس اذا انت تقدر تشتري ارض ب مليونيين وتقسطها وراتبك يسمح
فناس كثيير ماتقدر

بحسبه بسيطه

اذا افترضنا سعر الارض ب
2,000,000

وارباح البنك
300,000

واقصى مده يعطيك البنك اتوقع ست سنوات

فلازم يكون قسطك الشهري

32,000 الف
لمدة ست سنوات علشان تستوي الارض لك !!!!!!!


فكم لازم يكون اساسيك علشان يسمح لك البنك تاخذ السلفيه؟؟؟؟؟

[U Welcome]

في حل اخر .. ليش الدوله ما تخصص للقطري درجه ثانيه ( اراضي بسعر من الدوله بسعر معقوله ) وتفتح الباب للعالم الي ناطره الحل من سنين


المشكله ان فيه هوامير مستفيدين
من الوضع الحالي
لاجل يبيعون الاراضي الشاسعه اللي عندهم

[U Welcome]

هذا المسؤول الكبير اكيد عضو معانا في المنتدى

واول حرف من اسمه حسن عدل ؟!!



دوعابه دوعابه ،..



زيد على الاربعمية متر فتح المجال لبناء

ادوار اكثر .. يعني سرداب وثلاث ادوار

او ثلاث ادوار وبنت هاوس ..

دام مافي حوش .. وكل المنطقه بتكون نفس المستوى ..




اعتقد ان الموضوع مش موضوع حلول غايبه عن المسؤولين ..


اعتقد ان لدينا أزمة ثقه .. :(






فكرتك جدا جميله بالسماح باستغلال الاراضي والتمدد الطولي
في البناء

[U Welcome]

ليش يعطونهم ارض وقرض بالعكس مصائب قوم عند قوم فوائد

الحلول سهله وبسيطه خصوصا أن الاراضي المستقله بالدوله ما تزيد عن 13% من المساحه

لكن لما يحلون هذه المشكله من بياخذ قروض من البنوك من بيشتري الاراضي السكنيه

حتى القرض الممنوح من بنك التنمية قرض بنكي بفائدة بنكيه .



صدقت

فيه ناس كل ما فكر باحدث موتر خشن في العالم
بكم سعره بيكون يعني
مليون او مليونين*

يبيع اصغر قطعه ارض عنده ب 3 او 5 مليون
وياخذ بدال الموتر عشره


فهؤلاء يبنون رفاهيتهم على ظهور المحتاجين

وهذين الهوامير المستفيدين من الوضع الحالي
والا ايش بيضر اذا كل الناس خذت اراضي وعمرتها وبنت

[BoFahed]

اخوي هالفكرة مطبق في عمان يعطون كل مواطن ومواطنه (اعزب ولا متزوج شغال ولا عاطل يعني الكل ) عمره 21 (سن الرشد ) ارض يدفع مبلغ معين كم الف علشان يستلم الملكية بالمبلغ هذا الدولة تسوي البنية التحتية من كهربا وشورارع وتضمن له ارض تلمه هو وعياله في المستقبل وتعطيه حرية البيع والشراء

هذا الشي سووا توازن بالسوق ولا سبب ركاد بالعكس حرك السوق وخلاها معقولة ووفر الاراضي بعض المناطق اسعارها بالملايين وبعضها كم الف علا حسب الموقع والبعد والخدمات والكل استفاد وقام يبني ووايد مواطنيين تربحو من شغل المقاولات والتشطيب و الاليات ووايد مناطق تعمرت

اذكر احصائية في شبكة مكتوب ذكرت بانه المواطن العماني اكثرشعب خليجي سعيد مع انه اقلهم في الراتب عسى الله يزيدهم ويبارك لهم


ارجع واذكر واقول بالاخير هذا قرار اميري (مب وزاري ) لازم نحترمه ونقدره ولابد من طاعة ولي الامر والحمد لله احنا في خير ونعمه (ارض و لابدون ) الكل حاسدنا عليها ماله داعي التذمر في كل وقت

المسائلة زيادة وعي للاسرة القطرية وخصوصا التوفير والتخطيط لبيت العمر

[U Welcome]

اتمنى يتغير ويصير قرض وارض



كلنا نتمنى وندعي الله ان يجنبنا الديون ويرزقنا الاستقرار الاسري

[U Welcome]

اخوي هالفكرة مطبق في عمان يعطون كل مواطن ومواطنه (اعزب ولا متزوج شغال ولا عاطل يعني الكل ) عمره 21 (سن الرشد ) ارض يدفع مبلغ معين كم الف علشان يستلم الملكية بالمبلغ هذا الدولة تسوي البنية التحتية من كهربا وشورارع وتضمن له ارض تلمه هو وعياله في المستقبل وتعطيه حرية البيع والشراء

هذا الشي سووا توازن بالسوق ولا سبب ركاد بالعكس حرك السوق وخلاها معقولة ووفر الاراضي بعض المناطق اسعارها بالملايين وبعضها كم الف علا حسب الموقع والبعد والخدمات والكل استفاد وقام يبني ووايد مواطنيين تربحو من شغل المقاولات والتشطيب و الاليات ووايد مناطق تعمرت

اذكر احصائية في شبكة مكتوب ذكرت بانه المواطن العماني اكثرشعب خليجي سعيد مع انه اقلهم في الراتب عسى الله يزيدهم ويبارك لهم


ارجع واذكر واقول بالاخير هذا قرار اميري (مب وزاري ) لازم نحترمه ونقدره ولابد من طاعة ولي الامر والحمد لله احنا في خير ونعمه (ارض و لابدون ) الكل حاسدنا عليها ماله داعي التذمر في كل وقت

المسائلة زيادة وعي للاسرة القطرية وخصوصا التوفير والتخطيط لبيت العمر



صراحة اخوي
معلومة جديده اللي قلتها عن عمان
وفكرتهم ممتازه

[qtr qtr]

الدوله تعطي للشركات المساهمه مساحات شاشعه بالمجااان ويبنون فيها مجمعات سكنيه ويبيعونها باسعاار غاليه صعب ذو الدخل المحدود يشتري عقاراتهم. خصوصا اللي زوجته ماتشتغل .. فأعتقد المواطن المتجنس اولى بهالاراضي حتى ولوا يبيعونها باسعار رمزيه ولو ب500 الف

[qatarman8008]

في حل اخر .. ليش الدوله ما تخصص للقطري درجه ثانيه ( اراضي بسعر من الدوله بسعر معقوله ) وتفتح الباب للعالم الي ناطره الحل من سنين

قطري درجة ثانية..!!
ليش في قطري درجة اولى ودرجة ثانية..!!
اخوي انت بهالوصف فتحت لنا باب اخر من الاسئلة..
من هو القطري درجة اولى ومن هو قطري درجة ثانية..
لكن عموما المشكلة ليست هنا المشكلة في ان في جميع الفئات المذكورة سواءا قطريين اولى او ثانية حصلوا على ارض وقرض..
الموضوع ليس حسد.. الله يزيدهم ويبارك لهم..
الموضوع هو الية التوزيع.. اذا كان قانون الاسكان لا يطبق كما يجب فالاولى ان يتم توزيع الاراضي على المواطنين كافة..
خل الخير يعم .. الحمدلله ان بخير ونعمة والاستثمار في المواطن هو خير استثمار للدولة..

[لبتونه]

الله يرزقك يارب والله لا يحوجك حق احد

[جبر ال جبر]

اتمنى من الدوله تعويضهم بارض صناعيه وزراعية

[ورد الدوحه]

نأمل من الامير اطال الله في عمره تغيير القانون وتوزيع الاراضي لجميع القطريين دون تفرقة سواء متجنس ام غيره .

[atiq]

الله يوفق الجميع ولا توجد تفرقة بإذن الله

[مساهم عادي]

الحل انه يعطون قرض بدون فوائد لشراء الارض .. فيكون في قرضين .. قرض لشراء الارض وقرض لبناء الارض

[محمد11]

اقترح توزيع قطع مساحات 500 متر لفئة القرض بدون قرض ..



شفت شلون يالغالي ..

القطري صار من ....

[قطريه ماركه]

الله يكوون بعونكم

[رائد العنابي]

سلام عليكم
احب اضيف شغله ان محد مستفيد من هاي القانون غير اصحاب العقارات و سبق اني حطيت مثل هاي الموضوع من قبل

و انا واحد من هاي الفئه القرب بدون ارض انا افضل ان كل واحد يكتب السبب في عدم اعطاء هذا المواطن الارض

انا عن نفسي يقولون ان جدي مب مواليد قطر
و انا اعرف واحد نفس الحاله قرض بدون ارض مع ان ابوه كان شغال في حفر الابار في دخان يعني هو ساهم في حفر يعني ولا حد من عياله له ارض

[بو سالم]

أتمنى ان الدولة تبني فلل بأشكال مختلفة مب نفس الشكل علشان ما يبين انه مجمع سكني مثل ما تسوي حكومة دبي
وتبنيها بروه او الديار وتوزع على المواطنين بدون لا ارض ولا قرض مجاني الخير وايد

[الاعرابي]

حد يعرف كم نسبة المواطنين تحت فئة قرض بدون أرض؟
احنا كلنا في حدود 300 الف مواطن؟

ودنا نعرف حجم هذه الفئة وهذه المشكلة

[RE-Qatar]

الله يعينهم فئة القرض بدون ارض
الارض والعقار سعره غالي
بياخذ ديون من البنك لمدة 12 سنة وهو يسدد!!
أصلاً ارباح البنوك كلها من ذي الفئة

لو يصرفون لهم ارض 600 مترفي اماكن متفرقة الوضع بيصير احسن

[الوسيط العقاري]

الله المستعان

[bos3eed]

وَمَا مِن دَابَّةٍ فِي الْأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ

[al-obaidly]

المفروض الدوله تعطيهم انا عندي واحد من ربعي ساكن في شقه له 11 سنه وعنده 4 بنات و3 اولاد ومعاشه مايكيفه بس راعي العماره طيب معاه يقولي مازاد عليه ريال من سكن عنده وعلى كلامه ان راعي العماره في الاعياد ماياخذ منه اجار ويقوله هاذي عيده اعيالك لازم الدوله تنظر في هل المشكله وارتفاع العقار بشكل خيالي واستغلال الهوامير الكبار حق هل الفقاره

[Web-Master]

الله يعينك اخوي وثقتنا كبيره في حكومتنا الرشيدة
عندي واحد من قرايبي نفس الحالة وهو بصدد الزواج، والمشكلة لما نوى يشتري ارض راح البنك ورفضوا يعطونه تمويل بحكم ان سعر الأرض مرتفع ويصعب عليه سداد القرض حتى 20 سنه.
فما بالك لما يشتري الأرض بقرض من البنك، ولما يقدم على قرض الدولة راح يبني بقرض إضافي :rolleyes2:
راح يورث عياله ديون في المستقبل !!!

[جفى الجوارح]

والله حتى الفئات الي يشملهم القرض والارض نفس الموضوع تعال انطر إذا اطلعت لك الارض

[eXpert*]

حل مؤقت صرف أراضي بحق إنتفاع لمدة معينة ((على سبيل المثال 99 سنة )) و تعود ملكيتها للدولة بعد إنقضاء الفترة المقررة ..

بهذا حلينا مشكلة الأرض ،، و بنك التنمية بيصرف للمواطن القرض للبناء و ذلك يضمن المواطن حياة كريمة له ولأطفاله ..

و يجب أن تكون الأراضي غير متمركزه في منطقة واحدة إنما يتم دمجها من ضمن المناطق السكنية العادية ..

طبعاً هناك ضوابط وآليات مفصلة للموضوع ..

[قطري سهم]

الحل الوحيد (( يزيدون القرض )) اما تصير سايبة كلمن جا امس وعين لة ارض وقرض قمنا نسمع بعوايل مالها وجود ولا اساس ولا طاري حتى في قطر

انت بهذي الطريقة تنفى الناس الي في قطر قبل النفط الي تمسكت فيها رغم الفقر والجوع ولا تركتها

بتساوي الي تجنس في 2010 مثل الي قبل حتى 1900

[عاهد بن علي]

ممكن الدوله توفر لهم اراضي للبيع بمساحة 600 و 1200 متر مربع وبسعر معقول

[وحيد-الشوق]

الحل الوحيد (( يزيدون القرض )) اما تصير سايبة كلمن جا امس وعين لة ارض وقرض قمنا نسمع بعوايل مالها وجود ولا اساس ولا طاري حتى في قطر

انت بهذي الطريقة تنفى الناس الي في قطر قبل النفط الي تمسكت فيها رغم الفقر والجوع ولا تركتها

بتساوي الي تجنس في 2010 مثل الي قبل حتى 1900

ليش الحسد والحقد ترى ماراح ينقصون من راتبك اذا انصرفت اراضي لاخوانك القطريين الحين المسلم اخو المسلم وانت مستكثر على ناس يحملون الجنسية القطرية ولهم ولاء البعض عنده الجنسية من 50 سنة وبعضهم اكثر او اقل القطريين عددهم 300 الف تقريبا ليش التفرقه بينهم في الاخير الارض ملك لقطر وللدولة

الحمدلله الجنه مب بيد البشر والناس الي تجنست محد خذ جوازه من مخابيكم :)

[keep calm]

قال الحافظ -رحمه الله تعالى-: وعن ابن عمر -رضي الله عنهما- قال: كان رسول الله صلى الله عليه وعلى آله وسلم يقول:
اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك أخرجه مسلم.

[wesam82]

أوصي للي يعاني من هالمشكلة يردد دائما قوله تعالى:
أفوض امري الى الله

لأن الله تعالى قال فيما بعدها:
فوقاه الله سيئات ما مكروا

http://youtu.be/QGkaE7oBdw0

[wesam82]

الدنيا زواله

الدنيا دار شقاء وعناء

[wesam82]

المفروض الدوله تعطيهم انا عندي واحد من ربعي ساكن في شقه له 11 سنه وعنده 4 بنات و3 اولاد ومعاشه مايكيفه بس راعي العماره طيب معاه يقولي مازاد عليه ريال من سكن عنده وعلى كلامه ان راعي العماره في الاعياد ماياخذ منه اجار ويقوله هاذي عيده اعيالك لازم الدوله تنظر في هل المشكله وارتفاع العقار بشكل خيالي واستغلال الهوامير الكبار حق هل الفقاره

جزاه الله ألف خير

[الكاسر99]

ليش الحسد والحقد ترى ماراح ينقصون من راتبك اذا انصرفت اراضي لاخوانك القطريين الحين المسلم اخو المسلم وانت مستكثر على ناس يحملون الجنسية القطرية ولهم ولاء البعض عنده الجنسية من 50 سنة وبعضهم اكثر او اقل القطريين عددهم 300 الف تقريبا ليش التفرقه بينهم في الاخير الارض ملك لقطر وللدولة

الحمدلله الجنه مب بيد البشر والناس الي تجنست محد خذ جوازه من مخابيكم :)

أخوي - وحيد - الشوق ( بيض الله وجهك ورفع قدرك على ردك )


نعم أخوي ( قطري سهم ) :

ليش الحسد وش اللي بيضرك لو عطو كل قطري لو متجنس أرض وقرض ماراح تخسر أي شي بالعكس ممكن بسبب دعوه هذا الأخ

لك تكون هذه الدعوه سبب دخولك الجنه

أخوي الدولة بها ولله الحمد خير وسمو الأمير الشيخ / تميم بن حمد آل ثاني ( أطال الله عمره ) مب مقصر مع كل قطري بشي

فما المانع أن يتم أعطاء كل قطري سواء قطري أصل أو متجنس (( أرض وقرض ))


والله ما يضيع أجر من سهل على الناس

وراح تلقاها عند ربك بإذن الله

[قطري سهم]

والله يااخوي لاحسد ولا هم يحزنون حسد اذا كان مالي حق اني اخذ قرض وارض بس الحمد لله متوفر لي عشان ماتقول احسدك ،،، لاكن شي يحز فالنفس ان الواحد مهمش بعض من اهل فارس ولا العرب الي تجنسو حتى اشكالهم لاشفته بغترته وعقاله تدري انه ماهب حوله الجواز ،،، شي يحز بالنفس واحد عاش على هالارض هم وهله قبل خيرها ،،، جاي الغريب عشانه تجنس عقب الخير والفلوس بيشاركة مثله مثل الي عاش فالدوحة بفقرها ،،، هذا الي تجنس ماعرف الدوحة وماسمع بها الا عقب الدراهم ،،، والله لولا هالدراهم الي فالبلاد ماهد اهله وتجنس وجا اسحب منه الدراهم والامتيازات وشوفه اذا امسى الليل عندك ،،، البعض وليس الكل عشان محد تصيبه فوبيا الجمع .

[qatari2022]

ظلم وقمه الظلم .. انه من يكون جاء لقطر في 1932 .. وقبل " الدراهم" على قولة اخونا الي قبلي .. لايحصل على ارض وقرض ويكون نصف قطري ..ومن جاء اليها عام 1930 يحصل على ارض وقرض ويعتبر اصلي .. ووقت الشدايد .. الكل سواسيه .. سياثر ذالك بشكل كبير على المجتمع .. وماراح يضيع حق حد يوم القيامه باذن الله ..

[qatar.com]

انزين والي جاء2006¦ وحصل ارض وقرض على طول وهو مايدل في الدوحه

[عيون الدوحة]

في ناس وايد خذو لهم فلل في مناطق بعيدة عن الدوحة وأستقرو من ظ¦ سنوات
الدور على الي قاعد يطالب وكل ماله الاسعار ترتفع

[الوسيط العقاري]

انزين والي جاء2006¦ وحصل ارض وقرض على طول وهو مايدل في الدوحه

صااااااادق

الله المستعان

[qtr qtr]

انزين والي جاء2006¦ وحصل ارض وقرض على طول وهو مايدل في الدوحه

وين الولاء لوطنهم السابق على قولة البعض ... هل تنظن بكون عنده ولاء لقطر ؟؟!!

دام المواطن ايين كان انولد على هاذي الارض الطيبه دولتنا الحبيبه قطر .. وولائه لوطنه وخدم فيها لاجل نهضتها وحبا لها فيستحق ارض وقرض ..

وان شاءالله سمو الامير الشيخ تميم بن حمد ال ثاني حفظه الله ورعاه ويرزقه بالبطانه الصالحه مب مقصر في كل مواطن عايش على هاذي الارض الطيبه من بعد الله سبحانه وتعالى.

[qatari2022]

استغفر الله العظيم !!!

[مليونيرة مفلسة]

لا حول ولا قوة

[qatari2022]

هذا الموضوع يجب أن يحل !!

[بو سالم]

الأمير الوالد الله يحفظة كنت متوقع انه بيحل موضوع هالفئة بس الظاهر إن في دراسة للموضوع وإنها تأخرت وإن شاء الله سمو الأمير بيفرحهم

وربنا يحفظهم ويمدهم بالصحة والعافية

[BoFahed]

انزين والي جاء2006¦ وحصل ارض وقرض على طول وهو مايدل في الدوحه

اخوي هذا رزقه الله عز وجل من سابع سما كاتب له

انا من اللي ينطبق عليهم القرض بدون ارض بس الحمد لله تخليت كم سنة عن بعض الكماليات (سفرات -سيارة كشخه -طراد -بطابط -ماركات الخ الخ )وعمري ما قصرت على هلي واعيالي ووفرت وخططت والحمد لله قاعد في بيتي اللي ببنيته وان شالله ناوي ارجع ال المليون و 200 الف و اذا الله فتح علي ابيعه وابني بيت اكبر منه



والحمد لله اني قطري معزز ومكرم وعايش في خير واستلم راتب اضعاف اضعاف اهلي في دول الجوار وشيوخي منبع الخير والكرم و نعمه الملايين يحسدوني عليها

يا جماعة برجع وبكرر مليون مرة هذا قرار اميري

[مليونيرة مفلسة]

اخوي هذا رزقه الله عز وجل من سابع سما كاتب له

انا من اللي ينطبق عليهم القرض بدون ارض بس الحمد لله تخليت كم سنة عن بعض الكماليات (سفرات -سيارة كشخه -طراد -بطابط -ماركات الخ الخ )وعمري ما قصرت على هلي واعيالي ووفرت وخططت والحمد لله قاعد في بيتي اللي ببنيته وان شالله ناوي ارجع ال المليون و 200 الف و اذا الله فتح علي ابيعه وابني بيت اكبر منه



والحمد لله اني قطري معزز ومكرم وعايش في خير واستلم راتب اضعاف اضعاف اهلي في دول الجوار وشيوخي منبع الخير والكرم و نعمه الملايين يحسدوني عليها

يا جماعة بكرر مليون مرة هذا قرار اميري


كلام جميل بس ما ينطبق على الكل. رواتبنا أضعاف الدول المجاورة بس بعد العيشة غالية و كل شي غالي. و اللي يدفع نص راتبه لايجار السكن و ربع الراتب للقروض و ربع الراتب للاحتياجات و الاكل من وين له يجمع المليون و 200 ألف؟؟
سؤالي من أجل فئة القرض فقط. أنا استحق أرض و قرض من 3 سنين و بعدي ما شفت شي!

[لـبـيـه]

كلام جميل بس ما ينطبق على الكل. رواتبنا أضعاف الدول المجاورة بس بعد العيشة غالية و كل شي غالي. و اللي يدفع نص راتبه لايجار السكن و ربع الراتب للقروض و ربع الراتب للاحتياجات و الاكل من وين له يجمع المليون و 200 ألف؟؟
سؤالي من أجل فئة القرض فقط. أنا استحق أرض و قرض من 3 سنين و بعدي ما شفت شي!

سؤال يحتاج مشخاله نشخل فيها بعض الادارات من المحسوبيه

[ثابت]

اتمنى النظر في امرهم وحل مشاكلكم
انا اعرف شخص اخذ قرض بدون ارض

[جوال 11]

ابحثوا في اسباب اصدار مثل هذا القانون ثم كل شخص معترض على هذا القانون يقدم كتاب يطالب فيه بارض وقرض كثير من الدول في الخليج لا تمنح مثل هذه المميزات

[يمامـة]

من هم القطريين المحرومين من منحة الاراضي في قطر؟

[محمد11]

الناس الي ضد قرار تعديل هذا القانون ..


سوالي لهم :

بخصوص الخدمة الوطنيه !!
في شي اسمه نص خدمة وخدمة كامله !!!
ولا قالوا الي جاي من سنة 1930 يخدم ولا بعد مايخدم !!!

ياجماعه ناس من ربعي عيالهم وغير الي في بطون امهاتهم محصلين ومرتبين اراضي وكلهم جنب بعض !!!


الموضوع واضح ..

وين البطانه الصالحه ?????

[سهم ماينزل]

الأمير أب قد يعطي ابن ولا يعطي الآخر لسبب ولاخر فسيضل الابن يحب الأب والأب يحب الأبن
والابن يطلب ويلح بالطلب والدعاء حتى يقنع الأب

ربي أحفظ الشيخ تميم ويسر له وجعلنا فداء له وللوطن

[keep calm]

ليش زعلان خلك حل مشكلتك واترك الأخريين في حالهم

[BoFahed]

من هم القطريين المحرومين من منحة الاراضي في قطر؟


اختي كل قطري ما عنده سجلات او اثبات انه متواجد فترة الثلاثينات في قطر او خلنا نكون صريحين اللي ما عندهم شخصية كبيرة مرموقة في البلد معتمدة تمثلهم وتطالب بحقهم في الديوان الاميري

لانه سمعت بعض اللي ما ينطبق عليه القرار ووصلو عند سمو الامير الوالد الله يحفظه او عند طويل العمرالشيخ تميم ما ردوه ابدا وعطوهم اراضي منحات اميريه بالقانون مب اراضي حكومية


وهذي ارزاق مافيه داعي نقول فلان عطوه وفلان لا واهل قطر يستاهلون الخير كلهم حضرهم وبدوهم

[al-obaidly]

من متى هل القانون انا اعرف دكتور مصري مجنس قطري اعياله كلهم عندهم اراضي لا لا لا مايصير

[وحيد-الشوق]

من متى هل القانون انا اعرف دكتور مصري مجنس قطري اعياله كلهم عندهم اراضي لا لا لا مايصير

في ناس من 2002 ابوهم خذ الجنسية وطلعت للعيال كلهم اراضي

[جبر ال جبر]

على فكره مثل هالقرار حفز مجموعه كبيره منهم على الاستثمار العقاررري خذا القررض وزادهم من عنده او خذا سلفيه واشترى فيلا او فلل واجرهم واستفاد وقاعد في بيت ابوه ومرتاح اما القطريين الي يستحقون القررض مع الارض مجموعة كبيره منهم اعرفهم ارضه عنده. ومب راضي يبنيها عشان ماينقطع منه ار.ايه

[" Snake "]

في ناس من 2002 ابوهم خذ الجنسية وطلعت للعيال كلهم اراضي

واسطه ومصالح شخصية

[Right]

الواحد يقول : " الحمدلله "

[qtr qtr]

اللي يتكلم يقول في ناس خذت القرض وشرت فله هذولا هم اللي شروها قبل سنتين واكثر ايام الرخص
اما فالوقت الحالي واللي توه متزوج من سنتين وسنه وين راح يشتري فله بثلاثه مليون ونص وراتبه مايتعدى ال30 الف والبنك يقول له تدفع كل شهر 19 الف لمدة 15 سنه مع اقساط بنك التنميه 3400 الف لمدة 35 سنه يعني راح يدفع وينحصم من راتبه 22400 ريال شهريا ويبقى من راتبه 7600 ريال طبعا البنك راح يرفض انه يعطيه هالمبلغ لان راتبه مايسمح له يقترض ال2 مليون ريال
حتى ولوا وافقوا ويش بتسويله 7600 ريال فالشهر العيال راح يكبرون وتزيد المصاريف ويبون سياره للجامعه ويبون يتزوجون .

كل واحد يرفع يده لله سبحانه وتعالى بالدعاء ليل ونهار بان يفرجها عليكم .. وراح تشوفون الفرج بأذن الله الواحد الاحد.

[كربيتر كام]

اللي يتكلم يقول في ناس خذت القرض وشرت فله هذولا هم اللي شروها قبل سنتين واكثر ايام الرخص
اما فالوقت الحالي واللي توه متزوج من سنتين وسنه وين راح يشتري فله بثلاثه مليون ونص وراتبه مايتعدى ال30 الف والبنك يقول له تدفع كل شهر 19 الف لمدة 15 سنه مع اقساط بنك التنميه 3400 الف لمدة 35 سنه يعني راح يدفع وينحصم من راتبه 22400 ريال شهريا ويبقى من راتبه 7600 ريال طبعا البنك راح يرفض انه يعطيه هالمبلغ لان راتبه مايسمح له يقترض ال2 مليون ريال
حتى ولوا وافقوا ويش بتسويله 7600 ريال فالشهر العيال راح يكبرون وتزيد المصاريف ويبون سياره للجامعه ويبون يتزوجون .

كل واحد يرفع يده لله سبحانه وتعالى بالدعاء ليل ونهار بان يفرجها عليكم .. وراح تشوفون الفرج بأذن الله الواحد الاحد.

اي والله شبتكفي الواحد مايقول غير حسبي الله ونعم الوكيل

[qatarman8008]

صحيح ان الدعاء مجدي وان الرزق من الله والنعم بالله..
ولكن.. لابد ان يصل الصوت الى الامير حفظه الله..

[qtr qtr]

اي والله شبتكفي الواحد مايقول غير حسبي الله ونعم الوكيل


صحيح ان الدعاء مجدي وان الرزق من الله والنعم بالله..
ولكن.. لابد ان يصل الصوت الى الامير حفظه الله..

ادعوا الله بأن يرزق امير البلاد المفدى الشيخ تميم بن حمد آل ثاني حفظه الله ورعاه بالبطانه الصالحه وان ينظر بمن هم محرومين من هبة الارض .

[Web-Master]

ياجماعة ... السؤال الآن

اذا جاكم واحد وتقدم لكم وطلب يد وحده من بناتكم وهو (غير مطابق لقانون الأرض والقرض) .. هل بتوافقون عليه وتتغربل البنت وياه وعيالهم في المستقبل ؟؟

هذي معاناة واحد من قرايبي مع نسيبه !!

[يمامـة]

اختي كل قطري ما عنده سجلات او اثبات انه متواجد فترة الثلاثينات في قطر او خلنا نكون صريحين اللي ما عندهم شخصية كبيرة مرموقة في البلد معتمدة تمثلهم وتطالب بحقهم في الديوان الاميري

لانه سمعت بعض اللي ما ينطبق عليه القرار ووصلو عند سمو الامير الوالد الله يحفظه او عند طويل العمرالشيخ تميم ما ردوه ابدا وعطوهم اراضي منحات اميريه بالقانون مب اراضي حكومية


وهذي ارزاق مافيه داعي نقول فلان عطوه وفلان لا واهل قطر يستاهلون الخير كلهم حضرهم وبدوهم

والله يا بوفهد اللي اعرف انه هناك قانون..

لكن اللي نسمعه ان هالقانون في تجاوزات في ناس يحصلون وما ينطبق عليهم القانون
وتوهم مجنسين من كم سنة..

فمن جذيه حبيت استفسر هل هناك استثناء في القانون بعد ما ينوضع القانون وينعرف
ان اللي له اثباتات في الجوازت...

[Right]

ياجماعة ... السؤال الآن

اذا جاكم واحد وتقدم لكم وطلب يد وحده من بناتكم وهو (غير مطابق لقانون الأرض والقرض) .. هل بتوافقون عليه وتتغربل البنت وياه وعيالهم في المستقبل ؟؟

هذي معاناة واحد من قرايبي مع نسيبه !!





لا يكون رايح خاطب بنته من بنك قطر للتنمية بس !!

[مرحوم قطر]

من الاخر في اي مستجدات في الموضوع و لا لا

الحكومه بتحل الموضوع و لا لا

؟.؟

[مرحوم قطر]

لا يكون رايح خاطب بنته من بنك قطر للتنمية بس !!





لا و الله يا الشيخ

الحين اذا واحد رايح يخطب و قبيلته مب معروفه و لا معروفه و لا هولي و لا من القبايل الي اغلبيتهم سعوديين و كذا

يسالون اذا عنده اخو متزوج هل عطوكم ارض و لا لا

[مرحوم قطر]

على فكره للي يقول هذا قرار اميري

هذا القرار مش اميري ولا حتى قانون

و على حسب الدستور كل القطريين سواسيه و انا سال عن القانون اذا كان موجود

و عرفت انه ماله وجود مجرد قرار و صدر من كم سنه و كانت فعالية القرار مؤرخة لين شهر 6/2014

و لحد الحين مافي اي تغيير


وبخصوص الي ستحق و الي ما يستحق هو يقولون لازم الجد ما يكون جوازه بالتجنيس

في ناس اجدادهم ماتوا قبل ما يكون كل القطريين عندهم جوازات يعني ماتوا في الستينات و قبلها

يعني ماكانو يعرفون شنو يعني جواز و بعد اعتبروهم مجنسين و ماحصلوا اراضي



و انا احلف بالله ان في ناس مايتكلمون عربي عدل عندهم اراضي و عطوهم بعد صدور القرار

و في ناس حصلوا الجوازات بعد الالفين و في 2002 و بعد حصلوا الاراضي

فا الموضوع موضوع واسطه


لاكن السؤول الي يفرض نفسه و هذا الكلام موجه للي يعارضون حل هلمشكله


الي ما يحصل ارض شيسوي ؟.؟

شنو الحل الي ممكن يسويه عشان يتزوج و يسكن و يكون اسره و يصير عنده عيال


شيسوي عشان يامن مستقبله و مستقبل عياله شلي يسويه عشان ما يكون محتاج


حسبه بسيطه جداً بحسبها معاكم


اذا يبغي يشتري ارض مثلاً في المناطق الشماليه و انتوا عرفين ان لين الخور سعر الفوت قريب 300 و اكثر

اذا بنقول ام قرن مثلاً و سعر الفوت فيها وصل اكثر من 300 اذا بيشتري 500 متر بتطلع الحسبه اكثر من 1600000

مع الفوايد بتوصل حروة المليونين و نقسمها على اعلى مده الي هي عشرين سنه يعني بيدفع حوالي 9000 ريال في الشهر زايد

قرض بنك التنميه و بيوصل القصد الا حوالي 12000 في الشهر

نفترض ان هذا الشخص راتبه 25000 بينخصم نصف راتبه شلون بيقدر يعيش على 13000 هو و زوجته و عياله

من وين بياكلهم و بيشربهم و بيلبسهم و بيلبيلهم كل احتياجاتهم ؟.؟

13000 ما تكفي في هلزمن الي احنى عايشين فيه شلون بتعيشه في هلاسعار الخياليله الي حاصله في البلاد

هذا مع العلم ان هذي حسبه بسيطه للحين احنى ماحسبنا الاثاث و قلنا سعر الفوت 300 و هذا السعر صعب يحصله

و في نفس الوقت هو بيشتري 500 متر يعني بيكون بيت صغير و المشكله بكره بتتفاقم لان عياله مابيكون قرض بدون ارض

اذا هو قدر يصرف نفسه عياله شبيسوون يعني السالفه كلها ان الرجال و عياله بيتمون عايشين في ديون لين ديون طووول عمرهم

[رائد العنابي]

جزاك الله خيرا يا مرحوم قطر

و معروف ان الراضي تتوزع بالواسطه

اذكر من فتره تكلمت مع واحد من الشباب الي له قرض و ارض يقولي خل الاراضي لاهل القطر الاصليين
قلتله ليش احنا شنو نعتبر قالي انا جدي ساهم في نمو البلد والى اخره و قتله صح كلامك جده ساهم بس القانون ما يعطي ارض حق بس الي ساهم في نمو البلد
جدي انا بعد ساهم و اشتغل قبل الجواز و الدليل ان اعرف واحد من الشباب ابوه كان شغال في حفر الابار في دخان
ولم عياله اكبروا و تزوجوا و طلع كلهم مالهم ارض حد يقدر يفسرلي ليش ماله ارض مع ان هو ساهم في حفر الابار

[عيون الدوحة]

أفظل حل يشترك مع أخوة ويشترون أرض ظ¦ظ*ظ* ويبنونها فلتين
ولك واحد بتكون فيلا خاصة
لين الله يفرجها

[مرحوم قطر]

جزاك الله خيرا يا مرحوم قطر

و معروف ان الراضي تتوزع بالواسطه

اذكر من فتره تكلمت مع واحد من الشباب الي له قرض و ارض يقولي خل الاراضي لاهل القطر الاصليين
قلتله ليش احنا شنو نعتبر قالي انا جدي ساهم في نمو البلد والى اخره و قتله صح كلامك جده ساهم بس القانون ما يعطي ارض حق بس الي ساهم في نمو البلد
جدي انا بعد ساهم و اشتغل قبل الجواز و الدليل ان اعرف واحد من الشباب ابوه كان شغال في حفر الابار في دخان
ولم عياله اكبروا و تزوجوا و طلع كلهم مالهم ارض حد يقدر يفسرلي ليش ماله ارض مع ان هو ساهم في حفر الابار



يا رجال صل على النبي انا اعرف واحد اقل رتبه من رتب عمامه عقيد و عمامه و ابوه كانوا على ايام ازمة البحرين

و من الي وزعوا عليهم سلاح ذيك الفتره و عمامه شاركوا في حرب الخليج

و عيال عمه كلهم ضباط و اخوانه كلهم ضباط الا هو الوحيد في عيلته الي مب ضابط بس قاعد يكمل دراسته

وهم انا اعتبرهم ثروه قوميه حيث انهم ما شاء الله تبارك الله حوالي 20 اخو و لد عم

و كلهم الي مب في الجامعه او في المدرسه اعرف انه متخرج و بينهم كذا واحد عنده ماجستير

و جدهم مات قبل ما يكون في شي اسمه جواز حتى قبره مايعرفون وينه كل الي يعرفونه انه صوب الخطيه

و فوق كل ذي قالوله مالكم ارض لكم قرض بس

[U Welcome]

الله المستعان

[wesam82]

لو طبقنا كلام أبو بكر رضوان الله تعالى عليه بيكون لكل قطري أرض و نفس المساحة

وإذا على كلام عمر بن الخطاب رضوان الله تعالى عليه بيكون لأبن المتجنس اللي سوى إنجازات أرض مساحتها أكبر من القطري الأصلي
تفضلوا الفيديو ثلاثة دقائق
http://youtu.be/VLMUDIfilpw

[سهم ماينزل]

نموت ونحيا للأرض وراعيها بكل الضروف
والله يفرجها

[lion66]

في دولة الامارات العربية المتحدة ترتيبهم طيب وجميل

يبنون بيوت وتتأثث وتتسلم للمستفيد جاهزة

الصراحة شغل عدل ... ولا يلعوزون العالم بالارض والقرض والبنيان والاستشاري

[رائد العنابي]

والله الفكره جميله انا شفت وحده منهم في منطقه عود امطينه اذا كان هاي الاسم الصحيح

وانا عندي فكره افضل ان يختططون 3 انواع من بيوت بيت ب 4 غرف للعوائل الصغيره
وهاي تكلف مليون و متين الف
و بيت اكبر شوي ب 5 او 6 غرف بس لازم يدفع الزياده نقول مثلا 400الف او اكثر
وهاكذا كل ما كان البيت اكبر كل ما دفعت من جيبي اكثر واذا الشخص ما عنده او معاشه مب قوي ياخذ اصغر بيت ب 4 غرف

[qatarman8008]

الموضوع انه مجموعة ارض بدون قرض يعانون الامرين..
اما انه يتسلف مليونين عشان ياخذ قرض الاسكان.. وهذا للمقتدر منهم..
او انه مايستفيد من قرض الاسكان ويتم عايش بالاجار..
وفي كلى الحالتين لم يتم تحقيق الهدف من قانون الاسكان وهو تامين سكن لكل مواطن..

اذا كانت مجموعة ارض وقرض بالاضافة لحصولهم على ارض مجانية من الدولة..
يدفعون حول مليون ريال اضافية فوق المليون وميتين الف مابين تشطيب واثاث..