من المسؤول عن طوارئ مستشفى الولادة ، الاسوء ثم الاسوء ....

[qatar6]

أين هو المسؤل
من عشرين سنه وللآن لم يتغير شيء
بل تحول الى أسوء
منهم من ينتظر خمس ساعات ومنهم سبع وأخرى تسع ساعات
هل يعقل
دكتورين فقط لمعالجه العدد الضخم من المراجعين
والبلوى النظام الجديد
الدكتور همه كيف يدخل المعلومات لجهاز الكمبيوتر وكأنه برامج نزل عليه من المريخ
القسم يعج بالموظفين اللي مالهم معنى ، منهم من يلبس البطاقات الحمرا ومنهم من يحمل البطاقة الخضرا لطلب ألمساعده ولكن الجميع يقف عاجز امام المراجعين

فقط ليتحول اسمنا من الطوارى الى قسم الأشعة خذت العمليه 20 دقيقة ، في حين ان من المفروض انها ضغطة زر من خلال البرنامج الجديد

معااااااااناه
ارحمونا
حسبي الله ونعم الوكيل
كلكم راع وكلكم مسؤول

[AL-ANSARI]

الله المستعان...فعلا المنظر هناك كأننا في الهند يفتقر للنظام وسوء الادارة الي باين من اكبر لاصغر موظف هناك.

[aloosh]

ادهن سير هناك تمشي امورك

[عضو المنتدى]

رحت عياده العمادي اليوم تميت اكثر من ساعتين ونصف وزحمه شديده ...

اخر احصائيه لعدد السكان كانت عبر المسج اليوم 2،216,500

الصراحه لا الشوارع ولا الخدمات تستوعب هذا العدد الكبير والمفاجئ

والله لا يحوجنا للطوارئ ولا المستشفيات ...

[نفسي عزيزه]

مالكم الا مستشفى الخور

[مشـــــاعر]

مالكم الا مستشفى الخور

شيودينا آخر آإلدنيا ؟؟
مستشفى حمد خلآإص لآإزم له (إنتفاضة) . .
الله لايحوج حد حق (هالمقصب) لآإسمعة زينة ولا دكتاترة عدلين :rolleyes2::rolleyes2:

[حمد 2002]

كل شيء بيتعدل بس السالفه سالفة وقت :nice:

[حمد 2002]

شيودينا آخر آإلدنيا ؟؟
مستشفى حمد خلآإص لآإزم له (إنتفاضة) . .
الله لايحوج حد حق (هالمقصب) لآإسمعة زينة ولا دكتاترة عدلين :rolleyes2::rolleyes2:

الحين الخور آخر الدنيا ؟!

فيه اختراع اسمه سياره !! :nice:

[Aaziz]

وين نقدر نفترض حسن النيه عقب هالسنين الطويله من المعاناه و التطوير و على ارض الواقع من سيء لاسواء

من المستفيد من تردي الوضح الطبي عندنا ؟

[Aaziz]

عن نفسي اروح للمستشفى الكوبي ،، اكثر من 100 كيلو يبعد عن بيتنا ولكن لو حسبنا الوقت الي بقضيه في الطريق مقابل الوقت الي بقضيه في الانتضار في المستشفيات التابعه لحمد ولا الخاصة + فرق التشخيص الطبي
النتيجه بتكون ايجابيه

[نوفا91]

انتي خليج من الزحمه ، حتى الانسانيه انعدمت فيهم ، وحده حامل وريلها مكسوره وتبكي تخيلي اكثر من ساعه تتألم حتى ماتقدر تقعد ومطنشينها تكلمهم يقولون انطري دورج ، وكل ماروح له زززحمه .

واللي صج يرفع الضغط بداية حملي رحت الطواري فالعيد وتميت ساعتين على مادخلت ولما دخلت وقلت حق الدكتور ، المفروض يخلي السستر تسوي تلفزيون وتشوفني ، قال لي بالشهر الثاني نسبه كبيره انه ينزل ، وماله داعي تسوين تلفزيون كل شي بيد الله اذا كاتب له يتم اولا !!

يعني ابهرني صراحه ادري انه بيد الله جايب شي جديد ، انا يايه اشوف وضع البيبي مب تعلمني عن الايمان بالقدر !!

:)

[qatar6]

طوارئ الولادة
يعني ما يمدي الكوبي ولا الخور

من المسؤول عن طوارئ الولادة

حصل تطور في طوارئ حمد والسد
اما مستشفى النساء فجاوا يكحلونها بالنظام الجديد عموها وذبحوها بعد

[Ţĥę őήę]

المفروض الشخص اللي رايح الطوارىء حالته صعبة ونحتاج تدخل طبي على وجهه السرعة
اما الواحد يضرب خط علشان الطوارىء فما صارت في اي بلد ان سكان العاصمة يضطرون يطلعون الى مدينة ثانية علشان يحصلون الخدمة الطبية

[راعي ال VXR]

اخبر لي جيران يقولون لي قصتهم عندهم مرة حامل بالشهر 9 يوم الجمعه بعد صلاة الفجر راحو فاجئهم بيطيريات مستشفى النساء والولاده بان الجنين متوفي اكثر من يومين
وقالو لها الحين ما نقدر نسوي لك شي روحي بيتج تعالي يوم الاحد علشان نعملك طلق صناعي ونعالجك...

[ام الحلوين]

ملفي ضايع له 3 شهور بمستشفى الولادة ولا احد لقاه يمكن لانه فيه خطأ طبي؟؟؟ الله واعلم ماحط بذمتي

[نوفا91]

اخبر لي جيران يقولون لي قصتهم عندهم مرة حامل بالشهر 9 يوم الجمعه بعد صلاة الفجر راحو فاجئهم بيطيريات مستشفى النساء والولاده بان الجنين متوفي اكثر من يومين
وقالو لها الحين ما نقدر نسوي لك شي روحي بيتج تعالي يوم الاحد علشان نعملك طلق صناعي ونعالجك...


متوووووفي وخلوها ترجع البيت ، فيه خطر على الام نفسها ، المفروض بنفس الوقت يولدونها !!!!

[المحاميه]

استغفرالله العلي العظيم

والله العظيم سوالفكم تخرع

الله يكافينا الشر


اما سالفة من المستفيد اممم يمكن الخاص

زين اذا هالطواري تعبان يااخوان شوفوا غيره

يعني تذمون المكان وتترددون عليه مايصير!!

[R 7 A L]

الدكاترة خايفين يكونون ( عنصرين ) مثل ماقرينا في موضوع الاخت ( المحامية )
فعلى شأن كذلك يمشون المرضى بالدور الي يدخل الاول هو الي يخلصونه قبل حتى لو الثاني بين الحياة والموت لازم يمشون بالدور والارقام
كلمة ( عنصري ) موب بسيطة !

[Riku3]

الي عنده طواري يروح الوكرة من اسبوع رحت هناك نص ساعه خلصنا كل شي .. واليوم الصبح كان عند الاهل موعد الساعه 9 .... وصلتها 8:15 وطلعت 8:40 دقيقة والامور طيبة حتى قبل الموعد مخلصه !ّ ..

مشكلة المكان تحس انك في بومبي او كراتشي مب الدوحة بس عدد المتابعين بسيط بالمقارنة مع الدوحة .

[qatar6]

زين اذا هالطواري تعبان يااخوان شوفوا غيره

يعني تذمون المكان وتترددون عليه مايصير!!

في طوارئ ولاده يخدم العاصمة غير هذا المستشفى
ملفاتنا ومراجعاتنا في حمد ما يصير في حالة الولادة نحول لمستشفيات ثانية

والقضية مب انا وانت ، القضية اكبر

هو المستشفى الحكومي الوحيد ومليارات تنصرف
قطر تبني وتعالج كثير من الدول المحتاجة وباب النجار مخلع

المسؤولين اول من يعالج خارج الدولة ، فما معنى هذا ؟

[المحاميه]

الدكاترة خايفين يكونون ( عنصرين ) مثل ماقرينا في موضوع الاخت ( المحامية )
فعلى شأن كذلك يمشون المرضى بالدور الي يدخل الاول هو الي يخلصونه قبل حتى لو الثاني بين الحياة والموت لازم يمشون بالدور والارقام
كلمة ( عنصري ) موب بسيطة !

غلطان
ال emergency وضعهم غير
يعني انا صافه طابور وبعدي وحده بين الحياه والموت اقولها لا ماتدخلين لان رقمي قبلج؟

وش ذا الهرج

[المحاميه]

في طوارئ ولاده يخدم العاصمة غير هذا المستشفى
ملفاتنا ومراجعاتنا في حمد ما يصير في حالة الولادة نحول لمستشفيات ثانية

والقضية مب انا وانت ، القضية اكبر

هو المستشفى الحكومي الوحيد ومليارات تنصرف
قطر تبني وتعالج كثير من الدول المحتاجة وباب النجار مخلع

المسؤولين اول من يعالج خارج الدولة ، فما معنى هذا ؟

مب شرط
ومب مقياس ان هالمسؤول تعالج برا خلاص علاجنا شين

عندك الاهلي
مستشفى الخور
الدوحه
العمادي

اذا الحاله مستعجله تقدر تروح وتشرح الحاله كلها 5 دقايق

واذا مستشفى حمد مش اوكي كان نقلتوا اوراقكم من البدايه ف مستشفى ثاني او راجعتوا مكان ثاني

[حسن]

الصراحه
مااقدر افيدك في الموضوع الاخوات العضوات هم ادري واللي مر بالتجربه

[نوفا91]

مب شرط
ومب مقياس ان هالمسؤول تعالج برا خلاص علاجنا شين

عندك الاهلي
مستشفى الخور
الدوحه
العمادي

اذا الحاله مستعجله تقدر تروح وتشرح الحاله كلها 5 دقايق

واذا مستشفى حمد مش اوكي كان نقلتوا اوراقكم من البدايه ف مستشفى ثاني او راجعتوا مكان ثاني

المحاميه انا طووول فترة الحمل كنت اراجع فالاهلي الشي الزين ماانتظر وايد ومب زحمه لكن الدكتوره اللي كنت اراجع عندها من بدايه حملي لين السادس يا موعدي ، تقولي شنو المشكله اقولها موعد حمل !!! وملفي عندها كانت تشوفه وماتسأل عن اي شي ، حمد اضطريت اروح له فالثامن عشان الولاده على قولتهم ان حمد خبره ، وانا اشوف كلهم نفس الشي واحنا اللي طحنا فيها ،

[بشائر]

الله المستعان !
هالمستشفى يبيله نفضة عن بكرة أبيه ..

[المحقق كونان]

المسؤوول وزير الصحة

[الجـــوديّ]

الدكاترة خايفين يكونون ( عنصرين ) مثل ماقرينا في موضوع الاخت ( المحامية )
فعلى شأن كذلك يمشون المرضى بالدور الي يدخل الاول هو الي يخلصونه قبل حتى لو الثاني بين الحياة والموت لازم يمشون بالدور والارقام
كلمة ( عنصري ) موب بسيطة !

بالذات اللي في طواريء الولادة أغلبهم بين حياة و موت
مايصير يتركون اللي جاية قبل ويتابعون اللي بعدها !

مع ان -للعلم- فيه ممرضة كبيرة تدخل عليها المريضة أول ما توصل المريضة
وتسالها عن شكواها وتاخذ القياسات اللازمة وهي تقدر اولوية دخولها من بين كل الحالات الموجودة

مشكلة المسشتفى يبي له حجم أكبر وأوسع لأن الحالات زادت .. وتعداد السكان زاد


وترا بعد عندنا احنا مشكلة يالمرضى وأهالي المرضى ..

على بالنا ان الدكتور رب شافي معافي .. استغفر الله العظيم
ترا آخرته دكتور.. انسان ... له طاقة تحمل .. وله ان يتفاعل مع الحالات اللي اتجيه بعضها يروع ويدوده ..
وبعضها محير ومش معروف ... واحنا نبيه يفهم في كل شي ويعرف كل شي
وللأسف فيه ناس اتعدى على الدكاترة بالسب والهواش والضرب وكأنه خادم .. ما كأنه دكتور!
من جذيه .. صار قسم الطواريئ مشددين .. أي حالة تعدي راح تنطرد الحالة ..
وبصرهم عاد يشلون مريضتهم ويتحملون حالتها وعلاجها .

[النهار]

كل شيء بيتعدل بس السالفه سالفة وقت :nice:

صدقت ياحمد الصبر ياعالم ترى مستشفى النساء والولاده قريب بيجهز وتحسون بالفرق في الخدمات المقدمه

[نوفا91]

^ سنين وسنييين وانا صابر

:)

[النهار]

^ سنين وسنييين وانا صابر

:)

المستشفى جاهز قريبا الافتتاح ومستشفى النساء والولاده الحالي يظم لمستشفى حمد العام

[حمد 2002]

صدقت ياحمد الصبر ياعالم ترى مستشفى النساء والولاده قريب بيجهز وتحسون بالفرق في الخدمات المقدمه

صحيح ولي مووضوع بطرحه بخصوص هالأمر بالقريب العاجل ان شاء الله