سييراGMC او رام Dodge او شفر سلفرادو ؟!

[دايموند]

السلام عليكم

ايهم افضل من حيث السعر
توافر قطع الغيار
رخص قطع الغيار
صرفيه البترول
المميزات والترفيه


سييراGMC

او رام Dodge

او شفر سلفرادو

او فورد

وشنهي عيب وميزه كل وحده منهم؟

ابحث عن سياره مستعمله من 2013 الى 2014 بابين...

[hamadazoz]

سييراgmc او شفر سلفرادو

[دايموند]

ليش ؟ماذكرت لي السبب؟

[((ولدالدوحة))]

اخوي انا حطيت موضوع قبلك و توصلت انه
إذا بتبيع خذ لك جمس لانه مطلوب اكثر
اما الدوج احلى من داخل من ناحيه الترفيه والقوه والريافه
توافر القطع والله ماعندي اي خلفيه

[sos 12]

وعليكم السلام ورحمه الله وبركاته

الافضل من ناحيه البيع الجمس ( انا اتكلم علي موديل 2013) لان 2014 الشكل تغير
السيرا والسلفرادو قطع الغيار متوفره اكثر من مكان ... وبالنسبه للدودج متوفره قطع الغيار بس لازم اتروح الوكاله
سعر قطع الغيار تقريبا متقاربين
صرف البترول تقريبا نفس الشي
من ناحيه الاوبشن بلا منازع الدودج
من عيوب السييرا والسلفرادو: وعر لان من ورا ريش وقدام طيات ... لفه كبيره بحيث يضايقك عند لفه الاشاره لازم تضرب رصيف ... يقرقع بسرعه... المكينه ضعيفه315 حصان والجديد 355 حصان لازم تركب خفايف علي اساس يكون نشيط ... بالنسبه لل 2014 الشكل الجديد عدلو سستم الجامبيلات صار اريف اشوي والمكينه زادوها 40 حصان ... بس بعد ثقيل في القومه
عيوب الدودج والفورد: سابقا ماله سوق عندنا بس بديت احس انتشاره من 2012 واشوف الناس قامت تنظر له... الوكاله تعيسه جدا خاصه الفورد ... الدودج ارحم اشوي... الاكسسوارات غير متوفره في الخليج .
من حكم تجربتي :الدودج اريفهم ... لان اتجيك 4 طيات ... ومن ناحيه القوه 395حصان وكاله ..وعجبني الشكل من الداخل والخارج
الفورد : سواقه الفورد حلوه ... بس ماعجبني حجمه ... وضعف المكينه 360 حصان.. اريف من السيرا والسلفرادو.
السيرا والسلفرادو: مميزاتهم ... سهوله التضبيط من ناحيه الاكسسوارات والتزويد ... بتحصل ناس واجد يبرمجون الكمبيوتر ... معظم الكراجات يعرفون يشتغلون عليه.

[دايموند]

اخوي انا حطيت موضوع قبلك و توصلت انه
إذا بتبيع خذ لك جمس لانه مطلوب اكثر
اما الدوج احلى من داخل من ناحيه الترفيه والقوه والريافه
توافر القطع والله ماعندي اي خلفيه

اسمح لي والله اخوي مانتبهت مالي بسوالف السيايير

سمعت الدودج قطع غياره مانحصله الا عند الوكيل

مادري اشرايك بالفورد؟

انا ابي سياره حق ريلي
وهو تقدر تقول راعي مسافات طويله وراعي بر وعزب
ابي سياره تصلح له وتصلح للعائله وتكون عمليه
وقطع غيارها رخيص ومتوفر

[دايموند]

وعليكم السلام ورحمه الله وبركاته

الافضل من ناحيه البيع الجمس ( انا اتكلم علي موديل 2013) لان 2014 الشكل تغير
السيرا والسلفرادو قطع الغيار متوفره اكثر من مكان ... وبالنسبه للدودج متوفره قطع الغيار بس لازم اتروح الوكاله
سعر قطع الغيار تقريبا متقاربين
صرف البترول تقريبا نفس الشي
من ناحيه الاوبشن بلا منازع الدودج
من عيوب السييرا والسلفرادو: وعر لان من ورا ريش وقدام طيات ... لفه كبيره بحيث يضايقك عند لفه الاشاره لازم تضرب رصيف ... يقرقع بسرعه... المكينه ضعيفه315 حصان والجديد 355 حصان لازم تركب خفايف علي اساس يكون نشيط ... بالنسبه لل 2014 الشكل الجديد عدلو سستم الجامبيلات صار اريف اشوي والمكينه زادوها 40 حصان ... بس بعد ثقيل في القومه
عيوب الدودج والفورد: سابقا ماله سوق عندنا بس بديت احس انتشاره من 2012 واشوف الناس قامت تنظر له... الوكاله تعيسه جدا خاصه الفورد ... الدودج ارحم اشوي... الاكسسوارات غير متوفره في الخليج .
من حكم تجربتي :الدودج اريفهم ... لان اتجيك 4 طيات ... ومن ناحيه القوه 395حصان وكاله ..وعجبني الشكل من الداخل والخارج
الفورد : سواقه الفورد حلوه ... بس ماعجبني حجمه ... وضعف المكينه 360 حصان.. اريف من السيرا والسلفرادو.
السيرا والسلفرادو: مميزاتهم ... سهوله التضبيط من ناحيه الاكسسوارات والتزويد ... بتحصل ناس واجد يبرمجون الكمبيوتر ... معظم الكراجات يعرفون يشتغلون عليه.
هلا اخوي شكرا ع التفاعل

لا مايهمني البيع

انا ابي سياره بوبابين تكون عمليه وقويه وقطع غيارها متوفر ورخيص

شنو الفرق بين سلفرادو وسييرا من داخل ؟

وشنو تشوف احسن لواحد راعي بر ومسافات طويله و راعي عزبه وسياره للعائله بعدتصلح للمدن

اشوف الجمس منتشره بكثره
وبعدها شفر
وبعدها الدوج
والفورد نادر ماشوفه

بس الي فهمته من كلامكم ان الفورد والدودج احسن من الي ذكرتهم. بس قطع غيارها مب متوفر صح؟

واشلون اسعار قطع غيار الفورد مقارنه بالجمس؟

[((ولدالدوحة))]

اختي انا امس شريت لي دوج و ماشاء الله عليه سواقته حلوه
ويقدر يجربها في الوكاله لو يبي
وحتى الجمس والفورد يقدر يجربهم
وكاله الدوج والفورد جمب بعض صوب إشارات التيوتا والجمس رمادا
مرو عليهم وجربو المواتر ال 3 وبعدين تقدرون اتقررون عدل

[sos 12]

هلا اخوي شكرا ع التفاعل

لا مايهمني البيع

انا ابي سياره بوبابين تكون عمليه وقويه وقطع غيارها متوفر ورخيص

شنو الفرق بين سلفرادو وسييرا من داخل ؟

وشنو تشوف احسن لواحد راعي بر ومسافات طويله و راعي عزبه وسياره للعائله بعدتصلح للمدن

اشوف الجمس منتشره بكثره
وبعدها شفر
وبعدها الدوج
والفورد نادر ماشوفه

بس الي فهمته من كلامكم ان الفورد والدودج احسن من الي ذكرتهم. بس قطع غيارها مب متوفر صح؟

واشلون اسعار قطع غيار الفورد مقارنه بالجمس؟

مافي فرق تقريبا من الداخل .. يمكن يكون طفيف جدا ... لانهم من نفس المصنع.
السييرا والسلفرادو ... حق تحميل وقلص وعمل شاق ... وكاله ال gm صنعتهم علي هذا الاساس لانه (بيك اب) ... وتجاهلت موضوع الراحه والرفاهيه.
الدودج ... صنعوا السياره علي اساس بيك اب خفيف ... يعني مايصلح للعمل الشاق بحكم السبرنقات ... علي هذا الاساس يصلح حق عوائل وروحات العزب والاستخدام داخل المدينه.
الفورد .. تقريبا نفس الدودج وبعد يصلح للمهمات الشاقه .. بس مب نفس الجمس والشفر.
بالنسبه للسفر ... ماانصح السفر بسيارات البيك اب .. لانها مهما كان بيك اب مش مريحه نفس السيارات العاديه.
بالنسبه لقطع غيار الفورد والدودج .. فهي متوفره بدون مشاكل ... بس لازم مشوار الصناعيه ... من كم شهر افتحو في محطه الاند مارك صيانه سريعه وقاعدين يطورون بس يبيلهم واجد لين يوصلون مواصيل المناعي (الجمس)

[دايموند]

ولد الدوحه شكرا لمداخلتك


sos 12

شكرا ع الشرح الوافي

بسالك قطع غيار الفورد اشلون؟
هل غاليه والا نفس الجمس؟

وانت تقول ان القطع متوفره بالصناعيه قصدك الوكاله؟ والا الاقيها بمحلات ثانيه؟

شكرا لك

محتاره بين الفورد والجمس

[اللوز]

اذا موتر عائلة
انصحج بالسييرا الجمس
وذلك لان عندهم خدمة الصيانة وانتي في البيت بس اهم شي تختارين بالترتيب الالوان الفاتحة
1- اللؤلؤي وليس الابيض لان الابيض اخر لون في الجمس مرغوب
1- احمر
2- اسود
3- فضي
4- رمادي
وابتعدي كل البعد عن بقية الالوان لان وقت البيع الالوان الاحرى غير مرغوبة
واهم شي يكون الموتر دبل
بعدين بيجيب لج سعر
بعكس الشفر من ناحية الصيانة

وركزي على المواصفات واكتبي المواصفات بلالتفصيل على ورقة علشان اتقارنين الانسب لكم

[sos 12]

ولد الدوحه شكرا لمداخلتك


sos 12

شكرا ع الشرح الوافي

بسالك قطع غيار الفورد اشلون؟
هل غاليه والا نفس الجمس؟

وانت تقول ان القطع متوفره بالصناعيه قصدك الوكاله؟ والا الاقيها بمحلات ثانيه؟

شكرا لك

محتاره بين الفورد والجمس

سعر قطع الغيار الاستهلاكيه للفورد مقاربه للجمس ... مثل السفايف والايل ... الخ بس بعض قطع الغيار الي تنطلب عن طريق الامارات تكون غاليه ... طبعا هذا من الوكيل التعبان.
نعم الي اقصده الوكاله ... بس من سنه افتحو في الاند مارك ... يعني عندك مكانين الصناعيه والاند مارك... وبعد الفورد والدودج عندهم خدمه الصيانه في البيت ب 100 ريال + السيرفس
ملاحظه: اذا لك خاطر في الفورد ... يستحسن تنتظر الشكل الجديد مع المكينه الجديده .. ممكن تتصل في الشركه وتتاكد.

[gprs]

الفورد الرابتر ممتاز

[ضاحي]

عندي فورد 150أف للبيع اذا لك رغبه ارسلي رقمك
السياره نظيفه جدأ ماشيه 9 الف كيلو م2013

[aloosh]

شوف انا تخصصي مكانيكا فا بتكلم عن المحرك والقير بوكس

الدوج من ناحيه المكينه والقير بوكس هو الافضل من ناحيه القوه والاداء وتحمل

الجي ام سي والشفر لا فرق بينهم فهم نفس المستوى والمحركات ليست ذاك الاداء الجبار مثل الدوج والقير بوكس لو صادفتك مشكله فيه راح يغلبك في المستقبل

[Shamiyeh]

ممكن تدخلي هالاكاونت بساعدونك

www.instagram.com/alwakalat

[PGR]

دودج رام الافضل فالسواقة والمواصفات والراحة

[حليتان*]

تونا ماخذين فورد حق العنه الي عجبنا سعره اصفار 130 تقريبا وما تحط فيه غير بترول لين 60 الف كيلو