سعودي يطلق زوجته بعد قبولها في الإبتعاث

[طير حوران]

سعودي يطلق زوجته بعد قبولها في الإبتعاث

--------------------------------------------------------------------------------

قاسم الزرعي – جازان

تسبب قبول أحدى الفتيات السعوديات في جازان بطلاقها بعد أن علم زوجها بحصولها على البعثة للدراسة في الخارج.

وقام زوجها من إحدى القرى بجازان بطلاق زوجته والزواج بأخرى بعد أن علم أنها حصلت على بعثة خارجية، فيما حاول أهالي الزوجة والزوج إعادة الأمور إلى مجاريها، لكن عناد الزوجة وإصرار الزوج أدى إلى فراقهما رغم إنجاب طفل.

[بومحمد المطاوعه]

بعيد الشر
والحمدلله والشكر لك يارب على نعمه العقل



لاحول ولاقوه الابالله

[شبح الصمت]

لا حول ولا قوة الا بالله

كان سافر معاها في بعثتها امبادل ما يطلقها ويستعجل


بس شكله ما صدق يبي الفكه

[توشيبا]

ماقول الا مسكين هالطفل

والله يعينه علي ذا الابو وذي الام

^ اهم شي ذا و ذي

[Super Cool]

حصلت على بعثة...يعني ما بعد قبلتها ههههههههههه

[وليف الشوق]

للحين اشوف عقول متحجره للاسف الشديد واذا سافرت وارتقت لمستوى افضل من التعليم خاصه في مجال عملها حيث تعود الفائده للزوجه وعائلتها بمناصب كبيرة بامر الله وتحسين الدخل اللذي يعود بالفائده على الزوج والتخفيف من الزاماته الاسريه

اطلبوا العلم ولو في الصين ..

[العنيده]

زين ليش ماراح معاها .. على طول طلاق
والزوجه مصممه زين اجلت الله يهداها لين يوافق

والطفل :rolleyes2: ماحطوه في الحسبان ؟؟

لا حول ولا قوة الا بالله ..

[qtr qtr]

اذا كان الزوج ماعنده استطاعه يروح معاها محرم وهي معانده تبي تروح بروحها غصب عنه فهاذي تستحق الطلاق .. لانها عصت اوامر زوجها وثانيا بتروح بروحها من غير محرم وهذا مايجووز .

وثانيا يمكن الرجال ميسور الحال ومايبي زوجته تبتعث فالخارج ويمكن حذرها كذا مره ولكن خالفة اوامره وطاعته كزوج .. فاهذي تستحق الطلاق .
لان الشيطان راكب راسها الا تسوي اللي تبيه .

[Right]

ما فيه حيله ، طلق من جهة ، ومن جهة أخرى تزوج


أتوقع فيه حيثيات وأمور أخرى لم تذكر بالخبر أدت لهذا

[Rider]

هذا الي ماخذينه من الحريم

[shadad]

اشوف العالم بدت تقط على الزوج...افرض انت وياه متوهق ..عليه سلفيات ..التزامات ..وبعدين يخليها تروح لجامعه خلط ملط بين الاجانب وهو قاعد بالبيت هناك مثل الخروف برا يربي الياهل .؟؟؟؟ والله حاله. ولو سمع كلامها بيكون ضعيف الشخصيه.

لو تبي كانت تدرس بوسط اهلها. الا اذا تدرس اختصاص مفاعلات نوويه والاختصاص مب موجود يابلفيت ذيك الساعه شي ثاني. زين سوى وهي لو كان الزوج وابنها هامها كانت عقلت. بس وين... بتروح وبتسافر وبتحذف ولدها طبعا والا على بالكم بتاخذه معاها؟

[Dana’1]

الواضح إن فيه فارق كبير بينهم بالفكر والمستوى العلمي اذا صح فالأ حسن للأثنين الإنفصال

بالتوفيق للجميع

[qtr qtr]

الواضح إن فيه فارق كبير بينهم بالفكر والمستوى العلمي اذا صح فالأ حسن للأثنين الإنفصال

بالتوفيق للجميع

مالها علاقه باللي قلتيه بالحياة الزوجيه .. ياما رجال مستواهم العلمي والثقافي متدني وحريمهم مستواهم العلمي والثقافي عالي ولك حياتهم الزوجيه من احسن مايكون .

فنظريتج خاطئه مع احترامي لج

[Mohammed2]

دام ما تطيع زوجها وزوجها مب راضي وهي مصممه فيطلقها احسن
لانها بنت ماتصلح تكون زوجه دام هي تعاند الرجال، عناد المرأه لزوجها حرام اولاً وغير مقبول في عاداتنا نهائيا

[المرحب]

لا حول ولا قوة الا بالله

[غايه الطواش]

شر وغدا

[الحياة الخالدة]

مادري هي أصلاً شاورته قبل لا تقدم على البعثة و الا لأ
إذا كانت مقدمة على البعثة بعلمـــــه و رضاه .. يبقى ماله حق يعترض .. لأنه أكيد كان حاط في باله إنها ممكن تحصل الموافقة .. و مرتب أموره معاها شلون بيتصرفون

أما إذا كانت مقدمه عليها من وراه .. فهي غلطانة مية بالمية .. و تتحمل نتيجـــــة كل اللي صار

[عنيــــد]

خسرت زوجها و كسبت عصيانها لزوجها و كسبت شهادتها من جامعه مختلطه ..

عشنا و شفنا

[Dana’1]

مالها علاقه باللي قلتيه بالحياة الزوجيه .. ياما رجال مستواهم العلمي والثقافي متدني وحريمهم مستواهم العلمي والثقافي عالي ولك حياتهم الزوجيه من احسن مايكون .

فنظريتج خاطئه مع احترامي لج
احترم رايك
لكن انا ماذكرت المستوى العلمي بس قلت والفكري
الي تقول عنهم مو متعلمين ومستوى حريمهم أعلى علميا وحياتهم عسل ومتفاهمين عالأغلب يكون رجال فاهم فكره اوك لكن لظروف معينه ماكمل تعليمه

[دايموند]

مداه يطلقها ويتزوج عليها !!!!

[QATAR 77]

السعودية كل شئ يصير في يوم

[حسن]

كان سافر معاها ودرس هو هناك

الظاهر هذا صوب صفر 7


:)

[مشـــــاعر]

.


وإحنا شعلينا طلقها وإلا ذبحها ؟؟
يعني شالفايدة من الموضوع ؟؟

سعودي طلق زوجته / بتاني ذبح أمه / نيجيري نحر إخته ......... إلخ
شالمطلوووب منّا نسوي مثلاً ؟؟

مادري شهالمواضيع وشالفايدة منها ؟؟
خلاص هو متخلف وهي ماعندها سالفة وبعدين شنقول بعد ؟؟

[aloosh]

هو حر في زوجته ولا احد يقدر يلومه
يرضى او ريرفض القرار راجع له في الاول والاخير والمفروض محد يتدخل بينه وبين زوجته سوا اهل او غير اذا لم يضربها ضرب مبرح

[أخت الكل]

صار الزواج لعبة وينهدم بأدنا سبب

لو مافيه طفل كان مو مهم لكن بجود طفل ينحرم من الحياة الاسرية الطبيعية والله انه ظلم له

ليتها تتنازل عن طموحها وتعوضه بولدها

[Charisma]

اللي تعطي الدراسه أهميه وأولويه على الحياه الأسريه .. وبعدم موافقة الزوج.. تستاهل الطلاق .

[مضارب دوسري]

كفووووووووووووووو عليه

[Aaziz]

السلام عليكم

ماقريت الموضوع ولكن اتوقع ان العنوان الصحيح للموضوع هو:

سعودي يطلق زوجته بعد رفضها طلبه بالتخلي عن بعثه دراسية منحت لها في الخارج

[مضارب دوسري]

الزوجه السنعه ما تطلع عن راي زوجها

[نوفا91]

اللي تعطي الدراسه أهميه وأولويه على الحياه الأسريه .. وبعدم موافقة الزوج.. تستاهل الطلاق .


هالرد اختصاااار ويكفي عن كل الردود

[khalid525]

ما اعرف شنو تفاصيل حياتهم لكن اعتقد الاثنين غلطانين ،هو مفروض يساعدها وهي مفروض تقنعه ، بس طالما انها فضلت الطلاق فمعناتها هي مب حاسة بالامان معاه

[qatara]

عدل شغله مرة تعاند مافيها خير

زين فك نفسه منها من البدايه


لان الحقيقه بعضهن لاهمها اسره ولا ستر همها ذاتاتها كانها
بتعيش مخلده الف سنه وكان الله لم يكفل بها اب او زوج واهل

من الاخير همها دنياها

[همر]

#الجازاني_يمثلني :)

[مضارب دوسري]

#الجازاني_يمثلني :)



مي تووو

[Super Cool]

ياخي والله اضحك على هالأشكال هههههههه

هذا ما يستحق نسميه زوج....نسميه طفل كبير

لو دخل علي المجلس واحد عقله جذي والله

العظيم ما قلطته و بقول له روح اقعد مع الحريم

و هي مبين انها تستاهل رجال واللي عندها

أقصاه "ورع" فالله يكربها برجل إن شاء الله

[المحاميه]

خوش

لا فعلاً شاطر

شغله عدل

هذي عقلية الرجل

كدينا خير:)

[fooz55]

.


وإحنا شعلينا طلقها وإلا ذبحها ؟؟
يعني شالفايدة من الموضوع ؟؟

سعودي طلق زوجته / بتاني ذبح أمه / نيجيري نحر إخته ......... إلخ
شالمطلوووب منّا نسوي مثلاً ؟؟

مادري شهالمواضيع وشالفايدة منها ؟؟
خلاص هو متخلف وهي ماعندها سالفة وبعدين شنقول بعد ؟؟

:nice:

[زود الهموم]

ياخي والله اضحك على هالأشكال هههههههه

هذا ما يستحق نسميه زوج....نسميه طفل كبير

لو دخل علي المجلس واحد عقله جذي والله

العظيم ما قلطته و بقول له روح اقعد مع الحريم

و هي مبين انها تستاهل رجال واللي عندها

أقصاه "ورع" فالله يكربها برجل إن شاء الله

ورع لنه رفض ان زوجته تسافر بدون محرم ؟

[Super Cool]

ورع لنه رفض ان زوجته تسافر بدون محرم ؟

أقرا الخبر اخوي....الرجل طلقها لأنها "قُبلت" في برنامج بعثات يعني بس على القبول نفسه

لا وافقت ولا سافرت....يعني بالعربي طلقها على شي ما بعد صار مثل الياهل تقول له بكسر

لعبتك يعصب و يضربك ههههههههه مب ورع بعد هاي حركات الورعان...و بعدين أستاذي

كثير بنات عندنا يقدمون و بعد ما تجيهم الموافقة ما يروحون بس يستخدمون القبول هذا فالسي

في كمثال على العروض اللي جاتهم...انا واحد سويتها و نفعتني وايد...جبت ورقة ان عندي

بعثة من جهة معينة ورحت لجهة ثانية و قلت لهم ابي اتعين و ابي بعثة من عندكم...وافقوا

على طول لاني اثبتت اني مستحق...بالنسبة للبنات الاغلب اول شي يقدمون و بعدين يشوفون

اذا قدروا يدبرون مرافق أو حتى يطلعون بعثة حق اخوانهم من الديوان...بس ادور مرافق

وانا ما عندي قبول؟؟؟؟ بعظهم بكل بساطة تتعتذر عن السفر و تطلب تحويل البعثة الا محلية

بس تكون براتب...هذا افيد للزوج قبل الجميع

[سارا البدر]

ماعنده سالفه الحمدلله والشكر

اهل العقول في راحه

[بن جعران]

لو تلاحظون قبل 25 او 30 سنه
كانت الحياه الزوجيه تتمثل بان الرجل
هو صاحب الافضليه في المستوى العلمي والفكري
طبعاً من نواحي عديده
بس في السنوات الاخيره بحكم المستوى العلمي في البلد
طبعاً كل البنات دارسين والاغلب مستواهم جامعي واعلى
صار العكس المستوى الفكري والعلمي للمراه افضل للرجل ( البعض طبعاً باغلبيه )

ونشوف انه غالب على حياتهم الزوجيه المشاكل واختلاف الراي و(الغرور)
لدرجه الواحد صار يتحسف انه تزوج الفئه

[ضوى]

مادري هي أصلاً شاورته قبل لا تقدم على البعثة و الا لأ
إذا كانت مقدمة على البعثة بعلمـــــه و رضاه .. يبقى ماله حق يعترض .. لأنه أكيد كان حاط في باله إنها ممكن تحصل الموافقة .. و مرتب أموره معاها شلون بيتصرفون

أما إذا كانت مقدمه عليها من وراه .. فهي غلطانة مية بالمية .. و تتحمل نتيجـــــة كل اللي صار
اتفق تماما مع هذا الرد

[يمامـة]

وايد اشوف مبالغة من بعض الرجال لما يتعدون على تصرف الرجل
وخاصة ان الموضوع مكتوب فيه بعد تعنت الزوجة؟

بالذمة ليش تعنتت وهي محصلة قبول الابتعاث؟
هل تعنتت انها ما تسافر من غيره مثلا؟

ولا في الاساس الزوج رافض سفرها من الاساس والدراسة خارج المملكة..

عاد قلنا انكم مع المرأة بس ما اعتقد ولا رجال يقبل زوجته تترك البلاد وتسافر وتبتعث وهو رافض
فالرفض من حق الزوج ولا حد مننا يقدر يسلبه هالحق .. ودام انها اختارت الابتعاث فمن حقه يطلقها..


اما انه طفل ولا جريوي لانها ما طاوعها وراح معاها في الابتعاث هذي امور تصيربالتراضي
ودامه مب راضي،، فتصرفه صحيح...

[همر]

^^^


انه المتملق نصير المرأه يا سيدتي ...

[عنيــــد]

^^^

مثل هالرجال لا يمثلوني

[الحاقول]

طلقها حتى لا تكون افضل منه في المستقبل

[حفيد الأنصار]

بصراحه احس صورة الموضوع غير مكتمله
كيف يعني طلقها علشان جاتها موافقة بعثة .؛ بالمنطق ماتجي !!
ع العموم الله يسهل أمورهم جميعا ويكتب لهم اللي فيه الخير


# الأعضاء اللي يتهمون الرجل .؛
ياخي ترى مو كل الرجال موافقين على دراسة اهلهم برا بجامعات مختلطة
اذا هالشي تشوفه عادي غيرك يشوفه مش عادي
وبالأول والأخير الكلمة للرجل مع كامل الاحترام للمراءة

[الجـــوديّ]

طلقها حتى لا تكون افضل منه في المستقبل


وشهد شاهد من أهله :victory: <<< نحتسبها حالة عامة

ولعلها أخفقت في الاختبار .... وعصته ... فكان جزاها منه الطلاق


الله يصلح حالهم

[qatara]

طلقها حتى لا تكون افضل منه في المستقبل

لو تاخذ كل شهادات الدنيا لن تكون افضل منه


وَلَهُنَّ مِثْلُ الَّذِي عَلَيْهِنَّ بِالْمَعْرُوفِ وَلِلرِّجَالِ عَلَيْهِنَّ دَرَجَةٌ وَاللَّهُ عَزِيزٌ حَكِيمٌ (البقرة 228).

[بوحارب]

وايد اشوف مبالغة من بعض الرجال لما يتعدون على تصرف الرجل
وخاصة ان الموضوع مكتوب فيه بعد تعنت الزوجة؟

بالذمة ليش تعنتت وهي محصلة قبول الابتعاث؟
هل تعنتت انها ما تسافر من غيره مثلا؟

ولا في الاساس الزوج رافض سفرها من الاساس والدراسة خارج المملكة..

عاد قلنا انكم مع المرأة بس ما اعتقد ولا رجال يقبل زوجته تترك البلاد وتسافر وتبتعث وهو رافض
فالرفض من حق الزوج ولا حد مننا يقدر يسلبه هالحق .. ودام انها اختارت الابتعاث فمن حقه يطلقها..


اما انه طفل ولا جريوي لانها ما طاوعها وراح معاها في الابتعاث هذي امور تصيربالتراضي
ودامه مب راضي،، فتصرفه صحيح...

خالتي سعوفه

هالنوعية نسميها الخداي او الخدية

ماعنده كلمه رجل والمرة هي اللي توديه وتجيبة

وشوفت عينج في ردود المنتدى تلاقي نصير المرأة ناقز في كل موضوع

مادري هو يحسبها رجولة او شطارة او نوع من انواع الخرفنه >~<

المهم مثل ما قال عنيد هذا لا يمثلني :)

[عنيــــد]

خالتي سعوفه

هالنوعية نسميها الخداي او الخدية

ماعنده كلمه رجل والمرة هي اللي توديه وتجيبة

وشوفت عينج في ردود المنتدى تلاقي نصير المرأة ناقز في كل موضوع

مادري هو يحسبها رجولة او شطارة او نوع من انواع الخرفنه >~<

المهم مثل ما قال عنيد هذا لا يمثلني :)

يابو حارب في هالوقت المقاييس تبدلت ،،

و بصراحه اكثر ودك ( بعض الناس ) يسلم الخيط و المخيط لزوجته يمكن دبرتها احسن من دبرته ..

ابي اعرف بس لو قال الزوج لزوجته اقعدي في البيت ماله داعي الشغل و انا اتكفل بمصاريفج و مصاريف البيت .. وش بيكون موقف نصير المرأة ؟؟

ههههههه عجب عجب

[بوحارب]

ههههههههه والله انك صادق يمكن دبرتها أحسن


الله لا يبلانا

[رجل مثالي]

صعب الحصول على أحد من أخوان
الزوجة للذهاب معها كمحرم لان
كل واحد عنده ألتزامات

[Dmy Enabi]

ومازالت أخبار المجتمع السعودي مادة دسمة وتلقى الرواج عندنا

[يمامـة]

ومازالت أخبار المجتمع السعودي مادة دسمة وتلقى الرواج عندنا

الاكشن كله عندهم...............> يا حليلهم :shy:

[يمامـة]

^^^


انه المتملق نصير المرأه يا سيدتي ...



تبا ليست لهذه الدرجة يا اخ العرب ...




خالتي سعوفه

هالنوعية نسميها الخداي او الخدية

ماعنده كلمه رجل والمرة هي اللي توديه وتجيبة

وشوفت عينج في ردود المنتدى تلاقي نصير المرأة ناقز في كل موضوع

مادري هو يحسبها رجولة او شطارة او نوع من انواع الخرفنه >~<

المهم مثل ما قال عنيد هذا لا يمثلني :)

اشدراني يا بوحروب...

الحين الاخت تبي تبتعث و زوجها رافض سواء كانت قطرية ولا هندية ولا سعودية
والشرع اعط] الرجل حق القوامة والمشورة والموافقة للزوج..

فلمايقول لها مبموافق تسافرين سواء في وجود محرم معاها من اخ او عم او خال او اب
او من غير محرم او حتى رافض يسافر معاها......> كيف ياترى يصير الزوج هذا طفل؟

وبعدين يقولون لناالحريم متمردات وبايعات الزوج وما فياذانيهم الا صدى اصواتهم!!

ما هو على قولتك هالنوعية من الرجال اللي ما تكون لهم كلمات قوية في مثل هالمواقف
ينضربون على قفاهم في الاخر.. والزوجة تمشي رايها في كل شي ..

لذلك هيا نروح نصلي المغرب..

[حفيد الأنصار]

تبا ليست لهذه الدرجة يا اخ العرب ...



اشدراني يا بوحروب...

الحين الاخت تبي تبتعث و زوجها رافض سواء كانت قطرية ولا هندية ولا سعودية
والشرع اعط] الرجل حق القوامة والمشورة والموافقة للزوج..

فلمايقول لها مبموافق تسافرين سواء في وجود محرم معاها من اخ او عم او خال او اب
او من غير محرم او حتى رافض يسافر معاها......> كيف ياترى يصير الزوج هذا طفل؟

وبعدين يقولون لناالحريم متمردات وبايعات الزوج وما فياذانيهم الا صدى اصواتهم!!

ما هو على قولتك هالنوعية من الرجال اللي ما تكون لهم كلمات قوية في مثل هالمواقف
ينضربون على قفاهم في الاخر.. والزوجة تمشي رايها في كل شي ..

لذلك هيا نروح نصلي المغرب..




والله انك صادقة :victory:

الدنيا صارت معكوسه
الله يكفينا الشر بس