اقتراح بتغيير مواعيد الدوام الرسمي

[مضارب دوسري]

السلام عليكم ورحمة الله وبركاته


في ظل
1-الزحام اليومي
2-عدم قدرة ولي الامر والام العامله على اخذ الوقت الكافي لتربية ابناءهم

وما يسببه ذلك من عوامل نفسيه ربما تؤثر على الانتاجية فالعمل

اقترح ان تكون فترة الدوام في الوزارات والمؤسسات الحكومية 12 ساعه
على ان يكون ثلاث ايام في الاسبوع
حيث يتم تقسيم الموظفين الى قسمين
قسم يداوم السبت والاثنين والاربعاء
وقسم يداوم الاحد والثلاثاء والخميس
على ان يكون الموعد الجديد من 6 صباحا الى 6 مساءا

هل انت مؤيد للاقتراح ؟
وما هي سلبياته وايجابيته من وجهة نظرك الشخصيه ؟
هل ترى انه سيزيد من انتاجية الموظف؟

وشكرا
وارجو المشاركه في الاستطلاع بابداء رايكم؟

[ودي أكون]

12 سااعه .. للشخص

والا 6 ساعات للشخص

مع العلم ان الفكرة غير ناجحه ابداً..

حسبت ساعات التاخير .. والاستأذان .. والسوالف والريوق والغدى و و .. الخ
كم ساعه راح تكون للعمل ..!

الحل تقليل ساعات العمل للمرأه العامله حتى الساعه 12 يومياً للمتزوجه.. والعازبه دوام عادي وتاخذ اوفر تايم ..

وجهة نظر والله اعلم

[المحاميه]

بل ليكون12 ساعه فاليوم قصدك

[مضارب دوسري]

بل ليكون12 ساعه فاليوم قصدك

اي 12 ساعه مقابل دوام 3 ايام فالاسبوع
و 4 ايام اوف !

[مضارب دوسري]

12 سااعه .. للشخص

والا 6 ساعات للشخص

مع العلم ان الفكرة غير ناجحه ابداً..

حسبت ساعات التاخير .. والاستأذان .. والسوالف والريوق والغدى و و .. الخ
كم ساعه راح تكون للعمل ..!

الحل تقليل ساعات العمل للمرأه العامله حتى الساعه 12 يومياً للمتزوجه.. والعازبه دوام عادي وتاخذ اوفر تايم ..

وجهة نظر والله اعلم

مرحبا اختي
وحهة نظرج مرحب فيها
ولكن الطلعات والتاخير هذا يعتبر تقصير من الموظف نفسه

[aloosh]

لن ينجح لانه سوف تكون الدوله الوحيده في العالم بأسره بهذا النظام

[ودي أكون]

مرحبا اختي
وحهة نظرج مرحب فيها
ولكن الطلعات والتاخير هذا يعتبر تقصير من الموظف نفسه

ساعات تكون حاجه ..

12 ساعه عمل .. 12 ساعه عالكرسي.. 12 ساعه يعني من ظ§ الصبح لين 7 فليل .. مع زحمة الخروج صارت 8 .. بتجي الام تتعشى وتنام .. هاليوم ضاااع بدون ما تشوف الام اعيالها ودرسهم وايام الامتحانات اتابعهم ..!

اخوي من صجك :rolleyes2:

[المحاميه]

لا مستحيل الحين 7 ساعات واحس اني منتقله للرحمه من التعب واتمنى جد جد يقللون ساعات الدوام

شتبي يصير فيني 12 ساعه لا والف لا

[مضارب دوسري]

لا مستحيل الحين 7 ساعات واحس اني منتقله للرحمه من التعب واتمنى جد جد يقللون ساعات الدوام

شتبي يصير فيني 12 ساعه لا والف لا

12 ساعه ثلاث ايام فالاسبوع
مقابل راحه 4 ايام
ف يوم الاجازه الاب والان يلقون يوم كامل للجلوس مع ابناءهم
فالمقابل حاليا
يخلص الدوام 2
يوصلون البيت 3
يصلون العصر
يتغدون
يرقدون لين 5 مثلا

يعتبر خلص اليوم
اما انه يكون بعد الظوام المقترح الموظف امامه 36 ساعه راحه

[حسن]

الصراحه انا اؤيد الغاء السبت اجازه ويرجعونه مثل الاول ونفتك
والخروج 12ونص اليوم له طعم اخر
اما الحين الكل متعذب والحياه بدون طعم لاالغدا له طعم ولا اليوم فيه بركه ولا الاسبوع بعد

يمر عليك هوا

انا اتمنى عوده الحياه مثل الاول

[مضارب دوسري]

لن ينجح لانه سوف تكون الدوله الوحيده في العالم بأسره بهذا النظام

مب شرط الفشل والنجاح يكون مربوط بان نكون اول دوله فالعالم تطبقه او لا

[مضارب دوسري]

الصراحه انا اؤيد الغاء السبت اجازه ويرجعونه مثل الاول ونفتك
والخروج 12ونص اليوم له طعم اخر
اما الحين الكل متعذب والحياه بدون طعم لاالغدا له طعم ولا اليوم فيه بركه ولا الاسبوع بعد

يمر عليك هوا

انا اتمنى عوده الحياه مثل الاول

مع الاقتراح
الموظفين بيكونون قسمين
قسم جمعه وسبت اجازه
وقسم
خميس وجمعه اجازه

[Charisma]

وعليكم السلام ورحمه الله وبركاته

مرحبا اخوي الدوسري ..



هل انت مؤيد للاقتراح ؟

لا


وما هي سلبياته وايجابيته من وجهة نظرك الشخصيه ؟

السلبيات والأسباب :




الأرهاق والتعب في العمل لمده 12 ساعه .

الحد الأقصى للعمل في القانون هو ثمان ساعات يوميا ( لست متأكد ) .

احتياج بعض المؤسسات والجهات لبعض الموظفين وبشكل يومي كونهم متفردين بنوعيه عمل معين ولا يوجد من ينوب عنهم .




الايجابيات :



التقليل من مشكلة الزحام مثل ماتفضلت. ولاشيء آخر.






هل ترى انه سيزيد من انتاجية الموظف؟
بكل اختصار .. لا

ارهاق وتعب وقلة في الانتاجيه وتخبط في العمل وصعوبة في ادارة مثل هالنظام .. الاقتراح من وجهه نظري غير قابل للتطبيق ( بشكل عام ) .. ممكن في بعض الادارات او الاقسام .. لكن ماعتقد بيلقى قبول .

[حسن]

مع الاقتراح
الموظفين بيكونون قسمين
قسم جمعه وسبت اجازه
وقسم
خميس وجمعه اجازه

يامضارب انت مع العلم اني صوت بنعم ومش مقتنع وتفاجات بالنسبه الكبيره اللي مش موافقين
يعني رضينا بالهم والهم مارضى بنا

انا قلتها يرجعون الدوام مثل الاول ابرك تحس بان الحياه لها طعم ولون
اما الحين يادافع البلا الناس بتتذابح من العصبيه
والله لو اني صاحب قرار لرجع السبت دوام والطلعه من 12 بعد وش تبون
وش استفدنا من الاجازه غير الصرف الزايد واللي ماله معني والكسل والخمول وراتفاع الضغط والسكر
والجلطات
الناس عايشه في قلق مع العلم الرواتب عاليه ولكن مهب كل شي الفلوس
الراحه النفسيه والحياه الاسريه زي زمان مهب الحين قطيعه بشكل فضيع
كل اجازه مسافرين العالم سارت الكشته سفره

العمر يمشي بسرعه مهب ملحقين ياشيخ على السنه
متى بنعدد هرمنا ياشيخ واحنا في عز الشباب

:(

[مضارب دوسري]

وعليكم السلام ورحمه الله وبركاته

مرحبا اخوي الدوسري ..




لا



السلبيات والأسباب :




الأرهاق والتعب في العمل لمده 12 ساعه .

الحد الأقصى للعمل في القانون هو ثمان ساعات يوميا ( لست متأكد ) .

احتياج بعض المؤسسات والجهات لبعض الموظفين وبشكل يومي كونهم متفردين بنوعيه عمل معين ولا يوجد من ينوب عنهم .




الايجابيات :



التقليل من مشكلة الزحام مثل ماتفضلت. ولاشيء آخر.






بكل اختصار .. لا

ارهاق وتعب وقلة في الانتاجيه وتخبط في العمل وصعوبة في ادارة مثل هالنظام .. الاقتراح من وجهه نظري غير قابل للتطبيق ( بشكل عام ) .. ممكن في بعض الادارات او الاقسام .. لكن ماعتقد بيلقى قبول .

شاكر لك مرورك
وابداء وجهة نظرك اخوي
في كل الامور هناك سلبيات وايجابيات
ف مثلا
الوضع الحالي من توتر وقلق وعدم ايجاد وقت كافي خلال اليوم
وزحام مروري لا يطاق صباحا وبعد الدوام هذا بحد ذاته يسبب ضغط نفسي للموظفين

[مضارب دوسري]

يامضارب انت مع العلم اني صوت بنعم ومش مقتنع وتفاجات بالنسبه الكبيره اللي مش موافقين
يعني رضينا بالهم والهم مارضى بنا

انا قلتها يرجعون الدوام مثل الاول ابرك تحس بان الحياه لها طعم ولون
اما الحين يادافع البلا الناس بتتذابح من العصبيه
والله لو اني صاحب قرار لرجع السبت دوام والطلعه من 12 بعد وش تبون
وش استفدنا من الاجازه غير الصرف الزايد واللي ماله معني والكسل والخمول وراتفاع الضغط والسكر
والجلطات
الناس عايشه في قلق مع العلم الرواتب عاليه ولكن مهب كل شي الفلوس
الراحه النفسيه والحياه الاسريه زي زمان مهب الحين قطيعه بشكل فضيع
كل اجازه مسافرين العالم سارت الكشته سفره

العمر يمشي بسرعه مهب ملحقين ياشيخ على السنه
متى بنعدد هرمنا ياشيخ واحنا في عز الشباب

:(

متى بتعدد هههههههههه ؟

[وليف الشوق]

انا توقعت تقول الوقت من الساعه 7 الصباح الى الساعه 1 الظهر واخر الاقتراح 12 ساعه ؟
وش هالحيل او الطاقه في جسم الانسان للعمل 12 ساعه ؟ حتى لو يومين او 3 ايام مااعتقد تجدي
انا دوامي 8 ساعات وشايف الويل والولايل ومااوصل البيت الا منهد حيلي

[Charisma]

شاكر لك مرورك
وابداء وجهة نظرك اخوي
في كل الامور هناك سلبيات وايجابيات
ف مثلا
الوضع الحالي من توتر وقلق وعدم ايجاد وقت كافي خلال اليوم
وزحام مروري لا يطاق صباحا وبعد الدوام هذا بحد ذاته يسبب ضغط نفسي للموظفين

العفو اخوي ..

وصدقت الوضع لايطاق .. لكن الحل مب في الاقتراح المذكور .. لان قانونيا غير قابل للتطبيق .. الحل الوحيد في خفض ساعات العمل والدراسه والاستعجال في مشاريع الطرق.

[مضارب دوسري]

العفو اخوي ..

وصدقت الوضع لايطاق .. لكن الحل مب في الاقتراح المذكور .. لان قانونيا غير قابل للتطبيق .. الحل الوحيد في خفض ساعات العمل والدراسه والاستعجال في مشاريع الطرق.

قابل للتطبيق باعتماد نظام اوفر تايم مثل شركات البترول

[النهار]

يامضارب انت مع العلم اني صوت بنعم ومش مقتنع وتفاجات بالنسبه الكبيره اللي مش موافقين
يعني رضينا بالهم والهم مارضى بنا

انا قلتها يرجعون الدوام مثل الاول ابرك تحس بان الحياه لها طعم ولون
اما الحين يادافع البلا الناس بتتذابح من العصبيه
والله لو اني صاحب قرار لرجع السبت دوام والطلعه من 12 بعد وش تبون
وش استفدنا من الاجازه غير الصرف الزايد واللي ماله معني والكسل والخمول وراتفاع الضغط والسكر
والجلطات
الناس عايشه في قلق مع العلم الرواتب عاليه ولكن مهب كل شي الفلوس
الراحه النفسيه والحياه الاسريه زي زمان مهب الحين قطيعه بشكل فضيع
كل اجازه مسافرين العالم سارت الكشته سفره

العمر يمشي بسرعه مهب ملحقين ياشيخ على السنه
متى بنعدد هرمنا ياشيخ واحنا في عز الشباب

:(

هههههههههههههههههههههه
انت بالذات حامض على بوزك وانا بعد معاك نفس الشي يمكن 2002 يسويها

[الجـــوديّ]

قليل دائم خير من كثير منقطع

يردونا على اجازة يوم الجمعة يسوون خير



مع ان رجل اعمال كبير ومن اثرياء العالم وصى بهالنظام 12 ساعة في 3 ايام !

[المحاميه]

الصراحه انا اؤيد الغاء السبت اجازه ويرجعونه مثل الاول ونفتك
والخروج 12ونص اليوم له طعم اخر
اما الحين الكل متعذب والحياه بدون طعم لاالغدا له طعم ولا اليوم فيه بركه ولا الاسبوع بعد

يمر عليك هوا

انا اتمنى عوده الحياه مثل الاول


ليش يبه ليش
كل العالم عندهم يومين
اذا ماتبي يوم السبت كيفك
داوم بروحك

خل يقللون ساعات الدوام وبس

[المحاميه]

يامضارب انت مع العلم اني صوت بنعم ومش مقتنع وتفاجات بالنسبه الكبيره اللي مش موافقين
يعني رضينا بالهم والهم مارضى بنا

انا قلتها يرجعون الدوام مثل الاول ابرك تحس بان الحياه لها طعم ولون
اما الحين يادافع البلا الناس بتتذابح من العصبيه
والله لو اني صاحب قرار لرجع السبت دوام والطلعه من 12 بعد وش تبون
وش استفدنا من الاجازه غير الصرف الزايد واللي ماله معني والكسل والخمول وراتفاع الضغط والسكر
والجلطات
الناس عايشه في قلق مع العلم الرواتب عاليه ولكن مهب كل شي الفلوس
الراحه النفسيه والحياه الاسريه زي زمان مهب الحين قطيعه بشكل فضيع
كل اجازه مسافرين العالم سارت الكشته سفره

العمر يمشي بسرعه مهب ملحقين ياشيخ على السنه
متى بنعدد هرمنا ياشيخ واحنا في عز الشباب

:(

عشان جذي انت مش صاحب قرار
:)

[حسن]

هههههههههههههههههههههه
انت بالذات حامض على بوزك وانا بعد معاك نفس الشي يمكن 2002 يسويها

ليش

:con2:

يالنهار انا صوت بنعم قبل لا اقرا الموضوع ويوم شفته خلاص مااقدر اغير
وشوف النسبه اللي معارضه للتغير رغم ان هناك اجازه 3 ايام
وبيكون في ها انتاجيه اكثر وزياده عدد افراد الاسره
الصراحه حلاته الطلعه بدري يكون عندك وقت على الاقل وحتى العيشه لها طعم
اما الحين كانا ناكل مكعبات وماتخذ الا اذن العصر شدعوه مايمدي
صارت حياتنا كانك مكينه تطحن متى بنرتاح شوي مع العيال وام العيال
ماتشوف عدد الاسره القطريه في تناقص رغم الفلوس والخدم بس القوه ماش
هبابه الواحد يشل عمره

الوضع في خطر بنننقرض من هل العمل
وياريت في انتاج بعد من عقب الصلاه العالم تلولي في الممرات والمباني
يااخي انا ادوام من 5 ماعندي مشكله لكن لا تاخرني بعد 12 ساعتنا البيولجيه
اعتفس نظامها

:(

[بصمة قطرية]

12 ساعة
يعني هالثلاث أيام ينسى حياته و ارتباطاته
سواء متزوج و أب أو أعزب
يعيش هالثلاث أيام بس للشغل ..!!
صعبة ..
الإنسان طاقة
و بعد الظهر خلاص انتاجيته تخف و توقف ..
يعني ما راح ينتج ..
دوام على الفاضي
بيكون مرهق و تعبان و نعسان ..

[المحاميه]

صوت بنعم قبل لاتقرا خوش

عندي رد حق ردك بس مش الحين
خل ردي باجر

:victory:

[نوفا91]

اي 12 ساعه مقابل دوام 3 ايام فالاسبوع
و 4 ايام اوف !


نفس نظام قطر غاز وراس غاز ،

[نوفا91]

ارفض

:)

[حسن]

12 ساعة
يعني هالثلاث أيام ينسى حياته و ارتباطاته
سواء متزوج و أب أو أعزب
يعيش هالثلاث أيام بس للشغل ..!!
صعبة ..
الإنسان طاقة
و بعد الظهر خلاص انتاجيته تخف و توقف ..
يعني ما راح ينتج ..
دوام على الفاضي
بيكون مرهق و تعبان و نعسان ..

ليش وايد شركات الدوام فيها 12 ساعه وفيه ساعات بريك
هي تعود بالنسبه لي عادي لاني مااقيل بس اللي يقيل بتروح عليه
خخخخخخ

انا اتوقع لوطبق بنشوف بتكثر المشاجرات بين الناس
يعني عادي تشوف 6 اكتوبر واقف والعالم ضرب ومضارب كانهم في حلبه مدسن سكوير قاردن مالت المصارعه

مضارب يبي العالم تتضارب

هاهاها

[مضارب دوسري]

نفس نظام قطر غاز وراس غاز ،

لا هذيلاك غير
يومين صبح
يومين ليل
4 ايام اجازه

[معماري قطري]

مب شرط الفشل والنجاح يكون مربوط بان نكون اول دوله فالعالم تطبقه او لا

لتصدق اننا بنكون أَول دولة تطبقه لأَن شركات كثيرة تطبق هالنظام وهيئات وأَتوقع حتى عندنا بعض الجهات تطبق شيء قريب منه .. بس فيه وقت غدا وفطور واستراحات.

بالنسبة لنا ولو بنركز على الخدمات وعلى بعض القطاعات اللي لازم تشتغل شفتين دوام أَو فترة الشغل تتركز في بعد الظهر مثلاً فالمفروض لهذي القطاعات حرية تعديل فترة دوامها حسب دراساتها وبدايته ونهايته ويفترض بحيث ما يزيد عن 6 ساعات للرجل و 5 للمرأَه.

عندك إِخوي قطاع كبير يسبب ربكة في المواصلات ويضايق المرور اللي هو قطاع الإِنشآءات وهذا المفروض يتم التركيز عليه خارج وقت الذروة وفي الغالب في فترة الليل من 9 إِلى 5 الفجر لبرودة الجو نسبياً وقلة الزحمة وإِمكانية تسكير جزء كبير من المواقع والطرق وفتحها قبل 5 طبعاً بتنسيق مع الأَمن والمرور

[نوفا91]

^ الفكره بالاجازه اقصد 4 ايام اخوي مضارب

[R 7 A L]

يصلح للي يشتغلون في راس لفان ودخان ومسيعيد


افضل طريقة دوام
دوام القمسيون الطبي
شفتين في اليوم من سبع لين وحدة ومن وحدة لين سبع في الليل وكل اسبوع يتغير دوام الموظف

[مضارب دوسري]

^ الفكره بالاجازه اقصد 4 ايام اخوي مضارب

اي اختي
الموظف يدام 3 ايام فالاسبوع
12 ساعه
و 4 ايام فالاسبوع اجازه

[بصمة قطرية]

ليش وايد شركات الدوام فيها 12 ساعه وفيه ساعات بريك
هي تعود بالنسبه لي عادي لاني مااقيل بس اللي يقيل بتروح عليه
خخخخخخ

انا اتوقع لوطبق بنشوف بتكثر المشاجرات بين الناس
يعني عادي تشوف 6 اكتوبر واقف والعالم ضرب ومضارب كانهم في حلبه مدسن سكوير قاردن مالت المصارعه

مضارب يبي العالم تتضارب

هاهاها

بس يا حسن القدرة الانتاجية ما راح تكون بنفس القدر
يعني في الساعات الأولى الإنتاجية 100%
قريب الطهر بتخف و يمكن توصل 50%
بعد ثمان و لا عشر ساعات كم بتوصل ..!!
الدوام الطويل مُرهق ..
إن لبدنك عليك حقا ..

[مضارب دوسري]

بس يا حسن القدرة الانتاجية ما راح تكون بنفس القدر
يعني في الساعات الأولى الإنتاجية 100%
قريب الطهر بتخف و يمكن توصل 50%
بعد ثمان و لا عشر ساعات كم بتوصل ..!!
الدوام الطويل مُرهق ..
إن لبدنك عليك حقا ..

الطاقه الانتاجيه اول الصباح 100%
مع الزحمه والتوتر والقلق والوصول واخذ ساعه عشان الواحد ينسى الزحمه فالشارع وبعدها فطور
يكون الدوام قارب على الانتهاء هذا هو الواقع

ولكن دوام 12 ساعه حتى لو تسبب ذلك ف ارهاق
بالمقابل 36 ساعه راحه

[بصمة قطرية]

الطاقه الانتاجيه او الصباح 100%
مع الزحمه والتوتر والقلق والوصول واخذ ساعه عشان الواحد ينسى الزحمه فالشارع وبعدها فطور
يكون الدوام قارب على الانتهاء هذا هو الواقع

ولكن دوام 12 ساعه حتى لو تسبب ذلك ف ارهاق
بالمقابل 36 ساعه راحه

أخىي مضارب
الحين الكل يتمنى تقليل ساعات العمل
يوصلون البيت مع الزحمة و طول الدوام العصر ..
تعتقد من اللي عمده استعداد يداوم 12 ساعه ..!!
خاطري اعرف من هالخمسة اللي صوتوا موافق
لازم نطبق عليهم الـ 12 ساعه دوام :)

[مضارب دوسري]

لتصدق اننا بنكون أَول دولة تطبقه لأَن شركات كثيرة تطبق هالنظام وهيئات وأَتوقع حتى عندنا بعض الجهات تطبق شيء قريب منه .. بس فيه وقت غدا وفطور واستراحات.

بالنسبة لنا ولو بنركز على الخدمات وعلى بعض القطاعات اللي لازم تشتغل شفتين دوام أَو فترة الشغل تتركز في بعد الظهر مثلاً فالمفروض لهذي القطاعات حرية تعديل فترة دوامها حسب دراساتها وبدايته ونهايته ويفترض بحيث ما يزيد عن 6 ساعات للرجل و 5 للمرأَه.

عندك إِخوي قطاع كبير يسبب ربكة في المواصلات ويضايق المرور اللي هو قطاع الإِنشآءات وهذا المفروض يتم التركيز عليه خارج وقت الذروة وفي الغالب في فترة الليل من 9 إِلى 5 الفجر لبرودة الجو نسبياً وقلة الزحمة وإِمكانية تسكير جزء كبير من المواقع والطرق وفتحها قبل 5 طبعاً بتنسيق مع الأَمن والمرور

اشكرك على مرورك اخوي

[مضارب دوسري]

أخىي مضارب
الحين الكل يتمنى تقليل ساعات العمل
يوصلون البيت مع الزحمة و طول الدوام العصر ..
تعتقد من اللي عمده استعداد يداوم 12 ساعه ..!!
خاطري اعرف من هالخمسة اللي صوتوا موافق
لازم نطبق عليهم الـ 12 ساعه دوام :)

هههههه ديكتاتورية انتي
انا اظن اغلب من هم ضد الاقتراح من النساء

[بصمة قطرية]

هههههه ديكتاتورية انتي
انا اظن اغلب من هم ضد الاقتراح من النساء

خخخخخخخخ
مش ديكتاتورية
اتخيل لو كنت موظفة
و لا اتخيل زوجي ..
صعبة متى الواحد يرتاح

انتو الخمسة قاسيين :(
النساء رحومات :)

[نوفا91]

اخوي مضارب اغلب النساء ضد لان اللي عندها عيال متى تقعد معاهم وتحل معاهم الواجبات وتدرسهم اذا خلص الدوام 6 وعلى ماتوصل وزحمة الشوارع ، واذا ريلها دوامه ليل يعني لاقعدت مع عيالها ولا شافت امور ريلها ، طبعا غير ان الساعات الاخيره راح يكون الواحد طافي يدور السرير

[مرتبش]

مع اقتراح بوعلي...نرجع للدوام القديم 7 الى 1 .. والاجازة يوم واحد الجمعة.
ويصير في وقت العصر نخلص شغلاتنا

[khalid Qtr]

السلام عليكم

أرى أنه حل غير عملي ويعطل الكثير من المصالح ..

[العنيده]

الصراحه انا اؤيد الغاء السبت اجازه ويرجعونه مثل الاول ونفتك
والخروج 12ونص اليوم له طعم اخر
اما الحين الكل متعذب والحياه بدون طعم لاالغدا له طعم ولا اليوم فيه بركه ولا الاسبوع بعد

يمر عليك هوا

انا اتمنى عوده الحياه مثل الاول

ياريت :weeping:

[fhd4]

أسباب الزحمة :
1) تمركز جميع الخدمات الحكومية والجامعات وغيرها في مناطق محددة داخل المدينة

2) التركيز على الدوحة فقط كمدينة رئيسية فيها جميع الخدمات المختلفة وكذلك التركيز على الجهة الشرقية من الدولة

3) سوء تخطيط الشوارع والمداخل والمخارج بشكل عام

4) كثير من الخدمات لا زالت غير الكترونية او تحتاج حضور شخصي لتجاوز خدمة معينة بالاضافة جهل الكثير بالخدمات المتوفرة

5) اعتماد العائلة الواحدة على أكثر من سيارة

6) عدم استخدام الطلاب للباصات لاسباب كثيرة منها سوء تنظيمها

7) عدم اعتراف الكثير من الشركات بالهاتف مما يستوجب الحضور الشخصي للاستفسار فقط

8) عدم وجود مناطق (غير الصناعية) مخصصة لسكن العمال تكون موزعة خارج الدوحة


هذي وجهة نظري … إذا حلينا هذي المشاكل بالأول ومافي فايدة ممكن نغير وقت الدوام

[راجي الْعفو]

وعليك ورحمة الله ..

والله ياخوي مضارب صعبه شوي هالنظام .. احنا مجتمع مسلم و محافظ وله عاداته و تقاليده ..

وعليه حقوق متعدده يوميا على نفسه و اهله و طلابه و أصدقائه ..

نظام ال 12 ساعة ، و لو كان بمقابل إجازة .. أحس فيه صعوبة

وفيه قتل لأيام الدوام .. ماتقدر اتسوي فيها شي غير الشغل ..

وبالتالي ضيعت ثلاثة أيام من الاسبوع من غبر فايده .. غير الشغل طبعا لأنه مب داخل في جدولك اليومي لأنه شي ملزم به ..

هذا راي ..

مع التحية ..

[خبير أسهم]

أقترح الأتي :
أن يكون الدوام في الأقسام الخدمية في بعض الوزارات مساءً وليس صباحا مما يقلل من الزحمه صباحا
وعلى الموظفين (رجال فقط) اما الموظفات فيكون الدوام كما هو
ان يتم منع باصات الشركات الكبيره والشاحنات الخاصه والحكومية من السير من 6 حتى 8 صباحا
حتى يكون هناك انسيابيه في حركة الشارع وانا اتوقع ان الزحمه تخفف 70%
ان يكون دوام طلاب المدارس من الساعه 7 حتى 1.30
ان تكون السرعه في شارع فبراير 100 بدل 80 ومن يمشي اقل يخالف من قبل رجال المرور
وذلك من خلال رادار الشارع

[دااانة قطر]

الصراحه انا اؤيد الغاء السبت اجازه ويرجعونه مثل الاول ونفتك
والخروج 12ونص اليوم له طعم اخر
اما الحين الكل متعذب والحياه بدون طعم لاالغدا له طعم ولا اليوم فيه بركه ولا الاسبوع بعد

يمر عليك هوا

انا اتمنى عوده الحياه مثل الاول



دوم اقول هالكلام والكل يعترض بحجة يومين اجازة افضل
بس جد الحل نرجع لما كنا عليه سابقا يوم واحد اجازه والدوام لين 12ونص

[همر]

حلين لا ثالث لهما ..


اما دوام اربع ساعات الصبح واربع ساعات العصر

مثل الاجانب .. من 8 لين 12 ومن 4 لين 8 ...

ياسلام .. تقوم الصبح توصل عيالك المدرسه

تطلع الظهر ترجعهم من المدرسه تروح تتغدا وياهم

قيلوله خفيف خفيف وترجع الدوام الساعه 4 لين 8

في الليل تطلع تتعشا مع هلك وتنخمدو ...



الحل الثاني تقليل ساعات العمل الى ست او خمس

ساعات لان الساعات الاضافيه الموجوده حالياً ضايعه

في بريكات الريوق والغدا والصلاه والسوالف غير

تأخير نص ساعه الصبح وشرده نص ساعه بدري ...

5 ساعات اركز فيها واسوي فيها شغلي ابرك من

8 ساعات ضايعه في الطوشه ممغوطه عالفاضي ..

[حسن]

مع اقتراح بوعلي...نرجع للدوام القديم 7 الى 1 .. والاجازة يوم واحد الجمعة.
ويصير في وقت العصر نخلص شغلاتنا


ياريت :weeping:


دوم اقول هالكلام والكل يعترض بحجة يومين اجازة افضل
بس جد الحل نرجع لما كنا عليه سابقا يوم واحد اجازه والدوام لين 12ونص

اشكر الي ايدوني في الموضوع

الصراحه هذا اللي اشوفه بركه اليوم قلت وزادت المصاريف وتغير سلوكيات المجتمع للاسؤا
والناس تبهدلت وانتشرت المراض النفسيه

واصبح الناس تركض وصار ليلها نهار ونهارها ليل
مافي حل الا ان يعود النظام السابق والدوام ينتهي 12
سبحان الله الغداء له طعم والمقيال له طعم بالنسبه للي يقيل
اما الحين هو غدا ولا عشى ماتعرف مقيال من الساعه 3 ولا عقب الاربع
يهال صارو يقيلون الكل مهب فاضي
عمري ماقيلت ولا اخبر عيال الفريج يقيلون في السكيك في عز الظهر
ومستانسين ومانعرف شي اسمه ملل الا الحين ياهل يجيك يقولك ملل
اي ملل انت وين عرفت الملل ولا هل الكلمه مع العلم متوفر لهم كل شي
الله يرحم يام الالول
صج لين قال عبادي

زمان اول مهوب الحين

:weeping:

[سارا البدر]

لا ماينفع كلش
وخصوصا للبنات والمتزوجات بالتحديد

فخلونا على دوامنا اللي اللحين ووايد ابرك

[Rider]

انا قلت نعم بالغلط على بالي دوام المدارس لااااااااااااااااااا انا معارض الحل شيل مليون شخص من البلد والامور كلها سهالات

[دايموند]

12 ساعه الله يهيديك
لو نغير الوقت من 6 الى 1 الظهر بيكون افضل

[مزيون الدوحه]

الافضل كل واحد يكون ملزوم بدوام ساعات معينه في اليوم
مثلا اداوم بدري واخلص 7 ساعات واطلع سواء طلعت 12 او 1 او 2
بهالطريقه الكل بيكون راضي وبيداوم على حسب ظروفه

[لمعة الالماس]

الحل الدوام يكون من 8 لين 12

منها نصل الاطفال المدارس قبل 7

ونأخذ الاطفال من المدارس بعد 12

ويكون في وقت للغدى والجلوس مع الاطفال والراحة واللعب

اما في الوضع الحالي الوضع من سي لأسوء للأسف اليوم قصير

وصرنا نعيش في الشغل ونزور البيت لساعات قليلة

واغلب وقتنا ضايع بالشوارع والزحمة والدوام

وياليت في شغل بس جذي قاعدين ما نطلع الا لين خلص وقت الدوام :(

[لمعة الالماس]

وبصراحة نعاني من مشكلة زحمة العمال اللي بالباصات بصراحة ما يصير يطلعون معانا بروحة باصاتهم قديمة وبطيئة ومزاحمينا في الشوارع يا يطلعون 6 او 8 اما نفس وقت المدارس والدوامات غلــــط

ونفس الشي بالنسبة لسيارات النقل اقصد المازده والسيارات الثانية اللي للاعمال المفروض يطبق عليهم قانون الشاحنات وومنوع دخولهم وقت الذروة لان يمشون ببطء ويسببون لنا زحمه

[عثرة جواد]

السلام عليكم

الفكره حلوة بس ليش مايكون دوام يومي ع نظام الشفتات

الفترة الصباحية لين وحده .....والمسائيه لين 9

مع اختلاف الاشخاص بين الفترتين وهاي بتغطي كثير من السلبيات

بيكون اكبر عدد توظف تنويع ف التطوير حب التنافس ووقت للراحه

وعطاء حقوق لافراد الاسره
انا اشوف تقليل العمل افضل مع استمرارية الايام

مع مراعاة الزوجات والامهات

[فريج النجادة]

افضل شي الدوام على ماهو بس الجميع يطلع الساعة 12.30

[راجي الْعفو]

افضل شي الدوام على ماهو بس الجميع يطلع الساعة 12.30

ياخي انت وينك من زمان !
تأييد و بشدة ..

[ameeer3]

صعبه جدا تطبيق ذلك ولا يتوافق مع مجتمعنا نهاءيا

[ameeer3]

افضل شي الدوام على ماهو بس الجميع يطلع الساعة 12.30

نعم هذا هو افضل حل ولا يوجد حل غيره

[eXpert*]

إقتراحي :

الأحد : دوام من 6-1
الأثنين : دوام من 6-1
الثلاثاء : دوام من 6-1
الأربعاء : دوام من 6-1
الخميس : دوام من 6-1
الجمعة : دوام من 6-10
السبت : (( إجازة ))

[roma27]

12 سااعه .. للشخص

والا 6 ساعات للشخص

مع العلم ان الفكرة غير ناجحه ابداً..

حسبت ساعات التاخير .. والاستأذان .. والسوالف والريوق والغدى و و .. الخ
كم ساعه راح تكون للعمل ..!

الحل تقليل ساعات العمل للمرأه العامله حتى الساعه 12 يومياً للمتزوجه.. والعازبه دوام عادي وتاخذ اوفر تايم ..

وجهة نظر والله اعلم
حرام التفرقة كلهم حريم

[يمامـة]

هذي المصيبة بعينها..

طبعا لا و بقوة...

[يمامـة]

إقتراحي :

الأحد : دوام من 6-1
الأثنين : دوام من 6-1
الثلاثاء : دوام من 6-1
الأربعاء : دوام من 6-1
الخميس : دوام من 6-1
الجمعة : دوام من 6-10
السبت : (( إجازة ))

وليش اجازة يوم السبت؟

نكملها حسب الاقتراح ونخليه يوم مفتوح في الدوام ...

[QtrGate]

انا رايي يكون الدوام من بعد صلاة الصبح لين صلاة الظهر
يعني نصلي الصبح ونطلع
ونصلي الظهر في الدوام ونرجع البيت
تقريبا من الساعة6 لين 12

او يتم تحديد الدوام بأوقات الصلاة
من صلاة الصبح لين صلاة الظهر
ويكون هناك مهله بعد الصلاة ربع ساعة

[مضارب دوسري]

وليش اجازة يوم السبت؟

نكملها حسب الاقتراح ونخليه يوم مفتوح في الدوام ...

هههههههههههههههههه

[مضارب دوسري]

حلين لا ثالث لهما ..


اما دوام اربع ساعات الصبح واربع ساعات العصر

مثل الاجانب .. من 8 لين 12 ومن 4 لين 8 ...

ياسلام .. تقوم الصبح توصل عيالك المدرسه

تطلع الظهر ترجعهم من المدرسه تروح تتغدا وياهم

قيلوله خفيف خفيف وترجع الدوام الساعه 4 لين 8

في الليل تطلع تتعشا مع هلك وتنخمدو ...



الحل الثاني تقليل ساعات العمل الى ست او خمس

ساعات لان الساعات الاضافيه الموجوده حالياً ضايعه

في بريكات الريوق والغدا والصلاه والسوالف غير

تأخير نص ساعه الصبح وشرده نص ساعه بدري ...

5 ساعات اركز فيها واسوي فيها شغلي ابرك من

8 ساعات ضايعه في الطوشه ممغوطه عالفاضي ..




الافضل كل واحد يكون ملزوم بدوام ساعات معينه في اليوم
مثلا اداوم بدري واخلص 7 ساعات واطلع سواء طلعت 12 او 1 او 2
بهالطريقه الكل بيكون راضي وبيداوم على حسب ظروفه


الحل الدوام يكون من 8 لين 12

منها نصل الاطفال المدارس قبل 7

ونأخذ الاطفال من المدارس بعد 12

ويكون في وقت للغدى والجلوس مع الاطفال والراحة واللعب

اما في الوضع الحالي الوضع من سي لأسوء للأسف اليوم قصير

وصرنا نعيش في الشغل ونزور البيت لساعات قليلة

واغلب وقتنا ضايع بالشوارع والزحمة والدوام

وياليت في شغل بس جذي قاعدين ما نطلع الا لين خلص وقت الدوام :(


السلام عليكم

الفكره حلوة بس ليش مايكون دوام يومي ع نظام الشفتات

الفترة الصباحية لين وحده .....والمسائيه لين 9

مع اختلاف الاشخاص بين الفترتين وهاي بتغطي كثير من السلبيات

بيكون اكبر عدد توظف تنويع ف التطوير حب التنافس ووقت للراحه

وعطاء حقوق لافراد الاسره
انا اشوف تقليل العمل افضل مع استمرارية الايام

مع مراعاة الزوجات والامهات


انا رايي يكون الدوام من بعد صلاة الصبح لين صلاة الظهر
يعني نصلي الصبح ونطلع
ونصلي الظهر في الدوام ونرجع البيت
تقريبا من الساعة6 لين 12

او يتم تحديد الدوام بأوقات الصلاة
من صلاة الصبح لين صلاة الظهر
ويكون هناك مهله بعد الصلاة ربع ساعة

اقتراحات في منها ما هو افضل من اقتراحي
خصوصا اقتراح همر الاول

[باراكودا]

دوامك يجيب معاه جلطة مع خثرة وضغط مع بركنز .

[مضارب دوسري]

الاخت بصمه المصوتين بنعم وصلوا 20

[R 7 A L]

اقتراحات في منها ما هو افضل من اقتراحي
خصوصا اقتراح همر الاول

شرايك في اقتراحي ؟

[توشيبا]

الموضوع سهل

يشغلون كل الدوائر الحكوميه علي مدار اربعه وعشرين ساعه

لو موظف واحد في شفت الليل

خلاص تتكنسل شي اسمه زحمه ويعدلون في حضور وانصراف الطلاب

ومعاد تشوفون اي زحمه سوا صبح او عصر او ليل

زحمه الصبح الكل مداوم

زحمه العصر الكل طالع يخلص شغله

[مضارب دوسري]

يصلح للي يشتغلون في راس لفان ودخان ومسيعيد


افضل طريقة دوام
دوام القمسيون الطبي
شفتين في اليوم من سبع لين وحدة ومن وحدة لين سبع في الليل وكل اسبوع يتغير دوام الموظف

اقتراحك سقط سهوا اخوي رحال
بس الاعضاء ضد دوام الشفتات لله في لله

[مشـــــاعر]

.


ضدّ
حرام عليك أخوي مضارب :eek5:
الله وأكبر 12 سآإعة ؟؟ تبي نمووووت ؟؟

لا لا آإلفكرة كلشششش مو شي ماتنفع . .
يعني لو يقسمون الموظفين نص شفت نهار ونص شفت ليل يكون أفضل . .
ويكون الدوام من (7 لين 12ونص) وشفت الليل من (2 لين 7)
والطلاب يطلعون الساعة 12 ونص أو 1 بتنحل وبتخف هالزحمة الفضييييييييييييييييييعة :anger1::anger1:

مشكلتنا أغلب أماكن دواماتنا في الدوحة من كذا تصير الزحمة . .
(المنآإطق الشمالية) فاضية إبنوا هناكك وخلونا نفتك من زحمة الدوحة اللي تجيب المرض . .
الواحد مايوصل دوامه إلا نفسسه مسدودة ومزاجه متعكر من هالشوارع والسواقين الخبلان وووو ... إلخ

[Qt.1]

تم التصويت بــ لا .

صعبه اخوي من يقدر يقعد على مكتبه 12 ساعه , من ايهمل اعياله 12 ساعه ولاايدري عنهم , من الي عنده القدره ينتج 12 ساعه , معلي يمكن الشفتات وشركات الغاز نظامهم غير , لكن يتطبق على دوله بكبرها صعبه , والقانون الدولي ايقول 8 ساعات عمل , يعني بيتشغل 12 ساعه ومتى بياخذ اوفر تايم اذا كمل 15 ساعه مثلا :rolleyes2: خلاص ايبات في الدوام احسن . لاصعبه جدا صعبه .

[Qt.1]

.


ضدّ
حرام عليك أخوي مضارب :eek5:
الله وأكبر 12 سآإعة ؟؟ تبي نمووووت ؟؟

لا لا آإلفكرة كلشششش مو شي ماتنفع . .
يعني لو يقسمون الموظفين نص شفت نهار ونص شفت ليل يكون أفضل . .
ويكون الدوام من (7 لين 12ونص) وشفت الليل من (2 لين 7)
والطلاب يطلعون الساعة 12 ونص أو 1 بتنحل وبتخف هالزحمة الفضييييييييييييييييييعة :anger1::anger1:

مشكلتنا أغلب أماكن دواماتنا في الدوحة من كذا تصير الزحمة . .
(المنآإطق الشمالية) فاضية إبنوا هناكك وخلونا نفتك من زحمة الدوحة اللي تجيب المرض . .
الواحد مايوصل دوامه إلا نفسسه مسدودة ومزاجه متعكر من هالشوارع والسواقين الخبلان وووو ... إلخ

الحمدالله بيتي شمال ودوامي شمال لادري عن الدوحه وزحمتها .

[دستور]

((( لا )))

[زقرتي ومزاجي]

ولا اروع اخوي موافق وبقوه

[بصمة قطرية]

الاخت بصمه المصوتين بنعم وصلوا 20

وصلوا 26
ممكن ترفعون يدكم عشان نعرفكم ..!

[مشعل العطاوى]

ماشاء الله اجل شنقول احنا يااهل الرياض بالزحمه !!!!!

على العموم انا اداوم 4 ايام 12 ساعه و4 اياام اووف

الان لي سنه و3 اشهر على هالدوام 4 * 4 ومرتاح

العمل ضغط مره ومافيه قعده او راحه .. لكن بالاجازه تعيش صح وتقدر تروح وتنسى العمل نهائياً

والوضع معجبنى جدا

اما ان كان 3 ايام 12 ساعه فقط و 4 ايام اجازه .. صدقونى غير تتمنوها اذا جربتوها

[captin]

الله يرحم ايام الثمانينات يوم كانت الاسرة القطرية
كلها في البيت الساعة وحدة الظهر ومتغدين مع بعض
ومقيلين شوي لين الساعة 3 العصر وبعدها كلن طالع يخلص شغلة
واللي يذاكر واللي يلعب رياضة وبعد الوقت طويل وفيه بركة.