بخصوص بعض الآباء

[المحاميه]

السلام عليكم ورحمة الله وبركاته


ألاحظ في الأماكن العامه إن بعض الآباء يحاولون لفت الإنتباه أو الاستعراض أو غيرها من المسميات اللي تندرج تحت نفس المضمون وذلك عن طريق الصراخ على أبنائهم ومرات تصل للضرب

زين ليش اذا شفت ناس حولك تستقوي عالياهل؟
شاللي تبي توصله يعني؟
ان انا اعرف اسنع عيالي ولا ان انا كلمتي ماشيه وماعندي 1 2 3 ولا شوفوني انا موجود؟

اعتقد الكل بياخذ عنك نظره سلبيه - همجيه - وبيكون متعاطف مع الصغير
وبيقولون شفيه هذا

أتمنى من جميع الآباء التحكم في أعصابهم
وعدم فقدها اذا خرجوا أبنائهم عن المسار المرسوم
والصراخ عليهم أمام العامه ليس بالحل الصحيح في نظري

لأن هالتصرف منقود وليس محمود


وشكراً

[بومحمد المطاوعه]

صادقه اختي

اعوذ بالله من هالناس

عندي موقف صار جدامي

لو تبوني اكتبه

ان شاءالله بحط لكم قصتي معى نفس الموضوع

تحياتي اختي المحاميه

[حسن]

والله انا اشوف المره تصرخ اكثر

الحمدلله انا تعاملي جدا راقي واستفدت الكثير من كتابات اليمامه وطبقتها على نفسي رغم اني بطبعي هادي كول
بحكم اني ابن البحر
هناك الكثير من الاباء والمهات يفتقدون التربيه واعتقد مركز الاسره وحمايه المجتمكع فشل في تصحيح المسار

شفت اباء يضربنون عيالهم ضرب ونصحتهم بالنهي
وحاولو التغير وانا اعرف الاسباب لاهمال المراه في دورها وتوليه هو العمليه التربويه وهذا غلط
في اكيد رنق 15 مايركب على رنق 22
الحياه حسابات ومسافات ومقاييس وحمايه مستهلك

شكرا يالمحاميه انتس شلون تعاملك ولا ماهي الطريقه المستخدمه لديك ؟

[توشيبا]

رجال ماقد شفت

اما حريم ياكثر

تحصلينها حمودي يا يا يا يا ماتفهم اقولك خلك مودب

وحمود مسكين حرف واحد مقاله ولا شي بس هيه احنا وراكم هل تسمعونا


وانا مائيد الضرب سوا في التربيه او اي عقاب ثاني

[راجي الْعفو]

وعليكم السلام و رحمة الله و بركاته ..

صدقت يالمحامية .. لابد من اتباع الاسلوب المناسب من قبل الآباء والأمهات أيضا ..

وليعلم اولياء الأمور أن مثل هذه المواقف المحرجة قد تثبت في نفس الطفل إلى أن يشيب و قد تؤثر عليه نفسيا ..

فيحبذ الانتباه للتصرفات الصادرة من قبلهم ..

مع التحية .. وسلامي لابن البحر !

[حسن]

صباح الخير يارجي

ولك تحيه بالمثل

فعلا ترا تشوف تعامل الام ولا الاب بصراحه غلط ولو تلاحظ هناك اطفال وحتى الام وسمعتها كثيرا
تعال ياكلب ولا ياحمار ولا ياكلبه ياحماره الله يكرمك
هذا الاسلوب منتشر كل مااتجهت على نجم المغيب وتسمعها عند المدارس
اكثر

لا يوجد ثقافه تربيه صحيحه عن الكثير
يارجل لفيت المانيا ماسمعت ياهل يصرخ ولا يزعق
الا حمانيه شايل المدينه على ريل من صراخه

التربيه هي الاساس


:)

[راجي الْعفو]

صباح الخير يارجي

ولك تحيه بالمثل

فعلا ترا تشوف تعامل الام ولا الاب بصراحه غلط ولو تلاحظ هناك اطفال وحتى الام وسمعتها كثيرا
تعال ياكلب ولا ياحمار ولا ياكلبه ياحماره الله يكرمك
هذا الاسلوب منتشر كل مااتجهت على نجم المغيب وتسمعها عند المدارس
اكثر

لا يوجد ثقافه تربيه صحيحه عن الكثير
يارجل لفيت المانيا ماسمعت ياهل يصرخ ولا يزعق
الا حمانيه شايل المدينه على ريل من صراخه

التربيه هي الاساس


:)

اهلا بو علي صباح النور ..

وحش يابوعوف الله يحفظه لكم ..

صدقت .. لازم ولي الاممر يحط في باله ان هالتربية بتنتقل لعياله ..

فالموضوع مش سبه و شتيمه و تمشي ..

الموضوع اكبر من ذلك ..

[المحاميه]

صادقه اختي

اعوذ بالله من هالناس

عندي موقف صار جدامي

لو تبوني اكتبه

ان شاءالله بحط لكم قصتي معى نفس الموضوع

تحياتي اختي المحاميه


أتمنى تشاركنا القصه
وحياك الله




والله انا اشوف المره تصرخ اكثر

الحمدلله انا تعاملي جدا راقي واستفدت الكثير من كتابات اليمامه وطبقتها على نفسي رغم اني بطبعي هادي كول
بحكم اني ابن البحر
هناك الكثير من الاباء والمهات يفتقدون التربيه واعتقد مركز الاسره وحمايه المجتمكع فشل في تصحيح المسار

شفت اباء يضربنون عيالهم ضرب ونصحتهم بالنهي
وحاولو التغير وانا اعرف الاسباب لاهمال المراه في دورها وتوليه هو العمليه التربويه وهذا غلط
في اكيد رنق 15 مايركب على رنق 22
الحياه حسابات ومسافات ومقاييس وحمايه مستهلك

شكرا يالمحاميه انتس شلون تعاملك ولا ماهي الطريقه المستخدمه لديك ؟


حلو انك ضابط اعصابك ومب من الفئه اللي تستعرض

لي الله رزقني باقولك شنهي طريقتي فالتعامل :tease:



رجال ماقد شفت

اما حريم ياكثر

تحصلينها حمودي يا يا يا يا ماتفهم اقولك خلك مودب

وحمود مسكين حرف واحد مقاله ولا شي بس هيه احنا وراكم هل تسمعونا


وانا مائيد الضرب سوا في التربيه او اي عقاب ثاني


هههههه ذبحتني ضحك هههههه

[شبح الصمت]

اهو صج منظر يضايق اشوي

بس ما ندري يالمحامية شنو الي حده على انه يزاعق
في ماشاء الله اطفال حركيين وماشاء الله يسببون مضايقة للناس الي حولهم

فالرجال مسكين شيسوي خلاص توصل فيه مرحلة انه ما يقدر يتمالك نفسه والزاعق يطلع لا شعورياً


بس انا احيي الشخص الي يقدر يركد الطفل بعيونه

بس بحركة عيوووونه خلالالالاص الطفل يرررركد

ههههههههههههههاي

نبي دورات في حركة العيون واشلون لازم تروع فيها الطفل

بس اتوقع تعتمد على شخصية وملامح الشخص نفسه
عن نفسي احس لو اسوي لهم الحركة بيقولون بابا يضحك هههههاي خلنا نكمل

:rolleyes2:

[المحاميه]

انا ضد كلامكم ان الكلام ذي ينطبق بعد على الأمهات

صحيح الأم يمكن تهاوشه بس عشان الطفل يتأدب وعشان مايفشلها والناس تقول شفيها ماتعرف تيود ولدها الخ


لكن أنا اللي اشوفهم يستعرضون ويهاوشون الأبهات بصراحه
ماقد شفت أم تستعرض بالزعيق او الطق


وعلى فكره محد رد السلام الا راجي كم مره اعلمكم؟

[رفيع الهامه]

ضرب الطفل قمة في التخلف



فيه قصة صارت حق واحد قطري السنه هذي في مطار هيثرو لندن ..



كان نازل في المطار وقدام كاونتر الجوازات لعوزة واحد من اولاده وطقه طقه خفيفه على راسه ,,, تصدقون مارضوا الانجليز انه يدخل لندن بسبب انه ضرب الطفل على راسه ورجعوه للدوحه في نفس الطيارة هو وعائلته ..

[نوفا91]

مره كان اب يمشي وولده وراه ، الولد كان يحن مايدري شيبي تخيلي الاب لف عليه وعطاه ككككككككف قوي الولد وقف مصدوم حتى ماصاح وتم يتلفت اذا حد شافه ، عووور قلبي وحطيت نفسي مب منتبه له لان كنت وراهم

بس صج هالاب مايستاهل كلمة الاب ، خلصوا الاساليب !

كل ماتذكرر هالموقف يعورني قلبي
:(

[المحاميه]

اهو صج منظر يضايق اشوي

بس ما ندري يالمحامية شنو الي حده على انه يزاعق
في ماشاء الله اطفال حركيين وماشاء الله يسببون مضايقة للناس الي حولهم

فالرجال مسكين شيسوي خلاص توصل فيه مرحلة انه ما يقدر يتمالك نفسه والزاعق يطلع لا شعورياً


بس انا احيي الشخص الي يقدر يركد الطفل بعيونه

بس بحركة عيوووونه خلالالالاص الطفل يرررركد

ههههههههههههههاي

نبي دورات في حركة العيون واشلون لازم تروع فيها الطفل

بس اتوقع تعتمد على شخصية وملامح الشخص نفسه
عن نفسي احس لو اسوي لهم الحركة بيقولون بابا يضحك هههههاي خلنا نكمل

:rolleyes2:





ههههههه صادق
بس اللي يسكتهم بعيونه هذا مسببلهم رعب


يتفاهم مع عياله او يكلمهم او حتى يهاوشهم بس مب يزيد الجرعه
وتشوف مستوى الصوت يعلى اذا شاف ناس
ويندمج ويعيش الدور

ليش ياترى؟

[شبح الصمت]

ضرب الطفل قمة في التخلف



فيه قصة صارت حق واحد قطري السنه هذي في مطار هيثرو لندن ..



كان نازل في المطار وقدام كاونتر الجوازات لعوزة واحد من اولاده وطقه طقه خفيفه على راسه ,,, تصدقون مارضوا الانجليز انه يدخل لندن بسبب انه ضرب الطفل على راسه ورجعوه للدوحه في نفس الطيارة هو وعائلته ..


اتوقع الابو فالرده فالطياره كمل على الولد ويوم وصل البيت كمل عليه

عفس جوو السفره

وبلوك بعد
بااااااااااااااال

[بومحمد المطاوعه]

أتمنى تشاركنا القصه
وحياك الله












ان شاءالله
بكتبها الحين

[حسن]

اهلا بو علي صباح النور ..

وحش يابوعوف الله يحفظه لكم ..

صدقت .. لازم ولي الاممر يحط في باله ان هالتربية بتنتقل لعياله ..

فالموضوع مش سبه و شتيمه و تمشي ..

الموضوع اكبر من ذلك ..

يارجل هذا مهب ولدي ولد واحد من الربع


الحمد لله عيالي هادين ومؤدبين ولا تسمع لهم همسا

التربيه من الصغر وبدون خدم لها دور كبير

[المحاميه]

ضرب الطفل قمة في التخلف



فيه قصة صارت حق واحد قطري السنه هذي في مطار هيثرو لندن ..



كان نازل في المطار وقدام كاونتر الجوازات لعوزة واحد من اولاده وطقه طقه خفيفه على راسه ,,, تصدقون مارضوا الانجليز انه يدخل لندن بسبب انه ضرب الطفل على راسه ورجعوه للدوحه في نفس الطيارة هو وعائلته ..

شفتوا كيف السالفه مب هينه
خصوصا الراس
منطقه خطره
المفروض ماينطق الياهل ف راسه لو ايش مسوي

ان شاء الله يكون درس للابو





مره كان اب يمشي وولده وراه ، الولد كان يحن مايدري شيبي تخيلي الاب لف عليه وعطاه ككككككككف قوي الولد وقف مصدوم حتى ماصاح وتم يتلفت اذا حد شافه ، عووور قلبي وحطيت نفسي مب منتبه له لان كنت وراهم

بس صج هالاب مايستاهل كلمة الاب ، خلصوا الاساليب !

كل ماتذكرر هالموقف يعورني قلبي
:(



عورتي قلبي والله
حسبي الله ونعم الوكيل



مره بعد شفت منظر كلش مب حضاري
لو تشوفون الابو اشلون يهدد ولده ويطقه الخ بتقولون ذي ماعنده ذرة احساس :weeping:
الله المستعان

[شبح الصمت]

ههههههه صادق
بس اللي يسكتهم بعيونه هذا مسببلهم رعب


يتفاهم مع عياله او يكلمهم او حتى يهاوشهم بس مب يزيد الجرعه
وتشوف مستوى الصوت يعلى اذا شاف ناس
ويندمج ويعيش الدور

ليش ياترى؟



اعرف موظف شخصيته قووويه

قيادي بمعنى الكلمة بس كنترول واعصاب ما فيه

بنظرة عيووونه يخرع عياله خلاص يركدهم
وفي الدوام بصوته

عالعموم قويه اضرب ولدي قدام العالم يمكن اجي وساسره في اذنه او اسحبه على جمب اقوله

برويك

مره ولدي في مجمع في السعودية سوو لي حفله قدام العالم يبي سيارة وكنت توني ماخذ له سيارة

قمت وقلت له حبيبي خلنا نروح السيارة اشووووي قام يرافس ماشاء الله عليه فديته

قمت وشليته زين ما طيح غترتي وكنت مستعد انه القرعه تبين

المهم شليته وعلى طوول السيارة زاعقت عليه قلت له الحين بخليك اهنيه وبرد داخل تخويف بس

سويت نفسي رايح مسكين وهو يطالعني من الجامه وكان عمره 4 سنين

رديت له ونزلته وقلت له خلاص بشتري له السيارة


خلني ارضخ لدموعه فديته

[المحاميه]

اتوقع الابو فالرده فالطياره كمل على الولد ويوم وصل البيت كمل عليه

عفس جوو السفره

وبلوك بعد
بااااااااااااااال

ههههههههههههههه

[المحاميه]

يارجل هذا مهب ولدي ولد واحد من الربع


الحمد لله عيالي هادين ومؤدبين ولا تسمع لهم همسا

التربيه من الصغر وبدون خدم لها دور كبير


ولد بوحارب :)

[المحاميه]

اعرف موظف شخصيته قووويه

قيادي بمعنى الكلمة بس كنترول واعصاب ما فيه

بنظرة عيووونه يخرع عياله خلاص يركدهم
وفي الدوام بصوته

عالعموم قويه اضرب ولدي قدام العالم يمكن اجي وساسره في اذنه او اسحبه على جمب اقوله

برويك

مره ولدي في مجمع في السعودية سوو لي حفله قدام العالم يبي سيارة وكنت توني ماخذ له سيارة

قمت وقلت له حبيبي خلنا نروح السيارة اشووووي قام يرافس ماشاء الله عليه فديته

قمت وشليته زين ما طيح غترتي وكنت مستعد انه القرعه تبين

المهم شليته وعلى طوول السيارة زاعقت عليه قلت له الحين بخليك اهنيه وبرد داخل تخويف بس

سويت نفسي رايح مسكين وهو يطالعني من الجامه وكان عمره 4 سنين

رديت له ونزلته وقلت له خلاص بشتري له السيارة


خلني ارضخ لدموعه فديته



ههههه


انزين وين الاباء اللي اتكلم عنهم
اتحفونا ب قصصكم

:)

[راجي الْعفو]

يارجل هذا مهب ولدي ولد واحد من الربع


الحمد لله عيالي هادين ومؤدبين ولا تسمع لهم همسا

التربيه من الصغر وبدون خدم لها دور كبير

ونعم فيهم ..

بوحارب اولدك مشكله شوف له حل !

[نوفا91]

اعرف موظف شخصيته قووويه

قيادي بمعنى الكلمة بس كنترول واعصاب ما فيه

بنظرة عيووونه يخرع عياله خلاص يركدهم
وفي الدوام بصوته

عالعموم قويه اضرب ولدي قدام العالم يمكن اجي وساسره في اذنه او اسحبه على جمب اقوله

برويك

مره ولدي في مجمع في السعودية سوو لي حفله قدام العالم يبي سيارة وكنت توني ماخذ له سيارة

قمت وقلت له حبيبي خلنا نروح السيارة اشووووي قام يرافس ماشاء الله عليه فديته

قمت وشليته زين ما طيح غترتي وكنت مستعد انه القرعه تبين

المهم شليته وعلى طوول السيارة زاعقت عليه قلت له الحين بخليك اهنيه وبرد داخل تخويف بس

سويت نفسي رايح مسكين وهو يطالعني من الجامه وكان عمره 4 سنين

رديت له ونزلته وقلت له خلاص بشتري له السيارة


خلني ارضخ لدموعه فديته





لوشاري له من البدايه مختصر السالفه ومشوار السياره
:)

[شبح الصمت]

لوشاري له من البدايه مختصر السالفه ومشوار السياره
:)


المشكلة كنت توني شاري له من البحرين قبل لا نطلع شريت له سيارة

ورحنا مجمع ثاني فالسعودية وشاف سيارة واصغر من الي خذته له

بعد مابي اعوده على كل شيء


ااي يا جيل الطيبين السيكل حق اثنين يستعملونه

السيارات وتخبرون الحيوانات الصغيرة الي كننا نلعب فيها

هههههههههههههاي

المهم كل واحد وشخصيته
عصبي ، هادي ، نص ونص

تختلف يعني ما نقدر نلوم البعض لانه هي طبعهم الحده والعصبية

[شبح الصمت]

ومره موقف صراحة باط جبدي فيه ولي الامر

مخلي ولد وبنته الصغار يلعبون صوب الدري

المهم انا مار والبنت مسكينه تلعب مع اخواه عند راس الدري من تحت

قام وركب اخوها ونزل بسرعة اهي قامت وركبت ومسكينه وطيح قمت والله لا شعورياً اركض قدام العالم في ازدان الدري الي مقابل كوفي مادو


قمت وشليته مسكينه وتصيح وقمت العب معاها اسكتت وركبنا فوق ونزلتها مره ثانية الا ابوها في وجهي

عجبني هدوووه ما سوو شيء ما هاوشها لانها ياهل صج ما راح تفهم شيء لو لو تكلمت والا قلنا اي شيء
قام وشلها مني وشكرني

ولكن في نفس الوقت بط جبدي اشلون مخلي عياله جذيه

[بصمة قطرية]

وعليكم السلام و الرحمة

ما مر علي هالشي ..
رجال بالذات ما شفت
بالعكس أحس الرجل أهدا من المرة خارج البيت ..

[شبح الصمت]

وعليكم السلام و الرحمة

ما مر علي هالشي ..
رجال بالذات ما شفت
بالعكس أحس الرجل أهدا من المرة خارج البيت ..



الحريم طبعها ما تضرب بس تفرص

تناديه او تقرب منه اشوي اشوي وتعطيه ذيج الفرررصه الي تخليه يناقز

هههههههههههههههههههاي

[بومحمد المطاوعه]

وعليكم السلام و الرحمة

ما مر علي هالشي ..
رجال بالذات ما شفت
بالعكس أحس الرجل أهدا من المرة خارج البيت ..

احسج تمشين ف شوارع لاس فيغاس :tease:

قولي لنا وين تتمشون نبي نمشى مثلكم

صدقيني كل مارحت حديقه ولا مجمع
لازم اشوف

يا صراخ ام على ولدها
او صراخ ابو على ولده ولا بنته

يااختي شنسوي معاهم هالناس

[بصمة قطرية]

الحريم طبعها ما تضرب بس تفرص

تناديه او تقرب منه اشوي اشوي وتعطيه ذيج الفرررصه الي تخليه يناقز

هههههههههههههههههههاي



ممكن النظرة تكفي :)
تعني بإختصار
دواك في البيت خخخخخ

[بصمة قطرية]

احسج تمشين ف شوارع لاس فيغاس :tease:

قولي لنا وين تتمشون نبي نمشى مثلكم

صدقيني كل مارحت حديقه ولا مجمع
لازم اشوف

يا صراخ ام على ولدها
او صراخ ابو على ولده ولا بنته

يااختي شنسوي معاهم هالناس

أمشي بعيد عن الأماكن اللي تمشي فيها :)
أنت تمشي صوب الإزعاج
و انا أمشي صوب الهدوء ..
غير مكانك :)

[شبح الصمت]

ممكن النظرة تكفي :)
تعني بإختصار
دواك في البيت خخخخخ




وهذا الي اتكلم عنه

النظررررره 80% الياهل نشوفه يركد

شالسالفه

هههههههاي

السر في بطن الشاعر

[بومحمد المطاوعه]

السلام عليكم ورحمه الله وبركاته ..

بطرح لكم قصتي مع هذا الأب نسأل الله ان يهديه ويصلح باله

كنت في حديقه برزان مع عيالي وهلي
شفت منظر مؤلم
رجل

يضرب ولد صغير عمره تقريبآ 4 سنوات ويصارخ عليه
منظر غير حضاري بالأساس

اول ما اضربه تقشعر شعر جسمي وحسيت بضيق
قالت لي ام العيال خله لاتدخل معاه في نقاش حاد

قلت لازم اكلمه
وسبحان الله رحت مع عيالي الله يحفظهم صوب اللألعاب وصادفته هناك
سلمت عليه ورد السلام واهو مبتسم يلعب الولد المضروب
وقلت له
جزاك الله خير على حبك لولدك وعلى لعبك له
قالي وياك
قلت له ياخوي الحبيب ليش ضربت هالولد البريء
قالي هذي ابليس على شكل انسان
قلت له لا ياخوي اعوذ بالله من هالكلمه
هذي ولدك مايجوز تقول جذي عنه
صدقني ان السعاده فيهم هالاطفال
المال والبنون زينه الحياة الدنيا

لاتخلي الشيطان يغلبك

تخيلو ياجماعه الولد من كثر ماصاح الدمعه للحين في عينه

شي محزن :(
صحيح انا اهاوش عيالي بعض الاحيان بس مستحيل امد يدي عليهم واذا مديت ما امدها بالضرب المبرح
هذي الرجال كان يضربه على ويها :weeping:

الحمدلله بعد السوالف معاه والمناقشات والضحك وعيالي لعبو مع ولده الحمدلله

قلت له ابي منك خدمه بسيطه ممكن
قال امر

قلت له حب الولد وقوله انا احبك ومره ثانيه لاتضرب اليهال

اول مانزل يبي يحب الولد
الولد عانق ابوه

قسم بالله الدمعه ف عيني وانا نزلت وعيالي يعانقوني
هههههههههه يقلدون الولد

يالله ما ارحمك وما اجملك

يارب حبب قلب هذا الأب لأبنه

بعد ما ارتفع الأب مع ابنه سلم علي وقالي الله يرحم والديك وبيض الله وجهك على هالكلام الطيب
قلت له انا شفت وجهك سمح وانسان بشوش قلت الا اكلمك

اما لو شفتك انسان شري مب مقرب صوبك هههههههه

سبحان الله الولد من زود فرحته مايبي ينزل من شيله ابوه له
وعيالي الثلاث الله يحفظهم عندي كل واحد يقولي شلني وشلني

قلت مافي الا اسوي حركه وحده
بدال لا اشيل واحد واخلي البنوتات فديتهم
قلت
بركض صوب امهم واخليهم يلحقوني :tease:
خخخخخخخخ
والله رفعت ثوبي اشوي وقلت واحد ثنين ثلاث
وركضت هههههه
سويتها ولا افتكرت :nice:
والحقوني الله يحفظهم


وهذ القصه مختصره جدآ

لو اكتب كل الي صار يمكن اصابعي تتقطع :secret:

الله يحبب قلوبكم لأبنائكم يارب

والسموحه على الأطاله

[بومحمد المطاوعه]

أمشي بعيد عن الأماكن اللي تمشي فيها :)
أنت تمشي صوب الإزعاج
و انا أمشي صوب الهدوء ..
غير مكانك :)

عاد وين
كل مكان ازعاج الحين

الألعاب
مثل

سناء
فيلاجيو
اللاند مارك
ازدان مول

الحدائق
برزان
سميسمه
الكعبان
النعيم

بعد هذي ماروح البدع وجذي
اعتقد ف حديقه البدع الاب بساطور يمشي خخخخخ

[شبح الصمت]

بومحمد الله يبلغك في محمد واخوانه

وماشاء الله عليه محمد ولدك حركي

وانا لو ما شفتك بعيني واشلون تعاملك كنت مع احترامي بقول لا هالشخص يبالغ

بس شوف عيني يوم في مجلس الرجال وطولت باالك تدري في ناس غيرك لو عيالهم يسوون جذيه

عااادي تحصله مرتب ومقفل ويمكن يضربه لاجل يجلس

اهنيه واحييك والله يزيدك علم ونور وصبر

ويبارك لك في اهلك ومالك

[بومحمد المطاوعه]

بومحمد الله يبلغك في محمد واخوانه

وماشاء الله عليه محمد ولدك حركي

وانا لو ما شفتك بعيني واشلون تعاملك كنت مع احترامي بقول لا هالشخص يبالغ

بس شوف عيني يوم في مجلس الرجال وطولت باالك تدري في ناس غيرك لو عيالهم يسوون جذيه

عااادي تحصله مرتب ومقفل ويمكن يضربه لاجل يجلس

اهنيه واحييك والله يزيدك علم ونور وصبر

ويبارك لك في اهلك ومالك

الله يجزاك خير يالغالي
حبيب قلبي والله
ربي يطرح البركه ف عيالك يارب
والله محمد ولدي اخذه دوم معاي
لدرجه الحين يناديني بوحمود
ههههههههههههه

اقولك سحب على كلمه بابا :rolleyes2:
بعض الاحيان يخربها ويناديني بوحمود

ولو صاح او شي قالي كورفت خربانه والجمس مب حلو
بالفيت يبي يحرني :nice:

الله يجزاك خير ياخوي وشهاده اعتز فيها طال عمرك
والله لو يشل غترتي قدام الناس مب ضاربه
يمكن اعطيه نظره واقوله براويك
بس اضربه قدام العالم
لا حشى علي والله

ولدي هذي حشاشه جوفي على قوله القايل مستحيل ارضى على نفسي امد يدي على طفل بريئ



اهنيه واحييك والله يزيدك علم ونور وصبر
ويبارك لك في اهلك ومالك

اللهم امين وييحييك ربي يارب
ويحفظك ان شاءالله من كل شر

تحياتي لك يالغالي وشكرآ على هذي الشهاده الطيبه:)

[شبح الصمت]

ارحم الله والديك ياخوي

[بومحمد المطاوعه]

ارحم الله والديك ياخوي



والديك الجنه يالغالي

[ameeer3]

ولا مره شفت رجال ضرب او صارخ على عياله في الاماكن العامه - اما النساء بلللل تقول داشه حلبه مصارعه حره مب عيالها

[المحاميه]

ولا مره شفت رجال ضرب او صارخ على عياله في الاماكن العامه - اما النساء بلللل تقول داشه حلبه مصارعه حره مب عيالها

شدعوه
ولا مره شفت ريال؟

انا دايما اشوف

اممم انا اعتقد وتقريباً تأكدت نظرتي ان بعضهم يستعرضون ويستقون على عيالهم خصوصا لو شاف اللي جدامه حرمه


هذا والله اعلم

[المحاميه]

الصراحه القصه يابومحمد أثرت فيني

كسر خاطري الصبي


الله يهدي جميع الآباء والآمهات ويصلحهم مع عيالهم

[ضوى]

الضرب غير مطلوب امام الناس لاظهار القوة ، هذي اهانة للطفل ، نظرة واحدة كفيله بتقويم السلوك

[المحاميه]

وعليكم السلام و الرحمة

ما مر علي هالشي ..
رجال بالذات ما شفت
بالعكس أحس الرجل أهدا من المرة خارج البيت ..

لا أبشرج فيه
واستنكر المنظر بصراحه
والله ساعات ودي اتدخل بس صعبه كوني بنيه!!!

[المحاميه]

الضرب غير مطلوب امام الناس لاظهار القوة ، هذي اهانة للطفل ، نظرة واحدة كفيله بتقويم السلوك


كلامج عدل

لكن فيه اطفال ماخذين على الوضع
وماتنفع معاهم لا نظره ولا نبرة صوت

شيسون الناس اللي عندهم عيال مايسمعون الكلام؟ ومايخافون من امهم ولا ابوهم؟

[بومحمد المطاوعه]

الصراحه القصه يابومحمد أثرت فيني

كسر خاطري الصبي


الله يهدي جميع الآباء والآمهات ويصلحهم مع عيالهم

اي والله
اقولج انا تقشعر جسمي
اشلون جذي يسوي

ورده فعل الطفل حق ابوه
اقسم بالله هزت قلبي

ياحلو الاطفال واهم يضحكون مع ابهاتهم

الله يحفظ الجميع يارب

[ولد العرب]

انا بس نظره لاعيالي وبناتي الكل صنم بالرغم مانتهج اسلوب الضرب معهم بالبيت ولا اي مكان خلاص عودتهم على العين ماعندي مزح بالامر ذا

[بوحارب]

من وين جايبه هالكلام ولا مره شفت هالشي

[عثرة جواد]

اعرف موظف شخصيته قووويه

قيادي بمعنى الكلمة بس كنترول واعصاب ما فيه

بنظرة عيووونه يخرع عياله خلاص يركدهم
وفي الدوام بصوته

عالعموم قويه اضرب ولدي قدام العالم يمكن اجي وساسره في اذنه او اسحبه على جمب اقوله

برويك

مره ولدي في مجمع في السعودية سوو لي حفله قدام العالم يبي سيارة وكنت توني ماخذ له سيارة

قمت وقلت له حبيبي خلنا نروح السيارة اشووووي قام يرافس ماشاء الله عليه فديته

قمت وشليته زين ما طيح غترتي وكنت مستعد انه القرعه تبين

المهم شليته وعلى طوول السيارة زاعقت عليه قلت له الحين بخليك اهنيه وبرد داخل تخويف بس

سويت نفسي رايح مسكين وهو يطالعني من الجامه وكان عمره 4 سنين

رديت له ونزلته وقلت له خلاص بشتري له السيارة


خلني ارضخ لدموعه فديته





هههههههههههههههههههههههههااااااااااااااااي

تبي الصراحة ماتوقعت شخصيتك جي

ع الصورة والاسم مايناسب

استمتعت بردودك تتكلم بعفويه

[حمد 2002]

ونتي اشدراج انهم يستعرضون ؟

ماعندج شغله الا تراقبينهم ؟

يمكن هم طريقت تعاملهم كذا مع اولادهم ومايصطنعون هالشيء !!

نصيحه غضي البصر ولاتراقبين الناس بكل صغيره وكبيره ،، من راقب الناس مات هما !!


الصراحه ،، لم توفقي بطرح الموضوع ،،

[حمد 2002]

من وين جايبه هالكلام ولا مره شفت هالشي

صادق يافهد :shy:

[راجي الْعفو]

ونتي اشدراج انهم يستعرضون ؟

ماعندج شغله الا تراقبينهم ؟

يمكن هم طريقت تعاملهم كذا مع اولادهم ومايصطنعون هالشيء !!

نصيحه غضي البصر ولاتراقبين الناس بكل صغيره وكبيره ،، من راقب الناس مات هما !!


الصراحه ،، لم توفقي بطرح الموضوع ،،

ياخي انتو الاثنين فله ! ..

الله يوفقكم ..

[بومحمد المطاوعه]

برويك




هههههههههه هالكلمه بتخليه اخر واحد يمشي وراكم :nice:









مره ولدي في مجمع في السعودية سوو لي حفله قدام العالم يبي سيارة وكنت توني ماخذ له سيارة

قمت وقلت له حبيبي خلنا نروح السيارة اشووووي قام يرافس ماشاء الله عليه فديته

قمت وشليته زين ما طيح غترتي وكنت مستعد انه القرعه تبين

المهم شليته وعلى طوول السيارة زاعقت عليه قلت له الحين بخليك اهنيه وبرد داخل تخويف بس

سويت نفسي رايح مسكين وهو يطالعني من الجامه وكان عمره 4 سنين

رديت له ونزلته وقلت له خلاص بشتري له السيارة


خلني ارضخ لدموعه فديته


هههههههههه
يحليله

فديت قلبه الله يطرح البركه فيك وفيه يارب
وان شاءالله تشوفه من البارين لك يارب

احييك على شجاعتتك وصبرك

بس زين ماطلع القرعه خخخخخخخخخ :tease:

كان على طول العالم انستقرام وسناب شات :secret:

[بومحمد المطاوعه]

ونتي اشدراج انهم يستعرضون ؟

ماعندج شغله الا تراقبينهم ؟

يمكن هم طريقت تعاملهم كذا مع اولادهم ومايصطنعون هالشيء !!

نصيحه غضي البصر ولاتراقبين الناس بكل صغيره وكبيره ،، من راقب الناس مات هما !!


الصراحه ،، لم توفقي بطرح الموضوع ،،

ياخي
تقولك ضرب

مب مشكله يمكن اغلطت قالت يستعرضون

بس هل تؤيد الضرب لأبنك .؟
امام الناس وتخليه اضحوكه لهم
؟
وليش طريقتتهم مع ابناائهم كذا
على بالك فله هالشي

ترى مب مرجله هذي ولا سنع الأسلام

جاوب لشاوح بك :anger1:

[حسن]

من وين جايبه هالكلام ولا مره شفت هالشي

ماشفت الواتس اب اللي انتشر قبل فتره

بوحارب شلون تتعامل مع ولدك

:)

[حسن]

الصراحه اشوف قسوه في التعامل مع الابناء انتو شريين لا رؤوف ولا رحمان على قوله برزان للقاضي

هذه نعمه

لكن مر علي واحد من الربع مع ولده الصراحه بغيت اغرقه في البحر

بس استحيت

:)

[بوحارب]

ماشفت الواتس اب اللي انتشر قبل فتره

بوحارب شلون تتعامل مع ولدك

:)

لا

اتعامل معاه بجميع الطرق والحلول

[بومحمد المطاوعه]

الصراحه اشوف قسوه في التعامل مع الابناء انتو شريين لا رؤوف ولا رحمان على قوله برزان للقاضي

هذه نعمه

لكن مر علي واحد من الربع مع ولده الصراحه بغيت اغرقه في البحر

بس استحيت

:)

رحمن
هذي صحيحه

لو غرقته وحطوك ف سجن بوحارب :secret:

[عاهد بن علي]

من المفروض من االاب ان لا يكسر شوكة عياله امام الناس

[حسن]

من المفروض من االاب ان لا يكسر شوكة عياله امام الناس

شدعوه ياعاهد عياله قنافذ لايكسر شوكتهم

في ذمتك ماشفت تلشط العقال ولا الخيازرن برع ايام الطفوله سواء من اب
ولا من جار

:)

[المحاميه]

شكرا بومحمد
معطتك الصلاحيه ترد عني
وكمل معروفك ودافع عني
فيه وحوش أدخلت أهني. :(

[المحاميه]

ياخي انتو الاثنين فله ! ..

الله يوفقكم ..

إشدخلني فيه

لأتربطني فيه

هو له مقصد من هالردود

يبي ينرفزني لكن دا بعده
أهم شيء بومحمد قأعدله

[يمامـة]

في فيلاجيو كان اgزوج مع زوجته وعيالهم الاثنين
واحد من العيال اعتقد مصخها في حنته او شي من هالقبيل
حصل له ذاك الطراق اللي خلاه ينطم وما يفتح حلجه مرة ثانية..

الزوجة سوت نفسها مالها خص في الموضوع
والياهل مشى من غير حس..

الموقف احزنني ... ولكن في الاخير الاب ابخص في تربية ولده
ويعرف له اكثر مننا..

اما بشكل عام للامانة الهواش والصراخ يكون وبنسبة كبيرة من السيدات الفاضلات
في الاماكن العامة على اليهال..


يا تكون بليدة وتخليه يعفس الدنيا.. يا انها تسمع خلق الله الفاظها البذيئة
+ الضرب لمجرد الضرب..

[شبح الصمت]

ياخي
تقولك ضرب

مب مشكله يمكن اغلطت قالت يستعرضون

بس هل تؤيد الضرب لأبنك .؟
امام الناس وتخليه اضحوكه لهم
؟
وليش طريقتتهم مع ابناائهم كذا
على بالك فله هالشي

ترى مب مرجله هذي ولا سنع الأسلام

جاوب لشاوح بك :anger1:


هههههههههههههههههههههههههاي

عالعموم نسخت غير كلامك الموجه لي

ويخلي لك عيالك يالغالي



هههههههههههههههههههههههههااااااااااااااااي

تبي الصراحة ماتوقعت شخصيتك جي

ع الصورة والاسم مايناسب

استمتعت بردودك تتكلم بعفويه



ارحم الله والديج

[طلعة الروح]

الله يعين الآباء على عيالهم خصوصا اليهال اللي صياحهم ينرفز،
انت اللي مالك خص ودك تقوم تضربه :)
الواحد يبي جو صحي بعد يقدر يتسوق او يقعد فيه،

[aloosh]

انا ضد الضرب وصراخ
اللي يبي يعلم عياله ياخذه على جنب وشرح له مره مرتين ثلاث

الضرب والصراخ يعطي نتيجه عكسيه حتى على الشخصيه

[ameeer3]

شدعوه
ولا مره شفت ريال؟

انا دايما اشوف

اممم انا اعتقد وتقريباً تأكدت نظرتي ان بعضهم يستعرضون ويستقون على عيالهم خصوصا لو شاف اللي جدامه حرمه


هذا والله اعلم

يا المحاميه اذا مب عاجبتج مشاركتي لا تشككين في كلامي عيل - انه مب قاعد امزح ومشاركتي ما جبتها من خيالج علشان تقولين اشدعوه

[ameeer3]

هاي الموضوع المفروض ينطرح في مجلة ماجد علشان الاطفال ما يشاغبون ويحصلون ضرب من الحريم المصرعات - وعلى قولت المثل الوقايه خيرمن العلاج

[المحاميه]

هاي الموضوع المفروض ينطرح في مجلة ماجد علشان الاطفال ما يشاغبون ويحصلون ضرب من الحريم المصرعات - وعلى قولت المثل الوقايه خيرمن العلاج


يا المحاميه اذا مب عاجبتج مشاركتي لا تشككين في كلامي عيل - انه مب قاعد امزح ومشاركتي ما جبتها من خيالج علشان تقولين اشدعوه


شكرا لك على ردودك الطيبه
ولايهمك بعد من اليوم وطالع دوم بأييد كلامك وانت صح وانا غلط


طيب انا ماعندي سالفه والاعضاء اللي اسردوا لنا كمن قصه شنو وضعهم بالنسبه لك؟

[qatara]

يا من بكاني وبكا عليه

ولا من ضحكني وضحك عليه


ابرك من بعض الامهات المهملات في البيت وخارج البيت

[المحاميه]

يا من بكاني وبكا عليه

ولا من ضحكني وضحك عليه


ابرك من بعض الامهات المهملات في البيت وخارج البيت

شلون خارج البيت مهملات يعني؟ ممكن توضح

اتهقى يعني اسلوب الضرب والصراخ يخلي الياهل يستعدل وينمي شخصيته؟

[المحاميه]

انا بس نظره لاعيالي وبناتي الكل صنم بالرغم مانتهج اسلوب الضرب معهم بالبيت ولا اي مكان خلاص عودتهم على العين ماعندي مزح بالامر ذا

تقنيتك عجيبه ما شاء الله
عط شبح الصمت كورسات :victory:



من وين جايبه هالكلام ولا مره شفت هالشي

من نسج الخيال :)



الصراحه اشوف قسوه في التعامل مع الابناء انتو شريين لا رؤوف ولا رحمان على قوله برزان للقاضي

هذه نعمه

لكن مر علي واحد من الربع مع ولده الصراحه بغيت اغرقه في البحر

بس استحيت

:)


جان كلمته او نبهته نفس اخونا بومحمد بعد هالامور مافيها مستحى!!!




في فيلاجيو كان اgزوج مع زوجته وعيالهم الاثنين
واحد من العيال اعتقد مصخها في حنته او شي من هالقبيل
حصل له ذاك الطراق اللي خلاه ينطم وما يفتح حلجه مرة ثانية..

الزوجة سوت نفسها مالها خص في الموضوع
والياهل مشى من غير حس..

الموقف احزنني ... ولكن في الاخير الاب ابخص في تربية ولده
ويعرف له اكثر مننا..

اما بشكل عام للامانة الهواش والصراخ يكون وبنسبة كبيرة من السيدات الفاضلات
في الاماكن العامة على اليهال..


يا تكون بليدة وتخليه يعفس الدنيا.. يا انها تسمع خلق الله الفاظها البذيئة
+ الضرب لمجرد الضرب..

كحلوا عيونكم ياللي تقولون من وين جبت هالكلام
وايد نشوف هالمواقف ياليمامه
الله يهدي الجميع



الله يعين الآباء على عيالهم خصوصا اليهال اللي صياحهم ينرفز،
انت اللي مالك خص ودك تقوم تضربه :)
الواحد يبي جو صحي بعد يقدر يتسوق او يقعد فيه،

ليش مايسايسه او يتفق معاه قبل
يعني الضرب هو الحل ف رايج؟



انا ضد الضرب وصراخ
اللي يبي يعلم عياله ياخذه على جنب وشرح له مره مرتين ثلاث

الضرب والصراخ يعطي نتيجه عكسيه حتى على الشخصيه

صادق
اشكرك




ها بعد عشان لحد يتكلم ويقول ماتردين علينا :sneaky: