خدمة الإسعاف بالقرب من الاحياء السكنية ..!

[العلياا]

السلام عليكم ورحمة الله


امس وانا رايحه لبيت رفيجتي شفت نفس الباركنق فيه سيارة اسعاف وغرفة صغيرة اعتقد فيها الموظف
على جانب الشارع مكتوب عليها خدمة الإسعاف
المكان بالضبط وانت نازل من اشارات المناصير لدوار الخزان على يسارك

اعجبتني الفكرة جدا وخصوصا في ظل الزحمة اللي صايرة فتواجد سيارة قريب في كل منطقة يتجنب تأخيرها في وقت الحاجة
اتمنى تكون متواجدة في مناطق متفرقه

والله يكفينا شر الحوادث :)

[للصبر اخر]

اييه انا من فتره شفته عند باركات المول
وبعد في الاحياء اللي صوب دوار سوق العلي
فعلا فكره اعجبتنني جدااا

[توشيبا]

منتشره قي كل مكان

الحادث يصير قدامهم يتمون كم ساعه يدورون وين مكان الحادث في المنظقه

لو مخلين مواليد قطر اقل شي فيها افضل من فلبيني ولا مغربي مصار له يومين من دش قطر

[R 7 A L]

شكراً مؤسسة حمد الطبية

[بصمة قطرية]

وين هاي دوار الخزان ..!:secret:

فكرة حلوة بي مثل ما قال توشيبا
التأخير يصير لأن سائقين الإسعاف
ما يدلون ..!!
كم مرة قلنا مواليد قطر أولى و أفضل ..

[العلياا]

وين هاي دوار الخزان ..!:secret:

فكرة حلوة بي مثل ما قال توشيبا
التأخير يصير لأن سائقين الإسعاف
ما يدلون ..!!
كم مرة قلنا مواليد قطر أولى و أفضل ..

بين دوار مدرسة عثمان بن عفان ودوار السويدي

بصراحة ماعرف شلون نظامهم بس مش مفروض ان اهل المصاب يعطونهم رقم البيت او الشارع
وهم يستخدمون قوقل ماب او جارمن !!!

[شبح الصمت]

خدمة طيبه وكان وهالاقتراح انطرح اهنيه في منتدى الاسهم القطرية من 3 سنين اتوقع ..


فكره طيبه والله يبعد عن المسلمين الامراض والحوادث ويعافيهم ويكفيهم شر المصايب


اللهم آمين

شكراً موسسة حمد
شكراً اختي العليا

[النهار]

منتشره قي كل مكان

الحادث يصير قدامهم يتمون كم ساعه يدورون وين مكان الحادث في المنظقه

لو مخلين مواليد قطر اقل شي فيها افضل من فلبيني ولا مغربي مصار له يومين من دش قطر

والله انك صدقت فيها مع دورات في الاسعاف لهم بدال ماتجيب لك واحد مايدل حتى طريج بيته وتحطه في اخطر واهم جهاز

[بومحمد المطاوعه]

بارك الله فيج

متواجدين على خط بوسمره

وخدمه حلوه الصراحه

وعند جسر سوق العلي




شكرآ يا مؤسسه حمد الطبيه

[Charisma]

وعليكم السلام ورحمه الله وبركاته

مرحبا اختي العليا ..


نعم فكرة يشكرون عليها .. وتواجدهم ايضا بجانب بعض محطات البترول .. ونتمنى استمرار انتشارهم .

[khalid Qtr]

موجودين بعد قبل دوار آل شافي ( عند ابل بيز ) على اليمين
-----
من الضروري تحفظ رقم البيت والمنطقة والشارع لتسهيل الوصول على سيارات الاسعاف

[بوحارب]

عندنا في الخريطيات بعد

وعند محطة وقود ام صلال

[Charisma]

عندنا في الخريطيات بعد

وعند محطة وقود ام صلال
حيا الله شباب الخريطيات الزقرتيه :victory:

[باراكودا]

وعليكم السلام ورحمه الله وبركاته

فكرة جميلة وحاب أشكرالمجلس الاعلى للصحة على الخدمات الرائعة وخاصة التامين الصحي .

[مرتبش]

جميل تواجد سيارات الاسعاف في اماكن مختلفة وقريبة من الناس

وسيكون اجمل لو توافرت الأسرة في مستشفى حمد لعلاج المصابين بعد نقلهم

[aloosh]

هذي اختي ان شاء الله سوف طبق بكل المناطق حتى خط سلوى موجودين

[معماري قطري]

منتشره قي كل مكان

الحادث يصير قدامهم يتمون كم ساعه يدورون وين مكان الحادث في المنظقه

لو مخلين مواليد قطر اقل شي فيها افضل من فلبيني ولا مغربي مصار له يومين من دش قطر

صادق ولو مستخدمين تكنولوجيا تحديد المواقع بسهولة يقدرون يوصلون لأَي مكان

عن بيتنا في نفس المنطقة اللي ذكرتها الأُخت ومرتين استدعينا الاسعاف وصل في خلال دقائق وعنايتهم طيبة وخبراتهم عالية وفاهمين شغلهم وكانوا توانسه الله يحفظهم ويوفقهم في بلدهم الثاني .. والله يعز حكومتنا اللي اهتمت لهذي الجوانب.

[حمد 2002]

دايما اتذمون مستشفى حمد .. ذكروا مزاياهم على الأقل !!

شكرا العليا ومستشفى حمد على تلك اللفته الطيبه ..

[العلياا]

شكراً للجميع على المرور

[بـوصـالـح]

هذي الفكره راح تطبق على جميع مناطق الدوله .. لتسهيل وصول سيارة الاسعاف لآي بلاغ

خصوص في ظل الزحمه الموجوده حاليا فالبلد والشوارع المغلقه

شكرا مؤسسة حمد الطبيه لدعم مخطط خدمات الاسعاف فالدوله