مخالفات المرور غير المقصوده

[طلعة الروح]

كيف يمكن حل والغاء مخالفات المرور غير المقصوده

مثل الوقوف في موقف ممنوع بدون أن ينتبه الفرد للافته
لعدم وضوحها أو كونها أطول من مستوى نظر السائق

يعني مثلا انا وقفت اليوم عند مجمع سنتر بوينت بالوكره ،،
في أحدى المواقف الطولية أو اللي يسمونها الجانبية قدام المبنى ماكانت أدري أنه ممنوع لانه فعلا ماكان واضح لي.

وعقب ماطلعت شفت مخالفيني فقلت خل اطلع وشفت مكان الموقف المذكور من بعيد،، اكتشفت أن فعلا فيه لوحه ممنوع الانتظار أو الوقوف
بس ما تنتبه لها كلش لو انت راكب صالون.

تقبلوا مروري،،

[عاهد بن علي]

في لجنه في المرور تجتمع مرتين في الاسبوع لمثل هذه الحالات

[طلعة الروح]

في لجنه في المرور تجتمع مرتين في الاسبوع لمثل هذه الحالات

زين وأنا شنو دوري لازم أكلم اللجنة؟

[عاهد بن علي]

اتصل الحين بالمرور واسال متى جلسة اللجنه لجنة المخالفات

[aloosh]

مرورنا مقصود او غير مقصوده خلاص دامه لزق تدفع
حتى لو تروح لحد بيقولك نزلت في سستم خلاص

[][ الوحيد ][]

روح و جرب حظك .. و ان شاءالله مابيقصرون معاك و المرور متساهل خصوصا لو انك ماعطلت السير ولا سببت مشاكل و شكله الللي خالفك متملل :)
مثل اللي مر صوب الجم و خالف اللي صافين غلط مع ان مكان مواقف الجم صغير و من زمان يصفون العالم و محد خالفهم بس فجأه جاهم و بدأ يخالف

[fahd]

مخالفة على سيارتي بالغلط
هل تحويلها لنيابة المرور فيه منه فايده

[حليتان*]

اللجنه يوم الثلاثه
بس لاتعب نفسك روح وانت تضحك لما بتجدد استمارة موترك وادفعها
لو قاطع اشارة وله عكس السير وله صفريه ادخل ع اللجنه اما هالمخالفات البسيطه ماينظرون فيها

[jajassim]

مخالفة على سيارتي بالغلط
هل تحويلها لنيابة المرور فيه منه فايده

نعم في فايده قد تسقط المخالفة

[MirusS]

ماعليك أنت روح كلمهم بأسلوب وبيشلونها ترا متساهلين اللجنه
أي شي غير الرادارت بيشلونه لو شرحت الوضع لهم

[fahd]

قدمت اعتراض على المخالفة (الوقوف بالاماكن المخصصة لذوي الا حتياجات الخاصة أو غيرهم) وجاني مسج بانها صحيحه مع اني متاكد مليون بالميه غلط لان السياره بالكراج وكان يوم اجازه وعندي ضيوف بالبيت وما في صوره تثبت مثل الرادار ومع ذلك كنت بقدمها للنيابة لكن نصحوني بالمنتدى وخارج المنتدى اني ما اقدم كون ما راح يشيلونها وانه ممكن تتضاعف المخالفة

[Super Cool]

للأمانة أعرف ان من البنود هو الجهل بالقانون لا يعفي من العقوبة و هي مادة مذكورة لكن أحياناً
تكون في أساباب إنسانية أو منطقة مبهمة أو غير معرفة تنظر فيها اللجنة...عدى ذلك فلا و كثيراً
ما تكررها وزارة الخارجية للأجانب ان اللي يجي للبلد و يخالف قانونها فهو غير معفي من العقوبة
بالتالي أعتقد من باب اولى ان القانون هذا يسري كذلك علينا كمواطنين

جرب حظك ولو تقدر تثبت ان الموقف مبهم ممكن يمشونها

[Abdulraman]

ادفعي المخالفه وفكي عمرج لان سالفه ولجنه وووووواعتبريها دفعة بلا او ادخلي على الضابط وهو يشيلها وبدون لجنه

[Riku3]

نفس المكان تخالفت فيه شهر ظ© .. اللوحه واضحه بس انا كنت اعتقد ان الوقت متأخر قبل اغلاق المجمع بدقائق وان المواقف فاضيه وانا بنزل دقايق وطالع .... بس للاسف تخالفت ودفعتها وانا اضحك :).

[العنيده]

جاتني مخالفه اني واقفه في الممنوع مع اني كنت نايمه :eek5: والسياره في البيت مع شهود السواق كان يغسلها
المهم اني لما كلمت الضابط تبين اختلاف برقم بسيط واجتهاد من شرطي يبي يخلص الدفتر وكان مستعجل :omen2:

للامانه الضباط بالمرور حيل متفهمين وعارفين ان هالاخطاء ممكن تصير اذا ثبت الصح .. يعني لو الاشاره موثابته او واضحه او طايحه
الجهه المسؤوله هي تتحمل escape