مطالبة بتحسين برنامج الداخلية مـطـــراش 2

[Aaziz]

السلام عليكم ورحمة الله

نشكر كل من ساهم في جعل برنامج مطراش 2 من الامور التي سهلت علينا كثير من المشقات

ملاحظات على البرنامج ارجو تحسينها

1- ملاحظة شكلية .. جميع برامج الهواتف تحمل نفس الاسم و اذا تغير البرنامج مثلا تم اضافه تحديث لخيارات جديده او تحسين للأداء تكتفي الشركات بتغيير رقم الاطدار version number
مثلا البرنامج الاول مطراش باسم مطراش فقط و يكون اصدار version 1.0 مطراش 2 الحالي يكون version 1.1
وهذا هو المتعارف عليه في عالم البرامج .

2- الغاء موضوع اني كل ما ابي افتح البرنامج لازم ادخل الباسوورد (عائق بصراحة) نعم اعلم ان البرنامج خطير لو فتح بدون باسوورد لانه ممكن اي حد يبيع سيارتك او رقمك ولكن فيه حلول امنه و بسيطه

الحل الاول الاسهل : يفتح البرنامج بدون باسوورد ولكن عند الضغط على خانة مثلا (نقل ملكية) هنا تطلع لك نافذة منبثقه تطلب ادخال الباسوورد ،، مع مراعات وجود اختصار في واجهة البرنامج الرئيسية للتبليغ عن المخالفات المرورية .

الحل الثاني: هو انتاج برنانج اخر غير مطراش خاص بمخالفات المرور فقط ،، بحيث اعمل تثبيت للبرنامج في تلفوني و يطلب مني لمره واحده فقط عند بدايه ثبيت البرنامج في التلفون ،، ادخال البينات الرسميه مع التفعيل بالرقم الشخصي و رقم التلفون و بعدها من اضغط على برنامج مخالفات المرور فورا يفتح لي على الكيمره و التقاط صوره المخالف .

كل مره ابي ابلغ عن مخالفات مرورية غير مقبوله ولكن يروح الشخص و انا للحين مافتحت البرنامج ،، مابين تدخيل الباسوورد و مابين البحث عن مكان تصوير المخالفات في البرنامج .

وشكرا لكم

[برشلوني قطر]

شكلك طايح مخالفات فالناس بوسعود هههههه

وعندي ملاحظه بالنسبه لمطراش...من كم يوم قدمت خروجيه للخادمه واسحبو من الفيزا والامور طيبه.. راحت المطار والا متصلي الضابط يقولي

مافي خروجيه لها ..ورحت المطار وقدمت من جديد ع الخروجيه..وحتى الشرطه يقولون لا تعتمد ع الخروجيه ف مطراش 2 لان في مشاكل

[ضوى]

ملاحظاتك في محلها وبصراحة البرنامج جدا ممتاز بس للاسف اخاف انزله لزوجي بتلفونه لانه تلفونه مب محمي ابدا ودايما ينساه هنا وهناك وبدون باسوورد ، انا منزلته على جوالي بس اتطمش عالخدمات الموجودة مالي فيه الا مخالفات سياراتي

[7llo]

حالتك صعبه تبي تعدل برنامج مطراش عشان عيزان ادخل الباسورد اعتبره تمرين حق صبعك ياخوك ههههههه, الصراحه برنامج مطراش من احسن البرامج الي استعملها ممتاز والسكيورتي فيه عااالي تضمن انه محد يعرف الباسورد غيرك انت يعطيهم الف الف عافيه وزاره الداخليه على المجهود الطيب

[Aaziz]

ملاحظاتك في محلها وبصراحة البرنامج جدا ممتاز بس للاسف اخاف انزله لزوجي بتلفونه لانه تلفونه مب محمي ابدا ودايما ينساه هنا وهناك وبدون باسوورد ، انا منزلته على جوالي بس اتطمش عالخدمات الموجودة مالي فيه الا مخالفات سياراتي

لا ضوى نزليه لابو العيال ،، البرنامج حمايته ممتازه و حتى لو تلفونه بدون باسوورد ،، البرنامج نفسه مايفتح الا بالباسوورد ،، يعني مافيه خوف من هالناحيه الا اذا باسوورد برنامج مطراش عرفه حد غير امين

[ضوى]

لا ضوى نزليه لابو العيال ،، البرنامج حمايته ممتازه و حتى لو تلفونه بدون باسوورد ،، البرنامج نفسه مايفتح الا بالباسوورد ،، يعني مافيه خوف من هالناحيه الا اذا باسوورد برنامج مطراش عرفه حد غير امين
شورك وهداية الله
شكرا

[Aaziz]

حالتك صعبه تبي تعدل برنامج مطراش عشان عيزان ادخل الباسورد اعتبره تمرين حق صبعك ياخوك ههههههه, الصراحه برنامج مطراش من احسن البرامج الي استعملها ممتاز والسكيورتي فيه عااالي تضمن انه محد يعرف الباسورد غيرك انت يعطيهم الف الف عافيه وزاره الداخليه على المجهود الطيب


ماشفت اصابعي ،، تستاهل صدقني :shy:

الموضوع مش موضوع تعب ياخوي ،، السالفه انه ياخذ منك وقت عشان تدخل الباسوورد و خصوصا اذا انك في السياره ،، الشغله الثانيه شوف الخطوات الي بتحتاجها عشان مثلا توصل لمرحله تصوير مخالفه
1- تضغط على البرنامج
2- تختار اللغه (المفروض اللغه يتم اعتمادها مع بدايه تثبيت البرنامج اول مره)
3- دخل الباسوورد ،، هنا فيه خطاء تقني ،، المفروض بعد ما انتهي من الباسوورد تضغط على (enter) الي موجوده في لوحه المفاتيح و يدخلك على طول ،، الحاصل حاليا انك تضغط انتر و تختفي لوحه المفاتيح في التلفون بدون سبب و تظطر يدويا تضغط على التالي ،، ماعرف شالسبب بصراحه ؟
4- ترجع تضغط التالي
5- تضغط خدمات عامة
6- تواصل معنا

هنا بتكون وصلت للي تبيه ،، بينما ممكن هذا كله يصير بضغطه وحده فقط لو سوو برنامج مستقل للتبليغ عن المخالفات
اوبخطوتين لو الغو موضوع الباسوورد من مطراش الحالي و حطو اختصار في واجهة البرنامج الرئيسيه للتبليغ عن المخالفات .

اتمنى تكون وصلت الفكره
حياك الله يا حلوووو :victory:

[H H]

برنامج رائع جداً جداً ويسهّل كثيير عالناس, الله يعطيهم العافيه حتى بيع السياره وشرائها صار عن طريق الجوال!
خففوا الزحمه على المراكز الحكوميه وريّحوا الناس من المشاوير

بخصوص حاجته للتعديل اتفق معك , البرنامج سرعته ماهي بمستوى الخدمات الي فيه!
مشكلة الدخول كل شوي! متعبه جداً وياليت يحطون باسوورد غير الباسوورد الاساسي وينطلب وقت عمل اي اجراء رسمي مثل البنوك!

شكل البرنامج ايضا يحتاج شوية تعديل, تحس انك داخل مرور الوكره اذا فتحت البرنامج! ودك تقول للبرنامج وش فيك زعلان ؟

يعطيك العافيه

[Aaziz]

^
^
اشكر فن الناس الفاهمه في البرامج .. كل ماذكرته صحيح

[S S]

مرحبا اخوي عزيز ملاحظه بخصوص التصوير اشوف ماله داعي اساسا الأن الشخص الي اتصوره مايتخالف هذا الشي من واقع تجربه اتمنى ازالته وتقبل مروري

[Aaziz]

مرحبا اخوي عزيز ملاحظه بخصوص التصوير اشوف ماله داعي اساسا الأن الشخص الي اتصوره مايتخالف هذا الشي من واقع تجربه اتمنى ازالته وتقبل مروري

ايش :omg:

شلون مايتخالف ،، خدمة موجوده و امر تكلمو فيه كثيرا

مصيبه اذا مايتخالف ،، صدمتني والله

[فريج النجادة]

اليوم صاري ثلاث ساعات وانا احاول اسوي خروجية للخادمة

ادخل رقم الخادمة الشخصي واضغط اضافة

ويتم شاير ولا يفتح معاي !!!

اتصلت على مطراش 2342000

قالو لي راجع الجوازات !!!

[S S]

ايش :omg:

شلون مايتخالف ،، خدمة موجوده و امر تكلمو فيه كثيرا

مصيبه اذا مايتخالف ،، صدمتني والله

خذها مني والله ومن عقبها غسلت يدي وقلت ليش اتعب نفسي على الفاضي

[Aaziz]

اليوم صاري ثلاث ساعات وانا احاول اسوي خروجية للخادمة

ادخل رقم الخادمة الشخصي واضغط اضافة

ويتم شاير ولا يفتح معاي !!!

اتصلت على مطراش 2342000

قالو لي راجع الجوازات !!!

اذا تلفونك ايفون
اضغط على الزر المدور الي تحت ضغطتين ورى بعض
بتفتح لك البرامج الي شغاله بتلفونك كلها .. سكرها .. طريقه التسكير اما بتلقى اكس صغيره على البرنامج ،، اضغطها و بيتسكر اما انك تمسك البرنامج بصبحك و ترفعه فوق في شاشه التلفون بسرعه ،، كانك تحذفه فوق .
و اذا سكرت كل البرامج .. اضغط في وقت واحد على الزر المدور الي في اسفل الشاشه مع الزر الي فوق في التلفون الي يبند التلفون ضغطه طويله (الزرين مع بعض) لين تطفي الشاشه و تطلع لك علامه التفاحه عقب هد ،، و امورك في السليم ان شاء الله .
تلفونك شاير لا اكثر

[Aaziz]

خذها مني والله ومن عقبها غسلت يدي وقلت ليش اتعب نفسي على الفاضي


لا اله الا الله ،، لين اليوم انا متقيد بالسواقه القانونيه و كل يوم اقول شكلي انا الي ماشي غلط

[MAZEN37]

انا لو شفت واحد يخالف قدامي ما راح اصور واطرش للمخالفات
الي يدور اذية الناس ما راح يتوفق
موضوع المخالفات لها ناس من الدوله شغلتها هذه

[Aaziz]

معليش اخ مازن ، مع احترامي و تقديري لك
ياليت نكون احترافيين شوي في التعليق ، الي تكلمت فيه مش موضوعي هنا و سبق نزل موضوع تناقشنا فيه باستفاضه في مسئله اني اصور الي يخالف او لا.

ولكني نظطر ارد عليك لانه مداخلتك راح تبقى في الموضوع هذا.
الله يسلمك ابواب الشهامه و الطيب دروبها معروفه ولاتخفى علينا. و ان صورنا شخص فهو شخص مخالف تعدى بكل وقاحه على حدود الاخرين و انا واحد منهم. ما تصورنا شخص امن مسالم في بيته عشان نؤذيه على حد تعبيرك.
رغم ان اتاحه فرصه مخالفه المتجاوز اتيحه لنا عن طريق برنامج مطراش التابع لوزاره الداخليه القطريه. فهل الدوله تدعم ماتدعيه باذيه الناس !!
هي قناعات و انا من الناس المقتنعين باني ما اتجاوز على القانون و حقوق الاخرين تحت اي ظرف ،، ولكن لن اسمح بان يتعدى احد علي فكلنا على عجله و كلنا طفرانيين من الزحمه.
ختاما وليس ضروره ان اذكر هذا.
المخالفات الي انوي اصورها مخالفات صارخه جدا كما حصل بالامس في دوار المرور متجه غرب جهه غرناطه. باص من اكبر الباصات متجاوز من اليمين و اغلق الطريق على من ينوي ان يتجه يمين قبل الدوار و ايضا دخل على مسار الناس الي بيدخلون الدوار و انا واحد منهم.
وقبله باص كروه من الكبار.
هل المطلوب اعطيه ورده مثلا !!!
او هل يحق لي افترض ان معارض موضوع تصوير المخالفين بانه هو نفسه يخالف و مايبي حد يصوره ؟؟

فضلا لا امرا اتمنى محد يتطرق لهذي النقطه

[فريج النجادة]

اذا تلفونك ايفون
اضغط على الزر المدور الي تحت ضغطتين ورى بعض
بتفتح لك البرامج الي شغاله بتلفونك كلها .. سكرها .. طريقه التسكير اما بتلقى اكس صغيره على البرنامج ،، اضغطها و بيتسكر اما انك تمسك البرنامج بصبحك و ترفعه فوق في شاشه التلفون بسرعه ،، كانك تحذفه فوق .
و اذا سكرت كل البرامج .. اضغط في وقت واحد على الزر المدور الي في اسفل الشاشه مع الزر الي فوق في التلفون الي يبند التلفون ضغطه طويله (الزرين مع بعض) لين تطفي الشاشه و تطلع لك علامه التفاحه عقب هد ،، و امورك في السليم ان شاء الله .
تلفونك شاير لا اكثر

سويت كل ما ذكرت ولا فية فايدة مع الاسف !!!

[Aaziz]

^
^
اخر حل ،، احذف البرنامج و سو ري ستارت لجهازك و رد نزل البرنامج من جديد
و اذا ما اشتغل معناته في مشكله ثانيه مش من التلفون ولا من البرنامج
موفق

[aloosh]

انا اعتقد انه بيكون فيه تطوير افضل في الاصدار القادم
الموجود حلو ويوفي بالغرض والبرنامج لو دخل فيه انك تدخل بدون باس ورد وعند الطلب تدخل الباس ورد بسهوله انك تقدر تحايل على التطيبق الهكر عقول جباره من وجه نظري انه يتم مجرد ما تغلق البرنامج وتفتحه يطلب باس ورد

[Aaziz]

^
^
الشوق : مثل هالبرامج حمايتها قويه جدا و متابعه من هالناحيه على مدار الساعه . و اعتقد الي بيتغلب على البرنامج و يخترقه بيخترقه سواء الباسوورد في البدايه او في الوسط .
حلو ان الواحد يحسب حساب اسواء الاحتمالات لكن مش بالطريقه الي تعيق التطوير .
مشكور على مشاركتك

[شيخ الديرة]

واذا الأخوان المسؤولين متابعين هذه المشاركات, أرجو كذلك أضافة خاصية الحصول على تقرير دخول وخروج لكل من هم على كفالتك, الحين لك فقط.

[7llo]

ماشفت اصابعي ،، تستاهل صدقني :shy:

الموضوع مش موضوع تعب ياخوي ،، السالفه انه ياخذ منك وقت عشان تدخل الباسوورد و خصوصا اذا انك في السياره ،، الشغله الثانيه شوف الخطوات الي بتحتاجها عشان مثلا توصل لمرحله تصوير مخالفه
1- تضغط على البرنامج
2- تختار اللغه (المفروض اللغه يتم اعتمادها مع بدايه تثبيت البرنامج اول مره)
3- دخل الباسوورد ،، هنا فيه خطاء تقني ،، المفروض بعد ما انتهي من الباسوورد تضغط على (enter) الي موجوده في لوحه المفاتيح و يدخلك على طول ،، الحاصل حاليا انك تضغط انتر و تختفي لوحه المفاتيح في التلفون بدون سبب و تظطر يدويا تضغط على التالي ،، ماعرف شالسبب بصراحه ؟
4- ترجع تضغط التالي
5- تضغط خدمات عامة
6- تواصل معنا

هنا بتكون وصلت للي تبيه ،، بينما ممكن هذا كله يصير بضغطه وحده فقط لو سوو برنامج مستقل للتبليغ عن المخالفات
اوبخطوتين لو الغو موضوع الباسوورد من مطراش الحالي و حطو اختصار في واجهة البرنامج الرئيسيه للتبليغ عن المخالفات .

اتمنى تكون وصلت الفكره
حياك الله يا حلوووو :victory:

الشيخ ماتبي بعد صبي يفتح لك التلفون هههههههههه كسل كسل ياخوي عود نفسك على النشاط ترا كل الخطوات الي كتبتها ماتاخذ غير 10 ثواني ولا بالثكير 20 ثانيه , مطراش خدمه ممتازه ماعليها كلام

[Aaziz]

واذا الأخوان المسؤولين متابعين هذه المشاركات, أرجو كذلك أضافة خاصية الحصول على تقرير دخول وخروج لكل من هم على كفالتك, الحين لك فقط.

شيخ الديره ،، وضح المقصود .. الي اعرفه حاليا انه لو خدامه او سايق على كفالتك و طلع ولا دخل من المطار تجيك رساله ؟
هل تغير النظام ولا انك تقترح شي اخر ؟


الشيخ ماتبي بعد صبي يفتح لك التلفون هههههههههه كسل كسل ياخوي عود نفسك على النشاط ترا كل الخطوات الي كتبتها ماتاخذ غير 10 ثواني ولا بالثكير 20 ثانيه , مطراش خدمه ممتازه ماعليها كلام

اذا وقتك يسمح قدم السيفي و بفكر ،، اعتقد انك قاعد تشارك في مجال مالك إلمام فيه (التقنيات و البرامج) الي قاعدين نتكلم فيه اشياء اساسية و هذا برنامج حكومي مش برنامج شخصي ،، انت تنظر له كسل .
مبرمجين وزاره الداخليه او المسؤولين عن البرنامج اعتقد يهمهم كل ملاحظه جاهزة تخص تطوير البرنامج.
هدي اللعب بارك الله فيك

[شيخ الديرة]

شيخ الديره ،، وضح المقصود .. الي اعرفه حاليا انه لو خدامه او سايق على كفالتك و طلع ولا دخل من المطار تجيك رساله ؟
هل تغير النظام ولا انك تقترح شي اخر ؟


لم يتغير, الرسالة تصل لما أحد من الذين كافلهم يدخل او يخرج. ولكن هناك خاصية أخرى موجودة ضمن تطبيق مطراش 2 يمكنك أن تحصل على قائمة بحركات الدخول والخروج, ولكن لي فقط, أود الحصول على تلك القوائم لمن أكفلهم لأثبات بقاؤهم داخل قطر

[دوحة الجميع]

في برنامج مطراش ، لما تكون فاتح البرنامج وتسوي مثلاً خروجية للخدامة ويجي واحد من أصدقائك ويتصل فيك وترد عليه وبعدين تبي ترجع لبرنامج المطراش ، تلاقيه مغلق ، ولازم ترجع تسوي كل شي من الصفر . وإيش رأيك يا Aaziz

[captin]

مرحبا الأخ عزيز وشكرا على طرح الملاحظات على برنامج مطراش

فعلا برنامج مطراش برنامج مميز ويؤدي خدمة كبيرة للناس في انجاز
كثير من المعاملات بطريقة سهلة والكترونية وشكرا على الملاحظات اللي طرحتها لتطوير
البرنامج مثل سالفة كل مرة ترجع تدخل الباسورد لان في كثير من الاحيان تحتاج
تروح الملاحظات في الجوال تاخذ بيانات وترجع للبرنامج تحتاج تدخل من جديد. هذا مثال واحد.

من ملاحظاتي على البرنامج

انك لو منزله على الايفون والايباد ونت تستخدمه بصفة مستمرة على الايفون
وحبيت تستخدمه على الايباد لسبب من الاسباب تسوي اعدادات خاصة من جديد مع وزارة الداخلية
والعكس صحيح لو حبيت ترجع مرة ثانية على الايفون بعد ترجع تسوي الاعدادات .
المفروض يكون لك حساب فيه اسم المستخدم والباسورد وتقتدر تفتح البرنامج من اي جهاز
حتى من الكومبيوتر العادي , الحكمة انك مستخدم ومتى ما احتجت الدخول تقدر تدخل من اي جهاز وفي اي وقت.

الملاحظة الثانية ان البرنامج كثير من الاحيان يشير وتقعد فترة طويلة تحاول تسوي معاملة
وما تم المعاملة مثل الخروجيات واللي يصير احيانا يصير خصم المبلغ وما اتم المعاملة يعني
لازم تعيدها مرو ثانية وراح ينخصم المبلغ مرة ثانية .

ايضا الدخول لمعرفة الناس اللي على الكفالة يتم حاليا انك تطلع لك قائمة باسماء الشركات
وتحت كل شركة اسماء الناس اللي على الكفالة المفروض تكون فيه خاصية بعد ما تدخل على الشركة
وعلى اسم الموظف وتشوف بياناته انك تقدر مباشرة تسوي اي معاملة تخص هذا الموظف او العامل مثل تصريح سفر او تجديد
اقامة او موافقة على نقل الكفالة الخ من غير ما ترجع من البداية وتدخل البيانات .

انا ودي القائمين على البرنامج يطورونه بشكل عملي أكثر كالتالي :

يغيرون الايكون ويسوونه مودرن ويلغون عنه الصفة الرسمية الحكومية بشعار الدولة

سهولة تنزيل البرنامج على كافة الاجهزة والدخول من اي جهاز باسم المستخدم والباسورد
من الايفون من الايباد من البي سي .

تكون خاصية التسجيل من التطبيق نفسه بخطوات تفصيلية ويكون فيها ادخال بطاقة ائتمانية او أكثر
والعنوان الشخصي وارقام الهواتف الاساسية.

لما تفتح البرنامج يكون فيه أربعة ايقونات رئيسية
شخصي personal
أعمال business
خدمات services
اعدادات settings

في ايقونة شخصي تكون فيها كل المعاملات الشخصية للمستخدم
مثل الكفالات الشخصية والسيارات الخ .

في ايقونة الاعمال يكون فيها مجموعة المعاملات اللي تقدم للقطاع التجاري
وتندرج تحتها اسماء الشركات والموسسات اللي يكون الشخص مخول بالتوقيع عليها
ويقدر يسوي كافة المعاملات من خلالها.

في ايقونة الخدمات يكون فيها معلومات وشرح عن كافة الخدمات اللي تقدمها الوزارة
واجراءات ومتطلبات تقديم الخدمة وبعض المعلومات الاساسية عن دولة قطر والموسسات الحكومية
الاخرى وارقام هواتفها .

في ايقونة الاعدادات يمكن من خلالها الدخول لإجراء التعديلات على الحساب سواء اسم المستخدم
او الباسورد او تعديل ملف المستخدم او ادخال بطاقة ائتمانية جديدة او تعديل في العنوان الخ.

ومع تطوير التطبيق يحتاج تفعيل خاصية الايميلات فالمفروض يرسل للمستخدم ايميل عن كل معاملة بالتفاصيل
بحيث ان المستخدم يقدر يطبعها ويحفظها للرجوع لها او للمتابعة . ايضا ارسال الايميلات عند انتهاء تاريخ البطاقة
الائتمانية في حال وجود امكانية تخرين بيانات البطاقة الائتمانية .
ارسال ايميلات في حال اضافة خدمة جديدة او تعديل على الاجراءات .

بشكل عام التطبيق يؤدي دور ممتاز ومهم وانا شخصيا استخدمه باستمرار لكن يحتاج تطوير مثل ما ذكرنا
حتى يكون عملي وسهل أكثر .

[الكواري 1972]

مشكلة نقل ملكية السياره او رقمك المميز

اذا عليك مخالفه ماتخص السياره او الرقم

يقولك بمعنى سدد اللي عليك وبعدها سو اللي يعجيك

وهنا لابد منك الذهاب الى اقرب مرور وتجابل زحمة الطريق وزحمة انتظار لين يجي دورك

وهذه نقطه جدا مهمه لابد حلها

ويعطيكم العافيه

[Aaziz]

لم يتغير, الرسالة تصل لما أحد من الذين كافلهم يدخل او يخرج. ولكن هناك خاصية أخرى موجودة ضمن تطبيق مطراش 2 يمكنك أن تحصل على قائمة بحركات الدخول والخروج, ولكن لي فقط, أود الحصول على تلك القوائم لمن أكفلهم لأثبات بقاؤهم داخل قطر

فمت عليك .. و طلبك هذا استدرجني لسؤال ... هل مطراش2 متوفر كـ موقع اقدر ادخل عليه من الكمبيوتر ؟ ما اعتقد انه فيه موقع ولو كان فيه موقع كان بسهوله بيكون فيه خاصيه طباعه المعلومة الي تبيها .




في برنامج مطراش ، لما تكون فاتح البرنامج وتسوي مثلاً خروجية للخدامة ويجي واحد من أصدقائك ويتصل فيك وترد عليه وبعدين تبي ترجع لبرنامج المطراش ، تلاقيه مغلق ، ولازم ترجع تسوي كل شي من الصفر . وإيش رأيك يا Aaziz

هذا يرجع لنقطه الامان و اعتقد اغلب المواقع بالطريقه هذي .. مثلا تحجز تذكره او فندق .. اذا وقفت في منتصف الخطوات مايعتمد العمليه
بالعربي مطراش اذا ماستخدمته لثواني معينه يتسكر و هذي اشوفها نقطه ايجابيه (احد برامج البنوك عندي نفس الشي)

[Aaziz]

مرحبا الأخ عزيز وشكرا على طرح الملاحظات على برنامج مطراش

فعلا برنامج مطراش برنامج مميز ويؤدي خدمة كبيرة للناس في انجاز
كثير من المعاملات بطريقة سهلة والكترونية وشكرا على الملاحظات اللي طرحتها لتطوير
البرنامج مثل سالفة كل مرة ترجع تدخل الباسورد لان في كثير من الاحيان تحتاج
تروح الملاحظات في الجوال تاخذ بيانات وترجع للبرنامج تحتاج تدخل من جديد. هذا مثال واحد.

من ملاحظاتي على البرنامج

انك لو منزله على الايفون والايباد ونت تستخدمه بصفة مستمرة على الايفون
وحبيت تستخدمه على الايباد لسبب من الاسباب تسوي اعدادات خاصة من جديد مع وزارة الداخلية
والعكس صحيح لو حبيت ترجع مرة ثانية على الايفون بعد ترجع تسوي الاعدادات .
المفروض يكون لك حساب فيه اسم المستخدم والباسورد وتقتدر تفتح البرنامج من اي جهاز
حتى من الكومبيوتر العادي , الحكمة انك مستخدم ومتى ما احتجت الدخول تقدر تدخل من اي جهاز وفي اي وقت.


شوف اخوي بخصوص هالنقطه ،، المفروض انه يطلب منك اعدادات جديده في حال نزلته على جهاز جديد لاول مره فقط ،، الي فهمته من كلامك ،، انه مثلا لو عندك تلفونين (ايفون و سامسونغ) و منزله عليهم .. اذا استخدمته على الايفون و لسبب ما جيت تبي تستخدمه على السامسونغ بيطلب منك اعدادات جديده و بيحذف تعريف جهاز الايفون الي سبق و دخلت منه ،، و اذا تبي تستخدم الايفون لازم ترد مره ثانيه تسوي اعدادات البرنامج من جديد .
اذا الوضع بهذا الشكل اشوف انه هذي نقطه تحتاج تعديل و المفروض يطلب منك الاعدادات في اول مره تقوم بتنصيب البرنامج على جهاز جديد .
ولكن مثلا مايفتح البرنامج في التلفونين مع بعض على حساب نفس الشخص


الملاحظة الثانية ان البرنامج كثير من الاحيان يشير وتقعد فترة طويلة تحاول تسوي معاملة
وما تم المعاملة مثل الخروجيات واللي يصير احيانا يصير خصم المبلغ وما اتم المعاملة يعني
لازم تعيدها مرو ثانية وراح ينخصم المبلغ مرة ثانية .

هذي ملاحظه سيئه جدا مع انه احتمال مثل هذي المشكله تصير بسبب ردائة سرعه الانتر نت في جوالك ،، و قد تكون من سيرفر البرنامج .
من الضروري وضع رقم مطراش في اسفل واجهه البرنامج للتواصل المباشر فور حدوث خطاء و خصوصا خطاء مالي .

ايضا الدخول لمعرفة الناس اللي على الكفالة يتم حاليا انك تطلع لك قائمة باسماء الشركات
وتحت كل شركة اسماء الناس اللي على الكفالة المفروض تكون فيه خاصية بعد ما تدخل على الشركة
وعلى اسم الموظف وتشوف بياناته انك تقدر مباشرة تسوي اي معاملة تخص هذا الموظف او العامل مثل تصريح سفر او تجديد
اقامة او موافقة على نقل الكفالة الخ من غير ما ترجع من البداية وتدخل البيانات .

ارفع لك القبعة على هذه الملاحظة

انا ودي القائمين على البرنامج يطورونه بشكل عملي أكثر كالتالي :

يغيرون الايكون ويسوونه مودرن ويلغون عنه الصفة الرسمية الحكومية بشعار الدولة

سهولة تنزيل البرنامج على كافة الاجهزة والدخول من اي جهاز باسم المستخدم والباسورد
من الايفون من الايباد من البي سي .

هذي انا معاك فيها ولكن اتوقع لاسباب امنيه غير متاحه هذه الخدمه ،، لاتنسى البرنامج موصول مع سيرفرات الداخليه

تكون خاصية التسجيل من التطبيق نفسه بخطوات تفصيلية ويكون فيها ادخال بطاقة ائتمانية او أكثر
والعنوان الشخصي وارقام الهواتف الاساسية.

صحيح و ملاحظه في غايه الاهميه ،، ياريت تظاف خاصيه حفظ معلومات البطاقه الاتمانيه في البرنامج لسهوله استخدامها كل مره

لما تفتح البرنامج يكون فيه أربعة ايقونات رئيسية
شخصي personal
أعمال business
خدمات services
اعدادات settings

في ايقونة شخصي تكون فيها كل المعاملات الشخصية للمستخدم
مثل الكفالات الشخصية والسيارات الخ .

في ايقونة الاعمال يكون فيها مجموعة المعاملات اللي تقدم للقطاع التجاري
وتندرج تحتها اسماء الشركات والموسسات اللي يكون الشخص مخول بالتوقيع عليها
ويقدر يسوي كافة المعاملات من خلالها.

في ايقونة الخدمات يكون فيها معلومات وشرح عن كافة الخدمات اللي تقدمها الوزارة
واجراءات ومتطلبات تقديم الخدمة وبعض المعلومات الاساسية عن دولة قطر والموسسات الحكومية
الاخرى وارقام هواتفها .

في ايقونة الاعدادات يمكن من خلالها الدخول لإجراء التعديلات على الحساب سواء اسم المستخدم
او الباسورد او تعديل ملف المستخدم او ادخال بطاقة ائتمانية جديدة او تعديل في العنوان الخ.

مابي افتي :)

ومع تطوير التطبيق يحتاج تفعيل خاصية الايميلات فالمفروض يرسل للمستخدم ايميل عن كل معاملة بالتفاصيل
بحيث ان المستخدم يقدر يطبعها ويحفظها للرجوع لها او للمتابعة . ايضا ارسال الايميلات عند انتهاء تاريخ البطاقة
الائتمانية في حال وجود امكانية تخرين بيانات البطاقة الائتمانية .
ارسال ايميلات في حال اضافة خدمة جديدة او تعديل على الاجراءات .

صح صح صح :victory:

بشكل عام التطبيق يؤدي دور ممتاز ومهم وانا شخصيا استخدمه باستمرار لكن يحتاج تطوير مثل ما ذكرنا
حتى يكون عملي وسهل أكثر .



تعليقي باللون الاحمر داخل الاقتباس اعلاه

اشكر مشاركتك القيمه اخ كبتن ،، واضح انك مستخدم دائم لهذا البرنامج
بارك الله فيك

[Aaziz]

مشكلة نقل ملكية السياره او رقمك المميز

اذا عليك مخالفه ماتخص السياره او الرقم

يقولك بمعنى سدد اللي عليك وبعدها سو اللي يعجيك

وهنا لابد منك الذهاب الى اقرب مرور وتجابل زحمة الطريق وزحمة انتظار لين يجي دورك

وهذه نقطه جدا مهمه لابد حلها

ويعطيكم العافيه

الله يعافيك يالكواري ... اعتقد تقدر تدفع مخالفاتك بالنت ،،، ماجربت بس اظن متوفره هالخدمه

الي المفروض يتوفر هو دفع المخالفات هاتفيا (عن طريق المجيب الآلي) نفس ما تدفع فاتوره تلفونك في اوريدو بالتلفون ،، تدخل رقم التلفون ثم رقم الفيزه و تضغظ 1 لدفع المبلغ المستحق .
المرور المفروض يوفرون هذي الخدمة